Tag: news

On August 17, the markets, Nyabugogo and Nyarugenge were temporarily closed after they were found to be time bombs for the spreading of coronavirus.

The closure was supposed to be lifted effective August 25, but the City of Kigali extended the closure to August 30th “as testing continues.”

In addition to these markets, nearby stores are not allowed to continue operations until they are given a green card to resume.

The City of Kigali says the closure of these markets is part of a plan to continue testing traders that are not yet tested and examine if there are no new cases.

Rwandans are required to continue to comply with government regulations, especially with frequent washing of hands and water and soap, wearing masks when leaving home or in public.

Nicole Kamanzi M.

The factory, built in the Masoro industrial zone, is expected to start operations in mid-September, where it will be making drugs of various types, with about 80% of its employees being Rwandans.

In addition to providing employment, it will also reduce the country’s import of pharmaceuticals by between 10% and 20%.

Apex Biotech co-founder Herbeton Madari told the media that they will start with producing 10 types of drugs.

“We are now ready for the work to start in mid-September as everything has been put in place, and machinery installed. We will start with 10 types of drugs and then expand as time goes by.”

The factory will have the capacity to produce 800 million packs of pills a year, 200 million capsules and, eight million bottles of syrups.

Rwandan and Bangladeshi investors have shares in the new company.

IGIHE

Umukinnyi w’ikipe y’igihugu yo gusiganwa ku magare, Mugisha Samuel yishyuriye abatishoboye ubwisungane mu kwivuza(Mituelle) bagera kuri 50.

Uyu musore wegukanye Tour du Rwanda 2018, aba bantu yishyuriye ni abo mu Karere ka Nyabihu mu murenge wa Mukamira.

Uyu mukinnyi yabwiye Imvaho Nshya ko iki gitekerezo yakigize nyuma y’uko abonye hari abantu badashoboye kwiyishyurira ubwisungane mu kwivuza, ni nyuma yo kubiganiraho na nyina umubyara ndetse n’ubuyobozi bw’umurenge wa Mukamira.

Yagize ati“ Nararebye ndavuga nti nubwo ntafite byinshi ariko nagerageza ngafasha nk’abantu 50 nkabagurira mituweri kugira ngo bage babona uko bivuza.”

Umunyamabanga Nshingwabikorwa w’Umurenge wa Mukamira, Munyansengo Fred yavuze ko ari igikorwa bishimiye kandi imiryango ifunguye kuri buri wese wifuza gufasha abatishoboye.

Ati“ Buri wese wagira ubushobozi yafasha kuko turacyafite abaturage badafite ubushobozi bwinshi cyane muri iki gihe cya COVID-19, n’undi wese ufite ubushobozi n’ubumuntu nta bwo yabura icyo afasha.”

Ni igikorwa yakoze muri Nyakanga 2020 mbere y’uko muri Kanama 2020 yerekeza mu ikipe ya LMP-La Roche Vendée Cycling ibarizwa mu Burengerazuba bw’u Bufaransa mu Mujyi wa Nantes.

Mugisha Samuel yazamukiye mu ikipe ya Benediction y’i Rubavu, kuva muri 2017 kugeza 2019 akinira ikipe ya kabiri ya Dimension Data for Qhubeka.

Mugisha Samuel yishyuriye abatishoboye Mituelle 50

Nyuma yo gukubita umupolisi, myugariro wa Manchester United, Harry Maguire yakatiwe igifungo gisubitswe cy’amezi 21 n’iminsi 10.

Uyu myugariro w’imyaka 27, yafatiwe ku kirwa cya Mykonos mu Bugereki ku wa Kane w’icyumweru gishize ubwo yari kumwe na murumuna we Joe n’inshuti ya bo Christopher Sharman.

Bafatiwe hanze y’akabari, Maguire yaje gukubita umupolisi wari uje guhosha imirwano y’abantu barwaniraga kuri ako kabari.

Mu kwiregura yavuze ko barimo bakiza mushiki wa bo wari wahawe ibiyobyabwenge.

