Webrwanda Backend

Tag: Ubuzima

  • Sobanukirwa byinshi ku guhurwa no gutwarira ku mugore utwite #Rwanda #RwOT via @kigalitoday #rwanda #RwOT

    Uretse gutwarira kandi habaho no guhurwa ibyo kurya cyangwa ibyo kunywa, umwuka w’ikintu runaka wamugeraho akagira isesemi akaba yanaruka. Hari n’abahurwa abagabo babo, bakumva batakwegerana.

    Bamwe bavuga ko ari uburwayi abandi bakavuga ko ari ukubyishyiramo gusa, ndetse hari n’abavuga ko rimwe na rimwe umugore yitwaza ko atwite kugira ngo agere ku cyo yashakaga.

    Ese siyansi n’ubuvuzi bibivugaho iki?

    Gutwarira ikintu akenshi bituruka ku misemburo iba irimo gukorwa kandi igakorwa ari myinshi mu gihembwe cya mbere cyo gutwita ni ukuvuga mu mezi atatu ya mbere.

    Gusa hari ibivugwa ko burya utwarira icyo umubiri wawe ukeneye kurenza ibindi, ugahurwa ibyo umubiri wawe udakeneye. Ibi akenshi bivugwa ku biribwa n’ibinyobwa. Icyakora na none bivugwa ko umugore uhurwa umugabo we akenshi baba basanzwe batameranye neza cyangwa se atajya yishimira uko bakora imibonano.

    Ubushakashatsi bukomeza bwerekana ko abantu batabasha kubona indyo yuzuye uko bikwiye, umubiri ubwawo ubategeka icyo bagomba kuwuha mu batwite.

    Urugero, nk’igihe umubiri ukeneye vitamini C kugira ngo ugire ubudahangarwa, icyo gihe ku mugore utwite ho biba akarusho kuko aba agomba kugaburira abantu babiri (we n’umwana atwite). Ibi rero bituma ashobora gutwita ararikiye amafunguro akungahaye kuri iyo vitamini.

    Icyo wakora mu gihe watwariye ikintu

    Gerageza kutabyishyiramo cyane ngo wumve ko nutakibona inda ishobora kuvamo. Icyakora niba watwariye ikintu kandi kitagoye kukibona, urugero nk’amata, aho kuyanywa ku bwinshi wafata akarahure kayo gato, bikaba bihagije.

    Ikindi mu gihe wumva wifuza ikintu runaka, ugerageza gushaka icyo uhugiraho. (Urugero, kora urugendo n’amaguru ujya ahantu hatuma uhuga, kureba umukino ukunda, kujya muri korali kuririmbi n’ibindi ukunda).

    Muri iki gihe cy’iterambere, no kuganira n’abantu ku mbuga nkoranyambaga kimwe no gusoma ibitabo cyangwa amakuru kuri Interineti birafasha.

    Gusa niba urimo gutwarira ibintu bidasanzwe nko kurigata itafari, kurya ibitaka, akenshi biterwa n’uko umubiri wawe hari umunyu ngugu uba ubura, by’umwihariko ubutare. Ibyo bikosorwa no kurya ibikungahaye ku butare byaba ngombwa ugahabwa ibinini birimo ubutare.

    Icyo gukora mu gihe wahuzwe

    Guhurwa byo ni ikindi kintu kuko akenshi bijyana n’isesemi no kuruka. Icyo uba ugomba gukora, niba wahuzwe ikintu cy’ingenzi cyane, ushaka icyagisimbura bihuje intungamubiri. Niba wahuzwe ibishyimbo, warya amashaza.

    Cyokora mu gihe umuntu yahuzwe uwo bashakanye, bisaba ko bakosora ibitagenda neza hagati yabo byaba na ngombwa bakitabaza impuguke mu bumenyamuntu.

    source : https://ift.tt/3gyJ7dU

  • Amakosa abantu benshi bakora barimo kwisukura. – YEGOB #rwanda #RwOT

    Dore amakosa rusange akorwa na benshi mu gihe barimo gusukura umubiri, wagakwiye kwirinda kuko yakuzanira ibibi byinshi kurusha ibyiza.

