Tag: featured

Umuvugizi wa Polisi mu Ntara y’Iburengerazuba, CIP Bonaventure Twizere Karekezi, yavuze ko ubwo Nkurikiyimana yari ageze ku bapolisi bamwatse ibyangombwa barebye icyangombwa gihabwa uwakoresheje ubuziranenge bw’ibinyabiziga basanga ni igihimbano.

Yagize ati “Abapolisi barebye icyo cyangombwa bakigirira amacyenga barakitegereza, bahise babona ko ari igihimbano ariko Nkurikiyimana akomeza kwemeza ko ari umwimerere. Abapolisi bahise bahamagara mu kigo cya Polisi gishinzwe gusuzuma ubuziranenge bw ‘ibinyabiziga basanga iyo modoka icyangombwa cyayo cyarangiye tariki ya 06 Nyakanga 2021. Uyu muturage yari yaranditse asaba kujya gusuzumisha iyo modoka ye ahabwa gahunda yo kuzajya gukorerwa isuzuma (Rendez-Vous) ya tariki 25 Kanama uyu mwaka.”

CIP Karekezi akomeza avuga ko mu ikoranabuhanga ry’ikigo gisuzuma ubuziranenge bw’ibinyabiziga iriya modoka ntabwo yigeze izanwa gukorerwa isuzuma ry’ubuziranenge.
Bigaragara ko we yagiye guhimba icyangombwa cyagombaga kuva tariki ya 30 Kanama 2021 kikazarangira muri Gashyantare 2022.

CIP Karekezi yongeye kwibutsa abantu ko gukoresha inyandiko mpimbano ari icyaha gihanirwa n’amategeko. Yagaragaje ko kubeshya ko imodoka yakorewe isuzuma bishobora guteza impanuka mu muhanda.

Yagize ati “Uriya muturage ibyo yakoze ni icyaha gihanwa n’amategeko. Guhimba ko imodoka yakorewe isuzuma kandi bitarabaye bishobora guteza impanuka mu muhanda kuko iriya modoka irafatwa nk’iyagendaga mu muhanda itujuje ubuziranenge, turakangurira abantu kubyirinda kuko uzafatwa azabihanirwa.”

Nkurikiyimana n’imodoka ye yahise ashyikirizwa Urwego rushinzwe ubugenzacyaha (RIB) rukorera muri sitasiyo ya Polisi ya Mukamira kugira ngo hatangire iperereza, nk’uko bigaragara ku rubuga rwa Internet rwa Polisi y’u Rwanda.

Itegeko no68/2018 ryo ku wa 30/08/2018 riteganya ibyaha n’ibihano muri rusange, Ingingo ya 276 ivuga ko umuntu wese uhimba cyangwa uhindura mu buryo ubwo ari bwo bwose inyandiko cyangwa ikindi kintu cyanditseho igitekerezo, ashyiraho umukono cyangwa igikumwe bitari byo, yonona inyandiko cyangwa imikono, asimbuza abantu abandi, ahimba amasezerano, imiterere y’ingingo zayo, igitegetswe gukorwa cyangwa icyarangije kwemeranywa, aba akoze icyaha.

Umuntu wese, ku bw’uburiganya, wandika, wandikisha ibintu bidahuye n’ukuri cyangwa ukora imenyekanisha ritari ryo afatwa nk’uwakoze icyaha cyo gukora ibihimbano.

Iyo abihamijwe n’urukiko, ahanishwa igifungo kitari munsi y’imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda atari munsi ya miliyoni eshatu (3.000.000 FRW) ariko atarenga miliyoni eshanu (5.000.000 FRW) cyangwa kimwe gusa muri ibyo bihano.

Bakeneye inkono nini zo gutekamo kugira ngo kugaburira abana ku ishuri bigende neza

Ni nyuma y’uko Leta yategetse ko abana bose bazajya bafatira amafunguro ya saa sita ku ishuri, ikanashyikiriza inkunga yo guhaha yageneye iyi gahunda.

Pasitoro Aaron uyobora GS Shyembe, yagaragarije ubuyobozi bw’Akarere ka Huye iby’iki kibazo mu nama baherutse kugirana, barebera hamwe icyatuma imitsindire y’abana irushaho kugenda neza.

Yagize ati “Ibiryo turabifite, ikibazo ni muvelo zo kubitekamo. Abiga mu mashuri yisumbuye bo kubera ko ari gahunda ikomeza bararya bose, ariko gushyiramo abiga mu mashuri abanza byatubereye imbogamizi muri rusange.”

Uyu muyobozi ngo yari asanzwe agaburira abana babarirwa muri 400 biga mu mashuri yisumbuye, none ubu hiyongereyeho 700 bo mu mashuri abanza, ku buryo yabuze uko abyifatamo.

Icyakora hari abayobozi b’ibigo bavuga ko mu gihe bategereje kubona ibikoresho, ni ukuvuga za muvelo ndetse n’ibikoni, ubu babaye batiye amasafuriya asanzwe manini, bifashisha mu guteka bakoresheje amashyiga atatu bisanzwe.

Bitewe n’uko n’ubundi ayo masafuriya batiye atakwirwamo ibiryo by’abana baruta umubare w’abari basanzwe barira ku ishuri, kuko abiga mu mashuri abanza ari bo benshi ugereranyije n’abo mu mashuri yisumbuye, ngo bateka ibya mbere byamara gushya bakabibika mu mabase yabugenewe, hanyuma bakongera bagateka ibindi.

