Tag: featured

Samuel Eto’o yakoze impanuka Imana ikinga akaboko

Biravugwa ko Samuel Eto’o yakoze impanuka ari mu muhanda wa Nkongsamba ubwo yagongwaga n’imodoka nini yahungaga abashinzwe umutekano.

Umwe mu banyamakuru b’inshuti ya Samuel Eto’o Martin Camus yavuze ko Samuel Eto’o usibye kuba yahungabanye ariko ngo ameze neza, abaganga bari kumwitaho.

Samuel Eto’o biravugwa ko yakoze impanuka avuye mu birori no mu bukwe bwo mu muryango we.

Samuel Eto’o Fils yamenyekanye mu ikipe ya Mallorca aza kuba umukinnyi w’igihangange ubwo yakinaga mu ikipe ya FC Barcelone, yatwaye ibikombe byinshi cyane cyane by’umukinnyi witwaye neza ku mugabane wa Afurika.

Abacuruzi bo mu Rwanda n’ab’i Goma memeranyijwe uburyo bazajya bakora ubucuruzi

Ni amabwiriza avuga ko Abanyarwanda bakorera mu makoperative kandi hakambuka ubahagarariye aho kugenda ari benshi, bajya gucuruza ku giti cyabo nk’uko byari bisanzwe icyorezo cya COVID-19 kitaragera mu Rwanda.

Mu nama yahuye Abanyarwanda n’Abanyekongo batuye mu Mujyi wa Goma basanzwe bakora ubucuruzi bwambukiranya umupaka, bumvikanye uburyo bazajya bakorera ku mupaka birinda Covid-19 kandi birinda no guhura n’ibihombo byatuma basubira mu rugo nyuma y’amezi umunani badakora.

Babonampoze Moussa, ni umuyobozi wa Koperative KOTIHEZA ijyana ibicuruzwa by’ibiribwa mu mujyi wa Goma ndetse akaba ariko ukuriye ihuriro ry’amakoperative yohereza ibicuruzwa mu Mujyi wa Goma.

Avuga ko guhura kw’abacuruzi bambukiranya umupaka uhuza Goma na Gisenyi hari ibyo bumvikanyeho, kandi bizakemura ibibazo by’imyitwarire mu mupaka ndetse bikabafasha kwirinda icyorezo cya COVID-19.

Agira ati “Twahuye n’abacuruzi b’i Goma tuganira ku mikorere, twemeranya kuzajya twohererezanya ibicuruzwa nk’uko Abanyekongo babikeneye batubwira tukabibashyira, natwe ibyo dukeneye tukabibasaba bigatuma tugabanya urujya n’uruza mu kwirinda icyorezo cya Covid-19”.

Babonampoze avuga ko baganiriye ku bituma ubucuruzi bwambukiranya umupaka bukomeza kandi hatabaye ingendo nyinshi, ibi bikazagera ku bakora n’akazi ko gucuruza ku ibase cyangwa agatebo.

Ati “Abari mu nama bifuje ko hatorwa abantu 500 bajya bambuka umupaka harimo 250 bavuye i Goma hamwe na 250 bavuye mu Rwanda, icyakora nk’u Rwanda, icyo dushyize imbere ni ukohereza ibicuruzwa byinshi kurusha uko twohereza abantu benshi”.

Babonampoze avuga ko ubusanzwe biyemeje kuzajya bohereza imodoka cyangwa igare ry’abafite ubumuga byikoreye ibicuruzwa bigaherekezwa n’umucuruzi umwe, naho ku bacuruza ku gataro ngo bagomba kwishyira mu matsinda.

Ati “Kugira ngo bidatera akajagari, abacuruza ku gataro basabwa kwihuriza mu matsinda, hanyuma itsinda rigomba gucuruza tukaryandika. Iryo tsinda rigashyira ibicuruzwa mu igare cyangwa iriya moto itwara byinshi bigaherekezwa n’umuntu umwe akabicuruza yarangiza akazanira abandi amafaranga”.

Ni uburyo bushobora kugera kuri benshi bukozwe neza kandi bugatuma benshi bari barakennye bongera kugira icyo binjiza mu miryango yabo.

Inama yahuje Abanyarwanda n’Abanyekongo yabereye mu mupaka mu butaka butagira nyirabwo. Icyanyuze abacuruzi ni uko bagiye gusubukura ibikorwa byari byarahagaze, ariko bakagira amakenga mu kubahirizwa kuko bibayemo amakosa byatuma ubwandu bw’icyorezo bwiyongera amahirwe bahawe agakurwaho.

Abacuruzi b’Abanyarwanda bavuga ko bishimiye kongera kohereza ibicuruzwa i Goma babyiherekejere, kuko ibyajyanwaga n’Abanyekongo bamburwaga cyangwa bagahombywa ku maherere.