    1.Kudakaraba intoki uvuye mu musarane 

    Mu gihe uvuye ku musarane ni ngombwa gukaraba intoki n'isabune
    Nkuko byerekanwa n'ikigo gishinzwe kurwanya indwara no kuzirinda, gukaraba intoki ni bumwe mu buryo bwiza kandi bwizewe bwakurinda kuba warwara cg se wakwanduza abandi.Ukunze gusanga, hari abantu bava mu bwiherero badakarabye intoki cg se abandi ntibakarabe neza.Waba wakoresheje ubwiherero rusange, cg se iwawe mu rugo, ni ngombwa gukaraba intoki neza n'amazi meza ndetse n'isabune.

    2.Kudapfuka neza ku munwa mu gihe witsamura

    Gupfuka ku munwa mu gihe witsamura cg se ukorora ni ingenzi cyane, kuko birinda gukwirakwiza mikorobe ahantu hose. Gusa benshi usanga bitsamura niyo baba bari mu bantu benshi ntacyo bibabwiye cg se batazi ko bari gukora amakosa.Ubushakashatsi bwakozwe bwerekana ko umuntu umwe mu bantu bane, atajya yibuka gupfuka umunwa we mu gihe yitsamuye ari mu ruhame.

    Mu gihe witsamura cg ukorora ni ngombwa gupfuka umunwa, usibye kugufasha guhorana isuku, ni ingenzi cyane mu kurinda ikwirakwiza ry'indwara zandurira mu mwuka n'ibiza (ibicurane by'ibiguruka n'izindi zikwirakwizwa mu mwuka).

    Niba urwaye ibicurane cg izindi ndwara zandurira mu mwuka, ni byiza kwirinda kujya ahari abantu benshi, kugira ngo utanduza abandi. Mu gihe ugiye mu ruhame, ukibuka kwipfuka ku munwa mu gihe ukorora cg witsamura.

    3.Gutereka aho ubonye uburoso bw'amenyo kandi bugitose.

    Kubyerekeye isuku yo mu kanwa, ni ingirakamaro kwita k'uburoso ukoresha usukura mu kanwa.Uburoso ntibugomba kubikwa butose cg se ngo ubukoreshe igihe kirenze amezi 3.Abantu benshi ukunze gusanga nyuma yo koza amenyo, ahita atereka uburoso hasi bugitose, yaba mu bwogero cg se ahandi abubika. Iri ni ikosa rikomeye rikunze gukorwa na benshi mu kwita ku isuku y'umubiri.

    Uburoso butose ni indiri ikomeye ya bagiteri nyinshi, iyo ubuteretse hasi ukongera kubukoresha uba winjiza bagiteri nyinshi mu kanwa hawe, ibi bikaba isoko y'indwara zo mu kanwa (harimo no kuva amaraso mu menyo) ndetse no kunuka mu kanwa.

    Nyuma yo koza amenyo, ugumba kubuzunguza ku buryo amazi ashiramo, warangiza ukabushyira mu kantu gatuma umwuka winjira neza, byanashoboka ukaba uburekeye ku zuba.

    Ugomba kandi kwirinda gushyira uburoso bwawe ahegereye umusarane (nko kubagira ubwogero bufatanye n'umusarane), ugomba kubushyira ahitaruye byibuze nka metero 3. Bagiteri nyinshi zishobora kujya ku buroso, kurusha ku musarane aho wicara, niyo mpamvu ugomba kububika neza.

    4.Gukoresha tige cotton (cotton swabs) usukura mu matwi.

