Blog

Mu igororero rya Nyamasheke niho hatangirwa amahugurwa y’Ubumwe n’Ubudaheranwa yashyiriweho abakoze Jenoside bitegura kurangiza ibihano bakatiwe n’inkiko.

Kuva iyo gahunda yajyaho mu ntangiriro za 2025, iri Gororero rimaze guhugurirwamo abarenga 2.000 mu byiciro umunani higanjemo abo mu Ntara ya Amajyepfo.

By’umwihariko mu cyiciro cya munani cyitabiriwe n’abagororwa 645, Intara y’Amajyepfo yari ifitemo 307, Intara y’Iburasirazuba ifitemo 162, Intara y’Iburengerazuba ifite 86, Umujyi wa Kigali 77, naho Intara y’Amajyarugu ifitemo 13.

Mu birori byo gusoza iki cyiciro cya munani cy’aya mahugurwa, Guverineri w’Intara y’Amajyepfo, Kayitesi Alice yavuze ko impamvu iyi ntara yihariye umubare munini w’abitegura kurangiza ibihano ku byaha bya Jonoside ari uko Jenoside yagize ubukana bukabije muri iki gice.

Ati ‘Uko dufite abagororwa benshi barangije ibihano ni nako dufite Abatutsi benshi bishwe muri Jenoside’.

Kayitesi yabwiye abagororwa ko Intara y’Amajyepfo yiteguye kubakira na yombi, abasaba kuzibukira Ingengabitekerezo ya Jenoside nubwo uwabigerageza atabona aho amenera kuko ubu Abanyarwanda bunze ubumwe.

Umuyobozi ushinzwe ubumwe bw’Abanyarwanda n’ubudaheranwa muri Minisiteri y’Ubumwe bw’Abanyarwanda n’Inshingano Mboneragihugu, Uwera Kayumba Alice, yavuze ko abenshi mu bari kurangiza ibihano muri iyi minsi biganjemo abanze kwirega no kwemera icyaha.

Amahugurwa agenewe abarangije ibihano yashyizweho mu ntangiriro za 2025 nyuma y’aho hagaragaye ubwiyongere bw’ingengabitererezo ya Jenoside, ubusesenguzi bukerekana ko yiganje mu bakoze Jenoside yakorewe Abatutsi barangizaga ibihano batarahindutse by’ukuri.

Guverineri Kayitesi yasobanuye impamvu Intara y’Amajyepfo yihariye umubare munini w’abagororwa bitegura kurangiza ibihano kuri Jenoside

Komiseri w’agateganyo ushinzwe ibikorwa by’Igorora muri RCS, SSP Olive Mukantabana, yavuze ko abagororwa barangiza ibihano barahawe ubumenyi butandukanye, abasaba kuzaba neza n’abo basanze

Abasoje amahugurwa y’abarangije ibihano ku byaha bya Jenoside bahabwa icyemezo

Guverineri Alice Kayitesi yasabye aba bagororwa kuzajya bitabira gahunda za Leta

Kayumba Uwera Marie Alice, ushinzwe Ubumwe bw’Abanyarwanda muri MINUBUMWE, yavuze ko abitabira aya mahugurwa iyo batashye bitwara neza kurusha abatarayitabiriye

Fidele Kajugiro Sebarinda wabaye umunyanakuru w’imikino mu Kigo cy’Igihugu cy’Itangazamakuru (RBA), yitabye Imana azize uburwayi.

Inkuru y’Urupfu rwa Fidele Kajugiro Sebarinda yamenyekanye ku mugoroba wo kuri uyu wa Gatandatu tariki ya 13 Kamena 2026.

ISIMBI yamenye amakuru ko yari amaze iminsi arwaye umugongo, ndetse akaba yari arwariye mu Bitaro Byitiriwe Umwami Faisal (King Faisal Hospital) ari naho yaguye.

Fidele Kajugiro Sebarinda akaba ari umwe mu banyamakuru bakunzwe cyane ubwo yakoraga kuri Radio Rwanda by’umwihariko mu Rubuga rw’Imikino.

