Category: Uncategorized

Umutoza wa APR FC, Talib Abderrahman yavuze ko umunyezamu we, Ernani Siluane nyuma yo kunyura mu cyuma (MRI) basanze afite ikibazo cya ‘Meniscus’.

Umunyezamu ukomoka muri Mozambique, Ernani Siluane nyuma y’umukino APR FC yatsinzwemo na Gor Mahia, ntabwo yongeye kugaragara mu kibuga.

Nubwo hari amakuru yavugaga ko yashyizwe ku ruhande ariko umutoza we Talib Abderrahman yavuze ko afite ikibazo cy’imvune.

Nyuma y’umukino baraye batsinzemo Vipers SC 2-1, Talib yavuze ko Ernani Siluane yamaze kunyura muri MRI basanga afite ikibazo cya ‘Meniscus’ (ni inyama iba hagati mu ivi ituma igufa ryo hepfo ritikubanaho n’iryo hejuru).

Ati “Ejo hashize (ku wa Gatatu) yanyuze mu cyuma (MRI) mu Bitaro bya Gisirikare, basanze afite ikibazo cya ‘Meniscus.’”

Yakomeje avuga ko yanze kumukinisha atarakira ariko akaba azatangira imyitozo nyuma y’icyumweru.

Ati “Nanze kumukinisha atari muzima, nabwiye umuganga ko ntakinisha umukinnyi wavunitse, akeneye kuvurwa, yatangiye ‘physiotherapy’ uyu munsi, akeneye byibuze icyumweru cyo kuruhuka.”

Yavuze ko na Adolphe Hakizimana yamusigariyeho neza ariko Siluane ni umukinnyi ukomeye bakeneye.

Ati “Twagize amahirwe twari dufite Adolphe, ni umukinnyi ukiri muto kandi w’umunyarwanda, gusa kuri we ni umukinnyi ukomeye, ufite ubunararibonye, yakiniye Mozambique mu Gikombe cya Afurika giheruka.”

Talib Abderrahman yashimangiye ko Ernani Siluane akiri umunyezamu we wa mbere akeneye mu mikino Nyafurika na Adolphe azigiraho byinshi.

Ati “Njye ku bunararibonye bwe mufata nk’umuntu uzafasha umwana nka Adolphe kandi tunamukeneye mu mikino mpuzamahanga. Nk’uko mubizi vuba turakina Champions League, dukeneye umukinnyi ufite ubunararibonye nka we.”

Ernani Siluane w’imyaka 27 akaba yaraje muri APR FC muri iyi mpeshyi ya 2026 avuye muri Black Bulls y’iwabo muri Mozambique.

Ernani Siluane afite ikibazo cy’imvune

Meniscus ni cyo kibazo yagize

Ubu butumwa bugaragara mu itangazo ryashyizwe hanze n'Umunyamabanga Mukuru wa FPR Inkotanyi, Ambasaderi Christophe Bazivamo, kuri uyu 31 Nyakanga 2026.

Iri tangazo rigira riti 'Umuryango FPR-Inkotanyi wifatanyije mu kababaro n'Ishyaka Riharanira Ukwishyira Ukizana kwa buri Muntu/PL kubera urupfu rwa Nyakubahwa Senateri Mukabalisa Donatille, wari Perezida w'iryo shyaka.'

FPR Inkotanyi yatangaje ko Senateri Mukabalisa azibukirwa ku mirimo myiza yakoreye igihugu, ndetse no ku musanzu we mu rugendo rw'iterambere ry'u Rwanda.

Iti 'Nyakubahwa Senateri Mukabalisa Donatille azahora yibukirwa ku mirimo myiza yakoreye igihugu, n'umusanzu we mu rugendo rw'iterambere cyane cyane ubwo yari Perezida w'Inteko Ishinga Amategeko Umutwe w'Abadepite, no mu gihe yari amaze ari Umusenateri.'

FPR Inkotanyi yihanganishije umuryango wa Senateri Mukabalisa, inshuti n'abo bakoranye mu bihe bitandukanye, ibasaba gukomera muri ibi bihe bigoye.

Senateri Mukabalisa yitabye Imana ku wa 30 Nyakanga 2026 azize uburwayi. Yabaye Perezida w'Umutwe w'Abadepite kuva mu 2013 kugeza mu 2024, mbere yo kujya muri Sena.

Mu rugendo rwe rwa politiki, Senateri Mukabalisa yabaye umwe mu bagore bagize uruhare rukomeye mu miyoborere y'igihugu, abinyujije mu Mutwe w'Abadepite yayoboye imyaka 10.

