Tag: People

Gentil na Rhoda bibarutse umwana wa kabiri nyuma y’amezi 11 bibarutse imfura yabo bise Abraham Misigaro wabonye izuba tariki ya 4 Nzeri 2020, ibisobanuye ko umwaka utari wagashize kuko habura iminsi 18 imfura yabo ikizihiza isabukuru y’umwaka umwe. Umwana wabo w’ubuheta bamwise Asaph Misigaro. Gentil Misigaro yanditse kuri Instagram amagambo y’ishimwe atangizwa n’ari mu ndirimbo ye ‘Biratungana’ mu kubwira abantu ko Iyo Imana itegetse bitungana. Ati “Iyo ategetse biratungana, twishimiye kwibaruka umwana wacu wa kabiri mu muryango wacu. Imana ni nziza”.

Ubutumwa Gentil Misigaro yanyujije kuri Instagram

Mu kiganiro na InyaRwanda.com, umuramyi Gentil Misgaro yagaragaje ko afite ishimwe rikomeye ku Mana yabahaye umwana mwiza w’umuhungu uje usanga undi nawe w’umuhungu bibarutse umwaka ushize mu mpera za 2020. Yagize ati “Imana iduhaye umwana mwiza w’umuhungu muri iki gitondo (ku isaha yo muri Canada), mudufashe gushima Imana. Asaph aje ari umwana wa kabiri mu muryango wacu”.

Gentil na Rhoda bamaze kwibaruka umwana wa 2 bise Asaph

Uyu mwana bamwibarutse mu buryo butunguranye na cyane ko hashize amezi macye bibarutse imfura. Bitandukanye na mbere aho bagaragarije abakunzi babo ku mbuga nkoranyambaga amafoto ya Rhoda akuriwe yitegura kwibaruka imfura, kuri ubu nta makuru bigeze batangaza ku mbuga zabo y’uyu mwana wabo wa kabiri. Ikindi ni uko benshi mu nshuti zabo ndetse n’abatuye mu gace batuyemo ka Vanvouver, ari mbarwa bari bazi ko Rhoda atwite nk’uko amakuru agera ku InyaRwanda abihamya.

Kugira ibintu ubwiru si bishya kuri uyu muryango wa Gentil na Rhoda kuko tariki 1 Werurwe 2019 ubwo Gentil Misigaro yakirwaga i Kanombe ku kibuga cy’indege n’umukunzi we Rhoda nyuma y’imyaka myinshi bari bamaze batabonana, nabwo byabaye mu bwiru bukomeye kuko ifoto ibagaragaza bari kumwe i Kanombe yafotowe gusa na InyaRwanda.com kuko bari bagerageje kubihisha itangazamakuru ryari rimaze kubaha ikaze mu Rwanda.

Ubwo Gentil Misigaro yakirwaga na Rhoda Misigaro i Kanombe u 2019

Gentil Misigaro akunzwe cyane mu ndirimbo: ‘Biratungana’, ‘Buri munsi’ yakoranye na Adrien Misigaro, ‘Umbereye maso’ yakoranye na Nice Ndatabaye, n’izindi zijyana benshi mu Mwuka. Ni umuhanzi ufite izina rikomeye cyane mu muziki wa Gospel yaba mu Rwanda no muri Diaspora nyarwanda.

Ubwo yibarukaga imfura ye, yayihanuriye kuzaba umukozi w’Imana udasanzwe ari nayo mpamvu yamwise Abraham. Yagize ati “Twishimiye cyane impano idasanzwe Imana iduhaye kuri uyu munsi. Iduhaye umwana w’umuhungu mwiza, ufite ubuzima bwiza. Azaba umukozi w’Imana udasanzwe, niyo mpamvu twamwise Abraham”.

Gentil na Rhoda hamwe n’umwana wabo wa kabiri w’umuhungu

Tariki 16 Werurwe 2019 ni bwo Gentil Misigaro yasezeranye kubana akaramata n’umukunzi we Rhoda Misigaro mu muhango wabereye mu rusengero New Life Bible Church ku Kicukiro mu Mujyi wa Kigali, basezeranywa na Pastor Aaron Ruhimbya wa ERC Kimisagara. Ubukwe bwabo bwari ibirori byiyongereye ku bindi dore ko kuri iyo tariki ari nabwo Rhoda yizihiza isabukuru y’amavuko.