Yaje gutandukana na Radio Rwanda muri 2011, iby’itangazamakuru asa n’ubishyize ku ruhande, akaba yarahise ajya gukora muri Komite Olempike y’u Rwanda (Rwanda National Olympic), akaba ari ho yakoraga kugeza uyu munsi.

Fidele Kajugiro Sebarinda yitabye Imana

Ubu yakoreraga Komite Olempike y’u Rwanda

Minisitiri Dr Jean Damscene Bizimana yabitangaje ku wa 13 Kamena 2026, ubwo yifatanyaga n’Itorero Presbyterienne mu Rwanda (EPR) n’abaturage b’Akarere ka Karongi mu gikorwa cyo kwibuka ku nshuro ya 32 Jenoside yakorewe Abatutsi, ku Rwibutso rwa Kirinda.

Tariki 14 Mata 1994, mu Bitaro bya Kirinda no mu Ishuri ry’Ubuforomo n’Ubuforomokazi bituranye, hiciwe Abatutsi bari bahahungiye, barahatikirira harokoka umwe gusa. Abishwe bose baroshywe mu mugezi wa Nyabarongo.

Dr Bizimana yagaragaje ko yarebye amatangazo amadini yagiye yandika muri Jenoside yakorewe Abatutsi hagati, akabona inyandiko yanditswe n’Abasenyeri bane n’Abashumba b’Abaporotestanti umunani, muri Gicurasi 1994 ubwo bari bahuye ngo barebe uko ubwicanyi bwahagarara mu Rwanda, bakora itangazo ribabaje, rihunga Jenoside yari iri gukorerwa Abatutsi.

Ati ‘Inyito Jenoside barayihunze. Baravuga ngo hari kwicana ku mpande zombi, kandi bagahamagarira FPR guhagarika intambara, ngo nihagarika intambara ingabo za Leta zizatunganya umutekano w’Abanyarwanda. Izo ngabo za Leta ni zo zarimburaga Abatutsi, ni zo zayoborwaga na Serubuga Laurent Perezida Habyarimana yohereje ku Kabaya mu 1992 ari hamwe na Leon Mugesera, Mugesera akajya kuvuga ko Abatutsi bazakegetwa amajosi bagatabwa muri Nyabarongo.”

Dr Bizimana yahamije ko amadini yose yagize abantu bakoze Jenoside yakorewe Abatutsi bari mu buyobozi n’abayoboke basanzwe.

Ati ‘Nta dini na rimwe ridafite abayobozi, abari abashumba, abasenyeri n’abakilisitu, babaye abajenosideri. Aho harimo ikibazo kinini.’

I Kirinda ahabereye igikorwa cyo kwibuka nta mibiri y’Abatutsi ihari ndetse harokokeye umuntu umwe gusa. Minisitiri Bizimana yavuze ko kwica abantu babakaroha mu mazi byakozwe kuva mu 1959.

Ati “Kuroha Abatutsi muri Nyabarongo mu 1994 ntabwo byari bishya, uburyo bwose bwakoreshejwe mu kwica mu 1994 bwari bwakoreshejwe na mbere kuva mu 1959. Babataga mu migezi babanje kubatema.”

“Aha ku Kirinda hari umwihariko wo kuba twibuka Abatutsi imibiri yabo ikaba idahari. Ahandi henshi twibukira haba hari imibiri ihashyinguye, ariko aha ntihari kuko yajugunywe muri Nyabarongo. No mu bwicanyi bwo mu 1963 Abatutsi baratemwe bajugunywa muri Nyabarongo no mu yindi migezi.”

Yasabye abayobozi b’amadini n’amatorero kuvana isomo mu mateka ya Jenoside yakorewe Abatutsi bakareba icyerekezo gikwiye umuntu bakumva ko abakoze ibibi batari mu mateka yahise gusa kuko ingengabitekerezo ya jenoside, ipfobya n’ihakana rya Jenoside yakorewe Abatutsi bigihari no mu banyamadini no mu banyamatorero.

Ati ‘Ibi rero buri wese akwiye kuvanamo isomo ryo kuba Umunyarwanda mushya.”

Minisitiri Dr Bizimana yavuze ko abayobozi b’amadini bakwiye kuvana isomo ku mateka ya Jenoside yakorewe Abatutsi

Urupfu rwa Kajugiro rwamenyekanye mu ijoro ryo kuri uyu wa Gatandatu tariki ya 13 Kamena 2026.

