Tag: Sport

Nyuma yo kugera mu Rwanda, umunyamerika Ashton Hall yavuze ko atari azi u Rwanda ahubwo ari Kagarara uzwi nka Ashton Small watumye arumenya.

Mu gicuku cyo mu ijoro ryakeye ni bwo Kagarara ari kumwe na Ashton Hall wamenyekanye cyane mu gukora sports ku mbuga nkoranyambaga na Indian Ashton Hall bageze mu Rwanda.

Ni nyuma y’uko bari bamaze iminsi bazenguruka ibihugu bya Afurika mu ruzinduko uyu Munyamerika yahisemo kugirira muri bimwe mu bihugu bigize uyu mugabane agahura n’abakunzi be, abigana ibyo akora n’abandi.

Akigera i Kanombe, Ashton Hall yabwiye Abanyamakuru benshi bari bamutegereje ko atari azi u Rwanda ahubwo ari Ashton Small watumye arumenya.

Ati “Mvugishije ukuri, mbere ntabwo nari nzi u Rwanda. Ni Ashton Small watumye ndumenya.”

Ashton Hall wishimiye kugera mu Rwanda, yabasabye kwima amatwi ababaca intege bitewe n’inzozi bifuza kugeraho.

Ati “Ntimukumve ababaca intege cyangwa ababita abasazi kubera ibyo mwifuza kugeraho.”

Ashton Hall yasabye abanyarwanda gukomeza gushyigikira Kagarara, banamukurikira ku mbuga nkoranyambaga ze.

Ni nyuma yo kwiyemeza gufasha Kagarara kugera ku mubare w’abamukurikira ku rubuga rwa Instagram bagera kuri miliyoni.

Ku wa 16 Kamena 2026 ni bwo Ashton Small yasangije abamukurikira amashusho atumiramo Ashton Hall gusura u Rwanda no kwibonera impano zidasanzwe z’Abanyarwanda.

Ashton Hall kuva icyo gihe yabaye inshuti na Kagarara ari bwo yamwitaga Ashton Small, batangira kuvugana kugeza ubwo yamutumiraga muri Ghana batangirana urugendo ruzenguruka Afurika, amusezeranya kuzasura u Rwanda nubwo rutari mu bihugu yateganyije.

Mu minsi azamara mu Rwanda bazasura ahantu hatandukanye mu Mujyi wa Kigali, banasure urugo rwa Kagarara ndetse banitabire ibikorwa bitandukanye byateguwe muri uru ruzinduko.

Baje mu Rwanda nyuma yo kuba muri Ghana, Cameroun, Nigeria na Bénin.

Bageze i Kigali basanga abantu benshi babategereje baje kubakira

Mu buryo butunguranye, myugariro wa Gasogi United, Nshimiyimana Marc Govin yakuwe mu bahataniye ibihembo by’ukwezi kwa Mutarama 2024, ni nyuma yo gusanga yarashyizwe mu cyiciro kitari cyo.

Mu ntangiriro z’iki cyumweru ni bwo hagiye hanze abakinnyi n’abatoza bazaba bahataniye ibihembo by’ukwezi kwa Mutarama 2024 bigendanye n’uko bitwaye muri shampiyona.

Gusa icyiciro cyatunguye benshi ni icyiciro cya ‘Save of the Month’ (uwakuyemo umupira ukomeye wagombaga kuvamo igitego), aho benshi bumvaga ari icyiciro cy’abanyezamu ariko hakaba habonetsemo na myugariro wa Gasogi United, Nshimiyimana Marc umupira yakuyemo kuri Rayon Sports.

Ubusanzwe abari bahatanye muri iki cyiciro ni; Khadime N’Diaye wa Rayon Sports kuri Gorilla FC, Nshimiyimana Marc Govin wa Gasogi United kuri Rayon Sports, Mfashingabo Didier wa Sunrise FC kuri Etoile del’Est na Hakizimana Adolphe wa AS Kigali kuri Kiyovu Sports.

