Tag: featured

Wari umukino w’imbaraga nyinshi

Abakinnyi 11 ba KCCA babanje mu kibuga

Charles Lukwago(C), Denis Iguma, Musa Ramadhan , Herbert Achai, Bukenya Joseph Kizza, Mugume Ashraf , Kafumbe Joseph , Keziron Kizito , Anukani Bright, Ssenyonjo Samuel, Brian Aheebwa.

Abakinnyi 11 ba As Kigali babanje mu kibuga

Bate Shamiru Robert ; Rugirayabo Hassan , Karera Hassan , Bayisenge Emery , Ishimwe Christian, Nsabimana Eric , Ntamuhanga Tuamaine (C), Kalisa Rachid ,Hussein Shabaan Chabalala , Hakizimana Muhadjili , Aboubakar Lawal.

Ni umukino wabaye kuri uyu wa Gatatu tariki ya 06 Mutarama 2021 kuri St Mary’s Kitende Stadium mu mujyi wa Kampala. Ikipe ya KCCA yatsinze As Kigali ibitego bitatu kuri kimwe.

KCCA ni yo yafunguye amazamu ku munota wa mbere w’umukino, igitego cyatsinzwe na Brian Aheebwa. Ku munota wa 36 Brian Aheebwa yatsinze igitego cya Kabiri ari nako igice cya mbere cyarangiye.

Mu gice cya Kabiri umutoza wa As Kigali Eric Nshimiyimana yakoze impinduka yinjiza Orotomal Alex mu kibuga asimbuye Ntamuhanga Tumaine. Nyuma yo kwinjira yakoze akazi katumye As Kigali ibona Penaliti maze ku munota wa 50 Hakizimana Muhadjili ayitsinda neza. KCCA yabonye igitego cya Gatatu cyatsinzwe na Brian Aheebwa ku munota wa 75 ari nako umukino warangiye maze As Kigali ikomeza ku gitego cyo hanze.

Gusezerera KCCA kwa As Kigali kwatumye igera mu mikino ya kamarampaka aho igomba guhura n’imwe mu makipe yasezerewe muri CAF Champions League mbere yo kugera mu matsinda.

Yabitangaje kuri uyu wa Gatatu tariki 06 Mutarama 2021, nyuma y’aho ku wa Kabiri tariki 05 Mutarama 2021 hatangiye kubahirizwa amabwiriza mashya yo kwirinda COVID-19, abantu 1,307 bagafatwa bayarenzeho harimo abafashwe bacuruza nyuma ya saa kumi n’ebyiri z’umugoroba.

Umuvugizi wa Polisi mu Ntara y’Iburasirazuba CIP Hamdun Twizeyimana avuga ko muri rusange abaturage batangiye kumva ubukana bw’icyorezo cya COVID-19 ku buryo benshi bubahiriza amabwiriza aba yatanzwe.

Icyakora ngo ntihabura ba kidobya ari na yo mpamvu mbere y’uko saa kumi n’ebyiri z’umugoroba zigera inzego z’umutekano ndetse n’ubuyobozi bwite bwa Leta bari muri santere z’ubucuruzi ndetse n’imijyi itandukanye bibutsa abaturage isaha zo gufunga amaduka.

Ati “Saa kumi n’imwe n’igice Polisi n’ubuyobozi, bari muri za santere z’ubucuruzi n’imijyi bituma abacuruzi bafunga ku buryo bitasabye ko bibutswa cyane. Ariko na none icyagaragaye harimo ababyumva kandi ni bo benshi. Santere ntoya cyane ni zo twasanze hari resitora enye zikora ariko na bo barengeje iminota mike.”

CIP Hamdun Twizeyimana avuga ko muri rusange abantu 1307 ari bo bafashwe mu turere turindwi tugize intara y’Iburasirazuba barimo 618 batari bambaye udupfukamunwa, 111 bazira kudahana intera na 517 bagejeje saa mbili z’ijoro bataragera mu ngo zabo.

Abantu 61 kandi bafatiwe mu tubari ndetse ngo hari na resitora enye basanze zigitanga serivise nyuma ya saa kumi n’ebyiri z’umugoroba.

Hafashwe kandi imodoka eshatu, moto eshanu n’igare rimwe ba nyiri ibi binyabiziga bakiri mu nzira nyuma ya saa mbili z’ijoro.

Umuvugizi wa Polisi mu Ntara y’Iburasirazuba, CIP Hamdun Twizeyimana, avuga ko abafashwe barenze ku mabwiriza bigishijwe ndetse banacibwa amande hagendewe ku bihano byateganyijwe n’inama njyanama ya buri karere, mu gihe imodoka na moto byo ba nyirabyo bacibwa amande angana n’ibihumbi 25.

CIP Hamdun Twizeyimana arasaba abaturage kumva ko amabwiriza yashyizweho hagamijwe kubarinda icyorezo cya Covid-19 bityo bakwiye kuyubahiriza aho gucengana n’inzego z’ubuyobozi ndetse n’iz’umutekano.

