Webrwanda Backend

Tag: featured

  • Abepiskopi Gatolika mu Burundi bababajwe n’ababitiranya n’Ishyaka/Umutwe wa Politiki

    Inama y’Abepiskopi b’i Burundi itangaza ko ibabajwe n’uko hari bamwe bashaka kuyitiranya n’umutwe wa Politiki biturutse ku gikorwa bakoze mu matora aheruka nk’indorerezi, aho banagaragaje ibyo bayanenze.

    Bikubiye mu itangazo ryashyizwe ahagaragara n’umukuru w’iyo nama, Musenyeri Joachim Ntahondereye aho agaragaza ukuri ku ruhare rwayo muri ayo matora aheruka muri iki Gihugu.

    Iyi nama y’Abepiskopi, igagaraza ko itishimiye uburyo Urukiko rurinda iremezo ry’Itegeko Nshinga muri iki gihugu rwavuze ibyo bayishyikirije” Nk’uko yaba yaritwaye ku byerekeye amatora”.

    Ku wa 04 Kamena 2020, Uru rukiko nibwo rwatangaje ibyavuye mu matora yo ku wa 20 Gicurasi 2020, aho rwanavuze ko utunenge twashikirijwe n’inama y’abepiskopi b’i Burundi, cyo kimwe n’ibirego byatanzwe n’ishyaka CNL ritavuga rumwe n’ubutegetsi nta shingiro bifite.

    Muri iri tangazo, musenyeri Joachim Ntahondereye ukuriye inama y’abepiskopi mu Burundi amenyesha ko itigeze itanga ikirego mu rukiko rushinzwe kurinda iremezo ry’itegeko Nshinga.

    Ati: “Ico yakoze kwabaye ukugira ico ishikirije icese ku vyerekeye igikorwa c’uburorerezi yari yaronkeye uruhusha”.

    Abasenyeri b’ i Burundi bavuga ko nta mpamvu n’imwe yari ihari y’uko bitwara/barega ngo kuko uruhare rwabo muri ayo matora cyari igikorwa cy’umurorerezi kandi bakagendera ku ngingo ngengamyitwarire y’indorerezi z’amatora.

    Akomeza avuga ko igikorwa cy’indorerezi kwari ukwandika no kugaragaza inenge z’ibyabaye yiboneye n’amaso yiwe gusa. Musenyeri Ntahondereye ati: “Turababajwe n’uko Inama y’abepiskopi yafashwe mu buryo butumvikana nk’uko yoba yaritwaye, ivyo navyo bigatera agapfungu mu mitima y’abantu.Turanse ko twitiranywa n’umugambwe canke n’umuntu uwo ari we wese yahiganywe mu matora”.

    Inama nkuru y’abepiskopi b’i Burundi, CECAB, yohereje indorerezi zayo zirenga 2,700 mu makomine yose, aho bashoboye kujya mu tuzu tw’amatora bahisemo, nk’uko babivuga mw’itangazo ryabo ryo ku wa 26 Gicurasi 2020, iminsi ine inyuma y’ayo matora.

    Muri iryo tangazo nkuko BBC dukesha iyi nkuru ibitangaza, bari bamenyesheje ko ayo matora yabayemo utunenge twari gushobora gutuma ibyari gutangazwa ko byayavuyemo bishobora kutizerwa.

    Inyuma y’iryo tangazo, hari bamwe babonye ko Kiliziya Gatorika mu Burundi itari yishimiye ibyari byaraye bitangajwe na Komosiyo y’Igihugu ishinzwe amatora-CENI ko ari byo byavuye mu matora.

    Hagati aho, inyuma y’aho Evariste Ndayishimiye w’ishyaka CNDD-FDD riri ku butegetsi atangarijwe burundu n’urukiko rurinda iremezo ry’itegeko nshinga ko ari we watsinze ayo matora, iyo nama y’abepiskopi yaramushimiye mu itangazo ryayo ryo ku wa 05 Kamena 2020, inamusaba kuba “umukuru w’igihugu wa bose“.

