Author: webrwanda

Umukinnyi wa filime Nyarwanda, Dusenge Clenia wamamaye nka Madederi, yavuze ko ikintu kimushimisha kuruta ibindi byose ari ukuba yarisanze ari umunyarwndakazi.

Ni mu kiganiro yagiranye n’ikinyamakuru ISIMBI cyagarutse ku buzima bwe bwo hanze y’akazi ko gukina filime asanzwe akora.

Madederi avuga ko muri filime yakinnye, filime yamugoye ari iya Papa Sava akinamo n’ubu kuko bimusaba kwihinduranya akina 'role’ zitandukanye rimwe na rimwe zidafite aho zihuriye n’imico ye.

Ati 'Iyo nakinnye ikangora cyane ni Papa Sava kubera ko habamo ibintu byinshi kugira amahane, kurwana, gutukana, mbere byabanje kungora, kwigira umuntu utari we utukana noneho ntuka abagabo, nisanga akenshi bampaye gukina ntuka abagabo rero birangora cyane, gusa ntibikingora cyane namaze kubimenyera mbigira akazi.'

Akomeza avuga ko iyo yabonye akanya yaruhutse atari mu kazi, undi mwanya awumara ari mu rugo aruhuka ubundi akaba arimo asenga.

Ikindi kintu ajya akora mu rwego rwo kwishimisha ni 'Njye nkina Volleyball na Basketball. Nkiri mu mashuri yisumbuye najyaga nkina Basketball ariko ntabwo nigeze ntekereza ko nabigira akazi.'

Uyu mukinnyi wa filime ukunzwe cyane yavuze ko mu buzima bwe bwose ikintu cyamushimishije ari ukuba yaravutse akisanga ari umunyarwandakazi.

Ati 'Ikintu cyanshimishije mu buzima bwanjye bwose? Ni ukuba ndi Umunyarwandakazi, icyo kintu kiranshimisha, buri gihe iyo mbitekereje biranshimisha cyane.'

Kimwe mu bintu yavuze ko byamubabaje ari ukwisanga atazi kuririmba no kuba adafite n’ikibuno kinini benshi bita 'Nyash.’

Ati 'Ibyambabaje ni byinshi. Kwisanga ntazi kuririmba no kuba ntafite Nyash [hahaha]. Njya numva abantu babivugaho, iyo numvise babivugaho nanjye mpita mbitekerezaho ariko tutibagiwe ko iyi 'taille’ yacu igezweho, nababeshyaga.'

Yemeje ko mu buzima bwe hari abantu bamubabaje atarababarira ndetse atanakwemeza ko azabababarira ariko ngo ni ukubiha igihe akareba uko bizagenda.

Yavuze ko yababajwe no kuba atazi kuririmba

Yishimira kuba yarasanze ari umunyarwandakazi

Theo Bosebabireba yahishuye inzira y’umusaraba yaciyemo yabanjirije urupfu rw’umubyeyi we witabye Imana yarameze ihembe bigatuma abura umuntu umuterura mu gihe cyo kumusezeraho bwa nyuma.

Uwiringiyimana Theogene wamenyekanye mu muziki wo kuramya no guhimbaza Imana nka Theo Bosebabireba yasobanuye ko muri 2003 ubwo umubyeyi yapfaga, abantu bose kugeza no kuri bagenzi be baririmbanaga muri Korale yo mu itorero yasengeragamo banze kumuterura kubera urwikekwe rwari rwatewe n’icyamwishe byakekwaga ko ari imyuka mibi.

Mu kiganiro na ISIMBI, Bosebabireba yavuze ko byageze ku rwego rw’aho pasiteri wari waje kuyobora umuhango wo kumuherekeza bwa nyuma yaciye bugufi akinginga abakristu barengaga ijana bari bateraniye aho ariko bose bagatinya guterura umuntu witabye Imana afite ihembe rimeze nk’iry’ihene ku mutwe.

Aho yagize ati 'Pasiteri yakomeje kubinginga barangije baramubwira bati ‘wowe ntuzi amakuru, ikintu cyishe uyu muntu ntabwo tugisobanukiwe neza ariko dukeka ko ari amajyini.’ Babivugaga kuko babonaga mama yapfuye yarameze ihembe ry’ihene mu gahanga.'

