Tag: Imikino

Ukwezi kwa Kanama kwaranzwe n’imikino ibiri ya shampiyona usibye ikipe ya APR FC na Marine FC zakinnye umukino umwe. Iyi kipe y’abakinnyi 11 kugira ngo itoranywe, hagenderwa ku mpamvu nyinshi, zirimo imikino umukinnyi yakinnye, iminota yakinnye, urahare yagize ku mukino rugamije gufasha ikipe ye, ndetse n’imibare ye bwite ku mukino.

Abakinnyi 11 babonetse mu ikipe ya Kanama igizwe n’umutoza Habimana Sosthene Lumumba utoza ikipe ya Musanze FC iyoboye shampiyona.

Mu izamu

Kalyowa Emmanuel umunyezamu wa Kiyovu Sports wayigezemo uyu mwaka. Uyu munyezamu ni we utarinjizwa igitego mu makipe atanu ya mbere, ndetse yafashije Kiyovu Sports kwikura ku mukino wa mbere bakiriyemo Muhazi United.

Ba myugariro

Ganijuru Elie, Mitima Isaac Sibomana Abouba, Kubwimana Cedric: Aba bakinnyi bose, bagize uruhare rukomeye mu makipe yabo kugira ngo agire umusaruro, twavuga nka Kubwimana Cedric ukina inyuma iburyo bwa Mukura umaze kuyitsinda ibitego 2, tukagaruka kuri Abouba wafashije Gorilla FC kudatsindwa na Rayon Sports.

Abakina hagati

Shaiboub Ali Abdairahman niwe mukinnyi waje kuri uru rutonde amaze gukina umukino umwe. Shaiboub yagize uruhare rw’umwimerere ku manota 3 APR FC yabonye ubwo yakinaga na Police FC akaza kuyitsinda igitego cyatandukanyije aya makipe, ndetse kikaba igitego yarwanye nacyo abona ko izindi nzira zanze.

Aba nibo bakinnyi batsinze ibitego mu kwezi kwa Kanama

Naricisse, Kapiteni wa Amagaju FC akina mu kibuga hagati, akaba ari we wangiye ikipe ya Mukura ku mukino ufungura shampiyona. Ntabwo yagarukiye aho, kuko umukino Amagaju FC yatsinzemo Etincelles FC ibitego 2-0, uyu musore yerekanye ko mu gihe Amagaju FC amufite azatanga akazi. Undi twavuga ni Malipangu umaze kugaragaza ko kubona nimero 10 nkawe bigoye, uyu musore amaze gutsinda ibitego 2 mu bitego 2 Gasogi United imaze gutsinda.

Ba rutahizamu

Richard Kilongozi ni rutahizamu wa Kiyovu Sports wayigezemo uyu mwaka. Uyu mugabo umaze kwinjiza igitego, ni umwe mu bakinnyi Kiyovu Sports icungiyeho ndetse imikino ibiri iheruka, akaba ari we wagoye abakinnyi b’amakipe yahanganaga na Kiyovu Sports.

Lethabo ni umukinnyi uhagaze neza mu ikipe ya Musanze FC. Lethabo Mathaba, niwe umaze gutanga imipira myinshi ivamo ibitego igera kuri 3 ndetse akaba yaragerageje uburyo bwinshi bugana mu izamu kuruta abandi bakinnyi ba Musanze FC.

Aba nibo bakinnyi batanze imipira ivamo ibitego mu kwezi kwa Kanama 

Peter Agblevor: Rutahizamu wa Musanze FC urimo gukina umwaka we wa kabiri muri iyi kipe ukaba uwa gatatu mu Rwanda, uyu musore niwe uyoboye abandi mu gutsinda ibitego byinshi 3, aho mu minota 176 amaze gukina, nibura afite impuzandengo y’igitego kimwe mu minota 58.

Umutoza w’iyi kipe ni Lumumba uri gutoza ikipe ya Musanze FC akaba ariwe mutoza ubashije gutsinda imikino ibiri yikurikiranya ifungura shampiyona, kuva iyi kipe yashingwa.

Umukinnyi mwiza w’ukwezi kwa Kanama 

Umutoza mwiza w’ukwezi kwa Kanama

Amagaju FC aherutse kugaruka mu cyiciro cya mbere, ni imwe mu mikipe ahagaze neza nyuma y’umunsi wa kabiri wa shampiyona, aho abenshi batabicyekaga. Kuri uyu wa Gatanu tariki 1 Nzeri ku isaha ya saa 18:00 PM, iyi kipe irakirwa na Rayon Sports mu mukino wa gatatu wa shampiyona.

Aganira n’umunyamakuru wa Radio Salus nyuma y’imyitozo ibanziriza umukino, Amars utoza Amagaju FC yavuze ko biteguye Rayon Sports nk’ikipe bakeneyeho amanota 3.

