Category: Uncategorized

Yatangiye ubu butumwa ubwo we n'abandi basirikare bakuru muri RDF barimo Umugaba Mukuru, Gen Mubarakh Muganga, bari mu mugoroba wo kwizihiza ubuzima bwa Capt (Rtd) Butare Rogers uheruka kwitaba Imana.

Gen (Rtd) Ibingira yavuze ko kuba abasirikare bakuru muri RDF bitabiriye iki gikorwa ari uko Capt (Rtd) Butare atigeze anyuranya n'amahame yatumye abasirikare ba RPA bafata imbunda, bakabohora u Rwanda.

Ati “Iyo Butare anyuranya n'amahame yacu yatumye dufata imbunda tukarwana, muri twe nta n'umwe wakahabonye. N'uzabikora muri bagenzi bacu twicaye aha, uzajya wishyingura. Ibyo nta soni zo kubivuga kuko uba wanyuranyije n'amahame, uba watatiriye igihango.”

Yasobanuye ko umusirikare ashobora gukomereza ubuzima mu kindi gihugu nka Capt (Rtd) Butare wabaye muri Leta Zunze Ubumwe za Amerika ariko ko ibyo bitavuze ko mu gihe agezeyo agomba kwibagirwa impamvu we na bagenzi be babohoye u Rwanda.

Uyu musirikare kandi yagaragaje ko iyo umusirikare yitabye Imana, bagenzi be basigaye bamuvuga ibigwi kubera ko yagumye mu murongo mwiza, ntabe umwanzi w'igihugu.

Ati “Ariko se ubu mbaye ikigarasha, nkaba adui, ni nde wamvuga koko? Abantu bajye bamenya ibyo ngibyo. Iyo tuvuga rero kuri mugenzi wacu wabaye umusirikare, ni yo mpamvu tumuvugana izo mbaraga kubera ko afite ibyo yakoze.”

Gen (Rtd) Ibingira yasabye abo mu muryango wa Capt (Rtd) Butare ko bagomba kumubanira, ntibatatire igihango cye kuko bashukishijwe amafaranga, ababwira ko inzara ishobora gushira ariko igihemu cyo ntigishire.

Umuyobozi Mukuru wungirije w'agateganyo ushinzwe iterambere ry'ubworozi muri RAB, Dr Mupenzi Mutimura yabwiye IGIHE ko mu mwaka wa 2025 u Rwanda rwabonye umusaruro w'amata ungana na litiro 1.152.514.000 uvuye kuri litiro 1.092.430.000 mu 2024.

Ibi bivuze ko umusaruro w'amata wiyongereyeho hafi 6% mu mwaka umwe.

Uyu muyobozi yavuze ko hari ibihe by'umwaka usanga umusaruro w'amata ugabanuka, cyane cyane mu gihe cy'impeshyi bigatuma amazi ahabwa inka aba make.

Yagize ati “Iyo inka zibuze amazi ahagije bigira ingaruka ku mukamo. Niyo mpamvu ikibazo cy'amazi n'ubwatsi bw'amatungo ari bimwe mu by'ingezi byitabwaho kugira ngo umusaruro ukomeze kwiyongera no mu gihe cy'impeshyi”.

Yongeyeho ko kuri ubu Leta yashyizeho gahunda zo gufasha aborozi kubona ibikoresho byo gufata no kubika amazi, birimo ibigega by'amazi, ndetse no gucukura amariba yo kuhira aho bishoboka.

Ati “Aborozi kandi barashishikarizwa guhunika amazi n'ubwatsi mu gihe cy'imvura kugira ngo haboneke ubwo bazakoreshwa mu gihe cy'impeshyi”.

RAB ivuga ko guhunika amazi n'ubwatsi bifasha mu kugabanya ihindagurika ry'umusaruro w'amata cyane cyane mu gihe cy'impeshyi.

