Tag: Umutekano

Umukuru w'itsinda ryitwara gisirikare, Russian Volunteer Corps (RDK), rivuga ko ari ryo ryagabye igitero mu Burusiya cyambutse umupaka kivuye muri Ukraine, yasezeranyije ko hazabaho ibindi bitero nk'icyo.

Denis Kapustin, uyobora itsinda Russian Volunteer Corps (RDK), yagize ati: 'Ntekereza ko muzongera kutubona kuri ruriya ruhande.'

Uburusiya bwavuze ko bwasubije inyuma icyo gitero, bwica abo bwise abononnyi barenga 70.

Minisitiri w'ingabo w'Uburusiya, Sergei Shoigu, yasezeranyije igisubizo yise  gikaze, ku gitero icyo ari cyo cyose cyabaho mu gihe kiri imbere.

Umutwe wa RDK hamwe n'umutwe wa Liberty of Russia Legion (LSR), yavuze ko ari yo yagabye igitero cyo ku wa mbere mu karere ka Belgorod ko mu Burusiya kari ku mupaka na Ukraine.

Aganira n'abanyamakuru kuri uyu  wa Gatatu tariki 24 Gicurasi 2023, ari ku mupaka ku butaka bwa Ukraine, Kapustin, ufite izina ry'intambara rya White Rex, yavuze ko banyuzwe n'umusaruro w'igitero.

Yavuze ko itsinda rye ryashoboye gufata intwaro zimwe, zirimo n'imodoka itwara abasirikare n'ibikoresho byabo, anavuga ko hari abo ryafashe bunyago (nk'imfungwa) mu bo barwanaga muri icyo gitero — mbere yuko iryo tsinda riva ku butaka bw'Uburusiya rihamaze amasaha 24.

The post Umutwe wa RDK wemeje ko uzongera kugaba ibindi bitero mu Burusiya appeared first on FLASH RADIO&TV.

Source : https://flash.rw/2023/05/25/umutwe-wa-rdk-wemeje-ko-uzongera-kugaba-ibindi-bitero-mu-burusiya/?utm_source=rss&utm_medium=rss&utm_campaign=umutwe-wa-rdk-wemeje-ko-uzongera-kugaba-ibindi-bitero-mu-burusiya

Mu karere ka Gicumbi mu murenge wa Kageyo, mu kagari ka Gihembe, mu mudugudu wa Munini, haravugwa inkuru y'umusore witwa Ndihokubwami ukurikiranyweho gukubita umubyeyi we umuhini mu mutwe agahita apfa.

Ubu bwicanyi bwakozwe kuri iki Cyumweru tariki 21 Gicurasi 2023, mu masaha ya mu gitondo.

Aya makuru yemejwe n'umukozi ushinzwe imari n'ubutegetsi mu murenge wa Kageyo, Uwera Viviane wavuze ko bikekwa ko uyu musore yaba aba asanzwe afite ikibazo cyo mu mutwe, nubwo bigomba kwemezwa na muganga.

Viviane avuga ko impamvu bakeka ko Ndihokubwami ashobora kuba afite ikibazo cyo mu mutwe, ngo ni uko basanzwe bamubona afite imico idasanzwe. Umurambo wa nyakwigendera wajyanwe ku Bitaro bya Byumba ngo ukorerwe isuzuma.

Source : https://yegob.rw/gicumbi-akurikiranweho-kwica-nyina/

Umuvugizi wa guverinoma y'u Rwanda wungirije, Alain Mukuralinda, yatangaje ko iyi nama iri kubera i Geneva mu Busuwisi. Ni ku cyicaro gikuru cy'ishami ry'Umuryango w'Abibumbye rishinzwe impunzi, UNHCR, ryateguye iyi nama.

Ati: 'Inama y'inyabutatu yo gucyura ku bushake impunzi za RDC ziba mu Rwanda n'iz'u Rwanda ziba muri RDC, i Genève, 15/5/2015.'

