Tag: Sport

Abaraye bakurikiranye umukino w’umunsi wa 9 wa shampiyona wo Kiyovu Sports yaraye inyagiyemo Etoile del’Est 6-1, binubiye cyane uburyo umuriro waburaga bya hato na hato umukino ugahagarara.

Ni umukino wabaye ku wa Gatanu tariki ya 27 Ukwakira 2023 ubera muri Kigali Pelé Stadium saa 18h00′.

Etoile del’Est niyo yatsinze igitego mbere cyaje kwishyurwa ku munota wa 17 ni mu gihe ku munota wa 25 batsinze icya kabiri ari nabwo umuriro waburaga bwa mbere, ku munota wa 34 yatsinze icya 3 nabwo umuriro wongera kubura ku nshuro ya 2. Umukino watakayeho iminota 15 kuko ari nayo nyongera yongereweho mu gice cya mbere. Mu gice cya kabiri Kiyovu Sports yatsinze ibindi 3 maze umukino urangira ari 6-1.

Zimwe mu nkuru zagarutsweho cyane n’iri bura ry’umuriro rya hato ha hato.

Amakuru ISIMBI yagerageje gushaka ndetse ni uko ubundi itegeko rivuga ko ikipe yakiriye ishaka gukina saa 18h00′ kuri Kigali Pelé Stadium igomba kugura litiro 300 za Mazutu zikoreshwa amasaha 3 kuva amakipe atangiye kwishyushya kugeza umukino urangiye, bivugwa ko Kiyovu nta mazutu yaguze.

Amakuru avuga ko Kiyovu Sports bitewe n’ibihe irimo by’amikoro make yashatse uburyo aya mafaranga ya Mazutu bayabika akazabafasha mu bindi.

Aha nibwo bivugwa ko bumvikanye n’umukozi w’Umujyi wa Kigali ushinzwe Stade Kigali, Kibombo akaba n’umufana wa Kiyovu Sports yemera ko bakinira ku muriro wa REG nta mazutu.

Byaje kuba bibi ubwo umuriro waburaga muri aka gace ka Nyakabanda muri Nyamirambo aho iyi Stade iherereye kuko no kuri Stade wabuze bituma umukino ugenda uhagarara.

Umuriro wagiye ubura bya hato na hato

Kuri iki cyumweru tariki 8 Ukwakira, nibwo ikipe ya Rayon Sports yatangaje ko yamaze gutandukana n’uwari umutoza wayo, Yamen Zelfani kuburyo bw’ubwumvikane. Rayon Sports, yabaye ikipe ya mbere yirukanye umutoza muri uyu mwaka w’imikino, n’ubwo atariyo kipe ihagaze nabi muri shampiyona.

Akenshi biragoye kubona shampiyona y’icyiciro cya mbere mu Rwanda mu mupira w’amaguru, igera ku munsi wa 6 nta kipe irirukana umutoza kubera umusaruro mucye. Mu makipe 15 asigaranye abatoza bakuru yatangiranye amakipe 10 nta 1/2 cy’amanota afite ku ijana. Ni umusaruro ugiye bigendanye n’uko shampiyona yatangiye, bituma abatoza benshi bari mu byago byo gutakaza akazi.

Umusaruro w’abatoza basigaranye akazi muri shampiyona

Thierry Froger wa APR FC, niwe uhagaze neza, aho amaze gutoza imikino 4, atsinda 3, anganya 1. Habimana Sosthéne utoza Musanze FC, amaze gutoza imikino 5, atsinda 3 anganya 1 Atsindwa 1.

Niyongabo Amars wa Amagaju FC, amaze gutoza imikino 5 atsinda 2 anganya 3. Petros Koukouras wa Kiyovu Sports, amaze gutoza imikino 5 atsinda 2 anganya 2 Atsindwa umukino 1. Alain Kirasa amaze gutoza imikino 5 atsinda 2 anganya 1 Atsindwa 2. Eric Nshimiyimana amaze gutoza imikino 5 atsinda 2 ndetse Atsindwa imikino 3.

Rwasamanzi Yves amaze gutoza imikino 5 atsinda 1 anganya 3 Atsindwa 1. Muhire Hassan amaze gutoza imikino 4 atsinda 2 Atsindwa 2. Nshimiyimana Maurice amaze gutoza imikino 5 atsinda 2 Atsindwa 3. Afahmia Lotfi amaze gutoza imikino 5 atsinda 1 anganya 3 Atsindwa 1.

