Tag: Imyidagaduro

Godfrey Legend wabaye n’umunyamakuru mu bijyanye n’Iyobokamana, akamara imyaka 7 atumvikana mu muziki, ariko ubu akaba awugarukanyemo imbaraga aho yateguje indirimbo nyinshyi ziri mu Cyongereza, ahamya ko agarutse ndetse akaba ari igihe cye cyo gukorera Imana mu muziki.

Yavuze ko indirimbo ye nshya “Don’t cry” ari ‘amashimwe akomeye kuri njye n’umuryango wanjye’. Kuba atangiye umwaka wa 2024 ashyira hanze indirimbo nshya, ibintu bimaze gukorwa n’abahanzi mbarwa mu Rwanda, Godfrey Legend yavuze icyo bisobanuye ku muziki we.

Ati “Indirimbo yanjye nyituye imfura yanjye yitwa Joshua, bivuze ko ntangiranye umwaka n’indirimbo nshya mu mutima wanjye; ngirango iryo jambo turisanga cyane muri bibiliya yera mu gitabo cya zaburi rigira riti: “Muririmbire Uwiteka indirimbo nshya naza neberu n’inanga’.

Uyu muramyi w’umuhanga wo guhangwa amaso, avuga ko mu kuyandika yisunze icyanditswe kiri muri Yesaya: 40:1 aho kivuga kiti “Muhumurize abantu banjye”; bityo asobanura muri iyi minsi ya none nta handi umuntu yaruhukira atari muri Yesu.

Ati “Niwe utanga umunezero mu mutima amafaranga n’ibindi by’agaciro dushaka kugira ngo tubeho bidatanga umunezero usibye Yesu wenyine uturemamo icyizere agatanga n’ ihumure mu mutima”.

Yabajiwe umwihariko w’iyi ndirimbo ye asubiza ko “urebye nta mwihariko udasanzwe indirimbo yanjye ifite imeze nk’izindi ndirimbo musanzwe mwumva; gusa ngira ngo uranzi kuva cyera ndi umuramyi nkunda indirimbo zituje kuko ziramfasha cyane”.

Godfrey Legend yashimye Producer Santana Souce wamukoreye iyi ndirimbo, ati “Arashoboye, niwe wantunganyirije iyi ndirimbo mu buryo bw’amajwi, kandi Imana nica inzira ndateganya gukorana nawe igihe kirekire naramukunze ni umwana mwiza azi ibyakora”.

Avuga ko nubwo asohoye amajwi gusa, azi neza ko amashusho nayo ari ngombwa, akaba ateganya gushyira hanze video yayo vuba aha, ati “Ndizera ko izabera benshi umugisha”. Yanahishuye ko mu 2024 afite imishinga myinshi cyane ateganya gukora.

Ati “Ndashaka gukorera Imana kurusha mbere kuko aya ni amahirwe yandi mpawe benshi tungana ntabwo bakiriho, abandi b’urugano rwanjye ndimo ndabasengera ngo baze kwa Yesu Kristo kuko araryoshye erega ibibengerana byose si zahabu”.

Avuga ko Gospel igeze ahantu hashimishije kuko “yateye imbere ugereranyije na cyera ku buryo bamwe mu bahanzi hano iwacu bakora Gospel music batunzwe n’impano zabo, ibi tugomba kubishimira igihugu cyacu kuko gifite Good Leadership”.

Uyu mugabo wabayeho umunyamakuru wa Rc Nyagatare, yabajijwe niba yarabivuyemo burundu. Ati “Nigeze kubaho umunyamakuru igihe kimwe, ni byo nza kubihagarika njya mu zindi nshingano, ariko igihe nikinyemerera nzabisubiramo kuko ndabikunda cyane”.

Godfrey Legend yashyize hanze indirimbo nshya yanditse yisunze Yesaya 40:1-2

Godfrey Legend yanagarutse ku muhanzi Mugisha Benjamin [The Ben] biganye mu mashuri yisumbuye mu Karere ka Kayonza mu ishuri ryitwa Groupe Scolaire de Gahini, ahishura byinshi abantu batari bazi kuri uyu muhanzi w’icyamamare mu Rwanda na Africa.

Nk’umuntu biganye mu kigo kimwe, agatangira umuziki amureba n’amaso ye, bagasengana, bakarara mu nyubako imwe (Dortoire), avuga ko hari byinshi azi kuri The Ben ndetse akaba ashima Imana ku rwego rwiza amaze kugeraho yaba mu muziki no mu buzima busanzwe burimo no gushinga urugo.

Yavuze ko The Ben ari umuntu ugira ubuntu bwinshi, akaba yitonda bidasanzwe ndetse akaba akunda no gufasha. Avuga ko ari inshuti ye cyane “kuko mu gihe twiganaga namukuyeho ‘inspiration’ zijyanye n’umuziki wo kuramya Imana”. Yahishuye ko hari ubwo yajyaga ashima Imana, agasaba The Ben ko baririmbana indirimbo y’Imana.

