Tag: featured

Lil Wayne yatangaje ko mu biganiro bagiranye harimo ibirebana n’amavugurura agomba gukorwa mu butabera, cyane ku birebana no gufunga abantu, ndetse na gahunda idasanzwe ya Donald Trump, ifitiye abirabura inyungu.

Lil Wayne yagize ati “Maze kugirana ikiganiro na Donald Trump, ku bijyanye n’ibyo amaze guhindura kugeza ubu mu butabera, kandi na gahunda ye izagirira abaturage akamaro. Yumvise ibyo twavuganye byose, kandi yavuze ko azakora uko ashoboye akabishyira mu bikorwa”.

Muri gahunda idasanzwe ya Donald Trump, harimo ko azatanga miliyari 500 z’amadorari ku baturage b’abirabura batishoboye, akazabaha ubuvuzi budahenze kandi bukwiye, ndetse agaha igishoro ku mishinga mito y’abirabura kugira ngo bizamure mu bukungu.

Yabigarutseho kuri uyu wa Gatanu tariki 30 Ukwakira 2020 ubwo yagezwagaho ibyavuye mu mihigo y’umwaka wa 2019 – 2020 no gusinyana n’abayobozi imihigo y’umwaka wa 2020 – 2021.

Perezida Kagame yavuze ko guhora abantu bibutswa ibyo bakwiriye gukora nyamara ntibabikore batesha abandi igihe. Yanenze abatarakoze ibyo biyemeje kandi ingengo y’imari yo kubikora itarabuze.

Ati “Ibyo udafitiye ingengo y’imari ntabwo ndi bubikubaze, n’ibyagize izindi ngorane zumvikana umuntu yabyumva ariko iyo bitameze gutyo biba ari iki?”

Ati “Ugasanga ngo ntabwo inzego zavuganye, ntabwo zuzuzanya, cyangwa ngo ntabwo byakozwe kubera ko umuntu yategereje ko babanza bakamuha ruswa, …cyangwa ngo ntabwo hakozwe igenamigambi (planning).”

Yavuze ko imikorere itanoze igaragarira mu manota uturere twagiye tubona, dore ko hari utwaje mu myanya y’inyuma nyamara byari bimenyerewe ko tuza mu tw’imbere.

Yatanze urugero rw’Akarere ka Musanze ubu kaje ku mwanya wa 27, avuga ko uyu mwanya ushoboka bitewe n’ibyo yabonye muri ako Karere abayobozi badakemura kugeza ubwo na we abyibonera akabibereka akibaza impamvu baba batabitunganyije mbere kandi biri mu byo bashinzwe umunsi ku munsi.

Yavuze ko umunsi umwe yari yaraye i Musanze abona imyotsi izamuka y’ahantu hasa n’ahahiye, abona abatwika amakara bangiza n’ishyamba, abubaka mu kajagari, isuku nke ku bana, ibi byose ntiyabyihanganira ahamagara abayobozi b’ako Karere n’Intara arabibabaza, bamwemerera ko bagiye kubikemura nyamara bakabaye barabikemuye mbere.

Umuyobozi w’Akarere ka Musanze yahawe ijambo na Perezida Kagame, amwizeza ko ibyo babanenze bagiye gushyiramo imbaraga bigakemuka vuba. Icyakora Perezida Kagame yagaragaje ko igihe ibyo bimaze bivugwa ari kirekire kandi ko igihe cyatakaye kitazagaruka.

Yatanze urugero rw’ahandi muri Kigali yatembereye agasanga abantu bubaka bangije umuhanda mushya wa kaburimbo bawusutsemo umucanga barawufunga, bibangamira abandi bawukoresha. Yanagaragaje ko hari aho yasanze muri Kigali abubaka bafunze inzira imanukana amazi basukamo ibyo bubakishaga.

Yavuze ko akibibona atabyihanganiye, ahubwo yahamagaye Minisitiri w’Ibikorwa Remezo Ambasaderi Claver Gatete, ahamagara n’Umuyobozi w’Umujyi wa Kigali Pudence Rubingisa, abereka ko ibyo bintu bidakwiriye, asaba ko abo bantu ibyo bangiza baba bagomba kubisubiranya kandi bakabihanirwa.

Naho ku byavuye mu mihigo, Umukuru w’Igihugu yavuze ko uturere twose tutaba utwa mbere ariko ko ikinyuranyo kiri hagati y’uturere twa mbere n’utwa nyuma tugaragaza ko hari utudakora ibyo tuba twiyemeje.

