Tag: Iyobokamana

Abahanga bavuga ko ibyo umwana atojwe mu buto bwe, akenshi ari byo akora akuze. Aha ni ho havuye n'ubundi igitecyerezo cyo gutangiza amarushanwa ya Stars For Jesus ariko na none hanashingiwe ku iyerekwa rya Rev. Pastor Alain Numa nyiri NumaTok itegura iri rushanwa.

Iri rushanwa ribaye ku nshuro ya kane, rikaba kuva ryatangizwa mu byiciro bitatu birigize ari byo; Gucuranga, Kubwiriza no Kuririmba. Abanyempano benshi bamaze kuryitabira. Kuri uyu wa 03 Nzeri 2022, ni bwo hamenyekanye abahize abandi muri Stars For Jesus 2022.

Igikorwa cyo gusoza aya marushanwa cyabereye kuri Shiloh Prayer Mountain Church i Nyamirambo. Nyuma y'ibikorwa birimo kunyura ku itapi y'umutuku, gusangira ijambo ry'Imana no kurushanwa, abana bagera ku icyenda ni bo begukanye ibihembo, batatu muri buri cyiciro.

Mu cyiciro cyo gucuranga, umwana witwa Igiraneza Gilbert ufite imyaka 14 wo muri ADEPR Samuduha ni we wahize abandi, akurikirwa na Ishimwe Mucyo Prince w'imyaka 15 wo muri ADEPR, naho uwitwa Gabiro Muhire Kevin w'imyaka 11 usengera mu itorero ry'Abadivantisiti b'umunsi wa 7, aba uwa gatatu.

Mu kuririmba, itsinda ry'abaririmbyi bato bavukana rya The 4 Brothers ni ryo ryahize abandi. Aba bana basengera mu itorero ry'Abadivantiste b'umunsi wa 7. Iri tsinda ryakurikiwe na One Family One Vision yo muri Bethesda Holy Church – Gisozi, naho umwanya wa gatatu wegukanwa na Irakoze Naomie wo muri ADEPR.

Mu cyiciro kubwiriza, Uwikunda Anne Anais ni we ari wabaye uwa mbere. Uyu mwana ni umukirisitu wo mu idindi Gatolika. Yakurikiwe na Shimwa Akaliza Gaella wo EPR Karugira naho Imanirakiza Jeanine wo muri ADEPR Kacyiru aba ari we wegukana umwanya wa gatatu.

Abatsinze bose bagiye bagira amanota rusange wabarira hejuru ya mirongo 80%. Umwana wa mbere muri buri cyiciro, yahawe ibihumbi 100 Frw, uwa kabiri ahabwa ibihumbi 60Frw naho uwa gatatu ahabwa ibihumbi 40Frw.

Itangwa ry'ibi bihembo ryitabiriwe n'ababyeyi b’aba bana, abavandimwe babo n'abakunzi b'umuziki usingiza Imana. Mu bitabiriye kandi harimo Murindahabi Irene umunyamakuru akaba n'umujyanama w'abahanzi barimo abakobwa bakiri bato Vestine na Dorcas. 

Murindahabi Irene na Peace Nicodem wa Magic Fm mu bitabiriye isozwa rya Stars For Jesus, hano bari kumwe na Akaliza Gaella wabaye uwa kabiri mu kubwirizaAbitabiriye bose bagize umwanya wo kunyura ku itapi y’umutukuMugisha, umuhungu wa Alain Numa yari mu bayobozi ba gahunda kuva icyiciro cya kane cy’iri rushanwa cyatangiraRev.Pastor Alain Numa watangije amarushanwa ya Stars For JesusUwikunda Anne Anais yabaye uwa mbere mu kubwiriza ashyikirizwa sheki y’ibihumbi 100Frw nk’igihembo nyamukuruThe 4 Brothers baheruka gushyira hanze indirimbo yabo ya mbere babaye aba mbere mu kuririmba – Jacky Flower abaha ururabo mu kubashimira

Byari ibyishimo ku mpande zombi yaba ku babyeyi bitabiriye n’abarushanijweUbwo M.Irene yakurikiranaga uko abana biyerekana

Ifoto y’urwibutso y’abana 3 bahize abandi muri buri cyiciro

Akanama Nkemurampaka kari kagizwe n’abagabo gusa

Stars For Jesus ni irushanwa riba buri mwaka

Ifoto y’urwibutso y’abegukanye ibihembo muri Stars For Jesus 2022 na bamwe mu bitabiriye iki gikorwa

Stars For Jesus imaze kugaragaza impano z’abana batandukanye

KANDA HANO UREBE IBIRORI BYOSE BY’ITANGWA RY’IBIHEMBO BYA STAR FOR JESUS SEASON 4

 AMAFOTO: Feddy Rwigema- InyaRwanda.com

Abihayimana bo mu matorero abarizwa mu Karere ka Burera, baremeza ko igihe kigeze ngo na bo bagaragaze umusanzu ufatika, mu guca ibiyobyabwenge byugarije (…)

Muri iki gitaramo mbonekarimwe muri UR-Huye, abaririmbyi bagize Singiza Music Ministries bafashe umwanya uhagije bayobora abitabiriye iki gitaramo mu bihe byo kuramya no guhimbaza Imana mu Kuri no mu Mwuka. Bakoresheje indirimbo zabo zakunzwe mu bihe binyuranye ndetse n’iz’abandi baramyi. Serge Rugamba wari waturutse i Kigali, nawe yahawe umwanya agaragaza ko ari umuhanga bidashidikanywaho mu ijwi rye rizira amakaraza. 