Akoresheje ijwi rye, Gentil Misigaro yagize ati “Uri umukobwa mwiza umeze nk’abamarayika. Isabukuru nziza mugore wanjye kuri uyu munsi w’ubukwe.” Ubu bukwe babukoze nyuma y’icyumweru kimwe Gentil Misigaro akoreye mu Rwanda igitaramo cy’amateka ari nacyo cya mbere yari ahakoreye. Muri iki gitaramo cyabaye kuwa 10 Werurwe 2019 kikabera mu ihema rya Camp Kigali ni bwo Gentil Misigaro yerekanye bwa mbere umukunzi we Rhoda baburaga iminsi micye bakarushinga.

Gentil Misigaro na Rhoda mu gitaramo gikomeye yakoreye i Kigali

Ni igitaramo kitazibagirana mu mateka dore ko cyahembuye imitima ya benshi, cyikitabirwa n’abantu benshi cyane barimo n’ab’ibyamamare nka King James, Apotre Masasu, Patient Bizimana, Israel Mbonyi, Uncle Austin, Alex Muyoboke, Kavutse Olivier, Miss Shanitah n’abandi. Rhoda wa Misigaro ni umuririmbyi ariko ntakunze kugaragara mu ndirimbo z’umugabo we, icyakora yigeze kugaragara yitwa ‘Uwaneshereje’ yahurijwemo abanyempano mu kuririmba bo mu muryango w’umugabo we.

Ni indirimbo yanditswe n’ababyeyi ba Gentil Misigaro mu 1986 mbere y’uko bibaruka abana babo. Iyi ndrimbo yagiye hanze kuwa 25 Nyakanga 2020 isohokana n’amashusho yayo. Ni yo ndirimbo ya mbere Rhoda yagaragayemo dore ko atari yagaragara na rimwe mu ndirimbo z’umugabo we umwe mu bahanzi b’ibyamamare mu muziki wa Gospel. Amashusho y’iyi ndirimbo agaragaramo abantu 10 bo mu muryango wa Bishop Dr Mutabazi Shadrack se wa Gentil Misigaro.

Gentil Misigaro akikiye ubuheta bwe na Rhoda

Ubwo Rhoda yiteguraga kwibaruka ubuheta bwe na Gentil

Gentil na Rhoda ku munsi w’ubukwe bwabo

Gentil na Rhoda mu byishimo byinshi hamwe n’imfura yabo

Ubwo Rhoda yari atwite imfura ntabwo babigize ubwiru kuko babitangarije abakunzi babo ku mbuga nkoranyambaga

REBA HANO ‘UWANESHEREJE’ IGARAGARAMO RHODA UBWO YARI AKURIWE

REBA HANO INDIRIMBO ‘BIRATUNGANA’ YA GENTIL MISIGARO

Babou umenyerewe mu bitaramo bitandukanye by'urwenya, mu gutunganya umuziki no kwandika, wemeza ko kandi yaje gusanga afitanye isano na Fiona, n'ubwo atabashije kwitabira ubukwe bwabo, yatangaje byinshi ku bukwe bwa Nkusi Arthur na Miss Fiona Muthoni Naringwa.

Mu kiganiro kirambuye yagiranye na INYARWANDA, Babou yatangiye avuga ko mbere y'uko ubukwe bwa Nkusi Arthur bujya kuba bari kumwe agira ati: 'Mbere y'uko akora ubukwe twari  kumwe kimwe  na Michael n'uwitwa Jerome, n'ubwo ntabashije kujya mu bukwe ariko Fiona ni mubyara wanjye.'

Akomeza atsindagira ibyo kuba mubyara wa Fiona agira ati: 'Ni ukuri ni mubyara wanjye, ibaze ko ntabihisemo ntanabigizemo uruhare ariko twaje gusanga dufitanye isano, rero ni umuryango. Sinabashije kujyayo bitewe kandi n'ibihe turimo ariko nzakomeza kubaba hafi kandi ndabishimiye cyane.'