Babonampoze avuga ko ubucuruzi nibutangira uzaba umwanya mwiza wo kwishyuza abari barabambuye, naho ibirebana n’Abanyekongo baje gutura mu Rwanda bakajya bajyana ibicuruzwa i Goma ngo ntibazongera kubikora.

Agira ati “Ntibazongera kuko ubu ibintu bigiye gukorerwa mu makoperative, wenda bakora ubwikorezi ariko ntibazongera kuduhombya”.

Abanyarwanda bohereza ibicuruzwa mu Mujyi wa Goma, mu kwezi kwa Nzeri 2020 babwiye Kigali Today ko bahombejwe n’Abanyekongo amafaranga abarirwa muri miliyoni 100, bitewe no kuzanira Abanyarwanda ibicuruzwa bitasoze, ba nyirwabyo bagacibwa amande n’ikigo gishinzwe imisoro mu Rwanda kandi kizi neza ko batambutse, ibi bikiyongeraho ko Abanyarwanda basabaga Abanyekongo kubazanira ibicuruzwa aho kubizana uko babisabwe bagashyiramo n’ibicuruzwa bitasabwe, na bwo ababitumije bagacibwa amande.

Umupaka muto uhuza Goma na Gisenyi ni wo uzajya ukoreshwa mu bucuruzi buciriritse bwambukiranya imipaka, ndetse abanyura kuri uyu mupaka bapimwa icyorezo cya COVID-19 bagahabwa igisubizo mu minota 30 ku buntu.

Ibipimo bizajya bikorwa mu minsi 14, mu gihe abanyura ku mupaka munini hakoreshwa ibipimo byishyurwa biboneka mu masaha 24.

Umupaka uhuza Umujyi wa Goma na Gisenyi uri mu mipaka ikoreshwa cyane ku Mugabane wa Afurika, aho mbere ya COVID -19 wakoreshwaga n’abantu ibihumbi 50 ku munsi.

Kuva mu kwezi kwa Werurwe 2020 wafungwa kubera icyorezo cya COVID-19, ubu ni bwo wongeye gufungurwa na bwo ukoreshwa n’abantu bakeya batagera no ku gihumbi ku munsi.

Abanyonzi bavuga ko gukorera mu makoperative bizahindura imyitwarire iranga bamwe muri bo

Polisi ishinja abanyonzi kuba ba nyirabayazana kuri zimwe mu mpanuka zikunze kugaragara mu Mujyi wa Muhanga, no ku muhanda munini Kigali-Muhanga.

Mu mezi abiri ashize, umunyonzi umwe yarapfuye azize impanuka mu Mujyi wa Muhanga, mu mpanuka 10 zabaye muri ayo mezi, zakomerekeje ku buryo bukomeye abantu batatu abandi barindwi bakomereka ku buryo bworoheje, impanuka umunani ku icumi zabaye muri ayo mezi kandi zatewe n’amagare.

Nyuma y’uko abanyonzi bakomorewe gusubukura imirimo nyuma y’igihe badakora kubera icyorezo cya COVID-19, inzego z’umutekano mu Karere ka Muhanga zigaragaza ko hari bamwe muri bo badakurikiza amabwiriza yo kwirinda icyorezo cyangwa ngo bakirinde n’abo batwaye.

Umuyobozi wa Polisi mu Karere ka Muhanga CIP Vedaste Ruzigana, avuga ko hari igihe abanyonzi baba badafite imiti isukura intoki ihabwa abagenzi, cyangwa ugasanga abanyonzi na bo harimo abafite umwanda.

CIP Ruzigana avuga ko ku birenze ibyo, abanyonzi batubahiriza neza amabwiriza mu gukoresha umuhanda aho usanga bateza impanuka kubera kugenda nabi mu muhanda, ibyo ngo bikaba bitazakomeza kwihanganirwa.

Agira ati “Usanga bamwe muri mwe mugenda mutareba inzira mwerekezamo, nta kureba ko abagenzi bambuka ngo mwubahirize amabara y’umweru y’inzira z’abagenzi, ahubwo mucurika umutwe mu mahembe mukiruka nta kumenya ko hari n’abandi bakoresha umuhanda. Ntabwo tuzakomeza kurebera mukoresha impanuka abandi”.

Hari kandi ikibazo cy’abanyonzi bagenda bafashe ku mamodoka bigateza impanuka za hato na hato, ibyo na byo ngo ntibizihanganirwa, kuko usanga imodoka yo iba idafite gahunda yo kubangikana n’igare.

