Category: Uncategorized

Minisitiri w'Intebe w'u Rwanda, Dr. Justin Nsengiyumva, yafunguye ku mugaragaro Imurikagurisha mpuzamahanga rya 26 ry'ibigo by'ubucuruzi bito n'ibiciriritse byo mu Muryango wa Afurika y'Iburasirazuba (EAC), ribera i Gikondo mu Mujyi wa Kigali.

Iri murikagurisha ryitabiriwe n'abikorera bo mu bihugu bigize Umuryango wa Afurika y'Iburasirazuba, rikaba rigamije guha ibigo bito n'ibiciriritse urubuga rwo kumurika ibicuruzwa na serivisi byabo, gushaka amasoko mashya no kwagura imikoranire mu bucuruzi bwambukiranya imipaka.

Insanganyamatsiko y'uyu mwaka igira iti: 'Advancing Regional Value Chain in Leather and Horticulture', bisobanuye guteza imbere uruhererekane nyongeragaciro rw'ibikomoka ku ruhu n'ibikomoka ku buhinzi bw'imboga, imbuto n'indabo.

Guhitamo ibi byiciro byombi bifite impamvu zishingiye ku mahirwe y'ubukungu ari mu karere.

Ku bijyanye n'inganda zitunganya uruhu, imibare yatangajwe n'Umuryango wa Afurika y'Iburasirazuba igaragaza ko mu mwaka wa 2017, isoko ry'akarere ryari rikeneye inkweto zigera kuri miliyoni 130, ariko mu 2024 rikaba ryarageze hafi kuri miliyoni 290. Nubwo iri soko rikomeje kwaguka, umusaruro w'inkweto ukorerwa mu karere wari ukiri hafi kuri miliyoni 17 gusa mu mwaka wa 2024.

EAC ivuga ko mu mwaka wa 2030, isoko ry'inkweto rishobora kuzaba rikeneye inkweto zigera kuri miliyoni 385. Ibi bigaragaza amahirwe akomeye ku bashoramari n'ibigo bito n'ibiciriritse bashobora gushora imari mu gutunganya impu, gukora inkweto, imikandara, amasakoshi n'ibindi bikoresho bikomoka ku ruhu.

Ku rundi ruhande, urwego rw'ubuhinzi na rwo rufite uruhare rukomeye mu bukungu bw'akarere. EAC igaragaza ko ubuhinzi bugira uruhare rurenga 25% by'umusaruro mbumbe w'ubukungu bw'akarere (GDP).

Iri murikagurisha ntirigamije gusa kwerekana ibicuruzwa, ahubwo ni n'umwanya wo guhuza ba rwiyemezamirimo, abashoramari, inzego za Leta, abashakashatsi n'abafatanyabikorwa mu iterambere.

Binyuze muri iri huriro, ibigo bito n'ibiciriritse bishobora kubona abafatanyabikorwa bashya, kumenya amahirwe ari ku masoko yo mu bindi bihugu, kungurana ubumenyi no gushaka uburyo bwo kwagura ibikorwa byabyo.

Ni ingenzi kandi mu guteza imbere ibikorerwa mu karere, kugabanya kwishingikiriza ku bicuruzwa bitumizwa hanze no kongera ubushobozi bw'ibihugu bya EAC bwo gucuruzanya.

Kwakira iri murikagurisha ni amahirwe ku Rwanda yo gukomeza kwigaragaza nk'igihugu gishyigikira ubucuruzi, ishoramari n'ubufatanye mu karere ka Afurika y'Iburasirazuba.

Umuryango wa Afurika y'Iburasirazuba ugizwe n'ibihugu umunani ari byo u Rwanda, u Burundi, Kenya, Uganda, Tanzania, Repubulika Iharanira Demokarasi ya Congo, Sudani y'Epfo na Somalia.