    Munyaneza Theogene / intyoza.com

    source http://www.intyoza.com/abepiskopi-gatolika-mu-burundi-bababajwe-nababitiranya-nishyaka-umutwe-wa-politiki/

  • Kayonza: Yamenye ko uwo biteguraga kurushinga yarogowe n’undi ahita yiyahura

    Ibi byabaye kuri uyu wa Gatandatu tariki 6 Kamena 2020, mu Mudugudu wa Rebezo mu Kagari ka Muko mu Murenge wa Murama mu Karere ka Kayonza.

    Uwihoreye n’uwo mukobwa bari barashimanye ndetse yari yaranamweretse ababyeyi baramushima isezerano ryabo ritinzwa na covid-19.

    Mutuyimana Pauline, Umunyamabanga Nshingwabikorwa w’Umurenge wa Murama aganira na UKWEZI yavuze ko ejo ku wa Gatandatu uyu musore yateze ubwato ageze hagati mu kiyaga cya Rwikwavu abwira abasare ko agiye kwiyahura. ahita asimbuka agwamo.

    Yagize ati “Kugeza ubu umurambo turacyawushakisha ntabwo turawubona. Mbere y’uko asimbukira mu mazi yabwiye abasare ko impamvu imuteye kwiyahura ari uko yamenye ko umukobwa biteguraga kubana yasanze undi mugabo bakabana”.

    Gitifu avuga ko uyu musore n’uyu mukobwa nta butumire bari baratanze. Uyu musore n’umukobwa wamubenze agasanga undi mugabo bakibanira bombi ni abahinzi.

    source http://www.ukwezi.rw/mu-rwanda/2/article/Kayonza-Yamenye-ko-uwo-biteguraga-kurushinga-yarogowe-n-undi-ahita-yiyahura

  • Uko byagenze kugira ngo Haji n’abakozi be 29 bashyirwe mu kato

    Kwa Haji ni hamwe mu hantu hazwi cyane ku muhanda Kigali- Huye, ni mu murenge wa Busasama mu karere ka Nyanza. Iminsi ibaye ibiri kwa Haji bafunzwe. Aya makuru yemezwa n’Umuyobozi w’Akarere ka Nyanza Ntazinda Erasme.

    Umuyobozi w’ Ikigo cy’Igihugu cy’Ubuzima RBC, Dr NSANZIMANA Sabin yabwiye Igihe ko impamvu ari uko hari umushoferi wahahagaze nyuma bikaza kugaragara ko uwo mushoferi yari afite ubwandu bwa covid-19.

    Hakizimana Said yavuze ko we n’abakozi 29 bari mu kato mu ishuri rya Ecole de Sciences de Nyanza, ngo amakuru bafite ni uko ngo hari umuntu wo mu karere ka Rusizi wanduye covid-19 wavuze ko yariye kwa Haji.

    Dr Nsanzimana Sabin avuga ko uwo mushoferi ari umwe mu batwara amakamyo yambukiranya imipaka.

    Umwe mu batuye mu karere ka Nyanza, ejo yabwiye UKWEZI ko yageze kwa Haji asanga batari gutanga serivise ahubwo hari abantu bambaye bikwije bari gutera umuti mu nzu Haji Entreprise ikoreramo.

    Mu Rwanda hamaze kugaragara abantu 431 banduye Coronavirus, mu gihe babiri aribo bamaze kwitaba Imana bazize iki cyorezo naho 283 bakaba barakize. Mu banduye bose, umubare munini ni abagabo kuko bihariye 81.44% bingana n’abantu 351.

    source http://www.ukwezi.rw/mu-rwanda/Ubuzima/article/Uko-byagenze-kugira-ngo-Haji-n-abakozi-be-29-bashyirwe-mu-kato

  • Rusizi: Umurambo w’umugore wazindutse ajya guca inshuro watoraguwe mu mugezi wa Rubyiro

    Uyu murambo watoraguwe mu kagari ka Pera, Umudugudu wa Buhanga saa moya za mu gitondo.

    Umugezi wa Rubyiro unyura mu mirenge itandukanye y’akarere ka Rusizi, irimo Bugarama, Gikundamvura, na Nyakabuye.

    Ubuyobozi bukimenya aya makuru bwihutiye kugerayo bubaza abaturage, babanza kuyoberwa uyu mugore ariko ku bw’amahirwe baje kumenya ko ari umugore wo mu murenge wa Muganza.

