Tag: Muzika

Uyu muhanzi uri mu Rwanda muri iki gihe, dore ko akorera umuziki muri Leta Zunze Ubumwe za Amerika, avuga ko ibyo yaririmbye muri iyi ndirimbo atari ukuri ariko ‘nzi benshi banyura mu bibazo nk’ibyo ukitanga cyane, ugatanga buri kintu amaherezo ugahemukirwa'.

Ibi ngo nibyo byatumye yicara ashushanya urugendo rw’umukobwa wakunze umusore wari ufite ubumuga bwo kutabona, kubera urukundo bikagera ubwo amwitangira akamuha amaso ye umusore akongera kureba nyuma y'igihe kinini.

Akomeza ati 'Umukobwa yabaye impumyi, hanyuma umusore arongera arareba kubera ko umukobwa yari yamuhaye amaso ye.'

Muchoma avuga ko amaherezo, uyu musore yaje guhemukira uyu mukobwa atangira kumuca inyuma ‘kubera ko atabonaga, nyine urumva byari agahinda n’akababaro’.

Ibi binagaragara mu ikinankuru y'iyi ndirimbo, aho umusore atangira kuzana abandi bagore kubera ko umukunzi we atabonaga.

Muri iyi ndirimbo, Muchoma agaragaza ukuntu uyu mukobwa yashenguwe n’ukuntu umukunzi we yahaye amaso yahindutse mu gihe gito, akamuca inyuma amuzaniraho abandi bagore, bituma uyu mukobwa afata icyemezo cyo kwiyahura.

Ati 'No mu mashusho y’iyi ndirimbo biragaragara. Ni indirimbo y’agahinda muri macye, igaragaza uburyo ushobora gukunda umuntu utari uwa nyawe. Hanyuma umuntu yanakubwira ati mwihorere ntushake kubyumva ugakomeza ugahatiriza, ariko amaherezo bikazakugeza ahantu hatari heza.'

Uyu muhanzi avuga ko n'ubwo nta muntu azi ibi byabayeho, ariko hanze aha hari benshi banyura mu bigeragezo nk'ibi, aho umuntu ashobora gukunda urukundo rukamurira mu gihe gito. Muchoma yasohoye amashusho y'indirimbo ateye agahinda yise 'Amarangamutima' 

Muchoma yavuze ko ibyo yaririmbye atari inkuru mpamo

KANDA HANO UREBE AMASHUSHO Y'INDIRIMBO ‘AMARANGAMUTIMA' YA MUCHOMA

“>

Kenny ni izina ryamamaye cyane ubwo Irene Murindahabi yari ari mu kazi agahurira nawe mu muhanda yamuririmbira akumva afite impano idasanzwe bityo akagira umuhate wo kumufasha nk'uko yagiye abitangaza.

Nyuma yo kumufata no kumufasha, bakoze indirimbo yari yaramuririmbiye ariyo “Imana y'imihanda” yanaje gukundwa cyane kuko ubwo yari amaze kuyishyira ku rubuga rwa youtube rushya rwitwa Morodekayi8 Nation ntawitaye ko ari nshya ahubwo yararebwe karahava.

Iyi ndirimbo kugeza ubu imaze kurebwa n'abarenga ibihumbi ijana na mirongo itanu mu minsi 7 imaze isohotse, niyo iyoboye urutonde rwa InyaRwanda Music Top 10 n'amajwi menshi bigaragaza uburyohe n'urukundo iyi ndirimbo y'uyu munyempano ifite.

Irene Murindahabi ubwo yahuraga na Kenny

Indirimbo 10 zatoranyijwe hagendewe ku majwi y'abakunzi b'umuziki nyarwanda batoye bibanze cyane kuri iyi ndirimbo maze bayihundagazaho amajwi karahava.

Urutonde rw’indirimbo zikunzwe mu Rwanda ruyobowe na Imana y’Imihanda ya Kenny

Izi ndirimbo 10 ziri mu ndirimbo 15 zari zatoranyijwe n'abakunzi b'umuziki nyarwanda, itsinda ry'abanyamakuru ba InyaRwanda.com n'abandi banyamakuru batandukanye bakurikiranira hafi umuziki nyarwanda maze zishyirwa ku mbuga nkoranyambaga za InyaRwanda kuri Facebook na Instagram maze harebwa amajwi buri ndirimbo yagize.