    Kuva cyera wagiye wigishwa gukoresha agati kariho ipamba (tigo cotton/cotton swabs) mu kwikurugutura mu matwi. Ubukurugutwa nubwo bufatwa na benshi nk'umwanda, gusa sibyo ahubwo bufatiye runini mu gutwi imbere, kuko burinda ubwandu butandukanye bw'amatwi no kurinda ko utuntu duto nk'umukungugu ndetse n'udusimba dushobora kwinjiramo.

    Tigo cotton zagenewe gusukura igice cy'inyuma gusa. Kuyinjiza mu gutwi bishobora kuguteza ingaruka, zirimo no gusunika ubukurugutwa bukinjira aho butagomba kugera; bukaba bwakwangiza ingoma y'ugutwi, usibye ibi kandi ipamba iba kuri turiya duti ishobora gusigara mu gutwi ikaba yateza izindi ngaruka.

    5.Gukuba cyane uruhu.

    Kwikuba cyane uruhu ni uburyo bwo gukuraho uturemangingo tuba twapfuye, no gutuma haza utundi dushya. Gusa gukuba uruhu cyane kandi kenshi, uba uri gukora amakosa akomeye mu kwita kw'isuku y'umubiri.

    Source : https://yegob.rw/amakosa-abantu-benshi-bakora-barimo-kwisukura/

  • Developmental problems: Childhood Trauma ( Stages and Characteristics) #rwanda #RwOT

    Source : https://agakiza.org/Developmental-problems-Childhood-Trauma-Stages-and-Characteristics.html

  • Sobanukirwa uburyo butanu warindamo imvuvu no gucika kumusatsi wawe #rwanda #RwOT

    Ubusanzwe indwara y'imvuvu no gucika kw'imisatsi biterwa n'uruhu rwumagaye cyangwa gukoresha ibikoresho by'imisatsi byanduye, ibintu bitandukanye dushyiramo, nk'amavuta ataragenewe gusigwamo n'ibindi. Umuntu uwari we wese yarwara imvuvu hatitawe ku myaka afite, cyangwa aho atuye. Akaba ari yo mpamvu kumenya uburyo bwo kuzirinda ari ngombwa. Hari uburyo bworoshye wakoresha uri mu rugo ukivura imvuvu ndetse no […]

    The post Sobanukirwa uburyo butanu warindamo imvuvu no gucika kumusatsi wawe appeared first on Kigalinews24.

    Source : https://kigalinews24.com/2021/08/25/sobanukirwa-uburyo-butanu-warindamo-imvuvu-no-gucika-kumusatsi-wawe/

  • Byinshi wamenya kuri Thé Vert ifasha kurinda indwara zikomeye – YEGOB #rwanda #RwOT

    Thé vert/green tea ni ubwoko bw'amajyane akoreshwa mu gukora icyayi, ariko nkuko izina ribigaragaza ni icyayi twakita ko ari 'icyayi cy'icyatsi', ushyize mu kinyarwanda.

    Gusa aya majyane akaba afite akamaro mu mubiri kuruta andi majyane yose waba uzi cyangwa ukoresha.
    Aya majyane ushobora kuyikorera ubwawe, ufata ibibabi by'icyayi ukanika byamara kuma ukabisya cyangwa ukabivunga, ushobora kandi no kuyagura akoze, gusa uzarebe niba ari umwimerere nta kindi kivanzemo

