Category: Uncategorized

Ikipe ya Espagne yegukanye Igikombe cy'Isi cya 2026, nyuma yo gutsindira ku mukino wa nyuma Argentine, mu mukino wahujwe n'ibirori by'akataraboneka byitabiriwe n'abakomeye.

Gusoza iryo rushanwa ku rwego rw'Igihugu byabereye muri BK Arena, byitabirwa n'abanyeshuri 120 batsinze ku rwego rw'uturere.

Irushanwa ryatangiye muri Gicurasi 2026, aho buri kigo cy'amashuri ya Leta n'afatanya na Leta ku bw'amasezerano cyaryitabiriye.

Abarushanwaga ni abiga mu byiciro byombi by'amashuri yisumbuye, ukuyemo abo mu mwaka wa nyuma muri buri cyiciro, ndetse buri cyiciro cyarushanwaga ukwacyo binyuze mu ngeri zinyuranye zo kuvugira mu ruhame nk'imbwirwaruhame.

Aya marushanwa yahereye ku rwego rw'ibigo, akomereza ku mirenge no ku turere, aho buri karere katoranyije bane ba mbere ari bo bahurijwe i Kigali, babanza kumara iminsi itatu mu mwiherero kuva ku wa 14 Nyakanga 2026.

Umuhango wabaye none ni uwo gutangaza abatsinze ndetse no gutanga ibihembo kuko irushanwa ryari ryararangiye.

Aba banyeshuri 120 bose bahembwe kuzishyurirwa ishuri umwaka utaha wose, mu gihe 30 barimo 15 bo mu cyiciro kimwe na 15 bo mu kindi ari bo bazajya mu Bwongereza muri Kanama 2026 bamareyo ibyumweru bibiri.

Mu cyiciro rusange cy'amashuri yisumbuye, uwa mbere mu kuvugira mu ruhame Icyongereza yabaye Abatoni Keza Briella wiga muri ENDP Karubanda, mu gihe mu cyiciro cya kabiri cy'amashuri yisumbuye uwa mbere yabaye Mutara Anabella wiga muri Lycée Notre Dame de Cîteaux.

Minisitiri w'Uburezi, Nsengimana Joseph, yavuze ko intego ya mbere y'iryo rushanwa ari ugufasha abanyeshuri kunguka ubumenyi mu Cyongereza kugira ngo bibafashe no gusobanukirwa neza andi masomo.

Ati 'Ururimi rw'Icyongereza ni rwo twigishamo, rero iyo barumenye neza n'ibindi biga nk'Imibare na Siyansi birushaho kuborohera.'

Yongeyeho kandi ko iryo rushanwa ari igice cya gahunda ngari ya Minisiteri y'Uburezi yo kongera ubumenyi mu Cyongereza, harimo no guhugura abarimu kugira ngo kucyigisha no kugisobanukirwa birusheho koroha.

By'umwihariko yagaragaje ko uko irushanwa ryagenze byerekanye ko hari aho abanyeshuri bageze mu kongera ubumenyi, ariko ko hakiri urugendo rusaba izindi mbaraga.

Ati 'Turacyafite intambwe ndende cyane yo gutera, turasabwa gukora cyane kurushaho. Iyo ugerageje ikintu ntigikunde, ntuterera iyo ahubwo ushyiramo imbaraga kugira ngo ubutaha ugitsinde. Ni yo mpamvu hari abatsinze bari hano n'abandi batakomeje, ariko ubutaha birashoboka.'

Mutara Anabella wabaye uwa mbere mu cyiciro cya kabiri cy'amashuri yisumbuye, yavuze ko ibyo byamushimishije ariko binamuha inshingano zo gukomeza gukora cyane, anagaragaza icyamufashije kumenya Icyongereza.

Ati 'Ibi birabera icyitegererezo bagenzi banjye na bo bashyireho umuhate. Umubyeyi wanjye ni umuntu wadufashije cyane gushyiraho umuhate ngo twige Icyongereza. Ikindi nabwira abarezi n'abandi bana ni uko kwiga Icyongereza gusa bidahagije, ahubwo bisaba no kugikoresha ukivuga.'