KANDA HANO UREBE INDIRIMBO IMANA Y’IMIHANDA YA KENNY

Clapton Kibonge ni umukinnyi wa Filime, umunyarwenya waryubatse, akaba n’umuhanzi ukora indirimbo zisingiza Imana. Urugendo rwe rw’umuziki, yarutangiye akora indirimbo za Gospel ariko akazikora mu buryo busekeje ni ukuvuga zikaba zisekeje ariko zuje n’ubutumwa aho twavugamo indirimbo ‘Fata telefone Mana’ yamwongereye igikundiro, ariko kuri ubu indirimbo ari gukora usanga nta rwenya ruba rurimo ahubwo aba ari ubutumwa gusa aho twavuga iyo aherutse gukora yitwa ‘Isengesho’ yifashishijemo Yayeli n’abandi.

Icyakora indirimbo nshya yateguje, ishobora kuba irimo urwenya ukurikije amafoto ayamamaza yashyize hanze. Hashize iminsi micye Clapton Kibonge asangije abakunzi be kuri Instagam ifoto imugaragaza asa nk’umusirikare ukomeye wakoze ubukwe, iruhande rwe hari umukobwa wambaye agatimba ndetse na Serge Iyamuremye abahagaze iruhunde ameze nk’ucungiye umutekano Clapton. Ni ifoto yateje urujijo mu bantu na cyane ko Clapton atigeze asobanura byinshi kuri yo ahubwo yaranditse ati “Wamenya ari ibiki?”

Benshi mu babonye iyo foto bibajije ibibazo byinshi, bamwe bakeka ko ari Filime aba bombi bari gukora, abandi bavuga ko Clapton ashobora kuba ‘yasubiyemo ubukwe bwe’, abandi bavuga ko ishobora kuba ari indirimbo bakoranye. Umunyarwenya mushya utanga icyizere cy’ejo heza yagize ati “General ararongoye”. Ishimwe Ben ati “Serge yabaye Bouncer, ibi bintu birakaze”. Yves Rugamba ati “Ni ukwamamaza MTN”. Danny ati 'Serge Iyamuremye se aje muri sinema nawe?”. Hari n'undi wavuze ati “Iyi ndirimbo izaba ikomeye pe”.

Clapton na Serge bakoranye indirimbo izaba irimo udushya twinshi

Ku mugoroba w’uyu wa Kane tariki 02 Ukuboza 2021,  ni bwo Clapton yakuye urujijo yateje abantu, maze ashyira hanze ifoto iteguza indirimbo yakoranye na Serge Iyamuremye. Kuri iyo foto, handitseho ko iyo ndirimbo yitwa ‘He made a way’. Clapton na Serge bagaragara bombi bambaye amataratara, bari kureba mu kirere. Munsi y’iyo foto, Clapton yanditse ati “Muriteguye?”. Clapton Kibonge yabwiye InyaRwanda.com ko iyi ndirimbo yabo iri bujye hanze kuri uyu wa Gatanu tariki 03 Ukuboza 2021.

InyaRwanda yamenye amakuru ko ‘He made a way’ ari indirimbo ibyinitse, izakundwa na buri mukunzi w’aba bahanzi ndetse n’abakunzi ba muzika nyarwanda muri rusange. Clapton agiye gushyira hanze iyi ndirimbo nyuma y’amezi 11 yari amaze nta ndirimbo nshya dore ko ubusanzwe ubuzima bwe bwa buri munsi aba ari muri Cinema aho akunzwe cyane muri Filime y’uruhererekane yitwa ‘Umuturanyi’ n’izindi akinamo zirimo ‘Seburikoko’ yatumbagije izina rye. Mugenzi we Serge, we hashize ukwezi kumwe ashyize hanze indirimbo yise ‘Lion’ yaje ikorera mu ngata ‘Mwuka Wera’ na ‘Yesu agarutse’ Ft James & Daniella.

Clapton yabajije abakunzi be niba biteguye indirimbo ye nshya

Mu masaha macye harasohoka indirimbo Clapton yakoranye na Serge

REBA HANO INDIRIMBO ‘ISENGESHO’ YA CLAPTON KIBONGE

Kuri iki Cyumweru tariki 28 Ukuboza 2021, ni bwo Mr Kagame yasohoye iyi ndirimbo ye yakoreshejemo umukobwa wo mu Karere ka Musanze.

Ni indirimbo avuga ko ashaka ko izamenyekana mu karere ka Afurika y'Iburasirazuba nk'uko indirimbo 'weekend' ya Eddy Kenzo ihagaze muri iki gihe.

Avuga ko 'Sembela' ari ijambo ryo mu kigande risobanuye kwegera. Ati 'Ni indirimbo nshaka ko ifata Afurika y'Iburasirazuba nk'uko iyi 'weekend' [Ya Eddy Kenzo] yabigenje.'

