Tag: Imikino

Kuri iki Cyumweru saa kumi n'imwe kuri Lusail Stadium harabera ibirori bya Ruhago bihuza isi yose, ikipe y’igihugu ya Argentine irakina n’ikipe y’igihugu y’u Bufaransa ku mukino wa nyuma w’igikombe cy’isi, kiri gukinwa ku nshuro ya 22. 

Lionel Messi wa Argentine, araba ashaka gukora amateka akomeye mu mupira w’amaguru yegukana iki gikombe. Uyu mukinnyi yatwaye ibindi bikombe bikomeye bibaho ku isi ariko iki gikombe ntabwo aragitwara, ndetse abafana ba Argentine banamushinja kutagira igihambaye akorera igihugu yavukiyemo. 

Kylian Mbappé ugenderwaho mu ikipe y’igihugu y’u Bufaransa we arashaka gukora amateka akomeye yo kuba ku myaka 23 gusa yakegukana igikombe cy’isi cya 2, nyuma y'icyo batwaye muri 2018 cyakiniwe mu Burusiya.

Giroud wagiriye ikibazo mu myitozo

N'ubwo amakipe yose yiteguye neza uyu mukino, ariko u Bufaransa buri guhura n’ibibazo bitunguranye cyane cyane iby’imvune. 

Kuri uyu wa Gatandatu ubwo ikipe y’igihugu y’u Bufaransa yari iri mu myitozo, umwataka wayo Olivier Giroud yasohotse mu kibuga imyitozo itarangiye kubera ikibazo cy’imvune yari ahuye nacyo. 

N'ubwo uyu mukinnyi yavunitse ariko Didier Descham ashobora kumukoresha, kuko nta yandi mahitamo y’umwataka afite. Karim Benzema wari gusimbura Giroud kuri uyu mwanya, nawe ntabwo ahari kubera imvune.

Mu myitozo y'ejo abakinnyi bagarutse batari bakoze iyo kuwa 5 ni Raphael Varane, Ibrahima Konate, Kingsley Coman, Aurelien Tchouameni na Theo Hernandez.

Umugoroba w’uyu wa Gatandatu wabaye uw’agahinda gakomeye ku bafana ba ‘Gikundiro’ ubwo huzuraga imikino 7 badatsinda ikipe y’ingabo bafata nka mucyeba wabo kuva mu ntangiriro z’ikinyejana cya 21.

Guhera i Saa Saba z’amanywa (13:00), Abafana ba ‘Gikundiro’ binjiraga muri Stade ya Kigali ku bwinshi, aho icyizere cyagaragaraga mu maso ko batsinda APR FC, ariko birangira kiraje amasinde, batakaza umukino wa karindwi imbere ya mucyeba.

Igitego kimwe rukumbi cyabonetse muri iyi ‘Clasico’ cyatsinzwe na Bizimana Yannick ku munota wa 71′ gitanga intsinzi ku ikipe y’ingabo, biraza nabi ikipe ifite ya Rayon Sports ifite abafana benshi kurusha izindi zose mu Rwanda.

Abakinnyi ba Rayon Sports babanje mu kibuga

Mu munota ya nyuma y’umukino, abafana, abakinnyi ndetse n’abatoza ba Rayon Sports bari bumiwe, nyuma yo gutakariza amanota atatu i Nyamirambo hagaragaraga izuba ry’igikatu.

Nyuma y’umunsi wa 14 wa Shampiyona, AS Kigali iyoboye urutonde n’amanota 30, igakurikirwa na Rayon Sports ifite 28, APR FC ikaza ku mwanya wa 3 n’amanota 27.