Kubera ko amasaha yo kurya agera hari ibyo bagitetse, abana na bo barya mu byiciro, nk’uko bisobanurwa na Marie Chantal Mukagashugi, umuyobozi wa GS Matyazo, umwe mu bifashisha ubwo buryo.

Agira ati “Duhera ku bana batoya tukabagaburira, hanyuma tukaza kugera no ku biga mu mashuri yisumbuye. Icyakora harimo imbogamizi y’uko bisaba umwanya munini, n’abakozi benshi bakora mu gikoni.”

Indi mbogamizi bitera ngo ni uko abana batabasha kurya mu gihe cyagenwe cy’ikiruhuko, ku buryo usanga isaha ya mbere ya nyuma ya saa sita na yo yifashishijwe mu kurangiza kurya no gusukura amashuri kugira ngo babashe kwiga.

Umuyobozi w’Akarere ka Huye, Ange Sebutege, avuga ko muvelo zigomba kwifashishwa n’ibigo by’amashuri zirimo gukorwa na za IPRC kuko ari zo zahawe isoko, kandi ko bategereje ko zirangira.

Agira ati “Natwe Akarere ka Huye izo muvelo zizatugeraho, kandi dukwiye kwishimira ko ibi bikoresho biri gukorerwa mu gihugu cyacu.”

Mu gihe bagitegereje ko izi muvelo zirangira zikagezwa ku bigo by’amashuri, arasaba abayobozi b’ibigo babyo kurebera kuri bagenzi babo bagiye birwanaho, urugero nka bariya bagabura mu byiciro, ariko abana bakabasha kurira ku ishuri nk’uko byateganyijwe.

Yongeraho ko ari gahunda izafasha mu kugabanya umubare w’abana bataga ishuri ndetse no gukurikirana amasomo uko bigomba, kuko hari abo byagiye bigaragara ko baza ku ishuri batariye, bityo ntibabashe kwiga neza.

Na ho ku bijyanye n’imbogamizi yo gutangira amasomo bitinze, ngo baraza gufatanya n’abayobozi b’ibigo by’amashuri barebe uko iki kibazo na cyo cyakemuka, nibiba ngombwa hashakishwe ukuntu iyo saha igenda itakara yakwisubizwa.

Abayobozi b’uturere barashimirwa bimwe mu bikorwa by’indashyikirwa bakoze

Mu bindi byaganiriweho muri iyi inteko rusange, harimo no gusuzuma no kwemeza raporo z’ibikorwa bitandukanye birimo kungurana ibitekerezo ku byavuye mu bushakashatsi ku ngaruka za Covid-19 ku nzego z’ibanze.

Afungura ku mugaragaro iyo nteko rusange, Umunyamabanga wa Leta muri Minisiteri y’Ubutegetsi bw’Igihugu (MINALOC), Ignatienne Nyirarukundo, yavuze ko mu gusuzuma uko manda yagenze ari byiza kumenya ahagaragaye imbaraga n’ahabaye intege nke kuko bizaha intangiriro nziza abagiye gutorerwa kuyobora manda igiye gukurikiraho.

Ati “Turizera ko RALGA ubwo bunararibonye bugezwa ku bazatorwa”.

Umunyamabanga wa Leta muri MINALOC avuga ko ari byiza kumenya ahagaragaye intege nke kugira ngo abagiye kuyobora indi manda bazamenye aho bahera

Umunyamabanga wa Leta yanashimiye RALGA kubera umusanzu itanga mu buvugizi no kongera ubushobozi bw’inzego z’ibanze, ikanatanga umwanya ku banyamuryango bayo kugira ngo bungurane ibitekerezo, ari na ho yahereye abizeza ko MINALOC izakomeza gushyigikira ibikorwa bya RALGA.

Umunyamabanga Mukuru wa RALGA, Ladislas Ngendahimana, yagejeje ku nteko rusange raporo y’ishyirwa mu bikorwa ry’imyanzuro y’Inama y’Inteko rusange ya 25 ya RALGA yo ku wa 10 Ukwakira 2020.

Iyi nteko yitabiriwe n’abayobozi b’Uturere twose uko ari 30, Umuyobozi w’Umujyi wa Kigali hamwe n’abandi bayobozi bakuru batandukanye bafite aho bahuriye n’inzego z’Ibanze.

Umunyamabanga Mukuru wa RALGA yatanze raporo y’inteko rusange ya 25

Mayor w’Umujyi wa Kigali ni umwe mu bitabiriye inteko rusange

Kuri iki Cyumweru tariki ya 24 Ukwakira 2021 ni bwo basoje urugendo rw’isabamitima mu bumwe n’ubwiyunge, igikorwa cyiswe “Kwizihiza Imbabazi” cyitabiriwe n’Umushumba Mukuru wa ADEPR mu Rwanda, Pasiteri Ndayizeye Isaïe.

Kuva muri Gashyantare 2020 nibwo mu Karere ka Nyanza hatangijwe umushinga w’isanamitima ugamje gufasha gusubiza mu buzima busanzwe abafunguwe no kubahuza n’abo bahemukiye bagasabana imbabazi ndetse bagakorana n’ibikorwa by’iterambere.

Imibare yerekana ko mu Karere ka Nyanza mu 2019 hafunguwe abahamwe n’ibyaha bya jenoside 550; mu 2020 hafungurwa 224 na ho mu 2021 ni 138.