Agira ati “Iyo ufashe ku modoka izamuka igera ahatambika ntubashe gukomeza kugenzura umuvuduko wayo kuko ntabwo iba ikigenda gahoro, benshi ni ho mugwa ugasanga hari n’abahapfiriye. Ibyo ni ukudaha agaciro umwuga wanyu kandi ubatunze”.

Hari kandi abanyonzi batwara magendu cyangwa bagatwara abajura n’ibintu byibwe, ibyo na byo Polisi ikaba yavuze ko bigira uruhare mu guhungabanya umutekano kuko ubu hari amagare atatu afunze yafatanywe ibiyobyabwenge na magendu.

CIP Ruzigana asaba abanyonzi kwitwararika mu kazi kabo

Agira ati “Abanyonzi mutwara abajura bagiye kwiba ahantu n’ibikoresho byo gupfumura amazu mukabibatwaza, mugomba kujya mubanza kureba niba ibyo abantu babahaye ngo mutware bitahungabanya umutekano aho mukaba mwatanga amakuru, mukwiye kandi no kujya mutanga amakuru ahaba abajura kuko muba muturanye”.

Bamwe mu banyonzi bavuga ko mu rwego rwo kurushaho kwitwararika mu kazi kabo, batangiye gushinga amakoperative no gushyiraho aho bakorera hazwi ku buryo bagenzura uko akazi kabo gakorwa.

Bavuga kandi ko gushyiraho ibyapa bahagararaho no kwibumbira hamwe bizatuma bamenya abitwara nabi hagati yabo, maze bagatungira inzego z’umutekano agatoki.

Mu gitondo cyo kuri uyu wa Mbere ni bwo abakinnyi 23 b’ikipe y’igihugu y’u Rwanda Amavubi berekeje muri Cap-Vert, aho bagomba gukina umukino n’iki gihugu mu guhatanira itike yo kujya mu gikombe cya Afurika kizabera muri Cameroun mu mwaka wa 2022.

Muri uru rugendo, ikipe y’igihugu yahawe indege yihariye ya Rwandair igomba kubajyana ikazanabagarura, aho baza kunyura i Cotonou muri Benin mu rugendo ruza kumara amasaha ane, bakahva bakomeza i Praia muri Cap-Vert naho bagakoresha amamasaha ane.

Mu rutondo Mashami Vincent yatangaje ku munsi w’ejo, 21 ni bo bahagarutse I Kigali, bakazahurira muri Cap-Vert na Mukunzi Yannick ukina muri Sweden, ndetse na Bizimana Djihad ukina mu Bubiligi mu gihe Kevin Monnet-Paquet we atigeze yitabira ubutumire yahawe.

Abakinnyi 23 b’Amavubi bitabajwe ku mukino wa Cap-Vert:

Abanyezamu: Kimenyi Yves (SC Kiyovu), Kwizera Olivier (Rayon Sports), Ndayishimiye Eric (AS Kigali).

Ba myugariro: Manzi Thierry (APR FC), Rwatubyaye Abdul (Colarado Springs Switchbacks, USA), Ombolenga Fitina (APR FC), Imanishimwe Emmanuel (APR FC), Eric Rutanga (Police FC), Mutsinzi Ange (APR FC), Nsabimana Aimable (Police FC) na Rugwiro Hervé (Rayon Sports).

Abakina Hagati: Bizimana Djihad (Waasland-Beveren, mu Bubiligi), Mukunzi Yannick (IF Sandvikens, Sweden), Haruna Niyonzima (Yanga SC, Tanzania), Muhire Kevin (El Gaish, Misiri), Ally Niyonzima (Azam FC, Tanzania), Nshuti Dominique Savio (Police FC), Manishimwe Djabel (APR FC) na Rubanguka Steve (A.E. Karaiskakis FC, u Bugereki).

Ba rutahizamu: Meddie Kagere (Simba SC, Tanzania), Jacques Tuyisenge (APR FC), Hakizimana Muhadjili (AS Kigali) na Iyabivuze Osée (Police FC).

Abo barwayi bashya icyenda babonetse mu bipimo 1,741, bakaba barimo umwe wabonetse i Kigali, umwe i Burera, umwe i Kirehe, babiri i Nyagatare, umwe i Musanze, umwe i Nyabihu, umwe i Rubavu n’undi umwe i Rusizi.

Kugeza kuri iki Cyumweru, mu Rwanda abamaze kwandura icyo cyorezo ni 5,222 muri bo abamaze gukira ni 4,960 naho abakivurwa ni 227.

Abamaze kwicwa na COVID-19 mu Rwanda bose hamwe ni 36.

Joe Biden yatangajwe nka Perezida watsinze amatora ku wa Gatandatu tariki 07 Ugushyingo 2020.