Source : https://flash.rw/2026/11/03/minisitiri-wintebe-dr-justin-yafunguye-ku-mugaragaro-imurikagurisha-ryibihugu-byo-muri-afrika-yiburasirazuba/

Ni igikorwa cyabaye ku mugoroba wo ku wa 31 Ukwakira 2026 nk'uko Ibiro by'Umukuru w'Igihugu, Village Urugwiro byabitangaje, kibera kuri Stade Abdoulaye Wade, imikino ya mbere ibereye ku mugabane wa Afurika.

Perezida Kagame yari kumwe na Perezida Bassirou Diomaye Faye wa Sénégal, wamwakiriye, n'abandi Bakuru b'Ibihugu.

Mu itangazo Village Urugwiro yashyize hanze rigira riti 'Perezida Kagame yitabiriye umuhango wo gutangiza Imikino Olempike y'Urubyiruko ya Dakar ya 2026, wabereye kuri Stade Abdoulaye Wade, ari kumwe na Perezida Bassirou Diomaye Faye wa Sénégal, wamwakiriye, n'abandi bakuru b'ibihugu.'

Ni imikino Olempike ya mbere ibereye muri Afurika. Ihuriza hamwe abakinnyi bakiri bato bagera ku 2.700 bafite imyaka 15 kugeza kuri 17. Aba bakinnyi ba bazahatana mu mikino 25, hatangwe imidali mu byiciro 153.

Perezida Kagame yageze i Dakar muri Sénégal ku wa 31 Ukwakira 2026 aho yitabiriye umuhango wo gutangiza Imikino Olempike y'Urubyiruko, Jeux Olympiques de la Jeunesse.

Iyi mikino itegurwa na Komite Mpuzamahanga Olempike (IOC), igahuza abakinnyi b'urubyiruko bafite impano, biganjemo abafite imyaka iri hagati ya 15 na 17.

Uretse guhatana, inagamije kwimakaza indangagaciro za Olempike zirimo guharanira kuba indashyikirwa, ubucuti, kubahana n'ubufatanye.

U Rwanda ruhagarariwe n'abakinnyi icyenda bahatana mu mikino itanu, irimo imikino ngororamubiri, koga, gusiganwa ku magare, taekwondo na kung fu wushu.

Amarushanwa azabera mu mijyi ya Dakar, Diamniadio na Saly, akomeze kugeza ku wa 13 Ugushyingo 2026.

Source : https://rushyashya.net/perezida-wa-repubulika-paul-kagame-yafatanyije-na-mugenzi-we-wa-senegal-gutangiza-imikino-olempike-yurubyiruko-i-dakar/

Abanyamuryango n'Ubuyobozi muri Koperative KOABAMARU ihinga Umuceri mu gishanga cy'Akanyaru ku ruhande rw'Umurenge wa Mugina, bakoze Intekorusange yishimiwe n'abayitabiriye, bitandukanye n'izabanje aho wasangaga bayikora basa n'abahanganye. Mu byishimiwe, harimo Ikigega cy'Ingoboka kizafasha Abanyamuryango kubona Amafaranga abafasha kwikenura no kugira Imibereho irushijeho kuba myiza. Nibwo bwa mbere kandi bagize uruhare mu kwitorera Ingengo y'Imari, aho bemeje ingana na 219,602,000Frws, azakoreshwa mu bikorwa bya Koperative bitandukanye.

Nyirandagijimana Marie Claudette, Umwe mu banyamuryango ba Koperative KOABAMARU, ashima uko inama y'Intekorusange yitabiriwe ndetse n'uko yagenze agereranije n'uko izo yitabiriye mbere zaba ziteye.

Ati' Intekorusange yabaye, rwose yabaye Intekorusange nziza cyane mu buryo ntigeze mbona mu zindi nagiye nitabira ku ngoma y'Ubuyobozi bwabanje. Haba mu buryo yari iteguye ndetse n'abari bayirimo wabonaga ntaho bihuriye n'izagiye ziba mbere. Iyi Nteko ubona ko yateguranywe ubuhanya n'Ubumenyi kandi ifite umurongo ubona ko buri wese uyirimo yishimiye'.