Mpungirehe Laurent yahamwe n’ibyaha bya Jenoside yakorewe Abatutsi ariko amaze gufungurwa yasigaranye ihurizo ryo kwegera umukecuru witwa Nyirantegeyinka Véronique kugira ngo amusabe imbabazi kuko yagize uruhare mu kwica abo umuryango we.

Ati “Maze gifungurwa nahuraga na we nkanyura ku ruhande nkahora mutinya kuko namuhemukiye. Inyigisho twahawe zadufashije kwiyunga musaba imbabazi, ku buryo kugeza ubu tubanye nka mama. Kugeza ubu abacitse ku icumu ba hano i Nyanza tubanye neza kubera inyigisho twahawe zidufasha kubana neza mu mahoro.”

Nyirantegeyinka Véronique na we avuga ko yaruhutse ku mutima nyuma yo kubabarira Mpungirehe.

Ati “Ku mutima wanjye harera. Nta kangononwa numva mfite ku muntu wanyiciye cyangwa wansenyeye, mbana na bo neza kandi na we [Mpungirehe] tubanye neza kuko yansabye imbabazi ndazimuha.”

Nyagatare Christophe w’imyaka 22 y’amavuko avuga ko yavukiye mu muryango w’abarokotse Jenoside yakorewe Abatutsi, bimutera umutima mubi n’urwango kuri bagenzi be bakomoka mu miryango yagize uruhare muri jenoside.

Ati “Impamvu nyamukuru kwari ugukura mbona nta miryango ugasanga abandi bana bafite aho bajya, bafite abavandimwe bajya gusura naho njyewe ndizengurukaho, byaratubabazaga rimwe na rimwe umuntu akumva yanakwihorera abaye afite ubushobozi.”

Akomeza avuga ko inyigisho bahawe mu rugendo rw’isanamitima mu bumwe n’ubwiyunge zamufashije gukira ibikomere, ku buryo kuri ubu abanye neza n’abo mu miryango yagize uruhare muri Jenoside.

Bamwe mu bana bavutse mu miryango yagize uruhare muri Jenoside, bavuga ko bahoranaga ipfunwe mu bandi kubera ibikorwa byibi byakozwe n’ababyeyi babo.

Kubwimana Anastase ati “Ariko cyane cyane tukagira ipfunwe ry’ibyo ababyeyi bacu bakoze kuko tuba tubyumva ko ababyeyi bacu bahemutse, ibyaha byabo ari twe tubyikoreye.”

Na we avuga ko inyigisho yahawe zamufashije kubohoka no kwisanga hamwe na bagenzi be.

Umushumba Mukuru wa ADEPR mu Rwanda, Pasiteri Ndayizeye Isaïe, yavuze ko inyigisho z’isanamitima batanze umusaruro mwiza.

Ati “Byageze ku rwego bakora amatsinda bahuriyemo yo kwiteza imbere bari hamwe aho babasha kwizigamira no kwiga imishinga ibateza imbere. Harimo n’ibindi byiza byagaragaye aho abakoze Jenoside uretse gusaba imbabazi, banafashije no mu bindi bikorwa nko kugaragaza aho imibiri y’abishwe muri Jenoside itarashyingurwa mu cyubahiro iri. Ibyo ni bimwe mu bikorwa byerekana umusaruro wavuye muri uru rugendo.”

Ubushakashatsi bwa Komisiyo y’Igihugu y’Ubumwe n’Ubwiyunge bwashyizwe ahagaraga mu 2015 bwagaragaje ko Akarere ka Nyanza kaza imbere mu Ntara y’Amajyepfo mu bemeza ko hakiri Abanyarwanda bibona mu ndorerwamo z’amoko ku gipimo cya 67.1%.

Ibyo byatumye abayobozi mu Karere ka Nyanza ku bufatanye n’abafatanyabikorwa bahaguruka kugira ngo bakore ibishoboka byose bigishe abaturage kuva mu macakubiri ashingiye ku moko ahubwo bimakaze ubunyarwanda.

Mu 2019 Akarere ka Nyanza kaje ku isonga mu kwimakaza ibikorwa by’ubumwe n’ubwiyunge n’amanota 96%.

Abarenga 350 bakoze Jenoside n’abayirokotse basoje urugendo rw’isanamitima mu bumwe n’ubwiyunge

Abasoje urugendo rw’isanamitima basabwe kutazasubira inyuma

Kuri iki Cyumweru tariki ya 24 Ukwakira 2021 ni bwo basoje urugendo rw’isabamitima ku bumwe n’ubwiyunge, igikorwa igikorwa cyiswe Kwizihiza Imbabazi

Umushumba Mukuru wa ADEPR mu Rwanda, Pasiteri Ndayizeye Isaïe, yavuze ko inyigisho z’isanamitima batanze zatanze umusaruro mwiza

[email protected]

Mu bigomba kuganirwaho harimo ibijyanye n’ubufatanye bwa EU na AU n’uburyo imikoranire y’impande zombi yakongerwamo imbaraga nk’uko inkuru ya New Times ibivuga.

Iyi nkuru ikomeza ivuga ko kuri gahunda ibiganiro byibanda ku ngingo zirimo guhangana n’ingaruka zasizwe na Covid-19 no kubaka ubukungu burambye.

Ibindi bizigwaho birimo ibijyanye n’ishoramari mu by’ikoranabuhanga no kubungabunga ibidukikije, amahoro, umutekano, imiyoborere, uburezi n’ibindi.