    Akamaro ka Thé vert 

    • Thé vert yifitemo ibyitwa polyphenols (soma polifenolo) ikaba igira akamaro ku kuvana imyanda y'uburozi mu mubiri (antioxidants) iba yinjiyemo binyuze mubyo urya. Ku bw'ibyo ikurinda gusaza n'izindi ndwara ziterwa n'ikorwa ry'uburozi mu mubiri (harimo indwara z'umutima na kanseri).
    • Yifitemo caffeine itandukanye niyo mu ikawa. Caffeine izwiho kuba inkabura (stimulant), ku bw'ibyo ifasha mu gukora neza k'ubwonko, kwibuka, akabaraga mu buriri, no gutekereza neza.
    • Kunywa thé vert bifasha mu kurinda kanseri y'uruhu iba yatewe n'itwikwa ry'imirasire y'izuba mibi (Ultra violet).
    • Inarinda izindi kanseri harimo iy'urwagashya, igifu, n'izindi nyama zo mu nda.
    • Kuyinywa birwanya ubwivumbure bw'umubiri ku bintu binyuranye (allergy). Ku bw'ibyo ifasha mu guhangana na grippe yatewe n'ubwivumbure.
    • Kuyinywa bifasha mu kongera ubushobozi bw'amaso mu kureba neza.
    • Thé vert izagufasha mu kurinda amenyo n'ishinya byawe.
    • Kuyinywa bifasha mu kurinda no kurwanya diyabete.
    • Kuko ifitemo caffeine, kuyinywa bitwika ibinure ku gipimo cya 17%. Ni umuti mwiza rero wo kurwanya umubyibuho ukabije.
    • Nkuko twavuze ko irwanya ubusaza, izakurinda indwara zifata ahanini abasaza harimo indwara yo gususumira (Parkinson's disease), n'indwara yo kwibagirwa (Alzheimer's disease).
    • Ifasha mu kurinda indwara zitandukanye z'umutima.
    Umurima w'icyayi hamwe n amababi y'icyayi. Niyo akorwamo thé vert

    Ese nta ngaruka mbi yatera?

    Kugeza ubu nta ngaruka mbi zari zerekanwa, gusa hari ibyo kwitondera:

    • Si byiza kuyinywana n'indi miti cg ibyo kunywa bikabura umubiri nka dynamogen, inzoga, Sildenafil, kuko byatera umuvuduko udasanzwe w'amaraso.
    • Niba ufata imiti ibuza amaraso kuvura nka Warfarin (Coumarin) si byiza kuyinywa kuko burya ibamo Vitamin K, ituma amaraso avura.
    • Niba ugira ubwivumbure kuri caffeine, ishobora kugutera kubura ibitotsi, isesemi no kuruka, kwigunga no kwiheba. Byagusaba kuyinywana ubwitonzi.

    Agatasi ka thé vert ku munsi, katuma udahora kwa muganga.

    Src: Umutihealth

    Source : https://yegob.rw/byinshi-wamenya-kuri-the-vert-ifasha-kurinda-indwara-zikomeye/

  • Ibimenyetso simusiga byarekana ko umuntu urimo kwegera urupfu. – YEGOB #rwanda #RwOT

    Niba urwaje umuntu ubona ageze mu minsi ye ya nyuma hari ibyakwereka ko ashobora kuba agiye kwitaba Imana. Abahanga bemeza ko ari ingenzi kumenya ibi bintu byerekana umuntu uri gusatira urupfu. Ese mu by'ukuri ibyo bintu nibihe? Some neza urasobanukirwa.

    1.Guta umutwe

    Benshi mu bagiye gupfa bahura n'ikibazo cyo guta umutwe cyangwa kuvuga ibidahuye. Ibi usanga biterwa nuko umuvuduko w'amaraso ushobora kuba wazamutse cyangwa ubwonko bukaba butagikora neza.

    2.Gusinzira cyane bidasanzwe

    Ushobora kuba usanzwe uziranye n'umuntu ariko utamuziho gusinzira amasaha y'umurengera. Ushobora kandi kuba urwaje umuntu ariko ukabona amaze amasaha menshi asinziriye, ibi rero nubibona cyane cyane ku muntu urwaye uzitegure ko ashobora kugucika mu minsi micye. Abantu benshi iyo bari mu minsi yabo ya nyuma cyane cyane abarwaye indwara zikomeye bakunda gusinzira bidasanzwe.

