Tag: featured

Imbuga nkoranyambaga zitandukanye zagiye zikwirakwiza aya mafoto na ba nyiri ubwite barayakwirakwiza ariko ntibagira byinshi basobanura.

Hari benshi baketse ko Bruce Melodie yaba ari mu rukundo n’uyu mukobwa uzwi nka Miss Gisabo, bikanarushaho gushyira mu rujijo kuko ntacyo bigeze basobanura kuri aya mafoto.

Iyo ukurikiye imbuga nkoranyambaga zabo bombi, usanga hashize igihe kirenga umwaka bifotozanya amafoto ameze nk’ay’abantu babiri bari mu rukundo, ariko uko bagiye kuyashyira hanze, babanza gushyiraho ibirango byamamaza telefone.

Ikibazo cyakunze kuba kuri aya mafoto yabaga yasohotse atariho ibirango bya telefone bamamaza, uburyo hari abayabonye bagakeka ko abo bombi bari mu rukundo.

Mu kiganiro Boda to Boda cyo kuri KT Radio ku wa Kane tariki 29 Ukwakira 2020, umwe mu bakurikira iki kiganiro yanditse ubutumwa burebure kuri Radio amenyesha ko yishimiye kuba Bruce Melodie agiye gushyingiranwa na Miss Gisabo.

Yaragize ati “Impamvu binshimishije ni uko bose nsanzwe mbakunda, none kubona bashyingiranwa byanshimisha.”

Gusa uyu mukunzi w’aba bombi, ubanza atasobanukiwe ko Bruce Melodie asanzwe afite umugore babana, kandi barerana abana babiri.

Mu mafoto yavugishije abantu cyane, ni nk’ifoto igaragara Melodie apfukamiye Miss Gisabo asa n’ushaka kumwambika impeta, ndetse n’andi mafoto yigeze kujya hanze bagaragara nk’abari gukorana imyitozo ngoramubiri ari babiri bonyine.

Ibi byashyize mu rujijo benshi mu bayabonye, nyamara aya mafoto yose yari agamije ubucuruzi no kwamamaza ubwoko bw’amatelefone acururizwa hano mu Rwanda aba bose bakaba ari ba ambasaderi b’iyi telefone.

Iyo modoka yari irimo abantu batanu yageze mu Mudugudu wa Muhanga mu Karere ka Muhanga irenga umuhanda, umuntu umwe ahita apfa, abandi bane barakomereka.

Umuvugizi wa Polisi mu Ntara y’Amajyepfo, Superintendent Theobald Kanamugire, yabwiye Kigali Today ko iyo mpanuka yaturuse ku muvuduko munini iyo modoka yagenderagaho, uwo muhanda ukaba wari urimo n’ubunyerere bwaturutse ku mvura yari irimo kugwa.

Yaboneyeho no kwibutsa abantu kwigengesera muri ibi bihe by’imvura n’ubunyerere, bakirinda umuvuduko ukabije, bakubahiriza n’andi mabwiriza abagenga mu gihe bari mu muhanda.

Umurambo w’uwapfiriye muri iyo mpanuka ndetse n’abakomeretse bahise bajyanwa ku bitaro bya Kabgayi i Muhanga.

Hari amakuru avuga ko uwitabye Imana ari umukobwa w’imyaka 23 y’amavuko, akaba yari afite ubukwe mu kwezi gutaha.

Ubwo uturere twitwaye neza mu mihigo ya 2017 – 2018 twabishimirwaga na Perezida wa Repubulika

Ubusanzwe cyaberaga i Kigali, ariko biravugwa ko kubijyana i Nyagatare ari mu rwego rwo guteza imbere abahafite ibikorwa byakira abitabira bene uwo muhango kugira ngo na bo ayo mahirwe abagereho.

Ni umuhango wari umaze imyaka ibiri utaba, dore ko waherukaga kuba hahigurwa imihigo y’umwaka wa 2017/2018, icyo gihe habaho no guhiga imihigo ya 2018/2019.

Abanyeshuri b’abahanga barakangurirwa kwiga mu mashuri y’inderabarezi

Ibyo ngo byakozwe mu rwego rwo gushishikariza abanyeshuri b’abahanga gukurikira iby’uburezi bakanabukora nk’umwuga, kuko ngo hari benshi babwiga ariko bagahitamo kujya gukora ibindi.