Abazi The Ben kuva kera, bazi ko yatangiriye muzika muri Gospel. Nawe ubwe akunze kubigarukaho akavuga ko igihe kimwe azakorera Imana. Ni ibintu Godfrey Legend ashimangira mu kwizera kwe, akavuga ko The Ben azakorera Imana, akaba ari ibintu avuga atarya indimi dore ko ari na The Ben wamwigishije amajwi.

Nzaramba Godfrey ari we Godfrey Legend anavuga ko kuba The Ben akunze kuganzwa n’amagaramutima agasuka amarira yaba mu rusengero n’igihe ari mu ruhame, abibona nk’umuhamagaro [wo kuririmbira Imana] uba urimo kumugurumanamo. Ati “Ni umuhamagaro uba urimo kumwataka. Umwanya arimo ntabwo ari wo yakabaye arimo”.

Yavuze ko “twagiranye ibihe byiza byo gukorera Imana igihe twiganaga” ndetse yigeze no kumugabira inka. Yasoje amwifuriza ishya n’ihirwe mu rugo rwe rushya dore ko aherutse kurushinga na Miss Pamella Uwicyeza, anamuhamagarira kugaruka mu murimo w’Imana kuko “gukorera Yesu ntako bisa”.

Godfrey Legend yatuye imfura ye indirimbo nshya yise “Don’t cry”

REBA INDIRIMBO “DON’T CRY” YA GODFREY LEGEND WINJIJWE MU MUZIKI NA THE BEN

REBA INDIRIMBO Y’IMANA “THANK YOU” THE BEN YAKORANYE NA TOM CLOSE

Marsh afite imyaka 22 yavukiye muri Fort Smith, Arkansas kuri Mike na Whitney Marsh, afite umuvandimwe we Heidi, nyina umubyara yishwe na Kanseri y'urwagashya ubwo yarafite imyaka 17.

Byatumye uyu mukobwa atangira ubukangurambaga bwo kurwanya  Kanseri y'urwagashya. Ahita atangiza umuryango wa Whitney Marsh mu guha icyubahiro  nyina witabye Imana.

Uyu mukobwa yize amashuri yisumbuye muri Southside, aho yasoreje mu mwaka wa 2019 yagiye agaragaza urukundo rwo gukunda amasomo y’ibirebana no kuguruka mu kirere.

Yaje kwinjira mu gisirikare kirwanira mu kirere mu gace ka El Paso County muri Colarado aho yasoreje mu ishami rya Astrophysics mu mwaka wa 2023.

Yasoreje ku ipeti rya 2^nd Lt akomereza mu ishuri rya Harvard Kennedy, aho yakuye impamyabumenyi y'icyiciro cya Gatatu cya Kaminuza mu ishami rya Public Policy.

Mu mwaka wa 2023 yegukanye ikamba rya Miss Academy, irushanwa ry'ubwiza rigamije guteza imbere abasirikare b'abari n'abategarugori babarizwa mu barwanira mu kirere.

Aha hari nyuma yo kwitabira amarushanwa y'ubwiza anyuranye arimo nka Miss Colaradoyanegukanye byamuhesheje kwitabira amarushanwa y'ubwiza ya Miss America, aca agahigo kuba umusirikare ukiri mu kazi wegukanye iri kamba.

Irushanwa rya Miss America 2024, ryasorejwe ahazwi nka Dr Phillips Center mu gace ka Orlando muri Leta ya Florida ku wa 14 Mutarama 2024, yabanje kugera muri Top 11 na Top 5 birangira anaryegukanye.

Nka Miss America 2024, Marsh yabaye umukobwa wa mbere uva muri Colorado ubashije kwegukana iri kamba.

Uyu mukobwa yahise ahabwa asaga Miliyoni 64 Frw [Angana n'ibihumbi 50 by'amadorali] hakiyongeraho no kumurihira amasomo.Byari ibyishimo kuri Miss Marsh uhwo yatangazwaga ko ari we wegukanye ikamba rya Miss AmericaIrushanwa rya Miss America, Marsh yegukanye rimaze imyaka 102 n’ibiri ritangiye kuko ryatangiye mu 1921Miss Marsh amaze kwitabira amarushanwa y’ubwiza atandukanye nubwo ari umusirikare kandi uri mu kaziYabaye Miss America mu ijoro ryo ku wa 14 Mutarama 2024 bivuze ko ari we uzahagarira Leta Zunze Ubumwe za Amerika  muri Miss WorldUyu mukobwa yakuze  ko akunda amasomo arebana n’ibirebana n’ikirere, byanamutumye yinjira mu gisirika mu mutwe   w’ingabo zirwanira mu KirereMu marushanwa y’ubwiza ni gake wasanga umusirikare ukiri mu kazi yayitabiye kandi akabasha no kuyegukana Marsh yabaye urugero rwiza ku bandi bakobwa usanga bakora imyuga yihariye ko ushobora kuyikora kandi ugakomeza no gukora ibyo ukunda

Iyi inkuru yakozwe hashingiwe ku bihe bitambutse byari byiza mu buryo bugaragarira buri umwe mu myigaduro y'u Burundi n’u Rwanda bifatwa nk’impanga kandi buri gihugu cyungukiraga ku kindi mu buryo bumwe  cyangwa ubundi.