Mr Kagame yabwiye INYARWANDA, ko yasohoye iyi ndirimbo mu rwego rwo kuticisha irungu abafana be n'abakunzi b'umuziki kuko ari gukora kuri EP azasohora tariki 26 Ukuboza 2021.

Ni Ep avuga ko iriho indirimbo esheshatu kandi ko zose ari nshya. Avuga ko muri izi ndirimbo harimo ebyiri yakoranye n'abahanzi Nyarwanda ndetse n'indi imwe yakoranye n'umuhanzi wo mu mahanga atahise atangaza.

Kagame avuga ko iyi EP ye iriho indirimbo z'urukundo n'izindi zivuga ku buzima busanzwe, kandi ko yakozweho na ba Producer barimo X on the beat, MadeBeats, Santana na Herbert Skillz.

Uyu muhanzi avuga ko ubu atahita atangaza amazina y'iyi EP. Yaherukaga gusohora indirimbo 'Bella' ikunzwe muri iki gihe cyane cyane mu tubyiniro no mu bitangazamakuru.

Mu buryo bw'amajwi (Audio) iyi ndirimbo 'Sembela' yakozwe na Producer Santana muri Hi5, inononsorwa na Herbet Skillz naho amashusho yakozwe na  B8films.

Mr Kagame yemeza ko umuziki we nta mupaka ugira ku buryo injyana iyo ari yo yose yaririmbamo igihe cyose inganzo yamufatira, kandi ko yandika indirimbo ahanini agendeye ku biganiro agirana n'abantu batandukanye bikamuha guhuza ibitekerezo.

Mr Kagame yasohoye amashusho y'indirimbo ye nshya yise 'Sembela'

Mr Kagame yavuze ko ari gutegura Ep ye nshya iriho indirimbo yakoranye n'umuhanzi wo mu mahanga
KANDA HANO UREBE AMASHUSHO Y'INDIRIMBO 'SEMBELA' YA MR KAGAME

“>

Uyu muhanzi ukomeje kugaragaza imbaraga zidasanzwe mu bikorwa bye bya muzika, yari aherutse kuvugwaho inkuru kubera amafoto yagiye hanze yamugaragazaga yambaye imyambaro y’urwererane ari gusezerana n’umugore.

Gusa bamwe baje gutahura ko ayo mafoto ari amwe mu yagize amashuso y’indirimbo nshya ari gutegura.

Aya mafoto yari yasakajwe ku mbuga nkoranyambaga mu byumweru bibiri bishize, yagaragazaga Bruce Melodie yambaye isuti y’urwererane ndetse n’umugenzi we mu gihe uri kubasezeranya ari Umuhanzi Ziggy 55 na we wakanyujijeho

Abinyujije kuri Twitter ye, Bruce Melodie yateguje abantu indirimbo igaragaramo ariya mafoto ko igiye kujya hanze.

Bruce Melodie yatangaje ko iyi ndirimbo yitwa Mutuale yakoranye n’umuhanzi Nel Ngabo, ati 'Mutuale ya Nel Ngabo afatanyije na Igitangaza [Bruce Melodie nk’uko akunze kwiyita] icyiza ni uko mwakwitegura.'

Mu ijoro ryacyeye nibwo hatanzwe ibihembo bya AFRIMA mu birori byabereye mu murwa mukuru wa Nigeria, Lagos, byitabiriwe n'ibyamamare bikomeye mu muziki wa Africa birimo Koffi Olomide wahawe igihembo cy'umunyabigwi, akanasusurutsa k'urubyiniro rumwe n'umunyarwanda Platini P ababyitabiriye.

N'ubwo bwose yaba Meddy na Platini P batabashije kugira igihembo begukana, gusa ni intambwe ikomeye umuziki nyarwanda wateye by'umwihariko ku ruhande rwa Platini P wabashije guseruka ku rubyiniro, akaririmba indirimbo zinyuranye ze zirimo 'Shumuleta' indirimbo ya mbere yakoze kuva yatangira gukorana n'ikompanyi ikomeje kumufasha kwagura umuziki we yo muri Nigeria.

Akaba ari amwe mu mateka akomeye muri iyi myaka umunyarwanda abashije kwandika, ikaba n'intambwe ikomeye ku muziki nyarwanda muri rusange. Si ibyo gusa kuko Platini P yagiye akomeza kugenda agirana ibihe byiza na bamwe mu banyamuziki bakomeye muri Africa, barimo Peter Okoye uzwi nka Mr P bagaragaye baganira baseka nyuma y'ibirori.

