Webrwanda Backend

Category: Uncategorized

  • Tom Close yavuze kuri Meddy na The Ben #rwanda #RwOT

    Umuhanzi nyarwanda uheruka gushyira hanze Album yise ‘Sunshine’, Dr Moyombo Thomas [Tom Close] yavuze ko bagenzi be babyirukiye rimwe mu muziki, The Ben na Meddy ari abahanzi beza babereye u Rwanda mu nguni zose.

    Meddy na The Ben ni bamwe mu bahanzi beza u Rwanda rwagize binyuze mu ndirimbo zabo z’urukundo zafashaga benshi, n’uyu munsi baracyakunzwe n’ubwo Meddy we yahisemo guhindura akajya mu muziki wo kuramya no guhimbaza Imana.

    Tom Close akaba mukuru w’aba bahanzi ndetse The Ben we banagiye bakorana indirimbo, yabwiye ISIMBI ko aba bahanzi ari abahanzi beza, abahanga binagaragazwa n’igihe bamaze mu ruganda bakaba bagikunzwe cyane.

    Ati “Icya mbere ni abahanzi beza ni nayo mpamvu ubatoranyije mu bandi ukabavuga kuko abo twatangiranye cyangwa bakoze mu bihe bya kera ni benshi. Kuba ari abahanga no kuba barakoze cyane ni byo bitumye bararambye. Ni abahanzi beza u Rwanda rukwiriye.”

    Kugeza uyu munsi byaragoranye kuba hari umuntu uza akicara agasobanura umuhanzi urusha undi hagati y’aba bombi kuko buri umwe afite abakunzi be n’undi akagira abe kandi benshi, ni nayo mpamvu izi mpaka zishobora kutazigera na rimwe zirangira.

    Meddy na The Ben ni abahanzi bakunzwe cyane n’ubu bagikunzwe

    Tom Close yavuze ko Meddy na The Ben ari abahanzi beza

    Source : http://isimbi.rw/tom-close-yavuze-kuri-meddy-na-the-ben.html

  • Isabukuru nziza ku mugabo unzi wese ariko agakomeza kumpitamo – Knowless #rwanda #RwOT

    Umuhanzikazi Nyarwanda, Butera Knowless, yifurije umugabo we Ishimwe Clement isabukuru nziza ashimira kuba yaramuhisemo ngo amubere umugore.

    Mu butuwa yanyujije ku rukuta rwe rwa Instagram, Knowless yagize ati “Isabukuru nziza ku mugabo ufashe ukuboko kwanjye muri buri bihe by’ubuzima.”

    “Uzi imbaraga zanjye, amakosa yanjye, inzozi zanjye, ubwoba bwanjye n’ubundi agakomeza kumpitamo buri munsi.”

    Knowless yakomeje agira ati “Ishimwe Clement warakoze ku bw’urukundo, ibyishimo, inzibutso twubatse turi kumwe. inzira byanyuramo byose, nta n’umwe nahitamo kugira iruhande rwanjye. Ubuzima ni bwiza kandi bufite igisobanuro kuko uburimo. Ubuzima bwiza, imigisha myinshi, ibyishimo n’ibindi byinshi.”

    Tariki ya 07 Kanama 2016 ni bwo Butera Knowless na Ishimwe Clement basezeranye imbere y’Imana, ndetse banambikana impeta y’urudashira mu birori bitagira uko bisa byabereye mu busitani bwa Golden Tulip hotel i Nyamata. kuri ubu bakaba bamaze kwagura umuryango aho bamaze kubyara abana babiri.

    Butera Knowless yifurije isabukuru nziza umugabo, Ishimwe Clement

    Source : http://isimbi.rw/isabukuru-nziza-ku-mugabo-unzi-wese-ariko-agakomeza-kumpitamo-knowless.html

  • Ibitego, uduhigo, amarira… Ibihe bidasanzwe byagize Lionel Messi igihangange ku Isi #rwanda #RwOT

    Lionel Messi ufatwa nk'umukinnyi w'ibihe byose ku Isi, yasezeye gukinira Ikipe y'Igihugu ya Argentine.

    Uyu mukinnyi w'imyaka 39 ufitanye amasezerano n'Ikipe ya Inter Miami kugeza mu 2028, yatangaje ku wa Mbere ko urugendo rudasanzwe yakoranye na Argentine rurangiye nyuma y'imyaka irenga 20.

    Messi yavuze ko yari ari gutekereza ku hazaza he muri ruhago nyuma y'urupfu rwa Se, Jorge, witabye Imana mu ntangiriro z'uku kwezi.

    Mu butumwa bukomeye bwo kwibuka Se, uyu mukinnyi yagaragaje ko ashobora gusezera, ubwo yagiraga ati 'Sinzi uko nakomeza. Nabaga nkina umupira gusa, ariko ubu sinzi neza niba nzakomeza kubikora igihe kinini.'

    Ubu yafashe icyemezo cyo gutangaza ku mugaragaro ko ashyize iherezo ku rugendo rwe rwo gukinira ikipe y'igihugu, abinyujije ku butumwa yashyize kuri Instagram ku wa Mbere, aho yagize ati 'Igihe kiragenda kirangira, bimwe mu bihe by'ubuzima bigeraku iherezo, kandi iki ni kimwe mu bimbabaza cyane.'