Maguire akaba yarashinjwe ibyaha birimo gukubita no gukomeretsa, gutanga ruswa kugira ngo babareke.

Barafashwe barafungwa ariko bahita barekurwa, gusa ku munsi w’ejo tariki ya 25 Kanama 2020, Harry Maguire yaje gukatirwa igifungo gisubitswe cy’amezi 21 n’iminsi 10, bivuze ko atazahita afungwa kuko ari ubwa mbere yari agaragaye mu cyaha, gusa aramutse yongeye gukora ikindi cyaha yagihanirwa noneho agahita afungwa n’iki yakatiwe.

Uyu myugariro akaba na kapiteni wa Manchester United, yavuze ko agiye guhita ajurirra iki cyemezo kuko ahamya ko we ari umwere.

Ibi byanamugizeho ingaruka kuko yahise akurwa mu bakinnyi b’ikipe y’igihugu y’u Bwongereza yahamagawe bitegura imikino ya UEFA Nations League.

Maguire yakatiwe igifungo gisubitse cy’amezi 21

Myugariro w’ikipe ya APR FC, Iminishimwe Emmanel[Mangwende], avuga ko iyi kipe kuba yaraguze Niyomugabo Claude bakina ku mwanya umwe byatumye atirara ahubwo yakoze cyane kugira ngo yizere umwanya uhoraho.

Umwaka ushize wa 2019, APR FC yafashe umwanzuro wo kugura undi myugariro wo ku ruhande rw’ibumoso bamukuye muri AS Kigali ari we Niyomugabo Claude, akaba yarasanzemo Mangwende bakina ku mwanya umwe ndetse akaba n’umukinnyi w’ikipe y’igihugu.

Abantu babifashe bitandukanye aho bavugaga ko Claude akoze amahitamo mabi kuko atazabona umwanya wo gukina kandi nyamara ari umukinnyi ukiri muto ufite impano ukeneye umwanya uhoraho wo gukina.

Aganira na ISIMBI, Mangwende yavuze ko kuza kwa Niyomugabo Claude byamufashije byatumye akora cyane kuko ari umukinnyi mwiza, bityo ko ikosa ryose yakora yahita atakaza umwanya.

Yagize ati“Claude[Niyomugabo] ni umukinnyi mwiza, gusa ntabwo navuga ngo yaje kugira ngo ansimbure kuko kugira ngo ukine ni uko uba wakoze, iyo ntahari aramfasha, ni umukinnyi watumye ntizera umwanya ubanzamo, ntakoze yanyambura umwanya, ni umukinnyi wampaye akazi gakomeye ndakora cyane kugira ngo ngumane umwanya wanjye. Turakora uwakoze neza ni we ukina, ni umukinnyi ni yo ntahari mba nizeye ko ari bufahe ikipe agatanga nk’ibyo natanga.”

Yavuze kandi ko adahanganiye umwanya na we, ahubwo bakora cyane bityo umutoza uwo abonye ashoboye ni we ujya mu kibuga kandi agafasha ikipe ya bo kwitwara neza.

Niyomugabo Claude, umwe mu basore batanga icyizere mu minsi iri imbere

Mangwende ngo iyo adahari abazi ko nta kibazo cyavuka ku mwanya we Claude ahari

Myugairiro wa Rayon Sports, Kayumba Soter ahamya ko akiri umukinnyi w’iyi kipe nyuma yo kwicarana n’ubuyobozi bwa Rayon Sports ku kibazo cy’umwenda bamufitiye ndetse ko bamaze kumvikana ubu ategereje ko bubahiriza ibyo bumvikanye.

Uyu myugairiro ukina mu mutima w’ubwugarizi, Rayon Sports imufitiye amafaranga agera kuri miliyon 4, ni umwe mu bakinnyi byavugwaga ko ashobora gusohoka muri iyi kipe.

Aganira n’ikinyamakuru ISIMBI yavuze ko akiri umukinnyi wa Rayon Sports kuko akiyifitiye amasezerano, gusa ngo hari ibyo igomba kubahiriza.