Iyi nama byari biteganyijwe ko yagombaga kuba muri Gicurasi 2020 ariko iza gusubikwa kubera ingamba zo kwirinda ikwirakwira ry’ubwandu bwa Covid-19, zatumye ibikorwa byinshi bihagarikwa.

Perezida wa Komisiyo ya Afurika Yunze Ubumwe, Moussa Faki Mahamat

Ibikorwaremezo nk’imihanda n’inyubako bizamurwa mu Mujyi wa Kigali biriyongera ubutitsa; bituma ubwiza bwa Kigali bwirahirwa mu maso y’abayizi n’abatarayikandagizamo ikirenge.

Imyaka 114 irashize Umujyi wa Kigali ushinzwe n’Umudage Richard Kandt, ni imyaka 58 utangiye kwitwa Umurwa Mukuru w’u Rwanda, muri yo igera hafi kuri 45 Kigali yayimaze itarafata umurongo w’impinduka, umwaka wa 2001 ni wo watangiranye n’inkundura yo kuwuteza imbere ngo ube icyitegererezo ku Isi.

Kigali yavuye ku bantu 20 b’abacuruzi mu 1909 igera ku barenga 6000 mu mwaka wa 1962 ku buso bwa kilometero kare eshatu gusa. Ubu uyu mujyi utuwe n’abarenga miliyoni.

Iyaguka rya Kigali ryarihuse cyane ndetse birenga umujyi ubwawo bisatira ibice biwukikije aho usanga naho harateye imbere mu ngeri zitandukanye kuva ku nyubako z’agahebuzo kugera ku bikorwaremezo bitandukanye.

Iterambere ry’Umujyi wa Kigali ryubakiye ku musingi w’imiyoborere ifite icyerekezo ndetse n’uruhare rw’abaturage mu kubungabunga ibyagezweho.

Kuva mu myaka ibiri ishize, Umujyi wa Kigali uyobowe na Rubingisa Pudence wawinjiyemo nyuma y’amatora yatsinze ku wa 17 Kanama 2019.

Mu kiganiro na IGIHE, Meya w’Umujyi wa Kigali, Rubingisa Pudence, yagarutse ku ngingo zitandukanye zirimo ibyagezweho mu gihe amaze ku buyobozi, imishinga migari yakozwe n’iteganyijwe, uruhare rw’Abanyarwanda baba mu mahanga mu kubaka no guteza imbere igihugu cyababyaye n’ibindi.

IGIHE: Mu 2019 ni bwo watangiye kuyobora Umujyi wa Kigali, iyo usubije amaso inyuma urwo rugendo warusobanura gute?

Rubingisa: Dutorerwa kujya muri izi nshingano hari aho umujyi wari ugeze, naje nsanga hari aho bagenzi banjye bari bageze. Bimwe mu byo nashyize kuri gahunda ni ukubakira ku byo bari bagezeho no kureba uko nanjye na bagenzi banjye turi gufatanya mu buyobozi bwite bw’umujyi twashyiramo imbaraga ndetse aho binashoboka tukihuta kurushaho.

Uyu mujyi rero ku batazi amateka yawo, ubwo ingabo za RPA zawubohoraga zigahagarika Jenoside yakorewe Abatutsi wari wararangiye. Abatutsi barishwe ahantu hatandukanye, inyubako nyinshi zavuyeho byabaye nko gutangirira ku busa. Ariko kubera ubuyobozi bukuru bw’igihugu na Nyakubahwa Paul Kagame bushyiraho intumbero tugenderaho no kubaka mu banyamujyi ya gahunda yo kwigira no kwishakamo ibisubizo no kwihutisha iryo terambere. Hari bagenzi banjye rero bambanjirije kugera muri 2019.

Muri gahunda dufite zo kuwuteza imbere, bitewe n’aho bigeze cyangwa aho twifuza kujya twibanda mu kubaka ibikorwaremezo birimo imihanda, amazi n’amashanyarazi, amavuriro, amashuri n’inyubako zikorerwamo n’ibigo bitandukanye bya Leta ariko dufatanyije n’abikorera hagamijwe kuborohereza gukora ishoramari.

Usanga ibintu byinshi cyane bigendanye n’iterambere ry’umujyi byihuta, bigasaba n’ubufatanye bw’abawutuye n’abawugenda.

Muri iyi minsi ishize uko Perezida wa Repubulika akomeza gukora ingendo za Rwanda Days zitandukanye, byubatse Diaspora Nyarwanda ikaba iri ku kigero numva ko gishimishije. Sinzi niba hari igihugu gifite ayo mahirwe nk’ayo twe dufite.

Abanyarwanda bari muri Diaspora ndetse n’inshuti zabo bifuza gushora imari mu Rwanda bafashwa bate?

Meya Rubingisa: Hari ibikorwa byinshi cyangwa se amahirwe ari mu mujyi n’Abanyarwanda bari mu mahanga bashobora kubyaza umusaruro. Mpereye kuri serivisi, urebye gahunda Leta ishyiramo yubaka ibikorwaremezo by’ibanze ni ho duhera tureshya abashoramari. Ba Banyarwanda bashobora kuza bagashora imari muri serivisi dufite, yaba mu bwikorezi bw’ibintu n’abantu n’ubukerarugendo. Hari serivisi nyinshi zaza zikunganira zari zisanzwe zihari tukubakira no kuri politiki y’igihugu yorohereza ishoramari. Ahandi mbona harimo amahirwe ni mu bwubatsi bw’inzu z’ubucuruzi ndetse n’izo guturamo.