Agira ati “Abantu bakwiye kwirinda gukorera ku jisho kuko icyorezo kirahari kandi kirica, buri wese agire uruhare mu kugikumira yubahiriza amabwiriza yose uko yatanzwe nibwo kizatsindwa abantu bagasubira mu mudendezo.”

Amabwiriza y’Inama y’Abaminisitiri yateranye ku wa 04 Mutarama, avuga ko isaha yo gufunga ibikorwa by’ubucuruzi ari saa kumi n’ebyiri z’umugoroba kandi buri muntu wese akaba yageze mu rugo rwe mbere ya saa mbili z’ijoro.

Kayiranga avuga ko ku munsi wa mbere abantu bubahirije amabwiriza mashya

Ubuyobozi buvuga ko hari abaturage bari bafite imirima mu turere duhana imbibi na Muhanga ku buryo batabuzwa kujya guhinga cyangwa gusarura yo imyaka, ibyo bikaba byanaba mu bikorwa bihuriweho n’imbibi z’utwo turere nk’iby’ubucuruzi aho usanga hari amasantere y’ubucuruzi yambukiranya uturere.

Ubuyobozi bw’Akarere buvuga ko ku munsi wa mbere wa ‘guma mu karere’ abaturage bitwaye neza ariko ahanini bikaba byaratewe n’ibwiriza ryo gufunga saa kumi n’ebyiri ryatumye abantu bataha kare.

Umuyobozi w’Akarere ka Muhanga wungirije ushinzwe iterambere ry’ubukungu, Kayiranga Innocent, avuga ko nta bibazo byo gukererwa byagaragaye hirya no hino mu mirenge yose igize Akarere.

Agira ati “Turashimira abaturage bacu bahise bumva uburemere bw’ibyemezo bishya by’Inama y’Abaminisitiri ku cyorezo cya COVID-19 kuko bitwaye neza, wasangaga saa kumi n’ebyiri amaduka yose afunze, ibyo byatumye bigera saa mbili z’ijoro nta mbogamizi zo kubona ba bandi bagenda baseta ibirenge banga gufunga no gutaha kare”.

Hirya no hino mu nkengero z’umujyi nta muntu watambaga

Kayiranga avuga ko bimwe mu bibazo byabaye harimo nk’abaturage bari bazindutse baza gutega imodoka byagoranye kugenda ariko habayeho ubufatanye ngo bashakirwe imodoka icyo kibazo kikaba cyakemutse.

Avuga kandi ko abaturage bari bazindukiye muri Muhanga batazagirwa imfungwa ahubwo bagaragariza imirenge bajemo ikabafasha gusubira iwabo mu gihe guma mu karere ikomeje bitabangamiye uburenganzira bwabo.

Agira ati “Abantu bari baraye baguze amatike yo kugenda twagerageje baragenda ku bufatanye bw’inzego zitandukanye, abari bazindukiye i Muhanga na bo twashatse uko basubira iwabo kandi n’abatarataha turabasaba kwegera inzego z’ibanze aho bari zikabafasha gutaha”.

Kayiranga avuga kandi ko hari n’abanyeshuri biga muri Kaminuza bari batashye abo bose bakaba bazafashwa kubona uko basubira ku ishuri kugira ngo bakomeze amasomo yabo ariko ibyo byose bikaba bikorwa hubahirizwa amabwiriza yo kwirinda COVID-19.

Akarere ka Muhanga gahana imbibi n’akarere ka Kamonyi, Ngororero Ruhango na Gakenke, abafite ibikorwa ku nkengero z’utwo turere bakaba bemerewe gukomeza kubikora ariko ababifite kure bakaba batabyemerewe.

Ibi ntibiri kure y’imyitwarire ya Uganda, igihugu kimaze imyaka isaga itatu kitabaniye neza u Rwanda, ahanini bishingiye ku bufasha giha abashaka guhungabanya umutekano warwo.

Kuva mu 2017, Abanyarwanda baba muri Uganda batangiye gutabwa muri yombi mu mikwabu itandukanye, bakorerwa iyicarubozo, bamwe bagarurwa mu gihugu binyuranye n’amategeko.

Urwego rw’Ubutasi mu Gisirikare cya Uganda (CMI) nirwo rukora ibikorwa byo gufata no gutoteza Abanyarwanda b’inzirakarengane, bashinjwa ‘kuba intasi z’u Rwanda’ nyamara benshi muri bo ari abaturage bishakishiriza imibereho muri Uganda mu buryo busanzwe nk’abandi bose.

Ibikorwa byo gushimuta Abanyarwanda bakorera ingendo muri Uganda bifitanye isano n’umubano w’akadasohoka wa CMI n’abagize Umutwe w’iterabwoba urwanya Leta y’u Rwanda (RNC) uyoborwa na Kayumba Nyamwasa, ufite umugambi mubisha wo guhungabanya umutekano w’u Rwanda.

Uganda yanashyizwe mu majwi mu bikorwa bitiza umurindi imitwe irwanya u Rwanda irimo FLN, RUD Urunana na FDLR ibarizwa mu mashyamba yo muri Repubulika Iharanira Demokarasi ya Congo.

