Tag: news

Nyuma yo gusinyira ikipe ya APR FC, Ruboneka Jean Bosco ari inzozi yahoraga arota ariko ubu zamaze kuba impamo.

Uyu mukinnyi ukina mu kibuga hagati asatira wakiniraga AS Muhanga, tariki ya 19 Nyakanga ni bwo yerekanywe nk’umukinnyi wa APR FC izifashisha umwaka utaha w’imikino.

Aganira n’urubuga rw’iyi kipe, yavuze ko abwirwa ko APR FC imwifuza bwa mbere yabanje kubyima agaciro kuko yumvaga ari ibintu bidashoboka.

Yagize ati“igihe numvishe ko APR FC inyifuza nabibwiwe na Mupenzi Eto’o ushinzwe igura n’igurishwa ry’abakinnyi muri iyi kipe gusa ntabwo nabyemeye kuko nabanje kubyima agaciro cyane ko ntari muzi, hashize iminsi mike yarongeye arampamagara ambwira ko bantekerejeho, naratunguwe bingora kubyakira birangira nsinye.”

Yakomeje avuga ko ageze ku ndoto ze kuko n’ubundi umwaka ushize w’imikino yakoze cyane afite intego yo kujya mu ikipe ikomeye, ngo ubu igihe cyo kurota cyarangiye.

Yagize ati“Kuba natungurwa si ukuvuga ko ntabikwiye, oya narabiharaniye kuko intego yanjye mu mwaka wa shampiyona ushize yari iyo kujya mu ikipe ikomeye gusa igihe cyo kurota kuri njye cyararangiye kuri ubu ndi umukinnyi wa APR FC.”

Uyu mukinnyi ukiri muto avuga ko kumenyera muri APR FC bitazamugora kuko afitemo inshuti nyinshi zamaze no kumuhamagara zimuha ikaze, yizeye ko nafatanya na bo bazagera kuri byinshi.

Ngo indoto zamaze kuba impamo ntabwo akirimo kurota

Umuganga w’Inzobere mu Buvuzi bw’amenyo muri Baho International Hospital, Dr Anamali Roger, yavuze ko umuntu urwaye amenyo adakwiye kumva ko ajya kwa muganga gusa ngo bayakure, ahubwo hari ubuvuzi bukorwa iryinyo rikaguma mu kanwa kandi rikora neza.

Bumwe mu buryo bukoreshwa mu kwita ku menyo yarwaye harimo ubuzwi nka dévitalisation, aho iryinyo ryamburwa ubuzima ariko umuntu agakomeza kurikoresha nko mu kurya, ntiryongere kumutera uburibwe.

Ubundi iryinyo rifite ibice bitatu by’ingenzi: hari igice cy’inyuma tubona mu kanwa aricyo kizwi nka ‘émail’, hakaza icyitwa dentine twagereranya n’imizi y’iryinyo, n’igice cy’imbere mu ryinyo kizwi nka ‘pulpe’.

Icyo gice cya nyuma ni nacyo kibamo imyakura ituma niba uhekenye ibuye wumva ububabare, cyangwa akantu kakujya mu ryinyo nk’igihe ryacukutse kubera uburwayi, ukumva umubiri wose urababwe.

Uburyo bwo kuvura amenyo bugenda bunyurana bitewe n’uburwayi, cyane ko usanga benshi batinya gukuka iryinyo nk’iyo barenze cya gihe haba hashobora kumera irindi. Iryinyo – uretse imirimo tuzi ryagenewe – ni n’umutako ku buryo hari uritakaza ntazongere kumwenyura nk’uko byahoze, ufite amenyo meza akamwenyura atitangira.

Mu kiganiro IGIHE yagiranye n’Inzobere mu kuvura indwara z’amenyo muri Baho International Hospital, Dr Anamali Roger, yavuze ko hari ubuvuzi butuma umuntu adatakaza iryinyo igihe ryangiritse mo imbere, rigakomeza kumufasha nk’ibisanzwe.

Mu gihe cya gice kizwi nka pulpe cyarwaye, ngo hashobora kubaho uburyo bwo kugikuramo, iryinyo rigatakaza bwa bushobozi bwo gutwara amakuru, bigasa no kuryambura ubuzima ari nayo hava ijambo ‘dévitalisation’.

Ati “Iyo twambura iryinyo ubuzima biba bifite intego. Ni ukugira ngo iryinyo rigume mu kanwa, rikaguma ari iryinyo ridafite ikibazo kandi umuntu akomeza kurikoresha, kandi kugira ngo rigumemo, ni ugukuramo imyakura.”