Yakomeje ati' Mbere wasangaga irimo akajagari n'amahane, ariko ubu urabona ko harimo itandukaniro rirerire n'inteko zo ku ngoma ya mbere, aho mbere wasangaga abaje wagira ngo baje guhangana, nta kinyabupfura ariko iyi yari ifite Umurongo pe! Ntacyo mbona nayinenga nkurikije ibyakorwaga mbere. Kuri njyewe ndanyuzwe rwose, cyane ko aribwo bwa mbere mbonye Abanyamuryango tugira Uburengenzira bwo Kwitorera Ingengo y'Imari ariko kandi ikirenze ibyo tukaba twese twemeranijwe gushyiraho Ikigega cy'Ingoboka kizajya kidufasha mu bihe bigoye nk'ibyo mu gihe kitangira ry'amashuri cyangwa se ikindi gihe umunyamuryango agize akabazo kamutunguye kamusaba ubushobozi bw'amafaranga atari afite'. Akomeza avuga ko na nyuma y'Inama y'iyi Nteko rusange bagize ibihe byo gusangira, barabyina, barishima bitigeze bibaho mbere.

Mutuyimana Christopher, Ni umunyamuryango wa KOABAMARU uvuga ko yishimira Ubumwe n'urukundo ruri mu banyamuryango, aho avuga ko mbere bitigeze. Ashima uko yabonye intekorusange imitegurirwe yayo ndetse n'uko buri munyamuryango yayigizemo uruhare, agahabwa ijambo ndetse na nyuma bagasabana, bakishima.

Ati' Intekorusange ya none se nkubwire ngo nayigereranya n'iyihe? Oya! Mbere nti haburaga Bomboribombori ndetse ugasanga Inteko isojwe mu Mahane. Intekorusange rwose yariteguye neza ndetse hazamo gusabana, abantu turasangira turishima. Mbere rwose ntabwo byabaga, n'umunyamuryango wese wabaza yabikwibwirira, ubu nibwo tubonye impinduka kandi nziza buri wese yatangira ubuhamya. Ibintu biri kugenda bihindura isura bifata indi ntera, navuga ngo ubu Koperative irimo Abayobozi bazi icyo bakora kandi ukabona ko koko bicara bagategura, bitandukanye n'ubuyobozi bwa mbere aho nta n'ibiro twagiraga, Koperative yagendanwaga mu Mufuka cyangwa se ikaba mu rugo rw'Umuntu. Rero turishimye ku byo turimo kubona kandi ntekereza ko umurongo biriho uduha icyizere nk'Abanyamuryango'.

Mutuyimana, akomeza avuga ko mu byo yishimiye bindi birimo kugira uruhare mu kwitorera Ingengo y'Imari y'umwaka wa 2026-2027, ariko kandi akanishimira Ikigega cy'Ingoboka ku banyamuryango aho bazajya birukira mu gihe bahuye n'akabazo kabatunguye gasaba ubushobozi bw'Amafaranga. Ahamya ko ibyo bigaragaza Ubuyobozi butekerereza ikiri icyiza Abanyamuryango.

Muri iyi Ntekorusange, hasuzumwe ndetse hemezwa Inyandiko mvugo y'Inama y'intekorusange iheruka, Hasuzumwa Raporo y'Ibikorwa by'Inama y'Ubuyobozi n'Inama y'Ubugenzuzi, Hagaragazwa Gahunda y'Ibikorwa bya Koperative n'Ingengo y'Imari y'umwaka wa 2026-2027, Harebwa kandi uko Umusaruro w'Umuceri urigusarurwa, Hemezwa Imbonerahamwe y'ibizishyurwa n'Umunyamuryango ku musaruro. Hanemejwe Gahunda yo kuzuza amakuru y'abanyamuryango ajyanye n'ibarura, Abanyamuryango bagezwaho Raporo y'Ibanze y'Ibarura ry'Abanyamuryango ndetse n'Ubuso bafite uko Bungana bwaba Ubuhingwa ndetse n'Ubudahingwa. Muri iyi nama kandi abayitabiriye bose bamenyeshejwe gahunda za Leta zitandukanye zirimo MUSA(Mituweli) na EjoHeza, basabwa kuzigira izabo ariko kandi banasabwa kujya bitabira gahunda zose bahanagarwamo n'ubuyobozi.