Ubushotanyi bwa Uganda ku Rwanda bwatumye Perezida wa Angola, João Lourenço na Félix Tshisekedi wa RDC binjira mu buhuza bugamije kunga ibihugu byombi ndetse haza gusinywa amasezerano ya Luanda yarimo ingingo zitandukanye zirimo n’uburyo ibikorwa byo guhohotera Abanyarwanda baba muri Uganda no gushyigikira imitwe y’iterabwoba bigomba guhagarara.

Aya masezerano yasinywe tariki 21 Kanama 2019 agamije guhosha umwuka mubi hagati y’u Rwanda na Uganda ariko nta musaruro ufatika yatanze.

Mu ntangiriro za 2020, Minisitiri w’Ububanyi n’Amahanga n’Ubutwererane mu Rwanda, Dr. Vincent Biruta, yavuze ko hakigaragara ibikorwa by’imitwe y’iterabwoba muri Uganda bigamije guhungabanya umutekano w’u Rwanda.

Muri byo hatanzwe urugero ku Muryango Self-Worth Initiative (SWI) wagaragajwe ko ukorera inyungu za RNC muri Uganda.

Yakomeje ati “Ibyo bihabanye n’ibyo Leta ya Uganda yiyemeje, byo kurandura ibikorwa by’uwo mutwe w’abagizi ba nabi ku butaka bwayo.”

SWI yatahuwe ko ari umushinga washinzwe na Prossy Bonabaana na Sulah Nuwamanya nk’umuryango wa baringa utegamiye kuri Leta; aba bombi bafatwa nk’ibyitso bya RNC.

Uganda yavugaga ko SWI yakuwe mu bitabo by’imiryango itegamiye kuri Leta, ariko u Rwanda rukerekana ko rufite amakuru wakomeje ibikorwa byawo mu ibanga.

Mu nama ya Kane yahuje abakuru b’ibihugu yabereye ku Mupaka wa Gatuna ku wa 21 Gashyantare 2020, itsinda ry’u Rwanda ryagaragaje ko hakiri ibibazo Uganda igomba gushakira umuti mu kubahiriza amasezerano ya Luanda agamije guhosha umwuka mubi hagati y’ibihugu byombi.

Imwe mu ngingo zagarutsweho harimo kwambura uburenganzira Self-Worth Initiative (SWI).

Mu nama yakurikiye iya Gatuna yabaye hifashishijwe ikoranabuhanga ku wa 4 Kamena 2020 mu gusuzuma ishyirwa mu bikorwa ry’ubusabe bw’u Rwanda, Minisitiri w’Ububanyi n’Amahanga wa Uganda, Sam Kutesa, yatangaje ko igihugu cye cyakoze iperereza ku birego byatanzwe n’u Rwanda ndetse gishaka umuti kuri byo.

Icyo gihe yagize ati “Muri byo harimo kwambura Self-Worth Initiative uburenganzira bwo gukora.’’

Yavuze ko icyo cyemezo cyafashwe ku wa 2 Werurwe 2020, ndetse gitangazwa mu igazeti ya Leta yo ku wa 16 Werurwe 2020 ndetse ku munsi wakurikiyeho Guverinoma y’u Rwanda yahise imenyeshwa binyuze mu buryo bwemewe.

Imvugo ya Minisitiri Kutesa ku guca intege SWI yatangaga icyizere mu cyerekezo cyo gucogoza ibikorwa bya RNC muri Uganda.

Gusa aka ya mvugo y’akabaye icwende katoga, niyo koze ntigacye, mu bucukumbuzi bwa The Great Lakes Eye yasanze Prossy Boonabana wari Umuyobozi wa SWI, yongeye kwandikisha uwo muryango ariko akoresha izina Self-Worth Development Initiative (SWDI).

Uyu muryango ngo ufite intego zimwe n’iza SWI abayobozi ba Uganda bari batangaje ko bahagaritse. Kuri ubu Boonabana wari umuhuzabikorwa wa SWI, yakomeje kugumana izo nshingano mu muryango mushya wongewemo ijambo rimwe risa, “Development” bishatse kuvuga ‘iterambere.’

Prossy Boonabana na Sula Nuwamanya Wakabirigi bazwi cyane mu guhuza no kugenzura ibikorwa bya RNC muri Uganda, mu mutaka wa SWI, kuri ubu wahinduwe SWDI.

Abakozi ba RNC na CMI bose baha amakuru Umuyobozi wungirije wa CMI ushinzwe kurwanya Iterabwoba, Col. CK. Asiimwe, ubaha ubufasha mu bikorwa byabo byo guhungabanya u Rwanda.

Inshingano afite zijyanye no kuba Umuhuzabikorwa wo ku rwego rw’igihugu ushinzwe ibikorwa bya RNC muri Uganda.

RNC ikoresha Self-Worth Development Initiative nk’amayeri ahishe yo guhuza ibikorwa byayo no gukusanya inkunga mu banyamuryango bahuje umugambi wo kudurumbanya ituze ry’u Rwanda.