Theo yakomeje agaragaraza ko uku kwitarutsa mu guterura umurambo w’umubyeyi we kwakomeje kugera ku rwego rw’aho uyu mukozi w’Imana yatangiye kwifashisha ingamba z’ikimeze nko gukangisha benshi mu bari aho babaririmbaga muri Chorale kuzahagarikwa kuririmba mu materaniro rusange yo ku cyumweru .

Ati 'Pasiteri yavuze ko azahagarika korali zose hanyuma umugabo umwe aramubwira ngo nushake uzatwirukane burundu hanyuma nawe umuterure.'

Uyu muhanzi yanakomoje ku bihe by’ubukene umuryango we warimo ubwo umubyeyi we yavaga mu buzima bw’isi kugera ku rwego rwo kubura amikoro yo kwigondera isanduka yo kumuherekezamo bisaba ko hifashishwa intebe mu kubona imbaho zo kubaza iciriritse.

Theo Bosebabireba yavuze ko mama we yitabye Imana yarameze ihembe

Umukinnyi wa fillime nyarwanda, Mutoni Assia usanzwe utuye muri Amerika, yakiriye benshi mu byamamare nyarwanda, inshuti n’umuryango mu rwego rwo gusangira nabo abereka umugabo n’abana yabyariye muri Amerika.

Ni mu muhango wabaye ku Cyumweru tariki ya 22 Werurwe 2026 Kicukiro mu Mujyi wa Kigali, hari nyuma y’uko uyu wakunzwe mu mafilime menshi yageze mu Rwanda saa saba z’ijoro (tariki ya 18 Werurwe 2026) aho yari kumwe n’umugabo we, Uwizeye Mohammed n’abana babo babiri.

Mu kiganiro na ISIMBI, Assia aheruka kuvuga uburyo kubyarira muri Amerika byamugoye cyane, bituma anyura mu buzima butoroshye.

Ati 'Ubwa mbere byarangoye kuko ibere ryanze kuvamo amashereka, rirabyimba cyane kugeza aho buri munsi najyaga mpamagara mama. Njyewe n’ubu iyo mbyibutse mpita mpinduka undeba kubera ukuntu namaze iminsi ndwaye agahinda gakabije ndetse nanga no konsa umwana wanjye kubera ububare budasanzwe numvaga.'

Ubwo yakiraga ibi byamamare, Assia akaba yaravuze ko impamvu yahisemo kubahuriza hamwe ari uko yabonaga guhura umwe kuri umwe byari kuzagorana.

Ati 'Nari nkumbuye abantu benshi ariko nkabona umwe umwe muhamagaye ntabwo byakunda, nibwo twatekereje ngo tubahurize hamwe ntabwo bazi abana bacu, hari n’abatazi umugabo wanjye, nanjye hari inshuti ze zitanzi. Turavuga ngo tubahurize hamwe dusangire, tubereke abana, twishime.'

Bamwe mu byamamare bitabiriye ubu butumire barimo Bamenya, Nyambo, Samusure, Irene Murindahabi, Clapton Kibonke n’abandi benshi

Byari ibyishimo kuri Assia n’umugabo we Uwizeye Mohammed

Beretse abitabiriye abana babyariye muri Amerika

Clapton Kibonke

Njuga na we yari ahari

Samusure ni we wari umusangiza w’amagambo

Nyambo na Rufonsina

Nyambo umwe mu bagezweho muri sinema nyarwanda

Niyo Bosco n’umufasha we bari bahari

Umuhanzikazi Bwiza Emerence na Kayitesi Alice uzwi nka Linda

Umunyamakuru Murindahabi Irene

Bamenya na Clapton Kibonke

Killaman n’umugore we bari bahari

Ku munsi w’ejo ku wa Gatatu tariki ya 25 Werurwe, RSSB Tigers izahaguruka mu Rwanda yerekeza muri Afurika y’Epfo aho izaba igiye gukina ijonjora ryo gushaka itike y’imikino ya nyuma ya BAL 2026 izabera i Kigali muri Gicurasi.