Ati “Uwa nyuma aramutse agize 70% byaba bimeze neza, ariko iyo bimanutse bikagera muri 40% biba bitameze neza.”

Umuyobozi w’Akarere ka Nyaruguru, Francois Habitegeko

Byatangarijwe mu muhango wo gusinya imihigo y’umwaka wa 2020-2021, wabereye mu Karere ka Nyagatare, ukitabirwa na Perezida wa Repubulika Paul Kagame.

Mbere y’uko hatangazwa uko inzego zitandukanye zarushanyijwe mu kwesa imihigo y’umwaka ushize, Minisitiri w’Intebe Dr. Edourd Ngirente yabanje kugaragaza inshamake y’uburyo izo nzego zesheje imihigo, agaragaza ibikorwa byagiye bigerwa n’ibipimo byagiye byeswaho.

Reba uko uturere twakurikiranye:

1. Nyaruguru

2. Huye

3. Rwamagana

4. Gisagara

5. Nyanza

6. Nyamasheke

7. Ngoma

8. Kicukiro

9. Gasabo

10. Kirehe

11. Kayonza

12. Kamonyi

13. Nyagatare

14. Gicumbi

15. Bugesera

16. Gatsibo

17. Ruhango

18. Rubavu

19. Burera

20. Nyamagabe

21. Rutsiro

22. Nyarugenge

23. Rurlindo

24. Ngororero

25. Muhanga

26. Gakenke

27. Musanze

28. Nyabihu

29. Karongi

30. Rusizi

Ku rwego rw’Intara n’Umujyi wa Kigali, Minisitiri w’Intebe yavuze ko zihabwa amanota hakurikijwe uturere tuzigize, bityo , Intara y’Uburasiurazuba ikaba ari yo yaje ku isonga, ikurikirwa n’Intara y’Amajyepfo, hakurikiraho Umujyi wa Kigali, Intara y’Amajyaruguru, haheruka Intara y’Uburengerazuba.

Mu buyobozi bwite bwa Leta (Central Governement), Minisitiri w’Intebe yavuze ko inkingi y’iterambere ry’ubukungu ari yo yaje ku isonga, n’amanota 71.9%, imiyoborere myiza n’ubutabera, igira 69.1%, naho iterambere ry’imibereho myiza y’abaturage rigira 56.3%.

Minisitiri w’Intebe Dr. Ngirente yavuze ko hari ibyari biteganyijwe gukorwa ariko bikaza gukomwa mu nkokora n’icyorezo cya Covid-19.

Inzego z’ibanze zasabwe imikoranire mu kwirinda COVID-19 mu gihe abana basubukuye amasomo

Ni mu nama yateguwe ku rwego rw’Intara y’Amajyaruguru ku bufatanye na Minisiteri y’Uburezi, yateraniye mu Karere ka Musanze ku wa Kane tariki 29 Ukwakira 2020, yari igamije kurebera hamwe uko imyiteguro y’itangira ry’amashuri ku itariki 02 Ugushyingo 2020 rihagaze mu turere tugize Intara y’Amajyaruguru.

Muri iyo nama yayobowe n’Umunyamabanga wa Leta ushinzwe amashuri abanza n’ayisumbuye muri Minisiteri y’Uburezi, Twagirayezu Gaspard, hatanzwe ibitekerezo binyuranye birimo no kugaragaza impungenge ku migendekere myiza y’itangira ry’amashuri.

Mu bibazo byibanzweho, byigiwe hamwe mu rwego rwo kubahiriza amabwiriza ajyanye no kwirinda COVID-19 mu gihe abana batangiye kugaruka ku mashuri, harimo kumenya uburyo abana bazabona udupfukamunwa n’imikoreshereze myiza yatwo, uburyo bwo kongera isuku ku bigo by’amashuri, ibikoresho bifasha abarimu kuba bakwirinda kwanduza abana.

Izindi mpungenge zagaragajwe ni iz’ubwirinzi bw’ahantu hahurira abantu, bagaruka ku nkambi ya Gihembe aho ishobora kuba inzira yo gukwirakwiza COVID-19 mu gihe abana bazajya bava muri iyo nkambi bajya kwiga hanze yayo.