Urebye uko igishushanyo mbonera cy’Umujyi wa Kigali cyavuguruwe kirorohereza ishoramari cyane ryo guteza imbere imyubakire, aho twagiye dushyira imbere gahunda zireshya abashoramari. Nko mu mujyi hari ahantu umuntu ushobora kuza agashyiramo izindi nyubako, hari na gahunda Leta yashyizeho aho uwubatse inzu ziciriritse ushobora no kwisigira icyanya cyo kubakaho inzu zo gukomeza ishoramari ryawe.

Hari abari kubaka izo nzu kw’i Rebero, hari n’abari gushaka kubaka i Gahanga. Ni henshi cyane kandi tugenda tubagaragariza ibice bya nyabyo byo kuba bashyiramo inyubako zituza abantu benshi bakazibyaza umusaruro.

Ahandi mbona Diaspora Nyarwanda yashyiramo imari ni ku isoko ry’imari n’imigabane cyane ko Banki Nkuru y’Igihugu yakoze politiki yo kubiteza imbere.

Andi mahirwe akomeye ni ugushora imari mu myidagaduro. Nk’igihugu gifite umutekano, hari imikino myinshi tumaze iminsi twakira hano mu mujyi, yaba iya Volleyball, Basketball, Football n’indi itandukanye. Dufite amahirwe y’uko igihugu cyashyizemo imbaraga kandi nko mu mujyi ni ho bashyikira kandi biragaragara ko amahanga agenda atwizera.

Benshi mu bagana u Rwanda bakunze kugira impungenge ku burezi bw’abana babo, hari amashuri agezweho yatekerejweho mu kubafasha?

Meya Rubingisa: Muri gahunda yo korohereza ishoramari no gufasha abatura mu Mujyi barimo aba diaspora Nyarwanda, abadipolomate n’abandi bashaka gushora imari bafite imiryango, hari ibintu bibiri bakunze kutubaza. Kimwe ni ukubona amashuri abana bakwigamo bakaguma ku rwego bariho.

Dufite amashuri mpuzamahanga kandi turi kureba uburyo twakorana n’abashoramari gukora amashuri yigenga ariko ari ku rwego mpuzamahanga ku buryo ashobora gutanga uburezi ku muntu ushaka gutaha kandi afite abana biga cyangwa no ku bandi bashobora kuza kubera impamvu zitandukanye. Uko ababikeneye bagenda biyongera n’uko umujyi ukura, uko abantu bawukunda n’uko bawugirira icyizere birasaba ko izo serivisi ziba zihari.

Amashuri mpuzamahanga yo arahari nka Ecole Belge, Ecole Française, Green Hills Academy n’ayandi.

Umujyi ufite ubushobozi bungana bute mu gusana ibikorwaremezo birimo inyubako mu gihe byangiritse?

Meya Rubingisa: Izi nyubako zigenda ziba nyinshi mu Mujyi wa Kigali, birakwiye ko zigenda zagurwa. Ubu hari ikintu twakishimira nk’igihugu, buriya kimwe mu bintu Leta y’u Rwanda yashyizemo imbaraga ni uburezi. Amashuri yatangiye buhoro buhoro, tuza kugera aho noneho gahunda yo kwigisha imyuga n’ubumenyingiro yimakazwa kuko hari hamaze kugaragara ikibazo mu myubakire haba ari abakora mu by’amazi n’abakora mu byo kubaka.

Ikintu twishimira uyu munsi ni uko usanga izi nzu ziri kubakwa igishushanyo mbonera cyazo cyarakozwe n’Abanyarwanda kandi zikanubakwa na bo. Abafite sosiyete z’ubwubatsi bakoresha abana b’Abanyarwanda bavuye muri ya mashuri y’imyuga n’abakora igenzura ry’inyubako bakaba Abanyarwanda. Ibyo ntabwo ariko byari bimeze mbere ya Jenoside yakorewe Abatutsi, wasangaga ibintu byinshi bikorwa n’abanyamahanga.

Ibyo byose biri gukorwa kandi tugeze n’aho ubwo bushobozi dushobora kubujyana no mu bindi bihugu, kuko n’abanyamahanga baje kudusura barabyishimira cyane.

Car Free Zone ni umushinga watekerejweho bamwe batawumva, impinduka wazanye mu mujyi n’inyungu witezweho ni izihe?

Meya Rubingisa: Uyu mujyi twifuza ko utera imbere, twatekereje ko ugomba kuwubamo uryohewe, wishimye. Ni umujyi tugomba kubamo tugendera no ku mahame yo kurengera ibidukikije.

Ngira ngo iyo biza kuba ari umujyi ufite inganda, imiturirwa, imodoka nziza nyinshi ariko ibivamo byangiza ibidukikije, ni bwo twatekereje kuvuga ngo mu kunoza cyangwa mu kuvugurura igishushanyo mbonera twari dufite ari ukugerageza gukora ku buryo buriya 30% by’ubuso bw’umujyi n’ubutaka bukomye tubungabunge ibidukikije kugira ngo dukomeze kubaho tunahumeka umwuka mwiza.

Aho niho hazamo kuba twarakoze iki cyanya cyo mu mujyi kitagendwamo n’imodoka bitewe n’uburyo cyubatse. Ni ahantu ugenda ukahakunda, harimo internet y’ubuntu, harimo aho abantu bashobora kuzajya bakura ikawa n’imitako by’i Rwanda. Kandi turateganya ko hajya habera n’ibitaramo n’ibitaramo byo ku mihanda.