Minisitiri w'Urubyiruko n'Iterambere ry'Ubuhanzi, Dr. Utumatwishima Abdallah yabwiye urubyiruko ko kumenya Icyongereza ari inkingi ikomeye mu rugendo rw'uburezi n'andi mahirwe abagenewe.

Ati 'Gahunda tugira zigenewe urubyiruko zihera ku myaka 16 kugeza kuri 30, kandi iyo ruteguwe neza turwakira rubasha kuzikoresha neza rugatsinda. Ushobora kugira umushinga mwiza mu by'ikoranabuhanga, ariko ukananirwa kuwusobanura mu marushanwa, umuntu wateguye utaruta uwawe akaba ari we utsinda kuko wowe udashobora kuvuga Icyongereza.'

Yaboneyeho no kubashishikariza gahunda y'Intore mu Biruhuko izatangira mu cyumweru gitaha izajya iba gatatu mu cyumweru mu rwego rwo kubarinda kujya mu bikorwa bishobora kubangiza bitewe n'uko batari mu ishuri.

Ni impanuka yabaye kuri iki Cyumweru ahagana Saa Yine zishyira Saa Tanu. Yabereye mu Murenge wa Musambira, Akagari ka Karengera, mu Mudugudu wa Nyagatovu.

Iyi Hiace yavaga mu cyerekezo cya Kigali yari itwaye abantu 21 yagonganye n'ikamyo yari irimo abantu bibiri, na yo yavaga mu cyerekezo cy'i Muhanga, maze abantu icyenda baburira ubuzima muri iyi mpanuka.

Umuyobozi w'Akarere ka Kamonyi, Dr. Nahayo sylvère yabwiye IGIHE ko imibiri y'abapfuye yajyanywe mu buruhukiro mu Bitaro bya Kabgayi, mu gihe abandi 14 bayikomereyemo bajyanywe mu bitaro bitandukanye birimo Remera Rukoma, CHUK na Kabgayi kuvurwa.

Ati 'Abantu icyenda bahise bitaba Imana, naho abakomeretse barimo kwitabwaho n'abaganga. Mu bari muri Hiace, hapfuyemo icyenda abandi basigaye barakomereka, naho babiri bo mu ikamyo bakomeretse byoroheje.''

Meya Dr. Nahayo yakomeje ashimira abaturage b'i Musambira bagaragaje umuco mwiza wo gutabara abagize impanuka, batagamije kubabangamira.

Ati 'Bagaragaje umuco mwiza wo gutabara, kuko hari abahageze mbere bikiba, bakoze ibishoboka byose kugira ngo bafashe abari mu kaga, kugeza inzego z'umutekano zihageze.'

Umuvugizi wa Polisi y'u Rwanda, ACP Rutikanga Boniface, yavuze ko iyi mpanuka yatewe n'umushoferi wa Hiace washatse kunyura ku modoka yari imuri imbere, abikora atashishoje birangira agonze iyi kamyo.

Ati 'Iyi modoka yari itwaye abantu 21, ku bw'amahirwe make abantu icyenda bahita bahasiga ubuzima. Ni impanuka yari ikomeye […] hari abakomeretse cyane ariko bageze kwa muganga bagihumeka.'

Uyu muyobozi yaboneyeho no kwihanganisha imiryango yabuze ababo, yifuriza n'abakomeretse gukira.

Ramjaane Joshua Foundation yashinzwe na Ramjaane Joshua Niyoyita wamamaye ubwo yari umunyarwenya akaba n’umunyamakuru mu Rwanda yatanze Miliyoni eshani y’ubwisungane bwo kwivuza ku bantu igihumbi bo mu karere ka Bugesera , mu Mirenge wa Kamabuye ndetse na Ngeruka.

