Tag: featured

Hamwe n’abo bavukana uko ari barindwi, Kabengera Gabriel ni we wenyine wavuyemo aba umuhanzi abishyigikiwemo na Padiri Byusa Eustache wamwigishaga mu iseminari ya Virgo Fidelis (Butare), nyuma yo kumubonamo inganzo yo kuririmba maze yiyemeza kumutoza gukuza inganzo ye no gucuranga gitari.

Padiri Byusa ni na we wahimbye indirimbo yitwa Umuhororo yaje gusubirwamo na Massamba Intore.

Kabengera ntiyarangirije amashuri mu iseminari, ahubwo yakomereje mu ishuri ry’Abafurere b’Abamarisite (Frères Maristes) i Save, yiga ubwarimu ahavana impamyabumenyi yo mu rwego rwa A3.

Yatabarutse ari ingaragu mu 1992 afite imyaka 43, azize uburwayi bushobora kuba bwaratewe n’imigeri yigeze gukubitwa n’abajandarume bamutangiriye mu nzira nk’uko byemezwa n’ababanye na we.

Sam Gaude Nshimiyimana, umuhanzi umaze igihe abihagaritse akaba n’umunyamakuru w’umwuga, yabanye na nyakwigendera Kabengera Gabriel akaba azi amateka ye by’umwihariko. Avuga ko igihe Habyarimana Juvenal n’abasirikare bari inkoramutima ze bahirikaga ubutegetsi bwa Kayibanda mu 1973, abasirikare basanze Kabengera mu kazi kuri Radiyo Rwanda bamutegeka gufata gitari akaririmbira muri studio indirimbo yitwa Inkangara.

Yakoze kuri Radiyo Rwanda guhera mbere y’umwaka wa 1973 ahava mbere y’umwaka wa 1989 mu mirimo itandukanye irimo ubunyamakuru, ariko yigeze no kuba umuyobozi w’ibiro (Chef de Bureau), nk’uko twabibwiwe n’umwana Kabengera abereye se wabo witwa Dominique Kubwayo.

Nubwo Kabengera yatabarutse atarashaka umugore, Dominique Kubwayo yadutangarije ko indirimbo yitwa Emma yayihimbiye umukobwa bakundanaga witwa Emma ndetse ngo aracyariho.

Dominique Kubwayo na Sam Gaude Nshimiyimana, KT Radio yabatumiye mu kiganiro Nyiringanzo batubwira birambuye amateka ya Kabengera Gabriel.

Bikurikire muri iki kiganiro:

Iki gikorwa cyabereye ku Kigo Nderabuzima cya Nyundo ndetse n’ahakingirirwa abantu ku mupaka muto uhuza u Rwanda na Repubulika Iharanira Demokarasi ya Congo bakunda kwita Petite barrière.

Kuri uyu wa 5 Ukwakira 2021 nibwo abahanzi barimo Andy Bumuntu, Alyn Sano, Jules Sentore, Patient Bizimana, Mani Martin, Peace Jolis na Miss Ingabire bakoze ubukangurambaga bwateguwe n’Ikigo cy’Igihugu cy’Ubuzima, RBC ku bufatanye n’umuryango Mastercard Foundation, bugamije gukangurira abaturage kwikingiza Coronavirus.

Bamwe mu baturage bahawe serivisi n’aba bahanzi bavuze ko bishimiye cyane iki gikorwa.

Uwitwa Uwase Assouma wari waje kwikingiza urukingo rwa Kabiri rwa Covid-19 yagize ati “Byanyeretse ko abahanzi nyarwanda bari kumwe natwe mu kurwanya Covid-19 […] nkunda cyane Andy Bumuntu nishimiye kumubona hamwe na Peace Jolis.”

Ntawushiragahinda Yevani we yavuze ko nubwo yamaze gukingirwa agiye gukomeza ingamba zose zo kwirinda.

Ati “Nubwo maze kwingiza, agapfukamunwa nzakagumana kugeza igihe bazavuga bati kavaneho […] Abaturage bose ndabakangurira ngo baze bikingize ku bushake kandi baze babikunze kuko ni ukurinda ubuzima bwabo.”

Miss Ingabire n’abahanzi baganiriye na IGIHE basabye abanyarwanda gukomeza kwitabira igikorwa cyo kwikingiza bakirinda ababaha amakuru atari yo ku nkingo za Covid-19, kuko bibabuza amahirwe yo kurinda ubuzima bwabo.

Alyn Sano yagize ati “Nanjye narakingiwe inkingo ebyiri, rero icyo nagira ngo mbwire abantu ni uko niba utarakingirwa uri gucikanwa cyane, kuko urukingo ruri kudufasha gusubira mu buzima busanzwe ibintu biri kugenda bigenda neza, twese rero nidukingirwa urumva ko tuzasubira mu buzima busanzwe burundu.”