Yagize ati: “Mbere na mbere ndashima Imana yo yatumye tugera kuri uyu munsi nta mukinnyi n’umwe uragira ikibazo. Ubu mfite amahitamo yose ku bakinnyi banjye.  Imyitozo tuyikoreye ku itara, kuko hari abakinnyi batarakinira ku itara n’umunsi umwe, twashaka ko bitazaba ibintu bibatunguye.

Amars yakomeje avuga ko “tumaze gukina imikino ibiri, kandi buri mukino tuwufata nk’uwa nyuma. Tugiye gukina na Rayon Sports dushaka amanota atatu, ibyo gutsindwa ntabwo birimo.”

Amagaju FC aheruka guhura na Rayon Sports muri shampiyona, tariki 11 Gicurasi 2019 aho Rayon Sports yatsinze Amagaju FC ibitego 2-1. Rayon Sports iheruka kwakira Amagaju FC tariki 30 Ukuboza 2018 iyatsinda ibitego 2-0.

Amagaju FC aheruka gutsinda Rayon Sports ibitego 2-1 tariki 5 Kamena 2018, icyo gihe Rayon Sports niyo yari yakiriye Amagaju FC.

Amagaju FC, umukino wa mbere banganyije na Mukura igitego 1-1, umukino wa 2 batsinda Etincelles FC ibitego 2-0, ubu bakaba bari ku mwanya wa kabiri n’amanota 4 

Imibare y’ingenzi yagufasha kwinjira mu mukino

Rutahizamu ufite inkomoko mu Rwanda ariko warubenze agakinira u Bubiligi, agiye kwerekeza muri Burnley mu Bwongereza.

Uyu mukinnyi yakiniraga Genk mu Bubiligi aho yanatowe nk’umukinnyi mwiza ukomoka muri Afurika ukina muri shampiyona y’u Bubiligi mu mwaka 2022-23.

Ubu arabarizwa mu Bwongereza aho yagiye gukora ikizami cy’ubuzima aho nagitsinda ahita asinyira Burnley FC.

Ndayishimiye Mike Trésor w’imyaka 23 uvuka kuri se w’umurundi na nyina w’Umunyarwandakazi, wifuzwaga cyane n’ikipe y’igihugu Amavubi, amahirwe yaje kuyoyoka muri Gicurasi uyu mwaka ubwo u Bubiligi bwamuhamagaraga agahita agenda u Rwanda rukuzaho gutyo.

Kuri uyu kane tariki 31 Kanama 2023 guhera Saa kumi n’ebyiri Monaco mu gihugu cy’u Bufaransa habereye tombora y’imikino ya UEFA Champions League ya 2023-2024.

Iyi mikino ya Champions League ihuza amakipe yo ku mugabane w’u Burayi aba yaritwaye neza iwayo. Iyi tombora y’iyi mikino izatangira gukinwa tariki 19 z’ukwezi gutaha yakozwe n’amakipe 32 aho yahise agabanywamo amatsinda 8. 

Buri tsinda ririmo amakipe 4 ,amakipe 2 azaba aya mbere muri buri ritsinda niyo azahita akomeza muri 1/8.

Uko tombora y’amatsinda yagenze:

Group A

Bayern Munich

Manchester United

FC Copenhagen

Galatasaray 

Group B

Sevilla

Arsenal

PSV Eindhoven

Lens

Group C

Napoli

Real Madrid

Braga

Union

Group D

Benfica

Inter Milan

FC Salzburg

Sociedad

Group E

Feyenoord

Atletico Madrid

Lazio

Celtic 

Group F

Paris Saint-Germain

Dortmund

AC Milan

Newcastle United 

Group G

Manchester City

Leipzig

Red Star Belgrade

Young boys 

Group H

Barcelona

Porto

Shakhtar Donetsk

Antwerp 

Biteganyijwe ko imikino y’amatsinda nirangira, tombora ya 1/8 yo izaba taliki 18 Ukuboza 2023.

APR FC na Rayon Sports ziracakirana ku mukino wa nyuma w’igikombe cy’Amahoro uyu munsi, aho mbere y’uyu mukino byamenyekanye ko Nshimiyimana Yunusu wa APR FC ashobora kutawukina kubera imvune.

Ni umukino uri bubere kuri Stade Mpuzamahanga ya Huye kuri uyu wa Gatandatu tariki 3 Kamena 2023 ku isaha ya saa cyenda.

Ni umukino ugiye kuba Rayon Sports ivugwamo ibibazo by’imishahara aho n’abakinnyi bari banze kugenda, bagenda mu bice bice ariko bose birangira bagiye ndetse amakuru akavuga ko bameze neza biteguye guhangana na APR FC.