Ni igikorwa cyabaye kuri uyu wa Gatanu taliki ya 17 Nyakanga 2026. Ramjaane aherekejwe na Adam bavanye muri Amerika babanje guhugura abashinzwe imbonezamirire mu miryango ndetse Adam abigisha ijambo ry’Imana.

Nyuma yaho nibwo habaye irushanwa rya Ramjaane Joshua Foundation ryari rigamije ubukangurambaga mu kurwanya ibiyobyabwenge mu rubyiruko binajyana n’igikorwa cyo gutanga ubwisungane mu kwivuza.

Iri rushanwa ryabereye mu Murenge wa Kamabuye ku kibuga cya GS Nyakayaga, ryahuje Umurenge wa Ngeruka n’umurenge wa Kamabuye ari naho Ramjaane Joshua Foundation isanzwe ikorera ibikorwa byayo.

Ni irushanwa ryahuje Imirenge 2 . Kamabuye yari hagarariwe n’Akagari ka Kampeka ndetse Ngeruka yo yari ihagarariwe n’Akagari ka Murama.

Ramjaane yakiniye ikipe y’Akagali ka Murama yari ihagarariye Umurenge wa Ngeruka naho Adam akinira akagari ka Kampeka kari gahagaririye Umurenge wa Kamabuye.

Iminota 90 yarangiye amakipe yombi anganya ibitego 2-2, hitabazwa Penaliti, Kamabuye itsinda 3-1.

Ikpe ya mbere yahembwe igikombe n’ ibihumbi ijana (100.000 FRW) mu gihe iya 2 yahembwe ibihumbi mirongo itanu (50.000 FRW).

Ramjaane Joshua Foundation yatanze ubwisugane mu kwivuza ku bantu igihumbi bo mu Mirenge wa Ngeruka na Kamabuye. Buri Murenge wahawe ubwisungane mu kwivuza bw’abantu 500 ahwanye na Miliyoni ebyiri n’igice ( 2.500.000 FRW) kuri buri Murenge.

Ramjaane washinze Ramjaane Foundation

Adam, umushyitsi wa Ramajaane wahuguye abafashamirire ndetse anabwiriza ijambo ry’Imana ryibanze ku kwita ku burere bw’abana

Ukuriye Ubuzima mu Murenge wa Ngeruka yashimye cyane Ramjaane Foundation ku bikorwa ikorera mu Mirenge ya Ngeruka na Kamabuye

Abafashamirire nibo bahuguwe

Umurenge wa Kamabuye wahawe miliyoni 2.5 Frw yo kugurira abaturage ubwisungane mu kwivuza

Umurenge wa Ngeruka wahawe miliyoni 2.5 Frw yo kugurira abaturage ubwisungane mu kwivuza

Banakinnye umupira

Kamabuye ni yo yatwaye igikombe

Arnaud Ntamvutsa ukuriye Ramjaane Foundation mu Rwanda

Ni igikorwa cyabaye ku wa 28 Nyakanga 2026 nk'uko byatangajwe na RAEB.

Uru ruzinduko rwabaye mu rwego rw'ubugenzuzi bwa IAEA buzwi nka Integrated Nuclear Infrastructure Review Mission for Research Reactors (INIR-RR), bugamije kureba aho u Rwanda rugeze mu myiteguro yo guteza imbere ibikorwaremezo bijyanye n'ubushakashatsi bushingiye ku ikoranabuhanga rya nucléaire.

CNST ni kimwe mu bikorwaremezo by'ingenzi u Rwanda rwateganyije mu rwego rwo guteza imbere ubushakashatsi n'imikoreshereze y'ikoranabuhanga rya nucléaire mu nzego zitandukanye. Iki kigo giteganyijwe kubakwa mu Ntara y'Iburasirazuba, mu Karere ka Bugesera, hafi y'icyanya cyahariwe inganda n'Ishuri Rikuru rya RICA.

U Rwanda ruvuga ko iki kigo kizagira uruhare mu guteza imbere ubushakashatsi n'ubuvuzi bukoresha ikoranabuhanga rya nucléaire. Mu mishinga ijyanye na nucléaire u Rwanda rufite, harimo no kwitegura gukoresha inganda nto z'amashanyarazi dukoresha ingufu za nucléaire zizwi nka Small Modular Reactors (SMRs).