Miss Ingabire ati “Hari ibihuha bivuga ko urukingo rwatera umuntu Covid-19. Ibyo rero ntabwo aribyo ahubwo rutuma agira imbaraga zo kuyirwanya. Ndakangurira buri muntu wese gufata urukingo kuko natajya kwikingiza ashobora kwandura cyangwa kwanduzwa kandi ibyo bisubiza igihugu inyuma.”

Akarere ka Rubavu kuba gaturiye umupaka w’u Rwanda na Congo kandi uzwiho kugira urujya n’uruza rw’abantu benshi cyane abakora ubucuruzi, bisaba ko abantu baho bakingirwa ku bwinshi kugira ngo birinde ubwiyongere bw’icyorezo.

Abarenga ibihumbi 95 nibo bamaze gukingirwa i Rubavu

Umuyobozi w’ibitaro bya Gisenyi, CSP Tuganeyezu Oreste, yavuze ko gahunda yo gukingira mu Karere ka Rubavu ihagaze neza ndetse ko nyuma yo kubanza gukingira abafite ibyago byo kwandura kurusha abandi noneho ubu hari gukingirwa abantu bose barengeje imyaka 18.

Yakomeje agira ati “Kugeza uyu munsi tumaze gukingira abaturage bangana na 64.681 bahawe inkingo zombi ariko abagera ku 96.450 bamaze kubona urukingo rwa mbere, kikaba ari igikorwa gikomeza rero.”

“Icyo twakangurira abaturage ni ugufatirana amahirwe bafite bakingiza, kuko uko abantu bikingiza ari benshi, uko bashyira mu bikorwa ingamba zo kwirinda Covid-19, niko tuzatsinda iki cyorezo vuba.”

Andy Bumuntu yashimiye abateguye iki gikorwa cyo guhuza abahanzi ngo bajye gukangirira abaturage guhabwa inkingo, asaba ko buri munyarwanda wese yakwikingiza kugira ngo u Rwanda ruzahashye burundu Covid-19.

Abahanzi bitabiriye ni bamwe mu bahuriye mu ndirimbo ‘Tuzatsinda’ yakorewe gukangurira abanyarwanda kwirinda icyorezo cya Covid-19.

Abarenga ibihumbi 95 bamaze guhabwa dose ya mbere y’urukingo rwa Covid-19 muri Rubavu

Alyn Sano yasabye abanyarwanda kwikingiza kuko aribwo buryo bwonyine buzatuma ubuzima busubira ku murongo

Andy Bumuntu ni umwe mu bahanzi bafashije abaturage ba Rubavu kubona ibisabwa ngo bikingize

Bumuntu yashimiye abafatanyabikorwa bose bateguye iki gikorwa asaba abanyarwanda kwitabira kwikingiza Covid-19

Jules Sentore yafashaga abaje kwikingiza kuzuza imyorondoro yabo

Mani Martin mu bakanguriraga abaturage kwikingiza icyorezo cya Covid-19

Miss Ingabire yasabye urubyiruko kwirinda ibihuha bivugwa ku rukingo rwa Covid-19 bakitabira kwikingiza

Miss Ingabire yongeye gusaba buri munyarwanda wese kudasubiza igihugu inyuma yanga kwikingiza

Ni igikorwa cyateguwe ku bufatanye bw’inzego zitadukanye

Patient Bizimana na Alyn Sano bafasha Abanya-Rubavu mu gikorwa cyo kwikingiza kibera kuri site yo ku mupaka wa Petite barrière

Peace Jolis yari yaje kwifatanya n’abatuye Rubavu mu gikorwa cyo kwikingiza Covid-19

Umuyobozi w’ibitaro bya Gisenyi, Chief Superintendent Dr Oreste Tuganeyezu, abishingira ku kuba aka Karere kamaze gukingira byuzuye ibihumbi 65 mu gihe abamaze gufata urukingo rwa mbere ari ibihumbi 96 kandi mu Karere abagomba gufata urukingo rwa Covid-19 bafite guhera ku myaka 18 kuzamura ari ibihumbi 233.

Dr Tuganeyezu avuga ko uyu muhigo bazawugeraho mu kwegera abaturage babashishikariza kwikingiza kuko hari abadafite amakuru ahagije atuma bafata umwanzuro wo kwikingiza.

Agira ati: “Sinavuga ko ubwitabire buri hasi, ariko turashima uburyo abaturage bagenda bikingiza n’ubwo tubashishikariza kwitabira. Turi Akarere kari ku mupaka kandi gufata urukingo byongera ubudahangarwa bw’umubiri, kandi uko abaturage bikingiza ni ko ubwandu bugabanuka ndetse bikaba byazatuma imipaka ifungurwa.”

Dr Tuganeyezu avuga ko mu minsi ishize hari imirenge ubwitabire bwari hasi ariko ubu bwongeye kwiyongera.