    Umunyamabanga Nshingwabikorwa w’Umurenge wa Bugarama Ntivuguruzwa Gervais aganira na UKWEZI yavuze ko basanze uyu murambo ari uwa Niyonshuti Adèle.

    Ati “Icyo twakoze kwari ukumenyekanisha ko hari umurambo dutoraguye kandi twamenyekanishije amakuru mbere y’uko dufata icyemezo cyo kumushingura nk’umurambo twari dutoraguye. Ubu twawohereza ku bitaro bya Gihundwe kugira ngo ukorerwe isuzuma”.

    Ngirabatware James, uyobora umurenge Muganza aho uyu mugore Niyonshuti Adèle akomoka yabwiye UKWEZI ko amakuru bahawe n’abana be ari uko yari yazindutse ajya guca inshuro.

    Ati “Ntabwo yabuze kera yabyutse mu gitondo agiye guca inshuro kuko aribyo byari bimutunze, yagiye mu gitondo rero abana be nibo babiduhamirije kuko yabanaga n’abana be mu nzu, umwana we mukuru afite imyaka 15 yatubwiye ko yagiye nka saa kumi n’igice z’igitondo”.

    Uyu mugore yari afite abana batatu ariko nta mugabo afite yibanaga. Yitabye Imana afite imyaka 38. Ntabwo haramenyekana icyateye urupfu rwe ariko harakekwa kurohama.

    Ngirabatware ati “Kubera ko umurambo we wasanzwe mu mugezi wa Rubyiro, ntitwahamya ngo icyamwishe ni amazi kubera ko umurambo we wajyanywe mu bitaro bya Gihundwe abaganga nibo bahamya icyamwishe ariko twe dutekereza ko ashobora kuba yaguye mu mazi”.

    Uyu mugezi wa Rubyiro ni umugezi munini, abawuzi bahamya ko amazi yawo ashobora kwica umuntu gusa ngo ntabwo byari bimenyerewe ko uyu mugezi wica umuntu mu gihe kitari icy’imvura.

    source http://www.ukwezi.rw/mu-rwanda/2/article/Rusizi-Umurambo-w-umugore-wazindutse-ajya-guca-inshuro-watoraguwe-mu-mugezi-wa-Rubyiro

  • Shaddy Boo, yabaye Chief Shaddy Boo ibiryo yatekeraga Meddy Saleh agiye kubitekera buri wese

    Ati “Ikintu ngomba kuvuga ku bijyanye na business yanjye ubu ng’ubu ndi umutetsi nabaye chief Shaddy Boo, Love on the Plate, man ni ibintu mba nashyizemo urukundo rwanjye nk’umugore wo mu rugo, nabitekeraga Meddy nubwo yanshize iruhande rw’umuryango ariko yarabikundaga”.

    Mu kiganiro yagiranye na Isimbi Tv, yavuze ko abana bamufata nk’umubyeyi wo kwigiraho, gusa ngo ntabwo yabifuriza kubaho uko abayeho, kuko ngo we ari gushaka amafaranga kandi bo bazaba bayafite.

    Shaddy Boo niwe mugore wa mbere ukurikirwa n’abantu benshi ku mbuga nkoranyambaga. Kuri instagram akurikirwa n’abarenga ibihumbi 715.
    Ati “Kuba umusitari nta kintu winjiza nta kintu biba bimaze. Bitewe n’ukuntu muhora mumvuga, bitewe n’ukuntu ninjiza bituma numva ndi umusitari”.

    Shaddy Boo avuga ko mu bagore b’abanyapolitiki mu Rwanda uwo akunda cyane ari Claire Akamanzi, Umuyobozi Mukuru wa RDB, ikigo cy’igihugu gitsura amajyambere, ati “Azi ubwenge”.

    Uyu mugore yavuze ko umugabo we Meddy Saleh batangiye kubana akunda ibiryo yatetse ku buryo yirukanaga abakozi kugira gusa umugore we amutekere ariko ngo nyuma byaje guhinduka akabona ntabwo Meddy Saleh yishimiye ibiryo yatetse nk’uko we aba abishaka.

    Mu buzima ngo ikintu kimubabaza, kikamutera ubwoba ni ukuba umuntu akunda yamwaka ikintu ntakimubonere, umwana akamusaba umugati adafite ubushobozi bwo kuwubona.