Uru ruzinduko rw'inzobere za IAEA ruje mu gihe u Rwanda rukomeje gukorana n'uru rwego rwa Loni mu kubaka ubushobozi, gutegura abahanga no gushyiraho ibikorwa remezo bizatuma ikoreshwa ry'ingufu za nucléaire rikorwa mu buryo bwizewe kandi bugamije iterambere rirambye.

Iyi ntambwe ije mu gihe muri Werurwe 2026 itsinda ry'abakozi ba IAEA bari mu Rwanda na none mu ingenzura ryo kureba ko u Rwanda rwujuje ibisabwa mu kubaka uruganda rw'ingufu za nucléaire. Isuzuma ryakozwe ryagaragaje ko u Rwanda ruhagaze neza muri uru rwego.

As part of the ongoing @iaeaorg Integrated Nuclear Infrastructure Review Mission for Research Reactors (INIR-RR) in Rwanda, RAEB staff, IAEA experts and key national stakeholders conducted a site visit to the future Centre for Nuclear Science and Technology (CNST) in Gashora,… pic.twitter.com/WScgC58g68

— Rwanda Atomic Energy Board (RAEB) (@RAEB_Rwanda) July 18, 2026

Ibi babitangaje ku wa 18 Nyakanga 2026, ubwo kuri Stade y'Akarere ka Nyagatare, hakomerezaga ibi bitaramo bya 'MTN Iwacu Muzika Festival 2026'.

Ibi bitaramo biri kuba ku nshuro ya karindwi, aho byatumiwemo abahanzi batwaye 'Primus Guma Guma Super Star', biri kuzenguruka mu mijyi irindwi y'u Rwanda kuva ku wa 20 Kamena 2026 kugeza ku wa 1 Kanama 2026.

Umujyi wa Nyagatare wakiriye igitaramo cya Gatanu uyu mwaka, nyuma y'ibyabereye mu Turere twa Huye, Ngoma, Muhanga, Karongi twakiriye ibi bitaramo biheruka.

Bamwe mu bacuruzi bo mu Karere ka Nyagatare by'umwihariko abafite ibikorwa by'ubucuruzi ahegereye Stade ya Nyagatare, baganiriye na IGIHE, bavuze ko bungutse byinshi kubera igitaramo cya MTN Iwacu Muzika Festival 2026, gitegurwa na East African Promoters (EAP) gitumirwamo abahanzi benshi bakomeye mu Rwanda.

Dushimirimana Angelique ucuruza ibinyobwa hafi ya Stade y'Akarere ka Nyagatare yavuze ko amafaranga asanzwe yinjiza yikubye inshuro 10 kubera ibitaramo bya MTN Iwacu Muzika Festival.

Ati 'Ubundi mu buzima busanzwe kuva mu gitondo kugeza mu ma saa munani mba ninjije ibihumbi 5000 Frw gusa ubungubu kuva mu gitondo kugeza aya masaha nshobora kuba maze kwinjiza amafaranga ari hagati ya 40000 Frw na 50000 Frw.'

Manirafasha Jean Marie Vianney yavuze ko yari amaze igihe atunguka cyane kubera ko nk'ikarito y'ikinyobwa cya 'Energy' yajyaga ayimarana iminsi ibiri itarashira gusa kuri uyu munsi habareye ibitaramo bya MTN Iwacu na Muzika Festival, yaranguye amapaki arenga atatu ndetse n'ibindi bicuruzwa.

Ibi abihurizaho na John Ndayisaba ukorera muri Hoteli ya Demi Sheraton iherereye mu Murenge wa Nyagatare wavuze ko abantu basanzwe bakira mu macumbi yabo ndetse na restaurant biyongereye ku kigero cyo hejuru kubera ibi bitaramo.