Mu bupimiro 44 bwakurikiranwe, 43 bwagaragaje imvura iri munsi y'isanzwe igwa. Ubupimiro bwa Nyagatare ni bwo bwonyine bwapimiweho imvura irenze isanzwe igwa muri iyo minsi.

Meteo Rwanda ivuga ko ubupimiro bwa Nyagatare bwapimye imvura ya milimetero 32,5 mu minsi ibiri, bukurikirwa n'ubwa Kagitumba, na bwo bwo muri ako karere, bwapimye milimetero 20,5 mu minsi ibiri.

Mu Mujyi wa Kigali, mu bice byinshi by'Intara y'Iburengerazuba, iy'Amajyepfo, iy'Amajyaruguru n'iy'Iburasirazuba, nta mvura yaguye. Aho yabonetse, yaguye hagati y'umunsi umwe n'ibiri.

Iyo raporo igaragaza kandi ko ubushyuhe bwari hejuru y'ubusanzwe bupimwa mu ntangiriro za Nzeri mu bice byinshi by'igihugu. Ibihe by'izuba byatumye ubuhehere bw'ubutaka bukomeza kugabanuka ahenshi.

Meteo Rwanda iteganya ko hagati ya tariki ya 11 n'iya 20 Nzeri hazagwa imvura iri hagati ya milimetero 10 na 64. Yagiriye abahinzi inama yo kwegera abashinzwe ubuhinzi kugira ngo bitegure igihembwe cy'ihinga A 2027.

Mu Ntara y'Iburengerazuba, mu bice byinshi by'Amajyaruguru no mu Turere twa Nyamagabe na Nyaruguru, imvura izaba iri ku kigero cy'isanzwe igwa muri icyo gihe. Mu bindi bice by'igihugu, hateganyijwe imvura iri munsi gato y'isanzwe igwa.

Ibi byagarutseho mu gikorwa cyo kumurika ibyagezweho muri manda y'imyaka itanu y'Imana Njyanama y'akarere yatangiye mu mpera za 2021, igiye kurangira mu Ukwakira 2026, cyabaye ku wa 10 Nzeri 2026.

Ubuyobozi bwagaragaje ko amafaranga yinjiye mu mifuka y'abaturage bayakesha ubuhinzi bw'icyayi yavuye kuri 5.186.934.395 Frw yariho mu 2021 agera kuri 9.261.304.506 Frw mu 2026.

Ni mu gihe amafaranga yinjiye mu mifuka y'abaturage akomotse ku gihingwa cya kawa yavuye kuri 566.716.420 Frw yariho mu 2021 agera kuri 1.378.520.500 Frw mu 2026.

Umuyobozi w'Akarere ka Rulindo, Mukanyirigira Judith avuga ko mu byo bishimira bagezeho mu myaka itanu ishize harimo no kuzamura umusaruro w'ibihingwa byoherezwa mu mahanga.

Ati 'Mu 2021 umusaruro w'icyayi wari toni 3.292 ku mwaka, none uyu munsi mu 2026 bageze kuri toni 4.953 ku mwaka muri 2026, ni mu gihe umusaruro w'ikawa mu 2021 wari kuri toni 302 ku mwaka none uyu munsi ugeze kuri toni 430 ku mwaka, uku guteza imbere ubuhinzi bw'ibyoherezwa mu mahanga byafashije abaturage kwinjiza amafaranga no guhindura imibereho yabo.'

Muri aka karere kandi bazamuye umusaruro w'urusenda uva kuri toni 248 wariho mu 2021, ugera kuri toni 441 ku mwaka mu 2026.

Bazamuye kandi umusaruro w'imiteja uva kuri toni 336 ku mwaka bariho mu 2021, bagera kuri toni 420 ku mwaka mu 2026.

Meya Mukanyirigira yanagaragaje ko aka karere gakungahaye ku mabuye y'agaciro, aho muri 2026 bageze ku bilo 4.801.716 ku mabuye ya Wolfram, ni mu gihe ku mabuye yo mu bwoko bwa Gasegereti bageze ku bilo 2.867.460.