Prossy we asanzwe ari umunyamuryango w’itsinda ry’abanyamakuru bashinzwe gukusanya amakuru ahabwa ibitangazamakuru bikorera mu nyungu za CMI birimo Command Post na Chimp Reports.

Prossy Boonabana akoresha iturufu yo kumenyekana kwe muri CMI, akikiza Abanyarwanda babangamira inyungu ze n’iza RNC yanywanye nayo.

Abatangabuhamya bamuzi neza bavuga ko inshuro nyinshi yakoresheje imbaraga ze zose mu guhungabanya ishoramari ry’Abanyarwanda bakorera mu bice bitandukanye by’igihugu.

Umwe yavuze ko mu kubatera ubwoba, agenda aherekejwe n’abakozi ba CMI akababwira gushyira amafaranga kuri konti ye iri muri Cairo International Bank cyangwa iyo asangiye na Sula Nuwamanya iri muri DTB Bank.

Kuva mu 2016, Boonabana yakoranye bya hafi na Kayumba Rugema usanzwe ari mubyara wa Kayumba Nyamwasa, uyu yahawe inshingano zo guhagararira Ibikorwa by’Ubukangurambaga no kwinjiza abanyamuryango bashya muri RNC muri Uganda.

Rugema kandi yashinzwe gufata no gushyikiriza CMI Abanyarwanda basura cyangwa baba muri Uganda kugira ngo batotezwe bashinjwa kuba intasi.

Prossy Boonabana, Kayumba Rugema na Sula Nuwamanya Wakabirigi ni bo bahawe umukoro wo gutangiza Self-Worth Initiative. Boonabana kuri ubu akorana bya hafi na Frank Ntwali, Komiseri w’Urubyiruko muri RNC na Serge Ndayizeye uyobora Radio Itahuka, ikorera kuri internet.

Abasesenguzi kuri politiki ya Uganda bavuga ko imyitwarire ya Boonabana imeze nk’iy’aba-mafia.

Umwe mu bo babanye avuga ko Prossy Boonabana yasanze se muri Nakasongola ubwo yari mu mwaka wa gatanu w’amashuri abanza. Avuga ko yigeze gufatwa asambana n’umurinzi bituma ahanwa ndetse umurinzi we yirukanwa mu ishuri.

Gukunda iraha ryo mu busaswa kwa Boonabana kwakomeje kwiyongera ndetse ageze mu mwaka wa Karindwi, yaguwe gitumo ari mu ishuka n’umwarimu.

Yahindutse iciro ry’imigani ku ishuri kugeza ababyeyi be bahisemo kumwohereza mu Rwanda kure y’umuryango kugira ngo umuryango uruhuke urubwa watezwaga n’imyitwarire ye.

Mu Rwanda Boonabana yize amashuri ye yisumbuye mu ishuri riherereye ku Kicukiro. Nubwo bitazwi uko yahavuye ariko yaje gusubira muri Uganda aho yahuriye na Sula Nuwamanya n’izindi nkoramutima za Kayumba Rugema batangiza Self-Worth Initiative yari igamije guhuza ibikorwa bya RNC muri Uganda no guhuza ubushobozi bw’amafaranga.

Abasesenguzi ku bibazo by’u Rwanda na Uganda bavuga ko kuba Prossy Boonabana yaremerewe kongera kwandikisha umuryango we Self-Worth Initiative ukoreshwa na RNC mu mugambi wayo wo guhungabanya u Rwanda ari igihamya ko Uganda itigeze icogora ku gufasha umutwe w’iterabwoba wa Kayumba Nyamwasa.

Mu mpera z’umwaka ushize, Abanyarwanda babiri barimo George Bazatoha na Mathew Nsabimana bashimuswe n’abakozi ba CMI bari bayobowe na Major Nelson Kyatuka. Nk’ibisanzwe icyo baregwa kiracyari cya cyita rusange cyo kuba ari ‘intasi’ z’u Rwanda’.

Uganda yongeye guha ikaze umuryango ukorera mu nyungu za RNC ya Kayumba Nyamwasa mu mugambi wo guhungabanya u Rwanda

Iryo tangazo rigaragaza ko igiciro cya lisansi i Kigali kitagomba kurenza amafaranga 987 kuri litiro, naho igiciro cya Mazutu i Kigali ntikigomba kurenza amafaranga y’u Rwanda 962 kuri litiro.

Ibiciro by’ibikomoka kuri Peteroli byaherukaga guhinduka mu kwezi k’Ugushyingo 2020. Icyo gihe byari ku ku mafaranga 976 kuri litiro ya Lisansi i Kigali, naho Mazutu yo ari amafaranga 923 y’u Rwanda kuri litiro i Kigali, ibi bikaba bigaragaza ko kuri iyi nshuro ibiciro byazamutse.

Ibi bivuze ko litiro ya Lisansi yiyongereyeho amafaranga y’u Rwanda 11, Mazutu na yo ikiyongeraho amafaranga y’u Rwanda 39.

