Tag: featured

Mu butumwa yanyujije kuri Twitter, Madamu Jeannette Kagame, yasabiye Padiri Ubald ‘kuruhukira mu mahoro’.

Umuryango Unity Club Intwararumuri, Madamu Jeannette Kagame abereye Umuyobozi na wo wihanganishije umuryango wa Padiri Ubald, watanze umusanzu ukomeye mu rugendo rwo kunga ubumwe n’ubwiyunge hagati y’Abanyarwanda.

Mu butumwa wanyujije kuri Twitter wagize uti “Umurinzi w’Igihango Padiri Ubald Rugirangoga, yahawe Ishimwe ry’Ubumwe n’Umuyobozi Mukuru wa Unity Club, @FirstLadyRwanda kubera gahunda yatangije y’Isanamitima n’Ubwiyunge muri Paruwasi ya Mushaka. Iyo gahunda yeze imbuto mu gihugu hose. Imana imwakire mu ntore zayo.’’

Umurinzi w’Igihango Padiri Ubald RUGIRANGOGA, yahawe Ishimwe ry’Ubumwe n’Umuyobozi Mukuru wa Unity Club, @FirstLadyRwanda kubera gahunda yatangije y’Isanamitima n’Ubwiyunge muri Paroisse ya Mushaka. Iyo gahunda yeze imbuto mu gihugu hose.

Imana imwakire mu ntore zayo. pic.twitter.com/f7DmeHC0GD

— Unity Club (@UnityClubRw) January 8, 2021

Padiri Rugirangoga Ubald yatangirije ibikorwa by’isanamitima n’ubwiyunge muri Paruwasi Gatolika ya Mushaka yo mu Karere ka Rusizi.

Mu 2013, ubwo iyi paruwasi yizihizaga Yubile y’imyaka 50, Madamu Jeannette Kagame yitabiriye ibi birori ndetse ashimira Padiri Ubald Rugirangoga watangije gahunda yo kunga Abanyarwanda amusaba gukomeza iyi nzira ndetse anasaba abakuru gutoza uyu muco abana bakiri bato.

Icyo gihe kandi Madamu Jeannette Kagame yavuze ko kuba ibikorwa by’Imana babijyanisha n’iby’iterambere ari ibyo gushimwa kuko ‘roho nzima itura mu mubiri muzima’.

Yabashimiye uruhare bakomeje kugira mu kubanisha Abanyarwanda babatoza umuco wo kumva ko bahemutse ari ibyo gushima.

Paruwasi ya Mushaka izwiho kuba yaratangije ibikorwa byo kunga Abanyarwanda bahemukiye bagenzi babo mu gihe cya Jenoside yakorewe Abatutsi, aho abakoze Jenoside bagiye basaba imbabazi abo bahemukiye.

Iki gikorwa cyatangijwe na Padiri Ubald Rugirangoga nyuma yo gutekereza uko Abanyarwanda bahemukiranye bazongera guhurira muri Kiliziya no mu midugudu yabo ngo byari bigoranye cyane aho abahemukiye bagenzi babo bagiraga isoni zo kwegera bagenzi babo abahemukiwe nabo bakanga kubegera kuko ngo batababonagamo ubumuntu.

Ni muri urwo rwego Padiri Rugirangoga Ubald yafashe ingamba zo kwegeranya abahemukiwe n’ababahemukiye aho yagendaga abigisha agaciro ka kimuntu agerageza kubahuza abinyujije mu nzira zo kubabarirana kugira ngo Abanyarwanda bongere bahure basabane kandi bikaba biri kugenda bigerwaho mu buryo bushimishije.

Muri iyi nzira ngo ntibyari byoroshye kuko hari abantu bamwe mu bahemutse batagaragazaga neza ibyo bakoze gusa iyi gahunda ngo yatumye abakirisitu ba Paruwasi ya Mushaka bongera kurebana neza.

Mu mwaka wa 2015 Padiri Ubald yagizwe Umurinzi w’Igihango kubera uruhare yagize mu gutangiza gahunda y’Ubumwe n’Ubwiyunge muri Paruwasi ya Mushaka, ikaba yarabyaye imbuto nyinshi mu baturage ndetse inarenga imbibi igera no mu zindi.