Yavuze ko impamvu bakuramo imyakura ari uko igice irimo kiba cyangiritse, rimwe na rimwe iryinyo ryaratangiye guhindura ibara kandi bitera ububabare bukabije.

Dr Anamali yavuze ko mu kwambura iryinyo ubuzima bakuramo igice cyose cya ‘pulpe’. Icyo gihe baba bakuyeho ibyajyanaga amakuru ku bwonko, ariko iryinyo rigakomeza gukora imirimo yaryo isanzwe, ntirizongere guteza uburibwe.

Yakomeje ati “Iyo tumaze kurivura ntabwo uwo mwanya usigara gutyo gusa tuwusimbuza ikindi kintu […] Iryinyo rizakomeza gukora neza mu kanwa, niba rikoreshwa mu kurya, uzaririsha, niba ari ugucagagura rizabikora, muri make rizakomeza gukora neza, ako niko kamaro k’ubwo buvuzi.”

Yemeza ko nta kibazo iryinyo ryavuwe muri ubwo buryo rigira nk’inkurikizi. Ku rundi ruhande ariko, hari uburwayi bw’amenyo budakwiriye ubwo buvuzi, hagakoreshwa ubundi nk’igihe imizi y’iryinyo ifite ikibazo cyangwa rijegajega.

Dévitalisation, nibwo buryo uvurwa ukagumana iryinyo ritakikurya

Dévitalisation ikorwa ku menyo y’abantu bakuru gusa, kuko amenyo y’abana yo biba bizwi ko agomba gukuka agasimburwa n’andi.

Mu gutanga ubwo buvuzi ntabwo iryinyo rikurwa mu mwanya waryo. Dr Anamali yavuze ko bafite uburyo barifungura, byarangira bakongera kurifunga neza.

Ashishikariza abantu ko mu kwirinda uburwayi bwo mu kanwa bwaba ubw’amenyo cyangwa ubundi, bakwiye kwita ku isuku yo mu kanwa. Umuntu akangurirwa koza amenyo neza nibura kabiri ku munsi, nyuma y’ibyo kurya bya mu gitondo na nimugoroba mbere yo kuryama.

Ashishikarizwa kandi kwisuzumisha amenyo buri mezi atandatu, kuko ngo ubuvuzi bwiza ari ukwirinda.

Daniel@Agakiza

Source:Igihe

Muraho neza bavandi, mbere ndabashimye cyane kubw’amakuru meza mutugezaho kuko rwose aba atomoye kandi ari ay’ukuri.

Ubusanzwe ndi umukozi wa Leta mu nzego z’ibanze, nakundanye n’umukobwa twemeranya kubana, haciyeho amezi 9 akora abona amahugurwa muri Kenya y’akazi. Yenda kuyarangiza ngo agaruke abona ngo umuterankunga umwemerera kumurihira Masters degree in England. Kugira ngo abitekerezeho neza akuraho phone, network zose ntiyongera kuzigaragaraho haba kuri Facebook, Tweetter, Watsapp, Skype mbese nawe urabyumva!

Igihe cy’amahugurwa kirarangira ndategereza ko yaza
ndaheba, nkajya mbaza amakuru ndayabura. Hagati aho ajya kugenda twari twaramaze kwemeranya itariki y’ubukwe ariko tutarasohora ubutumire bw’ubukwe ariko bamwe mu muryango bayizi, ayo mahugurwa aje tubona ni inyungu cyane kuri twe ajya kuyakora twemeranya guhindura itariki.

Nyuma yo kumubura n’itariki y’ubukwe ikegereza cyane, nabuze icyo nkora abantu bajya bambaza iby’ubukwe nkababwira ko ari vuba, mpera muri vuba. Yaje kuza mu gihugu ku ibanga rikomeye aba muri Kigali ategura ubukwe wenyine ntacyo ambwiye ndaho narabuze amahoro. Yaragiye akodesha salle, amamodoka, agura iby’ashaka byose bigendanye n’ubukwe, agura n’inzu yo kubamo.

Icyantangaje kurusha ibindi yasohoye invitations z’ubukwe bwanjye nawe atangira kuzitanga ntacyo ambwiye umuntu ni we waje kumbwira ngo wasohoye invitations nziza peee, ubukwe bwawe nzabutaha, naguye mu kantu ndamwihorera ndikiriza. Ntibyatinze mu rugo iwanjye hazanywe invitations z’ubukwe 1000 ndetse na gahunda yose y’ubukwe uko ipanze n’ingengo y’imari yose, hirya ahanditse ngo aho izaturuka, njyewe murabyumva namwe uko mu mutwe byari bimeze, byari bikomeye ku buryo ntabona uko mbyandika.