Yagize ati“kubera ko nkibafitiye amasezerano ndaycari umukinnyi wa Rayon Sports, gahunda yo gutandukana ntabwo irabaho nta n’ubwo ndi kubiteganya cyane, icyo ntegereje ni uko ibintu byongera bikagenda neza ubuyobozi bwa Rayon Sports bukubahiriza ibiri mu masezerano.”

Ahamya ko akiri umukinnyi wa Rayon Sports

Mu minsi yashize, perezida w’iyi kipe yumvikanye avuga ko Soter batamufitiye umwenda wa miliyoni 4 nk’uko yabivuze, Soter avuga ko nyuma y’uko atangaje ibi yavuganye n’ubuyobozi bw’ikipe kandi bukaba bwemera ko ari yo mafaranga bamufitiye.

Yagize ati“ntabwo ubuyobozi bwa Rayon Sports bwigeze buhakana ko bundimo amafaranga, kandi ntekereza ko agera muri miliyoni 4, kiriya gihe sinzi uko byari byagenze ariko ntabwo babihakana. Nyuma y’uko abivuze, perezida twaravuganye turaganira ampa icyizere kandi nanjye nizeye ko bizakemuka vuba.”

N’ubwo hari amakuru yemeza ko yaba yaravuganye n’ikipe ya AS Kigali yahoze akinira, uyu mukinnyi yabihakanye aho yavuze ko nta kipe n’imwe yo mu Rwanda baraganira kuko amenshi azi ko afite amasezerano ya Rayon Sports.

Kayumba Soter yasinyiye Rayon Sports amasezerano y’umwaka umwe n’igice, akaba asoje amezi 6 ubu asigaje umwaka umwe.

Rayon Sports yemera umwenda imufitiye

Kakule Mugheni Fabrice wakiniye amakipe atandukanye mu Rwanda nka Rayon Sports, yamaze kumvikana n’ikipe ya AFC Leopards yo muri Kenya kuba yayikinira kugeza muri 2022.

Muri Kamena 2020 ni bwo Kakule yasoje amasezerano ye mu ikipe ya Rayon Sports, yahise asezera ku bafana b’iyi kipe avuga ko atagikomezanyije na yo bitewe na gahunda iyi kipe ifite yo gukinisha abakiri bato, ni mu gihe bari bananiranywe ku ngingo yo kongera amasezerano.

Mu minsi ishize akaba yarabwiye ISIMBI ko hari ikipe yo muri Kenya bamaze kumvikana ariko atifuza guhita atangaza.

Ku wa Gatandatu w’icyumweru gishize akaba yarafashe indege avuye iwabo muri DR Congo ahita yerekeza muri Kenya kurangizanya n’ikipe ya AFC Leopards.

Nk’uko bigaragara ku mafoto uyu musore yashyize kuri Instagram ye, ari ku ibiro by’ikipe ya AFC Leopards, yifotoreje ku birango byayo, amakuru akavuga ko ibye na AFC Leopards byarangiye ubu ari umukinnyi w’iyi kipe.

Kakule Mugheni Fabrice, biteganyijwe ko azerekanwa hagati mu kwezi gutaha kwa Nzeri 2020.

Ku biro by’ikipe ya AFC Leopards

Uyu muturage atuye mu mudugudu wa Kagano, Akagari ka Kizimyamuriro umurenge wa Buruhukiro mu karere ka Nyamagabe.

Iki gikorwa cy’indashyikirwa cyabaye muri Gicurasi uyu mwaka aho Nzamuturimana yabonye iyi nyamanswa y’Ifumberi aho kugira ngo ayice ayirye nk’uko abandi babigenza we agahitamo guhamagara abakozi ba RDB.

Ubwo yari ategereje ko abakozi ba RDB bamugeraho, yafashe iyi nyamaswa imeze nk’ihene ayishyira mu nzu, ayiha ubwatsi bw’urubingo iba irya.

