Tag: news

Yari impera y’icyumweru nziza ku bakinnyi b’abanyarwanda bakina hanze y’u Rwanda harimo ibyishimo bikomeye kuri Meddie Kagere wegukanye igikombe cya shampiyona muri Tanzania.

Uretse Simba SC yanegukanye igikombe cya shampiyona yakinnye ku munsi w’ejo hashize ku Cyumweru andi makipe yose akinamo abanyarwanda yari yakinnye ku munsi wo ku wa Gatandatu.

KMC ya Migi ni yo kipe ikinamo umunyarwanda itaratahukanye intsinzi, gusa na yo ntiyatsinzwe kuko yanganyije na Kagera Sugar 1-1 mu mukino w’umunsi wa 32 muri shampiyona ya Tanzania.

Migi na KMC ntibabashije kubona amanota 3 yuzuye

Yanga ikinamo abanyarwanda babiri, Haruna Niyonzima na Papy yari yakiriye Namungo ndetse iyitsinda ibitego 3-2, ihita ifata umwanya wa 2 iwambuye Azam FC yanganyije na Biashara United 1-1. Ni umukino Haruna Niyonzima yabanje mu kibuga mu gihe Papy yinjiye mu kibuga asimbura Molinga ku munota wa 78.

Haruna na Papy bafashije ikipe ya bo ya Yanga gufata umwanya wa 2

Ku munsi w’ejo hashize ku Cyumweru, wari umunsi w’amateka kuri Simba SC na Meddie Kagere, bagiye gusura Tanzania Prisons basabwa inota rimwe gusa bagahita begukana igikombe cya shampiyona, bakaba baraje kubigeraho nyuma yo kunganya 0-0. Ni umukino Meddie Kagere yabanje mu kibuga.

Simba SC yegukanye igikombe n’amanota 78, Yanga ya Papy na Haruna iri ku mwanya wa 2 n’amanota 60 irusha 1 Azam FC ya kabiri, KMC ya Migi iri ku mwanya wa 15 n’amanota 37, shampiyona y’iki gihugu irabura imikino 6 ngo isozwe.

Kagere na Simba SC bari banganyije na Tanzania Prisons

Bahise begukana igikombe

Muri Sweden mu cyiciro cya 3 shampiyona yari yakomeje, Sandvikens IF ikinamo umunyarwanda Yannick Mukunzi yari yasuye Berga ndetse iyitsindira iwayo ibitego 2-0, ni umukino uyu musore w’umunyarwanda yakinnye.

Mu mikino 4 ya shampiyona imaze gukinwa, iyi kipe iri ku mwanya wa 7 n’amanota 7, mu gihe Sylvia ya mbere ifite 12.

Yannick Mukunzi na Sandvikens IF babonye amanota 3 yuzuye

source http://isimbi.rw/siporo/article/ibyishimo-bikomeye-kuri-meddie-kagere-yannick-haruna-na-papy-basoza-icyumweru-mu-kamwenyu-migi-ntibyegenda-neza

Umunyezamu w’ikipe y’igihugu Amavubi, Kwizera Olivier avuga ko ubu nta kipe afite ni nyuma yo gusoza amasezerano muri Gasogi United. Ku makuru amwerekeza muri Rayon Sports ngo ategereje umuvugisha.

Mu minsi ishize ni bwo perezida w’iyi kipe, KNC yari yahamije ko Kwizera Olivier ari umukinnyi w’iyi kipe ndetse ko ikipe imwifuza yabegera.

Mu kiganiro yagiranye n’ikinyamakuru ISIMBI, Kwizera Olivier yahamije ko amasezerano ye muri Gasogi United yayasoje gusa ngo hari ibiganiro byatangiye.

Yagize atini byo amasezerano yanjye muri Gasogi United narayasoje. Ntabwo ndongera ariko twaravuganye ariko ntibirarangira.”

Ku makuru yavugaga ko uyu musore ari mu biganiro bya nyuma na Rayon Sports ngo abe yayerekezamo, cyane ko bamaze kuvugana hasigaye kumwishyura ibyo bemeranyijwe, yavuze ko nta byinshi yabivugaho gusa ngo ategereje ko bamwegera.