Ugomba kuba Visi Perezida we ni Kamala Harris, umugore ufite amaraso y’abirabura, ari na bwo bwa mberr bibayeho muri Amerika.

Nyuma y’iyo ntsinzi, Perezida Kagame yanditse kuri twitter k9 y8furije ishya n’ihirwe Perezida Joe Biden hamwe na Visi Perezida we Kamala Harris.

Perezida Kagame yagize ati “Twiteguye kunakira ku bufatanye busanzwe bukomeye hagati y’ibihugu byacu”.

Amashusho (Video), yatangajwe kuti Kigali Today (KT TV), ari mu yarebwe cyane kuri KT TV, kuko kugeza ubu amaze kurebwa n’abantu barenga 1,310,755.

Muri iyi video, urabasha kubona izindi zatangajwe kuri KT TV, zikarebwa n’imbaga y’abantu.

Niba kandi ushaka gukomeza kureba video zikoze neza, komeza usure urubuga rwa YouTube rwa Kigali Today. Numara kuhagera, wibuke gukanda ahanditse Subscribe, kugira ngo video yose igiyeho ujye uhita uyibona.

Abaveterineri basabwa gukorana bya hafi n’abafashamyumvire, bityo aborozi bakabyungukiramo

Guverineri Kayitesi abivuga nyuma y’uko byagaragajwe ko abafashamyumvire mu by’ubworozi badafatanya n’inzego z’ubuyobozi mu guhugura abaturage.

Ubundi, mu rwego rwo gufasha aborozi kugira ubumenyi buhagije ku buryo bwo kwita ku matungo mu rwego rwo kongera umusaruro w’umukamo, umushinga RDDP wagiye uhugura abafashamyumvire 43 muri buri karere ko mu Ntara y’Amajyepfo ukoreramo, mu Ruhango, i Nyanza n’i Huye.

Buri mufashamyumvire yagiye asabwa kurema amatsinda nibura atatu y’aborozi yerekera uko inka zitabwaho. Ni ukuvuga ko muri buri karere hagombaga gukorwa nibura amatsinda 129 y’aborozi.

Nyamara, hamaze gukorwa 64 gusa muri Ruhango, 55 muri Nyanza na 54 muri Huye. Kutabigeraho neza byatewe n’uko aba bafashamyumvire nyuma yo guhugurwa, ari bo bagendaga bakishakira aborozi bigisha, badafatanyije n’inzego z’ubuyobozi.

Nubwo abaveterineri bavuga ko batigeze bamenya iby’amahugurwa aba bafashamyumvire bahawe, Guverineri w’Intara y’Amajyepfo avuga ko bari bakwiye kugira amatsiko bakabegera, hanyuma bakanashaka uko bakorana, kuko ari imbaraga zabafasha mu gutuma ubworozi burushaho kugenda neza.

Ati “Hakwiye kubaho gukorana birenze uko byari byifashe, kuko bariya bafashamyumvire ni igisubizo ku bibazo bimwe na bimwe twari dufite mu bijyanye n’ubworozi”.

Ibi biravugwa mu gihe byagaragaye ko amata asigaye yarabaye makeya ku isoko, bituma asigaye anahenda.

Nk’ahitwa i Rusatira no kuri Arete mu Karere ka Huye, akajerekani k’ikivuguto kaguraga amafaranga 2,500 gasigaye kagura 3,000. N’abayarangura ku makaragiro ntibakibona ahagije yo gucuruza.

Umwe mu bayacururiza i Huye, ati “Izuba ryabaye rirerire inka zirasonza. Mbere nashoboraga kurangura utujerekani nka 20, ariko ubu ntibandengereza 10. Ni ugusaranganya”.

Umuti kuri iki kibazo cy’ibura ry’ubwatsi bw’amatungo kubera izuba, cyaba gufata gahunda yo kubuhunika nk’uko bivugwa na Julienne wo mu Ruhango.

Agira ati “Numva dukwiye gushaka uburyo burambye bwo guhunika ubwatsi, igihe buriho, tukazabwifashisha mu gihe cy’izuba. Ntekereza ko buri kagari kagira aho gahinga ubwatsi aborozi bahuriraho, urugero mu bisigara byo ku nkuka z’ibishanga”.

Julienne anatekereza ko aborozi bari bakwiye gufashwa gukora ibyobo bifata amazi, bakazajya buhira ubwatsi mu gihe cy’izuba.

Ariko na none igikomeye cyane kurusha, nk’uko bivugwa na Guverineri Kayitesi, ni uko aborozi bakwiye kugaragarizwa ko badakwiye korora kugira ngo babone ifumbire gusa, ahubwo ko no korora ubwabyo byatunga umuntu.