Ikigo RURA gikomeza kivuga ko iri hinduka ry’igiciro cy’ibikomoka kuri Peteroli rishingiye ku ihindagurika ry’ibiciro by’ibikomoka kuri Peteroli ku isoko mpuzamahanga.

Akagezi ka Kabavu gakunze kuzura kakangiza imyaka n’ikiraro giciriritse abaturiye agasantere ka Rwondo banyuraho bagiye mu Murenge wa Gatare

Agateme bambukiraho muri iyi minsi kagizwe n’ibiti bitatu binini, bitambitseho imbabari. Kakozwe n’umuganda.

Abakifashisha bavuga ko bahora bagasubiramo kuko iyo haguye imvura nyinshi amazi menshi amanukana n’amabuye bikagasenya, bityo n’utunguwe n’ayo mazi menshi yari ari kwambuka agahita atwarwa.

Isaïe Hakizimana utuye mu mudugudu wa Kagusa, hakurya y’agasantere ka Rwondo, agira ati “Iyo uruzi rwuzuye kano gateme ruragatwara. N’ubu bugori bwose buratwarwa. Mu minsi yashize hari n’abaturanyi bacu batatu bo mu Murenge wa Nkomane batwawe n’amazi hano.”

Iyo aka kagezi kuzuye, n’abanyeshuri ngo ntibabasha kujya ku ishuri. Abo ni abaturuka mu Murenge wa Gatare baza kwiga mu ishuri ribanza ryo muri Nkomane, n’abaturuka muri Nkomane bajya kwiga mu ishuri ryisumbuye ryo muri Gatare.

Uwitwa Dukuzimana ati “Iyo iteme ryatwawe, abanyeshuri ntibaba bakigiye kwiga. Bisaba gutegereza ko hahamagazwa umuganda, ugashyiraho irindi. Ubwo urumva nyine hacamo icyumweru cyangwa bibiri kugira ngo iteme riboneke, n’abana babashe gusubira ku ishuri.”

Iyo imvura ibaye nyinshi igatera imyuzure, iki kiraro kiratwarwa, hagashira iminsi abanyeshuri batajya kwiga bategereje ko umuganda ukora ikindi

Abifashisha aka gateme bifuza kubakirwa iteme rikomeye, kuko kubyifasha byabananiye.

Hakizimana ati “Badushyiriyeho iteme rikomeye byadufasha. Twigeze no kubona impano y’amafaranga ibihumbi 800 by’ubudehe tugura amabuye tugira ngo dukore iteme rirambye, ariko byahise bisenywa n’umwuzure.”

Mukamurenzi baturanye na we ati “Uwadukorera iteme ryiza ku buryo n’umwana w’imyaka ibiri yabasha kuryambuka, byatubera byiza kurushaho.”

Umuyobozi w’Akarere ka Nyamagabe, Bonaventure Uwamahoro, avuga ko hari amateme manini ari kuri kariya kagezi, bityo agasaba abantu kuba ari yo bifashisha mu gihe cy’imvura, n’ubwo byaba bisaba kuzenguruka kure cyane, ariko bakarengera ubuzima bwabo.

Anavuga ko hari aho bagiye bakora amateme y’abanyamaguru aca mu kirere muri Nyamagabe, bityo bakaba bagiye kuzakora inyigo bakareba niba no hafi y’agasantere ka Rwondo barihashyira.

Ati “Muri gahunda yo kongera amateme y’abanyamaguru twatangiye, hakorwa inyigo, hakarebwa uko kuri uwo mugezi hamwe na hamwe hashobora gushyirwa bene ayo mateme.”

Kugeza ubu mu Karere ka Nyamagabe hamaze kubakwa amateme yo mu kirere arindwi. Barateganya ko muri 2024 bazaba baramaze kubaka 21.

Igiciro gishya cya lisansi muri Kigali ntikigomba kurenga 987 Frw kuri Litiro, mu gihe igiciro cya mazutu muri uyu mujyi nacyo kitagomba kurenga 962 Frw kuri Litiro. Ibi biciro bishya biratangira kubahirizwa kuri uyu wa 7 Mutarama 2020.

Ni ibiciro biri hejuru ugereranyije nibyo RURA yaherukaga gushyiraho aho Litiro imwe yari 976Frw, mu gihe iya mazutu yari 923 Frw.

Uku guhinduka kw’ibiciro RURA yavuze ko bishingiye kwihindagurika ry’ibiciro by’ibikomoka kuri peteroli ku isoko mpuzamahanga.

Igiciro cy’ibikomoka kuri peteroli cyiyongereye

Itangazo rya RURA rigena igiciro gishya cy’ibikomoka kuri peteroli

Amakuru avuga ko kuwa 14 Ukuboza 2020, aribwo Nkurikiyimana Enock yakubiswe agakomeretswa n’abanyerondo batandatu.

Nzayisenga Yenos watanze amakuru yabwiye IGIHE ko aba banyerondo bagiye mu rugo rwa Nkurikiyimana bavuga ko hari umugore yahuye nawe akamuhohotera.