Amakuru IGIHE yakuye ku bantu ba hafi bo mu muryango we, bemeje ko yitabye Imana ku mugoroba wo kuri uyu wa Gatandatu nyuma yo kujyanwa kwa muganga. Bavuze ko kandi kuva mu mwaka ushize yatangiye kurwara cyane, aho rimwe na rimwe yajyaga ajyanwa kwa muganga akavurwa agataha.

Marcel Rutagarama wakoranye na Fidele Kajugiro Sebarinda mu yahoze ari ORINFOR yabwiye IGIHE yari umugabo w’umukozi, ukunda akazi kandi uzi kubana na benshi. Yavuze ko ari we muntu wamwakiriye ageze muri iki kigo bituma baba inshuti kugeza aho anahaye umwana we nyakwigendera amubyara muri batisimu.

Ati ‘Fidele Kajugiro Sebarinda namumenye nyuma ya Jenoside yakorewe Abatutsi ari mu itangazamakuru njye ntari narizamo, icyo gihe yakundaga kwitabira imikino ya Volleyball cyane. Ngeze muri ORINFOR mu 2001 yanyakiranye yombi ari nacyo kitazigera kimva mu mutwe, ananyereka uko bakora umwuga cyane cyane siporo kuko ariyo narimaze kujyamo, yari umugabo wakundaga gukora akazi kugeza ibintu bigenze neza.”

Marcel Rutagarama yavuze ko Fidele Kajugiro Sebarinda asize umurage wo gukunda akazi, kukitangira adategereje igihembo asaba n’abandi bantu gukomeza uwo murajye kuko ari wo wakunze kumuranga cyane.

Ati ‘Adusigiye umurage ukomeye cyane wo gukunda akazi no kukitangira udategereje igihembo, iyo mwabaga muganira nicyo kintu yakubwiraga. Yari umuntu mwiza ubana n’abantu bose, akagira impano yo kuvuga make kandi bikagendana no gusabana ni nawo murajye twese adusigiye.”

Fidele Kajugiro Sebarinda nyuma yo kuva mu yahoze ari ORINFOR yagiye gukorera Komite Olempike. Uyu mugabo asize umugore n’umwana umwe akaba yarareze abandi bana benshi bo mu muryango we bari basigaye ari imfubyi za Jenoside yakorewe Abatutsi.

Fidele Kajugiro Sebarinda yitabye Imana

Yabivuze ku wa 12 Kamena 2026, mu gikorwa cyo Kwibuka ku nshuro ya 32 Jenoside yakorewe Abatutsi mu 1994, ubwo abakozi b’iki kigo bajyaga gusura Urwibutso rwa Jenoside rwa Kigali ruri ku Gisozi.

Abakozi ba Jali Group Ltd basuye uru rwibutso ndetse basobanurirwa amateka arugize, berekwa ubibi bwa Jenoside, ubukana yakoranywe n’ibimenyetso byabyo.

Nkundimana yagaragaje ko nk’ikigo gifite abakozi benshi bakiri urubyiruko bakora ibi bikorwa byo kwibuka buri mwaka kugira ngo bigire ku mateka ndetse bahore bibuka inshingano bafite nk’urubyiruko zo kurwanya ingengabitekerezo ya Jenoside.

Ati ‘Hafi 95% by’abakozi bacu ni urubyiruko. Buri mwaka rero tugira ibikorwa nk’ibi byo gusura inzibutso zitandukanye mu gihugu aho tuzana abakozi bacu bose kuko n’ubwo atari ubwa mbere tuba tugiye gusura nka hano ariko duteganya ko dufitemo n’abakozi bashya kandi bose bagomba kumenya amateka.’

Akomeza agaragaza ko kurwanya ingengabitekerezo bikwiye guhera mu muryango kuko ariho umuntu yigira byinshi.

Ati ‘Ingengabitekerezo ni ikintu kinini cyane ariko ahantu tubona yagakwiye guhera yirindwa ni mu muryango. Mbere y’uko tuza mu kazi mbere y’uko urubyiruko rugira aho ruhurira nk’urubyiruko kuyirinda byagakwiye guhera mu miryango kuko n’abayigira bayigira ku bantu bakuze kandi bo mu miryango yabo. Dusanga rero dukwiye guhera mu miryango tuyirwanya noneho nyuma natwe mu kazi tugashyiraho akacu.’