Mu Ugushyingo 2019, ubwo yari mu Ihuriro rigamije kurebera hamwe uruhare rwa Kiliziya Gatolika mu kubaka ubumwe n’ubwiyunge bw’Abanyarwanda, Padiri Ubald yavuze ko muri urwo rugendo, ari ngombwa gutanga imbabazi kuko bikomoka kuri Yezu Kirisitu wazitangiye ku musaraba.

Ati “Nyuma ya Jenoside yakorewe Abatutsi, abantu twisanze dukingiranye. Urufunguzo rw’uwarokotse Jenoside rufitwe n’uwamukoreye iriya Jenoside igihe amubwiye ngo ngusabye imbabazi; urufunguzo rufungurira uwakoze Jenoside narwo rufitwe n’uwarokotse Jenoside igihe amuhaye imbabazi.”

“Igihe udahuje abantu, ibyo uzakora byose, ushobora kubabeshya ukabagurira ibintu ukagira ute, ariko badahuye ngo baganire, bakingurirane, ntibishoboka, ntuzapfa ushoboye kunga abantu.”

Yakomeje avuga ko iyo utanze imbabazi, zigomba guherekezwa n’impuhwe kuko ari byo byamufashije guhuza n’abantu bagiye bakorana mu bikorwa byo komora ibikomere by’umutima muri Paruwasi ya Mushaka muri Diyosezi ya Cyangungu. Ni ibikorwa byari bigamije guhuza abakoze Jenoside n’abayirokotse, bakongera kunga ubumwe.

Mu 2019, Padiri Ubald yanditse igitabo kivuga ku bumwe n’ubwiyunge cyitwa “Forgiveness Makes You Free” kigamije gufasha Abanyarwanda gukomeza urugendo rwo kwiyunga.

Indi nkuru wasoma: Padiri Ubald Rugirangoga yitabye Imana

Padiri Ubald Rugirangoga yitabye Imana aguye muri Leta Zunze Ubumwe za Amerika aho yari arwariye

Madamu Jeannette Kagame yifurije Padiri Ubald Rugirangoga iruhuko ridashira. Iyi foto yafashwe mu Ugushyingo 2019 igaragaza Padiri Ubald ashyikiriza Madamu Jeannette Kagame igitabo cye kivuga ku kubabarira yise “Forgiveness Makes You Free”

Imbaga y’abakirisitu ni yo yitabiraga amasengesho ya Padiri Rugirangoga Ubald

Padiri Ubald yari azwiho gusengera abarwayi bagakira zimwe mu ndwara zananiranye

Padiri Ubald (uwa kabiri uturutse ibumoso) ashimwa cyane kubera umusanzu yatanze mu bikorwa by’isanamitima n’ubumwe n’ubwiyunge

Padiri Rugirangoga Ubald yatangirije ibikorwa by’isanamitima n’ubwiyunge muri Paruwasi Gatolika ya Mushaka yo mu Karere ka Rusizi

Padiri Rugirangoga Ubald yagiye asomera misa muri gereza zitandukanye mu rwego rwo gufasha abakoze Jenoside gusaba imbabazi abo biciye

Padiri Rugirangoga Ubald yatangiye gahunda y’isanamitima mu bice bitandukanye by’igihugu

Muri Werurwe umwaka wa 2019, indege ya B-737-800MAX ifite ikirango ET- AVJ yakozwe n’uruganda rwa Boeing yari itwaye abagenzi 157 yakoze impanuka ikomeye maze abari bayirimo bose bahasiga ubuzima. Muri abo bagenzi harimo n’Umunyarwanda witwa Musoni Jackson.

Ubuyobozi bwa Boeing bwemeye ko bwagize uruhare mu mpanuka z’indege ya Lion Air n’iya Ethiopian Airlines, bitewe n’ikibazo cy’ikoranabuhanga cyari mu ndege zarwo zakoze impanuka.

Boeing yemeye ko abakozi bayo babiri babeshye itsinda ry’Ikigo cy’Indege cya Amerika gishinzwe iby’Indege, FAA, mu bigendanye n’amahugurwa yahawe abapilote ku ikoranabuhanga rishya ryari ryashyizwe mu ndege za Max rizwi nka MCAS.

Umuyobozi wa Boeing, David L. Calhoun, yagize ati “Twaratsinzwe mu ndangagaciro zacu no ku byo twitezweho.”