Yavuze ko aba banyerondo bageze mu rugo rwe yaryamye [hari saa tatu z’ijoro], bamubyukije arabyanga, bajya ku rugi rwe barahondagura asohotse baramukubita baramukomeretsa.

Nkurukiyimana yagiye kwa muganga, ndetse ajya no kurega kuri RIB ariko ngo hari hagiye gushira hafi ukwezi atararenganurwa ari nabwo yahise afata umwanzuro wo gutabaza yifashishije Twitter.

Inzego zirimo Polisi y’Igihugu ndetse n’Ubuyobozi bw’Akarere ka Kamonyi zasubije uyu muturage ko aba bagabo bakekwaho gukubita uyu muturage bamaze gufatwa ndetse bashyikirijwe Urwego rw’Igihugu rushinzwe Ubugenzacyaha.

Polisi yatangaje kuri Twitter iti “Barakekwaho gukubita no gukomeretsa mu mutwe Nkurikiyimana Enock.”

Ubutumwa bwa Polisi bukomeza buvuga ko aba bose bafungiye kuri Sitasiyo ya Polisi ya Gacurabwenge mu gihe iperereza ririmo gukorwa n’urwego rubishinzwe.

Nibwo buzima benewacu n’aba-Sango bo muri Bria mu Burengerazuba bwa Centrafrique babayemo. Bamaze imyaka myinshi batazi agahenge icyo aricyo, umunsi ku wundi bumva urusaku rw’amasasu imbere n’inyuma y’inzu.

Ugeze muri aka gace, ugakubita agatima ku mateka Abanyarwanda banyuzemo mu myaka ishize, wumva neza icyo igihugu aricyo, akamaro kacyo, icyo kukigira gitekanye bisobanuye.

Bria ni Umurwa Mukuru w’Intara ya Haute-Kotto iherereye mu bilometero 600 uvuye mu Mujyi wa Bangui. Ni urugendo rw’isaha n’igice mu ndege, mu gihe ukoresheje umuhanda bishobora kugufata iminsi igera kuri itatu kubera imihanda mibi iba muri Centrafrique.

Ni intara ituwe n’abaturage barenga ibihumbi 120 ku buso bwa kilometero kare 86.650, ni ukuvuga inshuro zirenga eshatu ku ngano y’u Rwanda.

Umubare munini w’abatuye muri uwo mujyi utabona uko ugereranya n’indi yo mu Rwanda ni impunzi, zimwe zaturutse muri Sudani izindi zahatujwe nyuma y’amakimbirane akomeye y’abaturage b’abayisilamu n’abandi b’abakirisitu.

Ugeze ku Kibuga cy’Indege cya Bria, ntabwo ari ikibuga gisanzwe, ahubwo ni ikibuga cy’ibitaka gishobora kwifashishwa n’indege nto na kajugujugu gusa. Iyo imvura yaguye, ntabwo indege zemererwa kukigwaho, usanga inyinshi ari iza Loni zigikoresha.

Abantu bose bo muri ako gace, ni abantu bakigerageza guhangana n’ubuzima, bashaka uko babaho umunsi ku wundi, bashaka amikoro yababeshaho. Ni abacuruzi b’ubuconsho, ntibatuye mu nzu za nyazo ahubwo bose bibera mu nkambi.

Mpagera nakozwe ku mutima bikomeye! Sinababajwe no kuba nta kaburimbo iriyo, kuko si igitangaza kuba idahari, ahubwo nababajwe n’inzu zasenyutse bitagizwemo uruhare n’imyuzure cyangwa se ibindi biza ahubwo gusa amakimbirane.

Abayisilimu n’Abakirisitu bararwanye, birangira abantu benshi babuze ubuzima, aho kuba n’ibindi. Mu muhanda ugana ahakorera Ingabo z’u Rwanda ziri mu butumwa bw’Amahoro, ni amatongo gusa, inzu zose ni ibihangari, amabati ntayo atari uko babuze ubushobozi, inzu z’ibisate ahantu hangana nko kuva mu Mujyi wa Kigali rwagati ukagera ku Kimironko, ni agahinda.

Abaturage baho bamaze imyaka myinshi mu bubabare, mu buribwe bwo kubura umutekano no kubura aho baba gusa kuva mu 2014 icyizere cy’ubuzima cyongeye kugaruka, bararyama barasinzira.

Agace kose ni amatongo, inyubako zarasenywe, abaturage baricwa kubera imvururu zibasiye iki gihugu

Perefe wa Perefegitura yaciye iryera abaturage bwa mbere mu myaka 20

Umutwe wa Séléka niwo wayogoje ibintu muri aka gace, mu 2018 umwe mu bafite urusengero yigeze gutangaza ko abarwanyi bawo “badashaka kubona umukirisitu n’umwe muri aka gace kuko bashinjwa kuba mu mutwe wa Anti-balaka”.

Ati “Abakirisitu ntibajya bajya mu Mujyi, iyo bagiyeyo babatera ubwoba, babata muri yombi bagasabwa gutanga amande. Ntaho wahungira mu mujyi”.