Mu karere bafite inkingo zibarirwa mu bihumbi 30 zigomba guhabwa urubyiruko rufite imyaka 18 kuzamura, kandi ngo urwo rubyiruko ruba mu bikorwa bitandakanye bikaba bigoranye kuruhuriza hamwe, bikaba ngombwa kwiyambaza abahanzi n’abandi bantu bavuga rikumvikana kugira ngo bashishikarize urubyiruko n’abandi kwitabira gufata urukingo.

Bumwe mu buryo bukoreshwa ni ugukoresha abahanzi, abayobozi b’amatorero n’amadini.

Tariki 5 Ugushyingo 2021 ubuyobozi bwa Minisiteri y’Ubuzima bukaba bwiyambaje abahanzi mu bikorwa byo gushishikariza urubyiruko kwitabira gufata urukingo.

Ruhamyambuga Olivier, Umunyamabanga Nshingwabikorwa w’Akarere ka Rubavu, avuga ko kwitabira gufata urukingo ku batuye mu Karere ka Rubavu bizafasha kwirinda icyorezo cya Covid-19 ndetse n’ibikorwa byari byarahagaze bigafungurwa, asaba abaturage kwitabira gufata urukingo.

U Rwanda rufite umuhigo wo gukingira 40% by’Abanyarwanda bagejeje imyaka yo gufata urukingo bitarenze ukwezi k’Ukuboza 2021.

U Rwanda ruri mu bihugu bimaze gukingira umubare munini w’abaturage, ibi bikaba bitanga amahirwe n’icyizere ko uko inkingo zikomeza kuboneka abaturage bakazifata ari na ko ibikorwa bifungurwa bikomeza kwiyongera.

Iri shuri ryatangiranye n’abana 120 biga mu byiciro bitatu, rikaba ryubatswe mu Kagari ka Karambi mu Murenge wa Muhazi. Ababyeyi bo muri aka Kagari bavuga ko abana babo bato bakoraga ingendo ndende bajya kwiga, abandi bagahitamo kubarekera mu rugo kuko aho babajyanaga ari kure, badafite ubushobozi bwo kubajyanayo,

Nyiraneza Safina ufite abana batandatu avuga ko byagoranaga kubona umwanya wo kujyana umwana muto kwiga, mu gihe ari gushakira abana ibibatunga.

Niyitanga Jean Bosco we yagize ati ” Njye bizamfasha mu kumenya imirire myiza ikwiriye umwana, hari ubwo usanga tutabaha indyo yuzuye atari uko twayibuze ahubwo ari ukubera kutamenya kuyitegura, ubu rero turi kuza hano bakatwigisha uko itegurwa ku buryo abana bacu nta bibazo by’imirire bazongera kugira.”

Umuyobozi w’agateganyo w’Akarere ka Rwamagana, Kakooza Henry, yavuze ko iri shuri rizazana impinduka zifatika mu buzima bw’abana bo muri aka Karere.

Ati “Iyo ikigo mbonezamikurire kibegereye, bibafasha mu kwita ku mikurire y’abana babo kuko babitaho neza. Ikindi hano abana babona indyo yuzuye ariko byaba bibabaje bayibona hano gusa basubira mu rugo ntibayihabwe, aha rero iri shuri rigiye gufasha ababyeyi kuko iyo umwana yaje ku ishuri bimuha umwanya wo gukora akandi kazi neza.”

Umuyobozi ushinzwe gahunda z’ingo mbonezamikurire na gahunda zireba abana muri Help Child, yafatanyije n’Akarere kubaka iri shuri, Nyiracumi Rachel, yavuze ko gushyigikira gahunda za Leta zijyanye no kwita ku mwana babikora mu rwego rwo gufasha umuryango Nyarwanda w’ejo hazaza.

Ati “Iyo umwana yagize intangiriro nziza kuva agisamwa kugeza ku myaka itandatu, nibura ahazaza he handi haroroha cyane, imyigire ye iroroha, imirire ye iba yaratunganyijwe, imibanire ye n’abandi iba imeze neza ku buryo iyo washyize imbaraga mu kwita ku mwana hakiri kare, uba uri kwita ku hazaza heza h’umuryango mugari w’u Rwanda.”

Iri shuri rizafasha abana bato bakoraga ingendo ndende bajya kwiga kure y’iwabo, bikabagora kuko bakiri bato, mu gihe byanagoraga ababyeyi kubera umwanya munini byabatwaraga bajyana abana ku ishuri.

Ishuri ry’abana mu Karere ka Rwamagana babonye ishuri rizabarinda ingendo ndende

Aba babyeyi batuye mu Mudugudu wa Rwintare, Akagari ka Gako, Umurenge wa Rusiga mu Karere ka Rulindo, ari naho bikekwa ko bakoreye icyaha. Bafunzwe ku wa Gatatu, tariki 3 Ugushyingo 2021.