Simbi Jolie Vivine ukora muri Jali Group Ltd yagaraje ko kimwe mu bintu yigiye mu gusura uru rwibutso ari uko urubyiruko rushyize hamwe rwagera kuri byinshi birimo no gufatanya mu kurwanya ingebitekerezo.

Ati ‘Tugomba kugira umuco w’ubumwe no gufatanya tukirinda amacakubiri kuko buri kintu cyose ukoze kigira ingaruka. Nuremamo abantu amacakubiri bizagira ingaruka nk’izo igihugu cyacu cyagize ariko n’ubaremamo urukundo bazafatanya mu kubaka igihugu.’

Nyuma yo gusura urwibutso bunamiye ndetse bashyira indabo ku mva zishyinguyemo imibiri irenga ibihumbi 250 ishyinguye kuri uru rwibutso.

Abakozi ba Jali Group Ltd basuye Urwibutso rwa Jenoside rwa Kigali ruri ku Gisozi basobanurirwa amateka ya Jenoside yakorewe Abatutsi mu 1994

Abakozi ba Jali Group Ltd bunamiye imibiri irenga 250 ishyinguye ku Rwibutso rwa Jenoside rwa Kigali ruri ku Gisozi

Simbi Jolie Vivine yagaragaje ko nk’urubyiruko bakwiye kugira umuco w’ubumwe no gufatanya kurwanya ingengabiterezo ya Jenoside

Umuyobozi Mukuru wa Jali Group Ltd Felix Nkundimana, yagaragaje ko kurwanya ingengabitekerezo bikwiye guhera mu muryango bigakomereza ahandi abantu bahurira

Abakozi ba Jali Group Ltd bashyize indabo ku mva zishyinguyemo imibiri y’Abatutsi bazize Jenoside yakorewe Abatutsi mu 1994

Abakozi ba Jali Group Ltd biyemeje kurwanya ingebitekerezo ya Jenoside yakorewe Abatutsi mu 1994

Ni igikorwa cyabaye ku wa 13 Kamena 2026, ubwo basuraga Urwibutso rwa Jenoside rwa Kigali ruri ku Gisozi.

Aba bakozi ba Ameki Color basobanuriwe amateka ya Jenoside yakorewe Abatutsi 1994, uko yateguwe, n’uburyo yashyizwe mu bikorwa, inzirakarengane zirenga miliyoni zikahasiga ubuzima mu minsi 100 gusa, nyuma basura ibice bitandukanye bigize urwibutso rwa Kigali.

Nyuma yo gusobanurirwa amateka, abakozi ba Ameki Color, bashyize indabo ku mva ziruhukiyemo imibiri irenga ibihumbi 250.

Umuyobozi Mukuru wa Ameki Color, Rusirare Jacques yavuze ko kera, Abanyarwanda bari babanye mu mahoro ariko abazungu baje mu gihugu ibintu bitangira kuzamba kuko bari bafite intego yo kubategeka no kubabibamo amacakubiri bijyana n’urwango.

Yagize ati ‘Rubyiruko muzirinde ikintu cyose cyabiba amacakubiri, umwiryane hagati yanyu, muhaguruke murwanye abakomeza gukwirakwiza ingengabitekerezo ya Jenoside kuko ahanini bifashisha imbuga nkoranyambaga, rero kuko ari mwe muzikoresha cyane nimubasubize mubabwiza ukuri.’

Yasabye urubyiruko gukoresha imbuga nkoranyambaga bahangana n’abashaka gusubiza iguhugu inyuma, arushishikariza gukomeza gusigasira amateka.

Umukozi w’Urwibutso rwa Jenoside rwa Kigali, Ndayisaba Innocent yavuze ko Abanyarwanda bafite inshingano zikomeye zo kurinda amateka y’igihugu, agaragaza ko n’Itegeko Nshinga ry’u Rwanda ribisobanura neza ko ‘Abanyarwanda bazakomeza kwibuka igihe cyose.’