Mu bikorwa remezo byorohereza abaturage kugeza umusaruro w'ibi bihingwa byoherezwa mu mahanga ku isoko muri aka karere mu myaka itanu ishize hubatswe imihanda ireshya n'ibilometero 81.1, ni mu gihe hubatswe ibiraro bishya 16 birimo 12 byo mu kirere.

Manda y'imyaka itanu y'inama njyanama y'Akarere ka Rulindo yatangiye inshingano mu mpera za 2021 yafashe ibyemezo 622, muri byo ibigera kuri 580 byashyizwe mu bikorwa.

Umuhanzikazi ukomoka muri Uganda, Sheebah Karungiye yahishuye ku nshuro ya mbere ajya mu rusengero yabikubitiewe bituma atongera kujya gusenga.

Ni mu butumwa burebure yanyijije ku rukuta rwe rwa X bwagarukaga ku buzima bwe no gusenga n’impamvu yabicitseho.

Ati “Uyu munsi, nagiye ku rusengero mbishaka ku nshuro ya mbere mu buzima bwanjye, navutse ndi umuyisilamu, ku nshuro ya mbere njya ku rusengero ndi umwana, narabikubitiwe. Sinigeze nsubirayo.”

Gusa yakomeje avuga ko yagiye ajya mu rusengero inshuro nyinshi ariko atagiye gusenga ahubwo ari ho yabonaga ubuhungiro.

Ati “Nagiye mu rusengero inshuro nyinshi ariko nko gushaka ubuhungiro atari ugusenga. Kuva ku myaka 14 ubwo ntari nzi aho ndi buryame cyangwa aho najya nkaba ntekanye, urusengero rwabaye ahantu ho kujya. Rimwe na rimwe nacungaga abandi basohotse mu rusengero nkahita ninjira, nkajya mu nguni nkaryamayo. Rimwe na rimwe najyagayo mpunga ubwana bwanjye, nkumva umuziki, nkashaka amahoro nkahumeka.”

Yavuze ko uko yumvaga Imana ari nako bimeze uyu munsi, ngo nubwo atajyaga gusenga ariko iyo asubije amaso inyuma abona icyo gihe cyose yabaga ari mu rusengero Imana yabaga iri kumwe na we.

Gusa ngo ejo hashize ku Cyumweru byari bitandukanye kuko “Nagiyeyo kuko nashakaga kuba ndi ahantu nigeze kujya mpahungira ngo mbone umutekano, kuri iyi nshuro ni ugushimira Imana.”

“Uyu mwaka yarandinze mu buzima, urupfu, yasubije amasengesho na buri kimwe Imana yampaye na mbere y’uko menya ko mbikwiriye. Nashakaga kuvuga ngo warakoze.”

Sheebah Karungi yemeje ko yahisemo kujya gusengera mu rusengero rwa Pastor Wilson Bugembe kubera ko yiyumvamo ko hari umubano afitanye n’Imana kuko yagiye amusengera iwe mu rugo no mu bihe bitandukanye by’ubuzima bwe ari n’aho yagiye yiyumvamo hari imbaraga z’umwuka afite.

Kubona abantu bateraniye hamwe barimo basingiza Imana, bafite icyizere byari byiza, niyumvise neza kandi ko ntacyahindutse kuri we akiri wa wundi ariko akunda Imana.

Sheebah Karungi yavuze ko umunsi wa mbere ajya mu rusengero yabikubitiwe

Ndayambaje Emmanuel wamamaye nka Bob Pro mu gutunganya no gukora 'Mastering’ z’indirimbo z’abahanzi, yakoze ubukwe na Tuyizere Kelia [Kelliah].

Ni ubukwe bwabaye ejo hashize ku Cyumweru tariki ya 13 Nzeri 2026, aho Bob Pro yasabye anakwa Kelliah maze banasezerana kubana nk’umugabo n’umugore, nyuma y’igihe bari bamaze mu munyenga w’urukundo.