Inama yabaye kandi umwanya mwiza wo kungurana ibitekerezo hagamijwe kurebera hamwe icyatuma Koperative irushaho gutera imbere, Abanyamuryango bakagira uruhare rufatika mu gutuma iterambere ryifuzwa rigerwaho kuko gutera imbere kwa Koperative ariko gutera imbere ku Munyamuryango. Inama yasojwe n'ubusabane, bararya, baranywa, barabyina.

Théogène Munyaneza

The post Kamonyi-KOABAMARU: Bwa mbere bakoze Intekorusange itagira bomboribombori first appeared on Intyoza.

The post Kamonyi-KOABAMARU: Bwa mbere bakoze Intekorusange itagira bomboribombori appeared first on Intyoza.

Source : https://intyoza.com/2026/11/01/kamonyi-koabamaru-bwa-mbere-bakoze-intekorusange-itagira-bomboribombori/

Perezida Paul Kagame, yifatanyije na mugenzi we wa Sénégal, Perezida Bassirou Diomaye Faye mu guyangiza Imikino Olempike y’Urubyiruko (Jeux Olympiques de la Jeunesse) iri kubera i Dakar.

Umuhango wo gufungura iyi mikino ibereye bwa mbere ku mugabane wa Afurika, yabaye ejo hashize ku wa 31 Ukwakira 2026 ibera kuri Stade Abdoulaye Wade.

Ibiro by’Umukuru w’Igihugu w’u Rwanda, Village Urugwiro, byasohoye itangazo rigira riti “Perezida Kagame yitabiriye umuhango wo gutangiza Imikino Olempike y’Urubyiruko ya Dakar ya 2026, wabereye kuri Stade Abdoulaye Wade, ari kumwe na Perezida Bassirou Diomaye Faye wa Sénégal, wamwakiriye, n’abandi bakuru b’ibihugu.'

Iyi mikino itegurwa na Komite Mpuzamahanga Olempike (IOC), igahuza abakinnyi b’urubyiruko bafite impano, biganjemo abafite imyaka iri hagati ya 15 na 17.

Kuri iyi nshuro yitabiriwe n’abakinnyi bakiri bato bagera ku 2.700 bafite imyaka 15 kugeza kuri 17. Aba bakinnyi ba bazahatana mu mikino 25, hatangwe imidali mu byiciro 153.

U Rwanda ruhagarariwe n’abakinnyi icyenda bahatana mu mikino itanu, irimo imikino ngororamubiri, koga, gusiganwa ku magare, taekwondo na kung fu wushu.

Amarushanwa azabera mu mijyi ya Dakar, Diamniadio na Saly, akomeze kugeza ku wa 13 Ugushyingo 2026.

Perezida Kagame yitabiriye umuhango wo gutangiza Imikino Olempike y’Urubyiruko

Perezida Kagame aganira na Perezida Bassirou Diomaye Faye wa Sénégal

Source : http://isimbi.rw/perezida-kagame-yitabiriye-umuhango-wo-gutangiza-imikino-olempike-i-dakar.html

Umuhanzikazi nyarwanda, Butera Knowless yasabye abahanzi bagenzi be barimo guca mu bihe bitoroshye, Bwiza Emerance na Ishimwe Vestine kwihangana kandi ntibateshuke ku ntego zabo.

Uyu mubyeyi w’abana babiri, yabigarutseho ubwo yari amaze gutaramira muri Camp Kigali mu ijoro ryakeye ryo ku wa 31 Ukwakira 2026.