Hagaragajwe n’ikibazo kijyanye n’imyiteguro y’aho abana bazarira n’aho bazarara mu gihe bazaba bageze mu kigo, no ku mpungenge z’ibikoresho by’amashuri byifashishijwe mu bihe byo kwirinda COVID-19, bavuga no ku kibazo cy’abarimu bigisha mu Rwanda baturutse hanze y’u Rwanda, aho na bo bashobora kuba baba nyirabayazana w’ikwirakwizwa rya COVID-19, mu gihe hadakozwe ubugenzuzi bwimbitse.

Ni ibibazo byagiye biganirwaho hahabwa ijambo buri wese ubifite mu nshingano, aho byagiye bifatirwa inyigo zijyanye no kubishakira umuti hirindwa ibibazo byakururirwa abana bagarutse ku ishuri.

Ku kibazo cy’abarimu baturuka mu bihugu byo hanze, Dr Irenée Ndayambaje Umuyobozi w’Ikigo cy’Igihugu cy’Uburezi (REB), yavuze ko kizakurikiranwa ku buryo kitazabangamira imigendekere myiza y’itangira ry’amashuri.

Umuyobozi Mukuru wa REB Dr Irenée Ndayambaje

Yagize ati “Niba hari abarimu bataraza navuga ko bakererewe, bagombye kuba barageze mu Rwanda bagapimwa, abayobozi b’ibigo bibakoresha bihutire kubamenyesha. Nko mu cyumweru gishize twakoranye n’inzego zo mu Ntara y’Iburasirazuba, hari abashoboye kwinjira baturutse ku mupaka wa Nemba, nta n’impamvu hano bitakunda, icyangombwa ni uko mbere yo kuza aba yarapimwe yagera no mu Rwanda akongera agapimwa tukamenya ibisubizo bye, hanyuma akinjira muri sosiyete Nyarwanda nk’uko n’ahandi hose bigenda”.

Ku kibazo k’inkambi ya Gihembe iherereye mu Karere ka Gicumbi ifite abana biga hanze yayo, Felix Ndayambaje Umuyobozi w’Akarere ka Gicumbi yamaze impungenge abitabiriye iyo nama, aho yemeza ko ku bufatanye n’abahagarariye impunzi n’inzego z’umutekano, bashyizemo imbaraga ku buryo nta kibazo barabona kidasanzwe gitewe n’iyo nkambi.

Ati “Ni inkambi yari iduhangayikishije ariko ubona imbaraga dushyiramo nta kibazo kiraboneka kidasanzwe, ku bijyanye n’itangira ry’abana, kubera ko hari abana bo muri iyo nkambi biga hanze, twasabye ibitaro bya Byumba gupima abana baba mu nkambi bazaza kwiga kugira ngo tumenye uko bahagaze mbere yo kwinjira mu mashuri”.

Ku bindi bibazo byakomeje kugaragazwa, Umunyamabanga wa Leta Muri Minisiteri y’Uburezi Twagirayezu Gaspard, yasabye abayobozi bose b’inzego z’ibanzi gutanga umusanzu wabo mu gukurikirana igikorwa cy’itangira ry’amashuri bidahariwe gusa abafite uburezi mu nshingano, hakaba hashyizweho n’itsinda rigiye gukurikirana imigendekere y’itangira ry’amashuri.

Asaba abayobozi kurangwa no gutanga amakuru, hagamijwe kwirinda COVID-19 mu bigo by’amashuri hagendewe ku bunararibonye bamaze gukura mu mabwiriza yo kwirinda COVID-19.

Umunyamabanga wa Leta muri Minisiteri y’Uburezi, Twagirayezu Gaspard

Ati “Ubu tugeze ahantu heza mu rwego rwo kurwanya COVID-19, amasomo twigiye muri iki cyorezo ni yo azadufasha kugira ngo itangira ry’amashuri rigende neza. Ikindi ni uko kurwanya icyorezo nk’iki, amakuru ni ingenzi kugira ngo ikibazo nikivuka abantu bakimenye vuba bakorane n’inzego zitandukanye hanyuma gifatirwe imyanzuro”.

Minisitiri Twagirayezu kandi yasabye inzego zitandukanye gukurikirana ko abana bose basubiye ku ishuri, asaba n’ababyeyi bafite abana bahuye n’ibibazo binyuranye birimo kubyara imburagihe gufashwa gusubira ku ishuri, ndetse n’ubuyobizi bukabibafashamo bubaha ibikenewe, avuga ko abazafatwa babujije abana ujya kwiga bazafatirwa ibyemezo.

