Category: Uncategorized

Aho gusubiza impaka uzamuye cyangwa gusobanura impamvu igitekerezo cyawe gipfuye, uwo muntu aba ahisemo kukwibasira. Ibyo nibyo bita “Ad Hominem” mu Kilatini. Ni umutego abantu bamaze imyaka irenga ibihumbi bakoresha mu gutsinda impaka mu buryo bworoshye batigoye.

Gushaka igitekerezo gihinyuza icyawe cyumvikana kandi gifite ishingiro biragoye. Ariko guhindura ikiganiro akakizana kuri wowe biroroshye. Ubwo rero aho kwibasira igitekerezo cyawe, ahitamo kwibasirwa intege nke zawe. Ikibabaje ni uko abantu benshi bagwa muri uwo mutego bagatangira kwisobanura.

Dore ikintu uba ugomba gukora, umuntu nakwibasira aho kwibasira igitekerezo umuhaye, ntuzagerageze kwisobanura. Ntuzamubwire uti, 'Ariko nakoze muri sosiyete y'ubucuruzi imyaka itanu.' ahubwo uzamubwire uti, 'ntabwo ari njye turi kuganiraho. Nsubiza ibyo nkubwiye. Urabona iri tegeko ritazabangamira ubucuruzi?

Si ngombwa ko urakara cyangwa ngo umare isaha wisobanura nk'aho uri mu iperereza.

Abantu benshi bakunda gukoresha Ad hominem fallacy. Ariko buriya ikintu batazi ni uko iyo utangiye kwibasira umuntu aho kwibasira igitekerezo cye nta gitekerezo kizima uba ufite cyo gutanga, kubera ko ubaye ugifite ari cyo watanga.

Yabigarutseho ku wa Mbere tariki 31 Kanama 2026, ubwo Visi Perezida w'Ikigega Mpuzamahanga giteza imbere ubuhinzi n'ubworozi (IFAD) n'abandi bayobozi bakuru baturutse mu bihugu bitandukanye basuraga ibikorwa bigamije kongerera agaciro umukamo muri Nyagatare.

Muri uru rugendo hasuwe Nyagatare Daily Marketing Cooperative iterwa inkunga n'umushinga uteza imbere ubworozi bw'inka zitanga umukamo mu Rwanda, RDDP II uterwa inkunga na IFAD. Hanasuwe abavuzi b'amatungo bigenga bakorera mu Karere ka Nyagatare ndetse n'uruganda rw'amata y'ifu rwa Inyange.

Rugamba Sam ubona litiro ibihumbi 100 z'amata ku munsi, yavuze ko muri iki gihe bakigorwa no kubona inka zitanga umukamo mwinshi ku buryo bakora ubworozi nk'ubucuruzi.

Yavuze ko nubwo babikora bakunguka ariko batari babona inka zitanga umukamo mwinshi.

Mukansanga Cecile we yavuze ko yorora inka umunani aho zimuha umukamo wa litiro 50 ku munsi. Yavuze ko mu gihe cy'impeshyi umukamo ugabanuka cyane ukagera kuri litiro zirenga icumi mu nka enye afite zikamwa, asaba ko bafashwa kubona inka zitanga umukamo mwinshi.

Minisitiri Dr. Uwituze yavuze ko u Rwanda rukomeje gushaka uburyo ubworozi bukorwa hagamijwe isoko.

Yavuze ko kuri ubu bazanye ibimasa bishya byitezweho gutanga intanga zivaho inka zitanga umukamo ndetse n'izitanga inka z'inyama.

Ati 'Ubu dufite impfizi 30, muri uyu mwaka twaravuguruye twazanye izindi nshya 30 ubu zirahari hariya ku Kigo cyacu cya Isonga. Dufitemo ubwoko bw'inka zitanga umukamo amoko atatu, tukagiramo n'ubwoko bw'inka zitanga inyama, twazizanye kugira ngo dutange icyororo cy'inka zitanga inyama ku borozi. Ubu rero zimeze neza.''

Dr. Uwituze yavuze ko kandi bari kugerageza kugira ngo mu mwaka utaha bazajye batanga intanga zivanguye ziterwa inka ku buryo uyiteza cyangwa uyitera aba azi ko azabyaza inyana cyangwa azabyaza ikimasa.

Ati 'Hari abashoramari turimo tuganira kugira ngo baze badufashe, ibiganiro bigeze hagati.''