Umuvugizi wa RIB, Dr Murangira B. Thierry, yabwiye IGIHE ko uyu mugabo na mukase w’umwana batawe muri yombi bamaze igihe bakubita umwana wabo.

Yagize ati “Bakekwaho kumukubita mu bihe bitandukanye ku buryo bubabaje. Uyu mwana yahohotewe mu gihe kigera ku myaka ibiri.’’

Kugeza magingo aya, abafashwe bafungiye kuri Sitasiyo ya RIB ya Bushoki mu gihe iperereza rikomeje kugira ngo hakorwe dosiye y’ibyo bashinjwa ishyikirizwe Ubushinjacyaha.

Mu ibazwa ryabo, aba babyeyi bavuze ko bahoraga umwana wabo ko yanyaraga ku buriri.

Amakuru agera kuri IGIHE avuga ko uwo mwana bamurazaga hamwe n’amatungo ariko agatinya kugira uwo abibwira kuko bari baramubwiye ko nabivuga bazamwica.

Mu butumwa bwa RIB yongeye kwihanangiriza ababyeyi baha abana babo ibihano bibabaza umubiri.

Dr Murangira ati “Guhana umwana si ukumwica urubozo. Ntabwo ibihano bibabaza umubiri cyangwa bibuza umwana uburenganzira bw’ibanze nko kumwima ibiryo, kumubuza kujya kwihagarika, kumufungirana mu nzu n’ibindi byemewe.’’

Abaturarwanda bibukijwe ko badakwiye kwihanganira na gato abakorera abana ihohoterwa no gutungira agatoki RIB aho biri ngombwa.

Yakomeje ati “RIB irasaba buri muntu kuba ijisho rya mugenzi we. Aho ubonye ihohoterwa rikorerwa umwana mu buryo ubwo aribwo bwose wegere Sitasiyo ya RIB utange amakuru cyangwa uhamagare kuri 116 cyangwa 166, uzaba urengeye umwana.’’

Abaturage kandi bakanguriwe kurushaho kwita no kumenyekanisha icyaha cy’ubugome cyangwa gikomeye ku nzego zishinzwe umutekano, iz’ubutabera n’iz’ubuyobozi kugira ngo icyo cyaha gihagarikwe cyangwa hirindwe ingaruka zacyo.

Ibi kutabikora bihanwa n’ingingo ya 243 y’Itegeko riteganya ibyaha n’ibihano muri rusange aho utamenyekanishije icyaha cy’ubugome cyangwa gikomeye ashobora guhanishwa igifungo kiri hagati y’amezi atandatu n’umwaka umwe n’ihazabu iri hagati ya 100.000 Frw na 300.000 Frw.

Ababyeyi batawe muri yombi bakurikiranyweho gukubita no gukomeretsa ku bushake baramutse bahamwe n’iki cyaha, bahanishwa ingingo ya 121 y’Itegeko No68/2018 ryo ku wa 30/08/2018 riteganya ibyaha n’ibihano muri rusange.

Iyo icyaha cyakorewe umwana, umubyeyi, uwo bashyingiranywe cyangwa umuntu udashoboye kwitabara kubera imiterere ye ku mubiri cyangwa mu bwenge, ugihamijwe ahanishwa igifungo kirenze imyaka itanu ariko kitarenze umunani n’amafaranga y’u Rwanda atari munsi ya 1.000.000 Frw ariko atarenga 2.000.000 Frw.

Mu gihe bahamwa n’icyaha cy’iyicarubozo, ahanishwa igifungo kitari munsi y’imyaka 20 ariko kitarenze imyaka 25.

Iyo iyicarubozo riteye urikorewe indwara idakira, ubumuga buhoraho butuma atagira icyo yikorera, kubuza burundu umwanya w’umubiri gukora, gutakaza igice cy’umubiri gikomeye, urupfu cyangwa rikozwe n’umuntu ukora umurimo wa Leta mu mirimo ashinzwe, igihano kiba igifungo cya burundu.

Uyu mwana yari amaze imyaka ibiri akorerwa iyicarubozo ku mubiri yashyizweho inguma

Uyu mwana yari yarabujijwe kuvuga ibijyanye n’ihohoterwa akorerwa akangishwa ko azicwa

Ibi biterwa n’ingamba Leta yashyizeho zo kwirinda iki cyorezo, ariko by’umwihariko bikanaterwa n’ibikorwa by’ikingira, aho Abanyarwanda bagera kuri 4,279,628 bamaze guhabwa dose ya mbere y’urukingo rwa Covid-19, mu gihe abagera kuri 2,159,058 bamaze guhabwa dose ya kabiri.

Abantu 44 nibo basanzwemo ubwandu bwa Covid-19 mu bipimo 12,168 byafashwe, mu gihe abantu begera kuri 1,332 bamaze guhitanwa n’iki cyorezo kuva cyagera mu Rwanda muri Werurwe umwaka ushize.