Tariki ya 11 Mutarama 2024 yasize u Burundi butangaje ko bufunze imipaka yose ibuhuza n'u Rwanda n'itangazo ryashyizwe hanze nyuma y'inkuru zari zimaze iminsi mu itangazamakuru zagaragazaga ko hari ibitagenda hagati y'ibihugu byombi.

Ibi bikaba ahanini byarashingiye ku ijambo rya Perezida w'u Burundi, Evariste Ndayishimiye ashinja u Rwanda gufasha umutwe w'inyeshyamba za RED Tabara wateje umutekano muke muri iki gihugu.

Ibi ariko Guverinoma y'u Rwanda yagiye yumvikana ibihakana inshuro zitari nkeya, tukaba twifuje kugaruka gato ku buryo umwanzuro wafashwe n'igihugu cy'u Burundi uzagira ingaruka zitari nziza ku bikorwa by'umuziki w'ibihugu byombi.

Nubwo itangazo ryatanzwe n'u Burundi risa n’iridasobanura neza ingingo ziherekeza ifungwa ry'imipaka zirimo ibirebana n’ubuhahirane ariko Minisitiri w'Ububanyi n'Amahanga w'iki gihugu asa n'uwagaragaje ko nta muntu wemerewe kwinjira mu Burundi ava mu Rwanda uretse Umurundi waba ataha.

Ibi bikaba ari imbogamizi umuntu yavuga ko itoroshye ku ruganda rw'umuziki rwari ruhagaze neza aho abahanzi b'Abarundi bagiye biyambaza bakaniyambazwa nabo mu Rwanda mu bikorwa byatanze umusaruro ufatika yaba mu ndirimbo cyangwa ibitaramo.

Uretse ibyo kandi hari ibirori byagendaga bitumirwamo abavanzi b'umuziki [DJ] n’ababyinnyi baturuste ku mpande zombi kimwe n'ibitaramo byaberaga mu bihugu byombi.

Ikirenze kuri ibyo ugasanga byahagurukije Abarundi niba byabereye mu Rwanda ubundi Abanyarwanda mu gihe byabereye i Burundi.

Mbega hari imikoranire yagiye itanga inyungu zifatika cyane muri iki gihe ikoranabuhanga rimaze gutera imbere, hakaza kandi no kuba mu bihembo bitangirwa mu Rwanda, Abarundi bari batangiye kujya batekerezwaho ibintu bigaragaza ubuvandimwe.

Uretse ibyo ku ruhande rwo gutunganya indirimbo abahanzi b'Abarundi wasangaga ahanini bakunda gukorana nabo mu Rwanda, Abanyarwanda nabo ugasanga bajya gufatirayo amashusho ndetse nyinshi mu ndirimbo zimaze iminsi zisohoka zakunzwe zagiye zifatirwayo.

Ibi byiza byose bimaze iminsi biba bikaba bigoranye kumenya umurongo biza kuba bifite mu minsi igiye kuza mu gihe imipaka ku ruhande rw'u Burundi iruhuza n'u Rwanda yakomeza gufungwa.

Gusa ntawakirengagiza ko Abanyarwanda bari bamaze iminsi bahurira n’isanganya mu Burundi aha twavuga nko mu gihe kitari cya kure ubwo Chriss Eazy yajyaga gutaramira i Burundi.

Abari baherekeje uyu muhanzi barimo Junior Giti usanzwe areberera inyungu z’uyu muhanzi batawe muri yombi bamara amasaha arenga ane bahatwa ibibazo n’inzego z’iperereza zo mu Burundi hari ku wa 31 Ukuboza 2023.

Umunyarwenya Nyaxo na we yatawe muri yombi mu Ukuboza 2023 amara igihe kitari gito afunganwe n’abo bari kumwe ntabwo hasobanuwe neza icyo yaziraga ariko ntabyo byumvikanisha urwicyekwe rumaze iminsi i Burundi.

Si ubwa mbere u Burundi bufunga imipaka ibuhuza n’u Rwanda kuko ubwo yaherukaga gufungwa ikaza gufungurwa muri 2022 yamaze imyaka igera kuri itanu ifunze ibintu byahungabanije imibereho y’abaturage b’impande zombi mu buryo bumwe n’ubundi.

