Category: Uncategorized

Ni amasezerano yasinyiwe mu ruzinduko Perezida Kagame yagiriye muri Oman.

Aya masezerano yasinywe ku wa Kabiri, tariki ya 8 Nzeri 2026, mu Ngoro ya Al Hosn i Salalah, aho Perezida Kagame yagiriye ibiganiro na Sultan Haitham bin Tarik.

Gusinya aya masezerano byakurikiye ibiganiro byo ku rwego rwo hejuru byahuje abayobozi bombi ku munsi wabanje, byibanze ahanini ku buryo umubano w'u Rwanda na Oman warushaho kwinjira mu cyiciro cy'ubufatanye bushingiye ku bukungu n'ishoramari.

Amasezerano abiri yashyizweho umukono arimo ajyanye no gukuriraho visa abafite pasiporo za dipolomasi, iz'akazi ka Leta n'izidasanzwe, ndetse n'amasezerano agamije gukuraho gusoresha kabiri.

Inyandiko esheshatu z'imikoranire zasinywe zo zireba ubuhinzi; ibijyanye n'ubwikorezi n'ibikoresho birimo guteza imbere ibyambu no guteza imbere serivisi zijyanye n'uruhererekane rw'ibicuruzwa; guteza imbere ishoramari; umurimo; ubufatanye bw'igihe kirekire ku rwego rw'ingamba; ndetse no gushyira mu bikorwa no kwihutisha ishoramari.

Amasezerano ajyanye no gukuraho visa ntabwo asobanuye ko Abanyarwanda n'Abanya-Oman bose bashobora gutemberana hagati y'ibihugu byombi nta visa. Yibanda by'umwihariko ku bafite pasiporo za dipolomasi, iz'akazi ka Leta n'izidasanzwe.

Ni intambwe ikomeye kuko ikuraho zimwe mu mbogamizi zo mu rwego rw'ubuyobozi ku bayobozi n'abandi bafite izo pasiporo, mu gihe ingendo n'imikoranire hagati ya Guverinoma zombi bigenda birushaho kwiyongera.

Amasezerano yo kwirinda gusoresha kabiri agamije gutuma inyungu cyangwa amafaranga umuntu cyangwa ikigo cy'ubucuruzi cyinjije mu bihugu bibiri adasoreshwa kabiri, ndetse akanagena neza igihugu gifite ububasha bwo gusoresha ubwoko runaka bw'amafaranga yinjiye.

Mbere y'uruzinduko rwa Perezida Kagame, Minisiteri y'Ubukungu ya Oman yari yagaragaje ko u Rwanda rushobora kuba irembo ry'ishoramari ry'abashoramari bo muri Oman bashaka kugera ku isoko ryo muri Afurika y'Iburasirazuba.

Mu byiciro by'ubukungu byagaragajwe nk'ibifite amahirwe harimo ubukerarugendo n'amahoteli, ubuhinzi, ubucukuzi bw'amabuye y'agaciro, ubuzima n'imiti, ikoranabuhanga n'itumanaho, ibyanya byahariwe ibikorwa by'ubukungu ndetse n'ibikorwaremezo.

Kimwe mu bimenyetso bigaragara cyane by'umubano ugenda ukomera ni ishyirwaho ry'ingendo z'indege hagati ya Kigali na Muscat.

Muri Nyakanga 2026, SalamAir yatangiye ingendo z'indege zitaziguye hagati y'imijyi mikuru y'ibihugu byombi, zikaba zikorwa kabiri mu cyumweru.

Abayobozi ba Oman bagaragaje ko iyo nzira ari ingenzi mu guteza imbere ubukerarugendo, ubucuruzi n'ishoramari hagati y'u Rwanda na Oman.

Izi ngendo zifite agaciro karenze gutwara abagenzi gusa.

Kugira ngo ubucuruzi n'ishoramari bikure, abashoramari n'abayobozi bakeneye uburyo bworoshye kandi buhoraho bwo kugenda hagati y'ibihugu byombi.