Yagize ati“Rayon Sports ni byo nakubwiraga njye ntegereje umuntu unyegera tukavugana. Ntabwo nakubwira ngo ibiganiro byaratangiye, oya.”

Kwizera Olivier nyuma yo kuva muri Afurika y’Epfo atandukanye na Free State Stars muri Gashyantare 2019, yamaze hafi umwaka nta kipe aho yaje gusinya muri Gasogi United amezi 6 mu mpera za 2019.

Kwizera Olivier ahamya ko ubu nta kipe afite

source http://isimbi.rw/siporo/article/kwizera-olivier-yavuze-ku-byo-kwerekeza-muri-rayon-sports-amasezerano-ye-na-gasogi-united

Nigihozo Hope n’ubwo umugabo we Karuranga Virgile [Dj Miller] yitabye Imana yibutse umunsi bakoreyeho ubukwe aho avuga ko n’ubwo batakiri kumwe ariko bitamubuza kwizihiza uyu munsi w’amateka.

Ku munsi w’ejo hashize ku Cyumweru tariki ya 28 Kamena 2020, umwaka wari ushize Dj Miller na Hope bakoze ubukwe, ariko ntibyakunze ko basangira kuri iyi sabukuru kuko Dj Miller yitabye Imana.

Tariki ya 5 Mata 2020 ni bwo Dj Miller yaje kwitaba Imana azize guturika kw’imitsi itwara amaraso mu bwonko aho yaguye mu bitaro byitiriwe Umwami Faisal.

Abinyujije ku rukuta rwe rwa Instagram, Nigihozo Hope yavuze ko n’ubwo umugabo we yitabye Imana bitamubuza kwizihiza uyu munsi.

Yagize ati“umwaka urashize ndira amarira y’ibyinshimo. Uyu munsi ndarira ay’akababaro. Nzahora nishimira urukundo rwacu uko byaba bimeze kose. Isabukuru nziza y’ubukwe kuri twe.”

Dj Miller yitabye Imana nyuma y’uko ku wa 17 Ukwakira 2019 we na Hope bari bibabarutse umwana w’umukobwa bise Shami.

Umugore wa Dj Miller ahamya ko n’ubwo ubu arira amarira y’agahinda bitamubuza kwizihiza umunsi yakoreyeho ubukwe na Dj Miller

source http://isimbi.rw/imyidagaduro/article/ubu-ndarira-amarira-y-agahinda-umugore-wa-dj-miller-yizihiza-isabukuru-b-ubukwe-bwe-n-umugabo-we-witabye-imana

Hashize umwaka n’amezi arenga atandatu u Rwanda rwoherereje Afurika y’Epfo inyandiko zisaba itabwa muri yombi rya Kayumba Nyamwasa kimwe n’abandi bayobozi bari ku ruhembe rw’ibikorwa bigamije guhungabanya umutekano warwo.

U Rwanda rwasabye Afurika y’Epfo guta muri yombi Kayumba Nyamwasa akoherezwa kuburanira mu gihugu nyuma y’uko ashinjwe gukorana n’indi mitwe y’abarwanyi bo mu Burasirazuba bwa RDC mu misozi ya Fizi na Uvira mu ishyamba rya Bijombo mu bikorwa bigamije guhungabanya u Rwanda.

Zari impapuro za kabiri ashyiriweho nyuma y’izo mu 2010 ubwo we na Karegeya Patrick basabirwaga gutabwa muri yombi ku byaha by’iterabwoba bari bakurikiranyweho biturutse ku bitero bya gerenade bya hato na hato muri Kigali.

Perezida Kagame mu kiganiro yagiranye n’Umunyamakuru François Soudan wa Jeune Afrique hamwe na Nicholas Norbrook wa The Africa Report, yabajijwe niba u Rwanda rushishikajwe no kubona Kayumba yoherezwa mu gihugu, asubiza ko icy’ingenzi ari umubano mwiza na Afurika y’Epfo.

Ati “Biramutse bikozwe, ni ikintu cyiza. Gusa si ikintu cy’ingenzi kuri twe.