Yabajijwe inama yagira bagenzi be batorohewe n’imbuga nkoranyambaga cyane ko ibihe nk’ibi yigeze kubicamo.

Yavuze ko atari umuco mwiza wo gushimishwa n’ibiri kuba ku bandi, gusa ngo nta kitagira iherezo

Ati “Ibintu byose biraza bikagira igihe bikagenda. Ntabwo ari umuco mwiza kuba washimishwa n’ibibazo biri ku muntu, icyakora igihe byakugezeho birababaza. Hari igihe umuntu yavuga ngo ihangane, ariko ntabwo bihita bikemuka.'

Yakomeje abibutsa ko badakwiye gucika intege, ibyo barimo kunyuramo bitume bibagirwa ibyo biyemeje.

Ati 'Ubu ni ubunararibonye, ubicamo ukamenya uko ubitwara n’uko ubikemura. Ni ko bimera, uravugwa uyu munsi bikaba ari byiza, ejo bikiyubika, ariko ikitibagirana ni intego yawe. Uba ugomba gukora cyane ukayigeraho.'

Ishimwe Vestine usanzwe ari umuhanzi wo kuramya no guhimbaza Imana, ari mu bihe bigoye aho ari mu manza n’umugabo we bashaka gatanya, hakaba haradutse amakuru ko n’umwana yabyaye atari uw’umugabo we, yanze kumwereka Ouédraogo ubu hakaba hagomba gupimwa DNA Urukiko rwanategetse kumumwereka.

Bwiza Emerance ubwo yari amaze gusezerana imbere y’amategeko na Uhujimfura Jean Claude, nibwo haje undi musore witwa Abdul agenda ashyira hanze amashusho ye na Bwiza bagiranye ibihe byiza aho amakuru yagiye akurikiraho yavugaga ko yamwambitse impeta Bwiza aza kumuhemurakira nyuma yo kumurira utwe.

Butera Knowless yagiriye inama Bwiza na Vestine

Ishimwe Vestine amaze iminsi atorohewe n’imbuga nkoranyambaga

Bwiza Emerance ari mu bihe bitoroshye

Source : http://isimbi.rw/ubutumwa-butera-knowless-yageneye-bwiza-na-vestine.html

Nyuma yo gusezererwa muri CAF Champions League, APR FC yakomeje Shampiyona itsinda Etincelles FC ibitego bibiri ku busa.

Shampiyona y’icyiciro cya mbere mu Rwanda yari yakomeje hakinwa imikino y’umunsi wa karindwi aho habaye imikino itanu.

APR FC ikaba ari umukino wa kabiri yari ikinnye, ni nyuma yo gutsinda Marine FC. Indi yose yabaye ibirarare kubera yari mu mikino Nyafurika.

Etincelles FC ni yo yari yayakiriye i Rubavu, yaje kuhatsindirwa ibitego bibiri ku busa.

Igitego cya mbere cyabonetse mu minota y’inyongera y’igice cya mbere cyatsinzwe na William Togui Mel ku mupira yari Cheikh Djibril Ouattara yateye mu izamu umunyezamu akawukoraho maze ahita atsinda. Nshimiyimana Yunusu yayitsindiye igitego cya kabiri ku munota wa 68. Umukino warangiye ari bibiri ku busa.

Indi mikino yabaye, Al Hilal SC yatsinze Gasogi United bibiri ku busa, Musanze FC itsinda Amagaju FC 3-1, Etoile del’Est yanganyije na Gorilla FC 1-1. Al Merrikh SC yanganyije na Mukura VS kimwe kuri kimwe. Ejo Kiyovu Sports yatsinze Kigali FC 2-0.

Marine FC izakira Rayon Sports, Gicumbi FC yakire Sunrise FC mu gihe Police FC izakira Bugesera FC.