Umuyobozi Mukuru wa REB, Dr. Irénée Ndayambaje, akangurira abantu kwiga uburezi, cyane ko Leta yabashyiriyeho amahirwe yihariye, arimo no kwishyurirwa kaminuza.

Agira ati “Abize uburezi bose ntabwo bari mu burezi, bagiye bajya gukora mu bindi bice bigize ubuzima bw’igihugu. Politiki y’igihugu ariko ni uko abantu bize uburezi bakomeza umwuga w’uburezi, cyane ko hari byinshi bahishiwe, mwibuke ko Inama y’Abaminisitiri yo muri Mutarama 2019, yafashe umwanzuro w’uko abanyeshuri b’abahanga bagana amashuri nderabarezi bagomba kuzajya bishyurirwa 50% y’ikiguzi cy’uburezi”.

Arongera ati “Ibyo bintu ubu byaratangiye, n’abanyeshuri batwumva uyu munsi bumve ko 50% y’igihembwe cya mbere cy’umwaka w’amashuri 2019-2020, twayohereje ku ma TTC yabo”.

Uretse ibyo, abari mu mwuga hari imyaka basabwa kwigisha, nyuma abashatse gukomeza muri kaminuza na bwo bakaba bakwishyurirwa amafaranga akenerwa, nk’uko Dr Ndayambaje abivuga.

Ati “Urangije TTC ukigisha imyaka itatu, Leta izajya ikwishyurira 100% ikiguzi cy’uburezi muri kaminuza. Kandi mu gihe urangije kaminuza, abo murangizanyije ariko batize uburezi bazajya bahita batangira kwishyuzwa na BRD, ariko wowe bazaguhereza dipolome yawe wigendere kubera ko wize uburezi, ntawe uzakwishyuza n’igiceri cy’atanu”.

Umuyobozi Mukuru wa REB, Dr. Irenée Ndayambaje

Ati “Ayo ni amahirwe akomeye abize uburezi bateganyirijwe, ku buryo abarangiza muri iryo shami bajyaga bigira ahandi noneho bazajya baza mu burezi bagatanga umusanzu mu byo bize. Umwuga w’uburezi bigaragara ko wagufasha ubwawe, ukaba n’irembo ryiza kugira ngo utange umusanzu ku buzima bw’igihugu”.

Dr Ndayambaje avuga kandi ko abantu batize uburezi ariko bafite ubumenyi mu masomo bize, ko na bo bakinguriwe amarembo mu burezi, bagaherekereshwa amahugurwa ku bijyanye no kwigisha, ayo na yo ngo ni andi mahirwe yatanzwe.

Ayo mahirwe yose ngo azatuma nta bongera kujya mu mwuga wo kwigisha batabifitiye ibyangombwa, cyane ko Komisiyo y’abakozi ba Leta iherutse gusohora raporo ivuga ko mu Rwanda hari abarimu 1,566 mu mashuri ya Leta, bigisha ariko badafite ibyangombwa bibahesha akazi.

Imibare ya Minisiteri y’Uburezi yerekana ko mu Rwanda habarurwa abarimu 63,986 kandi ko muri bo abigisha mu mashuri abanza bujuje ibisabwa ari 98.6%, na ho mu mashuri yisumbuye abujuje ibisabwa bakaba bangana na 76%.

Nk’uko bigaragara ku rubuga rwa Twitter rw’Ibiro bya Perezida wa Repubulika, Perezida Kagame yari yambaye imyambaro ya gisirikare.

Mu mafoto ari kuri urwo rubuga rwa Twitter rw’Ibiro bya Perezida wa Repubulika, Perezida Kagame na Gen Kazura bagaragaye baganiriza abo basirikare bari ku masomo ya Cadet mu Ishuri rya Gisirikare ry’u Rwanda riherereye i Gako.

Mico The Best ni umwe mu bahanzi bavugwa na bagenzi babo ko ari abanditsi beza b’indirimbo. Asanzwe ari n’umuhanzi ukora indirimbo ze bwite zigakundwa, iheruka kwamamara ikaba ari iyo yise ‘Igare’.

Mico The Best

Iyo umuntu yanditse indirimbo byorohera uwo ayihaye iyo iri mu njyana. Mico avuga ko ubu bizajya bimworohera kuko mbere ngo byamugoraga kujya gufata amajwi muri studio zindi. Ati “Hari igihe wandikira umuntu indirimbo akagusaba ko uyimuha iri mu majwi. Icyo gihe byaramvunaga kujya kuyafatira hanze.”