Iyo ugiye hirya Nyandungu uhasanga ikindi cyanya cyo kuruhukiramo harimo inzira z’abanyamaguru, iz’amagare, ibyuzi by’amafi, n’aho abantu bicara ukaba wasoma igitabo ukaruhura mu mutwe.

Ibi turi no kugenda tubikora n’ahandi hatandukanye mu mujyi, aho tugabanya ubucukike bw’imodoka ariko tukagira ahantu abantu bashobora kugenda bakaharuhukira ari nako tugenda tugarura amwe mu mashyamba akikije umujyi hagamijwe gufasha abawutuye kubona umwuka utuma bahumeka neza.
Ibyo nabyo biri muri bimwe mu bikorwa tunafite mu nshingano ariko n’ibyo tugenzura uko tugenda dushyira igishushanyo mbonera kuri gahunda.

Mugeze he muvugurura utujagari cyane ahimuwe abantu hakaba hataratangira kubyazwa umusaruro?

Meya Rubingisa: Hari hamwe dufite hari hazwi nk’utujagari, haracyari na henshi turahafite, uko tugenda tuvugurura imiturire kugira ngo abantu bimurwe mu nzu zishobora gushyira ubuzima bwabo mu kaga. Hari n’abandi bari batuye mu gishanga kandi igishanga ntigiturwa. Urebye twagerageje kwimura abantu bari batuye ku buso bungana na hegitari 273, hari harimo n’inganda zitandukanye.

Ubu aho turi gukorana n’inzego zitandukanye yaba REMA cyangwa Minisiteri ifite Ibidukikije mu nshingano, kugira ngo ibi bice niba ari ibihingwamo, bihingwemo kuko tugira uburyo abanyamujyi bagira ibibatunga bitarinze kuva hanze y’umujyi, ariko tukagira n’ibindi byanya byo kwidagaduriramo.

Gahunda rero ihamye irahari, aho tugomba kugira ibyanya byo kwidagaduriraho, ni ibintu byaburaga kuko wasangaga duhugira mu kazi ariko ugasanga hari icyo turikubura mu kubungabunga ibidukikije. Mu kuruhura umutwe no kwidagadura, aho twakora na bya bishanga bikomye ibibuga bitandukanye dufatanyije na Minisiteri ya Siporo. Urabona nk’ibibuga dufite kuri Rafiki ni nabyo twifuza mu byanya bikomye bya Leta kandi tugeze kure mu mitegurire yabyo. Nakangurira bamwe mu badiaspora ko bashoramo imari.

Umujyi wa Kigali utekereza iki by’umwihariko mu guteza imbere abahanzi n’ababikora?

Meya Rubingisa: Ngira ngo usibye n’Umujyi wa Kigali n’izindi nzego by’umwihariko izifite urubyiruko mu nshingano ni ibintu dutekereza gushyiramo imbaraga. Ibyo bimaze imyaka irenga 10 byaratangiye.

Gahunda tuba dufite nk’umujyi ni iyo guteza imbere umuco ndetse n’ubuhanzi. Ntabwo tuba dufite ubwo bunararibonye, ni yo mpamvu dukorana n’ababishoboye kandi babifitemo ubunararibonye. Nk’ubu Kigali yari yashyizwe ku rutonde rw’imijyi izajya guhura n’indi mijyi kureba itera imbere ariko ishingiye ku muco wayo.

Abakora umuziki bo barabitangiye bakora ibitaramo bifashishije indirimbo zabo, kandi ni byiza ko natwe nk’umujyi twakomeza gutera imbere bishingiye ku muco.

Ibikorwa bitangiza ibidukikije ni kimwe mu byo Kigali yimakaje

Meya Rubingisa Pudence yashishikarije Abanyarwanda baba muri Diaspora gushora imari mu gihugu cyabo

Meya Rubingisa aganira n’Umunyamakuru wa IGIHE, Karirima A. Ngarambe

Imbuga City Walk ni kamwe mu duce two muri Kigali dusigaye dufasha abashaka kuruhuka bitewe n’ibikorwa remezo byashyizwemo

Imiturirwa ikoreramo ibigo bikomeye ikomeje kuzamurwa. Intego ni uko hubakwa inzu zigiye hejuru mu rwego rwo guhangira ubutaka

Kigali ni umwe mu Mijyi ya Afurika iri gutera imbere ku muvuduko wo hejuru

Umujyi wa Kigali umaze igihe ushyiraho ahantu henshi abantu bashobora kujya kwicara bakaruhuka bumva bafite amafu

Umujyi wa Kigali urajwe ishinga no kunoza imyubakire ku buryo abawutuye bose baba batuye ahantu hajyanye n’icyerekezo

Umujyi wa Kigali wihaye intego ko inyubako zawo nshya zigomba kuba zitangiza ibidukikije. Ifatwa nk’icyitegererezo ni iyi ikoreramo I&M Bank

Imbuga City Walk, ni agace kahariwe kugendamo abanyamaguru gusa muri Kigali

Amashanyarazi ari hose muri Kigali, bituma mu masaha y’ijoro uyu mujyi uba uteye amabengeza

Isuku ni kimwe mu byo Umujyi wa Kigali wimakaje

Imihanda muri Kigali yagurwa amanywa n’ijoro kugira ngo ibashe kugabanya umuvundo w’ibinyabiziga byiyongera ku bwinshi

Nyiramajyambere Jackeline n’umugabo we

Nyiramajyambere Jackeline watangiye kwizigamira ari umwarimu mu mashuri abanza, ahamagarira abarimu bose gutinyuka kuko ejo heza hategurwa kandi ko Igihugu cyabafunguriye inzira yatuma barushaho kwiteza imbere.