    3.Guhindagurika ku mikorere y'umubiri

    Aha harimo gutakaza ubushyuhe bidasanzwe, kugabanuka kw'isukali kandi adasanzwe arwaye diyabete, ndetse no kugabanuka k'umuvuduko w'amaraso, gusa hano ashobora no kumva ashyushye cyane cyangwa agakonja cyane iki nacyo nikimenyetso cyuko umuntu ari kugucika.

    4.Kudashobora kurya

    Kudashobora kurya bishobora kuba kubantu benshi, ariko nanone nuba urwaje umuntu akamara amasaha menshi ntakintu ariye uzagire impungenge. Impamvu yo kubura ubushake bwo kurya (appetite) nuko umubiri uba wamaze gucika intege burundu ibyo rero bituma uwo mubiri utongera gushaka ibyo kurya kuko uba utari bushobore kubitunganya.
    Kutajya mu bwiherero mu gihe kinini

    Bigendanye nuko kurya biba bitagishoboka no kujya mu bwiherero biba bidahari, iyo umuntu atabasha kurya ariko akabasha kwiherera burya byerekana ko umubiri we ukiri gukora ariko iyo ntanakimwe muribyo uzatangire kugira impungenge.

    5.Umunaniro udasanzwe

    Abantu benshi bagiye gupfa bagira umunaniro udasanzwe, ibi nukubera ko umubiri uba wamaze gutakaza imbaraga hafi ya zose ndetse n'amaraso, gucika imbaraga ndetse n'umunaniro ni ikimenyetso rusange kubantu benshi bari gupfa.

    Source : https://yegob.rw/ibimenyetso-simusiga-byarekana-ko-umuntu-urimo-kwegera-urupfu/

  • Nyagatare: Gukoresha nabi inzitiramibu byatumye Malariya yiyongera #Rwanda #RwOT via @kigalitoday #rwanda #RwOT

    Gukoresha nabi inzitiramibu byatumye Malariya yiyongera

    Gukoresha nabi inzitiramibu byatumye Malariya yiyongera

    Yabitangaje kuri uyu wa 24 Kanama 2021, ubwo hatangizwaga igikorwa cyo gutera imiti yica imibu mu nzu, igikorwa kizamara iminsi 20 kigakorerwa mu mirenge yose igize Akarere ka Nyagatare.

    Ni igikorwa cyatangirijwe mu Murenge wa Rwimiyaga, umwe mu yifite imibare myinshi y’abandura Malariya.

    Imibare yatangajwe n’umuyobozi w’Ibitaro bya Nyagatare, Dr. Eddy Ndayambaje ku tariki ya 06 Kanama 2021, igaragaza ko kuva muri Mutarama kugera muri Kamena 2021, abarwayi 1,423 ari bo bavuwe indwara ya Malariya.

    Ni mu gihe kandi kuva muri Mutarama kugera muri Kamena 2021, havuwe abarwayi 11,206 muri bo babiri bitaba Imana.

    Murekatete avuga ko zimwe mu mpamvu zatumye indwara ya Malariya yiyongera harimo kudakoresha neza inzitiramibu no kudohoka ku ngamba zo kuyirinda.

    Ati “Habayeho kudohoka ugasanga abantu ntibagitema ibihuru bikikije ingo, ugasanga hari abamena amazi bogesheje ibikoresho ahantu areka, ariko twanabonye ko abantu batakirara mu nzitiramibu. Bamwe twasanze bazisegura, abandi bazikoresha uturima tw’igikoni cyangwa inzu z’inkoko”.

    Avuga ko gutera imiti mu mazu bizagabanya umubare w’abandura Malariya agasaba abaturage kwitabira icyo gikorwa ndetse bakanorohereza abakora.

    Agira ati “Malariya imaze kutuzamukana, abana bacu basibaga ishuri kubera ko barwaye. Turifuza ko icyo kitakongera kugaragara ndetse na babandi bazahazwa na Malariya ntibabashe gukora neza bitakongera kugaragara, turasaba abaturage kwitabira iki gikorwa kugira ngo dufatanye kurandura Malariya”.