Yasabye abakozi ba Ameki Color kwirinda amacakubiri ayo ari yo yose yababibwamo, ahubwo abashishikariza gukora cyane kugira ngo biteze imbere.

Aba bakozi ba Ameki Color basobanuriwe amateka ya Jenoside yakorewe Abatutsi 1994, uko yateguwe, n’uburyo yashyizwe mu bikorwa

Umukozi w’Urwibutso rwa Jenoside rwa Kigali, Ndayisaba Innocent yavuze ko Abanyarwanda bafite inshingano zikomeye zo kurinda amateka y’igihugu

Umuyobozi mukuru wa Ameki Color, Rusirare Jacques, yasabye urubyiruko gukoresha imbugankoranyambaga bahangana n’abashaka gusubiza iguhugu inyuma

Abakozi ba Ameki Color, bashyize indabo ku mva ziruhukiyemo imibiri irenga ibihumbi 250 y’inzirakarengane ziruhukiye muri uru rwibutso.

Abakozi barimo n’urubyiruko bakora muri Ameki Color basabwe gukomeza gusigasira amateka no guhangana n’ababiba urwango

Iki gikorwa cyabaye ku wa 12 Kamena 2026, mu Karere ka Bugesera mu Murenge wa Nyamata, aho abayobozi n’abakozi b’iyi kaminuza bari bagiye kunamira inzirakarengane zishyinguye mu Rwibutso rwa Jenoside rwa Nyamata.

Imiryango yafashijwe ni uwa Nzabandora Albert wagabiwe inka ihaka, ndetse uhabwa n’ibindi byose biyiherekeza birimo ubwishingzi bw’umwaka, ibikoreshwa mu kwahira n’indobo izamufasha mu kuhira.

Undi muryango ni uwa Usanase Antoinette wahawe ibiryamirwa birimo matola, amashuka, ibiringiti n’ibiribwa bizamufasha mu mibereho ye ya buri munsi. Yahawe n’ubufasha bwo kwiga umwuga wo kudoda, aho azahabwa imashini idoda nyuma amaze kubimenya.

Umuyobozi Mukuru wa Kaminuza ya UTAB, Padiri Dr. Munana Gilbert, yavuze ko iki gikorwa kigamije kwigisha abana kwirinda ibikorwa byose bishobora gutuma amateka yisubiramo n’ibitanya abantu.

Yagize ati ‘iyo bamaze kumenya ububi bwa Jenoside, ikintu cy’ingenzi ni aho ishobora kugeza umuntu, aho yerekeje u Rwanda. Ni ukuyirinda ndetse n’ibiganisha kuri Jenoside, ibitanya abantu n’ibyica ubumwe.’

Yakomeje avuga ko icyo bagamije ari ukurema Umunyarwanda mushya mu bana wujuje indangagaciro z’umuntu wa nyuma ya Jenoside.

Umuyobozi wa IBUKA mu Karere ka Bugesera, Bankundiye Chantal, yibukije abanyeshuri biga muri iyi kaminuza ko iyo bababonye urubyiruko bagira ibyiringiro ko Jenoside itazongera kubaho ukundi ndetse ko byongera kubomora ibikomere.

Ati ‘ubwo turwana n’ingengabitekerezo ya Jenoside, turwana n’abahakana bakanayipfobya bavuga ko nta Jenoside yigeze ibaho, ariko iyo dufite abana bato nka mwe tubona imbere yacu byongera komora imitima yacu, tukavuga ngo uko byagenda kose twararokotse ntabwo Jenoside izongera kubaho ukundi.’

Akarere ka Bugesera ni kamwe mu turere twagize amateka akomeye, aho Jenoside yatangiye gutegurwa kuva mu 1959. Mu Rwibutso rwa Nyamata honyine hashyinguwe imibiri irenga ibihumbi 45 y’Abatutsi bari bagerageje guhungira mu bice bitandukanye.