Abahanzi batandukanye mu Rwanda bamaze iminsi bajya gutaramira mu gihugu cy’u Burundi mu bitaramo byatanze ibyishimo byimbitse 

Ababyinnyi b’abanyarwanda bagiye bataramira mu Burundi mu bihe bitandukanye 

Umubano w’abahanzi wari wifashe neza bakorana mu buryo bunyuranye bugamije guteza imbere umuziki

Indirimbo zitandukanye zagiye zikomeza gukorwa ku muvuduko wo hejuru mu gihe imipaka yari imaze ifunguye 

Kuba u Burundi bwarafunze imipaka ntawe wuzi neza aho bigana gusa bikomeje byateza igihumbo kitoroshye mu myidagaduro yari yifashe neza ku mpande z’ibihugu byombi

KANDA HANO WUMVE UNAREBE YALAMPAYE YA KIVUMBI NA KIRIKOU AKILI

“>

KANDA HANO WUMVE UNAREBE INDIRIMBO YA DOUBLE JAY, KIRIKOU NA BRUCE MELODIE

“>

KANDA HANO WUMVE UNAREBE INDIRIMBO YA DRAMA T FT DRAMA T

“>

Amarushanwa y'ubwiza ni kimwe mu bintu bifasha abantu banyuranye mu iterambere ryabo bamenya uko imico y’ahandi imeze,bakanunguka amahirwe abafasha gukomeza gutera imbere.

Umwe mu bamaze gusobanukirwa ibi akaba ari Kabarokore Yvonne watoranyijwe nk’uzahagarira u Rwanda mu marushanwa ya Miss Planet International azabera muri Cambodia muri Nzeri.

Mu kiganiro InyaRwanda yagiranye n'uyu mukobwa,yasobanuye ko yumva yuzuye ibyishimo kuko agiye kubona uko yahagararira igihugu agatanga umusanzu kandi azaharanira kugitera ishema.

Yagize ati'Ni umugisha w'Imana kuba ari njye watoranyijwe, bizamfasha gusangiza abandi indoto zanjye no gutera imbere nifuza guteza  imbere igihugu cyanjye mu buryo bwose nshoboye.'

Kabarokore Yvonne akaba yarabonye izuba ku wa 15 Werurwe 1999, asanzwe ari umwe mu bagize muri Crystal Model Africa ireberera inyungu z'abamurika mideli, kompanyi zitandukanye zikaba zinagenda zimwifashisha mu kwamamaza ibikorwa byabo.

Yiyeguriye ubuhanzi akaba ari n'umwe mu bagenda bagaragara mu bikorwa bya Mashirika bitandukanye, ubu yiga mu Budage muri Kaminuza ya New International Performing Arts.

Kabarokore Yvonne ni we uzahagararira u Rwanda muri Miss Planet International 2024Uyu mukobwa asanzwe yifashishwa na kompanyi zitandukanye mu kwamamaza ibikorwa bitandukanye CAMU Collection ya Miss Umukundwa Cadette ni bamwe mu bamaze gukorana na we Yasoreje muri Green Hills Academy mu 2017,ubu ari kwiga mu Budage ku mbuga nkoranyambaga yitwa ‘Shy_doll_’

 

Tom Close ari mu bahanzi bamaze igihe kitari gito mu muziki akaba ari na we wabereye umugisha The Ben amufashe kwinjira  mu buhanzi bamwe bakaba banafata nk'abavandimwe.

Kenshi kandi Tom Close yagiye yumvikana avuga amagambo akomeye kuri mugenzi we The Ben, abibuka amateka y'igitaramo cya 2017 cyitabiriwe n'ibihumbi  ntibazibagirwa ibyo yamuvuzeho.

Icyo gihe Tom Close ni we wakiriye ku rubyiniro The Ben agira ati'Ntabwo nje kuririmba kubera ko nanjye ndi umwe mu bantu bifuza kureba uko kino gitaramo kiribugende.'

Akomeza agira ati'Hanyuma nagize amahirwe yo guhabwa umwanya wo kwakira umuvandimwe wanjye The Ben, abantu benshi banyumva bwa mbere kuri Radiyo nka Tom Close bumvise indirimbo yanjye yitwa 'Bwira' mu nyikirizo yayo hari harimo ijwi rya The Ben.'

Asobanura uko abona umuziki wabo ati'Abantu benshi bazi ko natangiye umuziki mbere ya The Ben ariko Ben twaratangiranye ni nk’uko amaguru abiri iyo ari hari ukuguru kubanza imbere ukundi kugakurikira.'

Agaragaza ko byari ngombwa ko abanza ariko igihe cyose mu muziki bari bakeneranye, asaba abantu kandi ko bakwiga kujya bavuga abantu neza bakiriho, anagaragaza ko The Ben ari umwe mu bahanga mu muziki mu bo u Rwanda rufite cyangwa rwigeze kugira.

Si muri iki gitaramo honyine kuko no mu biganiro binyuranye Tom Close yagiye atanga agaruka ku buhanzi, The Ben atashoboraga kuburamo inshuro zirenze imwe.