Bob Pro yarambitse ibiganza ku ndirimbo nyinshi zakunzwe hano mu Rwanda nka 'Ndi Ready’ ya Kevin Kade, 'Gake Gake’ ya Bwiza, 'Eva’ ya Kitoko n’izindi.

Kelliah washakanye na Bob Pro ni umuhanzikazi nyarwanda uzwi nka 'Renge’, 'Mon Bébé’, 'Gitego’, 'Together’.

Bob Pro yakoze ubukwe na Kelliah

Kelliah umugore wa Bop Pro

Ikipe y’igihungu ya Handball y’abatarengeje imyaka 18, yageze muri Côte d’Ivoire aho yitabiriye Igikombe cya Afurika cya 22 (Africa Men’s Youth Championship).

Ku mugoroba w’ejo hashize ku Cyumweru tariki ya 13 Nzeri 2026, nibwo iyi kipe yageze muri iki gihugu aho bagiye gukina iki gikombe kizatangira ejo ku wa Kabiri tariki ya 15 Nzeri 2026.

Iki Gikombe kikaba kizaba guhera tariki ya 15 kugeza 22 Nzeri 2026, u Rwanda rukaba ruri mu itsinda C aho ruri kumwe na Marocco na Libya.

Aba bakinnyi b’umutoza Bagirishya Anaclet bagiye gutangira irushanwa mu gihe bakuru babo batarengeje imyaka 20 bo bitagenze neza mu Gikombe cya Afurika cy’abatarengeje 20 cyari kimaze iminsi kibera Côte d’Ivoire.

Umukino wa mbere u Rwanda ruzawukina ejo ku wa Kabiri na Maroc saa 19h00′ ni mu gihe ku wa Gatatu saa 17h00′ ruzakina na Libya.

Ikipe y’igihugu yageze muri Cote d’Ivoire

Uru ruganda rwitwa, A1 Iron & Steel Rwanda Ltd ruzajya rukora ibyuma bikoreshwa mu bwubatsi aho ruje kunganira izindi zisanzwe mu gihugu mu kongera umusaruro w'ibikoresho by'ubwubatsi.

Rwatwaye arenga miliyoni 20$ ( miliyari 29 Frw) aho rwari rumaze amezi ane rukora bivuze ko rwashyize icyuma cya mbere hanze muri Mata 2026. Ruzajya rukora toni 250.000 z'ibyma ku mwaka

Uru ruganda rukoresha kandi megawatt 20 z'ingufu ku munsi rukura mu rugomero rw'amashanyarazi ruhereye mu Karere ka Nyabihu. Ni uruganda rwubatswe n'abashoramari bo mu Buhinde.

Ruzashongesha amabuye y'ubutare aboneka mu Rwanda

Nk'uko bimenyerewe, inganda u Rwanda rufite mu Rwanda zikora ibyuma zabikoraga binyuze mu gushongesha ibyuma bishaje, zikabikuramo ibindi bikoresho by'ibyuma.

Umwihariko w'uru ruganda ni uko rwo rugiye kuzajya rushongesha amabuye y'ubutare cyangwa ibyo bita 'Iron ore'.

Aya mabuye u Rwanda ruyakungahayeho cyane cyane mu Ntara y'Amajyaruguru ku buryo uru ruganda ruzakora nta nkomyi.

Guverineri w'Intara y'Amajyaruguru, Maurice Mugabowagahunde yijeje aba bashoramari ko batazigera babura ibikoresho by'ibanze byo gukoresha.

Ati 'Duhaye ikaze uru ruganda rwa A1 Iron & Steel Rwanda Ltd, kandi turarufata nk'umufatanyabikorwa ukomeye mu iterambere ryacu.'

Impamvu ikomeye yatumye rwubakwa mu Majyaruguru

Guverineri Mugabowagahunde yinjiye mu mateka y'aka gace aho agaragaza ko kahoze kuva na kera ari igicumbi cy'ubucuzi bw'ibikoresho by'ibyuma.