Abanyeshuri bo muri Kaminuza ya UTAB beretswe amwe mu mateka ari mu Rwibutso rwa Nyamata

Umuyobozi Mukuru wa Kaminuza ya UTAB, Padiri Dr. Munana Gilbert, yunamiye abishwe muri Jenoside yakorewe Abatutsi

Umuyobozi wa IBUKA mu Karere ka Bugesera, Bankundiye Chantal, yashimiye uruhare rw’urubyiruko mu komora abarokotse Jenoside

Nzabandora Albert yorojwe inka ihaka, ndetse ahabwa n’ibikoresho byifashishwa mu bworozi

Usanase Antoinette yahawe inkunga irimo ibiryamirwa ndetse n’ibiribwa

Ni igikorwa cyabaye ku wa 11 Kamena 2026. Abayobozi n’abakozi ba Umutanguha Finance Company PLC basobanuriwe amateka y’u Rwanda ndetse n’ayagejeje kuri Jenoside yakorewe Abatutsi mu 1994.

Hagarutswe no ku mateka yaranze Akarere ka Bugesera mbere ya Jenoside no mu gihe cya Jenoside yakorewe Abatutsi. Aka Karere kari kamwe mu duce twari twaratoranyirijwe gutoterezwamo Abatutsi aho bajyanwaga kugira ngo bazicwe n’inzara ndetse n’icyorezo cyaterwaga n’isazi ya Tsetse.

Babwiwe kandi uburyo Abatutsi bari bahungiye kuri Kiliziya ya Ntarama bishwe urw’agashinyaguro, bikozwe n’Interahamwe.

Visi Perezida w’Inama y’Ubutegetsi mu Kigo cy’Imari Umutanguha Finance Company PLC, Anastase Mbabajende yabwiye abakozi b’iki kigo ko kwibuka ari igikorwa cyo guha agaciro Abatutsi bishwe bazira uko bavutse.

Yakomeje avuga ko bategura igikorwa cyo kwifatanya n’Abanyarwanda kwibuka abazize Jenoside yakorewe Abatutsi mu rwego rwo kubungabunga amateka.

Ati ‘Ni igikorwa gituma tubungabunga amateka y’abazize Jenoside yakorewe Abatutsi mu 1994.’

Yibukije abakora muri iki kigo biganjemo urubyiruko kurwanya abahakana bakanapfobya Jenoside yakorewe Abatutsi, abasaba kwifashisha imbuga nkoranyambaga mu guhangana n’ibyo bikorwa bibi bigayitse.

Ati ‘Ndasaba urubyiruko ndetse n’abandi bakozi bakora mu Umutanguha kwifashisha imbuga nkoranyambaga mu kurwanya abapfobya bakanahakana Jenoside yakorewe Abatutsi bakunze kuzifashisha.’

Umuyobozi Mukuru w’Ikigo cy’Imari Umutanguha Finance Company Plc, Muhawenimana Noheli, yavuze ko iki kigo cyasuye Urwibutso rwa Jenoside rwa Ntarama kuko gifite abakozi barimo urubyiruko rwavutse nyuma ya Jenoside.

Ati ‘Dutegura iki gikorwa cyo kwibuka abazize Jenoside yakorewe Abatutsi kugira ngo abakozi bacu biganjemo urubyiruko barusheho gusobanukirwa amateka yayo ndetse n’urugendo rw’iterambere n’ubwiyunge igihugu cyacu cyanyuzemo.’

Yavuze ko bishimira ko mu gihe cy’imyaka 20 bamaze bakorera mu Rwanda, umutekano n’ubumwe birangwa mu Abanyarwanda bigira uruhare mu gutuma bakomeza gutanga serivisi nziza z’imari ku babagana.

Ati ‘Mu kigo cyacu cya Umutanguha Finance Plc twemera ko gukwirakwiza serivisi z’imari n’iterambere ry’ubukungu bidashoboka hatabayeho ubumwe n’umutekano mu gihugu. Iki gikorwa cyabaye umwanya wo kongera kwiyemeza indangagaciro z’icyubahiro, impuhwe, ubunyangamugayo n’ubumwe ziyobora ikigo n’abaturage gikorera.’

Urwibutso rwa Ntarama rushyinguyemo imibiri isaga 5.000 y’abishwe muri Jenoside yakorewe Abatutsi mu 1994. Umubare munini ni uw’abiciwe muri Kiliziya ya Ntarama.