Ikindi yavuze ko iyi studio ye izamufasha ni ibanga ry’akazi no koroherwa, ati “Nk’umuhanzi akenshi inganzo iza igihe icyo ari cyo cyose, rero kuba mfite studio bizamfasha kujya mpita nkora ntagiye gutegereza aho ngira muri studio yindi.”

Abandika indirimbo ntibakunze kuvugwa n’abo bazigurishije, ariko akenshi biba biri mu masezerano bagiranye.

Bahagurukiraga kuri Sitade ya Kigali i Nyamirambo

Abanyeshuri bagomba gutangira amashuri ku wa Mbere tariki ya 02 Ugushyingo 2020, ni abiga mu mwaka wa gatatu, uwa gatanu n’uwa gatandatu y’amashuri yisumbuye, hamwe n’abiga mu mwaka wa gatanu n’uwa gatandatu mu mashuri abanza.

Hazatangira kandi abo mu mashuri y’ubumenyi ngiro bari mu mwaka wa gatatu n’uwa gatanu ndetse n’abo mu y’inderabarezi bo mu mwaka wa mbere n’uwa gatatu.

Kuri uyu wa Kane, hatangiye gusubira ku mashuri abiga mu bigo by’amashuri biri mu Ntara y’Amajyepfo, mu Turere twa Huye, Muhanga na Gisagara, abiga mu Ntara y’Uburengerazuba, mu Turere twa Rutsiro na Karongi, hamwe n’abiga mu Mujyi wa Kigali.

Bageraga kuri Sitade bakabanza gupimwa umuriro

Ari abava mu Ntara baza kwiga i Kigali ndetse n’abo muri Kigali bajya kwiga mu Ntara, bose bahurira kuri Sitade ya Kigali i Nyamirambo, bakabanza gupimwa umuriro.

Gusubira ku mashuri bizakomeza ku wa gatanu, aho biteganyijwe ko hazagenda abiga mu Turere twa Nyaruguru na Nyamagabe mu Ntara y’Amajyepfo, hamwe n’abiga mu Turere twa Rusizi na Nyamasheke mu Ntara y’Uburengerazuba.

Ku wa gatandatu tariki ya 31 Ukwakira 2020, hazagenda abiga mu Turere twa Kamonyi, Nyanza na Ruhango mu Ntara y’Amajyepfo, hamwe n’abiga mu Turere twa Ngororero, Rubavu na Nyabihu mu Ntara y’Uburengerazuba.

Ku Cyumweru tariki ya 01 Ugushyingo 2020, hazagenda abiga mu Ntara y’Amajyaruguru n’Uburasirazuba.

Reba mu mafoto uko icyiciro cya mbere basubiye ku ishuri:

Gukaraba intoki ni ngombwa

Bose bahagurukiraga kuri Sitade ya Nyamirambo

Kompanyi zitwara abagenzi zari zohereje abakozi kuri Sitade mu rwego rwo gufasha abanyeshuri kubona amatike

Icyuma iyi sake yakoreshaga irwana na ngenzi yayo ni cyo cyakomerekeje uyu mupolisi bimuviramo urupfu

Inkuru yatangajwe na televeision CNN iravuga ko ibi byabereye mu Ntara yitwa Samar iri mu Majyaruguru y’icyo gihugu, ubwo abapolisi bari mu gikorwa cyo guhagarika iyi mikino yari irimo kubera mu nzu iri munsi y’ubutaka cyangwa se ‘cave’.

Uyu mupolisi rero yagerageje guterura iyi nkoko ariko icyuma cyari cyashyizwe ku maguru yayo mu gihe yari irimo kurwana kimutema umutsi wo ku kuguru.

Ubusanzwe inkoko zishyirwa mu mikino yo kurwana zambikwa ibyuma ku maguru ari na byo bituma imwe yica ngenzi yayo bityo ikaba iratsinze.

Umuvugizi wa polisi yavuze ko uyu mupolisi witwa Christina Bolok yajyanywe kwa muganga arimo kuvirirana, ariko bamugezayo amaraso yamushizemo ahita ashiramo umwuka.