    Messi watwaye Igikombe cy'Isi, yatsinze ibitego 125 mu mikino 207 yakiniye Argentine, bituma aba umukinnyi watsinze ibitego byinshi kurusha abandi mu mateka y'iki gihugu ndetse n'uwakiniye ikipe y'igihugu imikino myinshi.

    Yatsinze kandi ibitego 921 byose hamwe mu makipe yakiniye arimo FC Barcelone, Paris Saint-Germain, Inter Miami na Argentine.

    IGIHE iragaruka kuri bimwe mu bihe by'ingenzi byaranze urugendo rwe rudasanzwe.

    'Hat-trick' ye ya mbere akiri ingimbi yagaragaje impano idasanzwe

    Bwa mbere Messi yatsinze ibitego bitatu mu mukino umwe, mu mwuga we, byabaye mu mukino ukomeye cyane muri ruhago – El Clasico- uhuza Real Madrid na FC Barcelone.

    Afite imyaka 19, Messi yatsinze ibitego byose bya FC Barcelone mu mukino banganyijemo na Real Madrid ibitego 3-3 ku wa 10 Werurwe 2007, birimo n'igitego cyiza yatsinze ku munota wa nyuma nyuma yo gucika ba myugariro babiri.

    Ni ibihe benshi bafata nk'aho ari bwo yatangiye kumenyekana cyane ku Isi.

    Igitego cyiza yikoreye ubwe cyibukije benshi Maradona

    Hashize ukwezi kumwe gusa atsinze iyo 'hat-trick', Messi yatsinze igitego ashobora kuba atarigeze asubiramo mu yindi myaka amaze akina.

    Byabaye mu mukino FC Barcelone yatsinzemo Getafe ibitego 5-2 mu mukino ubanza wa ½ cy'Igikombe cy'Umwami (Copa del Rey) wabaye ku wa 18 Mata 2007.

    Ni igitego cyasaga cyane n'icyatsinzwe n'Umunya-Argentine mugenzi we Diego Maradona (kitari icy'ukuboko), yatsinze u Bwongereza mu Gikombe cy'Isi cyo mu 1986: Messi yakiriye umupira ari hagati mu kibuga, acika ba myugariro bagera kuri batanu, acenga umunyezamu maze aratsinda.

    Igitego cya mbere ku mukino wa nyuma wa Champions League

    Nubwo uyu munsi bisa n'ibitangaje, mu 2009 bamwe mu bafana n'abanyamakuru b'umupira w'amaguru mu Bwongereza bibazaga niba Messi yakwigaragaza imbere y'amakipe yo mu Bwongereza mu Burayi, nyuma yo kubura igitego mu mikino 10 ya Champions League yari amaze gukinamo ahura n'amakipe yo muri Premier League.

    Ariko ibyo gushidikanya byarangiye ubwo Messi yazamukaga cyane mu rubuga rw'amahina agatsinda n'umutwe umupira yari ahawe na Xavi mu mukino wa nyuma wa Champions League yakinnye bwa mbere ahura na Manchester United – umukino wa mbere wagaragayemo guhangana hagati ya Messi na Cristiano Ronaldo.

    Nyuma y'imyaka ibiri, yongeye gutsinda igitego mu mukino wa nyuma batsinzemo iyi kipe yatozwaga na Sir Alex Ferguson, ahita yegukana igikombe cya gatatu muri mu bikombe bine bya Champions League yatwaye.

    Yatsinze ibitego bine Arsenal

    Messi yatsinze ibitego bine ku nshuro ya mbere mu mwuga we ubwo bakinaga na Arsenal mu mukino wa ¼ cya Champions League ya 2010, aho FC Barcelone yatsinze ibitego 4-1.

    Igitego cyiza kurusha ibindi muri ibyo bine ni icya gatatu, ubwo yarenzaga umupira umunyezamu Manuel Almunia.

    Ibindi byo kwibukwa cyane ni ibitego bitanu yatsinze nyuma y'imyaka ibiri kuri Bayer Leverkusen, ubwo FC Barcelone yayitsindaga ibitego 7-1 mu mukino wa 1/8 cya Champions League.

    Messi ni umukinnyi wa kabiri watsinze ibitego byinshi mu mateka ya Champions League, aho afite 129, inyuma ya Cristiano Ronaldo.

    Guca agahigo ko gutsinda ibitego byinshi muri FC Barcelone

    Messi yahinduye amateka ya FC Barcelone mu buryo budasanzwe ubwo yari afite imyaka 24 gusa, atsinda ibitego bitatu mu mukino ikipe ye yatsinzemo Granada 5-3 ku wa 20 Werurwe 2012.

    Igitego cye cya mbere muri uwo mukino cyatumye agera ku gahigo ka Cesar Rodriguez kari kamaze imyaka 60, aho yari amaze gutsinda ibitego 232.

    Yahise agakuraho atsinda icya kabiri, mbere yo kongera gushyiramo ikinyuranyo atsinda icya gatatu.

    Ubwo yavaga muri FC Barcelone mu 2021, yari amaze kugeza ku bitego 672, akaba ari agahigo yasize kuri ubu hibazwa uzagarukaho.