Gusa mu minsi yashize ibintu byabaye nk'ibyahindutse aba bagabo bombi ntibongera kujya bagaragara kenshi bari kumwe, bamwe bakavuga ko ari inshingano nyinshi Tom Close asigaye afite abandi bakagaragaza ko wasanga hari ibibazo aba bombi bafitanye.

Ahanini ibi bikaba byarashingiye ku kuba The Ben apfusha se Tom Close n'umuryango we ntaho bigeze bagaragara mu gihe cyo gushyingura, abantu bakibaza icyatumye ataza guherekeza uyu musaza cyangwa ngo agire ubutumwa agenera uyu muhanzi mu ruhame.

Byongeye kandi gusa n’ibigarukwaho cyane ubwo uyu muhanzi yageraga mu bihe by'ubukwe mu gusaba no gukwa Tom Close ntiyitabire ndetse  n'umugore  we ntahagaragare.

Gusa biza gusa n’ibituzamo ubwo uyu muhanzi yitabiraga ubukwe bw'umuvandimwe we ariko na none bamwe bakibaza ko batigeze babona Tricia.

Nyamara burya uyu mubyeyi yari mu gikari akurikirana uko ibintu bigenda ndetse mbere y'uko The Ben ajya guhaguruka Tricia ni we wayoboye isengesho ribanziriza umunsi.

Nk’uko Noopja yabisangije abamukurikira mu ifoto yasangije abamukurikira avuga ko ibyabaye byose bagendanye n'Imana kuva batangiye kugera ku iherezo. 

Si ibyo gusa  kandi kuko The Ben ajya gusezerana imbere y’Imana na Pamelle, Tom Close ni we wabaye  Parrain we .

Tricia  ni we wayoboye isengesho ribanziriza umunsi w’ubukwe ku ruhande rw’umusore Tom Close yabaye Parrain wa The Ben mu bihe byo gusezerana kwe imbere y’ImanaMbere y’ubukwe n’ibirori byo gusezerana imbere y’Imana kwa The Ben hibazwaga uko umubano we na Tom Close waba uhagazeMu birori by’ubukwe byabereye muri Kigali Convention Center Tom Close yari yicaranye n’abarimo Ommy Dimpoz na Ishimwe ClementThe Ben na Pamella basoje umwaka wa 2023 barushinze mu birori by’amateka byashibutse ku rugendo rw’urukundo rwabo rwari rumaze imyaka igera kuri  Itanu

 

Mu kwezi kw’Ukwakira ubwo indirimbo “Ko Nahindutse’ ya The Ben yari yongeye kugerwaho, Chriss Eazy yaracitswe ashyira kuri Snapchat ifoto ye na Pascaline irimo ijambo rigira riti “Ukwanga nzamwanga”.

Ni ifoto yahise asiba igitaraganya, ibintu byerekanye ko yamucitse.

Ubwo umunyamakuru wa InyaRwanda yageragezaga kubaza iby’iyo foto, yamenye ko Chriss Eazy yari agiye kuyoherereza Umuhoza ariko ikamucika ari nacyo cyatumye isibwa byihuse.

Chriss Eazy abibajijwe yabiteye utwatsi avuga ko we na Pascaline ari inshuti zisanzwe.

Amakuru yiziwe InyaRwanda yakuye mu bantu ba hafi b’aba bombi, bahamya ko bakundana ndetse umwaka ushize bari mu rukundo.

Icyakora nubwo babihakana, uko umunsi ushira urukundo rugenda rubaganza.Iyo umwe ashyize agafoto ku mbuga nkoranyambaga, undi ashidukira hejuru akaba uwa mbere mu kugakunda no gushyiraho igitekerezo cyiganjemo amarangamutima (comment).

Kuva umwaka ushize, umunyamakuru wacu yakomeje gukusanya ibimenyetso simusiga byerekana urukundo rw’aba bombi.

Ibi byaje kuba ibindi bindi ku munsi w’ejo ubwo Chriss Eazy yashyiraga kuri Instagram,  indirimbo “Cinema” yakoranye na Bwiza maze Pascalline akaza kumwita Umwami.

Chriss Eazy yari yashyizeho amashusho ye ari muri Gym maze ayakurikiza amagambo agira ati “Hola Mamie” ndetse n’agatima.

Ni amagambo asanzwe akoreshwa n’abantu bakundana.

Pascalline ntiyatanzwe kuko yahise aza ajya muri comment section [ahatangirwa ibitekerezo] maze ashyiramo ikamba ry’Umwami n’mutima.

Ibi bishatse gusobanura ko ari Umwami w’umutima we.

Chriss Eazy nawe yaragarutse ashyiramo ikamba ry’Umwamikazi n’Umutima. Ibi bivuze ari Umwami n’Umwamikazi bahuje imitima.

Chriss Eazy na Umuhoza Pascalline, urukundo ruravuza ubuhuha

Chriss Eazy na Pascalline urukundo rurabaganza

Pascalline guhisha amarangamutima ye kuri Chriss Eazy bijya bimugora

Chriss Eazy agezweho mu ndirimbo “Bana” ariko azwi no mu zindi “Basi Sori,Inana” n’izindi.