APR FC yatsinze Etincelles FC

Source : http://isimbi.rw/apr-fc-yatsinze-etincelles.html

Harerimana Elivase bakundaga kwitaga Nyawera, wari utuye mu Mudugudu wa Murambi, Akagari Gishyeshye, Umurenge wa Rukoma, kuri uyu wa 31 Ukwakira 2026 yasanzwe mu nzu abamo yapfuye. Amakuru agera ku intyoza.com ni uko hakekwa ko yaba ariwe ubwe wiyahuye akoresheje Umuti yanyoye wica udukoko two mu myaka, uzwi nka Loketi.

Umunyamabanga Nshingwabikorwa w'Umurenge wa Rukoma, Innocent Mandera yabwiye intyoza.com ko amakuru y'urupfu rwa Harerimana Elivase ari ukuri, ko hakekwa ko yiyahuje umuti wica udukoko two mu myaka uzwi ku izina rya Loketi kuko ari nayo mpumuro yawo basanze mu nzu, aho umurambo wari uri.

Gitifu Mandera, avuga ko nk'Ubuyobozi bamenye amakuru y'urupfu rwa Harerimana bayabwiwe n'abaturage ba hafi n'aho nyakwigendera yabaga. Avuga kandi ko bakibimenya batabaye n'inzego z'Umutekano zirimo Polisi na RIB, ko kandi ubwo umugore wa nyakwigendera yahageraga nubwo bari batakibana, yahageze Umurambo uhita ujyanwa ku bitaro bya Remera Rukoma, gukorerwa Isuzima( Autopsy).

Gitifu Mandera Innocent, akomeza asaba abaturage kwirinda amakimbirane ayo ariyo yose kuko nta cyiza cyayo, ko ahubwo abangamira Iterambere n'Imibereho myiza, ariko kandi akaba ashobora kuviramo abayafitanye kwicana cyangwa se bakiyahura bitewe n'Impamvu zitandukanye. Asaba kandi abaturage kujya batanga amakuru neza kandi ku gihe mu gihe hari aho bazi cyangwa bumviseho Amakimbirane.

Amakuru intyoza.com ifite kandi yemezwa n'Ubuyobozi bw'Umurenge wa Rukoma ni uko uyu Nyakwigendera uri mu kigero cy'Imyaka 60 y'amavuko yashakanye byemewe n'amategeko na Bazarama Stephanie uri mu kigero cy'imyaka 44 y'amavuko.

Gukeka ko yiyahuye bituruka ku makimbirane yarasanzwe afitanye n'umugorewe, aho uyu yari yaramutaye, yarahukanye nyuma y'uko uyu mugabo we yari yaramubwiye ko azamwica, cyane ko yigeze kubigerageza amutera majagu iramuhusha, aribwo umugore yafahse icyemezo cyo kwahukana agakiza Amagara ye atwaye n'abana babiri.

Umurambo wa Nyakwigendera, wabonywe na Habihirwe Antoine w'umuturanyi we ubwo yari agiye kwahira ubwatsi bw'urubingo yahawe n'uyu Nyakwigendera. Ubwo yahageraga, yasuhuje yumva nta muntu wikirije, asunika urugi kuko rwari rwegetseho asanga aryamye mu cyumba cy'uruganiriro kuri matera akanuye amaso, ahita atabaza abantu bahageze basanga yashizemo umwuka.

Ubwo Inzego z'ibanze n'iz'Umutekano zahageraga, basanze ibimenyetso by'uko yanyoye Loketi, kuko yamunukagaho ndetse n'inzu yose. Byagaragaraga kandi ko yiyanduje mu buryo butandukanye. Ni mu gihe agacupa yaguriyemo Loketi yabanje kukajugunya mu bwiherero.
Théogène Munyaneza

The post Kamonyi-Rukoma: Uwigeze kugerageza kwica Umugore we yasanzwe yapfuye first appeared on Intyoza.

The post Kamonyi-Rukoma: Uwigeze kugerageza kwica Umugore we yasanzwe yapfuye appeared first on Intyoza.