Visi Perezida wa IFAD, Dr. Gérardine Mukeshimana, yasabye ko abahinzi n'aborozi bato bubakirwa ubushobozi kugira ngo babashe guhaza isoko.

Yavuze ko 70% y'ibikoreshwa mu buhinzi n'ubworozi bituruka kuri aba bahinzi bato, asaba ko bubakirwa ubushobozi kugira ngo babashe guhaza isoko.

Sindayiheba yabivugiye mu nama nyunguranabitekerezo ku iterambere ry'Akarere ka Rusizi yabaye ku wa 26 Kanama 2026.

Ati 'Twashakaga kumenya impamvu abantu badashishikarira gutanga umusoro ku mutungo utimukanwa, maze turavuga tuti reka twihereho. Twafashe abakozi bose b'akarere dukora isuzuma, dusanga abagera kuri 60% bataratangaga umusoro ku mutungo utimukanwa.'

Yavuze ko abayobozi bakwiye kubanza gutanga urugero mu byo basaba abaturage, avuga ko nyuma yo kwibutswa inshingano zabo, abakozi batangiye gutanga imisoro.

Ati 'Ujya gutera uburezi arabwibanza. Tumaze kubahwitura bagatanga urugero rwiza, umusoro wacu watangiye kuzamuka. Noneho nabo bagenda nta pfunwe bafite.'

Ibi bibaye mu gihe ikibazo cyo kumenyekanisha no gutanga umusoro ku mutungo utimukanwa kitagarukira muri Rusizi.

Mu Ukwakira 2025, Ikigo cy'Imisoro n'Amahoro (RRA) cyatangaje ko abari bamaze kumenyekanisha uyu musoro bari hafi 10% kugeza kuri 11% mu bari bafite inshingano zo kuwumenyekanisha.

RRA isobanura ko umusoro ku mutungo utimukanwa ari umwe mu misoro yeguriwe inzego z'ibanze, kandi ko amafaranga awukomokaho afasha mu gutera inkunga ibikorwa n'iterambere ry'uturere.

Mu mwaka w'ingengo y'imari wa 2024/25, RRA yakusanyije miliyari 107.6 Frw mu misoro n'amahoro yeguriwe inzego z'ibanze, muri yo miliyari 75.2 Frw akaba yaraturutse ku misoro y'inzego z'ibanze.

Meya Sindayiheba avuga ko gutanga umusoro ari uruhare rw'umuturage mu kubaka igihugu.

Ati 'U Rwanda ni urwacu, Rusizi ni iyacu, ruzubakwa n'amaboko y'Abanyarwanda. Kudatanga umusoro rero ni ukutagira uruhare mu kuba igihugu.'

Yavuze ko ubukangurambaga buzakomeza no ku bacuruzi, aho asaba abaturage gusaba inyemezabuguzi igihe bakoze ubucuruzi.

Ati 'Tuzakomeza kuganira n'abaturage n'abacuruzi, ku buryo n'uguze ikibiriti kugeza ku modoka asaba inyemezabuguzi.'

Ibi ni ibikubiye mu bushakashatsi bwakozwe n'Umuryango utanga ubufasha mu by'amategeko ukanarengera uburenganzira bwa muntu, iPeace. Bwerekana uko Abanyarwanda cyane cyane abatuye mu bice by'icyaro bagerwaho na serivisi z'ubutabera.

Ubu bushakashatsi bwamuritswe ku wa 28 Kanama 2026, mu nama igamije kureba uburyo ubutabera bugezwa ku baturage bose cyane cyane abatuye mu bice by'icyaro.

Iyi nama yateguwe n'Ishuri Rikuru Ryigisha Rikanateza Imbere Amategeko (ILPD) ku bufatanye n'uyu muryango wa iPeace.

Yateguwe mu rwego rwo guhuriza hamwe Inzego z'ubutabera, imiryango itari iya Leta n'abafatanyabikorwa mu iterambere, kugira ngo haganirwe uburyo ubutabera bwarushaho kwegerezwa abaturage bo hasi kuko harimo abadafite ubushobozi bwo kubona serivisi zitandukanye z'ubutabera mu buryo buboroheye.

Ubu bushakashatsi bwakorewe ku bantu 453 bukorerwa ahantu 79 mu gihugu.

Mu bantu 453 bakoreweho ubu bushakashatsi muri bo 93,2% bakomoka mu Burengerazuba no mu Majyepfo y'Igihugu.

Abarenga 60% mu bakoreweho ubu bushakashatsi ni abagore, 77,5% ntabwo bigeze bagera mu ishuri cyangwa ngo basoze amashuri abanza.