Mu rwego rwo guteza imbere umuco wo gusoma ariko binyuze mu mikino, kuri uyu wa kane tariki ya 29/10/2020, ku cyicaro cy’isomero rusange rya Kigali hasinyiwe amasezerano y’ubufatanye azamara umwaka umwe hagati y’iri somero, CSR, ndetse n’Ishyirahamwe ry’umukino wa Triathlon mu Rwanda.

Nyuma yo gusinya amaserano y’ubufatanye hagati ya Federasiyo ya Triathlon n’isomero rya Kigali

Umuyobozi w’Ishyirahamwe rya Triathlon mu Rwanda Mbaraga Alexis, yatangaje ko aya masezerano basinye azabafasha ko bizafasha abakinnyi b’uyu mukino kwagura ubwenge binyuze mu gusoma

Yagize ati:”Twiteze byinshi bijyanye n’aya masezerano, dushingiye ko uyu mukino wacu ukorana cyane n’urubyiruko, bityo niho twahereye twifuza gukorana n’iri somero kuko naryo rikunda kwakira urubyiruko rutari ruke rurigana rugiye kurihahamo ubumenyi”.

“Urubyiruko ruzashishikarizwa gusoma ariko by’umwihariko n’umukino wacu udasigaye inyuma, gusoma niryo banga ahanini rifasha umukinnyi kwaguka mu bwenge ndetse n’ubumenyi. Umukinnyi wakoze siporo yubaka ubuzima, yanongeraho gusoma akiga akamenya bikamufasha mu gufunguka mu mutwe ku buryo yanibeshaho nyuma yo kurangiza ikivi cye nk’umukinnyi”.

Alexis Mbaraga, Umuyobozi w’Ishyirahamwe rya Triathlon mu Rwanda

”Abanyarwanda bakunda umukino wa Triathlon ndetse by’umwihariko n’abakunda gusoma nabaha ubutumwa bw’uko ubwuzuzanye bwo gukora siporo no kwiyungura ubumenyi iyo bihurijwe hamwe ntako bisa umuntu agera kuri byinshi, bityo akanabera igihugu cyamwibarutse amaboko yuje ubwenge abasha kukizamura kigatera imbere”.

Mudahinyuka Sylvain Umuyobozi w’agateganyo w’iri somero yavuze ko gusinya aya masezerano bigamije gukundisha abantu gusoma binyuze mu mikino, anavuga ko aya masezerano akubiyemo ibice bibiri ari byo guteza imbere umuco wo gusoma binyuze mu bukangurambaga ndetse no guteza imbere imikino binyuze mu bitabo

“Tumaze gusinya amasezerano y’ubufatanye hagati ya CSR ndetse na Triathlon amasezerano ajyanye no kwifashisha umuco wo gusoma ibitabo mu kugera ku ntsinzi”

“Tuzafatanya gushaka,kwandika ndetse no kwegeranya ibitabo birimo amategeko agenga uyu mukino kugirango urusheho kugera kure ndetse no gusakara hose mu gihugu no hakurya y’imbibi ahashoboka.

“Tuzegera kandi minisiteri y’uburezi kugirango irusheho kudufasha muri ubu bukangurambaga kugirango uyu mukino nawo winjizwe mu mikino ikinwa mu mashuri atandukanye mu gihugu dore ko utanasaba ubushobozi buhambaye mu kuwukina ugereranyije n’indi mikino ikinwa hano mu gihugu”.

Yakomeje avuga ko kandi mu byo bazafasha iri shyirahamwe harimo gutanga kandi uburyo bwo kwifashisha igihe iri shyirahamwe rikeneye aho guhugurira abafatanyabikorwa ndetse n’abagenerwabikorwa baryo batandukanye.

Isomero rusange rya Kigali ryijeje ubufatanye Federasiyo ya Triathlon

Ibyo wamenya kuri CSR yahuje iri somera n’ishyirahamwe rya Triathlon mu Rwanda

CSR ni umuryango utegamiye kuri leta ugamije guteza imbere ubufatanye bw’imikino ya Triathlon mu bihugu bitandukanye ndetse na minisiteri z’imikino mu bihugu byo muri Afurika bitandukanye birimo nk’Ishyirahamwe rya Triathlon muri Benin, Komite olempike ya Benin (CNOSB), Minisiteri ya siporo muri Benin.