    Ibitego 91 mu mwaka umwe

    Ni imibare itangaje ku buryo umuntu ashobora gusubira inyuma akagenzura niba koko yarabayeho.

    Mu 2012, Messi yatsinze igitego cye cya 91 muri uwo mwaka mu mukino FC Barcelone yatsinzemo Real Valladolid ibitego 3-1 ku wa 22 Ukuboza.

    Ibyo byatumye yandikwa mu gitabo cy'abakoze ibidasanzwe ku Isi cya 'Guinness des Records'.

    Yatsinze ibitego 79 akinira FC Barcelone na 12 akinira Argentine, mu mikino 69 yakinnye muri uwo mwaka, kuva muri Mutarama kugeza mu Ukuboza.

    Ibyo byatumye ahabwa Ballon d'Or ya kane yikurikiranya, nubwo muri uwo mwaka igikombe rukumbi yatwaye ari Copa del Rey.

    Agahigo gashya ka La Liga mu gutsinda ibitego

    Iki ni icya kabiri mu bihe bikomeye Messi yahinduriyeho amateka abikesheje gutsinda ibitego bitatu mu mukino umwe.

    Yatsinze ibitego bitatu mu mukino FC Barcelone yatsinzemo FC Seville ibitego 5-1 ku wa 22 Ugushyingo 2014, ahita aba umukinnyi watsinze ibitego byinshi kurusha abandi mu mateka ya La Liga.

    Messi yaje kunganya ibitego 251 bya Telmo Zarra, umukinnyi wa Athletic Club wabigezeho mu 1955, ubwo yatsindaga igitego kuri coup-franc, mbere yo kumusiga no kongera gushyiraho agahigo gashya n'igitego cya gatatu.

    Yasoje afite ibitego 474 muri La Liga, asiga kure Cristiano Ronaldo wari ufite 311 ubwo yakinaga muri Real Madrid.

    Igitego cya 500 muri FC Barcelone — ndetse na cyo muri El Clasico

    Ibintu byose byasaga n'ibihuriye hamwe mu mukino FC Barcelone yatsinzemo Real Madrid ibitego 3-2 ku wa 23 Mata 2017.

    Messi yagaragaye ku munota w'inyongera, atsinda igitego cyo ku mupira yateye bwa mbere atawugaritse, ari ku murongo w'urubuga rw'amahina.

    Ni igitego cyahesheje FC Barcelone intsinzi muri El Clasico, kikaba n'icya 500 cye akinira iyi kipe, ndetse gituma Barcelone ijya ku mwanya wa mbere muri shampiyona, nubwo Real Madrid ari yo yaje kwegukana igikombe muri uwo mwaka.

    Kugira ngo abigire umwihariko kurushaho, Messi yakuyemo umupira we awufata mu ntoki, awereka abafana bari kuri Stade Santiago Bernabéu kugira ngo babone izina rye.

    Amarira ubwo yasezeraga FC Barcelone nyuma y'imyaka 21

    Ikintu benshi batatekerezaga cyabaye muri Kanama 2021, ubwo Messi yavaga muri FC Barcelone ku buntu.

    Nyuma y'imyaka 21, ibitego 672 n'ibikombe 35, byabaye ngombwa ko ava muri iyi kipe kuko Barcelone itari ifite ubushobozi bwo kubahiriza amasezerano mashya bari bumvikanyeho kubera gahunda yashyizweho na La Liga ku mishahara amakipe atarenza.

    Mu kiganiro n'abanyamakuru cyaranzwe n'amarangamutima, Messi yararize maze agira ati 'Njye n'umuryango wanjye twari twizeye ko tuzaguma hano, mu rugo. Sinifuzaga kuva muri iyi kipe, ni ikipe nkunda kandi iki ni ikintu ntari niteze.'

    Nubwo yavugwaga muri Manchester City, yahisemo kwerekeza muri Paris Saint-Germain yo mu Bufaransa.

    Igikombe cya mbere mu Ikipe y'Igihugu ya Argentine

    Ku wa 11 Nyakanga 2021, Messi afite imyaka 34, yatwaye igikombe cye cya mbere akinira ikipe nkuru ya Argentine, ubwo iki gihugu cyatsindaga Brésil igitego 1-0 ku mukino wa nyuma wa Copa América wabereye kuri Stade Maracanã.

    Icyo gihe yahawe igihembo cy'umukinnyi witwaye neza kurusha abandi muri iri rushanwa nyuma yo gutsinda ibitego bine.

    Messi wagaragazaga amarangamutima menshi, yaguye hasi ubwo umukino wari urangiye, nyuma aza guterurwa n'abakinnyi bagenzi be ubwo bishimiraga intsinzi.

    Nyuma y'imyaka itatu, yongeye kwegukana Copa América ya kabiri.

    Kwegukana Igikombe cy'Isi no guhabwa igihembo cy'umukinnyi witwaye neza

    Byari intsinzi ndetse n'umwanya benshi batekerezaga ko utazigera ubaho, dore ko Messi yari yarigeze gusezera gukinira ikipe y'igihugu mbere yo kongera kugaruka.

    Byari ikintu cyahoraga kigarukwaho mu mpaka zo kumenya umukinnyi ukomeye kurusha abandi bose mu mateka ya ruhago.