Umuhoza Pascalline yitabiriye Miss Rwanda 2022 abasha kugera mu icumi ba mbere mu gihe ikamba ryegukanye Nshuti Divine Muheto.

“>Reba indirimbo “Bana” ya Shaffy na Chriss Eazy

“>

Kuri ubu yerekanye umunezero yatewe no gutangirana umwaka wa 2024 n'abantu b'ingenzi mu buzima bwe barimo umuvandimwe we n'ababyeyi be agira ati'Gutangirana umwaka n'abantu b'ingenzi kuri njye ni umugisha udasanzwe.'

Imyaka irakabakaba 5 izina Element ryinjiye mu ruhando rw'imyidagaduro nyarwanda aho yatunganije nyinshi mu ndirimbo zagiye zigira igikundiro cyo hejuru.

Uyu musore kandi nk’uko inzozi ze yinjira mu muziki zari ukuba umuhanzi,mu 2022 yatangiye gukora indirimbo ze ku giti cye aho yahereye ku yitwa 'Kashe' yihuse mu kumenyekana yaba mu Rwanda no hanze yarwo.

Mu 2023 ntabwo yisunze abahanzi babarizwa muri 1:55AM, Bruce Melodie na Ross Kana mu ndirimbo 'Fou De Toi' yaje ishimangira ko umuziki ari ikintu Element yavukiye gukora.

Nubwo kandi yatangiye urugendo nk'umuhanzi ku giti cye yakomeje no kugenda atunganyiriza indirimbo abandi bahanzi nka Shaffy na Chriss Eazy yakoreye 'Bana' iri muzigezweho.

Element nubwo bimeze gutyo inyota yo gukora ibintu byinshi kandi byiza iracyari yose nk’uko aherutse kubigarukaho mu butumwa bwihariye yageneye abakunzi be mu ntangiriro za 2023.

Ati: '2023 wabaye umwaka ukomeye kandi mwiza mu gihe kimwe, 2024 urakoze kunyakira ngiye kukugira umwaka mwiza wanjye, sinzatuma uhumeka. Umwaka mushya muhire. Imana niyo nkuru.'

Kuva yakwinjira mu myidagaduro mu buryo bweruye,Element amaze kwibikaho ibihembo bitandukanye kandi bikomeye mu Rwanda birimo ibya Kiss Summer Awards, The Choice Awards na Isango na Muzika Awards.

Yatangiriye urugendo rw'ibyo akora kugeza uyu munsi kandi yamaze gushimangira ko ashoboye muri Country Records ya Noopja, ubu ari kubarizwa muri 1:55AM, zose zikaba ari inzu zihagazeho mu birebana no gutunganya umuziki mu Karere kugeza ubu.Element ari kumwe na se na nyina mu ntangiriro za 2024 ibintu byamukoze ku mutima avuga ko ari umugisha ukomeyeIbyishimo byari byose mu ntangiriro z’umwaka Element ari kumwe n’umuvandimwe weImwe mu mafoto yavugishije benshi mu bakunzi ba Element kubera uburyo yafashwemo hagati y’umuhungu na Se

Ni umuhango wabaye kuri iki Cyumweru tariki 01 Mutarama 2024, muri resitora imwe yo mu Mujyi wa Kigali, nk’uko byemejwe na bamwe mu nshuti zabo.

Naomie yagaragaje ibyishimo byo kuba umukunzi we yamwambitse impeta y’urukundo bakaba bagiye kubana nk’umugabo n’umugore nk’uko byahoze ari inzozi zabo.

Yagize ati 'Sinjye uzarota mbanye nawe ubuzima bwanjye bwose busigaye.'
Uyu musore witwa Michael Tesfay na we yagaragaje ibyishimo byo kuba umukunzi we yamubwiye Yego ubwo yamusabaga ko bazashyingiranwa.

Aba bombi bamaze igihe mu rukundo, bakunze kubigaragaza kenshi by’umwihariko mu bikorwa bakunze kwitabira birimo imikino ya Basketball, baba bari kumwe agatoki ku kandi.

UKWEZI.RW

Kenshi ibyamamare mpuzamahanga bigenderera u Rwanda ukumva hari abafite aho bahuriye n'ubuhanzi bavugira mu matama ko batahawe rugari ngo babashe kuganira bungurane ibitekerezo banamenyane.

Urugero rwa hafi ni igihe Kendrick Lamar aheruka i Kigali. Bamwe mu bahanzi nyarwanda bagaragaje ko hari hakwiriye kubaho uburyo bwo kubahuza na we biranakorwa nubwo bitageze kuri bose, n'ubu bamwe bakaba bakimyoza.

Gusa nubwo bimeze gutyo, ubwo Zari aheruka i Kigali bisa nk’aho haje igihu mu byamamare by'i Kigali, amahirwe aza abasanga ariko baburirwa irengero aho uyu muherwekazi ufite izina rikomeye yari.

