Kureba imyitozo ya mbere ya Rayon Sports birasaba kwigomwa umuceri wa cyigori – YEGOB #rwanda #RwOT

Kureba imyitozo ya mbere ya Rayon Sports birasaba kwigomwa umuceri wa cyigori

Ubuyobozi bw'ikipe ya Rayon Sports bwateguje abakunzi b'iyi kipe ko uyu munsi hatangizwa imyitozo kumugaragaro ariko abashaka kuyireba bagomba kwishyura.

Nkuko bisanzwe Ikipe ya Rayon Sports iyo irimo gukora imyitozo yitegura umukino runaka abafana baba bahawe ikaze ariko kwinjira bigasaba kwigomwa amafaranga.

Ibiciro byo kwinjira ubusanzwe ari nako bimeze nubu ni uko ahasanzwe hose abafana bagomba kwishyura 1000, muri VIP abashaka kuharebera barishyura ibihumbi 2. Iyi myitozo ya mbere biteganyijwe ko iratangira uyu munsi ku isaha ya saa cyenda z'amanwa.

Ikipe ya Rayon Sports yasinyishije abakinnyi bashya batandukanye barimo Charles Bbaale, Aruna Moussa Madjaliwa, Serumogo Ally, Bugingo Hakim, Youseff Rharb, Simon Tamale. Hategerejwe n'abandi bakomeye bataratangazwa.

 

Source : https://yegob.rw/kureba-imyitozo-ya-mbere-ya-rayon-sports-birasaba-kwigomwa-umuceri-wa-cyigori/