    Messi yatsinze ibitego bibiri, anatsinda penaliti ubwo Argentina yatsindaga u Bufaransa kuri penaliti nyuma yo kunganya ibitego 3-3 ku mukino wa nyuma w'Igikombe cy'Isi cya 2022, benshi bafata nk'umwe mu mikino ya nyuma ikomeye kurusha indi yose yabayeho mu mateka y'iri rushanwa.

    Yahawe igihembo cy'umukinnyi witwaye neza kurusha abandi muri iri rushanwa, nyuma yo gutsinda ibitego birindwi, harimo no kuba yaratsinze mu mikino yose yo gukuranamo.

    Ballon d'Or ya munani

    Messi yegukanye izindi Ballon d'Or ebyiri nyuma yo kuva muri FC Barcelone – imwe ubwo yari muri Paris Saint-Germain ndetse indi ubwo yari muri Inter Miami – ibituma afite agahigo ko kwegukana iki gihembo cy'umukinnyi mwiza ku Isi inshuro umunani.

    Igihembo cye cya nyuma yagitwaye mu Ukwakira 2023, nyuma yo kwegukana Igikombe cy'Isi no gufasha ikipe ye yo muri Major League Soccer gutwara Leagues Cup, igikombe cya mbere mu mateka ya Inter Miami.

    Icyo gihe yagize ati 'Sinari niteze kugira urugendo nk'uru nagize ndetse n'ibyo nagezeho byose, amahirwe nagize yo kuba mu ikipe nziza kurusha izindi mu mateka. Buri kimwe muri ibyo bihembo bya Ballon d'Or gifite umwihariko wacyo kubera impamvu zitandukanye.'

    Umukinnyi watsinze ibitego byinshi mu Gikombe cy'Isi – nubwo byabaye akanya gato

    Kubera ko Igikombe cy'Isi cya 2026 ari cyo cya nyuma yakinnye, Messi yagisoje mu buryo bwihariye.

    Ibitego umunani yatsinze muri iri rushanwa byatumye agira ibitego 21 mu Gikombe cy'Isi, birenga ibyo undi mukinnyi wese yari yaratsinze, kugeza ubwo Kylian Mbappé yamunyuragaho akageza kuri 22 mu mukino wo guhatanira umwanya wa gatatu batsinzemo u Bwongereza.

    Ku myaka 39, urugendo rwa Messi mu Gikombe cy'Isi rwarangiye uko atabyifuzaga, nyuma y'uko Argentine itsinzwe na Espagne igitego 1-0 ku mukino wa nyuma.

    IGIHE.COM

    Source : https://rushyashya.net/ibitego-uduhigo-amarira-ibihe-bidasanzwe-byagize-lionel-messi-igihangange-ku-isi/

  • Umujyi wa Kigali waburiye abitwikira imvura bakamena imyanda yo mu musarane muri ruhurura – #rwanda #RwOT

    Umuvugizi w'Umujyi wa Kigali, Ntirenganya Emma Claudine yabwiye IGIHE ko imicungire y'imyanda yo mu bwiherero n'amazi akoreshwa mu ngo no mu nyubako zihuriramo abantu ari ibintu bifite umurongo bikorwamo udateje ikibazo.

    Yagaragaje ko hari imyobo yabugenewe mu ngo isukwamo ayo mazi yakoreshejwe akazavidurwa kimwe n'imyanda yo mu bwiherero bakajyanwa mu kimoteri cy'i Nduba.

    Ni mu gihe inyubako zihuriramo abantu benshi na zo zigira ahagenewe kujya iyo myanda yombi mbere yo gutwarwa n'imodoka zabugenewe.

    Gusa abafite amikoro bo bashobora gusuka mu mazi imiti yabugenewe iyasukura akongera gukoreshwa cyangwa bagashyiramo imiti iyasukura noneho akaba yamenwa akajya mu bishanga nta kintu ari bwangize.

    Mu buryo butandukanye n'ubwo ariko, Umujyi wa Kigali ugaragaza ko hari abamena ayo mazi yanduye ahatarabugenewe agatangira gutemba ndetse n'abakoresha za ruhurura bakaba basukamo imyanda yo mu bwiherero ikamanuka.

    Ibi byagiye biteza ikibazo ndetse ku wa 3 Kanama 2026 Umujyi wa Kigali wakebuye abafite inyubako n'abazicunga barekura amazi mabi adatunganyijwe muri za ruhurura no mu bishanga, by'umwihariko mu masaha y'ijoro.

    Wagaragaje ko icyo gikorwa kiri mu bitera umunuko ukabije mu bice bitandukanye by'umujyi bikabangamira abawugenda nijoro ndetse iyo myanda yagera mu bishanga ikanduza amazi yabyo, bikagira ingaruka ku binyabuzima birimo kandi kubitunganya byaratwaye amafaranga menshi.

    Ntirenganya yavuze ko ubu ingaruka zirenze izo kuko muri iyi minsi y'impeshyi ahari abaturage bashobora kuba barakoresheje amazi yagiyemo iyo myanda.