Abashakashatsi mu mateka bagaragaje ko no hambere mu Rwanda, muri aka gace ari ho habaga abacuzi bacuraga imyambi ndetse n'amacumu byakoreshwa mu buhigi ndetse no mu ngamba zo kwagura u Rwanda.

Hacurirwaga kandi ibindi bikoresho nk'amasuka nk'ayo bitaga 'Amasuka y'amaberuka. Aya masuka ni yo yakoreshwaga mu guhinga ubutaka bw'aka gace buzwiho kurumbuka, bityo Abanyarwanda bakabona ibibatunga.

Ubu mu Karere ka Rulindo hamaze kuzura Inzu Ndagamurage y'Amateka, iherereye ahazwi nko Ku Kirenge, aho igaragaza umurage w'ihariye w'ubucuzi bw' amabuye y'ubutare yo muri aka gace, ari na yo uruganda rwa A1 Iron & Steel Rwanda Ltd ruzajya rukoresha.

Kongera ibyoherezwa mu mahanga no kugabanya ibyo u Rwanda rutumiza

Iyo urebye mu mibare usanga mu byo u Rwanda rwatumizaga hanze higanjemo ibikoresho by'ubwubatsi dore ko urwego rw'ubwubatsi mu Rwanda rwagize ishoramari ryinshi mu myaka ishize kandi ko rinakomeje kwiyongera.

Ibi byatumaga hakenerwa ibikoresho byinshi by'ubwubatsi bityo ugasanga ibyinshi bigomba gutumizwa hanze kuko inganda zari zihari mu gihugu zitahazaga isoko.

Minisitiri w'Intebe Justin Nsengiyumva ubwo yatahaga uru ruganda yavuze ko u Rwanda rwishyuraga akabakaba miliyoni 200$ mu gutumiza ibikoresho by'ibyuma hanze.

Ministiri yavuze ko uru ruganda ruje rugiye gukuraho agera kuri miliyoni 100$ ku yo u Rwanda rwishyuraga.

Ibi bisobanuye ko uru ruganda rutazakora ibikoresho byose bikenerwa mu bwubatsi, cyangwa n'ibindi bikoze mu cyuma bikoreshwa mu bindi.

Ni yo mpamvu hakiri miliyoni 100$ u Rwanda ruzajya rutumizamo ibindi bikoresho bikoze mu cyuma bidakorerwa mu Rwanda ubu.

Ibikoresho bikorwa n'uru ruganda kandi bizajya byoherezwa mu mahanga, aho byitezwe ko ruzabigemura mu bihugu byo mu karere.

Ministiri Nsengiyumva yagize ati 'Uru ruganda ruzatuma u Rwanda rujya ku gasongero mu bihugu byo mu Karere byohereza mu mahanga ibikoresho by'ibyuma byinshi.'

A1 Iron & Steel Rwanda Ltd, isoko y'akazi

A1 Iron & Steel Rwanda Ltd iri gukoresha abakozi bagera kuri 500 biganjemo Abanyarwanda. Hari n'abandi 2.500 bazabona imirimo hanze y'uruganda izaba irushamikiyeho.

Umwe mu bakozi baganiriye na IGIHE, Izabayo Honore, yavuze ko rwahaye akazi abiganjemo urubyiruko rwo mu gace ruherereyemo, bikagira uruhare mu kugabanya ubushomeri.

Ati 'Hano tuhakora turi benshi kuko dukora mu byiciro. Bamwe baza kumanywa bagasimburwa n'abandi ku mugoroba. Urebye byatumye ubushomeri bugabanuka kuko hari benshi bari bararangije amashuri batarabona akazi ariko ubu abenshi babonye akazi hano.'

Abaturage basabwe gufata uru ruganda nk'amahirwe agiye kubafasha mu kunguka ubumenyi ngiro cyane cyane mu bakiri bato kugira ngo bazabukoreshe mu kubaka igihugu.