Icy’ingenzi, ni umubano mwiza na Afurika y’Epfo. Twagaragarije neza abayobozi b’i Pretoria ko niba bashaka kumuha sitati y’ubuhunzi, kuri twe icyo nta kibazo kirimo.
Mu gihe iyo sitati yubashywe ku buryo uyihawe atayuriraho ngo akore ibikorwa bihungabanya umutekano aturutse hanze.”
“Bisaba guhitamo hagati yo gukorana n’u Rwanda nk’igihugu cyigenga, hanyuma no gufunga amaso ku bikorwa by’imitwe igamije guhungabanya inyungu zarwo.

Ntabwo dushobora gufata impande zombi. Ni nabyo twabwiye Uganda.”

Perezida Kagame yavuze ko imitwe ya RNC na FDLR ubushobozi yifitemo ari buke, ahubwo ko ikibazo gikomeye ari uko ikomeza kubaho, igakingirwa ikibaba mu nyungu z’indi z’ibihugu n’imiryango yo mu Burayi, Leta Zunze Ubumwe za Amerika na Afurika.

Yavuze ko abayobozi bayo “utaragize uruhare muri Jenoside yakorewe Abatutsi, yahoze ari umuntu wamunzwe na ruswa wahunze igihugu nyuma yo gushyirwa ku karubanda”.

Bose ngo bakoresha uburyo bumwe, bwo kuvuga ko ari “abanyapolitiki batavuga rumwe n’ubutegetsi barwanira demokarasi n’uburenganzira bwa muntu”.

Yavuze ko ibyo bavuga akenshi usanga byakirizwa yombi n’itangazamakuru ryirengagiza abo aribo.
Uwari Ambasaderi wa Afurika y’Epfo mu Rwanda, George Nkosinati Twala, muri Gashyantare 2019 yabwiye IGIHE, ko mu 2010 Afurika y’Epfo yashakaga kohereza mu Rwanda Kayumba na Karegeya ariko ikibazo kiba ko bari baramaze guhabwa ubuhungiro, hatekerezwa kuba bakoherezwa mu bindi bihugu.

Ati “Ntabwo twari tubishimiye. Ntabwo twigeze dushaka ko Afurika y’Epfo iba igicumbi cy’impunzi, dufite ibibazo byinshi byacu. Rero twashakaga kubimura, nicyo kintu cyiza cyagombaga gukorwa ni yo mpamvu twashatse kubimura gusa ntibyakunda. Twagerageje no kwegera Loni, twakoze ibiganiro n’ibindi bihugu by’inshuti.”
Yavuze ko icyo gihe ibihugu bimwe byashyizeho amahame yo gukurikiza ariko Afurika y’Epfo irananirwa bituma ibaguma mu gihe ku rundi ruhande u Rwanda rwabashakaga.

Ati “Ntitwashoboye kubohereza kuko twasinye amasezerano ya Loni agendanye n’impunzi. N’ubu turacyazitiwe. Twagombaga gushaka ubundi buryo bwo gukemura ikibazo.”

“Nta nubwo ari bariya babiri gusa, hari n’abandi. Twari dufite ubushobozi bwo gukemura ikibazo ndetse ndatekereza ko byari mu murongo mwiza kugeza ubwo twumvaga urupfu rwa Karegeya hanyuma hakaza ibibazo mu mubano tukirukana Abadipolimate babiri b’u Rwanda n’Umurundi hanyuma u Rwanda mu gusubiza rukirukana batandatu ba Afurika y’Epfo.”

The post “Kayumba afashwe akoherezwa mu Rwanda, byaba ari byiza ariko si cyo cy’ingenzi”perezida Kagame appeared first on KASUKU MEDIA.

source https://kasukumedia.com/kayumba-afashwe-akoherezwa-mu-rwanda-byaba-ari-byiza-ariko-si-cyo-cyingenziperezida-kagame/

source https://www.youtube.com/watch?v=18BMLU1StV8

Abakobwa benshi iyo bagiye gukora ubukwe,usanga hari ibintu byinshi bibeshyaho rimwe na rimwe wakumva uburyo umukobwa avuga ubukwe bikaba bimeze nk’inzozi kuko ibyo aba yibwira akenshi sibyo biba bizamubaho ,ni nayo mpamvu buri mukobwa ugiye gushyingirwa aba akeneye abamugira inama zitandukanye kandi bakamubwiza ukuri,bakamubwira uko azitwara mu gihe ibyo yakekaga atari byo abonye.