Babou, kubijyanye no kuba yaba yarabashije kubona amafoto dore ko kugeza n'ubu atagaragara hanze, yagize ati: 'Byabaye ibintu bikaze nanjye byangezeho sindayabona, gusa abantu bambwiye ko bwari ubukwe bwiza cyane ndetse ngo yaguze n'imodoka nshya.'

Yongeraho ati:'Gusa nkeneye kuyibona niba yaba yarazanye n'ubukwe.' Ku kibazo cyo kuba Nkusi Arthur yaba yaraserukanye mu bukwe ikote ry'icyatsi asanzwe yambara mu kazi kimwe n'ishati yasubije agira ati: 'Ikote ry'icyatsi.'

Amaze guseka ati: 'Ariko na none bivuze ko ariwe wiyambika. Areba mu kabati k'imyenda urumva ko atari babandi bambikwa n'abandi bantu.' Yongeraho ko ariko nibongera guhura kiri mu bibazo azamubaza.

Ku kuba Nkusi yaba nawe yari ari muri wa mujyo wa ya mvugo y'iyi minsi y'uko 'ntagikwe', yasubije agira ati: 'Njye Nkusi Arthur muzi mu buzima busanzwe uvanyemo ibintu bya radiyo, Fiona bamaranye igihe kinini cyane, rero umuntu uzi Arthur n'igihe abantu bari bazi ko nta mukunzi; yari kumwe na Fiona bityo n'iyo twakumva abivuga twabaga tuzi ko ari imikino.'

Babou akomeza agira ati: 'Ku bantu bamuzi bari bazi ko Fiona ahari bityo rero ikibazo cyari wowe ni ryari? Kuko nyine bo ntibifuzaga ko abantu bamenya ibyabo ku mbuga nkoranyambaga, bahisemo inzira y'ibanga kandi ni ikintu cyiza.'Aha ni mu mwaka wa 2015 Babou ku rubyiniro rumwe na Nkusi ArthurUbukwe bwa Nkusi Arthur na Miss Fiona Muthoni bwabaye kuwa 14 Kama 2021 buhuriranye n’umunsi w’isabukuru y’amavuko ya Fiona, ziba inzozi uyu mukobwa yakabije nk'uko yahoze abirotaGufata ifoto kubantu bitabiriye ubu bukwe ni ikintu cyaziraga n'ubwo nk'iyi ari uwarenze kumabwiriza akayifatira kure. Iri kote rero Nkusi Arthur yambaye rikaba risa n'iryo yari asanzwe ajyana mu kaziAha hari mbere Nkusi Arthur yambaye ikote bisa nk'aho ari naryo yari yambaye ku munsi w’ubukweMu kiganiro na mubyara wa Fiona, Babou, yavuze ko yumvise ko ubukwe bwa Nkusi bwaba busize aguze n’imodoka nshya

 

Uyu mukunzi we, Igor Mabano akaba yaramwambitse impeta mu kwezi gushize amusaba ko yamubera umugore by'iteka ndetse umukobwa akaba yarahise abyemera atazuyaje cyane ko ngo bari bamaze igihe bakundana n'ubwo urukundo rw'aba bombi barugize ibanga rikomeye.

Amakuru InyaRwanda yamenye ni uko umuhanzi Igor Mabano n'umukunzi we ufite inkomoko mu gihugu cy'u Buhinde, mu cyumweru gitambutse, yafashe irembo mu muhango witabiriwe n'umuryango ndetse n'intumwa z'umuhanzi Igor Mabano.

Andi makuru kandi umwe mu nshuti za hafi z'umuhanzi Igor Mabano yahaye InyaRwanda yavuze ko muri iki cyumweru kuri uyu wa gatatu uyu muhanzi ndetse n'umukunzi we bazajya mu murenge gusezerana imbere y'amategeko.

Biravugwa ko Igor Mabano arajya gusezerana mu murenge kuri uyu wa gatatu

Yagize ati: 'Njyewe amakuru mfite ni uko Igor Mabano agiye gushaka umuhindekazi ubwo rero uwo muhindekazi bakazajya mu murenge kuwa gatatu bakaba kandi baragiye gufata irembo kuri uyu wa gatandatu, ayo yo ni ukuri, ni impamo ariko ibiri hejuru y'ibyo ntabindi nzi cyane'.