Nagishije inama umuntu umwe, ndabimubwira anyemeza gutanga invitations ansaba gutuza ngakora ibintu ku ibanga kandi ngasenga cyane, singire n’undi mbiganiriza. Narabikoze, ndazitanga aho nshoboye n’ubwo harimo igihe gito, mbikorera ko nkunda umugore wanjye kurenza ikintu cyose kibaho

kuko nari nzi naho twavuye habi cyane, aho iwabo bakingishaga umuhiniw’isuka. Ibyo kwiga kwe byo byari bigoye kurusha ariko akamenya ubwenge butangaje. Kaminuza yayize i Butare mu cyahoze ari UNR nta na bourse abona baramukuye ku rutonde ku buryo butunguranye. Haje uburyo bw’ibyiciro by’Ubudehe, icyo gihe yigaga ndi mwalimu wa primaire ntarabona akazi gahwanye na degree narimaze kubona ariko tubicamo, ariko Imana irigaragaza.

Sinumvaga rero ko ibyo byose yabikora anyanga. Ku
ruhande rumwe nkabona amanyanga no kuntesha umutwe ku rundi nkabonamo urukundo ruri hejuru. Bavandimwe, twakoze ubukwe bugenda neza ariko ubu ari kumbwira ngo tujye mu Bwongereza twimuke kuko ari ho afite umuterankunga n’akazi kandi azabasha kwiga akarangiza.

Iyo mubajije aho yakuye amafranga menshi n’akazi nta kindi ansubiza ngo ni umuterankunga, namubazaho byinshi ati uzaba umubona ushire n’amatsiko.

Ngaho namwe mumbwire, ngo nintemera ko tugenda azagenda ubutagaruka, namubwira ngo agende nzamusangayo ntabyumve ngo sinzirirwe nza kandi ngo ni uko ntamwizeye twakagiye ntabitinzeho.

Mungire inama, sinshaka kubura umugore wanjye turakundana. Igihe cyo kugenda cyararenze bamuhamagara ubutitsa

Zari impera z’icyumweru nziza kuri amwe mu makipe akinamo abanyarwanda hanze ya rwo nka Simba ya Kagere yegukanye ikindi gikombe, ni mu gihe andi yo yagisoje mu marira atsindwa.

Mu ijoro ryakeye, nyuma yo kwegukana igikombe cya shampiyona, Simba SC yegukanye n’igikombe cy’Igihugu nyuma yo gutsinda Namungo ibitego 2-1 ku mukino wa nyuma.

Iyi kipe yo muri Tanzania ikinamo umunyarwanda, Meddie Kagere ikaba yasoje umwaka w’imikino wa 2019-2020 yegukana n’igikombe cy’Igihugu, ni umukino Meddie atabanje mu kibuga yari ku ntebe y’abasimbura.

Baraye begukanye igikombe cy’igihugu

Buildcon FC ikinamo abanyarwanda babiri, umunyezamu Bashunga Abouba na Biramahire Abbedy, ntabwo bahiriwe n’impera z’icyumweru kuko ku wa 5 tariki ya 31 Nyakanga yatsinzwe na NAPSA Stars mu mukino w’umunsi wa 26.

Nyuma yo gutsindwa uyu mukino iyi kipe iri ku mwanya wa 13 n’amanota 29 mu gihe NAPSA Stars yabatsinze ari yo ya mbere n’amanota 48.

Ntibyari byiza kuri Abouba ba Buildcon FC

Ntiwari umunsi mwiza ku ikipe ya Colorado Springs Switchbacks yo mu cyiciro cya kabiri muri Amerika ikinamo myugariro w’umunyarwanda, Rwatubyaye Abdul, ku munsi w’ejo yatsinzwe na Real Monarchs ibitego 2-1, mu mukino w’umunsi wa 4 wa shampiyona.

Ni umukino Rwatubyaye atakinnye kuko yari amaze iminsi ari mu kato. Colorado Springs Switchbacks ubu iri ku mwanya wa 3 n’amanota 4 mu gihe New Mexico United ya mbere ifite 10.

Ntabwo Rwatubyaye yakinnyi umukino w’ejo

Sandvikens IF ya Yannick Mukunzi mu cyiciro cya 3 muri Sweden, ku munsi w’ejo yasuye ndetse inanyagira Kvarnsveden ibitego 3-0.

Hari mu mukino w’umunsi wa 9, Yannick Mukunzi ntabwo yabanje mu kibuga. Iyi kipe iri ku mwanya wa 5 n’amanota 15.

