Ikibazo rutahizamu William Togui yagize cyatumye adakina umukina wa Al Ahli #rwanda #RwOT

Ntabwo rutahizamu William Togui Mel wa APR FC yaraye agaragaye mu mukino ikipe ye yatsinzemo Al Ahli SC Wad Medani kubera ikibazo afite ku ino.

Ejo hashize APR FC yakinaga na Al Ahli SC Wad Medani umukino wa gicuti wabereye mu Bugesera, iyi kipe y’Ingabo z’Igihugu yaje gutsinda iyi kipe yo muri Sudani ibitego 2-1.

Ntabwo rutahizamu William Togui Mel yagaragaye muri uyu mukino aho yari yicaye muri Stade arimo afana bagenzi be.

ISIMBI yagerageje gushaka amakuru ku mpamvu yatumye uyu rutahizamu ukomoka muri Côte d’Ivoire atakinnye, yamenye ko yagiriye ikibazo mu myitozo aho bamukandagiye ino akababara ku buryo atari kubasha gukina.

Gusa ntabwo bikabije cyane ndetse amahirwe menshi ni uko kuri uyu wa Gatatu bashobora kuzakina na Al Hilal SC, akaba yazawugaragaramo.

APR FC irimo kwitegura umukino ubanza w’ijonjora ry’ibanze rya CAF Champions League izakina na Les Aigles du Congo tariki ya 5 Kanama 2026.

Togui yagize ikibazo ku ino