Ati 'Ibi bitaramo bitugirira akamaro gakomeye cyane kubera ko nko ku ruhande rwacu ibyumba byari byashize kubera abantu bitabiriye ibi bitaramo baturutse mu bice bitandukanye ndetse n'abakoresha restaurant biyongereye cyane kubera ko bavuye kuri 50 dusanzwe twakira bagera kuri 200.'

Umuyobozi w'Akarere ka Nyagatare wungirije ushinzwe Iterambere ry'Ubukungu, Matsiko Gonzague, yavuze ko ibitaramo bya 'MTN Iwacu Muzika Festival' bigira akamaro gakomeye karenze kubinjiriza agatubutse gusa kuko bibafasha gusoza icyumweru neza.

Ati 'Ibitaramo nk'ibi byongera umunezero n'ibyishimo ku baturage bacu ndetse bikanabafasha gusoza icyumweru neza ibituma basubira mu kazi bameze neza babonye umwanya wo kuruhuka'

Yakomeje avuga ko ibi bitaramo bya MTN Iwacu Muzika Festival bifasha kuzamura impano z'abahanzi bakiri bato bo mu Karere ka Nyagatare kuririmbira imbere y'abantu benshi ndetse no kubinjiriza agatubutse.

Ibitego bibiri byatsinzwe na Antonio Atisso Kodjo na Nkundimana Fabio byafashije Rayon Sports gutsinda Gor Mahia mu mukino wa gicuti.

Ni umukino wabaye mu rwego rwo kwizihiza Umunsi w’Igikundiro (Rayon Day 2026) wabaye uyu munsi ku wa Gatandatu aho yerekanye abakinnyi n’abatoza izakoresha mu mwaka w’imikino wa 2026-27.

Nyuma yo kwerekana abakinnyi nibwo uyu mukino wa gicuuti mpuzamahanga wabaye muri Kigali Pelé Stadium.

Mu bakinnyi Rayon Sports yabanjemo bari biganjemo abashya nk’umunyezamu Dande Junior, Muderi Akbar, Ibrahim Djingarey, Issa Djiguiba, Antonio Atisso Kodjo na Boris Gbenou, Nizeyimana Moubarak, Charles Tchouplaou na Matumona Wakonda Kanda Abel.

Nshimiyimana Emmanuel Kabange na Ishimwe Elie Ganijuru nibo bakinnyi basanzwe mu ikipe babanjemo.

Rayon Sports ikaba yatangiye ishaka igitego ndetse ishyira igitutu kuri Gor Mahia, gusa umunyezamu wayo abyitwaramo neza.

Gor Mahia nayo yakinaga ariko ikinira mu kibuga cyayo cyane ariko ubona ko irimo kwiga imikinire ya Rayon Sports.

Mu minota 15 ya nyuma y’igice cya mbere, Gor Mahia yashyize igitutu kuri Rayon Sports ndetse ibona n’amahirwe akomeye ariko umunyezamu Dande Junior awukuramo.

Mu minota y’inyongera y’igice cya mbere Rayon Sports yatsinze igitego cya mbere cyatsinzwe na Antonio Atisso Kodjo ku mupira yari ahawe na Nizeyimana Moubarak.

Muri iki gice cya mbere, Rayon Sports yakoze impinduka aho Boris Gbenou yavuye mu kibuga yagize imvune asimburwa na Iradukunda Elie Tatu. Amakipe yombi yagiye kuruhuka ari 1-0.

Rayon Sports kandi yatangiye igice cya kabiri ikora impinduka Dande Junior, Nizeyimana Moubarak na Matumona Wakonda Kanda Abel baha umwanya Drissa Kouyate, Ndikumana Asman na Nshuti Didier.

Yakomeje kugenda ikora izindi mpinduka nka Antonio Atisso Kodjo, Ibrahim Djingarey na Nshimiyimana Emmanuel Kabange, Issa Djiguiba, Elie Tatu, Ndikumana Asman, Muderi Akbar bavuyemo.