Ubu amarangamutima ni yose ku baturage n’abayobozi b’i Bria basigaye babayeho mu buzima butandukanye n’ubwo babagamo mbere.

Bishimira umutekano babonye kubera uruhare rw’Ingabo z’u Rwanda, uko bo ubwabo batari kwishoboza kubaho ariko ubu aho bazibonye bakaba bazikomera amashyi.

Perefe Evariste Binguinidji wa Haute-Kotto nubwo ari umuyobozi, yari amaze imyaka myinshi atazi agace ayobora kuko hari ibice bimwe na bimwe bya Perefegitura byamaze imyaka irenga 20 bitaraca iryera umuyobozi wabo. Kugira ngo agere ku baturage be byasabye ubufasha bw’Ingabo z’u Rwanda.

Ati “Iyi Perefegitura niyo nini muri RCA, igice cya Wada na Sam Ouandja abaturage baho bambwiye ko hari hashize imyaka irenga 20 nta Perefe uhageze. Naje gusaba Umuyobozi wa Minusca ampa abasirikare b’u Rwanda baramperekeza ngera i Wada nubwo hari ibibazo by’umutekano, ibibazo by’imihanda, baramfashije ku buryo nageze Sam Ouandja. Nishimiye mu by’ukuri ibyo Ingabo z’u Rwanda zakoze muri Haute Kotto.”

Ballo Solange wavutse mu 1976 ni umubyeyi w’abana babiri, uyu munsi abayeho atekanye kuko Ingabo z’u Rwanda zatumye atora Umukuru w’Igihugu, ndetse zikaba zaranamufashije abana be bakabone ibikoresho by’ishuri.

Ati “Ingabo z’u Rwanda ziri hano, bacunga umutekano wacu, ni intangarugero. Njye iyo mbabonye mba numva ntekanye. Baradufashije mu bice bya Bungu, baduhaye amashyiga agezweho ahitwa Borno, umwaka ushize batanze ibikoresho by’ishuri ku bana, nshinzwe ibijyanye n’amasomo, nari mpari muri ibyo bikorwa. Batanze amakaye, imbaho n’amakaramu.”

Ni umubyeyi ubona uba useka ku maso, ariko ku mutima ubuzima bwaramushaririye, ariko aho ibihe bigeze afite icyizere cy’ejo hazaza bitewe n’icyerekezo cy’igihugu cye.

Solange kimwe n’abandi bishimira umwanzuro Perezida Touadéra yafashe wo gusaba ubufasha u Rwanda mu by’umutekano. Ati “Bari hano kubera umutekano wacu, baje gufasha guverinoma, aya matora ni ku bwabo naho ntabwo yari gushoboka.”

“Naratoye kandi natoye neza, ni ukubera bo. Iyo mbabona mba numva ntekanye. Natoye Perezida wanjye Touadéra kuko niwe wazanye Ingabo z’u Rwanda kugira ngo ziducungire umutekano.”

Mu kigo cya Bria cy’Ingabo z’u Rwanda, hari abasirikare b’u Rwanda bafite inshingano zo kubungabunga umutekano muri ako gace na cyane mu nkambi zihari zirimo abaturage bavuye mu byabo. By’umwihariko niho hakorera umutwe wa gisirikare urwanisha ibifaru ku buryo iyo ucyinjira mu kigo ari nabyo ubona ku bwinshi kurusha izindi modoka.

Abasirikare b’u Rwanda muri ako gace bakora uburinzi mu masaha y’ijoro yaba ubukoresha ibifaru ndetse n’ubukoreshwa ingendo z’amaguru hirya no hino. Iyo bibaye ngombwa ziba zishobora gufata intwaro zikajya gutanga umusanzu mu bindi bice byibasiwe n’umwanzi cyane.

Amakimbirane hagati y’Abakirisitu n’Abayisilamu yahinduye iki gihugu isibaniro ry’ibibazo

Ubuzima bwatangiye kugaruka mu Mujyi wa Bria kuva aho Ingabo z’u Rwanda zihagereye nubwo abenshi mu bawutuye ari impunzi

Hafi y’Ikigo cy’Ingabo z’u Rwanda i Bria, hari inkambi y’abaturage bakuwe mu byabo n’imvururu

Ingabo z’u Rwanda zikorera i Bria zishimirwa umuhate wazo mu bikorwa byo kugarura amahoro muri ako gace

Perefe Evariste Binguinidji wa Haute-Kotto yafashijwe n’Ingabo z’u Rwanda kugera mu gace kari kamaze imyaka 20 katagerwamo n’umuyobozi

Ingabo z’u Rwanda ziba i Bria nizo zikoresha ibi bifaru

Kubera umubare uri hejuru w’abandura Covid-19 uheruka kugaragara mu Karere ka Musanze uhereye mu minsi ishize, ako Karere gaheruka gushyirirwaho umwihariko wo kuba saa moya zigomba kugera abantu bamaze kugera mu ngo zabo.