Minisiteri y’Ubuzima irakomeza gusaba abantu kurushaho kubahiriza ingamba zo kwirinda iki cyorezo, na cyane ko cyongeye kubura umuntu mu bihugu biri mu Burayi.

Ni ibikorwa birimo amazi meza ndetse no kwagura imihanda ikarushaho kuba nyabagendwa hirindwa impanuka za hato na hato.

Ibyo birishimirwa mu gihe habura iminsi mike ngo hizihizwe isabukuru y’imyaka 50 umubano w’ibihugu byombi ugize ingufu hagafungurwa Ambasade y’u Bushinwa mu Rwanda, izaba ku wa 12 Ugushyingo 2021.

IGIHE yageze i Butera mu Kagari ka Sheli, Umurenge wa Rugarika ho mu Karere ka Kamonyi, ahagejejwe amazi meza nyuma y’imyaka myinshi abahatuye bagorwa no kugera aho bavomera kandi n’ayo babonye akaba yanduye.

Hubatswe umugezi bavomeraho bapompa (borehole), wuzuye mu cyumweru gishize bakaba batangiye kubona amazi asukuye kandi hafi.

Uwo ni umwe mu ibarirwa muri 200 iteganyijwe kubakwa mu turere 11 two mu Burasirazuba, Umujyi wa Kigali no mu Majyepfo y’u Rwanda.

Umwe mu batuye i Butera usanzwe ari umuhinzi, Niyomwungeri Sylverine, yagize ati “Twajyaga tuvoma muri biriya bizi bibi bitemba birimo inzoka. Ubundi twajya gushaka aya “kano” tukagenda hafi kilometero n’igice. Inyuma y’uriya musozi ni ho twajyaga kuyashaka.”

Uwitwa Mukandayambaje Vestine yatangaje ko ibyo byatumaga bagorwa no kubona amazi batekesha cyangwa gukoresha indi mirimo.

Bombi bahurije ku kuba abana bahanduriraga indwara ziterwa n’ayo mazi y’ibiziba baba banyoye, abahinzi na bo bakuhira bigoranye.

Umunyamabanga Nshingwabikorwa w’Umurenge wa Rugarika, Umugiraneza Marthe, yavuze uwo mugezi ari igisubizo kiziye igihe ariko ko hagikenewe izindi mbaraga kuko udahagije cyane ko ari wo wonyine uri muri ako gace.

Ati “Tugira utugari dutanu dutuwe n’abaturage ibihumbi 44. Urebye utugari nka tubiri (natwo kimwe cya kabiri cyatwo) ni ho hari amazi. Twakoreshaga amazi yo mu bishanga na “kano” za kera zakozwe mu budehe ku bufatanye n’abaturage.”

Umuyobozi ushinzwe ibikorwa by’amazi, isuku n’isukura mu bice by’icyaro muri WASAC, Mugwaneza Vincent de Paul, yatangaje ko uwo mugezi ari kimwe mu bisubizo byatekerejweho kugira ngo ako gace kabashe kubona amazi.

Ati “Uyu mugezi wubatswe ku bufatanye n’u Bushinwa […] ni igikorwaremezo gishobora kubakwa mu gihe kitarenze ukwezi kumwe ariko kandi kikaba cyakubakwa mu bice tutaragezamo imiyoboro y’amazi.”

Umuyobozi w’Umushinga wo kubaka iyo migezi wiswe “China Aid 200-Borehole Project in Rwanda” ushyirwa mu bikorwa n’Ikigo cya China Geo-Engineering Corporation, Chen Jinke, yatangaje ko imibanire y’ibihugu byombi yatumye abaturage babyo baba nk’abaturanyi bagashyigikirana mu buryo butandukanye.

Ati “Twishimira ko ubwo bufatanye bwakomeza kugira ngo dufashe u Rwanda muri gahunda nziza rwihaye yo kwiyubaka no guteza imbere imibereho myiza y’abaturage hubakwa ibikorwa remezo.”

Iyo migezi yatangiye kubakwa mu Ugushyingo 2019 igomba kurangira mu Ugushyingo 2021 ariko ntibyakunze kuko igeze kuri 69%. Biteganyijwe ko uyu mwaka uzarangira igeze kuri 80%, yose ikazaba yuzuye bitarenze muri Mata 2022 itwaye miliyoni 5,7 z’amadolari ya Amerika. Imara imyaka 15 ikongera gusanwa, ikaba izagirira akamaro ababarirwa mu bihumbi 108.