Cassa Mbungo Andre amaze gutoza imikino 5 atsinda 1 anganya 2 Atsindwa 2. Mashami Vincent amaze gutoza imikino 4 atsinda 1 anganya 1 Atsindwa 2. Gatera Moussa amaze gutoza imikino 5 nta ntsinzi, yanganyije imikino 4 Atsindwa 1. Bizumuremyi Radjab amaze gutoza imikino 5 yatsinze 1 anganya 1 Atsindwa 3. Ruremesha Emmanuel amaze gutoza imikino 5, anganya 3 Atsindwa 2.

Kuri uyu wa kabiri shampiya shampiyona irakomeza hakinwa imikino y'umunsi wa 6. Umutoza uri mu mutuku, uzitwara nabi mu mikino 2 ya shampiyona iri imbere, ashobora kwisanga nta kazi afite.

Ni ukuru urutonde rwa shampiyona ruhagaze nyuma y’umukino w’umunsi wa 5 wa shampiyona 

Yamen watoza Rayon Sports, niwe wemeye icyaha mbere y’abandi bose

Ku mugoroba wo kuri uyu wa Gatandatu tariki 16 Nzeri 2023, ni bwo abayobozi ba Rwanda Premier League itegura shampiyona, ndetse na bamwe bo muri FERWAFA, bageze ku kibuga cy’indege cya Kigali i Kanombe, aho bari bavuye mu rugendoshuri mu gihugu cya Tanzania.

Ni urugendoshuri rwari rugamije kwiga imikorere n’imitegurire ya shampiyona ya Tanzania ku buryo mu Rwanda naho babigenderaho hategurwa iyahano,  

Muri uru rugendo kandi, abayobozi ba Rwanda Premier League basuye ishyirahamwe ry’umupira w’amaguru muri Tanzania ndetse basura n’amakipe arimo Young Africans, Simba SC ndetse na Azam FC.

Mudaheranwa Hadji uyobora Rwanda Premier League aganira na n’itangazamakuru, yavuze ko urugendo rwabo rwagenze neza kandi bize byinshi. 

Yagize ati” Urugendo rwagenze neza, twashakaga kumenya uko abandi bakora, ndetse tukamenya ibyo bibanzeho kugira ngo ibintu byabo bigenze neza, birimo ibikorwa remezo n’ibindi byatumye shampiyona yabo iri ku mwanya wa 5 mu zikomeye muri Afurika. Hari ibyo twabigiyeho dushaka kubakiraho, ku buryo natwe twagira shampiyona nziza.”

Mudaherwa Hadji usanzwe uyobora ikipe ya Gorilla FC ni umwe mu bayobozi ba Rwanda Premier League bamaze igihe mu mupira w’amaguru mu Rwanda

Tariki 12 Nzeri uyu mwaka ni bwo aba bayobozi ba Rwanda Premier League bahagurutse mu Rwanda berekeza muri Tanzania, aho bahisemo iki gihugu nka kimwe mu bituranye n’u Rwanda byabashije gushyira shampiyona ku murongo.

Jule Karangwa wagiye ari ku ruhande rwa Rwanda Premier League na FERWAFA, yemeza ko ibyo babonye muri Tanzania no mu Rwanda byashoboka, mu gihe haba guhozaho mu bayobozi.

Yagize ati” Tugendeye ku masomo tuhakuye, turizera ko shampiyona zacu zizajya ku rwego rushimishije. Ntabwo ari ibintu bizahita biba, gusa bigomba gukorwa. Icyo twavuga gikomeye, ni uko umupira wacu wagira guhoza ho. 

Twagiye tugira ikibazo cy’abayobozi bahindahurika cyane, ndetse bigira ingaruka ku mishinga yabaga yarateguwe. Urugero naguha, ubu iyi League tuvuga iba yaratangiye na mbere ariko kubera impinduka zo muri FERWAFA ntabwo byakunze. Birasaba ko tugira ubuyobozi buhamye muri Rwanda Premier League ndetse no muri FERWAFA kugira ngo buri kimwe kigerweho.”

Shampiyona y’icyiciro cya mbere mu Rwanda igeze ku munsi wa kane, gusa ikaba igifitwe mu biganza na FERWAFA, n’ubwo hakiri gushakwa uburyo Rwanda Premier League yayifata byimbitse.