Hajyamo Tony Kitoga, Ndayishimiye Didier, Muhoza Daniel, Nisingizwe Christian, Tambwe Gloire Ngongo, Nkundimana Fabio na Kameni Herman.

Gor Mahia yakomeje gushaka igitego cyo kwishyura ndetse ibona amahirwe ariko biranga ni nako na Rayon Sports yashatse icya kabiri ikibona mu minota y’inyongera gitsinzwe na Nkundimana Fabio ku mupira yahawe na Kameni Herman. umukino warangiye ari 2-0.

Nubwo bigoye guca urubanza ku mukino wa mbere ariko mu bakinnyi bashya ba Rayon Sports abigaragaje bishimiwe n’abafana barimo; Nizeyimana Moubarak, Antonio Atisso Kodjo, Ibrahim Djingarey, Muderi Akbar, Iradukunda Elie Tatu, Muhoza Daniel na Dande Junior.

Issa Djiguiba ntabwo yiyeretse abakunzi ba Rayon Sports neza

Kabange ni we kapiteni

Antonio Atisso Kodjo yatangiye neza muri Rayon Sports atsinda

Bishimira igitego kimwe rukumbi cyabonetse

Byabaye mu ijoro ryo ku wa 17 rishyira ku wa 18 Nyakanga 2026, mu Mudugudu wa Rusisiro, Akagari ka Matyazo, Umurenge wa Ngoma, ho mu Karere ka Huye.

Abageze aho byabereye mbere bavuze ko uyu muzamu yasanzwe mu bwiherero yubitsemo umutwe, iduka yarindaga ryatobowe, rinibwamo ibintu byinshi.

Dusabimana Rosine, wakoreshaga uyu muzamu muri iri duka yabwiye IGIHE ko bari bamaranye amezi ane, kandi yari umwizerwa mu kazi k'umutekano yakoraga.

Uyu mubyeyi yayuze ko ubwo babyukaga bahurujwe n'abaturanyi mu gitondo, batunguwe no gusanga umuzamu wabo yapfuye ari mu bwiherero bwa butiki, bigaragara ko yishwe.

Yavuze ko abamwibye bacukuye inzu baturutse inyuma bakinjira bagatwara ibintu bitandukanye birimo inkweto, ibyo kunywa bidasembuye, amavuta yo kwisiga no guteka ndetse n'ibindi byinshi bifite agaciro k'ibihumbi 850 Frw.

Undi muturage uri no mu nzego z'ibanze zishinzwe umutekano utashatse kwivuga, yavuze ko ikibazo cy'umutekano mucye mu Matyazo gikeneye izindi mbaraga za Polisi n'Ingabo kuko kitakiri icy'irondo risanzwe.

Yavuze ko intonde z'ibisambo n'abanywi b'ibiyobyabwenge nka kanyanga muri Matyazo zizwi, ariko ikibura ari ubufasha bw'inzego zifite ububasha zo kubahashya, anasaba ko abakunze gufatwa bahita barekurwa, bityo bigaca intege abaturage mu gukomeza gutanga amakuru.

Umuvugizi wa Polisi mu Ntara y'Amajyepfo, CIP Kamanzi Hassan, yabwiye IGIHE ko na bo amakuru bayamenye ndetse bihutiye kujyayo bari kumwe na RIB basanga umuzamu wari mu kigero ki myaka 61 warindaga iduka koko yishwe n'abagizi ba nabi, bahita bafata umurambo.

Ati 'Umurambo wajyanwe ku bitaro bya CHUB mu gihe ubugenzacyaha bwatangiye iperereza . Ubu Polisi ku bufatanye n'izindi nzego ndetse n'abaturage bakomeje gushakisha ababigizemo uruhare.''

Yakomeje avuga ko Polisi yihanganishije umuryango wa nyakwigendera, aboneraho no kwibutsa abishobora mu bikorwa bigayitse bihungabanya umutekano n'ituze ry'abaturage kubihagarika kuko Polisi itazabihanganira, kandi ko kubahiriza amategeko bireba buri wese.