Indege zishobora kandi guteza imbere ubucuruzi bw'ibicuruzwa bifite agaciro kanini cyangwa bisaba kugera ku isoko vuba, ubukerarugendo n'ingendo z'ubucuruzi.

Zishobora kandi guhuza Kigali, binyuze muri Oman, n'andi masoko yo mu Kigobe Oman iherereyemo, Aziya no mu Burasirazuba bwo Hagati.

Ku ruhande rwa Oman, u Rwanda rushobora kuyifungurira isoko ryo muri Afurika y'Iburasirazuba riri kugenda rirushaho kwihuza.

Umukinnyi wa filime Nyarwanda, Mukazayire Djalia Nelly wamamaye nka Kecapu yavuze ko mu buzima bwe ashimira Benimana Ramadhan [Bamenya] kuko yamugize uwo ari we uyu munsi.

Kecapu yamenyekanye cyane muri filime y’uruhererekane ya ‘Bamenya’ ya Benimana Ramadhan na we akinamo yitwa Bamenya.

Mu kiganiro yagiranye n’ikinyamakuru ISIMBI, Kecapu yavuze ko umuntu ashimira mu buzima bwe ari Bamenya kuko yamufashe akaboko.

Ati “Ni Bamenya. Impamvu mpisemo Bamenya yamfashe akaboko atuma mba Kecapu wa wundi izina rigaburira, kuva igihe narifatiye kugeza uyu munsi.”

“Rero Bamenya yamfashe akaboko na mbere hose bitarakunda akajya anjyana nkabona n’ayo mafaranga iryo zina ritaraza. Kugera aho izina rije, ibaze kuva icyo gihe imyaka Bamenya imaze kugera uyu munsi, hari amafaranga ndya kuko nitwa Kecapu. Rero umuntu nshimira mu buzima bwanjye, ni we pe.”

Yakomeje amubwira ko amushimira cyane ndetse ko nta mpano abona yamuha uretse kumusabira umugisha ku Mana.

Ati “Benima, ndagushimira, hari benshi wari uzi, hari benshi mwari muziranye wari bufate akaboko ukagira aho ubageza, ukabikora nk’uko wabikoze, njya ntekereza ko yamfashe akaboko avuga ngo reka ibi bintu tubijyemo afite ibyo atekereza, uyu Nelly arakuramo amafaranga ariko nkeka atatekerezaga ko bizagera aha.”

Yakomeje agira ati “Warakoze! Njye nk’umuntu nta mafaranga runaka naguha, nta kintu runaka nakuzanira nko kugushimira, mpora ngusabira umugisha kwa Nyagasani. Icyiza cya Benimana iyo abonye ntabwo yibagirwa abari inyuma, arazirikana uko azirikana ni nako nanjye muzirikana, ni byinshi cyane tuziranyeho, Imana ijye imuha umugisha, imurinde kuba mu banyabihombo.”

Kecapu kandi yavuze ko iyo adahura na Bamenya ubu ashobora kuba yari atakiba mu Rwanda yaragiye gushakira ubuzima hanze y’u Rwanda.

Kecapu yashimiye Bamenya

Al Hilal SC yemeye korohereza Rayon Sports kwimura amasaha y’umukino wayo na Aigle Noir nyuma y’uko aya makipe yisanze agomba gukinira ku kibuga kimwe, umunsi umwe n’amasaha amwe.

Ku wa Gatandatu tariki ya 12 Nzeri 2026 nibwo Al Hilal SC izakira Aigle Noir yo mu Burundi ni mu gihe na Rayon Sports izakina na Panthere Sportive yo muri Cameroun.

Iyi mikino yose yo kwishyura y’imikino Nyafurika ikaba iteganyijwe kubera kuri Stade Amahoro aho yari no ku isaha imwe.

Haje kubaho ikibazo aho muri CAF Al Hilal SC yatanze ko izakinira muri Stade Amahoro ni mu gihe Rayon Sports yo yari yaratanze ko izakinira Kigali Pele Stadium, nyuma iza guhindura itwara umukino muri Stade Amahoro.