Muri izi mpanuka, iya Ethiopian Airlines yaguyemo Umunyarwanda Musoni Jackson wakoreraga Ishami ry’Umuryango w’Abibumbye ryita ku Mpunzi muri Sudani y’Epfo, akaba yarasize umugore n’abana babiri.

Nyuma y’iyo mpanuka, abo mu muryango we bari batanze ikirego mu Rukiko rwa Chicago muri Leta zunze Ubumwe za Amerika bavuga ko uruganda rwa Boeing rwagize uruhare mu mpanuka zabayeho bitewe n’ikoranabuhanga ry’indege zarwo ritari rimeze neza.

Umuryango wa Musoni uri mu bazahabwa impozamarira na Boeing

Urutonde rw’ibiraro byo mu kirere bisurwa n’abakerarugendo benshi rwakozwe n’Ikigo cya ‘Lonely Planet’ cyandika ibitabo biyobora ba mukerarugendo ku rwego rw’Isi.

Mu bindi biraro bigaragara kuri uru rutonde birimo Redwoods Nightlights cyo muri Nouvelle Zélande; Arbor Day Farm Tree Adventure cyo muri Pariki ya Nebraska yo muri Amerika; Daintree Discovery Center cyo muri Australia na Treetop Walk Bavarian Forest cyo mu Budage.

Harimo kandi Monteverde Sky Walk cyo muri Costa Rica; Tahune Airwalk cyo muri Australia; Canopy Walkway cyo mu Ishyamba rya Amazon muri Peru; Sequoia Aerial Adventure cyo mu Mujyi wa California muri Amerika, OCBC Skyway cyo muri Singapore na Tree Top Canopy Walk cyo muri Malaysia.

Lonely Planet yakoze uru rutonde ni ikigo cyo muri Australie, cyatangiye kurukora mu mwaka wa 2019. Iki kigo gikora nk’icapiro kimaze kugurisha ibitabo birenga miliyoni 12.

Nyungwe Canopy Walkway ni ikiraro kimenyerewe muri Pariki y’Igihugu ya Nyungwe aho kinyura muri metero 70 hejuru y’iryo shyamba, kigafasha abagisura kwirebera urusobe rw’ibinyabuzima birigaragaramo mu buryo bwihariye.

Pariki ya Nyungwe ibarizwamo ubwoko bwinshi z’inyoni, ariko hakabamo n’inyamaswa ziba mu biti zirimo inkende n’inguge, ku buryo uwasuye iyi pariki, akagira amahirwe yo kugenda kuri iki kiraro, ahava anyuzwe n’ibyo yabonye.

Canopy Walkway ifite metero 160 z’uburebure, aho bisaba gusa amafaranga 60$ (hafi arenga ibihumbi 58 Frw).

Amafoto agaragaza ubwiza bw’ikiraro kiri mu Ishyamba rya Nyungwe

Ikiraro cya Nyungwe Canopy Walkway ni cyo cya mbere gikunzwe ku rwego rw’Isi

Iki kiraro kiri mu metero 70 uvuye ku butaka

Iki kiraro gifite uburebure bwa metero 160

Kugenda kuri iki kiraro bisaba arenga ibihumbi 58 Frw

Ni ikiraro kiri ahirengeye mu ishyamba rya Nyungwe, ku buryo ukiriho ashobora kubona iri shyamba mu buryo bwagutse

Ni ikiraro gifite umutekano uhambaye ku buryo kidashobora guteza impanuka

Iki kiraro kizwiho gufasha abakundana kuryoherwa n’urukundo rwabo

Ku matsinda y’abantu benshi, bashobora kujya gusura iki kiraro bakahagirira ibihe byiza

Minisiteri y’Uburezi iherutse gutangaza ko amashuri y’inshuke n’icyiciro cya mbere cy’amashuri abanza azatangira ku itariki 18 Mutarama 2020. Hari abibaza aho gahunda yo kubaka ibyumba by’amashuri bishya igeze dore ko hari ikibazo cyakunze kugarukwaho kenshi cy’ubucucike mu mashuri n’ikibazo cy’abana bakora ingendo ndende bitewe no kutagira amashuri abegereye, ibyo bikaba intandaro y’ubwinshi bw’abana bata amashuri.

Mu rwego rwo kumenya uko gahunda ya Leta yashyizwe mu bikorwa yo kubaka ibyumba bishya by’amashuri hirya no hino mu gihugu, Kigali Today yaganiriye na bamwe mu bayobozi mu turere tugize Intara y’Amajyaruguru bagaragaza aho iyubakwa ry’ayo mashuri rigeze.