    Visi Meya Murekatete atangiza igikorwa cyo gutera imiti yica imibu ku nzu
    Visi Meya Murekatete atangiza igikorwa cyo gutera imiti yica imibu ku nzu

    Ugirimfura Mary, umuturage wo mu Murenge wa Rwimiyaga, avuga ko gutera umuti mu mazu bifite akamaro kanini kuko bibarinda Malariya ndetse unica utundi dusimba twose turi mu nzu, ku giti cye ngo aheruka kurwaza Malariya mu mwaka wa 2005.

    Ati “Icya mbere uturinda Malariya, ikindi wica udusimba twose turi mu nzu. Jye mperuka kurwaza Malariya mu mwaka wa 2005 ariko nkeka aho batangiriye gutera uyu muti buri gihe ndatererwa umusaruro ni ukutarwaza. Kandi sinshobora kwemera ko hari uwaryama ataraye mu nzitiramibu”.

    Ni ku nshuro ya 12 mu Karere ka Nyagatare hakorwa igikorwa cyo gutera imiti yica imibu mu nzu, umuti uterwa ukaba umara amezi atandatu ku rukuta.


    source : https://ift.tt/3ygZ26F

  • Umugore yishwe na Covid-19 akimara kubyara #Rwanda #RwOT via @kigalitoday #rwanda #RwOT

    Uwo yabyaye arembye atyo yari umwana wa kane, bamwita Eviegrace, n’ubwo nyina wari umaze kumubyara atigeze agira amahirwe yo kumubona neza cyangwa se kumuterura nk’uko bivugwa n’umugabo we.

    Josh, umugabo wa Samantha ubu uri mu gahinda ko gupfusha umugore we azize Covid-19, agasiga uruhinja rukivuka, yatangaje ko atari yarigeze yikingiza Covid-19, aboneraho gusaba aninginga abantu ngo bemere bikingize.

    Abinyujije ku rubuga rwa Twitter, Josh yagize ati “Namaze amasaha mu bitaro ku wa kane no ku wa gatanu ndi kumwe n’umugore wanjye ubu wapfuye. Ni byo, imibare itangazwa ni yo, jya kwikingiza kugira ngo wowe, cyangwa umuryango wawe utazahura n’ibyo nahuye na byo”.

    Ubu ndimo ndandika muryamye iruhande, afite imyaka 35 gusa, ntiyikingije Covid-19, ari mu isanduku agiye gushyingurwa”.

    Umuhango wo gushyingura Samantha wabaye ejo ku wa Mbere tariki 23 Kanama 2021. Mu gitambo cya misa yo gusabira Samantha mbere yo kumushyingura, bahise banabatirisha umwana yasize abyaye Eviegrace.

    Wari umuhango ufite umwihariko, aho bizihizaga ubuzima bakanazirikana urupfu icyarimwe, nk’uko Padiri Sean O’Donnell watuye icyo gitambo cya misa yavuze ko ari ubwa mbere abatije mu misa yo gusabira uwapfuye.

    Yagize ati “Ubu ndavuga ubuzima n’urupfu icyarimwe, ni ibyishimo bivanze n’agahinda”.

    Mu magambo Josh yavuze asezera umugore we Samantha, yavuze ko “nta bubabare yari afite, wabonaga ameze neza ubwo yahumekaga umwuka we wa nyuma. Ari mu bitaro yashoboye kubyara umwana wacu yagura umuryango n’ubwo atigeze abona uwo mwana neza, cyangwa se ngo amuterure mu maboko ye”.

    Ati “Nzakora uko nshoboye kose Eviegrace azamenye ibyerekeye mama we byose, kuko ntazigera amubona”.