Yaje gusaba Al Hilal SC ko yakwimura amasaha igakina saa 15h ariko mu nama yahuje aya makipe ejo hashize, yabiteye utwatsi ibabwira ko bidashoboka ni mu gihe na Rayon Sports nayo itabikozwa guhindura isaha.

Ibiganiro bikaba byaje gukomeza aho kugeza ubu Al Hilal SC yemeye kuzana umukibi saa 15h00′ maze Rayon Sports ikaba izakina nyuma saa 18h00′.

Al Hilal SC yorohereje Rayon Sports

Rutahizamu w’umunyarwanda ukinira Rayon Sports, Muhoza Daniel arifuzwa bikomeye n’ikipe ya Rijeka ikina icyiciro cya mbere muri Croatia.

Uyu mukinnyi ukina asatira anyuze ku mpande, ari ku mwaka we wa mbere muri Rayon Sports aho yayigezemo avuye muri Etoile del’Est.

Muhoza Daniel ntabwo byamutwaye igihe kwigarurira imitima y’abakunzi b’iyi kipe kuko kugeza ubu ni umwe mu bakinnyi bakunzwe cyane muri iyi kipe yambara ubururu n’umweru.

Amakuru ISIMBI yamenye ni uko Muhoza Daniel yamaze kubona ikipe yamubengutse ya Rijeka aho ikina mu cyiciro cya mbere muri Croatia.

Yifuza ko yajya gukorayo igeragezwa yaritsinda maze bagahita bamugura amafaranga menshi, gusa kugeza ubu Rayon Sports ntabwo irabyumva, ivuga ko nta mukinnyi wayo ukora igeragezwa.

Muhoza Daniel ni umwe mu bakinnyi babengutswe na Rayon Sports nyuma yo kugira umwaka mwiza w’imikino ushize na Etoile del’Est mu cyiciro cya kabiri aho yanayifashije kuzamuka mu cyiciro cya mbere.

Igihe gito amaze muri Rayon Sports, ni umukinnyi wemeje umutoza Haringingo Francis Christian aho abamwegereye bavuga ko yanatangiye gutekereza ukuntu Daniel yagenda amwinjiza muri 11 babanza mu kibuga cyane ko abona ko umusaruro atanga abikwiye.

Muhoza Daniel arifuzwa na Rijeka

Umuhanzi w’Umurundi, Kidum Kibido yatabarije Abanyarwanda n’Abarundi barimo guhohoterwa muri Kenya.

Muri Kenya hamaze iminsi ibikorwa byafashwe nk’urugomo aho ibikorwa byinshi b’abanyamahanga muri iki gihugu bisenywa.

Mu butumwa yanyujije ku mbuga nkoranyambaga yavuze ko Abarundi n’Abanyarwanda batamerewe neza muri Kenya.

Ati “Ndi umurindi, kuri ubu ndi mu bitaramo bizenguruka Canada. Kenya ni mu rugo guhera mu 1995 kandi nahisemo kuba Umunya-Kenya n’umutima wanjye wose, umugore wanjye ni Umunya-Kenya kandi twasezeranye byemewe n’amategeko dufite abana ubu bari ku ishuri muri Kenya.”

Yakomeje avuga ko amafoto arimo kwakira avuye Nairobi ata meze atazi icyo Abarundi n’Abanyarwanda bakoze.

Ati “Amafoto ndimo nakira avuye Nairobi ntabwo ari ari meza. Ni iki Abarundi n’Abanyarwanda bakoze kugira ngo bafatwe uku? Amandazi, icyayi n’ikawa ni icyaha? Ambasade ikwiye guhagarara ku bantu bacu byibuza bakagera mu rugo amahoro n’icyubahiro?”

Yakomeje avuga ko afite imodoka ijyamo abantu 11 yayitanga ikajya igeza abantu mu ngo zabo.

Kidum kandi yasabye Imana gufasha Abarundi niba koko izi ko hari ikintu yigeze afasha abantu ku mushahara muke ahembwa.

Yakomeje avuga ko abizi neza bishobora kumutwara ubuzima ariko ngo bibe.