Ibi byakuruye impaka nyinshi cyane yaba ku mbuga nkoranyambaga ndetse no mu itangazamakuru hibazwa icyo umukinnyi akora muri iki cyiciro aho benshi bahurizaga ku kuba ari icy’abanyezamu.

Byaje kurangira akuwemo cyane ko amashusho yagiye hanze asaba gutora muri iki cyiciro we atarimo ahubwo haisgayemo Khadime N’Diaye, Hakizimana Adolphe na Mfashingabo Didier.

Amakuru ISIMBI yamenye kandi yizewe ni uko nyuma y’izi mpaka zabaye, Rwanda Premier League n’abategura ibi bihembo byabaye ngombwa ko bongera kwicara ngo babyigeho neza.

Basanze harabayeho ikibazo cyo kudasobanura neza ibintu kuri iki cyiciro ko n’umukinnyi ashobora gukora ‘Save’ (gukuramo umupira wajyaga mu izamu kandi ukavamo igitego nta wundi uwukozeho), bitandukanye na ‘Clearance’ benshi bavuga ko ari yo abakinnyi bakora kandi ngo yo ari ugukuraho umupira ucaracara imbere y’izamu washoboraga gutsindwa n’undi, akaba ari ‘terms’ zikoreshwa kugira ngo hatandukanywe ibyo umukinnyi yakoze n’ibyo umunyezamu yakoze ariko ngo mu mategeko y’umupira ntaho ‘clearance’ igaragara nk’uko uwahaye amakuru ISIMBI yabisobanuye.

Nyuma yo kuganira hagati ya bo banitabaje n’abandi bantu kuri iyi ngingo kugira ngo bumve ibitekerezo bya bo, birangira bafashe umwanzuro ko iki cyiciro bakirekera abanyezamu gusa akaba ari na yo mpamvu hasigayemo batatu gusa.

Ibindi byiciro bihatanirwa

Igitego cy’ukwezi gihataniwe na Ishimwe Irene yatsinze kuri Police FC, Ruboneka Bosco wa APR FC yatsinze kuri Police FC, Ssali Brian wa Sunrise FC yatsinze kuri Police FC na Benadata Janvier wa AS Kigali yatsinze kuri Gasogi United.

Igihembo cy’Umukinnyi w’Ukwezi gihataniwe na Adenyika Salomon wa Musanze FC, Ruboneka Bosco wa APR FC, Kabanda Serge wa Gasogi United na Akayezu Jean Bosco wa AS Kigali.

Icy’Umutoza w’Ukwezi gihataniwe na Guy Bukasa wa AS Kigali, Thierry Froger wa APR FC, Mayanja Jackson wa Sunrise FC ndetse na Ruremesha Emmanuel wa Muhazi United.

Marc Govin yakuwe mu cyiciro cy’abanyezamu yari ahatanyemo

Kuri iki cyumweru tariki 18 Gashyantare nibwo isiganwa rya mbere muri Afurika mu gusiganwa ku magare Tour du Rwanda rizatangira aho amakipe hafi ya yose yamaze kugera mu Rwanda mu buryo bwo kwitegura neza agace ka mbere kazabera muri Kigali.

Chris Froome ni umwe mu bakinnyi bafite amazina aremereye muri uyu mukino ku Isi, kuko afite Tour de France zigera kuri 4, kari Tour de France rikaba ariryo siganwa rikomeye ku Isi muri uyu mukino. Nyuma yo kuza 2023 ntibigende neza, uyu mugabo w’imyaka 28, yatangaje ko yiteguye gusiga amateka muri Tour du Rwanda y’uyu mwaka.

Ibi yabitangaje mu kiganiro n’itangazamakuru cyabereye i Bugesera i Ntarama mu muhango wo kwizihiza isabukuru y’umwaka umwe ikibuga cya Field of Dreams kimaze gikinirwaho igare, aho Yagize Ati “Ubu nta kindi ndi kureba usibye Tour du Rwanda, umwaka ushize nagize isiganwa ryiza gusa nta ntsinzi nabonye, ariyo mpamvu uyu mwaka ngomba kongera nkagerageza kuko ndashaka gushyiraho agahigo muri iri siganwa.