Ababanje mu kibuga ku ruhande rwa APR FC

Ku munota wa 80′ abafana ba Rayon Sports bari batangiye kwiheba

Abafana ba APR FC bo bari bishimye

Abakinnyi ba APR FC bishimira igitego cya Bizimana Yannick

Abafana ba Rayon Sports bageragezaga guhumurizanya

Agahinda ko mu izuba ntikaba koroshye

Abafana ba APR FC bo bari bishimye

AMAFOTO: NGABO M. Serge

Morocco yakoze amateka ikaba ikipe ya mbere muri Afurika igeze mu mikino ya 1/2 mu gikombe cy’isi, yananiwe kwegukana umwanya wa 3 itsindwa na Croatia. Mu mikino ya 1/2, Croatia yari yatsinzwe na Argentine naho Morocco yo yatsinzwe n’u Bufaransa.

Abakinnyi 11 ba Croatia babanje mu kibuga: Livakovic, Stanisic, Sutalo, Gvardiol, Perisic, Modric, Kovacic, Majer, Kramaric, Orsic na Livaja.

Uyu mukino watangiye gukinwa saa kumi n’imwe ubera kuri Khalifa international stadium. Ikipe y’igihugu ya Morocco yatangiye ihuzagurika, ku munota wa 3 gusa Bono yari yitsinze igitego ariko agira Imana umupira ujya muri koroneri.

Abakinnyi ba Morocco 11 babanje mu kibuga: Bono, Hakimi, Dari, El Yamiq, Attiat-Allah, Amrabat, El Khannouss, Ziyech, Sabiri, Boufal na En-Nesyri. 

Kutagira Ounahi kwa Morocco mu kibuga hagati, byatumye hapfa ndetse banatangira bakora amakosa. Ku munota wa 7, Croatia yabonye kufura maze Modric ariyitera ijya ku mutwe wa Ivan Perisic nawe ahita awutanga kwa Gvardiol atsinda igitego cya 1 cy’umutwe. 

Morocco nyuma yo gutsindwa igitego yahise izamukana umupira nayo ikorerwaho kufura. Ku munota wa 9, Ziyech yahise ayitera neza iragenda isanga Achraf Dari ahagaze neza atsinda igitego cyo kwishyura nawe akoresheje umutwe.

Croatia itsinda igitego cya 1

Croatia na Morocco zarizisanzwe zizwiho gukina zugarira ariko uyu munsi si ko byari bimeze kuko amakipe yombi yatakanye ndetse agumya no kurata ibitego cyane cyane Croatia. Ku munota wa 23 Modric yarekuye ishoti riremereye ariko Bono awukoraho habura utsinda igitego. 

Mu minota 34 Morocco yahengekeye ikibuga kuri Croatia ishaka igitego cya 2 ndetse binashoboka ko yakibona ariko abakinnyi bayo nka Boufal na En-Nesyri bananirwa kubyaza amahirwe umusaruro. 

Ku munota wa 42 Mislav Orsic yatsinze igitego kiza cya 2 cya Croatia ku mupira yari ahawe na Marko Livaja bituma igice cya mbere kirangira Croatia ariyo iyoboye.

Morocco itsinda igitego cyo kwishyura

Igice cya kabiri cyatangiye n’ubundi Morocco ikora amakosa hagati mu kibuga bituma Orsic nyuma y’imunota 1 gusa atera ishoti riremereye ariko El Yamiq arikuraho rijya muri koroneri. Ku munota wa 55 Ounahi wari wabanje hanze y’ikibuga kandi asanzwe afasha Morocco, yinjiye mu kibuga asimbuye El Khannouss. 

Morocco yakomeje gukina ishaka igitego cya 2 ariko kirabura burundu ahubwo abakinnyi bayo bakomeza gusohoka mu kibuga kubera imvune. Ku munota wa 70 Croatia yashoboraga kubona igitego cya 3 ariko Vlasic atera ishoti riremereye riragenda rinyura hejuru y’izamu gato. 

Morocco yananiwe kwishyura igitego cya 2 bituma Croatia yegukana umwanya wa 3 mu gikombe cy’isi cy’uyu mwaka kiri kubera muri Qatar itsinze ibitego 2-1.