Gucyura impunzi ku bushake ni umwe mu myanzuro yafatiwe mu nama y'abakuru b'ibihugu bigize umuryango w'akarere ka Afurika y'iburasirazuba (EAC) hamwe n'intumwa y'umuryango wa Afurika yunze ubumwe, Perezida João Lourenço wa Angola, yateraniye muri Ethiopia muri Gashyantare 2023.

Aba bakuru b'ibihugu bemeza ko izi mpunzi zibaye zitashye, byatanga igisubizo kirambye ku mutekano wabuze mu burasirazuba bwa Repubulika ya demukarasi ya Congo no mu karere muri rusange.

Source : https://umuryango.rw/amakuru/mu-rwanda/politiki/article/rdc-bimwe-mu-byifuzo-bya-m23-byaba-bitangiye-gushakirwa-umuti

Uwamurashe yari ataruzuza imyaka y'ubukure, Umusore warashe Pop Smoke yabyiyemereye

Uyu musore wari ufite imyaka 15 ubwo yakoraga aya mahano, we na bagenzi be babiri biyemereye ikindi cyaha cy'ubujura bwitwaje intwaro ndetse anavuga ko ari we wakuruye imbarutso y'imbunda yarashe Pop Smoke.

Abasore bane nibo bari bakurikiranyweho iki cyaha gusa amazina yagizwe ibanga kubera imyaka yabo, gusa uwa kane muri bo witwa Corey Walker yashyizwe hanze bitewe n'uko we ubwo ubu bwicanyi bwabaga yari afite imyaka imyaka 19 ubu akaba afite imyaka 22.

Pop Smoke warashwe afite imyaka 20, yari umwe mubaraperi batanga icyizere mu muziki wa Drill. Yatangiye kwamamara mu 2018 nubwo indirimbo ze nyinshi zamamaye cyane amaze kwitaba Imana.

Source : https://yegob.rw/uwamurashe-yari-ataruzuza-imyaka-yubukure-umusore-warashe-pop-smoke-yabyiyemereye/

Umugore utuye mu Murenge wa Kinyinya arakekwaho kwica urupfu rw'agashinyaguro umwana w'umuturanyi we, amuziza nyina umubyara bari bafitanye amakimbirane.

Ku itariki ya 11 Gicurasi 2023, nibwo bivugwa ko umugore bakunda kwita Mama Kevin, ni we ukekwaho bwa mbere urupfu rw'uriya mwana w'umukobwa w'umwaka n'amezi 8 w'umuturanyi we.

Ndagijimana Jean de Dieu, Se wabo w'uyu mwana wishwe, avuga ko mbere hafashwe umukozi wo mu rugo, ariko ku makuru yandi bamenye bituma Mama Kevin ari we ukekwaho ubu bwicanyi mu ba mbere.

Uko byagenze…
Mama Kevin ngo usanzwe afitanye amakimbirane n'abaturanyi bikekwa ko yiciye umwana (kwa Mama Teta), yabwiye umukozi waho wari mu mirimo ngo ajye kureba abana aho bagiye.

Uyu mukozi umaze ibyumweru bitatu mu rugo, yahise ajya kubareba asiga afunze ibyumba by'inzu ariko imfunguzo azisiga mu rugo.

Yagarutse mu rugo, ngo ahura na wa mugore (Mama Kevin), amubwira ko yatoye imfunguzo zishobora kuba ari iz'iwabo (kwa Mama Teta).

Umukozi yahise amubwira ko imfunguzo yazisize mu rugo, bityo atari zo. Mama Kevin ariko ngo yamusabye ko bajya kureba niba atari zo, bazikoresheje mu rugo koko basanga ni zo
.
Ndagijimana Jean de Dieu, avuga ko umukozi yakomeje imirimo ye, ndetse ashyushya amazi yo gukarabya umwana yari yaryamishije mu cyumba, yitwa Michelle akaba ari we yaje gusanga yishwe.

Yagiye kumubyutsa ngo amukarabye asanga umwana aryamye mu maraso yapfuye..
Umukozi ngo yagiye kureba umwana (Michelle) aho yamuryamisheje asanga aryamye mu maraso, ndetse yetewe icyuma mu musaya.