Iri ni isiganwa rya mbere ngiye gukina muri uyu mwaka, ariyo mpamvu ngomba gutanga ibyange byose 100%. Nnabonye ko imihanda yagiye ihinduka, kandi ibirometero twakinnye umwaka ushize byari byinshi ugereranyije n’uyu mwaka, kandi dufite uduce dutandukanye numva ko bizahindura byinshi.

Chris Froome niwe ubwe wisabiye ko yagaruka gukina Tour du Rwanda, nyuma yaho umwaka ushoze nabwo yari ahari akaza kuba uwa 24 ku rutonde rusange.

Abana b’i Bugesera bishimiye guhura n’umukinnyi w’ikiraringirire nka Chris Froome

VIDEO: Eric Munyantore – InyaRwanda

Ikipe ya Israel-Premier Tech ikina amasiganwa akomeye ku rwego rw'Isi ndetse ikaba izakina Tour du Rwanda ya 2024, yifatanyije n'abanya-Bugesera kwizihiza isabukuru y'umwaka umwe, ikibuga cy'inzozi 'The Field of Dreams' kigizwe n'ibibuga bibiri by'umukino w'Amagare bizwi nka 'pump track' na 'race track', giherereye mu Karere ka Bugesera mu murenge wa Ntarama.

Uyu muhango wari witabiriwe na Ambadaseri wa Israël mu Rwanda, Einat Weiss; Mayor w'Akarere ka Bugesera, Mutabazi Richard; Ishyirahamwe Nyarwanda ry'umukino w'Amagare (FERWACY); Israel-Premier Tech na Bugesera WCT yari iharariwe na Innocente Uwamahoro.

Umwongereza Chris Froome watwaye Tour de France inshuro enye, ukinira iyi kipe yo muri Israël akaba yaranagize uruhare mu gukusanya inkunga yo kubaka iki kibuga, yitabiriye iki gikorwa arushanwa n'abakobwa bakinira Bugesera Women Cycling Team, ndetse muri Pump Track akaba yakinnye n'abana basanzwe bitoreza muri iki kibuga.

Chris Froome ari muri Pump Track ahanganye n’abana basanzwe bakoresha iki kibuga

Pump Track ikinirwaho hifashishijwe amagare amenyerewe mu guterera imisozi na 'Race Track' ikinirwaho hifashishijwe amagare asanzwe yo mu muhanda, byombi byubatswe binyuze mu bufatanye bumaze gushinga imizi hagati ya Israel-Premier Tech n'Ikipe y'Abagore ya Bugesera Cycling Team ishamikiye kuri Gasore Serge Foundation.

Umuyobozi w'Akarere ka Bugesera, Mutabazi Richard, yatangaje ko iki kibuga kimaze umwaka gifasha abana kumenya no kwiga umukino w'igare. Yagize ati: 'Mwiriwe neza, reka ntangire nshimira abantu mwe muri aha. 

Ni iby’agaciro kwakira igikorwa nk’iki, kuko umwaka uruzuye iki kibuga gikoreshwa n'abana bakiri bato kandi bitanga icyizere. Uyu ni umusaruro twakuye mubufatanye na Israel. Abana basaga 100 baza hano kwitoza, ndetse iki kibuga cyakira shampiyona y’abana mu byiciro bitandukanye.'

Ambasaderi wa Israel mu Rwanda, Einat Weiss, yanyuzwe n'ubwiza ikibuga gifite, ndetse ashimira ikipe ya Israel Premier Tech. Yagize ati: 'Nshimishijwe n’uburyo ikibuga kimeze, uburyo abana bagaragaje impano impano mu gusiganwa.  Israel Premier Tech mwakoze cyane, kandi mwakoze ku mwanya wanyu ndetse umuntu yabasaba gukoza gufata abana gukabya inzozi mu mwuga.'

Chris Froome ubwo yafataga ijambo yasabye abana gukomeza kwitoza kugira ngo bazavemo abakinnyi bakomeye ku Isi bavuye i Bugesera. Yagize ati “Nishimiye kugaruka hano umwaka wari ushize. 