Iyi kipe yagiye isimbura APR BBC yikuye muri iri rushanwa, iri mu itsinda rya Kalahari Conference rizakinira muri Afurika y’Epfo, Pretoria guhera tariki ya 27 Werurwe kugeza ku ya 4 Mata 2026.

RSSB izaba ihagarariye u Rwanda, ikaba izifashisha umutoza wa APR BBC, James Maye Jr uzaba wungirije Henry Mwinuka, abakinnyi 6 ba APR BBC barimo
Axel Mpoyo, Ntore Habimana, Ndizeye Dieudonne, Mangok Mathiang, Teafale Leonard Jr na Graig Leonard Randle.

Abandi ni Antino Jackson, Hagumintwari Steven, Bizimana Paul, Viny Okouo ba Tigers, Cyiza Chandelier wa Kepler BBC na Furaha Cadeaux de Dieu wa REG BBC.

Tigers BBC izaba ihatana n’amakipe arimo Johannesburg Giants yo muri Afurika y’Epfo, Al Ahly Tripoli yo muri Libya, Dar City yo muri Tanzania, Nairobi City Thunder yo muri Kenya na Petro de Luanda yo muri Angola.

Itsinda rya Sahara Conference ryo ririmo Fath Union Sport Rabat yo muri Maroc ahazabera irushanwa, Al Ahly yo mu Misiri, ASC Ville de Dakar yo muri Sénégal, Club Africain yo muri Tunisia, JCA Kings yo muri Côte d’Ivoire na Maktown Flyers yo muri Nigeria.

Amakipe ane azitwara neza muri buri tsinda, azahurira i Kigali mu Rwanda bakina 1/4 guhera tariki ya 22 kugeza 31 Gicurasi 2026.

Tigers BBC ejo izerekeza muri Afurika y’Epfo

Minisitiri Mukazayire Nelly yayisuye mu myitozo

Umutoza wa Etincelles FC, Bizimana Abdul uzwi nka Bekeni yavuze ko itangazamakuru ritagiye rimubanira ko inshuro zose yagiye ava mu kazi byaterwaga n’itangazamakuru ryavugaga ko yashaje.

Uyu mutoza wagarutse muri Etincelles FC mu ntangiriro za Gashyantare 2026 asimbura Masudi Djuma, ikipe yahise itangira kubona intsinzi yari yarabuze.

Bekeni aganira n’ikinyamakuru ISIMBI, abajijwe icyo yahinduye muri iyi kipe gituma ibona intsinzi, yavuze ko n’ubundi yagiye areka gutoza atari kubushake cyangwa yabuze ubushobozi ahubwo ari itangazamakuru ryamwirukanaga ngo arashaje.

Ati 'Njye nk’umutoza n’ubundi nubwo itangazamakuru ryo mu Rwanda ritari ryanyoroheye, navuga ko ari cyo cyamvanye no mu kazi imyaka yose maze, kuko ryavugaga nko nshaje, ngo ntabyo nzi n’ibyo nari nzi byaragiye, iyo umuntu ashaje sinzi niba ubwenge bugabanuka ariko burya asaza afite ubwenge.'

'Wenda ntabwo yakwiruka cyangwa ngo asimbuke ariko ibitekerezo byo aba abifite, icyahindutse muri Etincelles rero ni uburyo bwanjye bwo kubana n’abantu, narabasabye nti bakinnyi musoje imikino ibanza muri aba nyuma, byari ikimwaro kuri Etincelles, narababwiye nubwo muhembwa make bwo kugira ngo tugere ku bintu ni uko mwitanga, barabikoze rero.'

Kuva muri Gashyantare 2026 afashe iyi kipe, amaze kuyitoza imikino 13 aho yatsinzwemo imikino 2, atsinda 5 (harimo uwo yatsinze kuri penaliti), anganya 6. Yayisanze ku mwanya wa nyuma ubu ni iya 15 mu makipe 18 n’amanota 22.

Bekeni yavuze ko itangazamakuru ari ryo ryagiye ritu ava mu kazi