Tag: Muzika

Ni igitaramo nk'uko bisanzwe cyabanjirijwe n'ibiganiro aba bombi bagiranye n'umunyamakuru ndetse akaba n'umushyushyarugamba, Lucky Nzeyimana, wabajije aba bahanzi ku bijyanye n'umuziki ndetse anababaza ku rwibutso basigiwe na Jay Polly.

Calvin Mbanda, umwe mu bahanzi b'ikiragano gishya ndetse b'abahanga, yavuze uburyo yahiriwe n'urugendo rwe rwa muzika, ndetse adateze kuzawuvamo bitewe n'uko akiva muri segonderi aribwo yakoze kuri miliyoni y'amanyarwanda, ndetse aza no gusinyishwa umwaka umwe na The Mane wavuyemo ibikorwa n'imiziki myinshi cyane.

Yashimiye cyane East African Promoters ku kizere yamugiriye cyo kwerekana bwa mbere indirimbo ze, ndetse anavuga ku rupfu rwa Jay Polly wasize icyuho ku muziki nyarwanda, avuga ko yamwigiragaho byinshi, yizeza abantu ko agiye kubereka icyo ashoboye ku rubyiniro.

Mbanda yinjiye ku rubyiniro aririmba indirimbo yitwa 'All I need' mu ijwi rye ryamaze kunyura abatari bake, aririmba 'Simbazi' asoreza 'ku ba People'.

Marina wari utegerejwe kuri uyu mugoroba, yabanje kugirana ikiganiro na Lucky, maze avuga ibyo agiye kwereka abanyarwanda n'uko yiteguye ndetse anakomoza kuri Jay Polly, igihe bahuriye n'uburyo yamufanaga cyane kuva mu mwaka wa 2010 bagihura.

Marina kandi yavuze kuri Primus Guma Guma, kimwe mu bitaramo byakundwaga n'abatari bake, ndetse anahishyura ko yifuzaga nawe kuzaririmbamo n'uko byahagaze.

Yagize ati: 'Cyera nkiri umwana nifuzaga kujya mu gitaramo cy'abahanzi bakomeye nka Dream Boys, Jay Polly, Riderman, Knowless, ariko papa akambuza.''

Marina kandi washenguwe n'urupfu rwa Jay Polly, yagarutse ku rwibutso yamusigiye agira ati': 'Jay Polly twabanaga nk'umuvandimwe kandi yarankundaga cyane, kuko twabaye inshuti nkiba mu Kagarama. Rero nahuye nawe duhujwe  n'umuntu wamufashaga mu bitaramo bita Mugiti mu mwaka wa 2010. Rero umunsi wa mbere duhura, nigaga mu wa gatandatu ngiye kujya muri segonderi.''

Nyuma y'icyo kiganiro, Marina wari utegerejwe mu gitaramo yinjiye mu gitaramo yambaye imyenda y'umweru hose, inanditseho izina rye 'Marina', maze aririmba indirimbo 'Marina' ari nayo yahereyeho. Yaririmbye kandi 'Mbwira' yakoranye na Kidumu, 'Log Out', 'I'm sorry' n'izindi zagiye zikundwa n'abatari bake, banyuzwe n'ijwi ry'uyu muhanzikazi ndetse baza kunyura cyane abari bakurikiranye igitaramo ubwo 'Mbanda' yamuhamagaraga mu gitaramo bakaririmbana mu ndirimbo 'Nari High'.

Symphony Band niyo yacurangiraga Marina na Mbanda mu gitaramo

Zizou Alpacino ugiye gusohora firime ya mbere, yifashishije iyi ndirimbo muri firime ye ishingiye ku nkuru zibaho mu buzima busanzwe, cyane nk'ibyagiye bivugwa by'ubutubuzi bwa 'Pyramids' nk'uko yabihamirije InyaRwanda.com.

Mu kiganiro na InyaRwanda, Zizou yavuze ko iyi firime izasohoka mu cyumweru gitaha, avuga no ku nkuru iyirimo ishingiye ku butubuzi bujya buba, abantu bakagenda bakaguza amafaranga inshuti zabo bakaza bakayashora, ndetse ari nako bakomeza kuzana inshuti zabo.

Mu ifatwa ry’amashusho ya firime ya Zizou Al Pacino

Yagize ati: 'Ni inkuru iba ivuga ku muntu umenya buriya butubuzi bwa Pyramids, noneho yabumenya akazana abantu, akaguza amafaranga, akaguza inshuti ze, akajya gushora muri ibyo bintu by'ubutubuzi ni ubuzima busanzwe'.

Zizou yakomeje avuga ko ari firime ishingiye ku buzima busanzwe bwa buriya butubuzi, babwiraga umuntu ngo azane amafaranga, ngo azane n'abantu bamwinjiriraho, kugira ngo bazamuhe amafaranga. Nazana abantu, ngo nyuma y'ibyumweru bibiri bazamuha amafaranga, bisa neza nk'ibiherutse kuba ku muhanzi Knowless Butera.

Mu mafoto agaragara bari mu ifatwa ry'iyi firime, biragaragara neza ko yarangiye, ndetse n'integuza yayo ikaba yamaze kugera hanze ikaba itegerejwe mu cyumweru gitaha.