 

Platini P, Alliah Cool na Mr P bagiranye ibihe byiza 

Kimwe na Dj Moh Green bagiranye ibihe byiza mbere gato y'umunsi nyirizina  w'ibirori bya AFRIMA, uyu mugabo akaba ari Umufaransa ariko ufite inkomoko muri Algeria, utunganyiriza umuziki akanawuvangira abahanzi [Producer&Dj] bakomeye ku isi barimo Sean Paul, Wally B. Seck, Runtown, Brick&Lace, La Synesia, n'abandi banyuranye.

Dj Moh Green ufite inyubako muri Paris mu Bufaransa na Marrakesh muri Morrocco, ni icyamamare muri Leta Zunze Ubumwe za Amerika, Africa, Brazil aho yagiye atanga ibyishimo mu miziki ye ivanze mu buryo bukundwa mu bitaramo bikomeye birenga 500.

Umuhanga mu gutunganya no kuvanga umuziki ufasha abahanzi bakomeye barimo Sean Paul; Dj Moh Green ari hamwe na Platini P

Ibi byamamare byose byagiye bigaragara biri kumwe na Platini P, ibyamubonye aririmba byose bikaba ari ishema rikomeye ku muziki nyarwanda; urugendo kandi rukomereje muri Sierra Leone aho Platini P azahurira ku rubyiniro rumwe na Rema uherutse mu Rwanda kimwe na Edddy Kenzo n'abandi.

Dj Moh Green wari wanitabiye ibirori byatangiwemo ibihembo bya AFRIMA, yagaragaje ko yishimiye uko Platini P yitwaye ku rubyiniro

Platini P yaserutse mu birori afite n’idarapo ry’u Rwanda yifuza ko abantu barumenya ndetse bakazajya bose bavuga ikinyarwanda

Producer na DJ Moh Green ni umwe mu ba mbere ku isi 

Koffi Olomide yaserutse ku rubyiniro rumwe na Platini P anahabwa igihembo cy’umunyabigwi

Mr P uherutse kwizihiza isabukuru y’imyaka 40 akaniyunga na Rude Boy, yagaragaye yishimiye ibiganiro yagiranaga na Platini P

Sean Paul, umunyabigwi mu muziki, umwe mu batunganyirizwa  ibihangano na Dj Moh Green wishimiye cyane Platini P bahuriye muri AFRIMA

Dj Moh Green mu kazi akora neza ko gutunganya umuziki

Uyu muhanzi yaherukaga gusohora indirimbo yise 'Ingirakamaro' yakunzwe. Asohora iyi ndirimbo ye nshya kuri uyu wa Kane tariki 19 Ugushyingo 2021, yavuze ko yari amaze igihe yibese mu nganzo ku bw'impamvu zitandukanye.

Avuga ko yishimiye gusangiza abafana be n'abakunzi b'umuziki indirimbo ye yise 'Jelasi' iri kuri EP ye nshya yitegura gusohora yise 'Tunes of People (T.O.P).'

Mani Martin avuga ko afite icyizere cy'uko iyi ndirimbo ikora ku mitima ya benshi. Yabwiye INYARWANDA ko amaze igihe akora kuri Ep ye iriho indirimbo enye.

Avuga ko kugeza ubu ataramenya niba mu ndirimbo enye harimo iyo azakorana n'undi muhanzi. Uyu muhanzi yavuze ko EP ye yayise 'Tunes of People' kubera ko igihe kigeze kugira ngo asangize abandi ibyo yari amaze iminsi ahugiyemo.

Ati 'Hari hashize igihe numva ko nkeneye gufata umwanya wo kubana nanjye ubwanjye ndetse no kugira inganzo yanjye ifunguro rya roho yanjye ubwanjye.'

'Nafashe uwo mwanya rero kandi wambereye uw’agaciro gakomeye ariko igihe kirageze ngo nsangize n’abandi nk’uko nsanzwe mbigenza ni naho iryo zina rikomoka “Tunes of the people [T.O.P].'

Mani Martin ni umuhanzi uririmba mu njyana ya Afrobeat, RnB akanavangamo Gakondo yo mu Rwanda. Yabanjirije mu ndirimbo zo kuramya no guhimbaza Imana akomereza muri 'secular'.

Ni umwe mu bahanzi bakomeye bamaze kwitabira amaserukiramuco atandukanye; yaririmbye mu birori n'ibitaramo bikomeye, yambuka n'imipaka.

Amajwi y'iyi ndirimbo yakozwe na Producer Element muri Country Records naho amashusho yatunganyijwe na Gerard Kingsley.