    Ati “Niyo mpamvu yinjiye muri bizinesi yo guteka nahisemo kuba umukwikwi, kugira ngo mpe abakunzi banjye icyo bankeneyeho”.

    Uyu mugore uvuga ko kuva akiri umwana yakundaga guteka, ndetse ngo muri iyi minsi ntiyitaye ku nzara ze ahubwo ngo aremera akajya mu gikoni agakatagura ibyo guteka kugira ngo abonere abakiriya amafunguro.
    Shaddy Boo ni umubyeyi w’abana babiri ndetse yigeze no gushakana na Meddy Saleh baza gutandukana. Avuga ko nubwo batandukanye uyu mugabo akimufasha muri byinshi birimo kumukundira abana gusa ngo ubu ni inshuti zisanzwe.

    Avuga kandi ko yiteguye kuzongera gushaka umugabo, ati “Ndi umugore ngira besoin, ntabwo ndi umubikira”.

    Akomeza avuga ko ikijyanye no gushaka amafaranga ari kukitaho, ngo ahubwo akeneye umugabo w’umutima, ati “Nkeneye umugabo unkunda akankundwakaza”.

    Mbabazi Shadia avuga ko umuntu afata nk’ikitegererezo ku Isi ari Rihanna(umuhanzikazi wo muri Leta zunze ubumwe za Amerika), kuko ngo yatangiye afite abantu bamuca intege ariko yaje kugera ahantu heza kandi abantu baramushyigikira, ati “Nanjye bazanshigikira kandi nzaba successful”.

    source http://www.ukwezi.rw/Imyidagaduro/Shaddy-Boo-yabaye-Chief-Shaddy-Boo-ibiryo-yatekeraga-Meddy-Saleh-agiye-kubitekera-buri-wese

  • U Rwanda rweretse u Burundi ubushake bwo kuzahura umubano nyuma y’itorwa rya Perezida mushya

    Hashize imyaka itanu umubano w’u Rwanda n’u Burundi ujemo agatotsi kagabanyije ubuhahirane n’urujya n’uruza hagati y’abaturage b’ibihugu byombi, ndetse ibihugu byombi bitangira gushinjanya ko kimwe gihungabanya umutekano w’ikindi.

    Tariki 20 Gicurasi 2020 nibwo mu Burundi habaye amatora ya Perezida intsinze yegukanwa na Gen.Maj. Evariste Ndayishimiye ukomoka mu ishyaka CNDD-FDD. Ishyaka CNDD-FDD niryo shyaka rya Perezida ucyuye igihe Pierre Nkurunziza, kuri ushimirwa ko yemeye gutanga ubutegetsi mu mahoro, ikintu kiba hake muri Afurika.

    Ibaruwa Minisiteri y’Ububanyi n’amahanga y’u Rwanda yandikiye iy’u Burundi igira iti “Guverinoma ya Repubulika y’u Rwanda irashaka gushimira Perezida watowe General Major Ndayishimiye kandi ifashe uyu mwanya ngo igaragaze ubushake bwo kuzahura umubano w’amateka y’ibi bihugu by’ibivandimwe”.

    Muri iyi baruwa guverinoma y’u Rwanda yifurije abaturage b’u Burundi ubuzima buzira umuze, amahoro n’uburumbuke by’umwihariko muri iki gihe kitoroshye cya covid-19.

    Perezida mushya w’ u Burundi mu ijambo yagejeje ku banyagihugu yabasezeranyije kuzazamurira rimwe inzego zose.

    Ubuhahirane bw’u Burundi n’u Rwanda ahanini bwari bushingiye ku mamesa,imbuto, n’indagara byavaga mu Burundi bijya mu Rwanda, hanyuma ababishoye bagahahira mu Rwanda ibintu bitandukanye bigatuma abacuruzi by’umwihariko abo mu ntara y’amagepfo y’u Rwanda babona icyashara kinshi.

    source http://www.ukwezi.rw/mu-rwanda/article/U-Rwanda-rweretse-u-Burundi-ubushake-bwo-kuzahura-umubano-nyuma-y-itorwa-rya-Perezida-mushya

  • KU MUNSI NK’UYU: Imyaka 17 irashize Jimmy Gatete amenwe umutwe

    N’ubwo umukino Amavubi yatsinzemo Ghana 1-0 kuri Stade Amahoro ari wo wahesheje u Rwanda itike y’igikombe cy’Afurika cya 2004, kimwe rukumbi rwitabiriye, abanyarwanda benshi umukino bafata nk’uw’amateka ni uwo muri Uganda warangiye ku ntsinzi y’Amavubi ya 1-0 nyuma gukubita rutahizamu Jimmy Gatete bakamumena umutwe ariko akanga akabatsinda.