Dore ibyo umukobwa atagomba kwibeshyaho nkuko bitangazwa n’urubuga Elcrema rwandika ku mibanire.

1.Gushyingirwa ntibikemura ibibazo byose ufite

Rimwe na rimwe umukobwa aba yumva ko umunsi yashyingiwe azaba abonye ibisubizo by’ibibazo byose yari afite.Ibi bituma iyo ageze mu rwe agasanga bitandukanye n’ibyo yibwiraga atangira kumva atishimiye urugo ndetse bikaba byanatuma yumva yaruvamo kuko ibitangaza yishyizemo nta na kimwe abonye.

2.Gushyingirwa utwite sibyo bituma ugira urugo rwiza

Abandi usanga bibwira ko kujya gukora ubukwe utwite ari byiza kuko uba uzagera mu rugo ugahita ubyara,mukagira umuryango,ariko nyamara abenshi usanga bahangayikishwa nuko baje batwite,kuko bahura n’ibibazo byinshi birimo kubura intege no kurwaragurika ukiri umugeni,gutangira guhangayikira umwana ugiye kuvuka rimwe na rimwe n’ubushobozi budahagije kuko muba muvuye mu bukwe maze umwana akaba ikindi kibazo mu rugo.

3.Ubukwe si ibyishimo birambye bizakomeza

Umukobwa ugiye gukora ubukwe usanga yibwira ko umunezero w’ubukwe ariwo uzakomeza na nyuma yabwo ntatekereze ku by’ejo hazaza,ariko siko biri kuko birashoboka ko uwo munezero utazahoraho ntubashe kubyihanganira kuko utigeze ubitekerezaho ko bishoboka.

4.Umugabo siwe ibibazo byose bireba

Hari abandi bakobwa bajya gushaka abagabo bakagenda bazi ko ikibazo cyose kizaba mu rugo kizaba kireba umugabo gusa,maze we akumva azaba ari nk’umwana mu rugo ntacyo yitayeho,nyamara siko bigenda kuko murafatanya.

Ibi byose iyo umukobwa abyibeshyeho agiye mu rwe,biramugora cyane ni naho uzasanga urugo rumunaniye kuko nta kintu na kimwe yigeze yitaho ngo abitekerezeho neza mbere y’igihe,kuburyo ibizamubaho bitazaba bimutunguye.

source https://www.hillywood.rw/?p=74244

source https://www.youtube.com/watch?v=A2Kiynhp9dg

Rwangabo Byusa Nelson wazanye mu muziki amazina ya Nel Ngabo agiye gushyira hanze album ye ya mbere yise ‘Ingabo’; yatuye ingabo zose zarwanye urugamba rwo kubohora igihugu harimo na se mu gitaramo azaririmbamo wenyine.

source https://igihe.com/imyidagaduro/muzika/article/ibyo-kwitega-mu-gitaramo-cyo-kumurika-album-ya-mbere-ya-nel-ngabo

Perezida Kagame yavuze ko u Rwanda rurajwe ishinga n’umubano mwiza na Afurika y’Epfo, ko ibyo kuba Kayumba Nyamwasa yafatwa akoherezwa mu Rwanda aho akurikiranyweho ibyaha n’inkiko atari cyo cy’ingenzi nubwo nabyo bikozwe byaba ari intambwe nziza.

source https://igihe.com/amakuru/u-rwanda/article/perezida-kagame-yasubije-ku-mpapuro-zisaba-itabwa-muri-yombi-rya-kayumba

Perezida Kagame yavuze ko intego y’u Rwanda, ari ukugirana umubano mwiza n’abaturanyi, ndetse ko itorwa rya Perezida mushya mu Burundi, Gen Evariste Ndayishimiye, rishobora kuba umwanya mwiza wo kubigeraho ashingiye ku buryo u Rwanda rubanye na Repubulika Iharanira Demokarasi ya Congo kuva Tshisekedi yagera ku butegetsi.

source https://igihe.com/politiki/article/perezida-kagame-yizeye-umubano-mushya-w-u-rwanda-n-u-burundi-ku-butegetsi-bwa