Source : https://intyoza.com/2026/10/31/kamonyi-rukoma-uwigeze-kugerageza-kwica-umugore-we-yasanzwe-yapfuye/

New Melody Choir yavuze ko umwe mu mwihariko w’Igitaramo cyabo cya ‘Selah’ ari uko nyuma y’igihe kitaba ibintu bizaba ari bishya kugeza no ku baririmbyi.

Ni igitaramo kizaba tariki ya 8 Ugushyingo 2026 muri Camp Kigali aho kizitabirwa n’abarimo Papi Clever na Dorcas.

Nema Marie Jeanne, yavuze ko umwihariko w’iki gitaramo ari uko nyuma y’igihe kitaba, ubu ibintu bizaba ari bishya.

Ati “Imyaka ishize nta Selah ibaye ni myinshi, uwo ni umwihariko wa mbere, abantu bazaboneka muri Selah ni bashya, itsinda ryabaye rishya.”

“Umwana wavutse muri 2018 amaze gukura, itsinda ryarahindutse kandi abantu barushijeho kumenya Imana, abantu barushijeho gutera imbere mu miririmbire, byose bizaba ari byiza.”

Muri iki kiganiro n’itangazamakuru, yakomeje avuga ko imyiteguro uburyo barimo kuyikora bizeye ko bazatanga ibyishimo.

Ati “Imyiteguro turayikora kandi twatekereje ko uburyo turimo kubikoramo ari ibintu bizazana ibintu bishya byinshi abantu bazaza bazatahana ibintu byiza.”

Ikindi ni uko “Insanganyamatsiko ni nshya ntabwo twigeze tuyikoresha, iri muri Mariko 5:41.”

New Melody Choir igiye gukora igitaramo Selah kigiye kuba ku nshuro ya gatatu (Selah Concert III) ni mu gihe igiheruka cyabaye muri 2018.

New Melody Choir ibarizwa mu kigo cyitwa New Melody Industries, ikaba igizwe n’abaririmbyi baturuka mu matorero atandukanye ya Gikristo barimo ab’ibyamamare nka Neema Marie Jeanne, Josue Shimwa, Jado Sinza & Esther, Bosco Nshuti, Emelyne Penzi, n’abandi.

New Melody Choir yateguye igitaramo Selah

Source : http://isimbi.rw/umwihariko-w-igitaramo-cya-new-melody-kizitabirwa-na-papi-na-dorcas.html

Nta n’iyonka isigaye, ubu amaso benshi bayerekeje mu Burengerazuba bw’u Rwanda, i Rubavu ahitezwe uruhurirane rw’ibirori mu mpera z’iki cyumweru.

Rubavu cyangwa Gisenyi, umujyi ufasha benshi kuruhuka neza, kuryoshya bakiyibagiza ibyari bimaze iminsi bibatesha umutwe, mu mpera z’iki cyumweru iraba yabaye isibaniro ry’abaryoshyi.

Aho utinyira, uranyura ku muntu muri Kigali akakubaza ati “uzajya i Rubavu?” Undi ukumva kuri telefoni ati “njye namaze kubona aho nzaryama wowe bimeze bite?”

Nyirabayazana ni APR FC na Rayon Sports

Inkomoko yo kuba uyu mujyi uri buze kuba wuzuriranye, ni uko amakipe abiri akomeye mu Rwanda ari bube yamanutse gukinirayo.

Ni APR FC iri bukine na Etincelles FC uyu munsi ku wa Gatandatu mu gihe Rayon Sports izakina na Marine FC ejo ku Cyumweru tariki ya 1 Ugushyingo 2026. Ni imikino y’umunsi wa karindwi wa BK Pro-League 2026-27.

Iyi mikino ikaba yatumye abantu benshi berekeza muri uyu mujyi aho bamwe babifashe nk’akanya ko kuruhuka, ab’inkwakuzi bakaba baragezeyo ejo ku wa Gatanu.