Ikorana kandi n’ishyirahamwe rw’abakinnyi muri Botswana, Ishyirahamwe rya Triathlon muri Ghana, Ishyirahamwe rya Triathlon muri Kenya, Ishyirahamwe rya Triathlon muri Namibia, Ishyirahamwe rya Triathlon mu Rwanda, Komite Olempike y’u Rwanda (RNOSC) ndetse n’Ishyirahamwe rya Triathlon muri Zambia.

Ikaba igamije gutuma abakunzi b’imikino bagira icyo bahugiraho bareba cyangwa bakina by’umwihariko mu mpera z’icyumweru aho abantu baba bakitse imirimo. Ikaba kandi ifasha mu guhanga udushya dutandukanye tujyanye n’icyatuma imikino inyuranye itera imbere kandi mu byiciro bitandukanye haba mu bagore n’abagabo by’umwihariko hatitawe ku myaka.

Muri ako Karere ni ho hagiye kubera igikorwa cyo gusinyana imihigo na Perezida Kagame, igikorwa cyari kimaze igihe gitegerejwe na benshi.

Reba mu mafoto uko byari byifashe ubwo bahagurukaga

Kureba andi mafoto menshi, kanda HANO

Reba Video igaragaza uko bahagurutse i Kigali

Amafoto: Plaisir Muzogeye

Video: Richard Kwizera

Muri ako Karere ni ho hagiye kubera igikorwa cyo gusinyana imihigo na Perezida Kagame, igikorwa cyari kimaze igihe gitegerejwe na benshi.

Reba mu mafoto uko byari byifashe ubwo bahagurukaga

Kureba andi mafoto menshi, kanda HANO

Mu gihe ikipe y’igihugu y’u Rwanda ikomeje imyitozo yo gutegura imikino ibiri bazahuramo na Cap-Vert, abakinnyi bamwe bakina hanze barimo Meddie Kagere na Rwatubyaye Abdul bamaze kugera mu Rwanda, mu gihe hari abo biteganyijwe ko bazahurira muri Cap-Vert.

Salomon Nirisarike ntazakina imikino ibiri ya Cap-Vert

Gusa kuri myugariro Salomon Nirisarike usanzwe ukina mu ikipe ya FC PYUNIK yo muri Armenia, ntakitabiriye uyu mukino kuko amakuru atugeraho ari uko yanduye icyorezo cya Coronavirus, akazamara ibyumweru bibiri mu kato.

Ibi biraza gutuma imikino ibiri Amavubi afite na Cap-Vert, aho uwa mbere uzabera hanze tariki 11/11/2020, naho uwo kwishyura ukazahita ubera I Kigali tariki 17/11/2020, atazabasha kuwitabira kugeza ubu.

Perezida Kagame yibukije ko imyitwarire ari ingenzi mu Gisirikare cy’u Rwanda

Ibyo Perezida Kagame yabivuze ku wa Kane tariki 29 Ukwakira 2020, ubwo yasuraga abo bitegura kuba ba Ofisiye, ari kumwe n’Umugaba Mukuru w’Ingabo z’u Rwanda, Gen. Jean Bosco Kazura, Minisitiri w’Ingabo Maj Gen Murasira Albert hamwe n’Umujyanama wa Perezida wa Repubulika mu by’umutekano, Gen Kabarebe James.

Perezida Kagame yababwiye ko u Rwanda rufite umwihariko wo kuba rufite intego nziza, ndetse zitangana n’amikoro igihugu gifite, ariko ko mu muco w’Abanyarwanda hakaba harimo gukora byinshi birenze amikoro.

Umukuru w’Igihugu yavuze ko ibi bisaba uburyo, ubushobozi, ubwitange, gukorera hamwe ndetse bikabamo n’imyifatire myiza.

Perezida Kagame yibukije aba bitegura kuba ba Ofisiye ko mu Gisirikare cy’u Rwanda, kurangwa n’imyifatire myiza biri mu by’ibanze.

Perezida Kagame yari yambaye impuzankano ya gisirikare

Ati “Imyifatire (discipline) muri RDF, ni kimwe mu by’ingenzi tugenderaho. Imyifatire itarimo ruswa, itarimo ubusinzi, itarimo ubugambanyi, irimo kureba mugenzi wawe mufatanyije umwuga, kureba umuturage, ukumva ko buri umwe akorera undi. Ibyo ni ibijyanye n’imyimvire y’impamvu abantu baba bari mu ngabo”.