Akarere ka Burera kabimburiye utundi mu Ntara y’Amajyaruguru mu gutaha ibyumba bishya by’amashuri. Muri ako Karere tariki 17 Ukuboza 2020 hatashywe ku mugaragaro ibyumba by’amashuri 36 n’ubwiherero 26 byubatswe mu Murenge wa Rugarama. Kigali Today yaganiriye na Uwanyirigira Marie Chantal uyobora ako Karere agaragaza ishusho y’inyubako z’ibyumba bishya by’amashuri.

Ubusanzwe mu Karere ka Burera, ibyumba 610 n’ubwiherero 850 ni byo byubatswe muri gahunda ya Leta yo kwegereza abana amashuri no kurwanya ubucucike, aho byinshi byamaze kuzura uretse ibyumba bigeretse (Etage) bikiri kuri 50%.

Mayor Uwanyirigira ati “Twubatse ibyumba 610 n’ubwiherero 850 hirya no hino mu mirenge igize aka karere, turashimira abaturage bo mu murenge wa Rugarama aho ibyumba 36 byari biteganyijwe n’ubwiherero 26 byose byuzuye tukaba aribyo twatashye ku ikubitiro, ubu mu kubaka ibyumba by’amashuri turi ku rugero rwiza, kandi mu itangira ry’amashuri y’inshuke n’icyiciro cya mbere cy’abanza byose twizeye kuzabikoresha, bizarinda abana ingendo ndende, ubucucike ndetse na COVID-19 kuko ibyumba bizaba byiyongereye intebe yicarwagaho n’abana batatu ubu bakazaba babiri”.

Mukarere ka Gakenke naho ibyumba bishya bigeze ku rwego ruri hejuru ya 80/100, aho ibyinshi bamaze kubitaha bakaba bizeye ko ku itariki 18 Mutarama mu itangira ry’amashuri, byose bizaba byuzuye uretse ibyumba byubatse ku buryo bugeretse bikiri munsi ya 50% nk’uko Kigali Today yabitangarijwe na Uwimana Catheline Umuyobozi w’akarere ka Gakenke wungirije ushinzwe imibereho myiza y’abaturage.

Yagize ati “Ku nkunga ya Guverinoma turi kubaka ibyumba 339 bigeze kuri 80,35%, mu gihe amashuri abiri ageretse ibyo twita Etage agizwe n’ibyumba 16 ageze kuri 46% n’ubwiherero 518 bugeze kuri 72%”.

Arongera ati “Hari n’ibyumba byubatswe ku nkunga ya Banki y’isi icyiciro (phase) cya kabiri ibyumba 170 biri kuri 95% n’ubwiherero 228 buri kuri 99% aho bimwe turi ku bitaha, naho phase ya mbere y’ibyumba 51 byose twarabitashye uretse inyubako imwe yagize ikibazo nacyo turi gukemura, ibigeze kuri 95% ni bya bindi biburaho ibirahuri n’utundi tuntu duke, byose bizaba byarangiye ku itariki 18 Mutarama ku buryo tuzabyifashisha”.

Mu karere ka Rulindo naho ibyumba by’amashuri bishya bisaga 400 ngo bigeze ahashimishije nk’uko Gasanganwa Marie Claire Umuyobozi wungirije mu karere ka Rulindo ushinzwe imibereho myiza y’abaturage yabitangarije Kigali Today.

Yagize ati “I Rulindo dufite ibyumba by’amashuri 169 n’ubwiherero 224 byubakwa ku nkunga ya Banki y’isi, aho ibyumba biri ku kigero cya 94% mu gihe ubwiherero buri ku kigero cya 89,15%, amenshi arenda kurangira ikibura ni uburyo bwo gufata amazi ndavuga ibigega n’utundi dukorwa duke”.

Arongera ati “Ayo turi kubaka ku nkunga ya Guverinoma dufite ibyumba 275 n’ubwiherero 418 na etage ebyiri z’ibyumba 16, amashuri ari ku kigero cya 86,52% ikibura ni ugukinga kubera ibyuma tutarabona kugira ngo tubirangize n’intebe zitaruzura, ubwiherero buri kuri 81,23% aho turi inyuma ni kuri etage turi kuri 25%, imwe twamennye beto dutangira kubaka n’amatafari hejuru. Turi no kubaka workshops umunani n’ibikoni 87 kugira ngo abana babashe kurira ku ishuri bose, amashuri yuzura dukomeje kuyataha”.