Ati “Ndabizi ko bishobora kuntwara ubuzima ariko ntacyo bibe. Abarundi mu Burundi ntimugire Umunya-Kenya mukoraho mu Burundi. Ntimwibeshye kuko abandi barimo kugukorera ibintu bibi. Abantu babiri bayobye ntibyahinduka ukuri.”

Yasoje avuga ko ibintu biri Politike byakemurwa mu buryo bwa Politike bitavanzwemo abasivile.

Kidum yatabarije Abanyarwanda n’Abarundi baba muri Kenya

Ni ubwa mbere Perezida w'u Rwanda agiriye uruzinduko rwemewe muri Oman, rugamije kurushaho gushimangira umubano hagati y'ibihugu byombi no kwagura inzego z'ubufatanye.
Uruzinduko rwatangijwe n'umuhango wo kwakira Perezida Kagame.

Kagame na Sultan Haitham bin Tariq bagiranye ibiganiro, binakurikirwa n'ibiganiro bihuza intumwa z'ibihugu byombi. Ibyo biganiro birimo kwibanda ku gushimangira umubano usanzwe hagati y'u Rwanda na Oman no kurebera hamwe izindi nzego ibihugu byombi byakwaguriramo ubufatanye.

Ku munsi wa kabiri w'uruzinduko, Perezida Kagame ateganyijwe gusura Museum of the Frankincense Land, iherereye muri Al Baleed Archaeological Park, ahantu hashyizwe ku rutonde rw'Umurage w'Isi rwa UNESCO.

Iyo nzu ndangamurage igizwe n'ibice bibiri by'ingenzi. Heritage Hall yibanda ku mateka y'ibisigaratongo, umurage w'akarere ndetse n'uruhare ubucuruzi bwa frankincense bwagize ku mibereho n'ubukungu bw'akarere ka Dhofar. Maritime Hall yo igaragaza amateka ya Oman mu bijyanye n'ingendo n'ubucuruzi bwo mu nyanja.

Perezida Kagame azanasura Razat Royal Farm, umurima wa cyami ufite ubuso burenga hegitari 404.686. Ni kimwe mu bigo by'ingenzi by'ubuhinzi muri Dhofar Governorate, kandi unifashishwa mu bukerarugendo bushingiye ku buhinzi no mu bikorwa by'uburezi.

Sultan Haitham bin Tariq azakira Perezida Kagame n'intumwa ze mu musangiro.

U Rwanda na Oman bisanzwe bifitanye umubano ushingiye ku mateka. Muri uru ruzinduko kandi hateganyijwe gusinywa amasezerano n'inyandiko z'ubwumvikane mu nzego zitandukanye, mu rwego rwo kurushaho kwagura ubufatanye hagati y'ibihugu byombi.

Iyi gahunda yatangijewe na Leta y'u Rwanda igamije kuvugurura umutekano w'amakuru y'abaturajye, kwihutisha serivisi ndetse no gutuma umuturage agenzura akanemeza uwemerewe kubona amakuru ye bwite.

Kuva iyi gahunda yatangizwa mu gihugu hose, hari bamwe mu baturage kugeza magingo aya bari baracikanywe no kwifotoza ngo bajye muri iyo .

Mu Mujyi wa Kigali hashyizweho site imwe ya Gikondo aho abacikanwe bose bari i Kigali bashobora kugana kugira ngo bafashwe.

Bamwe mu baturage basanzwe kuri iyo site ya Gikondo batangarije RBA ko bishimiye kuba NIDA yabahaye andi mahirwe yo kwifotoza nyuma yaho ubushize bari bacikanywe kubw'impamvu zitandukanye.

Umwe yagize ati ” Birashimije kuba bongeye kuduha amahirwe yo kwifotoza. Ubu nari nziko bizansaba kujya mu ntara aho iyi gahunda itaragera ariko kuba babigaruye ni amahirwe kubari i Kigali'.

Undi nawe yasobanuye ko ubwo baheruka gufotora i Kigali we yari yaragiye mu ntara aza gusubira i Kigali gahunda yararangiye.