Nibwo yahise yiyambaza Mama Kevin ngo amurebere icyo umwana yabaye, undi amubwira ko atamukoraho, anabuza abana be kumukoraho.

Ndagijimana Jean de Dieu, avuga ko murumuna we ari umwarimu mu Ntara y'Amajyepfo, naho umugore we (uwiciwe umwana) ni umukozi muri Pharmacie/Pharmacy.

Muri uko gusigana, Mama Kevin yaje kwemera kujyana n'umukozi bajyana umwana kwa Muganga i Kagugu, ariko basanga yamaze gupfa.

'Satani yanteye', amagambo ya Mama Kevin…

Ndagijimana Jean de Dieu, uvuga ko yakoze mu iperereza ari umusirikare, yabajije umukozi wo mu rugo rwa murumuna we niba koko ari we wishe umwana, amugira inama yo kubyemera akorohereza ubutabera, bityo na we akazahabwa igihano gito.
Umukozi wo mu rugo, yamubwiye ko 'Imbere y'Imana atari we wishe umwana.'
Ndagijimana Jean de Dieu, avuga ko mu iperereza Mama Kevin yafashwe kugira ngo abazwe iby'urupfu rw'uyu mwana.

Mu nzira (bageze kwa muganga saa saba z'ijoro), Mama Kevin inzego zamufatiye aho ashyirwa mu modoka inyuma ari kumwe na DASSO n'Inkeragutabara. Ngo yaje kubinginga ngo bamucikishe ati 'Satani yamuteye'.Ariko ngo bamubajije icyo yakoze araceceka.

Ubwo buhamya ngo bwaranditswe, ko Mama Kevin yasabye uwo DASSO n'Inkeragutabara ngo 'muncikishe wenda ndamunsabe ibyo mushaka byose.'
Ndagijimana Jean de Dieu agira ati 'Umwana bamwicishije icyuma nk'uko, ndetse bamwokesha icyuma kabiri mu ruhanga. Ikimbabaje ni uburyo bamwishe urubozo.'
Mu rwego rw'iperereza umugabo wa Mama Kevin na we baramufunze.

Amakimbirane y'abaturanyi yaba ari yo nyirabayazana w'ubu bwicanyi?

Mukamusinga Aline, uturanye n'iyi miryango, avuga ko Mama Kevin ukekwaho kwica uriya mwana bwa mbere, abaturanyi be bamushinja ko ahora ashaka 'kwinjira mu buzima bwabo' aho ngo akunda kuvugana amagambo n'umukozi wabo.

Ndagijimana Jean de Dieu, Sewabo w'uriya mwana wishwe, avuga ko Mama Kevin yigeze guhisha urufunguzo rw'inzu rwa hariya hapfuye umwana, bamaze guhindura serire (cylindre) azana imfunguzo avuga ko yazitoye.

Nyuma nabwo ngo babuze imfunguzo inshuro ebyiri bagakeka ko ari we wazitwaye. Ruriya rufunguzo yababwiye ko yatoye, ngo bwari ku nshuro ya 4 babura imfunguzo nk'uko.
Icyo ubuyobozi buvuga..
HAVUGUZIGA Charles, Umunyamabanga Nshingwabikorwa w'Umurenge wa Kinyinya yabwiye UMUSEKE ko ubu bwicanyi bwabayeho.

Ati 'Amakuru turayafite kuko twaramufashe. Ari muri RIB, biri mu iperereza.' Yavuze ko abaturanyi abaha ubutumwa bwo 'kubaha ubuzima bw'abantu.'

Andi makuru avuga ko abana bo muri ruriya rugo bajyanywe kwa muganga bikekwa ko ibiryo bariye bihumanye.

Kuri uyu wa Gatandatu nibwo habaye imihango yo gusezera bwa nyuma uyu mwana no kumushyingura i Kinyinya.

Source : https://umuryango.rw/amakuru/mu-rwanda/umutekano/article/kicukiro-umugare-yarakekwaho-kwica-urubozo-umwana-w-igisekeramwanzi-w

Ibi Perezida Tshisekedi yabitangaje ku wa Kabiri, tariki ya 9 Gicurasi 2023 ubwo yari ageze i Gaborone muri Botswana mu ruzinduko ari kugirira muri iki gihugu.