Mani Martin yasohoye amashusho y'indirimbo ye nshya yise 'Jelasi' yakoreshejemo umunyamideli Rachel

Mani Martin yavuze ko yari amaze igihe yibese mu ngazo, ko igihe kigeze kugira ngo asangize abafana be n'abakunzi b'umuziki

KANDA HANO UREBE AMASHUSHO Y'INDIRIMBO 'JELASI' YA MANI MARTIN

“>

Umuhanzi ukomoka muri Nigeria, Omah Lay yataramiye abanyarwanda mu gitaramo cya Kigali Fiesta aho abakitabiriye batashye banyuzwe n’umuziki w’uyu muhanzi waje kwiyambura ikoti akarijugunya mu bafana.

Ni igitaramo cyateguwe na East African Promoters (EAP), Omah Lay akaba yataramiye muri Kigali Arena ku wa Gatandatu tariki ya 13 Ugushyingo 2021.

Saa 22:00′ nibwo uyu muhanzi yahamagawe ku rubyiniro, akigera aho yakiranywe amashyi menshi y’urufaya n’abanyarwanda bari baje kwihera ijisho iki cyamamare cyane cyane igitsina gore.

Uyu muhanzi yeretswe urukundo rudasanzwe n’abafana be baririmbaga izina rye buri kanya. Amaze iminota 18 ku rubyiniro ari nabwo yari amaze kuririmba indirimbo 'Forever’, yakuyemo ikoti yari yambaye maze arijugunyira abafana.

Yaje kugera aho ahamagara inkumi 2 zizamuka ku rubyiniro maze zimufasha kubyina na we arazibyinisha byatumye abari muri Arena bose bavuza induru.

Yaririmbye indirimbi ze zirimo Infinity, Understand, Godly yasorejeho n’izindi.

Omah Lay yakiranywe ibyishimo byinshi

Iri kote yaje kurikuramo arijugunyira abafana

Yaje guhamagara izi nkumi 2 ngo bacinye akadiho

Zamufashije kunyuka umuziki

Na we yababyinishije karahava

Uyu muhanzi si we wenyine wariribye kuko hari n’abahanzi nyarwanda bari bamubanjirije ku rubyiniro barimo Bushali ufatwa nk’umwami wa Trap aho yakiranywe urugwiro rwinshi.

Yinjiriye ku gitero cye mu ndirimbo 'Kamwe’ yahuriyemo n’ibindi byamamare, akaba yari aherekejwe na Slum Drip babana muri Green Ferry Music. Uyu muhanzi yavuye ku rubyiniro abakunzi be batabishaka.

Bushali abakunzi be banyuzwe

Umuhanzi Nemeye Platini umaze kwamamara mu muziki nka Platini P, aho yigaruriye imitima ya benshi cyane igitsina gore, na we yari muri iki gitaramo aho yaririmbye indirimbo ze nyinshi zikunzwe zirimo 'Fata amano', 'Veronika', 'Ntabirenze', 'Aba Ex', 'Shumuleta' na 'Atensiyo’ yasorejeho. Ni umuhanzi utahaye akanya ko guhumeka abakunzi be nabo batigeze bicara ubwo yari ku rubyiniro.

Platini P yeretswe urukundo rudasanzwe

Umuhanzi Davis D, yaririmbye izirimo 'Sexy’, 'Itara’ ageze kuri 'Micoro’ yakunzwe yahise ihagurutsa abatari bake, akaba yasoreje kuri 'Dede’.

Davis D, ‘Micro’ yongeye gukora akantu

Ish Kevin, ukunzwe cyane mu njyana ya Drill, yongeye kwerekwa urukundo n’abakunzi be nyuma y’igitaramo yaherukaga gukora cya 'Trappish Concert’, uyu muhanzi wari uherekejwe n’abandi bahanzi benshi ku rubyiniro yashimishije abakunzi be cyane mu ndirimbo 'Amakosi’ n’izindi.

Ish Kevin umwami wa Drill

Ariel Ways umwe mu bahanzi b’igitsina gore ukuzwe muri iyi minsi, na we yigaragaje ku rubyiniro aho yafatanyije n’abakunzi be kuririmba indirimbo ze z’icyongereza. Yaririmbye kandi Depanage yakoranye na Riderman, ageze ku ndirimbo ye yakunzwe 'Away’ yakoranye Juno Kizigenza maze aramuhamagara bafatanya kuyibyina, bishimiwe n’abantu benshi cyane.

Ariel Ways yasusurukije abakunzi be, bigeze aho yifashisha Juno Kizigenza biba akarusho