Abakozi bo muri Ambasade y’Abashinwa bari kumwe n’umukozi wa WASAC

Aha ni ho abaturage bo mu Kagari ka Sheli bajyaga bavoma mbere yo guhabwa amazi meza

Ibikorwa byo kwagura umuhanda Sonatubes-Gahanga-Akagera birarimbanyije

Uretse ayo mazi meza avugwa imyato n’ab’i Kamonyi no mu tundi turere yagejwemo, u Bushinwa bwanagize uruhare mu kubaka imihanda itandukanye irimo n’uri kwagurwa uturuka Sonatubes werekeza Gahanga muri Kicukiro, ugakomeza kugera ku mugezi w’Akagera.

Uwo muhanda wari usanzwe ugizwe n’inzira z’imodoka ebyiri gusa, uri gushyirwamo inzira enye ku buryo umubyigano n’impanuka bya hato na hato byawuberagamo bizagabanuka.

Umwe mu batuye mu Murenge wa Kagarama ukoze kuri uwo muhanda, Gahiganwa Jean Marie Vianney, yatangaje ko bahoraga babona impanuka “z’abamotari” kubera ibinyabiziga byabaga ari byinshi kandi aho binyura ari hato.

Yakomeje ati “Mu buryo bw’ubuhahirane, ab’i Bugesera bazajya bazana ibyo basaruye kandi babashe guhaha mu isoko rya Zinia nta kibazo.”

Mugenzi we utuye mu murenge wa Gahanga, Ngabonziza Théogène, yavuze ko kwagura uwo muhanda bizabafasha kugera iyo bajya vuba kandi badahenzwe.

Umunyamabanga Nshingwabikorwa wa Gahanga, Rutubuka Emmanuel, yatangaje ko kuba uwo muhanda warakozwe neza byongereye ingufu urujya n’uruza hagati yabo n’uturere baturanye.

Yakomeje avuga ko ibikorwa byo kuwubaka byanahaye Abaturarwanda akazi, ati “buri wese hari icyo yagiye akuramo hakurikijwe ibyagiye bihakorerwa.”

Umuyobozi ushinzwe umushinga wo kwagura uwo muhanda mu Kigo cya China Road and Bridge Corporation (CRBC), Pian Chang, yavuze ko ibikorwa byatangiye muri Werurwe 2019 bikaba bizarangira muri Kamena 2022.

Yakomeje ati “Hazagurwa kilometero 13,8. […] Ingengo y’imari izakoreshwa yose hamwe ni miliyoni 53 $.”

Umuyobozi Mukuru Wungirije w’Ikigo gishinzwe Iterambere ry’ubwikorezi (RTDA), Baganizi Emile, yavuze ko umushinga wo kwagura uwo muhanda ugana ku Kibuga cy’Indege cya Bugesera wahuye n’imbogamizi zirimo kuba uri kubakwa mu Mujyi, kwimura abantu n’ibikorwa biri mu mbago zawo.

Ati “Ubu umushinga ugeze ku gipimo cyiza cya 91,6%, twizeye ko mu gihe gisigaye imirimo yose izaba yarangiye.”

Yavuze kandi ko uwo mushinga ufite icyo usobanuye ku mubano w’u Bushinwa n’u Rwanda umaze imyaka itari mike.

Ati “Ni umubano uturuka kera ndetse washinze n’imizi. Iyo ufashije igihugu kubona ibikorwaremezo biba byerekana ko ushaka iterambere ryacyo.”

Uretse abaturage bagaragaje ingaruka nziza bagizweho n’imibanire y’ibihugu byombi binyuze muri ibyo bikorwa remezo, hari n’abakoranye na sosiyete z’Abashinwa bishimira ubumenyi bahakuye.

Ahari kubakwa rond point mu Karere ka Kicukiro bigizwemo uruhare n’Abashinwa

Umwe mu bakozi bari kubaka kuri uwo muhanda yavuze ko amaze imyaka irenga 40 akorana n’Abashinwa, ibintu byamushoboje kubaka inzu ye, arihira n’abana be ishuri bararangiza.

Uwitwa Mutabazi Amis watangiye gukorana na bo mu 2004, yavuze ko yungutse ubumenyi bwinshi burimo gusana imashini zifashishwa hubakwa iyo mihanda n’ibindi.
U Bushinwa busanzwe butera inkunga u Rwanda mu bikorwa byo mu nzego zitandukanye zirimo ubuzima n’ibikorwa remezo.

Magingo aya sosiyete zikomeye z’ubwubatsi zikorera mu Rwanda ni iz’Abashinwa ndetse n’imihanda miremire hafi ya yose ni zo zayubatse.

By’umwihariko ikigo CRBC kimaze kubaka mu Rwanda imihanda irenga 40 minini kuva cyahagera mu 1974.

Urwego rw’Igihugu rushinzwe Iterambere (RDB) rwerekana ko mu 2020 mu Rwanda hinjiye sosiyete 24 zivuye mu Bushinwa zije mu by’ikoranabuhanga, inganda, ubwubatsi, amahoteli n’ubucukuzi bw’amabuye y’agaciro. Zazanye ishoramari rya miliyoni 300$.