N’ubwo atabanje mu kiuga ikipe ye yatsinze

Umugisha ni ikintu kiza cyo kwifuzwa ndetse no kwifurizanya, hari imvugo isanzwe izwi mu muco aho bagira bati” Imana iguhe umugisha”. Hari imigisha myinshi yaba igaragara n’itagaragara Imana yageneye abantu, Gusa ikibabaje ni uko hari umuntu utegereza umugisha w’Imana ntawubone kandi Imana yarawumugeneye. Kubera iki Imigisha itatugeraho kandi ubwo twinjiraga mu gakiza k’Imana twarayihawe kubw’ubuntu? Ibi bishobora guturuka kumpamvu zitandukanye. Ese muri izi nzitizi Pasteri Desire Habyarimana yigishijeho, ntihaba harimo iyazitiye imigisha yawe?.

Icyaha

Abakristo benshi bakunze kugaragaza ko bafite amasezerano menshi Imana yabavuzeho,kandi yatinze nogusohora. Ibi bituma bahora imbere y’Imana bakora ibimeze nko gushaka mu biganza byayo mbere yo gushaka mu maso hayo. Mubyukuri biragoye ko Imana yaguha umugisha utarihana icyaha cyabase ubuzima bwawe. Icyaha ni umwanzi w’amasezerano yawe Imana yaguhaye. Buri muntu wese yari akwiye kwigenzura umunsi ku munsi agaharanira kwezwa kandi akirinda gucira imanza mugenzi we.Ubundi umukristo yakagombye guhora yihana buri munsi, Kubera ko duhora turwana n’isi, satani n’umubiri. Hari umuririmbyi waririmbye ngo “ Ngerageza uko nshoboye kwibuza inama mbi n’ibyaha, nyamara njya mbyibonamo. Jya umboneza” Rero kwezwa birareba buri muntu wese, kuko kwezwa bizarangira umunsi umuntu yarangije urugendo rwe hano ku isi, cyangwa Yesu agarutse.

Nibyiza kumenya rero ko icyaha ari imbogamizi y’umugisha kandi burya buri muntu aba azi ibiri mu mutima we, niba urugero umuntu aziko yasambanye , yaribye, yarakuyemo inda, akaba agira urwango, n’ibindi akaba atarigeze abyatura ngo yihane, uwo muntu aba abizi neza kandi ntaho umugisha wanyura umusanga cyeretse y’ihannye Imana ikamubabarira.Twibukiranye ko nubwo waba ukora imirimo ikomeye ite mu itorero cyangwa ufatiye runini sosiyete, ntabwo ibyo biguhesha itike yo kubona Imigisha y’Imana .Umuti wonyine ni ukwihana icyo cyaha ukabwiza Imana ukuri.

Ibikomere

Gukomereka si ibintu umuntu agiramo uruhare ariko umuntu yagira uruhare mugukira ibikomere. Kuba imfubyi,kuba umupfakazi kubura abawe n’ibyababaje umuntu mubuzima bishobora kurema igikomere kizafata ibisekuru byinshi igihe uwo byabayeho atabikize neza. Ni ingenzi kugira uwo ubwira ibikomere byawe, kubera ko umubabaro usangiwe uragabanuka kandi ibyishimo bisangiwe biragwira.Hari ubwo umuntu ababara adafite uwo babarana,yakwishima ntagire uwo bishimana kubera ibikomere yahuye nabyo mu buzima bwe. Yesu rero niwe wenyine wakiza ibikomere byawe Kuko ntakibabaje nakimwe atanyuzemo. Abaheburayo 2: 18, Abantu benshi bayoborwa n’Ibikomere.

Dukwiye kumenya ko Imana idakiza ibyaha gusa ahubwo ko ikiza n ‘imvune zo mu mutima. Birumvikana ko ibyababaje umuntu ari byinshi, ariko sibyiza gukomeza gutsikamirwa n’amateka mabi, ni byiza kwegera Yesu ukamubwiza ukuri ukamwereka agahinda kawe, ukamusaba kuva mubyagukomerekeje ugana mu butsinzi, kuko bitabaye ibyo wahora ubayeho ubuzima bw’ibikomere niba uri n’umuyobozi abo uyobora ukabayoborera muri ibyo bikomere. Inzitizi y’umugisha w’umuntu ni ibikomere kandi benshi barabigendana, nyamara Yesu wenyine niwe wabikiza.