Uwimana kuri ubu ufite imyaka 17, uri mu bana 22 Komisiyo y'Igihugu yo gusezerera no gusubiza mu Buzima busanzwe abahoze ari abasirikare yashyikirije imiryango bakomokamo kuri uyu wa Gatatu, tariki 29 Nyakanga 2026.

Yabwiye IGIHE ko yafatiwe mu mashyamba muri Teritwari ya Masisi, mu gace ka Ironga aho umuryango we wari usanzwe utuye.

Ati 'Nari ngiye gusura abantu bo mu muryango, abasirikari ba FDLR bari bagiye kwikorera amasasu ku Kibuga cy'Indege muri Pinga baramfata nanjye bajya kunyikoreza amasasu, twarayatwaye tugera mu kigo cyabo cya gisirikari banga ko dutaha, tuhamaze iminsi itatu batujyanye ku rugamba tubajyaniye amasasu.'

Yavuze ko iyo babazaga impamvu batabarekura ngo batahe bababwiraga ko bazataha amasasu bagiye bikoreye nibayarasa agashira.

Urugamba rugeze hagati babahaye imbunda, nabo babuze uko babigenza babafasha kurwana, ari nabwo yahise atandukana n'umuryango we wahungutse akaba yarawusanze mu Karere ka Nyabihu.

Uwimana avuga ko atigeze agira amahirwe yo kwiga ngo arenge mu mwaka wa gatatu w'amashuri abanza kubera intambara, agahamya ko mu myaka itatu yamaze muri FDLR batozwaga ibikorwa by'ubugizi bwa nabi.

Ati 'Twajyaga ku rugamba nk'abandi, twabafashaga kujya kwiba amateke n'iheze by'abaturage, kuko badutozaga guhohotera ababyeyi tugatimbura, gufata ku ngufu no kwica.'

Uwimana avuga ko ubwo inzara yari ibageze habi, barangiwe aho bajya kwiba amatungo y'abaturage hafi y'umujyi wa Goma. Bahageze bagabweho igiter, bakwira imishwaro, yisanga muri pariki.

Yakomeje avuga ko yari afite mugenzi we watorotse igisirikari cya FDLR mbere yarageze mu kigo cya Mutobo bavuganaga kuri telefone, ari nawe waje kumugira inama yo kwitanga kugeza agejejwe ku mupaka munini wa La Corniche, ari naho yavanwe nawe akerekezwa mu kigo cya Mutobo yafatiyemo amasomo mu gihe cy'amezi atatu mbere y'uko ashyikirizwa umuryango we.

Yavuze ko bakiri mu mashyamba FDLR yababwiraga ko ugeze mu Rwanda yicwa cyangwa agafungirwa ahantu atabasha kwikura.

Ati 'Twahabwaga inyigisho mbi n'abantu badukuriye rimwe na rimwe tukumva ibyo bavuga ari ukuri, ariko natunguwe n'ukuntu nakiriwe mu Rwanda, aho baduhaye imyambaro, baratugaburiye ndetse banaduha inyigisho zidufasha kwisanga mu buzima busanzwe.'

Yakomeje avuga ko yiteguye kujya ku Ishuri, kuko hari amahirwe menshi atagera ku bantu batazi gusoma no kwandika kandi yiteguye kwifatanya n'abandi asanze.

Uyu mwana yasabye abo babanye mu mashyamba bakiriyo gukora amahitamo mazima bagataha, kuko byinshi babwirwa ari ibinyoma.

Perezida wa Komisiyo y'Igihugu yo gusezerera no gusubiza mu Buzima busanzwe abahoze ari abasirikare, Nyirahabineza Valerie, avuga ko mu bana 24 basoje amasomo ahabwa abahoze ari abasirikare abahujwe n'imiryango yabo ari 22, mu gihe abandi babiri batarabasha kubonerwa imiryango bakomokamo.

Muri aba bana 22 bahujwe n'imiryango ufite imyaka myinshi ni 18, mu gihe ufite mike ari 16.

Kuva Komisiyo y'Igihugu yo gusezerera no gusubiza mu Buzima busanzwe abahoze ari abasirikare yajyaho imaze gusubiza mu buzima busanzwe abana 1.029 bahoze mu mitwe yitwaje intwaro.

Igikorwa cyo gusoza aya mahugurwa cyayobowe n'Umugaba Mukuru w'Ingabo z'u Rwanda, Gen Mubarakh Muganga, cyitabirwa n'abajenerali ba RDF, ba ofisiye bakuru, abato n'abandi basirikare bo ku zindi nzego.

Abasirikare binjiye muri RDF berekanye ubumenyi n'ubushobozi bungukiye mu mahugurwa, birimo gukoresha intwaro neza barasa bagahamya intego no gukora imyitozo itandukanye ya gisirikare.