Abashinwa bubatse amavomero bari kumwe n’abakozi ba WASAC

Umuhanda uturuka Sonatubes werekeza mu Bugesera uri kwagurwa ushyirwamo inzira enye

Umuhanda uva Sonatubes ugana ku Kagera ubu ubasha kunyushamo imodoka enye zibangikanye

Chen Jinke, yatangaje ko imibanire y’ibihugu byombi yatumye abaturage babyo baba nk’abaturanyi bagashyigikirana mu buryo butandukanye

Amafoto: The New Times

Iri soko rishya rya Muhanga ryatangiye gukorerwamo muri Kamena 2021, nubwo imirimo yo kuryubaka itararangira neza kuko igeze kuri 80%.

Bamwe mu baricururizamo baganiriye na IGIHE bagaragaje ko nubwo bagiye mu isoko rya kijyambere bahuye n’imbogamizi zo kwishyura ubukode buri hejuru, mu gihe abakiriya baryinjiramo ari mbarwa.

Impamvu bashingiraho bagaragaza ko ubukode buri hejuru ni uko isoko bakoreragamo mbere bishyuraga 8000 Frw, abandi bakishyura ibihumbi 250Frw, ariko abakorera muri iri soko nk’abacuruza imboga n’imbuto n’ibindi bishyura ibihumbi 30 Frw mu gihe abacuruza imyenda bakorera mu igorofa ya gatatu bishyura ibihumbi 80 Frw, mu ya kabiri bakishyura ibihumbi 100 Frw naho hasi bakishyura ibihumbi 150 Frw na ho imiryango yo hanze yishyurwa ibihumbi 250 Frw.

Umwe mu baganiriye na IGIHE yagize ati “Muri iri soko duhura n’imbogamizi nyinshi zo kwishyura amafaranga menshi kandi nta bakiliya tubona. Impamvu ya mbere ni ukuba ibicuruzwa bivangavanze bigatuma abakorera hejuru tutabona abakiliya. Nkanjye kubona ubukode birangora cyane bitewe n’uko ahanini buri hejuru kandi n’ibyo ncuruza ari bike. Bisaba gushyiramo andi mafaranga ava mu bindi bikorwa kugira ngo ubucuruzi budahagarara ariko meze nk’uri gukorera mu gihombo.”

Umucuruzi w’imboga yagize ati “Dufite ikibazo cy’ahantu hahenze dukorera kandi nta bakiriya. Twifuza ko batugabanyiriza ku giciro, icyifuzo cyacu twakijeje ku buyobozi kandi buracyizi dukeneye ko hagira igikorwa.”

Mugenzi we yagaragaje ko nta mucuruzi wemerewe kugera hanze y’isoko ngo abe yazana umukiliya mu rwego rwo kumuyobora kandi iyo umukiliya asanze ibyo ashaka umucuruzi atabifite ngo ntiyemerewe kumurangira mugenzi we kuko acibwa amande y’ibihumbi 100 Frw.

Perezida w’abacuruzi mu isoko rishya rya Muhanga, Rukazabyuma Emile, nawe aheruka kubwira IGIHE ko ibi biciro bibabangamiye.

Yagize ati “Nkanjye aho nkorera ahareba ku muhanda munini Kigali-Huye, nishyura ibihumbi 250 Frw. Twese ntabwo ibiciro tubyishimiye kuko birahanitse, turateganya kwandikira ba nyir’isoko n’akarere bakaba batugabanyiriza ibiciro.”

Guverineri w’Intara y’Amajyepfo, Kayitesi Alice, yavuze ko bagiye gukora ubuvugizi amafaranga akagabanywa.

Hari abatemerewe gukandagizamo ikirenge

Kuva iri soko ryatangira gukorerwamo ku wa 1 Kamena 2021, hashyizweho amabwiriza arigenga ndetse atangarizwa n’abacuruzi ubirenzeho agahanwa.

Muri ayo mwabwiriza harimo ko abacuruzi badakorera muri iri soko batemerewe kuryinjiramo, abakora umurimo w’ubudozi n’undi ushobora kuba azwiho ubucuruzi hafi y’isoko.

Guverineri Kayitesi yabwiye IGIHE ko impamvu abadozi batemerewe kuryinjiramo ari uko bahawe agakiriro kabo gakorera hafi ya gare kandi ko bari muri Koperative, bitaba bisobanutse ko bakora batatanye kandi barubakiwe ahantu habagenewe.

Muri ayo mabwiriza kandi harimo kuba abazwi ku izina ry’abapyesi cyangwa abakomisiyoneri (ni umuntu udacururiza mu isoko runaka ariko ushobora gufasha ugiye guhaha kubona aho ibicuruzwa biri akaza guhembwa n’umucuruzi) ubuyobozi bw’isoko bwagaragaje ko batemewe ndetse banacibwa amande, abandi bagafungwa.