Ku ruhande rwa APR FC nyuma y’imvune yibasiye ubwugarizi bw’iyi kipe, amakuru avuga ko na Nshimiyimana Yunusu wari umaze igihe agenderwaho mu bwugarizi yagize ikibazo cy’imvune atari bubineke kuri uyu mukino.

Gusa andi makuru meza ku bakunzi ba APR FC ni uko Buregeya Prince ameze neza ndetse amakuru akavuga ko iki cyumweru cyose yakoze imyitozo nta nkomyi, ashobora kuza kugaruka mu mwanya we.

Aya makipe yombi yaherukaga guhurira ku mukino wa nyuma w’igikombe cy’Amahoro 2016 ubwo Rayon Sports yatsindaga APR FC1-0 cya Ismaila Diarra.

Rayon Sports kandi ikaba ari bwo iheruka kwegukana igikombe cy’Amahoro ni mu gihe APR FC igiheruka muri 2018 ubwo yatsindaga ku mukino wa nyuma Espoir FC. Bivuze ko aya makipe akumbuye igikombe cy’Amahoro.

11 buri ruhande rushobora kubanzamo

APR FC: Ishimwe Pierre, Omborenga Fitina, Ishimwe Christian, Ndayishimiye Dieudonne, Buregeya Prince, Mugisha Bonheur, Ruboneka Bosco, Kwitonda Alain Bacca, Mugisha Gilbert, Bizimana Yannick na Nshuti Innocent.

Rayon Sports: Hakizimana Adolphe, Ganijuru Elie, Mucyo Junior Didier, Rwatubyaye Abdul, Ndizeye Samuel, Ngendahimana Eric, Osalue Raphael, Onana Leandre Essomba, Heritier Luvumbu Nzinga, Ojera Joackiam na Musa Esenu

Rutahizamu wa Real Madrid ukomoka muri Brazil, Vinicius Jr avuga ko irushanwa ry’umupira w’amaguru muri Espagne ryahaye intebe ivanguraruhu nyuma y’ibikorwa yakorewe, polisi yavuze ko batatu bakekwaho ibyo bikorwa batawe muri yombi.

Uyu musore w’umunya-Brazili w’imyaka 22 yakorewe ibikorwa by’ivanguraruhu ku mukino batsinzwemo na Valencia 1-0 ku Cyumweru.

Vinicius wari wazengerejwe n’abafana bamuririmba bijyanye n’ivanguraruhu, yagerageje kubyereka umusifuzi ndetse umukino ugenda uhagarikwa mu bihe bitandukanye ariko ntibyari icyo bitanga.

Nubwo warangiye ariko Vinicius Jr we ntiyawurangije kuko yaje guhabwa ikarita itukura kubera gushwana na Hugo Duro.

Nyuma y’uyu mukino yaje kwandika amagambo arimo uburakari bwinshi aho yavuze ko irushanwa ryari irya kera rikirimo Ronaldinho, Ronaldo, Cristiano na Messi n’aho ubu byabaye ivangura ruhu.

Ati “Ntabwo byari inshuro ya mbere, si ubwa kabiri cyangwa ubwa gatatu. Ivanguraruhu ni ibisanzwe muri shampiyona ya Espagne (La Liga). Bumva ari ibisanzwe, federasiyo n’abo muhanganye barabishyigikira. Mumbabarire. Irushanwa ryahoze ari irya Ronaldinho, Ronaldo, Cristiano na Messi uno musi ni iry’ivanguraruhu.”

“Igihugu cyiza cyampaye ikaze ndanagikunda, gusa cyemeye kwanduza isura yacyo imbere y’Isi ko ari igihugu cy’ivanguraruhu. Abanya-Spain batabyera mumbabarire ariko uyu munsi muri Brazil, Spain izwi nk’igihugu cy’ivanguraruhu kubera ibintu biba buri cyumweru, nta nzira nabona yo kukivuganira. Ndabyemera, ndakomeye gusa zageza ku iherezo ndwanya ivanguraruhu nubwo kubigeraho biri kure.”

Ibi byababaje na perezida wa FIFA, Gianni Infantino wavuze ko ibyabaye kuri uyu mukino bidakwiye ndetse abwira Vinicius ko bifatanyije na we kandi ko nta cyumba cy’ivanguraruhu kigomba kuba mu mupira w’amaguru urebererwa na FIFA.

Yavuze ko mu gihe bibaye ku nshuro ya mbere umusifuzi agomba guhagarika umukino, ku nshuro ya kabiri abakinnyi bakava mu kibuga bigatangazwa ko nibikomeza umukino uhita uhagarikwa. Byakomeza umukino ugahagarikwa kandi amanota agahabwa uwo bari bahanganye.

Polisi ya Espagne yatangaje ko yataye muri yombi abantu 3 bari mu kigero cy’imyaka 21 na 18 bakekwaho kugira uruhare muri iki gikorwa.