Ku rundi ruhande, 81,9% mu bakoreweho ubu bushakashatsi baherukaga mu manza mu myaka ibiri ishize.

Umuyobozi Mukuru w'Umuryango utanga ubufasha mu by'amategeko ukanarengera uburenganzira bwa muntu, iPeace, Prof. Elvis Mbembe, yavuze ko bakoze ubu bushakashatsi kugira ngo basobanukirwe neza uburyo abantu babona serivisi z'ubutabera mu bice by'icyaro.

Yagaragaje ko n'ubwo u Rwanda rukomeje gushyira imbaraga mu kugeza serivisi z'ubutabera kuri bose, ubu bushakashatsi bakoze buzerekana aho Leta ikwiriye gukomeza gushyira imbaraga kugira ngo ubutabera bwegerezwe buri Munyarwanda.

Umuyobozi Mukuru wa ILPD, Dr. Aimé Muyoboke Karimunda, yavuze ko kuba habaye iyi nama yahuje inzego zitandukanye z'ubutabera mu Rwanda ari umwanya mwiza wo kugira ngo ibibazo byagaragaye mu bushakashatsi bwakozwe bizakemuke.

Ati 'Uyu ni umwanya mwiza wo kugira ngo abakora mu nzego z'ubutabera baganire ku cyakorwa kugira ngo bakemure ibibazo byagaragaye muri ubu bushakashatsi bituma abantu bose batagerwaho n'ubutabera uko bukwiriye.'

Yakomeje avuga ko abantu bakwiriye kujya bisunga inzira y'ubuhuza kuko ari yo nziza mu gukemura ibibazo kurusha kujya mu nkiko.

Yagaragaje ko kuva batangira gutanga amahugurwa ku buhuza ku bakora mu nzego z'ubutabera zitandukanye bamaze guhugura abagera kuri 1335 ku bufatanye n'abafanyabikorwa batandukanye barimo iPeace.

Umunyamakuru MC Nario, yasohoye filime ye ya mbere y’uruhererekane, Ibanga ry’Urugo yabanje no kwanga gukinamo.

Iyi filime y’uruhererekane yitwa Ibanga ry’Urugo ikaba itambuka kuri shene ya YouTube yitwa BN Filims.

MC Nario yabwiye ISIMBI ko umusore uyimwandikira yamwegereye amusaba ko bakorana nta na gahunda yari afite.

Ati “Uyu musore ubona yarambwiye Nario ufite izina, njye mfite filime, nzi kuzandika ndabura igishoro, wambabariye izi filime tukazibyaza umusaruro.”

Nario yahise amubaza icyo bisaba, undi aramusubiza ati “Bisaba Camera nk’ebyiri nziza, sounds n’amatara no gushaka ahantu ho gukinira. Naramubwiye ngo bijyemo umbwire amafaranga bisaba.”

“Abijyamo dusanga dukoze nka episode ebyiri n’abakinnyi twabahembye byatwara nk’ibihumbi 400 Frw, ndamubwira ngo reka nkore weekends nk’ebyiri ndaguha igisubizo. Ndayafata ndayamuha ndamubwira ngo genda wandike filime, yanditse izigera muri eshatu ariko nakunzemo iyi ‘Ibanga ry’Urugo’.”

Yavuze ko impamvu ari yo yakunze ni uko na we afite inyota yo kuba yakubaka akamenya ibanga ryarwo atararugeramo, yarayimosobanuriye, uko yanditse n’uburyo yanditsemo yumva ko ari yo agomba guheraho.

MC Nario yakomeje avuga ko yagishije inama mu bamenyereye filime maze bamubwira ko iyi filime igomba gukorwa.

Ati “Natangiye kuvuga ngo mbanze nyamamaze cyangwa mbaze nkore ariko arambwira banza ukore episode ushyire kuri YouTube abantu nibajyayo babone icyo kureba.”

Yakomeje avuga ko na we yafashe umwanzuro wo kuyikinamo nyuma yo kubona byagiye ku murongo.

Ati “Najemo nyuma maze kubona byagiye ku murongo hajemo uyu (Uwanyirigira Ange), hajemo Shariff, hajemo Ilunga.”

MC Nario akina muri iyi filime yarashatse umugore mu ibanga iwabo batabizi, umugore yaje kumunanira maze nyina w’umugore we amwoherereza murumuna w’umugore we ngo ajye amuhishira birangira ari we ubaye umugore we, ni nyuma y’uko umugore we yari yapfiriye Dubai.