Nk’uko bigaragara mu mashusho yafashwe na Paradise Tv, uyu muramyi uri mu bahanga cyane mu muziki wo kuramya no guhimbaza Imana mu gihugu, yabanje gukora ibyihariwe n’abaramyi b’abahanga gusa, acuranga umuziki uryoheye amatwi akoresheje mikoro yonyine. Yakurikijeho indirimbo ivuga ngo “Wanshyizemo ubuturo, amavuta asa n’izahabu y’imyerayo antembamo. Mu rwihisho rw’Isumbabyose nahagizemo ubuturo, amavuta asa n’izahabu y’imyerayo atembamo”.

Pacifique Hirwa Perezida wa Singiza Music Ministries, aherutse gutangariza inyaRwanda.com ko bateguye iki gitaramo mu gufatanya n’abakunzi babo kuramya Imana mu Kuri no mu Mwuka, ubwiza bw’Imana bukuzura mu mitima yabo ndetse no muri UR-Huye Campus. Insanganyamatsiko yacyo yaragiraga iti “Jesus  the only truth that sets free” [Yesu ukuri konyine kubohora].

Iki gitaramo cyabaye tariki 05 Kanama 2022 kibera muri UR-Huye. Kije gikurikira ikindi cyabaye kuwa 20/11/2021 aho bari batumiye James na Daniella na Bishop Dr. Masengo Fidele. Ni igitaramo cyari gifite insanganyamatsiko ivuga ngo ‘Jesus is the way, the truth and life; John 14:6’, bikaba bisobanuye ngo ‘Yesu ni inzira n’ukuri n’ubugingo’, ikaba iboneka muri Yohana 14:6. 

Singiza Music Ministries igizwe n’abanyeshuri biga muri UR-Huye, ikaba yaratangiye mu 1997. Ni umuryango wareze abaramyi benshi kandi bakomeye. Inshingano yabo ni ukubaka igicaniro cyo kuramya no guhimbaza Imana no gukwirakwiza impumuro nziza yo kuramya Imana binyuze mu bikorwa byo kuramya no guhimbaza Imana. Igizwe n’abanyamuryango 30 biga muri UR Huye n’abandi basoje Kaminuza, bagahuzwa n’ibikorwa by’ivugabutumwa mu buryo butandukanye.

REBA MU MASHUSHO UKO BYARI BIMEZE MURI IKI GITARAMO CYA SINGIZA MUSIC

AMAFOTO + VIDEO: Keefa Jacques – Paradise Tv

Nyiricyubahiro Musenyeri Servilien Nzakamwita yavutse tariki 20 Mata 1943 i Gatsirima, Paruwasi ya Nyarurema, Diyosezi ya Byumba. Yize amashuri abanza mu (…)

Abakristo b’itorero rya ADEPR Paruwasi ya Ryabizige, batangije ubukangurambaga bwo gukusanya Mituweli yo kuzishyurira imiryango 640 itishoboye yo mu murenge wa Busasamana.

Ubuyobozi bw’umurenge wa Busasamana bwaboneyeho gukingira icyorezo cya Covid 19 kuko mu munsi umwe bakingiye abakristo 516 bakomoka mu matorero atandukanye banakusanya mituweri z’abantu 300.

Umuyobozi w’itorero rya ADEPR ururembo rwa Rubavu, Pasiteri Uwambaje Emmanuel, yavuze ko uretse gukusanya Mituweli, hari n’imiryango ifite abana bari mu mirire mibi bifuza gufasha.

Umuyobozi w’akarere ka Rubavu wungirije ushinzwe imibereho myiza, Ishimwe Pacifique yashimye iki gikorwa, avuga ko kizatuma abaturage bose bishyura mituweli ku gihe.

Ati 'Ndabona mu minsi ya vuba abagomba kwishyura ubwishingizi mu kwivuza bazaba barangije kwishyura 100%. N’abo leta yishyurira birumvikana ko izaba yamaze kubishyurira ibi bikorwa byankoze ku mutima kandi natwe ubuyobozi turabizeza ubufatanye aho muzadukenera hose.'

Imibare y’Akarere ka Rubavu igaragaza ko abaturage bagera kuri 23,390 (bangana na 5,9% by’abatuye aka karere bose) bataratanga umusanzu w’ubwisungane mu kwivuza, Mutuelle de Santé wa 2021/2022.

Mu bwisungane mu kwivuza 2021/2022 Akarere ka Rubavu kari kuri 94,1% aho mu baturage 399,704 bari bateganijwe kwishyura abamaze kwishyura ari 376,314,abasigaye akaba ari 23,390.

Source: Igihe.com

[email protected]

Nyuma y’uko u Rwanda rugize Umukaridinali wa mbere, Antoine Cardinal Kambanda, ugaragara mu nyandiko zinyuranye, abenshi bagiye bibaza itandukaniro ku (…)