Kagabo Antoine ukora muri Minisiteri y’Ubumwe bw’Abanyarwanda n’Inshingano Mboneragihugu niwe wabasobanuriye amateka ya Jenoside yakorewe Abatutsi

Visi Perezida w’Inama y’Ubutegetsi mu Kigo cy’Imari Umutanguha Finance Company PLC, Anastase Mbabajende yasabye abakora muri iki kigo kurwanya abapfobya bakanahakana Jenoside yakorewe Abatutsi

Basuye Urwibutso rwa Jenoside bigize Urwibutso rwa Jenoside rwa Ntarama

Abakozi ba Umutanguha Finance Plc bashyira indabo ahashyinguye imibiri y’Abatutsi bazize Jenoside yabakorewe mu 1994

Abayobozi n’abakozi b’Ikigo cy’Imari, Umutanguha Finance Company PLC basuye Urwibutso rwa Jenoside rwa Ntarama, biyemeza gusigasira amateka

Visi Perezida w’Inama y’Ubutegetsi mu Kigo cy’Imari Umutanguha Finance Company PLC, Anastase Mbabajende ashyira indabo ku mva

Umuyobozi Mukuru w’Ikigo cy’imari Umutanguha Finance Company Plc, Muhawenimana Noheli yashyize indabo aharukiye abazize Jenoside yakorewe Abatutsi ku Rwibutso rwa Ntarama

Umuyobozi Mukuru wa Umutanguha Finance Company Plc, Muhawenimana Noheli asinya mu gitabo cy’abashyitsi basura Urwibutso rwa Ntarama

Mutabazi Isingizwe Sabine witabiriye Miss Rwanda mu 2022, yambitswe impeta ya fiançailles na Kevin Musemakweli bamaze igihe bakundana.

Mutabazi Sabine yagaragaje amarangamutima ye nyuma yo gutera intambwe ikomeye mu buzima bwe kandi yiteguye kuzamarana igihe basigaje ku Isi.

Ati ‘Nishimiye cyane imigisha yose Imana yasutse ku buzima bwanjye. Uri umuntu uryoheye umutima kurusha abandi. Nishimiye kuzamarana nawe ubuzima bwose mu murimo w’Imana, kubaka urugo rushingiye ku bwami bw’Imana ni cyo cyubahiro gikomeye kuruta ibindi nzagira. Imana idufashe guhora tuyiyeguriye byuzuye. Ndagukunda, kandi nkunda Umwami waduhuje.’

Muri Miss Rwanda 2022, Mutabazi Sabine yaje muri batanu ba mbere ariko ntiyagira amahirwe yo kugera muri batatu ba nyuma, yari ahagarariye Umujyi wa Kigali, yinjiye mu irushanwa afite umushinga wo gukangurira urubyiruko kwihugura mu bijyanye n’ubutabazi bw’ibanze. Yifuzaga ubufatanye na ‘Croix Rouge’.

Miss Sabine yambitswe impeta ya fiançailles

BRAC ni umuryango washinzwe mu 1972 muri Bangladesh, ugamije guteza imbere abari mu bibazo, ukaba warashinzwe n’Umunya-Bangladesh, Fazle Hasan Abed, nyuma ugera mu Rwanda mu 2019.

Ni umuryango ufite igice cy’ikigo cy’imari iciriritse mu Rwanda gifite amashami 34 mu gihugu hose (BRAC Rwanda Microfinance Company PCL), ndetse n’ikindi cy’umuryango utari uwa Leta, cyatangiye ibikorwa mu 2023, ari nacyo kigaragara kenshi mu bikorwa byo kurengera umugore, kumuzamurira ubushobozi n’imibereho.

BRAC igaragaza ko bimwe mu bikorwa bakoze birimo gufasha abana gusubira kwiga, aho mu 2025/2026, abarenga 5000 bafashijwe kwiga ndetse banafashwa gutangira imyuga iciriritse. Hafashijwe kandi abagore barenga ibihumbi 10 gutekereza byagutse kugira ngo bige umwuga batangira gukora wabafasha kwiteza imbere bikajyana n’amasomo ahabwa abashakanye agamije gukemura amakimbirane, mu muryango.

