Muri iyi minsi amakimbirane yo mu ngo akomeje kwiyongera kubera ikoreshwa nabi ry’imbuga nkoranyambaga aho ubutumwa bwo kuri izi mbuga zishora bamwe mu kujya mu buyobozi kwaka gatanya.

Umugabo tutari butangaze amazina yageze mu rugo avuye mu ruzinduko rw’akazi (niko yari yabeshye umugore we) ageze mu rugo asoma ubutumwa umugore we yandikiranye na mugenzi we agwa mu kantu.

Mugenzi w’uyu mugore yamuhaga raporo ivuga ko abonye umugabo we ari kumwe n’undi mugore bahaha ibintu by’agaciro nyamara uyu mugore ashonje.

Uyu mugabo yakozwe ku mutima n’uburyo umugore we amwizera akanamurwanira ishyaka maze ahita apfukama imbere ye amusaba imbabazi anatura ibyo yakoze.

Nk’uko bigaragara ku mafoto y’ubutumwa uyu mugore yandikiranye na mugenzi we wamuhaga raporo ko abonye umugabo we yasohokanye n’undi mugore, uyu mugore yamubwiye ko umugabo we yagiye mu ruzinduko rw’akazi anamwereka ko izo raporo atazikeneye birangira nyiri ukujya gutangara raporo akozwe n’isoni.

Nyiri ugutanga raporo hari aho agira ati:

“Uziko umugabo wawe mu bonye mu iduka ari kumwe n’undi mugore bagura ibihenze wowe uri kwicirwa n’inzara mu rugo?”.

Uyu mugore aramusubiza ati:

“Ndagusabye izo nkuru zireke, ndabizi ko umugabo wanjye atari umutagatifu ariko ntabwo aheheta”.

Undi ati:

“Noneho ntabwo unyizera?”,

Umugore ati:

“Reka iyi ningo tuyiveho sinyikeneye”.

Nyiri ugutanga raporo ati:

“Mu mbabarire n’ubundi ntacyo nari ngamije kitari ukubafasha”.

Umugore ati

“Ukuri ni uko umugabo wanjye ibyo atabikora”.

Undi ati:

“Ndabyumva ndi umubeshyi ndashaka guteza ibibazo mu muryango wawe”.

Umugore ati:

“Reka iki kiganiro tugihagarikire aha urakoze kubigira ibyawe”.

Nyiri ugutanga raporo ati:

“Oya, ndumvise urabeho”.

Umugore ati:

“Urabeho”.

Turakubakira website iri mubwoko bukuri Kira:

Minisiteri y’Ubuzima kuri uyu wa Gatatu tariki ya 24 Kamena 2020, yatangaje ko yatangije gahunda yo gupima icyorezo cya corona virus mu bantu bakuze.

Nkuko tubikesha Igihe, Umuyobozi mukuru w’ikigo cy’Ubuzima mu Rwanda RBC Dr. Sabin Nsanzimana, yavuze ko iki gikorwa cyatangiriye mu karere ka Rusizi kari mu kato, hapimwa abantu bakuze kugira ngo harebwe niba nta cyorezo cya corona virus banduye. Yavuze ko usanga abakuze ari bo bafite ibyago byinshi byo kwicwa n’iki cyorezo ugereranyinye n’abakiri bato.

Uyu muyobozi yakomeje avuga ko mu bantu bicwa na corona virus ku isi usanga 80% ari abakuze, iyi ikaba ariyo mpamvu bari kwibanda mu gupima abakuze. Yavuze ko mu rwego rwo kwihutisha igikorwa, hari laboratwari ziri mu karere ka Rusizi ziri kwifashishwa mu gupima no gutanga ibisubizo vuba.

Usibye abapimwa corona virus kandi, ngo n’abasanzwe bafite ikibazo cya Diabetes n’izindi ndwara zifite aho zihuriye n’ybuhumekero, ngo bagiye gukurikiranwa bapimwe.

Muri aka karere hamaze gupimwa abantu ibihumbi 15 by’Abantu harebwa niba nta muntu wanduye. Kugeza ubu abakirwaye bari muri aka karere ni 220, naho 3 barakize.