Ubwo Zari yageraga i Kigali yakiriwe n’abarimo Galstony umujyanama we wari umaze iminsi mu Rwanda ashyikirizwa indabo na Inzora Protocol n’abasore b’inkorokoro bashinzwe umutekano bo muri The Wave Lounge

Kuvuga ko Zari yamaze gushinga imizi mu myidagaduro ndetse ko kuba ufite icyo ukora gifatika gishamikiye kuri yo guhuza na we byakugirira umumaro, ntabwo byaba ari ugukabya.

Uhereye hafi uyu mugore afite filimi ihuriwemo n'ibyamamare nyafurika inyura ku rubuga rurangiranwa rwa Netflix, si bibi kuba abanyarwanda nabo bakwisanga muri uwo mushinga we.

Si ibyo gusa ni umuntu uvuga rikijyana mu bihugu bigoranye ku banyarwanda kuba babasha kwigonderamo imishinga yaba irebana n'umuziki, sinema, imideli n'ibindi.

Muri ibyo harimo Leta Zunze Ubumwe z'Amerika aho ari umuntu wa hafi wa Rick Ross icyamamare mu muziki w'injyana ya Hip Hop n'ubushabitsi ndetse na kompanyi zihagazeho nka Belaire usanga zitera inkunga ibyo akora.

Mu Bwongereza ahantu yize mu myaka ya za 2000 ajya anahakorera imishinga inyuranye irimo n'ibirori bya Zari All White.

Muri Nigeria, Ghana, South Africa naho ni uko kuko benshi mu bakinnyi bakina muri Young, Famous&African ni ho bakomoka. Iyo bigeze muri Tanzania ho boba ibindi kuko abafitiye abuzukuru.

Ni we mugore mukuru wa Diamond Platnumz (mu bo uyu muhanzi yemera), kandi byafashe imyaka irenga 10 kugira ngo umunyarwanda yongere kuba yakorana indirimbo na Diamond nimero ya mbere mu Karere.

Indirimbo ya mbere uyu muhanzi yakoranye n'umunyarwanda ni iyo muri 2012 yakoranye na Mico The Best, icyo gihe uyu muhanzi yari ataragera kure cyane ariko na none yari mu bahagaze neza.

Undi uheruka ni The Ben na we utarabashije kuboneka mu birori Zari yakoreye i Kigali nubwo kenshi yagiye yumvikana avuga ko ari inshuti.

Birashoboka cyane ko haba harabayeho kugendera mu kigare kwa benshi no kwanga kwiteranya ku bantu babana umunsi ku wundi aribo Kigali Boss Babes yari ifite ibirori byabereye muri Century Park.

Ni birori byari bifite imimerere neza neza nk'iyi bya Zari All White Party nubwo bo babyise Black Elegance Party. Ikindi byombi byanabereye umunsi umwe tariki 29 Ukuboza 2023. Ibyamamare byinshi mu Rwanda byari byibereye mu birori bya Kigali Boss Babes.

Ntawavuga ko ari umushinga mubi kubara amahirwe no kuyuririraho bakagaragaza ihangana n'icyamamarekazi muri Afurika. Gusa mu bundi buryo hari isura byatanze itari nziza mu myidagaduro nubwo ntabidashira mu bucuruzi n’ubuzima muri rusange.

Zari akanyamuneza kari kose ubwo yinjiraga muri The Wave Lounge aho yakoreye ibirori byitabiwe n’abanyabirori b’abasilimu b’i Kigali

Ibirori bya Zari nubwo byarimo udutego tego mu buryo bugaragara, byabashije kugenda neza abantu bitabira ku bwinshi kandi wabonaga ko banyotewe no guhura na we banishimiye kumubona nyuma y'imyaka igera ku 10 kuko yaharukaga muri 2014.

Nubwo nta byamamare byinshi byarimo yaba mu mideli no mu muziki, gusa abari bahari bari bishyuye banagira ibihe byiza, ahantu haruzura, ibyo kunywa bihenze n'ibyo kurya birasangirwa, umuziki urabyinwa karahava.

Ibirori bya Kigali Boss Babes by’abambaye umukara byateguwe mu gihe gito bisa nk’ibyatumye benshi mu byamamare babura amahitamo nubwo baba barabonaga ko kugirana ubucuti na Zari hari icyo byabungura

Ubona ko Zari icyo ashyize imbere ari ugushimisha abakunzi be. Kumenya niba mu birori bye harimo ibyamamare, wavuga ko atari abyitayeho cyane ko ari bacye wavuga ko azi.

Nk’uko yabitangaje akigera ku kibuga cy'indege, Zari yabashije kwishimana n'abanyabirori bamukunda batari bacye bari bahari bafata amafoto n'amashusho y'urwibutso.

Ibyabaye ni ibintu byareberwa mu ndorerwamo ebyiri y’uwambaye ikirezi utamenya ko cyera cyangwa se no kwihesha agaciro abantu bateza iby'iwabo imbere.