Ni ubutumwa Perezida Tshisekedi yatanze ubwo we na mugenzi we wa Botswana, Mokgweetsi Masisi bari mu kiganiro n'Itangazamakuru aho yavugaga kuri manda y'Ingabo za EAC, agaragazaga ko zaje kurengera iki gihugu cye kimaze kuzahazwa n'intambara nubwo inshuro nyinshi agaragaza ko ntacyo zifasha.

Perezida Tshisekedi yabitangaje nyuma y'aho ku wa 27 Mata2023 uwari Umugaba w'Ingabo za EACRF, Gen. Jeff Nyagah, yeguye ndetse agakura akarenge muri iki gihugu, bijyanye n'uko ubutegetsi bwa Kinshasa bwamushinjaga kubutenguha akanga kugaba ibitero kuri M23.

Byasembuwe kandi n'uko mu mezi ashize Perezida Tshisekedi yagaragaye asa n'urimo guha amabwiriza Maj Gen Jeff Nyagah ku buryo ingabo ze zigomba gufata M23.

Icyo gihe yagize ati “Ntimworohere M23. Byaba bibabaje abaturage babahindukiranye. Mwaje kudufasha ntimwaje ngo tugirane ibibazo, mubyitondere, mukorane n'abaturage.”

Ni ibintu yakoraga mu buryo bwuje agasuzuguro kuri uyu musirikare wubahwa cyane muri Kenya, ngo ni n'ibintu bitashimishije na busa Perezida wa Kenya, William Ruto.

Inshuro nyinshi, Jeff Nyagah yahamije ko inshingano za EACRF atari ukurwanya M23 ahubwo ko icyihutirwaga ari ugufasha gukemura ibibazo binyuze mu nzira za politiki.

Ibi ntabwo byafashwe neza n'inzego zitandukanye muri RDC kuko muri Gashyantare uyu mwaka Inteko Ishinga Amategeko y'iki gihugu yasabye Perezida Tshisekedi ko mu gihe Ingabo za EACRF zakomeza kuzarira mu kurasa Umutwe wa M23, yazifatira icyemezo gikwiye.

Basabaga ko izo Ngabo za EAC zasuka ibisasu kuri M23 mu gihe uyu mutwe uharanira uburenganzira bw'nye-Congo bavuga Ikinyarwanda biganjemo Abatutsi bahora bicwa umunsi ku wundi, uva mu bice wafashe birimo ibirindiro bya Kibumba, Ikigo cya Gisirikare cya Rumangabo n'ibindi bice wari warafashe ikabiharira EACRF.

Basaba ko M23 isukwaho umuriro mu gihe imyanzuro y'inama zitandukanye z'abayobozi b'ibihugu bigize EAC zabereye i Luanda, Bujumbura, Nairobi n'ahandi itahwemye kugaragaza ko umuti w'ibibazo biri mu Burasirazuba bwa RDC ari ibiganiro, aho kuba intambara.

Ibyo byemezo bisaba ko Kinshasa yakumva ibyo M23 isaba birimo gusubiza abasirikare bayo mu gisirikare n'Abanye-Congo bavuga Ikinyarwanda biganjemo Abatutsi bagashakirwa uburyo barindwa, ibishyira akadomo ku bwicanyi bwa hato na hato bubakorerwa.

Ibyo byemezo kandi bigaragaza ko imitwe yose irenga 100 yitwaje intwaro, irimo na FDLR yasize ikoze Jenoside mu Rwanda igomba kurwanywa, ibintu Kinshasa yirengagiza ahubwo ikita kuri M23 gusa, ikanabihuza no gushinja u Rwanda ko ari rwo ruyitera inkunga.

U Rwanda rurabihakana narwo rukereka Leta ya Congo ko izo ari inzitwazo zidafite shinge na rugero ahubwo ko ari ukwirengagiza inshingano zayo zo kwita ku baturage kimwe nta vangura, rukanagaragaza ko Kinshasa ikomeje guha urwaho FDLR, ibinatuma uyu mutwe w'iterabwoba ugaragara mu bikorwa byo guhungabanya umutekano warwo.