MC Nario yasohoye filime ye ya mbere

Korali Salemu ikorera umurimo w’Imana muri ADEPR Kabuga yanyuze benshi bitabiriye mu gitaramo cy’amateka cyitabiriwe n’umuyobozi wa ADEPR.

Ni igitaramo cyabaye ku Cyumweru, tariki ya 30 Kanama 2026, cyitabirwa n’Umushumba Mukuru w’Itorero ADEPR, Senior Past Isaei Ndayizeye, n’abandi bantu b’ingeri zitandukanye.

Iki gitaramo kikaba cyari umwanya mwiza wo kuramya no guhimbaza Imana ku bakitabiriye aho benshi bafashijwe binyuze mu ndirimbo z’iyi korali.

Uretse iyi Korali, benshi batashye banyuzwe n’uburyo amajwi yabo yumvikanaga neza kandi ndetse na Salle igitaramo cyabereyemo binyuze muri Kundwa Events.

Prince Shumbusho, umwe muyobozi muri Kundwa Events, umuryango wa Gikristu ufasha amakorali n’insengero gutegura ibitaramo, avuga ko banyuzwe no gukorana na Korali Salemu kandi ko ubufatanye bwabo bwatanze umusaruro.

Ati 'Byagenze neza. Abitabiriye igitaramo babonye ibintu byiza, harimo 'sound’ nziza, abaririmbyi baririmba neza, ndetse n’amashusho yafashwe agaragara neza cyane.'

Kundwa bakaba bakorana n’andi makorali kuko intego yabo ari ugutanga ubufasha mu mirimo yose yo kuramya no guhimbaza Imana.

Umuyobozi wa Korali Salemu, Fidele Niyorembo, yashimiye abitabiriye igitaramo bakoreye bwa mbere muri Dove Hotel, avuga ko ari ishema rikomeye kuri bo.

Ati 'Abaririmbyi, abakristo, abadasengera muri ADEPR Kabuga, mwadukoze ku mutima. Abaterankunga bacu n’inshuti zacu, nta kindi twababwira kiruta kubasabira umugisha ku Mana.'

Korali Salemu yatangiye mu 2004, itangijwe n’abantu batanu nyuma y’igitekerezo cyo kugira korali yakurikira korali nkuru yari isanzwe. Ubu imaze kugira abaririmbyi 187 b’ingeri zitandukanye.

Korali imaze gushyira hanze album eshatu z’amajwi n’amashusho, aho iya mbere yasohotse mu 2015, iya kabiri mu 2022, iya gatatu mu 2025. n’indi igizwe n’indirimbo 10, muri zo esheshatu zikaba zarasohotse.

Korali Salemu yakoze igitaramo cy’amateka, Kundwa Events irigaragaza

Umuyobozi wa Korali Salemu, Fidele Niyorembo

Ikipe y’igihugu y’u Rwanda y’Abagore mu mukino wa Volleyball yageze muri 1/2 cy’Igikombe cya Afurika kirimo kubera muri Kenya, ni nyuma yo gutsinda Ghana amaseti 3-1 mu mukino wa 1/4.

Uyu mukino wa 1/4 wabaye kuri uyu wa Kabiri, tariki ya 1 Nzeri 2026, aho rwanditse amateka rugera muri 1/2. Aba Banyarwandakazi batangiye umukino neza aho batsinze iseti ya mbere biboroheye ku manota 25-17 ya Ghana.

Yanatangiye neza iseti ya kabiri ariko bigeze mu manota 20, Ghana yaje kuyicaho ndetse binarangira iyitsinze ku manota 26-24. Iyi kipe yahise inandika amateka yo kuba ari yo kipe ya mbere ibonye iseti mu ikipe y’igihugu y’u Rwanda kuko imikino ine yabanje u Rwanda rwayitsindaga amaseti 3-0.

Ikipe y’Igihugu y’u Rwanda yatangiye nabi iseti ya gatatu aho Ghana yabatanze kuyinjiramo aho yabatsinze amanota 7-1, gusa u Rwanda rwaje kugaruka mu mukino rukuramo aya manota ndetse runatwara iseti ku manota 25-19.

Ntabwo u Rwanda rwagowe n’iseti ya nyuma kuko bayikinnye birinda gukora amakosa nk’ayo bakoze mu iseti ya kabiri, byaje kurangira nayo bayitwaye ku manota 25-18

. Yahise yegukana umukino itsinze amaseti 3-1.