Umugabo umenyerewe mu gufotora witwa Jado utuye muri Leta Zunze Ubumwe za Amerika yemeje ko The Ben afitiye uruhisho rukomeye abakunzi b’umuziki nyarwanda kandi arahira ko abantu bazahamanya n’ibyo avuga nibarubona. Yagize ati: “Uyu ‘se wabo’ mubona ahishe ikintu gikomeye, mubike ijambo ryanjye namaze gusogongeraho.” Yakoresheje ijambo ‘Uncle’ rivuga se wabo cyangwa nyirarume w’umuntu mu kinyarwanda. Ni album izaba iriho indirimbo zinyuranye zirimo n’izo yakoranye n’abahanzi bo muri Tanzania, Juma na Ben Pol.

Igihari cyo ni uko abantu bakomeje kugira amatsiko menshi y’akazi The Ben amaze iminsi ahugiyemo. Mu minsi ishize aherutse kubateguza Album nshya, ubu amatsiko ni yose ku bakunzi be. Umuziki mwiza kandi uryoshye si ikintu cya none kuri The Ben kuko yakuze awukora guhera mu rusengero maze Imana imuha malayika Tom Close amufasha kwinjira mu muziki. Uncle Austin aherutse kwemeza ko yumva The Ben bwa mbere yahise yemeza ko agiye gufata umwanya wa mbere kandi koko kuva yawinjiramo by’umwuga afite abakunzi benshi.

Ubutumwa bwa Jado akomoza ku kuba rwose Album nshya ya The Ben ari nziza kandi abantu bazemezanya n’ibyo avuga

 

The Ben yakomoje ku bahanzi bo muri Tanzania Juma na Ben Pol bari mu bazumvikana kuri Album nshya ye

Aha The Ben yari ari mu murwa mukuru wa Kenya, Nairobi mu kabyiniro  gakomeye kitwa Sands

Isimbi Alliance umukinnyi wa Filime Nyarwanda akaba n’umuyobozi wazo wari umaze iminsi muri Nigeria yabwiye InyaRwanda.com muri make ibikubiye muri filime ye nshya yise “Alliah The Movie” azamurika ku mugaragaro kuri iki cyumweru Tariki 12 Nzeri muri Canal Olympia.

Isimbi ukina ari umukinnyikazi w’imena aba akundana na Baraka

Yagize ati: “Ni filime y’ubuzima busanzwe bwa buri munsi bwo mu miryango. Ni filime irangira, y’umugore n’umugabo nka famiye bisanzwe”. Iyi filime agaragaramo nk’umukinnyi w’imena, yavuze ko abazayireba bazayikuramo isomo ati”Izafasha ababyeyi, ifashe n’abantu bubatse, ifashe nyine n’abana n’urubyiruko”. 

Ibyamamare bitandukanye byayisamiye hejuru iyi filime birahirira kuzitabira umuhango wo kuyimurika. Ibi byamamare byifashishije imbuga nkoranyambaga bikaririkira abantu kutazabura ngo bihere ijisho birimo Platini, Bluce Melodi n’abana be, Knowless, Bamenya n’abandi benshi.

Aliance aherutse kugirana amasezerano n’ikompanyi yo muri Nigeria yitwa 'One Percentage Management' ikaba ariyo izajya imufasha mu bikorwa bye bya sinema.

Iyi filime igaragaramo abafite amazina akomeye muri sinema Nyarwanda

KANDA HANO WUMVE INDIRIMBO 10 ZIKUNZWE

Riderman mu ndirimbo RIP Jay hari aho avuga wumva ko yashenguwe cyane agira ati'' Waduciyemo igikuba''. Iyi hamwe n'izindi ndirimbo zitandukanye zihuriyemo n'abahanzi batandukanye zakunzwe cyane muri iki gihe umuraperi Jay Polly yitabye Imana.

Izi ndirimbo zibuka ndetse zigaha icyubahiro umuraperi Jay Polly zihuriza ku kuba Jay Polly yari umuraperi usabana ndetse uzi gukora, ukorana ibintu bye umurava n'ubuhanga ndetse n'imyandikire ye ikaba itandukanye n'abandi baraperi.

Hari indirimbo Bye Jay Polly yarijije abantu ndetse ikundwa n'abatari bake yahuriyemo abahanzi batandukanye cyane cyane uburyo itangira umuraperi Jay Polly bagaragaza ibihe byiza yagiriye ku rubyiniro ndetse n'uburyo yari umunyabushake bwo gukorana ibintu umwete.

Indirimbo 10 zikunzwe ziyobowe n’izakorewe Jay Polly

Iyi ndirimbo kandi iyoboye urutonde rwa InyaRwanda Music ikurikiwe n'izindi ndirimbo zibuka ndetse zigaha icyubahiro uyu muraperi cyane cyane zirimo n'abaraperi bagenzi be barimo abo babanye nka P.Fla na Fireman.

Mu majwi ya InyaRwanda Music izi ndirimbo zagize amajwi menshi cyane kuruta izindi zari ziri kumwe kuri uru rutonde byagaragaye ko zakunzwe n'abatari bake berekana ubuhangange n'ubukaka uyu muraperi yari afite bwiganjemo igikundiro gikomeye.

            KANDA HANO WUMVE INDIRIMBO 10 ZIKUNZWE