    Ati 'Muri ibi bihe by'ubura ry'amazi ahari abaturage bagiye bavoma amazi mu miferege yo kwifashisha. Urumva umuturage wavomye amazi arimo ya myanda yavuzwe yo mu bwiherero cyangwa mu ngo z'abantu biba ikibazo kurushaho.'

    'Ibyo bintu kirazira kubikora dore tugiye no kwinjira mu bihe by'imvura aho usanga abantu bayitwikira bagahita bamena iyo myanda ngo ijyane n'amazi y'imvura. Kiraziririzwa kumena amazi yanduye gutyo, agomba gushyirwa ahabugenewe kandi ababirengaho bazabihanirwa.'

    Umujyi wa Kigali wagaragaje impungenge ku myanda ishobora kuba yarivanze n'amazi abaturage bakoresheje mu mpeshyi

    Source : http://igihe.com/amakuru/u-rwanda/article/umujyi-wa-kigali-waburiye-abitwikira-imvura-bakamena-imyanda-yo-mu-musarane

  • Umugore wa Netanyahu ashobora kwisanga mu nkiko kubera amagambo yavuze – #rwanda #RwOT

    Golan yavuze ko azajyana Sara Netanyahu mu nkiko nyuma y'uko mu kiganiro yagiranye n'itangazamakuru avuze amagambo ashimangira ko uyu munyapolitiki ashobora kuba yari afite amakuru mbere y'igihe ku gitero cya Hamas cyagabwe kuri Israel ku wa 7 Ukwakira 2023.

    Ati 'Nta kabuza tuzatanga ikirego kuri Sara Netanyahu.'

    Golan wahoze ari Umugaba Wungirije w'Ingabo za Israel, yavuze ko amagambo ya Sara Netanyahu ari umugambi w'ibikorwa byo gukomeza gukongeza urwango no guteza amacakubiri muri politiki y'igihugu.

    Yair Golan yavuze ko ku munsi w'igitero cya Hamas cyo ku wa 7 Ukwakira 2023, yagiye ubwe ahabereye ubwicanyi mu iserukiramuco rya muzika rya Nova, aho yarokoye abantu benshi. Ibyo bikorwa byatumye ashimwa na bamwe mu Banya-Israel.

    Uyu munyapolitiki yavuze ko ibyo ashinjwa na Sara Netanyahu bidafite ishingiro kandi ko biri mu bikorwa byo gukomeza gukwirakwiza ibirego bimwangisha abaturage.

    Golan avuga ko ikirego ateganya gutanga kuri Sara Netanyahu kigamije kurengera izina rye nyuma y'ibyo avuga ko ari ibirego bimusebya.

    Umugore wa Netanyahu ashobora kwisanga mu nkiko kubera amagambo yavuze

    Source : http://igihe.com/amakuru/u-rwanda/article/umugore-wa-netanyahu-ashobora-kwisanga-mu-nkiko-kubera-amagambo-yavuze

  • Nyarugenge: SKOL yatanze impuzankano ku banyerondo 110 – #rwanda #RwOT

    Iki gikorwa cyabaye ku wa 28 Kanama 2026 mu birori byo gusoza amahugurwa abanyerondo bari bamazemo igihe.

    Mu mbogamizi zizitira abakora irondo ry'umwuga harimo n'uko inkweto zabo zangirika vuba kubera kuzambara amanywa n'ijoro no kuzikoresha imyitozo ikorwa kenshi.

    Ni muri urwo rwego buri munyerondo yahawe impuzankano igizwe n'nkweto, ingofero, ishati n'ipantalo.

    Umunyamabanga Nshingwabikorwa w'Umurenge wa Kanyinya, Nduwayezu Alfred, na we yashimangiye ko impuzankano nshya zari zikenewe, avuga ko izo bari bafite zari zishaje, abakora irondo ry'umwuga bakagaragara nabi ndetse bikabagabanyiriza agaciro mu nshingano bakora.

    Ati “Babambitse imyenda bose. Imyenda bakoranaga yari ishaje ku buryo itaheshaga agaciro umunyerondo. Inkweto bakoreshaga bazambaraga buri gihe, ariko uyu munsi babonye izindi nziza zigiye kubafasha mu kazi kabo.'

    Abahawe iyi myambaro bishimiye nkunga batewe, bavuga ko ibateye ingabo mu bitugu bityo bakaba bagiye kurushaho gukora inshingano zabo mu buryo bunoze kandi kinyamwuga.

    Umwe mu bahawe iyi myambaro, Sinzinkayo Khassim yavuze ko igiye gutuma akaza ingamba aho we na bagenzi bazahindura byinshi mu mikorere yabo.

    Ati 'Mu kazi dukora hari byinshi bigiye guhinduka, nk'ubu imyenda twakoranaga ntiyari ijyanye n'igihe. Tugiye gukorana umurava kandi dukore akazi tugakunze, dukaze umutekano, turwanye ibiyobyabwenge.'

    Kugira uruhare mu iterambere n'umutekano w'igihugu ni kimwe mu bigaragaza ubufatanye hagati y'ibigo byikorera n'inzego za leta.

    SKOL yavuze ko yatanze iyi nkunga bitewe n'imibanire myiza ndetse n'ubufatanye ifitanye n'Umurenge wa Kanyinya, ihitamo guteza imbere umutekano waho.