Birashoboka kandi kuba abahanzi, abanyamideli n'abandi batarabashije kureba inyungu bashobora kungukira mu kujya gushyigikira Zari cyangwa se batekereje ku z'igihe kirekire zo gushyira itafari ku mushinga Kigali Boss Babes [KBB] ngo nushinga imizi bazabibuke.

Ariko burya na none hazirikana imfura kandi “Iyo menya” ni ijambo benshi babitse mu mutima.

Nubwo abafite amazina azwi mu myidagaduro nyarwanda babaye iyanga kwa Zari, abantu barakubise baruzura abasilimu barishyura kugera no ku meza ya Miliyoni 1.5FrwThe Ben ntiyakandagiye mu birori bya Zari kandi byari bizwi ko bafitanye ubucuti bukomeye na cyane ko yakoranye indirimbo na se w’abana be, Diamond, wamuhaye amahirwe yimye abandi bahanzi nyarwanda mu myaka 10 ishize

Ntawavuga ko gushyigikirana ari bibi ariko nta n’uwahakana ko hari amahirwe yanyuze mu myanya y’intoki ibyamamare byo mu Rwanda

AMAFOTO: Rwigema Freddy na Ngabo Serge-inyaRwanda

Umugore wa Mugisha Benjamin [The Ben], Uwicyeza Pamella yifurije abantu umwaka mushya muhire wa 2024 yifashishije amashusho ari kumwe n'umugabo we bafatiye muri Kigali Convention Center.

Ni amashusho yafashwe ubwo bari bitabiriye ibirori bisoza umwaka wa 2023, Perezida Kagame yakiriyemo abantu bari mu nzego zitandukanye, maze yifuriza abantu ibyiza.

Uwicyeza yagize ati: 'Kuva ku banjye kugera ku banyu, umwaka mushya muhire bantu b'igikundiro.' 

Kuwa 23 Ukuboza 2023 ni bwo Uwicyeza na The Ben bemeranije kubana akaramata mu birori byatigishije imyidagaduro nyarwanda.

Uwicyeza yazirikanye abakunzi be mu ntangiriro z’umwaka abifuriza ishya n’ihirwe

Nk’uko byagenze mu gusoza 2022 yinjira muri 2023, n'ubungubu Miss Nishimwe Naomie yinjiye mu mwaka ari kumwe n'umukunzi we Michael Tesfay. Yasangije amashusho bari kumwe, yongeraho ati: 'Gutangirana umwaka n'urukundo rw'ubuzima bwanjye.'

Miss Nishimwe yeretse abamukurikira ko yatangiriye umwaka mu maboko meza ari kumwe n’uwo yihebeye 

Umuhanga mu gutunganya indirimbo usigaye yaraninjiye mu gukora ize, Element wahiriwe mu bigaragara na 2023, yakomoje ku mwaka urangiye anavuga ko utangiye ari uw'ibikorwa bidasanzwe.

Ati: '2023 wabaye umwaka ukomeye kandi mwiza mu gihe kimwe, 2024 urakoze kunyakira ngiye kukugira umwaka mwiza wanjye, sinzatuma uhumeka. Umwaka mushya muhire. Imana niyo nkuru.'

Element yashimye Imana ku bwa 2023 avuga ko 2024 azarushaho gukora kandi yizeye ko izabimushoboza

Umwari wahiriwe n'imyidagaduro akanayibyaza umusaruro mu nguni zose, Kate Bashabe na we yifurije abamukurikira ibyiza anashima Imana imukomereje amabo.

Mu magambo ye yagize ati: 'Reka njye mu rusengero mfitiye ubutumwa Imana ihoraho, ntewe ishimwe n’ibyo yankoreye byose. Mbifurije mwese umwaka mushya muhire n'imigisha myishi kuri mwese.'

Kate Bashabe yinjiranye muri 2023 amashimwe yifuriza abantu imigisha myinshi no kuzahirwa

Miss Cadette, umukobwa wamamaye mu marushanwa y'ubwiza akaza no kwinjira mu bushabitsi wasozanije 2023 imodoka nshya kandi ihenze, na we yifurije abantu ibyiza anagaragaza ko ntacyo ashinja Imana mu mwaka watambutse.

Ati'Umwaka wa 2023 wambereye umwaka mwiza ndizera 2024 uzarushaho. Umwaka mushya njyewe mushya, inzozi zimwe n'intangiriro nshya umwaka mushya muhire.'

Miss Cadette yashimye Imana ku byo yaboneye mu mwaka washyizweho akadomo avuga ko afite icyizere ko 2024 azarushaho gutera imbere

Si aba gusa ahubwo abantu benshi bafite izina bakomeje kuzirikana ababakurikira babifuriza umwaka mushya muhire wa 2024 banagaragaza ishimwe ryo kuba babashije gusoza urangiye wa 2023.