Abayobozi ba Rwanda Premier League bageze ku kibuga cy’indege, babanje gukora akanamo gato 

Mvukiyehe Juvenal ikipe ya Kiyovu Sports abereye umuyobozi yanganyije na Gasogi United kuri uyu wa 5 adahari 

Gahigi Jean Claude uyobora Bugesera FC nawe ni umwe mu bayobozi ba Rwanda Premier League 

Itsinda ry’abayobozi bari bagiye mu rugendoshuri muri Tanzania 

Ku gicamunsi cyo kuri uyu wa Gatandatu, ni bwo Manishimwe Djabel yafashe indege yerekeje muri Algeria, aho agiye gukomereza urugendo rw’umupira w’amaguru mu ikipe ya USM Khenchela. 

Manishimwe Djabel yageze ku kibuga cy’indege cya Kanombe ku isaha ya saa 13:30 PM aho yari aherekejwe n’umugore we, abakinnyi bakinanye ndetse n’umuryango w’umugore we.

Manishimwe Djabel ukinira ikipe y’igihugu “Amavubi”, tariki 9 Nzeri 2023, ni bwo yasinyiye ikipe ya USM Khenchela yo muri Algeria, amasezerano y’imyaka ibiri. Ikipe ya USM Khenchela Manishimwe Djabel yerekejemo, yaraye itangiye shampiyona itsinda ikipe ya ES Sétif igitego kimwe ku busa.

“>

Ubwo yaganiraga na InyaRwanda, Manishimwe Djabel yavuze ko afite icyizere cyo kuzitwara neza muri iyi kipe. Yagize ati” Ikipe yanjye naraye nyirebye ubwo yatangiraga shampiyona, kuko bampaye uburyo nayirebamo. Ni ikipe nziza ikina umupira wo hasi, kandi nanjye niwo nkunda, bimpa icyizere cy’uko nshobora kuzahagirira ibihe byiza.”

Manishimwe Djabel ubwo yerekezaga muri Mukura Victory Sports, yasinye amasezerano y’umwaka umwe, gusa yari agishakisha ikipe hanze y’u Rwanda, byaje kurangira yerekeje muri Algeria.

Umuryango wa Manishimwe Djabel wari wamuherekeje ibyishimo ari byose

Manishimwe Djabel arimo asaba umusore we ko azihangana bidatinze akamusangayo 
Mugunga Yves wakinanye na Djabel muri APR FC yari yaje kumuherekeza

Manishimwe Djabel afata agafoto k’urwibutso na Sebukwe 
Umuryango wa Manishimwe Djabel


Djabel abwira umugore we ati ‘humura tuzahorana’

Manishimwe Djabel ari kumwe na bamwe mu bakinnyi bakinanye mu buto, ubwo babaga i Kiramuruzi mu karere ka Gatsibo 

Ifoto ya Djabel ubwo yiteguraga kurira indege 

KANDA HANO UREBE AMAFOTO MENSHI 

AMAFOTO: Ngabo Serge – InyaRwanda

VIDEO: Ngabo Serge – InyaRwanda

Sakwe, Sakwe! … Soma! 'Inka yanjye irisha ku muhanda ntawunyuraho atayishituye.' … 'Urutoryi'. Ushatse wavuga n’Ikipe y’Igihugu Amavubi kuko nayo niyo kipe byoroshye gutsinda uko wiboneye.

Amarira, agahinda, ikiniga ni byo byasaritse imitima y’abakunzi b’ikipe y’igihugu y’umupira w’amaguru y’u Rwanda 'Amavubi’ kubera kubima ibyishimo, ni mu gihe mu baturanyi bo ibyishimo byabaye umuco babikesha umupira w’amaguru.

Agasongero k’ibyishimo bya ruhago abanyarwanda bagize ni 2003 ubwo Amavubi yabonaga itike y’igikombe cy’Afurika cya 2004 cyabereye muri Tunisia, kuva icyo kugeza uyu munsi ntirurabasha gusubirayo.

Muri iyi nkuru tugiye kugaruka ku musaruro mbumbe w’Amavubi mu rugendo rwo gushaka itike y’Igikombe cy’Afurika kuva nyuma y’icya 2004 yitabiriye.

Kuva icyo gihe kugeza uyu munsi hamaze gukinwa ibikombe by’Afurika 8, u Rwanda rwarakutirije ariko gusubirayo byaranze neza.