Kuri ubu hakomeje kwibazwa ahazaza h'Ingabo za EAC ku bijyanye n'ubutumwa bwabajyanye muri Congo, dore ko ubutegetsi bwa Kinshasa bushaka gufatirana muri iki gihe cy'ubwegure bwa Jeff Nyagah ngo buhindure icyerekezo cy'inshingano za EACRF.

Kuva izi ngabo zagera muri iki gihugu, Kinshasa ihora igaragaza ko zifite inshingano zo kurwana zishingiye ku masezerano yashyizweho umukono ku wa 8 Nzeri 2022.

Muri ayo masezerano bigaragara ko EACRF ifite intego enye zirimo iyo gutegurira hamwe n'Ingabo za Leta (FARDC) ibikorwa bigamije gutsintsura imitwe yitwaje intwaro mu Burasirazuba bwa RDC, ibyumvikana neza ko atari umutwe umwe.

Gusa uko iminsi igenda yicuma abasesenguzi bagaragaza ko Perezida Tshisekedi atari mu bihe byiza na EAC, ibituma ahanga amaso ku muryango w'ibihugu byo muri Afurika y'Amajyepfo, SADC uherutse no gutangaza ko ugiye kohereza ingabo zawo nubwo hatatangajwe itariki.

Perezida wa RDC, Tshisekedi yahize kwirukana Ingabo za EAC nizigera muri Kamena uyu mwaka zitaratsintsura M23

Ingabo za EAC zatangiye koherezwa muri RDC mu Ugushyingo umwaka ushize kugira ngo hashyirwe mu bikorwa ibyemezo by'Inama y'Abakuru b'Ibihugu byo mu Karere yabereye i Luanda muri Angola.

Muri Gashyantare 2023, ubwo yari mu Nama y'Abakuru b'Ibihugu yabereye mu Mujyi wa Bujumbura, Tshisekedi yingingiye Ingabo za EAC kumufasha guhangana na M23.

Umwe mu myanzuro yafatiwemo urimo gushimangira ko uburyo bumwe bwo gukemura ibibazo by'umutekano muke mu Burasirazuba bwa RDC, ari inzira ya politiki n'ibiganiro hagati y'impande zose zirebwa n'ikibazo.

Ibi ariko byabaye nk'amasigaracyicaro kuko RDC yanze kwicara ku meza amwe na M23 ngo hacocwe ikibazo cyazamuye umwuka w'intambara, ahubwo igakomeza guha urwaho abahora bagaragaza imvugo z'urwango zibasira Abatutsi bo muri Congo.

Muri iyi minsi, Ingabo za EAC zikomeje kugorwa na FARDC zashatse guhangana na M23 zinyuze ku mbibi z'aho Ingabo za EAC zigenzura. Ni ibintu na M23 yamaganye, ivuga ko bitandukanye n'inzira z'amahoro za Luanda na Nairobi.

Kugeza ubu, Ingabo za EAC ziri mu Burasirazuba bwa Congo zavuye muri Kenya, u Burundi, Uganda na Sudani y'Epfo.

Ingabo z'u Burundi zoherejwe mu bice bya Sake, Kilorirwe, Kitchanga, iza Kenya zihabwa gukorera muri Kibumba, Rumangabo, Tongo, Bwiza na Kishishe.

Nubwo ziri muri ibyo bice zifasha kugarura umutekano, manda yazo yarangiye ku wa 31 Werurwe kuko ari bwo amezi atandatu ya mbere y'ibikorwa byawo yarangiye ariko kugeza n'ubu ntirongerwa. Izi ngabo kandi zihanganye n'ikibazo cy'ubushobozi kuko ingengo y'imari yashize.

Minisitiri w'Ububanyi n'Amahanga wa RDC, Christophe Lutundula, yasobanuye ko 'niba kongererwa manda bidakuweho', RDC yifuza kugira ibyo ihindura.