Mu myanzuro yafatiwe mu nama y’abaminisitiri yateranye ku wa mbere tariki ya 4 Mutarama 2021 hari n’urebana n’uko ibikorwa byose by’abikorera harimo iby’ubucuruzi, resitora, butiki, amasoko n’amaduka; bizajya bifunga saa kumi n’ebyiri za nimugoroba mu gihe cy’iminsi 15.

Hari abakora muri izi serivisi bavuga ko uyu mwanzuro ufashwe mu gihe bari bamaze kumenyera gufunga ibikorwa byabo muri ayo masaha. Uwitwa Muhoracyeye ucururiza mu isoko rinini ryitwa Goico Plaza yagize ati: “Tumaze kumenyera gufunga imiryango saa kumi n’ebyiri, hari n’abafungaga mbere y’iyo saha, kugira ngo twubahirize umwanzuro w’inama y’Abaminisitiri yabanjirije iheruka guterana, kuko yafashe icyemezo cyo kuba abantu bo mu Karere ka Musanze bose bagomba kuba bari mu rugo bitarenze saa moya zuzuye. Ubwo rero niba andi mabwiriza yashyizweho areba twese Abanyarwanda yo kuba saa kumi n’ebyiri tugomba kuba twafunze ahatangirwa serivisi z’ubucuruzi, tugomba kuyubahiriza ari na ko dukaza ingamba ngo turebe ko hari icyo bitanga, kuko icyorezo kitwugarije”.

Ku rundi ruhande bamwe bari biteze ko inama y’Abaminisitiri yoroshya izo ngamba. Hari uwagize ati: “Twari tuzi ko inama y’Abaminisitiri yoroshya amabwiriza yari yashyizweho mu gihe cyashize, nibura ya saha yashyiriweho Abanyamusanze, ikava ku kuba abantu bageze mu ngo saa moya nibura bakadukomorera tukajya dukora tugataha hagati ya saa mbili na saa yine; ariko noneho aho kudukomorera urabona ko barushijeho gukaza ingamba”.

Ubwiyongere bw’umubare w’abandura icyorezo Covid-19 n’abicwa na cyo, bukomeje kugira ingaruka ku bakora serivisi zijyanye n’ubucuruzi nk’uko aba bacuruzi babitangarije Kigali Today.

Mukundente Yvonne wo mu Karere ka Musanze yagize at: “Umuntu yagurishaga abaguzi atari abo muri aka karere gusa, ahubwo n’abaturukaga ahandi babaga ari bo benshi. None urabona iyi gahunda ya Guma mu Karere yatangiye, abakiriya ni mbarwa, turicaye nta n’ubaza ngo iki n’iki kiragura angahe. Ikindi ni uko n’ugira amahirwe yo kugurisha atari bworoherwe no kubona uko arangura ibindi, kuko nta muntu wemerewe kurenga Akarere ajya mu kandi. Mbese igihombo tumazemo iminsi ahubwo kigiye kurushaho kwiyongera”.

Mu kiganiro yatangiye kuri Television y’u Rwanda kuwa kabiri tariki 5 Mutarama 2021, cyavugaga ku ngamba nshya zo kwirinda ikwirakwizwa ry’icyorezo Covid-19; Minisitiri w’Ubucuruzi n’Inganda Soraya Hakuziyaremye yagarutse ku mpamvu nyamukuru zashingiweho hafatwa umwanzuro w’uko saa kumi n’ebyiri zigomba kujya zigera ibikorwa by’abikorera harimo iby’ubucuruzi byafunze mu gihugu hose.

Yagize ati: “Hari impamvu nyamukuru zahereweho hafatwa iki cyemezo; iya mbere ni uko tugomba kwirinda cyane ahantu hahurira abantu benshi n’ibikorwa byabahuza ari benshi. Icya kabiri ni uko amabwiriza yashyizweho yo kugira ngo abantu babe bageze mu ngo zabo saa mbili z’ijoro, hari ahagiye hagaragara abacuruzi n’abafite amaresitora bakomezaga gufungura kugeza ubwo iyo saha igera, yaba bo ubwabo cyangwa ababagana batarataha, bigatuma barenga ku mabwiriza yo kuba bageze mu rugo saa mbili z’ijoro. Ibyo byatumye tureba ko twabanza guha abantu umwanya uhagije wo gutaha mu ngo zabo muri icyo gihe cy’amasaha abiri. Ikindi nanone cy’ingenzi ni ukugira ngo twirinde ko abantu bakomeza kujya mu masoko n’inyubako z’ubucuruzi mu gihe barangije akazi kandi tuzi neza ko ari hamwe mu hahurira abantu benshi”.

Minisitiri Hakuziyaremye yaboneyeho no kwibutsa abantu kudashyira imbere igihombo giterwa no kuba badakomeza gukora amasaha ya nimugoroba, kuko uburyo icyorezo Covid-19 gikomeje gushyira ubuzima bwa benshi mu kaga ari cyo gihombo gikomeye. Yashimangiye ko mu barwara n’abicwa na cyo barimo abacuruzi n’abaguzi, akaba ari yo mpamvu ntawe ukwiye kujenjekera ingamba z’ubwirinzi bwacyo.