Imikino yo kurwanisha inkoko aho muri Philippines yari yarahagaritswe mu kwezi kwa munani nyuma yo gusanga aho ibera ari hamwe mu hantu haturukaga abarwayi benshi ba Covid-19.

Usibye iyi nkoko yishe umupolisi, aho byabereye bahasanze izindi nkoko zirindwi, mu gihe abantu batatu bari bahari batawe muri yombi, naho abandi batatu baratoroka.

Akarere ka Nyarugenge kashyizeho ingamba nshya zo guca ibiyobyabwenge

Umuyobozi w’Ishami rya RBC rishinzwe ubuzima bwo mutwe, Dr Yvonne Kayiteshonga, yabitangarije inama ishinzwe kurwanya ibiyobyabwenge mu Karere ka Nyarugenge yateranye kuri uyu wa Kane tariki 29 Ukwakira 2020.

Dr Kayiteshonga yavuze ko abenshi mu bagezweho n’uburwayi ari urubyiruko ruri mu kigero cy’imyaka hagati ya 12-35, ndetse ko 1/2 cy’Abanyarwanda bari muri iki kigero bakoresheje ibiyobyabwenge nibura rimwe mu buzima bwabo.

Dr Kayiteshonga yagize ati “hashyizweho ingamba z’ubuvuzi bwihariye guhera ku bigo nderabuzima, ariko kubera ubukana bw’iyangirika ry’ubwonko hanagiyeho servisi zihariye ku kigo kimwe kiri ku Kicukiro ikindi kiri i Huye”.

Yavuze ko igisubizo gitegerejwe ku bayobozi b’amasibo, ku bufatanye bw’inzego ndetse no ku matsinda (clubs) ashinzwe kurwanya ibiyobyabwenge mu mashuri. Akaba asaba raporo za buri kwezi z’ibyakozwe n’ihuriro ry’inzego zishinzwe kurwanya ibiyobyabwenge.

Dr Kayiteshonga avuga ko abarwara mu mutwe ari benshi kubera ibiyobyabwenge

Umwe mu bakuriye komite ihuriweho n’inzego zishinzwe kurwanya ibiyobyabwenge ku rwego rw’igihugu, Musenyeri Alex Birindabagabo wa Anglican, yasabye abagize iri huriro bose kurakara kuko urubyiruko rwangizwa n’ibiyobyabwenge ari abana babo.

Musenyeri Birindabagabo avuga ko mu myaka 15 ishize abajura bamwibye inka akayigaruza akoresheje abayoboke b’Itorero Anglican muri Diyoseze ya Gahini, ndetse akaba yarabifatiye akabageza kuri polisi.

Yagize ati “Kandi abantu baha aba bana ibiyobyabwenge bahera ku b’abayobozi, abantu barimo kudusenyera, baratwangiriza none munyemerere turakare”!

Ubu buryo bwo gukoresha abaturage binyuze mu madini basengeramo no mu yandi mahuriro, ni bwo Musenyeri Birindabagabo yavuze ko bugomba gukoreshwa n’amadini n’amatorero, ku buryo buri dini ryajya rihabwa agace runaka rizajya rigenzura rigatanga raporo.

Umuyobozi Nshingwabikorwa w’Akarere ka Nyarugenge, Emmy Ngabonziza, avuga ko amadini yari asanzwe agira uruhare rwo kurwanya ibiyobyabwenge mu nyigisho atanga, ariko ko agomba kongeraho ibijyanye no kumenya inzira zose binyuzwamo agatungira agatoki inzego z’umutekano.

Musenyeri Birindabagabo avuga ko ikibazo cy’ibiyobyabwenge gikwiye gutera abantu kurakara kugira ngo bagifatire ingamba

Umuyobozi wa RIB mu Karere ka Nyarugenge, Nkusi, avuga ko muri ako karere bakiriye ibirego 104 by’abantu bafatirwa mu biyobyabwenge mu mezi ane ashize, barimo abamotari 35 bari barahawe kubitunda.

Komite yaguye y’inzego zishinzwe kurwanya ibiyobyabwenge mu Karere ka Nyarugenge igizwe n’ubuyobozi bw’inzego z’ibanze, Ingabo, Polisi, DASSO, Ubuyobozi bwa RBC, Imiryango itari iya Leta, amadini n’amatorero akorera muri ako karere, n’amashyirahamwe atwara abantu n’ibintu.