Muri byo harimo ko manda y'izi ngabo yagabanywa igashyirwa ku mezi atatu ashobora kongerwa cyangwa hagashyirwaho gahunda yo gusubizaho ubuyobozi mu duce M23 yavuyemo.

Perezida wa Repubulika Iharanira Demokarasi ya Congo, Félix Antoine Tshisekedi, yakiriwe na Perezida wa Botswana, Mokgweetsi Masisi, aho yatangiye uruzinduko rw’akazi muri iki gihugu

Abanye-Congo benshi bari baserutse bagiye kwakira Umukuru w’Igihugu cyabo

---

Source : http://igihe.com/amakuru/u-rwanda/article/tshisekedi-yahize-kwirukana-ingabo-za-eac-nizigera-muri-kamena-zitaratsintsura

Bafatiwe mu Mudugudu wa Musenga, Akagari ka Kivugiza mu Murenge wa Masoro, kuri uyu wa Kane tariki ya 4 Gicurasi, ahagana saa moya za mu gitondo.

Superintendent of Police (SP) Alex Ndayisenga, ushinzwe guhuza ibikorwa bya Polisi n'abaturage mu Ntara y'Amajyaruguru, yavuze ko bafashwe biturutse ku makuru yatanzwe n'abaturage.

Yagize ati'Twahawe amakuru n'abaturage bo mu Mudugudu wa Musenga ko hari abantu batangije ubucukuzi bw'amabuye y'agaciro ya Gasegereti mu mirima y'abaturage yo muri uwo Mudugudu. Ku bufatanye n'izindi nzego z'umutekano n'inzego z'ibanze, twateguye igikorwa cyo kubashakisha, hafatirwa abantu 30 bari bafite ibikoresho gakondo bifashishaga birimo ibitiyo 28, amapiki atatu n'amasuka atatu.'

SP Ndayisenga yashimiye abatanze amakuru yatumye bafatwa, yibutsa ko ubucukuzi bw'amabuye y'agaciro bukorerwa mu birombe byemewe, hifashishijwe ibikoresho byabugenewe kandi bugakorwa n'ababifitiye uruhushya rwatanzwe n'urwego rubifitiye ububasha mu rwego rwo kubungabunga ibidukikije no kwirinda impanuka zihitana ubuzima bw'abakora muri ubwo bucukuzi.

Yaburiye abakomeje kwica amatwi bakishora mu birombe, mu mirima y'abaturage ndetse no mu migezi bashakishamo amabuye y'agaciro mu buryo bunyuranyije n'amategeko, ko ibikorwa byo kubafata bizakomeza bagashyikirizwa ubutabera.

Itegeko N° 58/2018 ryo ku wa 13/08/2018 rigenga ubucukuzi bw'amabuye y'agaciro na kariyeri Ingingo ya 54 ivuga ko Umuntu wese ushakashaka, ucukura, utunganya,ucuruza amabuye y'agaciro cyangwa kariyeri nta ruhushya, aba akoze icyaha.

Iyo abihamijwe n'urukiko, ahanishwa igifungo kitari munsi y'amezi abiri ariko kitarenze amezi atandatu n'ihazabu y'amafaranga y'u Rwanda atari munsi ya miliyoni imwe ariko atarenze miliyoni eshanu z'amafaranga y'u Rwanda cyangwa kimwe gusa muri ibyo bihano.

Urukiko rutegeka kandi ubunyagwe bw'amabuye y'agaciro cyangwa kariyeri byafatiriwe biri mu bubiko, bicuruzwa cyangwa bitunganywa nta ruhushya.

---

Source : http://igihe.com/amakuru/u-rwanda/article/rulindo-abantu-30-bafatiwe-mu-bucukuzi-bw-amabuye-y-agaciro-butemewe

Abadepite batoye itegeko ririmo ingingo, zitandukanya    inshingano z'igipolisi cy'u Rwanda n'i'z'urwego Urwego rw'ubugenzacyaha RIB, ku birebana no kugenza ibyaha.

Iri tegeko ryatowe n'abadepite 69 muri 70 bari bitabiriye inteko rusange yo kuri uyu wa gatatu tariki 26 Mata 2023 ritegeka ko gutoroka igipolisi cy'u Rwanda ari icyaha.