    Arongera ati “Sinzemerera umuntu uwo ari we wese kumwibagirwa kandi nzahora nibuka ibihe byiza n’ubuzima twasangiye”.

    source : https://ift.tt/3kmc9OR

  • Gutegura ibyo gukorera inkingo mu Rwanda mu byihutirwa biraje ishinga Umuyobozi mushya wa FDA – #rwanda #RwOT

    Dr Bienvenu yemejwe nk’Umuyobozi wa FDA n’Inama y’Abaminisitiri yo ku wa 11 Kanama.

    Yashyizwe muri izi nshingano mu gihe u Rwanda ruri mu myiteguro yo gutangiza ibikorwa byo gukora inkingo ruhereye ku za Covid-19.

    Mu kiganiro yagiranye na Newtimes, yavuze ko mu biri mu nshingano za FDA nta na kimwe kizirengagizwa ariko hari ibyihutirwa kurusha ibindi.

    Muri ibyo harimo gushira imbaraga mu mabwiriza agenga ibikorerwa imbere mu gihugu bitandukanye n’uko byagendaga mu myaka yashize aho zashyirwaga mu gushyiraho amabwiriza agenga ibituruka mu mahanga.

    Yavuze ko mbere yo gutangira ari ngombwa kubanza kugenzura ibikorwaremezo nkenerwa bizafasha mu ikorwa ry’inkingo, ibikoresho byo kwa muganga, ikoranabuhanga rikoreshwa n’umusaruro uvamo.

    Ikindi gikenewe ni ukugirana ubufatanye n’abashoramari bashobora kuza bagashora imari muri urwo rwego.

    Ati “Ibyo byarakozwe na Minisiteri zibishinzwe mu gihugu. Kugeza ubu dufite abashoramari bafite ubushake bwo kuza gukorera mu gihugu ndetse bamwe bamaze kuhagera. Icyo navuga ni uko ibiganiro bitegura ikorwa ry’inkingo n’indi miti bigeze ku rwego rwiza. Tuzi abo tuzakorana na bo n’igihe tuzatangirira ariko kugeza ubu nta ruganda ruratangira ariko ibikenewe byose ngo dutangire birateganyijwe.”

    Dr Bienvenu yavuze ko ibikorwa nibitangira hazakorwa inkingo zitandukanye ndetse n’indi miti yo kwa muganga mu rwego rwo kwirinda ibihombo bishobora kubaho.

    Ati “Iyo tuvuga inkingo ntabwo tuba tuvuga iza Covid-19 gusa, kubera ko tuzakora inkingo zitandukanye. Iyo ukoze urukingo rw’ubwoko bumwe hanyuma icyorezo kikarangira, ugwa mu gihombo kandi ibyo ni byo tudashaka.”

    Hagati ariko FDA irasabwa kuba ifite ubushobozi bwo kugenzura ibikorwa by’inganda zikora ibikoreshwa kwa muganga bwo ku rwego mpuzamahanga bugenwa n’Ishami ry’Umuryango w’Abibumbye ryita ku buzima, OMS.

    Hari inzego enye,nibura idafite urwa gatatu ntishobora kwemerwa ko ibi bikorwa bitangira gukorerwa mu gihugu. Kugeza ubu iki kigo kiri ku rwego rwa mbere, kikaba kiri gukora ibishoboka byose ngo kigere ku rwego rwa kabiri n’urwa gatatu icyarimwe nk’uko Dr Bienvenu yabisobanuye.

    Biteganyijwe ko umwaka utaha OMS izaza gukora igenzura ngo irebe niba cyujuje ibisabwa ku rwego rwa kabiri n’urwa gatatu hanyuma ibyo ku rwego rwa kane bikazagerwaho nyuma.

    Umuyobozi Mukuru w’Ikigo Gishinzwe ubugenzuzi bw’Ibiribwa n’Imiti mu Rwanda, FDA, Dr Emile Bienvenu

    source : https://ift.tt/3B9uyFC

  • #COVID19: Mu Rwanda abantu 6 bitabye Imana, abarembye ni 43 #Rwanda #RwOT via @kigalitoday #rwanda #RwOT

    source : https://ift.tt/385Dj70