Kuva icyo gihe kandi kugeza uyu munsi Siporo y’u Rwanda yagiye iyoborwa n’abayobozi batandukanye yaba MINISPORTS cyangwa se FERWAFA, bose intero iba ari imwe ni ugusubiza Amavubi muri CAN ariko byaranze.

Kuva 2009 Afurika y’Iburasirazuba yagirwa n’ibihugu 5, U Rwanda, Kenya, Uganda, Burundi na Tanzania, u Rwanda ni cyo gihugu rukumbi kitarabasha kubona itike y’Igikombe cy’Afurika.

Kenya yaherukaga mu gikombe cy’Afurika 2004 ubwo u Rwanda rwajyagayo bwa mbere ari nabwo ruherukayo, 2019 yongeye gusubira mu gikombe cy’Afurika, Uganda uretse imyaka yabanje iherukayo 2017 na 2019, u Burundi bwagiyeyo 2019 ubu bukaba busabwa gutsinda Cameroun bagahita babona itike hari kandi na Tanzania yagiyeyo 2019 n’ubu ikaba yamaze kubona itike y’igikombe cy’Afurika cya 2023 (kizakinwa 2024).

Mu gushaka itike y’igikombe cy’Afurika cya 2006, u Rwanda rwari mu itsinda D ryari rigizwe n’amakipe 6, rwasoje ku mwanya wa nyuma n’amanota 5 nyuma yo gutsinda umukino umwe, ikanganya 2 rugatsindwa imikino 7.

Mu gushaka itike y’igikombe cy’Afurika cya 2008 u Rwanda rwisanze mu itsinda E aho rwari kumwe na Cameroon yaje kubona itike, Guinea Equatorial, Amavubi na Liberia. Kuri iyi nshuro rwasoje ku mwanya 3 n’amanota 6 aho rwatsinze imikino 2 rugatsindwa 4 (rwatsindiye Liberia na Equatorial Guinea mu Rwanda).

Mu gushaka Itike y’Igikombe cy’Afurika 2010, u Rwanda rwasoje ku mwanya 2 mu itsinda ry’amakipe 3, Maroc (ari nayo yabonye itike), u Rwanda na Mauritania ni mu gihe Ethiopia yo itakinnye kubera ko yahanwe na FIFA. Muri iri tsinda rya 8, Amavubi yasoje ku mwanya 2 n’amanota 9 yanganyaga na Maroc yagiye mu cy’Afurika ariko irusha u Rwanda ibitego bazigamye.

Mu gushaka itike y’Igikombe cy’Afurika cya 2013, u Rwanda ntirwarenze umutaru kuko rwasezererewe mu ijonjora ry’ibanze na Nigeria ku giteranyo cy’ibitego 2-0.

Mu gushaka icya 2015 nibwo u Rwanda rwarenze ijonjora rya mbere n’irya kabiri aho rwasezereye Libya na Congo Brazaville rugomba kujya mu matsinda yo guhatanira iyi tike ariko ruhita rusezererwa kuko byagaragaye ko rwakinishije umukinnyi ufite imyirondoro ibiri itandukanye kandi yose akiniraho ari we Daddy Birori.

Igikombe cy’Afurika cya 2017 u Rwanda rwisanze mu itsinda H na Ghana, Mozambique na Mauritius. Rwasoje ku mwanya wa 3 n’amanota 7 rwatsinze imikino 2 runganya umwe rutsindwa 3.

Mu gushaka itike y’Igikombe cy’Afurika cya 2019, u Rwanda nabwo rwisanze mu itsinda H na Guinea, Ivory Coast (ni zo zaje kubona itike) Central African Republic. Rwasoje ku mwanya wa nyuma n’amanota 2 aho nta mukino n’umwe rwatsinze ahubwo rwanganyije 2.

Icya 2021 rwisanze mu itsinda G kumwe na Cameroon na Cape Verde (nizo zaje kubona itike) na Mozambique. Rwasoje ku mwanya wa 3 rutsinze umukino 1, runganya 3 rutsindwa 2.

Kuri iyi nshuro hashakwa itike y’Igikombe cy’Afurika cya 2023 kizaba muri 2024, Amavubi yisanze mu itsinda L na Senegal yamaze kubona itike, Mozambique na Benin zigomba kwishakamo ijyana nayo ni mu gihe u Rwanda ari urwa nyuma n’amanota 2 rukaba ejo rufite umukino na Senegal usoza itsinda udafite icyo umaze.