Croatia yabaye iya gatatu mu gikombe cy’Isi nyuma yo gutsind Morocco

Mu mukino wa nyuma wa 1/4 mu gikombe cy’isi cya 2022 wakinwe uyu munsi saa tatu z’ijoro kuri Al Bayt stadium,  u Bufaransa buheruka gutwara igikombe cy’isi bwatsinze u Bwongereza. Ikipe y’igihugu y’u Bufaransa muri 1/8 yari yaratsinze Poland naho u Bwongereza bwaratsinze Senegal.

Abakinnyi 11 b’u Bwongereza babanje mu kibuga: Pickford; Walker, Stones, Maguire, Shaw; Henderson, Rice, Bellingham; Saka, Kane na Foden.

Abasore ba Didier Descham na Southgate bose batangiye bigana banagera imbere y’izamu ariko nta n’umwe ubona urusha undi.

Abakinnyi 11 b’u Bufaransa babanje mu kibuga: Lloris; Koundé, Varane, Upamecano, Theo Hernández; Griezmann, Tchouaméni, Rabiot; Dembélé, Giroud na Mbappé.

Ikipe y’igihugu y’u Bufaransa niyo yinjiye mu mukino mbere, ku munota wa 10 gusa Giroud yaratsinze igitego ku mupira yari ahawe na Dembele ariko Pickford aba maso umupira awukuramo nta nkomyi. U Bufaransa bwabonye igitego hakiri kare ku munota wa 17 gitsinzwe na Tchouaméni ku ishoti riremereye yatereye inyuma y’urubuga rw’amahina ahawe umupira na Griezmann.

Ikipe y’igihugu y’u Bwongereza ikimara gutsindwa igitego, yabaye nk’iriye amavubi irataka cyane kuko ku munota wa 21 Harry Kane yashoboraga kuba yatsinze igitego agerageza kurenza umupira umuzamu ariko Lloris amubera ibamba awukuramo. 

U Bwongereza bwakomeje kwataka bituma ba myugariro b’u Bufaransa bakora amakosa menshi ndetse byanashobokaga ko babona penariti ikorewe kuri Harry Kane ariko umusifuzi arasanza. Iminota 45 n’ine y’inyongera y’igice cya mbere yarangijwe no gushaka igitego cyo kwishyura ku ruhande rw’u Bwongereza ariko kirabura.

Igitego cy’u Bufaransa cya 1

Ikipe y’igihugu y’u Bwongereza yatangiye igice cya kabiri ikomereza aho yari Igejeje igice cya mbere kirangira, ikomeza kwataka cyane, ku munota wa 46 na 47 Lloris yakuyemo ibitego 2 byabazwe icya Jude Bellingham warekuye umupira uremereye ahawe umupira na Walker ndetse n’icya Harry Maguire ku mupira wari uvuye muri koroneri.

Ku munota wa 54 Tchouaméni yateze Bukayo bari mu rubuga rw’amahina umusifuzi atanga penariti Harry Kane ahita arekura icumu mu izamu u Bwongereza bubona igitego cyo kwishyura. 

Ikipe y’igihugu y’u Bwongereza yakomeje gukina umukino wihuta ndetse inarata ibitego byabazwe, ku munota wa 69 Maguire yashoboraga gutsinda igitego cya 2 ku mupira yashyize ku mutwe uvuye kuri kufura ariko unyura impande y’izamu gato.

Harry Kane watsinze penariti 1 iyakabiri 2 akayihusha

Olivier Giroud ku munota wa 78 yahinduye ubusa ibyari byakinywe n’u Bwongereza atsinda igitego cya 2 akoresheje umutwe ahawe umupira na Griezmann igitego. 

Nyuma y’imunota 2 u Bwongereza butsinzwe igitego cya 2, bwabonye penariti ku ikosa ryari rikozwe na Theo Hernandez asunika Mount wari winjiye mu kibuga asimbuye. Harry Kane yayiteye akoresheje imbaraga z’umurengera inyura hejuru y’izamu. 

Umukino warangiye u Bufaransa buyoboye n’ibitego 2-1 buhita bukomeza 1/2 aho buzakina na Morocco.

• Olivier Giroud watsinze igitego cya 2

Abafaransa baraye mu byishimo