Yakomeje agira ati: 'Nibyo Igor Mabano azajya mu murenge muri iki cyumweru kuri uyu wa gatatu, ibyari byabaye kwari ugufata irembo ariko ibijyanye n'imihango y'ubukwe byo Igor Mabano azajya mu murenge kuri uyu wa gatatu'.

Mu gushaka kumenya ukuri kwa nyirubwite, Igor Mabano, we yabihakanye avuga 'ko atari byo ariko bibaye ari n'ukuri byaba ari byiza ariko atari ukuri' cyane ko 'igihe nikigera azabitangaza' ndetse anavuga ko abo bantu ataba azi aho bakuye amakuru nk'ayo 'atari ukuri'.

Igor mababo yagize ati: 'Ayo makuru ntabwo ariyo rwose umusa, aribyo urumva naba ntarabitangaza? Kandi nimugira rwose muzabimenya ariko abo bantu babahaye amakuru ntabwo aribyo kabisa kandi n'ubwo byaba byo byaba ari byiza ariko ntabwo aribyo.''

Amakuru agera ku InyaRwanda.com kandi avuga ko umuhanzi Igor Mabano amaze ukwezi n'igice 'yambitse impeta' umukunzi we w'umuhindekazi mu muhango witabiriwe n'abantu batanu b'inkoramutima z'umuhanzi Igor Mabano.

Igor Mabano yahakanye amakuru y’ubukwe n’umuhindekazi amuvugwaho

Inkuru z’urukundo ku muhanzi Igor Mabano ni nshya kubera ko uyu muhanzi nta hantu yigeze avugwa mu rukundo n’umukobwa uwo ari we wese cyangwa ngo amutangaze ubwe ku mbuga nkoranyambaga z'iwe zitandukanye.

Gusa si ubwa mbere abahanzi bivuzwe ko bagiye gukora ubukwe nyuma bikaza kugaragara ko byari ukuri nyamara bo batarashatse ko bijya ahagaragara ngo berure bikaza kugaragara nyuma.

REBA HANO INDIRIMBO YARI WOWE IMAZE AMEZI ATATU IGOR MABANO AHERUKA GUSOHORA

Agasaro Nadia Farid mu butumwa bwuzuye amarangamutima n'urukundo rwinshi yanyujije ku rukuta rwe rwa instagram abuherekeresheje ifoto, yakeje umugabo we Gatsinzi Emery [Riderman] amushimira igihe amaranye nawe we cyose amuha urukundo rutagereranywa. Muri ubwo butumwa yasabye Imana ikintu gikomeye cy'uko yazamuha kurambana n'umugabo we ndetse ko ashimangira ko azakomeza kumukunda urudasaza kuko nawe yamukunze urudasanzwe.

Kuva ku munsi wa mbere Riderman na Nadia bagaragaza ibyishimo by’urugo rwabo

Yagize ati ''Imyaka ibaye itandatu tubaye umwe imbere y’Imana n’abantu, Riderman ibaye itandatu umpa urukundo rwinshi bidasanzwe birahebuje kukugira nshuti magara nkunda. Imana yabumbiye umunezero wanjye wose muri wowe maze igihe kigeze Ihuza inzira zacu mu buryo bwayo dore ko Ikora ukwayo  Reka nyishimire kuko yakabirije inzozi zanjye muri wowe ubuzima bwange bw’iteka. Uzi ibyo ndi kuvuga.

Imana izaduhe kuzarambana kugeza twuzukuruje amashimwe ku Mana yo ikomeje kurinda isezerano ryacu  nzagukunda urudasaza kuko wankunze urudasanzwe ndagukunda n'umutima wange wo. mu ruhande rwawe hari ibyiza gusa”.

Riderman na Miss Agasaro Nadia Farid basezeranye imbere y'amategeko ku itariki 24 Nyakanga 2015 mu Murenge wa Kigarama mu Karere ka Kicukiro, bakurikizaho gusezerana imbere y'Imana muri Paruwasi ya Kicukiro, tariki 16 Kanama 2015. Ku wa 11 Ukuboza 2015, uyu muryango wibarutse umwana w'umuhungu, bamwita Rusangiza Eltad.

Nadia na Rusangiza imfura ye na Riderman

Kamba na Randa impanga baheruka kwibaruka