Amavubi niyo kipe ikurwaho amanota mu buryo bworoshye

Biravugwa ko Umunyamerika, Michael Andre Dixon agiye kurega ikipe ya Patriots BBC kubera ko itubahirije ibyo bumvikanye.

Muri Nyakanga 2023 nibwo Patriots BBC yari mu mpera za shampiyona isanzwe “Regular Season”, yasinyishije uyu mukinnyi w’Umunyamerika ariko ukinira Ikipe y’Igihugu ya Gergia w’imyaka 32 ngo aze kuyifasha mu mikino ya Kamarampaka.

Ku bw’amahirwe make uyu mukinnyi ntabwo yigeze akina imikino ya Kamarampaka kubera imvune.

Kubura kwa Dixon byatumye APR BBC isezerera Patriots BBC itageze ku mukino wa nyuma.

Dixon akaba yaravunikiye ku mukino usoza shampiyona isanzwe wo REG BBC yatsinzemo Patriots BBC.

Uku kuvunika kwa Dixon ntabwo muri Patriots BBC byavuzweho rumwe aho bivugwa ko bavuze ko yivunikishije kugira ngo adakina imikino ya kamarampaka, kimwe n’abandi bakinnyi ngo bayikinnye bakayikina nabi aho ngo hari n’iperereza iyi kipe yaba irimo gukora kugira ngo irebe icyabiteye.

Uko gushindikanya nibyo byatumye iyi kipe yanga kuvuza Michael Andre Dixon kandi biri mu masezerano bagiranye.

Uretse ibi kandi amakuru ISIMBI yamenye ni uko uyu mukinnyi agiye gutanga ikirego mu Ishyirahamwe ry’umukino wa Basketball mu Rwanda (FERWABA) arega iyi kipe kwanga kumuvuza no kumwima amafaranga bumvikanye.

Bivugwa bumvikanye ibihumbi 18 by’amadorali ariko iyi kipe ikaba yaramwishyuye ibihumbi 6 gusa andi akaba yarayimwe.

Dixon yabaye umukinnyi mwiza w’imikino ya nyuma ya BAL 2022 yegukanywe na US Monastir yo muri Tunisia.

Nyuma yo gutandukana na US Monastir yerekeje muri Kolossos Rodou yo mu Bugereki na yo atatinzemo kuko yahise ajya muri Montreal Alliance yo muri Canada baheruka gutandukana tariki 6 Nyakanga 2023.

Michael Andre Dixon agiye kurega Patriots BBC kubera kwanga kumwishyura

Perezida w’ikipe ya Rayon Sports, Uwayezu Jean Fidele yavuze ko umukino Al Hilal Benghazi ari ugupfa no gukira kuko bagomba kuyisezerera bagasubira mu matsinda.

Ni mu kiganiro n’itangazamakuru agaruka ku myiteguro y’iyi kipe igomba gukina umukino w’Ijonjora 2 rya CAF Confederation Cup na Al Hilal Benghazi yo muri Libya yasezereye Kakamega Homeboyz yo muri Kenya, ni mu gihe Rayon Sports yo itakinnye ijonjora rya mbere.

Umukino ubanza uzaba tariki ya 15 Nzeri muri Libya ni mu gihe uwo kwishyura ari hagati ya 28 na 29 Nzeri i Kigali mu Rwanda.

Uwayezu Jean Fidele yavuze ko ibijyanye n’urugendo bimeze neza aho iyi kipe izakoresha arenga miliyoni 70.

Yavuze ko muri ayo mafaranga asa n’ayabonetse kuko umuterankunga wabo, Skol yishyuye 70%.

Ati “Nkuko nababwiye Rayon Sports ari ikipe ifite abayikunda benshi, abafatanyabikorwa. Turashimira Skol kuko kuri uru rugendo 70% niyo yabikoze kuko yaguze amatike y’indege y’abakinnyi bose n’abatoza bazagenda.”

Yanashimiye kandi abakunzi ba Rayon Sports barimo kwitanga ngo urugendo ruzagende neza, ntabwo amafaranga yose araboneka ariko bizeye ko igihe kizagera yabonetse kuko bazahaguruka mu Rwanda ku wa Kabiri w’icyumweru gitaha.