    Ni umukino wabaye tariki ya 7 Kamena 2003, ni ukuvuga hashize imyaka 17 ibi bibaye, ni umukino w’amateka kuko wanabaye urufunguzo rw’Amavubi rwerekeza muri CAN 2004 yabereye muri Tunisia.

    U Rwanda rwari mu itsinda rya 13 kumwe na Ghana ndetse na Uganda, ni itsinda ryagombaga kuzamukamo ikipe imwe gusa.

    Amavubi y’u Rwanda yagiye gukina uyu mukino ari aya nyuma mu itsinda n’inota 1, hari nyuma yo gutsindwa na Ghana muri Ghana 4-2 ndetse akanganya na Uganda i Kigali, Uganda yo yari iya mbere n’amanota 4 yari yanganyije n’u Rwanda itsinda Ghana.

    Ni umukino abagande bakega ko uri buborohere bitewe n’umusaruro bari bakuye i Kigali, gusa na n’uyu munsi ibyabaye baracyabyibaza.

    Imbere y’abantu ibihumbi 50 muri Nakivubo Stadium, Amavubi yatangiye umukino asatira Uganda, haje kuzamo imvururu maze rutahizamu w’Amavubi yagenederagaho, Jimmy Gatete bamukomeretsa umutwe ariko yanga gusiga abandi ku rugamba ajya hanze baramupfuka agaruka mu kibuga.

    Nyuma yo gusubira mu kibuga ntibyamusabye iminta myinshi maze ku mupira yari ahawe na Karekezi Olivier, ku munota wa 40, Jimmy Gatete yahise ahagurutsa abanyarwanda bari muri Nakivubo Stadium, i Kigali ndetse n’ahandi hose ku Isi.

    Uganda yari yizeye ko ishobora kwishyura iki gitego ariko icyizere cyaje kuraza amasinde ubwo umusifuzi ukomoka muri Ethiopia, Alemu Gizate wari uyoboye uyu mukino yahuhaga mu ifirimbi umukino urangiye nta zindi mpinduka zibaye.

    Ibi uyu rutahizamu ufatwa nk’uwibihe byose mu Mavubi, yabikomereje kuri Ghana i Kigali tariki ya 6 Nyakanga 2003 ubwo yayitsindaga igitego 1-0, u Rwanda rugahita rubona itike y’igikombe cy’Afurika cya 2004, igikombe kimwe rukumbi rwitabiriye mu mateka.

    Ku munsi nk’uyu muri 2003 ni bwo Jimmy Gatete yamenwe umutwe muri Uganda

    source http://isimbi.rw/siporo/article/ku-munsi-nk-uyu-imyaka-17-irashize-jimmy-gatete-amenwe-umutwe

  • Shaddyboo yavuze ku mubano we na Meddy Saleh ndetse n’umugabo w’inzozi ze uko yaba ameze(VIDEO)

    Mbabazi Shadia wamenyekanye nka Shadyboo ku mbuga nkoranyambaga avuga ko umugabo yifuza atari ufite amafaranga ahubwo ashaka umwitaho akamukundwakaza.

    Mu kiganiro yagiranye n’ikinyamakuru ISIMBI, kibanze ku buzima bwe ndetse na business yatangiye yo guteka, yahishuye byinshi bimwerekeyeho mu rukundo.

    Ku mugabo uzamushaka, avuga ko yifuza umugabo ariko akaba akeneye umugabo uzaba umukunda, amwitaho n’aho imitungo yo arimo kuyishakakira.

    Yagize ati“gushaka umugabo byo ngomba kumushaka kuko sindi umubikira hari ibyo nkeneye. Iyo mitungo ndimo ndayishaka kuri ubu, umugabo nifuza twazabana ni umuhungu w’umutima, umugabo unkunda akankundwakaza, yaba azi gukora bikaba byiza kurushaho.”