    Umuyobozi Mukuru wayo Eric Gilson yagize ati 'Dufitanye imikoranire myiza ari na cyo cy'ingenzi cyane, dushimangira umutekano hano, kuko mu byo Skol ijya ikora harimo ibikorwa nk'ibyo byo kwita ku baturage tukanafasha sosiyete gutekana.'

    Abanyerondo bibukijwe ko inshingano zabo ari ukuba hafi y'abaturage, mu bijyanye n'umutekano wabo, banabuzwa imico mibi yagiye ibagaragaramo y'ubujura, gusinda no kurwana.

    SKOL yahaye impuzankano abanyerondo 110 bo mu Murenge wa Kanyinya

    Abanyerondo bashimye inkunga batewe, biyemeza gukaza ingamba

    Abanyerondo bahawe inkweto zisimbura izari zishaje

    Umuyobozi Mukuru wa SKOL, Eric Gilson, yavuze ko mu bikorwa bakora byo kwita ku baturage harimo no kubafasha gutekana

    Ubuyobozi bw’Umurenge wa Kanyinya bwashimye SKOL kubera imikoranire myiza bafitanye

    Source : http://igihe.com/amakuru/u-rwanda/article/nyarugenge-skol-yatanze-impuzankano-ku-banyerondo-110

  • Nyaruguru: Abantu 23 bamaze ukwezi kurenga mu bitaro nyuma y'ikigage banyoye – #rwanda #RwOT

    Ku wa 25 Nyakanga 2026 nibwo mu Mudugudu wa Ruyenzi mu Kagari ka Ruyenzi mu Murenge wa Ruheru mu Karere ka Nyaruguru abaturage banyoye ikigage mu birori, kigira ingaruka kuri bamwe ndetse birangira nyiri ibirori apfuye.

    Umunyamabanga Nshingwabikorwa w'Intara y'Amajyepfo, Nshimiyimana Vedaste yabwiye IGIHE ko abantu bagize uburwayi nyuma yo kunywa ikigage ari 34 aho bagaragazaga ibimenyetso ko bari guhinda umuriro, bacika intege.

    Yavuze ko bamwe bagiye boroherwa barataha ariko kuri ubu abagera kuri 23 bakaba barwariye mu bitaro bya Munini biherereye mu Karere ka Nyaruguru.

    Ati “Ibirori byabaye nubwo bari babyakiye bafite ibyangombwa, bafite uburenganzira ariko byagize ingaruka ku baturage bamwe baracyitabwaho n'abaganga abandi barorohewe barataha, gusa umwe muri bo yarapfuye dukeka ko ari byo yazize nubwo yari asanzwe arwaye indi ndwara”

    Umuvugizi wa Polisi mu Ntara y'Amajyepfo, CIP Kamanzi Hassan yameje aya makuru.

    Ati “Polisi n'Ubugenzacyaha bakomeje iperereza ku bagize uruhare mu gushyira ubuzima bw'abaturage mu kaga bityo uwo bigaragaraho amategeko agakurikizwa.”

    Polisi yasabye abo bireba bose kwirinda no kurandura burundu ibinyobwa bitujuje ubuziranenge kuko bihungabanya umutekano bikanatwara ubuzima bw'abantu.

    Abagizweho ingaruka n'ikigage barwariye mu Bitaro bya Munini

    Source : http://igihe.com/amakuru/u-rwanda/article/nyaruguru-abantu-23-bamaze-ukwezi-kurenga-mu-bitaro-nyuma-y-ikigage-banyoye

  • Impungenge ku ruganda rw'amata y'ifu rwa Inyange rukoresha 15% by'ubushobozi rufite – #rwanda #RwOT

    Ibi byagarutsweho kuri uyu wa Mbere tariki ya 31 Kanama 2026, ubwo Umuyobozi wungirije w'Ikigega Mpuzamahanga giteza imbere ubuhinzi n'ubworozi, IFAD, Umunyamabanga wa Leta muri Minisiteri y'Ubuhinzi n'Ubworozi, Dr. Solange Uwituze n'abandi bayobozi bakuru baturutse mu bihugu bitandukanye basuraga ibikorwa bigamije kongerera agaciro umukamo muri Nyagatare.

    Muri uru rugendo hasuwe Nyagatare Daily Marketing Cooperative iterwa inkunga n'umushinga uteza imbere ubworozi bw'inka zitanga umukamo mu Rwanda, RDDP II uterwa inkunga na IFAD.

    Hanasuwe abavuzi b'amatungo bigenga bakorera mu Karere ka Nyagatare ndetse n'uruganda rw'amata y'ifu rwa Inyange.

    Umuyobozi w'Uruganda rw'amata y'Ifu rwa Inyange, Kagaba James, yavuze ko muri uru ruganda bakora amata y'ifu arimo ibice bibiri. Amwe ni amata y'ifu andi ni ifu ikunze kuvamo ibindi bintu byinshi bikoreshwa mu nganda.

    Yavuze ko muri iki gihe bafite ikibazo cy'igabanuka ry'amata aho mbere uru ruganda rwakoraga ku kigereranyo cya 32% ariko ubu byaragabanutse.