Kugeza ubu BRAC imaze gusoza ibyiciro bitatu ndetse, kuri ubu yatangiye ikiciro cya kane mu ntangiriro za Kamena 2026 kikaba kigizwe n’abantu 8750 bazahugurwa ku kwiteza imbere no kurushaho gukemura amakimbirane mu muryango nyuma bagafashwa gukora imyuga ibateza imbere.

kuva tariki ya 10-11 Kamena 2026, MIGEPROF n’abafatanyabikorwa bayo bakora ibikorwa bigamije guteza imbere uburinganire no kongerera abagore ubushobozi, GEWE (Gender & Women Empowerment Subcluster) basuye ibikorwa bya bamwe mu bakorera mu turere twa Nyanza na Huye birimo na BRAC, hagamijwe kwigiranaho no guhuza ibitekerezo n’imbaraga bigamije iterambere ry’abaturage.

Umwe mu bafashijwe na BRAC, Nyampinga Claudine utuye mu Mudugudu wa Mugari mu Kagari ka Nyundo mu Murenge wa Muyira, Akarere ka Nyanza, yashimiye BRAC kubw’uruhare yagize mu buzima bwe n’ubw’umuryango we, agaragaza ko kugeza ubu nta makimbirane akirangwa mu rugo rwe ndetse ko kuri ubu bafashanya mu kwiteza imbere.

Ati ‘Nyewe n’umugabo wanjye twari twarabaye iciro ry’imigani ritewe n’amakimbirane adashira. Rero Ndashimira BRAC kuko yamfashije guhindura imyumvire, urugo rwanjye ruva mu makimbirane n’ubukene, ubu nkora ubucuruzi n’ubworozi, ndetse ntanga akazi ku baturanyi banjye.’

Nyampinga yavuze ko kugeza ubu mu mwuga w’ubucuruzi akora BRAC ariyo yamuhaye igishoro cy’ibihumbi 239 Frw ndetse kuri ubu yinjiza miliyoni 3 Frw mu gihe cy’imyaka ibiri ndetse abasha gufatanya n’umugabo mu gutezimbere umuryango.

Hasuwe kandi abahinzi b’ikawa bibumbiye mu makoperative atandukanye afashwa n’umushinga wa Sustainable Growers mu Murenge wa Rusatira, Akarere ka Huye mu rwego rwo kugaragaza uruhare rw’umugore mu iterambere ry’umuryango n’igihugu.

Umwe mu bagize koperative Abahuzamugambi, Mukanyandwi Yvette, ni umuhinzi w’ikawa, mu Murenge wa Rusatira mu Karere ka Huye. Avuga ko amaze imyaka 15 ayihinga, ndetse kugeza ubu akaba asarura toni ebyiri.

Ati ‘Natangiye mpinga ikawa ibiti 200 ariko nyuma yo guhabwa amahugurwa n’umushinga wa ‘Sustainable Growers’ ngeze kuri 1200 kandi nsarura nibura toni ebyiri. Ubu rwose nanjye iterambere ryangezeho kandi sinshobora kubura miliyoni 1,2 Frw ku mwaka.

Umuyobozi Mukuru muri MIGEPROF ushinzwe guteza imbere uburinganire no kongerera abagore ubushobozi, Ngayaboshya Silas, yasabye BRAC gukoresha ikoranabuhanga mu byo bakora kugira ngo bihutishe akazi no kurushaho gufatanya kugira ngo bagere ku ntego.

MIGEPROF ishimangira ko izakomeza gushyigikira uburinganire n’iterambere ry’abagore, inashimira abafatanyabikorwa ba GEWE nkab’ingenzi mu guteza imbere gahunda z’igihugu no gufasha abagore n’abakobwa kugera ku bushobozi bwabo bwose.

Nyampinga wafashijwe na BRAC yavuze ko ubu nta makimbirane akirangwa iwe kandi we n’umugabo we biteje imbere

MIGEPROF igaragaza ko izakomeza gufatanya n’abafatanyabikorwa mu gukomeza gushyigikira uburinganire n’iterambere ry’abagore

Hasuwe kandi abahinzi b’ikawa bibumbiye mu makoperative atandukanye afashwa n’umushinga wa Sustainable Growers

Mu myaka itatu, umuryango wa BRAC watanze agera miliyari 3 Frw yo gufasha abagore