Byasabye umwanya hafi ya ntawo ku nteko rusange y'abadepite kugira ngo batore ku bwiganze bw'amajwi itegeko rigenga Polisi y'u Rwanda  ni nyuma y'aho bari bagejejweho raporo ya komisiyo ihuriweho n'imitwe yombi ubwo yasuzumagaba ubugororangingo bwakozwe na Sena kuri uwo mushinga watowe nk'itegeko ariko bwari butaremewe n'abadepite .

Igisa n'icyatunguranye ni uko ingingo z'iri tegeko zari zitezweho kuzamura impaka Atari zo zatwaye umwanya ahubwo ingingo zifatwa na bamwe nk'izoroshye nizo zizweho ari nabyo byatumye gutora itegeko rigenga polisi bitatwaye imbaraga n'umwanya abadepite.Depite Bugingo Emanuel ni perezida wa Komisiyo y'ububanyi n'amahanga ubutwererane n'umutekano mu nteko umutwe w'abadepite.

Yagize ati 'Hari ingingo izigama amateka,ni imyandikire,hari amateka yazigamwaga nyuma y'imyandikire twaje gusanga hari indi ngingo bishobora kumvikaniramo tubyumvikanaho,ntabwo ari imyandikire ni tekiniki y'imyandikire,iyo ngingo yavuye mu mushinga w'itegeko.'

Nyamara ubwo Sena y'u Rwanda yari mu mirimo yo gusuzuma iri tegeko ingingo zisa n'izakuruye impaka n'izirebana n'ubusha bwo kwirwanaho ku mupolisi ndetse no gutanduakanya inshingano z;uru rwego na rugenze rwarwo ari rushinzwe ubugenzacyaha RIB

Senateri Evode Uwizeyimana yari yagize ati 'Kuzakora iperereza ngo ese koko byari ngombwa ko uyu mupolisi akoresha intwaro,arasa akica umuntu,cyangwa akica abantu,ni ubuhe buryo twakoresha itaganisha ku kuvunga ngo buri gihe gukoresha imbaraga ,bivuga ko hari umuntu ugomba kuhasiga ubuzima.'

Senateri Hadidja Ndasngiza Murangwa we yagize ati 'Dutekereza ko ni mujya mu ishyirwa mu bikorwa hashobora kuzaza ikibazo hagati bya Polisi na RIB,noneho tukibaza tuti uko byanditse mu gusoma itegeko umuntu abibona hehe,ese mu itegeko biragaragara neza,aho urwego rumwe rutangirira n'aho urundi rutangirira.'

Depite Bugingo Emanuel, Perezida wa Komisiyo y'ububanyi n'amahanga ubutwererane n'umutekano mu nteko umutwe w'abadepite arasobanura uko inshingano z'igipolisi zitazivanga z'ibagenzacyaha b'urwe RIB n'ubwo hari aho bizaba ngombwa ko bakorana.

Yagize ati 'Itegeko rya Polisi kugira ngo rivugururwe,hari ububasha Polisi itarin ifite,kandi biza kugarara ko yari ikeneye kuba ibufite,cyane cyane ni ububasha bujyana n'ubugenzacyaha,bijyana n'ibyaha n'uburyo bwo kugenda mu muhanda n'amategeko abigenga,ni ukuvuga ibyaha bijyana n'impanuka,kwica amategeko yo mu muhanda,Polisi izajya ibikorera ubugenzacyaha bwuzuye.'

'Dosiye aho bikenewe iyijyane mu bushinajcyaha,ubundi uko byari bimeze ubwo bugenzacyaha bwakorwaga na RIB ubwo rero bw'umwihariko buzajya bukorwa na Polisi ku buryo bwuzuye ubundi bugenzacyaha bukomeze muri RIB.'

Yakomeje agira ati 'Ubundi RIB ntabwo iba hose nka Polisi,Polisi iba ku mipaka,irinda amazi,iyo habaye icyaha cyangwa gukeka icyaha,polisi ifatiye mu cyuho ukora icyaha,iramufata n'ibimenyetso ibifate iri tegeko rikaba riteganya ko ibyo bimenyetso babikorera inyandiko mu gihe kitarenze amasaha 24 ikabishyikiriza RIB kugira ngo ikomeze ubugenzacyaha.'