Mu bikorwa bikorerwa muri ayo magororero harimo ububaji, ubudozi, ubundi bukorikori, ubuhinzi n'ubworozi. Abagororwa biga iyo myuga bavuga ko ibafasha kwitegura gusubira mu buzima busanzwe.

Ishimwe Janvier w'imyaka 25 yageze mu Igororero rya Huye mu 2023, nyuma yo guhamywa icyaha cyo gusambanya umuntu ku gahato agakatirwa imyaka itanu y'igifungo. Amaze imyaka itatu n'igice muri iryo gororero.

Yabwiye IGIHE ko mbere yakoraga akazi ko kwikorera imizigo kandi atari yarigeze yiga. Ubu amaze amezi umunani yiga ububaji, akaba ashobora gukora ameza, utubati n'ibindi bikoresho.

Ati 'Nkigeramo hano, numvaga ko nje gupfa, natunguwe no kubona mbayeho ntya, aho niga nkanamenya umwuga, ntari naramenyeye hanze, ahitwa ko ari ho heza. Ubu nintaha niteze ko nziteza imbere kuko nzajya nkora ibiraka byo kubaza, kuko ari ibikoresho bihora bikenewe. Ndashimira Urwego RCS yadutekerereje ibi byiza.'

Ukwibishaka Léoncie na we amaze imyaka itatu n'igice mu Igororero rya Nyamagabe, aho yajyanywe nyuma yo guhamywa icyaha cyo gucuruza kanyanga. Yavuze ko yakuze mu buzima bugoye, ntiyiga, aza no kubyara ataritegura. Avuga ko gushakisha imibereho ari byo byamujyanye mu bucuruzi butemewe.

Mu igororero yize ubudozi, gutunganya ibiseke n'imitako ikorwa mu masaro. Asigaje igihe kitageze ku kwezi ngo afungurwe, kandi yizeye ko ubwo bumenyi buzamufasha kwibeshaho.

Ati 'Ubu ndi ku ishuri kandi nize ibintu nizeye ko nintaha rwose nzabibyaza umusaruro, sinzongera kugongana n'amategeko kuko ubumenyi ntari nigeze mbona ubu ndabufite, nzajya nkora ibintu byemewe. Ndahamya ko imbere y'umuryango wanjye ndetse n'igihugu, nzababera umuntu ukwiye.''

Abandi bagororwa bavuga ko gukora ibikorwa bibyara umusaruro bituma bumva ko bagifite uruhare mu muryango. Bimwe mu byo bakora biragurishwa, amafaranga avuyemo akunganira amagororero.

Umuyobozi Mukuru Wungirije w'Urwego rw'Igihugu rushinzwe Igorora, RCS, CP Badege Theos, yavuze ko kwigisha abagororwa imyuga biri mu bikorwa bigamije kubafasha kwitegura ubuzima bwo hanze.

Yagize ati 'Ibi byose byo kubigisha imyuga tuba tugamije kugira ngo tubafashe kurangiza uru rugendo rwo kugororwa neza, mwumve ko mutaciwe. Hari n'abatubwiye ko umuntu yinjira aha atazi umwuga, akazataha yarawumenye, akazagira icyo yimarira ndetse akabaho neza binatandukanye na mbere y'uko yinjira.'

Yavuze ko gahunda yo kwigisha imyuga iri mu mavugurura y'imikorere ya RCS, agamije ko igororero rifasha umuntu guhinduka no kwitegura gusubira mu muryango.

Kugeza ubu, RCS ifite amashuri atandatu y'imyuga yemewe na Leta. Yigisha amasomo arimo amashanyarazi, ubwubatsi, ubuhinzi n'ubworozi, gusudira, ubudozi, ikoranabuhanga rya mudasobwa n'ububaji. Uyarangije ahabwa impamyabushobozi yemewe.