    Ku mubano we n’wahoze ari umugabo we Meddy Saleh babyaranye abana babiri, yirinze kugira byinshi atangaza uretse ko yavuze ko ari inshuti ye ndetse amukunda kuko amukundira abana, gusa ngo si inshuti by’umugabo n’umugore.

    Shaddyboo ahamya ko abanye neza na se w’abana be

    Reba hano ikiganiro na Shaddyboo

    source http://isimbi.rw/siporo/article/shaddyboo-yavuze-ku-mubano-we-na-meddy-saleh-ndetse-n-umugabo-w-inzozi-ze-uko-yaba-ameze-video

  • Rubavu: Ukekwaho gucuruza urumogi yafatanwe udupfunyika 3,000 twarwo atujyane Kamonyi

    Kuri uyu wa Gatanu tariki ya 05 Kamena 2020, Polisi y’u Rwanda ikorera mu karere ka Rubavu yafashe ukekwaho gucuruza urumogi, yafatanwe udupfunyika 3000. Uru rumogi rwafatanwe uwitwa Kwizera Bosco ufite imyaka 30 y’amavuko, afatirwa mu murenge wa Nyundo, Akagari ka Terimberi. 

    Umuvugizi wa Polisi mu ntara y’Iburengerazuba, Chief Inspector of Police (CIP) Bonaventure Karekezi yavuze ko kugira ngo Kwizera afatwe byaturutse ku makuru yatanzwe n’abaturage.

    Yagize ati “Umwe mu bashinzwe umutekano w’abatwara abagenzi ku magare mu mujyi wa Gisenyi yabonye uriya Kwizera afite imizigo aramukeka ahita abimenyesha Polisi.”

    CIP Karekezi, akomeza avuga ko abapolisi bari mu karere ka Rubavu bakurikiranye Kwizera basaka imitwaro ye basanga harimo udupfunyika ibihumbi bitatu tw’urumogi.”

    Kwizera akimara gufatwa, yavuze ko yari yahawe amafaranga y’u Rwanda ibihumbi 150 kugira ngo akwirakwize urwo rumogi arukuye mu karere ka Rubavu arujyana mu karere ka Kamonyi aho yagombaga guhurira n’abo yagombaga kuruha.

    Kwizera avuga ko yari asanzwe ajya mu gihugu cya Repubulika ihanira Demokarasi ya Congo akajya kugurayo inkweto ari naho yahuriye n’umuntu wamushyize mu bikorwa byo gucuruza ibiyobyabwenge, nyiri ibiyobyabwenge akaba atuye mu mujyi wa Kigali.

    Umuvugizi wa Polisi mu ntara y’Iburengerazuba arashimira abaturage barimo gufatanya n’inzego z’umutekano mu kurwanya ibiyobyabwenge. Yagize ati”Inzego z’umutekano zirimo gukorana n’abaturage cyane kugira ngo batahure abakwirakwiza ibi biyobyabwenge ndetse banashyikirizwe ubutabera. ”

    Kwizera Bosco, nkuko urubuga rwa Polisi y’u Rwanda dukesha iyi nkuru rubivuga, yashyikirijwe urwego rw’Igihugu rushinzwe ubugenzacyaha (RIB) ikorera muri sitasiyo ya Mukamira kugira ngo akorerwa idosiye.

    Munyaneza Theogene / intyoza.com

    source http://www.intyoza.com/rubavu-ukekwaho-gucuruza-urumogi-yafatanwe-udupfunyika-3000-twarwo-atujyane-kamonyi/

  • Rusizi na Rusumo hakomeje kuzamura imibare mishya y’abarwayi ba Covid-19

    Mu mibare yo kuri uyu wa 06 Kamena 2020, yatangajwe na Minisiteri y’Ubuzima ku buryo icyorezo cya Covid-19 kiriwe gihagaze, hagaragajwe abarwayi bashya 11 mu bipimo 945 byafashwe. Rusizi na Rusumo niho hihariye uyu mubare wose.

    Dore ishusho mbonera y’umunsi;

    Munyaneza Theogene / intyoza.com

    source http://www.intyoza.com/rusizi-na-rusumo-hakomeje-kuzamura-imibare-mishya-yabarwayi-ba-covid-19/