Depite Bugingo kandi arasobanura icyo  itegeko rigenga Polisi ryatowe n'abadepite rivuga ku gukoresha intwaro n'imbaraga mu gihe cy'akaga.

Ati'Hashobora gukoreshwa imbaraga aho bikenewe muri uyu mushinga w'itegeko birimo,ariko izo mbaraga ntabwo hakoreshwa iz'umurengera,akoresheje iz'umurengera yaba anyuranije n'itegeko.hakoreshwa imbaraga zijyanye n'uburemere bw'amakuba amwegereje.'

Muri iri tegeko rigenga Polisi ryatowe n'abadepite harimo kandi ingingo ziteganya  ibyaha n'ibihano byerekeye gutoroka Polisi y'u Rwanda.Uku gutoroka ku mupolisi ni icyaha.

Nta gihindutse iri tegeko umukuru w'igihugu namara kurishyiraho umukono rizasohoka mu igazeti ya leta ritangire gukurikizwa.

Tito DUSABIREMA

The post Inshingano za RIB n'iza Polisi zatandukanijwe ariko hari aho izo nzego zombie zizajya zikorana appeared first on FLASH RADIO&TV.

Source : https://flash.rw/2023/04/26/inshingano-za-rib-niza-polisi-zatandukanijwe-ariko-hari-aho-izo-nzego-zombie-zizajya-zikorana/?utm_source=rss&utm_medium=rss&utm_campaign=inshingano-za-rib-niza-polisi-zatandukanijwe-ariko-hari-aho-izo-nzego-zombie-zizajya-zikorana

Urwego rw'Igihugu rw'Ubugenzacyaha (RIB) rwataye muri yombi abantu batandatu, bakurikiranweho ibyaha bifitanye isano no kuba hari abantu batandatu bagwiriwe n'ikirombe mu mudugudu wa Gasaka mu Kagari ka Gahana, mu Murenge wa Kinazi mu Karere ka Huye, kugeza ubu bataraboneka aho baguye.

Abatawe muri yombi barimo umunyamabanga nshingwabikorwa w'umurenge wa Maraba mu karere ka Huye wahoze ayobora umurenge wa Kinazi muri aka karere ka Huye witwa Uwamariya Jacqueline, umunyamabanga nshingwabikorwa w'akagari ka Gahana witwa Nkurunziza Gilbert.

The post Huye: Batandatu bafunzwe bacyekwaho ibyaha bifitanye isano n'abantu bagwiriwe n'ikirombe appeared first on FLASH RADIO&TV.

Source : https://flash.rw/2023/04/26/huye-batandatu-bafunzwe-bacyekwaho-ibyaha-bifitanye-isano-nabantu-bagwiriwe-nikirombe/?utm_source=rss&utm_medium=rss&utm_campaign=huye-batandatu-bafunzwe-bacyekwaho-ibyaha-bifitanye-isano-nabantu-bagwiriwe-nikirombe

Ahagana Saa Kumi n'imwe n'igice z'umugoroba wo kuri uyu wa Kabiri tariki 25 Mata 2023, nibwo umusore wari wigize umuzunguzayi yakubiswe nk'izakabwana nyuma yo kugurisha inkweto bikekwa ko yibye.

Uyu musore ukekwaho ubujura, yahuye n'uruvagusenya ubwo yari ageze munsi y'agasantere k'ahitwa ku gasoko mu Murenge wa Rwezamenyo mu Karere ka Nyarugenge arimo kugurisha inkweto zitangana.

Byabereye mu muhanda yanyuragamo ugana Kimisagara ujya Nyabugogo aho yakubiswe n'undi yari amaze kugurishaho inkweto zitangana.

Source : https://yegob.rw/nyarugenge-umusore-ukekwaho-ubujura-yahuye-nuruvagusenya-nyuma-yo-kwigira-umuzunguzayi/