Ndi kubona uburyo ibi bibuga biri gukoreshwa, abana muri gukina neza tugereranyije n’uko mwari mumeze mu mwaka ushize. Nasaba ko mwakomeze gukora imyitozo ubundi mu myaka itaha tukazabona umwana wa mbere ku Isi ukomoka mu Bugesera”.

Umwaka ushize ubwo iki kibuga cyatahwaga ku mugaragaro, umwe mu bayobozi b'ikipe ya Israel Premier Tech Sylvan Adams, yavuze ko impamvu bahisemo kubaka iki kibuga ari ukugira ngo bateze imbere umukino w'Amagare mu Rwanda rufite amateka ajya gusa neza n'ayabo.

Ati 'Twahisemo kubaka iki kibuga kubera impamvu ebyiri: Iya mbere ni uko nk'Abayahudi twifuza gukora ibintu byiza ku Isi, turi hano uyu munsi kubera indangagaciro zacu n'umuco wacu. Turi mu Rwanda kubera ko mwanyuze mu bihe bikomeye mu Kinyejana giheruka, nk'uko byagenze no ku Bayahudi na bo bakorewe Jenoside.'

Iki kibuga cyubatse mu ntara y’Iburasirazuba, Akarere ka Bugesera, Umurenge wa Ntarama, kikaba cyarubatswe ku bufatanye bw’ikipe ya Israel Premier Tech, Gasore Serge Foundation, ndetse n’ishyirahamwe ry’umukino w’amagare mu Rwanda FERWACY.

Chris Froome ahemba umwana wabaye uwa mbere mu gusiganwa mu muhanda w’amakorosi 

Chris Froome ari kuganira na Ambasaderi wa Israel mu Rwanda 

Abana basaga 100 ni bo bakoresha iki kibuga cya Field of Dreams 

Perezida w’ishyirahamwe ry’umukino wo gusiganwa ku magare, aha igihembo umusore witwaye neza mu bakinnyi bakoresha amagare asanzwe 

Abana b’abanyeshuri baturiye iki kibuga bari baje kwihera ijisho uko barumuna na bakuru babo bakora udushya mu mukino w’igare

KANDA HANO UREBE AMAFOTO MENSHI

AMAFOTO: Ngabo Serge – InyaRwanda

Mu gihe shampiyona y’icyiciro cya mbere mu Rwanda igeze ku munsi wa 21, abakinnyi 8 ntebemerewe gukina uyu munsi kubera amakarita bujuje.

Uyu munsi ni bwo utangira aho hari bukinwe umukino umwe gusa, wo Kiyovu Sports yakiramo Amagaju FC kuri Kigali Pelé Stadium saa 18h00′.

Abakinnyi 8 barimo Ndahiro Derrick wahawe ikarita itukura ku mukino wa Rayon Sports, ntabwo bemerewe gukina uyu munsi.

Gahunda y’umunsi wa 21 wa shampiyona y’icyiciro cya mbere mu Rwanda umwaka w’imikino wa 2023-24

Ku wa Gatanu tariki ya 16 Gashyantare 2024

Kiyovu Sports vs Amagaju FC

Ku wa Gatandatu tariki ya 17 Gashyantare 2024

Gasogi United vs Gorilla FC
Musanze FC vs Etincelles
Sunrise FC vs Mukura VS
Etoile del’Est vs Rayon Sports

Ku Cyumweru tariki ya 18 Gashyantare 2024

Bugesera FC vs APR FC
AS Kigali vs Marines FC
Muhazi United vs Police FC

Abakinnyi 8 batemerewe gukina umunsi wa 21

Nizigiyimana Karim Mackenzie (Kiyovu Sports)
Dusabe Jean Claude (Amagaju)
Felix Kone Lottin (AS Kigali)
Rucogoza Ellias (AS Kigali)
Nsabimana Hussein (Etincelles)
Gakwaya Olivier (Gasogi United)
Kubwimana Cedric (Mukura VS)
Ndahiro Derrick (Police FC)