Nzamuturimana w’imyaka 28, aganira na UKWEZI yavuze ko icyatumye afata icyemezo cyo guhamagara abakozi ba RDB ari uko yari amaze iminsi yumva mu itangazamakuru ubutumwa buvuga ko inyamaswa zo mu gasozi zifite akamaro.

Yagize ati “Naje gukurikira kuri radiyo numva ko inyamaswa zidufitiye akamaro niyo mpamvu nafashe icyo cyemezo”.

Nzamuturimana asaba abaturage bagenzi be gucika ku muco yo gushimuta inyamaswa z’agasozi, agasaba ko uzajya abona inyamaswa yarenze imbibi za parike yajya abimenyesha ubuyobozi.

Ati “Inama nagiye abaturage bagenzi bage ni uko bareka guhiga inyamaswa z’agasozi kuko arayirya yego ariko nta kintu byamumarira pe. Akeneye inyama yazigura mu mabagiro ziba zirimo z’ihene n’inka”. Ubusanzwe inyamanswa y’Ifumberi hari abajya kuzihiga muri Nyungwe bakazirya ariko Nzamuturimana we yanze kuyirya kuko aziko ikurura ba mukerarugendo

Guverinoma y’u Rwanda mu rwego rwo kurengera urusobe rw’ibinyabuzima biri muri za parike, abazituriye bahabwa ibikorwa by’iterambere biva mu mafaranga ava mu bukerarugendo.

10% by’amafaranga ava mu bukerarugendo akoreshwa mu kuzamura imibereho y’abaturiye za pariki, aho bahabwa amashuri, amavuriro n’ibindi.

Akarere ka Nyamagabe kuva muri 2005 kugera muri 2017 kari kamaze guhabwa miliyoni 230 z’amafaranga y’u Rwanda, mu gihe Leta yari imaze gukoresha miliyari 1.1Frw.

Umuyobozi w’Akarere ka Nyamagabe, Uwamahoro Bonaventure ashimira uyu muturage wagaragaje urukundo rwo kurengera ibidukikije.

Agira ati “Natwe twaramushimiye ndetse tunereka abaturage ko akwiye kubabera urugero rwiza. Urumva ko iyi ari imyumvure n’ubundi dushaka ko abaturage bose bagira mu rwego rwo kurinda ishyamba rya Nyungwe n’urusobe rw’ibinyabuzima biyirimo,navuga inyamaswa,byaba ibiti n’ibindi binyabuzima,kutabyangiza kugira ngo bikomeze kutugirira akamaro kurushaho”.

Meya Uwamahoro akomeza avuga nk’akarere basabye abafatanyabikorwa b’akarere mu kubungabunga ibidukikije,kujya bahemba abaturage bagaragaje ibikorwa byiza byo kurengera urusobe rw’ibinyabuzima.

Dr Imanishimwe Ange, Umuyobozi w’Umuryango BIOCOOR (Biodiversity Conservation Organisation) wita ku rusobe rw’ibinyabuzima ufite ikicaro mu karere ka Nyamagabe avuga ko bateganya kugabira Nzamuturimana inka y’ishimwe ku gikorwa cy’indashyikirwa yakoze.

Nk’umushakashatsi mu bijyanye no kurengera ibidukikije mu Rwanda, Dr Imanishimwe avuga ko kuba guverinoma y’u Rwanda isigaye ifata 10% by’amafaranga yavuye mu bukerarugendo ikayakoresha mu kuzamura imibereho y’abaturiye za parike byatumye abaturage bahindura imyumvire baba inshuti z’urusobe rw’ibinyabuzima.

Ishyamba rya Nyungwe riherereye mu majyepfo ashyira iburengerazuba bw’u Rwanda, muri 2004 nibwo ryahindutse Parike y’Igihugu ya Nyungwe. Iyi pariki iri ku buso bwa kilometero kare zisaga 1000, irimo amoko 1250 y’ibimera, amoko 367 y’inyoni, n’inyamaswa zirimo amoko 13 y’inkende.