Aha niho abacuruzi bagagariza imbogamizi zo kuba no mu gihe umucuruzi usanzwe ahakorera na we atemerewe kurangira umukiliya mugenzi we ucuruza ibyo adafite kuko bifatwa nko kubangamira ubwisanzure bwo kugura no gucuruza.

Ingingo ya gatandatu y’amabwiriza yometse ku nkuta z’isoko, igaragaza ibihano bihabwa umucuruzi wagaragaye muri ibyo bikorwa birimo gucibwa ibihumbi 100 Frw by’amande ku nshuro ya mbere, yasubira agacibwa amande nk’ayo hakiyongeraho kwihanangirizwa imbere y’ubuyobozi bw’isoko naho ku nshuro ya gatatu akamburwa aho akorera ngo kuko aba agaragara nk’ugamije gusenya isoko.

Hari n’abafungirwa mu isoko

Hari bamwe mu bakorera muri iri soko bagaragaje ko impungenge kuko harimo icyumba gifungirwamo abarenze ku mabwiriza by’igihe gito ariko bikaba bifatwa nko gukandamiza abaturage.

Uwatanze aya makuru yerekanye icyumba yafungiwemo, biturutse ku kuba yinjiye muri iri soko kandi nta bicuruzwa afite, akaza kuhava ajyanwa gufungwa mu kigo cy’inzererezi ariko kubwo amahirwe akaza gufungurwa arayemo rimwe.

Umukozi ushinzwe umutekano muri iyi nyubako, yabwiye IGIHE ko atari ukubafunga nk’uko abacuruzi babivuga ngo ahubwo ari ahantu hagenwe babashyira mu gihe babona bari guteza impagarara.

Ati “Ntabwo ari ukubafunga nk’uko babivuga ahubwo ni ahantu bajyanwa mu gihe dutegereje ko bavugana n’ubuyobozi. Ubundi ni amabwiriza yashyizweho n’isoko kandi mu nama zitandukanye abacuruzi barabisobanurirwa, rero twe icyo dushinzwe ni ukugenzura iyubahirizwa ryayo mabwiriza.”

Kuri iki kibazo Guverineri w’Intara y’Amajyepfo, Kayitesi Alice, yavuze ko agiye gukora iperereza akamenya niba koko abarenze ku mabwira bafungirwamo kuko ari ibintu bidakwiye.

Ati “Gufungwa byo ntibikwiye rwose, ntabwo mbifiteho amakuru ariko ndaza kubikurikirana kuko isoko ntabwo ari gereza.”

Ku kijyanye n’amafaranga menshi yishyurwa, Umuyobozi w’Urugaga rw’Abikorera mu Ntara y’Amajyepfo, Bigirimana Jean Bosco, yavuze ko bikiri kwigwaho ngo harebwe uko bagabanyirizwa.

Yasabye abacuruzi kumva ko nubwo ari isoko rusange ariko harimo n’ishoramari bityo ko amafaranga batangaga mu isoko rya kera atabura kwiyongera kuko na rwiyemezamirimo akeneye kunguka ariko hazashingirwa ku bushobozi bwa buri umwe.

Abakorera mu isoko rya Muhanga bagaragaza ko ibiciro by’ubukode bihanitse

Mu Ukwakira umwaka ushize, nibwo Minisitiri w’Ubutegetsi bw’Igihugu ari kumwe n’abandi bayobozi basuye iki kibuga bashaka kureba aho imirimo yo kucyagura igeze.

Byari biteganyijwe ko irangira muri Nyakanga uyu mwaka, igafasha mu rujya n’uruza by’umwihariko mu korohereza abacuruzi bo mu Rwanda n’abo muri Repubulika Iharanira Demokarasi ya Congo.

Ni imirimo yakozwe bigizwemo uruhare na Banki y’Isi. Inyandiko ya Minisiteri y’Imari n’Igenamigambi, igaragaza mu bigomba gukorwa mu gihe cya vuba mu ngeri yo gutwara abantu n’ibintu harimo no kuvugurura Ikibuga cya Kamembe n’icya Rubavu.

@RwandaTrade through the @GGltfp and in collaboration with RAC and RCAA successfully tested the first night flight to KME airport. This will allow Rwandair provide night flights to traders from both Rusizi and Bukavu in DRC. The project has been funded by Worldbank. pic.twitter.com/f5XX4NyI95

— Min of Trade |Rwanda (@RwandaTrade) November 5, 2021

RwandAir yabonye uburyo izajya ikorera i Rusizi ingendo zo mu masaha y’ijoro

Iki kibuga cyashyizweho amatara ku buryo RwandAir izajya ihakorera ingendo zo mu masaha y’ijoro

Mu mwaka ushize, imirimo yo kwagura iki kibuga yari irimbanyije. Iyi foto yafashwe muri Nyakanga 2020