Uretse iyi mikino, abantu baraza kwidagadura no mu bitaramo aho kuri uyu wa Gatandatu hateganyijwe igitaramo karundura kiri buhurize hamwe abahanzi bakomeye, Riderman, Juno Kizigenza na Kitoko.

Ibyabereye Las Vegas biguma Las Vegas

Uyu ni umujyi abantu binezeza bigatinda, ndetse benshi ntibaba bashaka no kugaruka kubyabereyeyo nubwo hari ababatenguha.

Mu tubari, mu tubyiniro haba hahiye, nta muntu wifuza gutaha, mbere bwo batarashyiraho amasaha yo gutaha, barakeshaga, bamwe mugahura bagiye kubyuka.

Ni ahantu benshi bemeza ko bagera kuri bya byinshimo bya nyuma, ubu abacuruza udukingirizo na pharmacy zicuruza ibinini bibuza gusama, baranguye byinshi kuko ubushize ni bimwe byacurujwe ku kigero cyo hejuru aho byikubye inshuro eshatu.

Ikindi gikunze kugaragara iyo abantu benshi bahuriye muri uyu Mujyi, ibiciro biba byazamutse, yaba ibyo kurya, ibyo kunywa ndetse n’amacumbi, amacumbi yo hari n’igihe ashira.

Bisaba kugenda witeguye mu nguni zose kuko iyo urebye kugaruka i Kigali uraguza cyangwa ugaparamira igikamyo.

Rubavu iba yahiye

Source : http://isimbi.rw/kwinezeza-bisesuye-ibiciro-biri-hejuru-udukingirizo-ibyitezwe-rubavu-y.html

Ku nshuro ya mbere umuhanzikazi Bwiza Emerance yavuze ku bimaze iminsi bimuvugwaho ku mbuga nkoranyambaga bigendanye n’umusore witwa Abdul waba waramwambitse impeta, akamutangaho ibya mirenge bikarangira yisangiye umujyanama we Uhujimfura Jean Claude.

Hamaze iminsi ku mbuga nkoranyambaga inkuru zivuga kuri Bwiza Emerance, nyuma yo gusezerana imbere y’amategeko na Uhujimfura Jean Claude umuyobozi wa KIKAC Music irereberera inyungu ze mu muziki.

Ibi byaturitse nyuma y’uko tariki ya 23 Ukwakira 2026, Bwiza asezeranye na Uhujimfura Jean Claude imbere y’amategeko.

Hahise haza amafoto n’amashusho agaragaza Bwiza Emerance yagiranye ibihe byiza n’uwitwa Abdul bikekwa ko ari nawe wayashyize hanze.

Anagaragaza ko yamwambitse impeta, aho inkuru nyinshi zavugaga ko yamuhemukiye, gusa nta kintu yari yakabivuzeho.

Mu kiganiro yagiranye n’abakunzi be ku mbuga nkoranyambaga, Bwiza Emerance hari uwamubajije ko yababwira kuri ibi bimaze iminsi bivugwa, yabasubije ko ahahise h’umuntu ari ahahise.

Ati “Ikintu cyonyine nabivugaho ni uko buri wese agira ahahise he, kandi ntabwo ari ho tuba mu by’uyu munsi. Iby’ahahise biguma mu hahise. Igihe cyiza nakabaye mvuga kuri ibyo ni igihe nakabaye ndi umukobwa, kandi ubu sindi we, narashatse.'

“Ibintu by’umuryango bigira uburyo biganirwamo. Bica mu muryango bya ngombwa ko hari ibijyanwa mu mategeko bikajyanwamo ariko umuryango ni uwo kubahwa.'

Bwiza aheruka gusezerana imbere y’amategeko na Uhujimfura Jean Claude

Source : http://isimbi.rw/bwa-mbere-bwiza-yavuze-kuri-abdul-bivugwa-ko-yamwambitse-impeta.html