Avuga ko yigishije imyaka cumi n’itanu (15) mu mashuri abanza n’ayisumbuye mu Karere ka Ngoma na Nyamasheke kuva muri 2002 kugeza 2017.

Uyu mubyeyi w’abana batanu aragira ati: “Umwarimu wese aho ari ndamushishikariza gukuza imyumvire ye, akigirira icyizere ko iterambere rishoboka. N’ubwo nafatanyije n’umugabo wanjye ariko twatangiye nsaba inguzanyo muri koperative Umwalimu Sacco iyo nza kumubera umujyanama mubi cyangwa singire amahirwe yo gusaba inguzanyo muri iyo koperative Umwalimu Sacco twari kuzagera kuri iri terambere dutinze”.

Nahayo Thacien utuye mu Murenge wa Kigarama, Akagari ka Nyarurama ahubatswe iyi Hoteli avuga ko amaze igihe nta mirimo afite ariko iyo Hoteli ngo ije ari igisubizo.

Ati “Maze imyaka nirirwa nshakisha ntagira aho nkorera. MaxHotel ije ari igisubizo hano kuko tugiye kuhabona imirimo nkatwe abashomeri”.

MaxHotel

Kirenga Emmanuel Mike wahawe akazi ko kwakira abagana iyo Hoteli(Receptionist) avuga ko akazi yahawe n’iyi Hoteli kagiye gutuma abyutsa umushinga we w’inkwavu yaryamishije. Ati: “Mu by’ukuri umwanya nahawe twawuhataniye turi cumi na babiri (12) kandi bakeneyemo abantu babiri gusa. Ni amahirwe kuba ndi mu batoranyijwe kuko ubu tuvugana nasezereye ubushomeri. Ikindi kandi mfite umushinga umaze igihe kinini warabuze icyawuzamura, ariko ubu mu mafaranga nzahabwa nzakora ibishoboka byose ku buryo nzawutangiza na wo ujye unyinjiriza”.

Umunyamabanga Nshingwabikorwa w’Umurenge wa Kigarama, Umubyeyi Mediatrice, avuga ko MaxHotel isobanuye byinshi ku baturage b’uwo Murenge. Ati:” MaxHotel ni yo ya mbere dufite mu murenge wacu, ni igisubizo ku baturage bacu kuko izatanga imirimo ku bashomeri benshi, ndetse babonye n’aho biyakirira batiriwe bajya kure”.

Nyiramajyambere Jackeline akangurira abantu bose by’umwihariko abarimu kwigirira icyizere, umushahara babona bakiga kwizigamira, gusaba inguzanyo, mu gihe bafite ikiruhuko (weekend) bagashaka ikindi kintu gishobora kunganira umushahara usanzwe bahabwa bityo bakarushaho kwiteza imbere.

MaxHotel yatashywe ku mugaragaro

Minisitiri w’Intebe, Abdallah Hamdok, afungiye iwe mu rugo

Ikinyamakuru AlJazeera kivuga ko bamwe mu bo mu miryango y’abatawe muri yombi, batangaje koko ko igisirikare cyabafunze.

Abaturage baho batangaje ko Internet yakuweho mu murwa mukuru, Khartoum, mu gihe hari amafoto yashyizwe ku mbuga nkoranyambaga yerekena abaturage barakaye, batwika amapine n’amabendera mu mihanda.

Abasirikare bafite intwaro zikomeye n’abandi bashinzwe umutekano boherejwe ku mihanda ya Khartoum, barimo kubuza abasivile kugendagenda mu mujyi, mu gihe amatsinda aharanira demokarasi muri Sudan yahamagariye abayashyigikiye kuza bakarwanya Coup d’état ya gisirikare iyo ari yo yose ishobora kuba.

Ku wa kane tariki 21 Ukwakira 2021, abantu ibihumbi icumi bigaragambirije mu murwa mukuru Khartoum, kugira ngo bagaragaze ubufatanye na Guverinoma y’inzibacyuho.

Kuva mu kwezi gushize ubwo haburizwagamo ihirikwa ry’ubutegetsi, Sudani imaze iminsi irangwamo umutekano muke hagati y’abasirikare n’abasivile bapfa isaranganya ry’ubutegetsi nyuma y’ihirikwa rya Omar al-Bashir wayoboraga icyo gihugu.

Bashir yahiritswe ku butegetsi mu 2019, nyuma y’imyigaragambyo imwamagana yari imaze gufata indi ntera muri icyo gihugu.

Ibi bibaye mu gihe byari biteganyijwe ko abasirikare baha ubutegetsi abasivili mu kwezi gutaha k’Ugushyingo.

Ni igitabo yise ‘Kura Ujya Ejuru’

Ni umuhango wabereye muri ICK riherereye mu mujyi wa Muhanga mu mpera z’icyumweru gishize, witabirwa n’abayobozi mu nzego zinyuranye, abarimu muri Kaminuza, Abihayimana ndetse n’abashakashatsi banyuranye.