Mu mukino wa ½, u Rwanda ruzahura n’ikipe ikomeza hagati ya Misiri na Tunisia.

U Rwanda rwazamutse ruyoboye itsinda D nyuma yo gutsinda Algeria, u Burundi na Repubulika Demokarasi ya Congo ni mu gihe muri 1 rwasezereye Burkina Faso.

U Rwanda rwageze muri 1/2 cy’Igikombe cya Afurika

Ibi byabereye mu Murenge wa Rubavu, Akagari ka Gikombe mu Mudugudu wa Bambiro mu masaha y'igicamunsi, ku wa Mbere tariki 31 Kanama 2026.

Amakuru IGIHE yamenye ni uko aba bana barimo Inezayimana Hope w'imyaka icyenda ari nawe urembeye mu bitaro bya Gisenyi, mu gihe abapfuye ari Ishimwe Sugira Frank w'imyaka ine na Iganze Shami Ian w'imyaka ibiri.

Umunyamabanga Nshingwabikorwa w'Umurenge wa Rubavu, Rwibasira Jean Bosco yabwiye IGIHE ko iyi nkuru y'akababaro bayimenye ndetse abana bapfuye bagiye gushyingurwa.

Ati 'Abana bari batatu nyina yabasize mu rugo agiye kuvoma, inzuki z'umuturanyi zibasanga mu gipangu zirabarya, baratabaza abaturanyi mu kuza gutabara basanga igipangu gifunze, baza kucyurira babajyana ku Kigo nderabuzima, bahageze bihutanwa ku bitaro bya Gisenyi babiri bapfa bakigerayo, undi aracyari kwitabwaho.'

Gitifu Rwibasira yasabye ababyeyi kudasiga abana bato mu rugo bonyine nta muntu mukuru bari kumwe.

Amakuru IGIHE yamenye ni uko nyir'inzuki afungiwe kuri Sitasiyo ya Gisenyi, mu gihe iperereza rigikomeje.

Imirambo y'aba bana bitabye Imana ubwo twakoraga inkuru yari ikiri ku bitaro bya Gisenyi ariko umuryango n'inshuti batangiye kwitegura uburyo bwo kuyishyingura.

Ni amahugurwa ryiswe 'Summer Camp 2026' yitabiriwe n'abanyeshuri basaga 600 barimo, abanyeshuri baturuka mu Rwanda ndetse n'abanyamahanga biga muri Kaminuza y'u rwanda, akaba afite insanganyamatsiko igaruka ku 'Kurera Abayobozi b'ejo hazaza baharanira impinduka zigamije imibereho myiza mu muryango Nyarwanda'.

Iyi gahunda yatangiye ku wa 28 Kanama 2026 mu Kigo cy'Ubutore cya Nkumba mu Karere ka Burera ikazamara icyumweru.

Atangiza aya mahugurwa, Guverineri w'Intara y'Amajyaruguru, Mugabowagahunde Maurice, yavuze ko aba banyeshuri ari bo bayobozi b'ejo hazaza bityo ko basabwa gukurikira neza amasomo n'ibiganiro bazahabwa zibatoza indangagaciro zikwiye kubaranga.

Ati 'Ni mwe bayobozi b'ejo hazaza, musabwa gukurikira neza amasomo yateguwe kuko muri gutozwa kujya guhindura ibitaboneye yaba aho mutuye, aho mwiga, imiryango mukomokamo, cyangwa aho muzakorera. mwirinde ingeso mbi n'imyitwarire idahwitse harimo ubisinzi no gukoresha ibiyobyabwenge, nindi myitwarire yangiza ejo heza hazaza ku rubyiruko.'

Umuyobozi Mukuru wa Kaminuza y'u Rwanda wungirije Dr. Ndikumana Raymond, yavuze ko Kaminuza ihuza ubumenyi n'itorero kugira ngo abanyeshuri bagire ubumenyi, imyitwarire n'indangagaciro ziboneye bifafasha kuba koko umusemburo w'impinduka mu gukemura ibibazo kigaragara bibangamira iterambere.

Ati 'Kugira ngo ukoreshe ubumenyi wahawe ni ngombwa ko uba waratojwe, ufite indangagaciro zikwiye kandi ukabikora mu gihe gikwiye. Abanyeshuri bacu ni cyo tubifuriza.'

Yagaragaje ko aba banyeshuri bitezweho kuvamo abayobozi b'intangarugero, bahindura imibereho y'aho batuye, ariko byose bigomba guhera muri bo ubwabo.