Nyuma y’uko mu karere ka Rusizi hagarahaye abantu bashya banduye corona virus, aka karere ndetse n’aka Rubavu twahise dushyirwa mu kato kugira ngo hirindwe ikwirakwira rya corona virus.Abantu bakuze batangiye gupimwa corona virus.

Igisirikare cy’u Burundi FDNB kivuga ko nta ruhare cyagize mu bikorwa byo kugaba igitero mu Rwanda mu karere ka Nyaruguru mu Murenge wa Ruheru byagabwe n’abantu bitwaje intwaro baturutse ku butaka bw’u Burundi.

Mu ijoro ryo kuwa Gatandatu tariki 27 Kamena 2020 nibwo abantu bitwaje intwaro bagabye igitero mu Murenge wa Ruheru mu karere ka Nyaruguru ingabo z’u Rwanda ziba maso zicamo bane zifata mpiri abandi batatu n’ibikoresho byabo byanditseho ko ari iby’ingabo z’u Burundi.

Gusa mu itangazo ingabo z’u Burundi zashyize ahagaragara,zavuze ko nta gitero bigeze bagaba mu Rwanda ndetse batakemera ko hari umutwe witwaje intwaro wacumbika ku butaka bw’u Burundi.

Itangazo rigira riti”Ingabo z’u Burundi ziramenyesha abarundi n’amahanga ko ubutaka bw’u Burundi budashobora kuba indiri y’imitwe yitwaje intwaro ihungabanya umutekano w’ibihugu bituranyi.Ahubwo abasirikare n’Abarundi basabwa gucunga neza umutekano ku mipaka u Burundi bugabaniraho n’ibihugu by’ibituranyi”.

Abateye bavugaga Ikinyarwanda

Nubwo bavuga gutyo ariko amakuru aturuka mu Burundi avuga ko mu gitondo cya kare cyane ahagana mu ma saa kumi z’ijoro zo kuri uyu wa gatandatu, itsinda ry’abantu bitwaje intwaro bavuga Ikinyarwanda ryagaragaye mu misozi ya Ruhembe yo muri zone ya Bumba muri komini ya Bukinanyana n’imisozi ya Gafumbegeti muri zone Butahana ya komini ya Mabayi mu ntara ya Cibitoke (Amajyaruguru y’Uburengerazuba bw’Uburundi).

Nk’uko byatangajwe n’umwe mu basirikare w’u Burundi wanze ko amazina ye atangazwa, yavuze ko uyu mutwe wagabye igitero usanzwe uba hafi y’umupaka w’ibihugu byombi mu ishyamba rya Kibira muri komini ya Bukinanyana na Mabayi.

Amakuru avuga ko nyuma y’igitero,abantu bari bamaze gutera bakananizwa basubiye mu Burundi,bakiriwe n’abasirikare b’u Burundi bateranira ku musozi wa Gihisi, hagati mu ishyamba, nko mu birometero bitageze kuri 20 uvuye ku murwa mukuru wa komini Bukinanyana.

Abatuye mu gace ka Ruhembe ku mupaka w’u Burundi n’u Rwanda bavuga ko babonye abantu bitwaje intwaro ahagana mu ma saa kumi z’ijoro.Batangarije SOS Media Burundi ko bagize ubwoba bagerageza guhunga.

Umwe muri bo yakomeje agira ati: “Abayobozi bari muri icyo kigo bagombye kutwizeza ko dufite umutekano, bitabaye ibyo twari twatangiye kuva mu ngo zacu”.

Babiri bakomeretse batabawe n’igisirikare cy’u Burundi

Amakuru atangwa n’abo baturage avuga ko abantu babiri bakomeretse bikabije bagize iryo tsinda bajyanwe mu modoka n’umuyobozi w’igisirikare cyaho.

Bati”Bavanywe mu modoka yari ifite ingabo maze bafata inzira ya Ndora-Bubanza. Ariko ntituzi ibitaro bajyanywemo “.

Iki kinyamakuru gikomeza kivuga ko Guverineri wa Cibitoke Joseph Iteriteka, yabwiye abanyamakuru baho ko ibyo ari “ibihuha byakwirakwijwe n’abatavuga rumwe n’u Burundi hanze y’igihugu”.