    Ati 'Ubu turi kuri 15% bitewe n'umusaruro w'amata uboneka. Ubundi uruganda rugomba kuba rwakira litiro ibihumbi 650 ku munsi ariko kugeza ubu tuba turi hagati y'ibihumbi 70 n'ibihumbi 80, urumva ko amahirwe menshi agihari, kugira ngo aborozi hirya no hino mu gihugu bashobore kongera umusaruro borora neeza. Bakorora bagamije gucuruza.''

    Kagaba yavuze ko bakora ubuvugizi ku mbogamizi aborozi bahura na zo zirimo ibura ry'amazi ku borozi mu nzuri, ibijyanye n'imihanda ngo kuko hari ahantu badashobora gukura amata. Yavuze ko bafite itsinda rishinzwe kwigisha aborozi ku kuntu bakongera umusaruro.

    Umunyamabanga wa Leta muri Minisiteri y'Ubuhinzi n'Ubworozi, Dr. Solange Uwituze, yavuze ko u Rwanda rwashyize imbaraga mu kongera umukamo binyuze mu gushaka amazi y'amatungo aho ari kwegerezwa aborozi.

    Yavuze ko kandi aborozi bari gushakirwa ibiryo by'amatungo ndetse no gukurikirana ubuzima bw'amatungo umunsi ku munsi.

    Visi Perezida wa IFAD, Dr. Geraldine Mukeshimana, yavuze ko Afurika ikigorwa n'uburyo abahinzi bato bageza umusaruro ku isoko, asaba ibihugu byose kongera ishoramari mu buhinzi n'ubworozi.

    Yavuze ko hafi 70% by'ibiryo bikoreshwa bituruka ku bahinzi bato asaba ko bubakirwa ubushobozi.

    Kuri ubu uruganda rw'amata y'ifu rwa Inyange ruri kwakira amata aturuka mu turere twose two mu Ntara y'Iburasirazuba n'Amajyaruguru. Rwatashywe ku wa 24 Nyakanga 2024 rwitezweho kujya rwakira amata angana na litiro ibihumbi 650 ku munsi.

    Impungenge ku ruganda rw'amata y'ifu rwa Inyange rukoresha 15% by'ubushobozi rufite

    Bimwe mu byo uruganda rw'amata y'ifu rukora byeretswe abayobozi batandukanye

    Visi Perezida wa IFAD, Dr. Mukeshimana yasuye uruganda rw'amata y'ifu rwa Inyange

    Source : http://igihe.com/amakuru/u-rwanda/article/impungenge-ku-ruganda-rw-amata-y-ifu-rwa-inyange-rukoresha-15-by-ubushobozi

  • Depite Rubagumya yakebuye abategereza ko ibikorwaremezo byose byubakwa na Leta – #rwanda #RwOT

    Ibi yabigarutseho ku wa 30 Kanama 2026, mu Nteko rusange y'Umuryango FPR-Inkotanyi mu Ntara y'Iburasirazuba.

    Muri iyi Nteko rusange hagaragajwe ko Manifesto y'uyu muryango yo kuva mu 2024-2029 hari bimwe mu bikorwa bimaze gukorwa birimo guteza imbere ibihingwa byatoranyijwe nk'ibigori, umuceri, soya, ibishyimbo n'urutoki.

    Hagaragajwe ko umwaka ushize ubutaka bwuhirwa bwongerewe ubuso, site zihingwa zahujwe nazo zirongerwa hagamijwe kuzamura umusaruro nibura ukagera kuri toni umunani kuri hegitari. Inzuri zatangiye guhingwamo 70%, bakororera kuri 30% hagamijwe kongera umukamo n'ubuso buhingwa.

    Mu buzima bishimiye ko hubatswe ibigo nderabuzima byinshi, mu burezi hakaba harubatswe ibyumba bishya 630 byiyongereye ku bisanzwe. Hishimirwa ko kandi muri iyi myaka ibiri hubatswe ibigo by'urubyiruko bishya binahangirwamo imirimo.

    Depite Rubagumya Furaha Emma wari uhagarariye Ubuyobozi bukuru bwa FPR-Inkotanyi yashimiye abanyamuryango ba FPR-Inkotanyi ku bikorwa byiza bakomeje gukora abasaba no kongera gahunda yo kwishakamo ibisubizo rimwe na rimwe batarindiriye Leta ku bintu bashobora kwikorera.

    Yagize ati ' Hari igihe usanga Koperative irimo abanyamuryango benshi, yewe ifite n'amafaranga menshi ariko ugasanga barakubwiye ngo twabuze imbuga yo kwanikaho umuceri. Ugasanga umuceri barimo barawusarura bakawushyira ahantu hatari heza, ukangirika ari mwinshi kubera cya kintu cyo gutegereza ngo Leta ni yo izabikora, bati buriya ubwanikiro buzubakwa na Leta, ikintu cyose gikorwe na Leta. Nibyo Leta ifite inshingano ariko ni byo dushoboye twabikora.''

    Chairman w'umuryango FPR-Inkotanyi mu Ntara y'Iburasirazuba, Pudence Rubingisa, yagaragaje bimwe mu bikorwa bateganya gukora birimo kongera ubuso buhujwe buhingwa bukagera kuri hegitari ibihumbi 194 ziri mu byanya 34.