Yashishikarije n'abandi batarifotoza gufatirana aya mahirwe NIDA yongeye gutanga.

Ati ” Ndashishikariza abantu kwifotoza kuko ni ingenzi kubera ko buri munyarwanda akwiriye kugira ikimuranga kandi ntakindi cyamuranga uretse indangamuntu”.

Umukozi w'Ikigo cy'Igihugu Gishinzwe Indangamuntu, Umulisa Munyankindi Arcesta yakanguriye abandi bacikanwe kugana amasite azashyirwaho mu gihugu maze abakozi ba NIDA bakabafasha.

Yakomeje avuga ko umuntu aho ari hose mu gihugu yemerewe kujya kuri site imwegereye agafashwa.

Ati ” Aho waba utuye hose waba warahavukiye cyangwa utarahavukiye wemerewe kuhibaruriza. Hari n'abandi bavuga ko badafite nimero z'indangamuntu z'ababyeyi ariko ibyo si ikibazo kuko iyo ugeze kuri site abakozi ba NIDA bagufasha kuzibona”.

Mu bipimo bifatwa harimo; ifoto y'isura, ibikumwe, imboni ndetse n'umukono gusa abana bari munsi y'imyaka itanu bo bafotorwa isura gusa, mugihe abafite itandatu kugeza kuri 15 nta mukono batanga.

Gahunda yo kwifotoza mu mujyi wa Kigali yari yatangijwe kumugararo kuwa 7 Gashyantare 2026. Byari biteganyijwe ko izamara ibyumweru birindwi, bivuze ko yari gusozwa taliki 4 Mata 2024. Gusa byagaragaye ko hari abo iyi gahunda yasojwe batarifotoza.

NIDA ivuga ko guhera taliki 8 Nzeri 2026 iyi gahunda izakomereza mu tundi turere twa Nyabihu, Nyamasheke, Nyamagabe na Nyaruguru, igakomereza mu karere ka Rusizi guhera taliki 14 Nzeri ikazasorezwa mu turere twa Musanze, Burera na Rubavu.

Kugeza ubu NIDA itangaza ko abagera kuri miliyoni umunani n'ibihumbi 300 ari bo bamaze gutanga imyirondoro yabo kugeza mu mpera z'ukwezi kwa Kanama.

Ibi byabaye kuri iki Cyumweru tariki ya 6 Nzeri 2026 mu Mudugudu wa Murenge mu Kagari ka Cyabajwa mu Murenge wa Kabarondo mu Karere ka Kayonza.

Umuvugizi wa Polisi y'u Rwanda mu Ntara y'Iburasirazuba, SSP Hamduni Twizeyimana, yabwiye IGIHE ko iyi mpanuka yaturutse ku munamba utari ufite uruhushya rwo gutwara ikinyabiziga, wagifashe ari kurya umunyenga bikarangira agonze indi moto abantu babiri bagahita bapfa.

Ati 'Iyi mpanuka yatewe n'umunamba [abantu boza imodoka na moto] wahawe moto ngo ajye kuyoza, aho kugira ngo ayoze ashyiraho undi muntu, ntabwo turamenya niba ari umugenzi cyangwa se niba baryaga umunyenga. Yakoresheje umuvuduko ukabije rero anyura mu muhanda ujya Rwinkwavu, ahuriramo n'indi moto baragongana. Uwo munamba ahita yitaba Imana n'uwo mu motari wundi.''

SSP Twizeyimana yakebuye abatwara ibinyabiziga batanga imfunguzo z'imodoka ku banamba n'abandi bantu baba badafite impushya zo gutwara ibinyabiziga.

Yavuze ko urufunguzo rukwiriye guhabwa uyobora ikinamba kugira ngo ingaruka ziri bube abe ari we uzirengera.

Kuri ubu imirambo y'abapfiriye muri iyi mpanuka yajyanywe ku bitaro bya Rwinkwavu mu gihe ari naho harwariye abaturage babiri bakomerekeye muri iyi mpanuka.