Amoshya ya satani

Mu isengesho Yesu yatwigishije gusenga hari ahavuga ngo “ Ntuduhane mu bitwoshya” Matayo 7: 9-13 . amoshya ya satani ni mabi kandi abantu benshi bayagwamo umunsi ku munsi kandi ntanubwo satani arobanura uwo ari buyatemo, nubwo waba ukora umurimo w’Imna neza ntabwo yagutinya.Twibuke ko igihe Yesu yari ashoje amasengengesho y‘iminsi 40 ntabwo satani yigeze amutinya ahubwo yashatse kumuta mu moshya,Matayo:1-11 .None niba satani ataratinye Yesu w’umunyembaraga wari uvuye mu masengesho,yatinya umuntu w’umunyantege nkeya, unasenga rimwe na rimwe?.

Amoshya ya satani abwira umuntu ko kwitanga no gukorera Imana byaza ku mwanya wa kabiri aho kuza ku mwanya w’imbere. Nk’urugero ngo amaturo ni pastieri uyahabwa, maze imigisha ikazitirwa ubwo. Nicyo kibazo benshi mubakristo bagira kuko satani aboshya ko guhabwa ari byo byiza kurenza gutanga. Amoshya ni mabi satani iyo yayateje umuntu amubwira ko ubuzima butamubereye agahitamo kwiyahura. yibagiza umuntu ibyiza byose yabonye ku Mana akamubwira ko ntacyo yigeze abona mu buzima bw’agakiza. Burya amoshya ashobora kwereka umugabo ko umugore we atari mwiza, ko arutwa n’umukozi we rugasenyuka gutyo.

Icyakora ushaka guhunga ayo moshya ya satani, ntakindi cyo gukora usibye ku murwanya.Niba utajya usenga ngo hagati yawe na satani haboneke intambara, igihe cyose uzahora ugwa mu moshya, uzaba munzu y’Imana ariko uhora mubyaha wihannye, bisa nkaho ari ukugwingira, ntabwo uzigera ukura muby’umwuka. Bibiriya itubwira ko dukwiye kurwanya satani kandi nawe azaduhunga Yakobo 4:7. Inzitizi ikomeye itumye benshi batakira umugisha w’Imana ni uguhora mumoshya y’umwanzi , umugome satani.

Karande

Inkomoko ya karande iva henshi, twavugamo ubusambanyi,umujinya,kubeshya, ubwibone, amaraso n’ahandi. Iyo umuntu aguye mu cyaha cy’ubusambanyi, nubwo Imana yamubabarira ariko gikururuka ku bisekuru byinshi. Aha rero iyo utamenye ko iyo karande iri mu muryango wawe bishobora kuba inzitizi y’umugisha kugera no kubisekuru byinshi. Urugero twavuga ibyabaye kuri Dawidi, cyangwa Salomo ubwo yaterwaga n’umujinya yakomoye ku bisekuru bye bigatuma atagera mu gihugu cy’isezerano Kanani.

Birakwiye ko twemera inkomoko yacu, tukamenya aho tuvuka ko ari muri karande zitandukanye maze kuko iyo umuntu ari muri Kristo Yesu aba ari icyaremwe gishya ibyakera bikaba bishize, ntabundi buryo bwo gutsinda karande usibye kuguma muri Yesu, tugakurikiza amahame ye twigana ingeso ze.Nubwo umuvumo waza ugushakisha bitewe n’uko ari ibintu biba mumaraso kandi bisa n’ibyikora, Igihe uzaba wihishe muri Yesu umuvumo uzaba urimo kuzerera hafi aho ariko ntuzakugeraho uzaba urinzwe n’amaraso ya Yesu.

Ubuswa (Kutamenya)

Abantu benshi bakunze gukerensa igihe Imana ibagendereramo, ntibabe maso. Bibiriya ivuga mu gitabo cy’umuhanuzi Hoseya 4:6, Ko abantu b’Imana barimbuwe no kutamenya. Imigisha yo mugakiza k’Imana twayihawe kubw’ubntu, abantu benshi bibaza imvamvu batabona iyo migisha y’Imana, Ariko kubera kutamenya icyo Imana ibashakaho no guhora bakerensa ubuntu bw’Imana biragoye ko babona iyo migisha.Birasaba ko umuntu amenya neza amahame y’Imana akayimika mu mutima we. Muby’ukuri iyo ukijijwe nabi uhora wihisha mu byaha, niwowe uba wihima wizitirira imigisha, ntawundi uhomba.Mwenedata baho ubuzima bunejeje Imana, ntabwo abahamagawe nayo bagenda nk’abandi bose, bagira imbuto zibaranga.Kumenye ibyo Imana ishaka, uzabibwirwa no kuyegera, maze imigisha yawe ihere ko ikugereho.

Reba inyigisho yose ivuga ku nzitizi z’imigisha. Murayigezwaho na P.Desire

Daniel@Agakiza