Yakomeje avuga ko intego y’iyi kipe ari ukugera mu matsinda bityo ko uyu mukino ari umukino wo gupfa no gukira.

Ati “Intego yacu ni ugutsinda, tuzakora ibishoboka byose dutsinde umukino ubanza. Umukino wo kwishyura uzaba mu byumweru bibiri inaha kuri Kigali Pelé Stadium, turifuza gukora ibishoboka byose tukaguramo iyi kipe tukajya mu matsinda, birashoboka kuko dufite ikipe nziza, abakinnyi n’abatoza beza, birashoboka kuko si n’ubwa mbere kuko twagezeyo, birashoboka rero bizaba ari ugupfa no gukira.”

Rayon Sports ubwo iheruka mu mikino Nyafurika yageze mu matsinda ya CAF Confederation Cup muri 2018 ikaba ishaka gusibirayo.

Uwayezu Jean Fidele yavuze ko bagomba gutsinda uyu mukino ku keza n’akabi

Umukinnyi wa APR FC, Nsanzimfura Keddy yamaze gusinyira El Qanah FC yo mucyiciro cya kabiri mu Misiri.

Nsanzimfura Keddy unyura ku ruhande asatira cyangwa agakina inyuma ya ba rutahizamu yari amaze iminsi muri iki gihugu arimo akora igeragezwa muri iyi kipe ibarizwa mu Mujyi wa Ismailia.

Nyuma yo gutsinda iri geragezwa akaba yahise asinyira iyi kipe izakina mu cyiciro cya kabiri mu mwaka w’imikino wa 2023-24.

Keddy w’imyaka 21, yageze muri APR FC 2020 avuye muri Kiyovu Sports, kubera imyitwarire mibi muri Kanama 2022 yaje kohererwa kwitoreza mu Intare FC, nyuma yaje gutizwa Marines FC akinayo imikino yo kwishyura ya shampiyona ya 2022-23, ubu yamaze kumutanga mu Misiri.

Nsanzimfura Keddy yasinyiye El Qanah FC yo mu Misiri

Umutoza wari wungirije Carlos Alós Ferrer mu ikipe y’igihugu Amavubi, Jimmy Mulisa yanze gukomeza izi nshingano ahubwo ajya gukarishya ubumenyi, ni nyuma y’uko atongererewe amasezerano.

Bisabwe n’uwari umutoza mukuru Carlos Alós Ferrer, muri Gicurasi 2023 nibwo Jimmy Mulisa yahawe amasezerano y’amezi 3 nk’umutoza wungirije w’ikipe y’igihugu Amavubi.

Muri Kanama 2023 Carlos Alós yaje gusezera kuri iyi mirimo maze mu ntangiriro z’uku kwezi Komite Nyobozi ya FERWAFA yemeza ko Jimmy Mulisa wari usanzwe ari umutoza wungirije w’ikipe y’igihugu Amavubi, we na Seninga Innocent bahabwa inshingano zo kungiriza umutoza mukuru w’agateganyo, Gerard Buschier ku mukino wa Senegal uzaba tariki ya 9 Nzeri 2023.

Ni umukino usoza itsinda L mu gushaka itike y’igikombe cy’Afurika uzabera i Huye ndetse ukaba ntacyo uvuze ku Rwanda kuko ntacyo ruharanira aho rwamaze kuvamo.

Amakuru avuga ko amasezerano ya Jimmy Mulisa yarangiye tariki 4 Nzeri 2023, uyu mutoza bikaba bivugwa ko nyuma yo kubona ko atazahabwa amasezerano mashya, yahise amenyesha FERWAFA ko adahari kuri uyu mukino azaba ari mu mahugurwa yo gushaka License A ya CAF muri Tanzania.

Jimmy Mulisa kandi ibi bibaye bisa n’ibyabaye ku mukino wa Benin ubwo nabwo Carlos Alós Ferrer yari yamwitabaje ariko FERWAFA igatinda kumuha amasezerano maze ahitamo nabwo kutajyana n’iyi kipe nabwo yavuze ko afite amahugurwa ya License A muri Tanzania.

Uyu mutoza ubu akaba abarizwa muri Tanzania aho yahisemo kujya guhugurwa kurenza ibihumbi 600 yari kwishyurwa kuri uyu mukino wa Senegal.

Jimmy Mulisa yigiriye gukarishya ubumenyi muri Tanzania