Padiri Dushimimana, amurika icyo gitabo ku mugaragaro, yeretse abitabiriye uwo muhango ubufasha yiteze kuri icyo gitabo cye mu iterambere ry’imikurire myiza y’umwana, dore ko ari igitabo kivuga uko umwana akura mu gihagararo mu mitekerereze n’imibanire n’abandi.

Ati “Iki gitabo kizafasha abasomyi kumenya ibiranga umwana muri buri kigero cy’imikurire, kumenya ibibazo ahura na byo mu mikurire ye n’icyo umwana yakorerwa ngo akure neza”.

Arongera ati “Ni igitabo gikubiyemo ibisubizo bicukumbuye ku mikurire y’umwana, uruhare rw’imirerere n’imibanire y’ababyeyi ku mikurire n’imitekerereze y’abana”.

Yagarutse ku mpamvu yamuteye kwandika icyo gitabo, avuga ko igitekerezo cyaturutse ku biganiro yagiye atanga mu mashuri abanza n’ayisumbuye, byavugaga ku mikurire y’umwana.

Padiri Fidèle Dushimimana

Avuga ko ibisubizo by’abana ku bibazo yajyaga ababaza, byamugaragarije inyota bafite yo kumenya umwana n’imikurire ye, kugira ngo babashe kumurera neza.

Ni ubushakashatsi bwashimishije abitabiriye uwo muhango, by’umwihariko Umuyobozi w’Akarere ka Muhanga Jacqueline Kayitare, wavuze ko icyo gitabo kizafasha abaturage mu guteza imbere imikurire y’abana babo, dore ko ngo inshuro nyinshi ababyeyi bashyira imbaraga mu bijyanye n’imirire, bakibagirwa ko n’imikurire y’ubwonko ari ingenzi.

Ati “Usanga igisubizo gishakirwa mu mata no muri shishakibondo gusa, ariko ikijyanye n’ubumenyi n’imfashanyigisho yafasha imitekerereze y’umwana, imyumvire n’imibanire ye n’abandi hakabamo icyuho. Akenshi turebera ku bigaragara, kandi hari n’ibitagaragara byakwangiza imikurire y’umwana mu gihe bititaweho”.

Padiri Ntivuguruzwa Balthazar, Umuyobozi mukuru wa ICK, na we yashimye igitabo Kura Ujya Ejuru.

Yagize ati “Iki gitabo gikubiyemo ubushakashatsi buzadufasha kubonera ibisubizo ibibazo by’ingutu bibangamiye uburezi”.

Uwo muhango wari witabiriwe n’impuguke mu nzego zinyuranye

Avuga ko kuva ICK yatangira muri 2003, itahwemye kwigisha, gukora ubushakashatsi no guteza imbere abaturage.

Ati “Iki gitabo na cyo kije gishimangira ubushake bwa ICK bwo kutaba Vuga numve gusa, kuko nk’uko babivuga mu kinyarwanda Kora ndebe iruta Vuga numve”.

Kuri iki Cyumweru mu Rwanda ni bwo hasojwe isiganwa ry’amamodoka rizwi nka Rwanda Mountain Gorilla Rally, ni rimwe mu masiganwa agize shampiyona nyafurika muri uyu mukino, aho mu modoka 15 zari zitabiriye izabashije gusoza ari imodoka 11 gusa.

Umunya-Kenya Carl Tundo wafashwaga naTim Jessop bari batwaye imodoka ya VW Polo, nib o baje kwegukana iri siganwa, aho bakoresheje isaha imwe, iminota 29, amasegonda 42 n’ibice 8, bakurikirwa na bagenzi babo nabo bo muri Kenya ari bo Patel Karan na Khan Tauseef.

Carl Tundo na Jessop Timothy bishimira intsinzi

Ni isiganwa ryari ryatangiye Carl Tundo ahatanye n’abandi bakinnyi bakurikiranye ku rutonde rwa shampiyona ya Afurika, ari bo umunya-Afurika y’Epfo Guy Botterill wari ku mwanya wa kabiri n’umunya—Uganda Yasin Nasser.

Nyuma yo kudasoza iri siganwa kwa Guy Botterill, byatumye Carl Tundo ahita anegukana iyi shampiyona ya Afurika mu gihe hasigaye isiganwa rimwe rizabera muri Afurika y’Epfo.

Urutonde rusange nyuma y’isiganwa ryose

1 Carl Tundo & Jessop Timothy (VW Polo) 01:29:42.8
2 Patel Karan & Khan Tauseef (Ford Fiesta) 01:29:57.2
3 Kimathi McRAE & Kioni Mwangi (Ford Fiesta) 01:40:17.2 01:40:17.2
4 Gakwaya Jean Claude & Mugabo Jean Claude (Subaru Impreza N11) 01:50:40.1
5 Din Imtiaz & Alain Rukundo (Subaru Impreza N12) 01:51:24.0
6 Wahome Maxine & Ayuko Linet (Subaru impreza N10) 01:52:25.6
7 Nasser Yasi & Ali Katumba (Subaru Impreza GVB) 01:54:05.2
8 Elefterios Mitraros & Paganin Paolo (Subaru Impreza N10) 01:55:14.6
9 Giancarlo Davite & Sylvia Vindevogel (Mitsubishi Lancer Evo10) 01:56:24.4
10 Jean Jean Giesen & Kevin Mujiji (Toyota Celica) 02:00:06.8
11 Kanangire N Christian & Karingirwa Regis (Subaru Impreza GC8) 02:03:37.2