Perezida Kagame kandi yasabye aba bitegura kuba ba Ofisiye kurushaho gukora cyane no kwitangira abaturage. Yavuze ko Ingabo z’u Rwanda zifite amateka yihariye, aho zifatanyije kandi zigafatanya n’abaturage kugira ngo igihugu cy’u Rwanda kigere aho kimaze kugera.

Perezida kagame yabibukije ko ibihe isi irimo ubu, bisaba abantu kubanza kwimenya mbere yo kugira ngo bafatanye n’abandi.

Ati “Ubu rero turi mu bihe mu karere, mu isi, aho ibintu bisaba abantu mu gice barimo, bidusaba twebwe nk’Abanyarwanda, icyo nakwita kwimenya, ukamenya ibyawe, ukabirinda, ukabigwiza, ukabikuza, hanyuma igikurikiraho ni ubufatanye. Gufatanya n’ibindi bihugu, buri wese akabigiramo inyungu, ni byo byiza, ni byo byifuzwa”.

Yakomeje agira ati “Ariko hashobora gukurikiraho n’ibindi, abantu batabona icyiza mu bufatanye, bashobora noneho kwifuza gusenya ibyawe wubaka cyangwa wubatse, cyangwa se kugusenya wowe ubwawe. Aho rero ni ho mvuga ngo kwimenya. Ndabivuga mu buryo bwo kubaka ubushobozi,… Ntabwo tubeshwaho n’uko hari udukunze, hari udushaka, hari utwifuriza ineza, oya! Tubeshwaho n’uko ari uburenganzira bwacu”.

Ishuri rya Gisirikare rya Gako ritanga amahugurwa y’ibyiciro bitatu. Hari ababa barangije kaminuza bahabwa amahugurwa y’umwaka umwe, abarangije kamunuza bafite ubumenyi bwihariye bukenewe mu Ngabo z’u Rwanda bo bahabwa amahugurwa y’amezi atandatu, hamwe n’abahabwa amasomo y’igihe kirekire mu mashami y’ubumenyi, ikoranabuhanga, ubumenyi bw’imibanire y’abantu n’ubumenyi bwa gisirikare, bo bakiga imyaka ine.

Kuba sitade nto iva iyo hagize imvura nyinshi ingwa ni byo byatumye uyu mukino usubikwa dore ko byagoranye gukuramo amazi yavaga ku mabati yisukiranya maze amakipe yombi ahagarika gukina.

Ikipe ya APR VC yari iyoboye umukino aho yari imaze gutsinda amaseti abiri kuri imwe ya REG VC ( 25-22, 25-20, 14-25) iseti ya kane ni yo yahaharitswe n’imvura.

Amategeko avuga iki iyo habaye igituma umukino uhagarara?

Visi Perezida wa Kabiri ushinzwe amarushanwa mu ishyirahamwe ry’umukino wa Volleyball mu Rwanda Bwana Ruterana Fernand Sauveur yasobanuye icyo amategeko ateganya mu gihe habaye ikibazo nk’iki.

Yagize ati “Iyo umukino umaze amasaha ane uhagaze nyuma yayo usubirwamo wose.”

Ibi bivuze ko umukino wa APR VC na REG wongera gutangira bundi bushya.

Uko indi mikino yagenze

Abagore:

APR VC 3-2 KVC
17-25
25-23
25-16
21-25
17-15

UTB VC 3-0 KVC
25-18
25-16
25 -11

Imikino yasubitswe irasubukurwa kuri uyu wa Gatanu, iyo ikaba ari umukino wahuzaga APR VC na REG VC wahagaze, ndetse n’umukino uhuza UTB VC na Gisagara VC wari utaratangira.

Gahunda yose y’imikino y’abagabo

08:00 APR VS REG
10:00 UTB VS GISAGARA
16:00 APR VS GISAGARA
18:00 REG VS UTB

Abagore

12:00: RRA vs KVC
14:00: APR VC vs UTB

Biteganyijwe ko imikino ya nyuma izakinwa kuri uyu wa Gatandatu tariki 31Ukwakira 2020, aho amakipe abiri ya mbere ku rutonde azahatanira umwanya wa mbere, mu gihe iya Gatatu n’iya Kane zizakina zishaka umwanya wa Gatatu.