    Rubingisa ati ' Turacyafite imbogamizi mu kuzamura umukamo, aho niho twashyize imbaraga kugira ngo muri iyi gahunda twinjiyemo tube twagira umukamo wa litiro hagati ya 23 na 30. Icyo bidusaba ni ugukorana n'aborozi kubirebana n'imigaburire y'amatungo, kubona amazi, kubagezaho amashanyarazi abafasha mu gukoresha imashini zikata ubwatsi, kubona icyororo gitanga umukamo ndetse no gukingira inka zose.''

    Nkuranga Fred yatanze igitekerezo ko Leta ifashe imashini zikata ubwatsi ikazishyira ku makusanyirizo y'amata hirya no hino ku mirenge bishobora gufasha aborozi bato kujya bahunika ubwatsi noneho mu gihe cy'impeshyi bikabafasha kongera umukamo. Yavuze ko hanakenewe abakozi bazi gukoresha izo mashini ku buryo babibigisha.

    Muri iyi nama hagaragajwe ko hakenewe umukamo wa litiro zirenga ibihumbi 600 ku munsi bitarenze mu 2029, abanyamuryango basabwa gushyira hamwe no kongera ingamba zatuma iyi ntego igerwaho.

    Muri iyi nteko rusange hujujwe n'inzego zitari zuzuye, aho Ruzindana Samuel yatorewe kuba umuyobozi wa Komisiyo y'Imiyoborere myiza ku rwego rw'Intara y'Iburasirazuba mu muryango FPR-Inkotanyi.

    Depite Rubagumya Furaha Emma yasabye abanyamuryango kwiyubakamo umuco mwiza wo gukora ibintu badakegereje kubibwirizwa

    Bamwe mu bayobozi bitabiriye iyi nteko rusange

    Chairman wa FPR-Inkotanyi mu Ntara y’Iburasirazuba, Pudence Rubingisa yavuze ko biteze umukamo ungana na litiro hagati ya 23-30 ku nka imwe

    Bamwe mu banyamuryango batanze ibiganiro bagaragaza ibyo bungukiye mu muryango FPR-Inkotanyi

    Source : http://igihe.com/amakuru/u-rwanda/article/depite-rubagumya-yakebuye-abategereza-ko-ibikorwaremezo-byose-byubakwa-na-leta

  • Gukoresha urumogi no kwigomeka ku buyobozi: Ibikubiye muri dosiye ya Taikun yashyikirijwe Ubushinjacyaha #rwanda #RwOT

    Urwego rw'Igihugu rw'Ubugenzacyaha (RIB) rwashyikirije Ubushinjacyaha dosiye y'umunyamakuru Ndahiro Emmanuel uzwi nka Taikun, ukurikiranyweho ibyaha birimo gukoresha ibiyobyabwenge byo mu bwoko bw'urumogi no kwigomeka ku buyobozi.

    Umuvugizi wa RIB, Dr Murangira B. Thierry, yemeje ko dosiye ya Taikun yashyikirijwe Ubushinjacyaha ku wa Mbere tariki ya 31 Kanama 2026, nyuma y'iperereza ryakozwe kuva yatabwa muri yombi.

    Taikun yatawe muri yombi ku wa 26 Kanama 2026. Amakuru mashya yatangajwe n'Umuvugizi wa RIB agaragaza ko mu byaha akurikiranweho harimo icyo kunywa ibiyobyabwenge byo mu bwoko bw'urumogi ndetse n'icyo kwigomeka ku buyobozi.

    Dosiye ye yageze mu Bushinjacyaha

    Kugeza ubu, icyiciro cy'iperereza cya RIB kuri iyi dosiye cyarangiye ku buryo dosiye yashyikirijwe Ubushinjacyaha, ari na bwo bufite ububasha bwo kuyisesengura no gufata umwanzuro ukurikije ibikubiyemo.

    Ibi bivuze ko Taikun akiri mu rwego rwo gukurikiranwa nk'ukekwaho ibyaha; ntabwo bivuze ko ibyo aregwa byamaze kumuhama.

    Uko yatawe muri yombi

    Taikun yafashwe nyuma y'ibyabereye mu rugo yari asanzwe atuyemo na DJ Lenzo. Amakuru yatangajwe n'itangazamakuru avuga ko ku wa 28 Kanama DJ Lenzo yagarutse mu rugo agasanga inzugi n'amadirishya bifunze, ndetse hakumvikana impumuro ikomeye ya esansi.

    Amakuru akomeza avuga ko DJ Lenzo yamenye urugi kugira ngo arebe ibibaye, agasanga Taikun ari mu nzu. Nyuma yaho hatabajwe abashinzwe umutekano, maze Taikun arafatwa.

    Icyakora, ibisobanuro birambuye ku byabaye muri icyo gihe, ndetse n'uburyo ibyaha by'urumogi n'icyo kwigomeka ku buyobozi bihuzwa n'ibimenyetso biri muri dosiye, ntibyashyizwe ahagaragara mu buryo burambuye n'inzego z'ubugenzacyaha.

     

    Source : https://flash.rw/2026/09/01/gukoresha-urumogi-no-kwigomeka-ku-buyobozi-ibikubiye-muri-dosiye-ya-taikun-yashyikirijwe-ubushinjacyaha/