Umuyobozi wa gahunda y'uburezi ya Mastercard Foundation muri Kaminuza y'u Rwanda, Professor Kagwesage Anne Marie, yavuze ko aba banyeshuri bitezweho gutanga umusaruro ugaragara.

Ati 'Aba banyeshuri tubitezeho byinshi birimo kuba Abanyarwanda n'Abanyafurika bafite indangagaciro, biteza imbere kandi bagateza imbere umuryango ndetse n'ibihugu bakomokamo muri rusange.'

Prof. Kagwesange yavuze ko mu banyeshuri bazanye harimo abanyamahanga kuko kuri ubu bafite abavuye mu bihugu 13, cyane ko ikigamijwe ari ukugira ngo indangagaciro babonera muri bagenzi babo bazazijyane iwabo.

Umwe mu banyeshuri bitabiriye aya mahugurwa, Bimenyimana Samuel wiga Electronic and Telecommunication Engineering muri Kaminuza y'u Rwanda Ishami rya Nyarugenge, yavuze ko ubumenyi akomeje kungukira muri iri torero burimo kurangwa n'ikinyabupfura mu byo bakora byose, gukoresha igihe neza ndetse ko ibi byose bizakomeza kumufasha nasubira iwabo.

Ni ibintu ahuriraho na mugenzi we, Hala Waleed Makki, ukomoka mu gihugu cya Sudani, wavuze ko gutozwa gukorera kuri gahunda, kwirinda ubunebwe, gukorera hamwe no kubahiriza igihe biri mubyo bakomeje gutozwa ndetse ko bizabafasha kurushaho kwitegura gutanga umusanzu ukwiye mu iterambere rya Afurika.

Ku rundi ruhande, aba banyeshuri bagize umwanya wo gukora umuganda, aho bagize uruhare mu kubaka inzu y'umwe mu baturage batuye mu Murenge wa Kinoni, Akarere ka Burera, abiga ubuvuzi bapima abaturage indwara zitandura, ndetse hanatangwa n'ikiganiro ku kwirinda ibiyobyabwenge mu rubyiruko.

Kugeza ubu, Gahunda y'Uburezi ya Mastercard Foundation muri Kaminuza y'u Rwanda imaze kwinjiramo abanyeshuri bagera kuri 970, aho bafashwa mu kwiga muri Kaminuza ariko bakanatozwa kuba abayobozi beza muri rusange. Amahugurwa nk'aya atangwa ku bufatanye n'abandi bafatanyabikorwa kugirango barusheho gutozwa indangagaciro zibategura neza kugira uruhare mu iterambere.

Gahunda y'uburezi ya Mastercard Foundation izafasha abanyeshuri 1,400 mu myaka 10, harimo 200 baziga amasomo y'ubuvuzi (4×4 Initiative) igamije gushyigikira gahunda y'u Rwanda yo gukuba inshuro enye umubare w'abakora mu buvuzi mu Rwanda.

Umuhanzi w’indirimbo zo kuramya no guhimbaza Imana, Irene Ingabire Kamanzi [Gaby Kamanzi], yaryumenyeho ubwo yari abajijwe ku bukwe bwe.

Muri 2024 ubwo yaganiraga n’Ikinyamakuru ISIMBI, Gaby Kamanzi yavuze ko afite amasezerano yahawe n’Imana harimo iryo gukora igitaramo gikomeye hanze y’u Rwanda ndetse no gukora ubukwe gusa ntiyashatse gutangaza igihe buzabera.

Ni naho yahise agaruka ku musore yumva wazamubera umugabo, aho yavuze ko abaye akijijwe byaba bihagije ndetse akaba yaramuhitiwemo n’Imana.

Icyo gihe yagize ati “Ni kimwe gusa agomba akijijwe, ariko ngomba kumenya neza ko ariwe Imana ishaka , hari igihe ufata umuntu ukijijwe ugasanga siwe yaguteguriye.”

Gaby Kamanzi abajijwe igihe yumva azakorera ubukwe, yirinze kugira icyo abivugaho, avuga ko ari ubuzima bwite bwe.

Ati “Icy’ubukwe munyemerere ntacyo ndi bukivugeho, ni ubuzima bwanjye bwite.”

Gaby Kamanzi ntabwo yakunze kumvikana cyane mu nkuru z’urukundo, kuko ni umuntu wahisemo ko ubuzima bwe bw’umuziki bugomba gutanduka n’ubuzima bwe bwite.

Gaby Kamanzi yaryumeho abajijwe ku bukwe bwe