Bagaragaje ko biteguye gukora inshingano zabo zo kurinda no gukorera igihugu ku kiguzi cyose byasaba.

Gen Mubarakh Muganga yashimiye aba basirikare ku kwihangana, ubwitange n'umurava bagaragaje mu gihe cyose cy'amahugurwa.

Yabakiriye mu muryango mugari wa RDF, anabashishikariza gukoresha ubumenyi bungutse mu kurinda ubusugire bw'u Rwanda no kurinda umutekano w'abarutuye.

Umugaba Mukuru w'Ingabo z'u Rwanda yongeye kubibutsa inama zatanzwe na Perezida Kagame akaba n'Umugaba w'Ikirenga w'Ingabo z'u Rwanda, ku rubyiruko rwitabiriye Itorero Indangamirwa icyiciro cya 16, rwahuguriwe mu Kigo cy'Amahugurwa cya Gabiro giherereye mu Karere ka Gatsibo.

Yabasabye gukomeza guharanira kubungabunga Ikinyarwanda, umuco nyarwanda, imigenzo, amahame n'indangagaciro by'u Rwanda, no guhora biteguye guhangana n'icyahungabanya umutekano w'igihugu.

Gen Mubarakh Muganga yanabakanguriye kwirinda ubunebwe, amacakubiri, imvugo zibiba urwango cyangwa zishyigikira amacakubiri, ndetse n'imyitwarire mibi irimo ubusinzi n'ubusambanyi.

Yabibukije ko amahugurwa barangije ari intangiriro y'urugendo rwabo rwa gisirikare, ashimangira ko bazakomeza guhabwa andi mahugurwa agamije kongera ubumenyi n'ubushobozi bwabo hakurikijwe uko inshingano za RDF zigenda zihinduka.

Gen Mubarakh Muganga yabasabye gushyira mu bikorwa ibyo bize, kubahiriza icyerekezo n'inshingano za RDF no kugira uruhare mu kubaka ingabo z'umwuga, zifite ubushobozi kandi zirangwa n'imyitwarire myiza.

Umugaba Mukuru w'Ingabo z'u Rwanda yashimangiye by'umwihariko akamaro ko kugira ikinyabupfura no gukurikiza indangagaciro z'ibanze za RDF, mu gihe bazaba binjira mu mitwe yabo ya gisirikare no gukorana na bagenzi babo.

Gen Mubarakh Muganga yashimye kandi ubuyobozi bw'Ikigo cy'Amahugurwa ya Gisirikare cya Nasho, by'umwihariko abarimu, kubera ubwitange n'umuhate bagaragaje mu gutoza no guha ubumenyi abo basirikare bashya bikabategurira gutanga umusanzu unoze mu kurinda no kurengera u Rwanda.

Denis Jean, umutoza mukuru w’ikipe ya Vipers SC yavuze ko kapiteni wa APR FC, Cheikh Djibril Ouattara ari we mukinnyi wabatesheje umutwe kuko bigoye kumufata.

Ni nyuma y’umukino usoza itsinda A rya CECAFA Kagame Cup, APR FC yatsinzemo Vipers SC 2-1 ndetse Cheikh Djibril Ouattara ni we watsinze igitego cya kabiri.

Nyuma y’umukino aganira n’itangazamakuru, abajijwe uko yabonye APR FC n’umukinnyi waba yabagoye cyane, Denis Jean yavuze ko adakunda kureba cyane ku bakinnyi b’ikipe bahanganye.

Gusa yakomeje avuga ko umukinnyi wari wambaye nimero 10 (Djibril Ouattara) bigoye kumenya aho aba ahagaze mu kibuga kandi ni umuhanga.

Ati “Njye ndeba abakinnyi banjye gusa, ntabwo njya nita ku b’ikipe duhanganye ariko nimero 10 wa APR FC (Cheikh Djibril Ouattara) ubona ko ari umuhanga, yatugoye, uburyo ahagararamo mu kibuga bigora ba myugariro kuko ntumenya aho aba ahagaze.”

Muri uyu mukino Cheikh Djibril Ouattara ni we watsinze igitego cya kabiri n’umutwe ku mupira wari uvuye kuri Memel Dao n’umupira wavuyemo igitego cya mbere cya Mamadou Traore ni we wari uvuyeho.

Nubwo APR FC yatsinze Vipers SC ntabwo yabashije kugera muri 1/2 kuko yasoje ku mwanya wa gatatu muri tsinda ryayobowe na Gor Mahia.

Cheikh Djibril Ouattara yagoye Vipers SC

Umutoza wa Vipers SC yavuze ko Ouattara yabagoye