Mu karere ka Musanze hubatswe ibyumba bisaga 550 birimo ibigera kuri 88 bigeretse bikubiye mu nyubako 11, Visi Meya ushinzwe imibereho myiza y’abaturage Kamanzi Axelle aravuga ko izo nyubako zigeze ku rwego rushimishije aho bizeye ko ibyo byumba bizifashishwa mu gihe abana batari baratangiye amashuri bazaba bagarutse ku ishuri ku itariki 18 Mutarama 2021, hirindwa ubucucike bw’abana mu mashuri ndetse n’ingendo ndende hanirindwa na COVID-19.

Yagize ati “Mu karere ka Musanze turi kubaka ibyumba by’amashuri 551 harimo ibyumba 88 bigeretse bikubiye mu nyubako 11, amashuri atageretse ari ku kigero iri hejuru ya 80% uretse ageretse niyo akiri muri 50%, usibye ibyumba by’amashuri turi no kubaka ubwiherero utwumba 777 turi kubakwa mu karere ka Musanze, ibi biradufasha kugabanya ubucucike n’ingendo ndende abana bamwe bajyaga bakora tutibagiwe no kurinda abana COVID-19”.

Mu Karere ka Gicumbi naho ibyumba by’amashuri byarubatswe kandi ngo bigeze kurwego rushimishije, nk’uko Mayor Ndayambaje Felix yabitangarije Kigali Tiday agaragaza ishusho y’aho izo nyubako z’ibyumba by’amashuri zigeze.

Yagize ati “Ibyubatswe ku nkunga ya Leta ni 306 aho 298 ari ibyo hasi mu gihe 8 ari ibigeretse (Etaje), hakaba n’ibyubakwa ku nguzanyo ya Banki y’isi aho phase ya mbere ari 119 mu gihe icyiciro cya kabiri ari 351 byose bikaba 776, hubakwa n’ubwiherero 1400”.

Arongera ati “Twari twihaye intego yuko mu cyumweru gitaha twaba dusoje neza, hari ibyo twatangiye gutaha ibindi twamaze kubikorera amasuku uretse ibyumba 30 tutarashyiramo sima ariko nabyo bari kubikora ejo bizaba byarangiye sima irahari, ndetse n’intebe zirenda kurangira, ku buryo wenda iyo ya Etaje igeze kuri 50% ariyo byagorana kuba bayigiramo ariko nayo turi gushyiramo ingufu ku buryo mu ntangiro z’ukwezi kwa Gashyantare izaba yuzuye neza”.

Uwo muyobozi yavuze ko yiseye ko itangira ry’amashuri abanza nay’inshuke ku itariki 18 Mutarama, ibibazo abana bari bafite by’ubucucike n’ingendo ndende bizakemuka bakiga neza.

Muri gahunda ya Leta, hateganyijwe ko hazubakwa ibyumba bishya by’amashuri abanza n’ayisumbuye bisaga ibihumbi 22 n’ubwiherero bukabakaba ibihumbi 32, mu rwego rwo gukemura ikibazo cy’ubucucike mu mashuri no kugabanya ingendo ndende abanyeshuri bajyaga kora bajya kwiga.

Babivuze ku wa Gatanu tariki ya 8 Mutarama 2021 ubwo abahawe inka zikabyara bituraga bagenzi babo bo mu Tugari twa Cyarwa, Mpare na Cyimana kugira ngo na bo babone amata yo kunywa n’ifumbire yo gufumbiza imirima.

Murangwa Aurélie wo mu Kagari ka Cyimana yahawe inka ihaka mu mwaka wa 2020, nyuma y’amezi ihita ibyara abona amata yo kunywa no guha abana be babiri, imibereho ye itangira guhinduka.

Yagize ati “Inka nayihawe nyikeneye cyane imbera nziza ihita ibyara, abana babona amata kandi nkajya ngurishaho nkabona amafaranga. Yampaye ifumbire umusaruro uriyongera. Mpinga ibishyimbo n’ibigori. Mba mu cyiciro cya kabiri cy’ubudehe ariko nifuza kukivamo.”

Abahawe inka mu myaka yashize baganiriye na IGIHE bavuze ko kuva zagera mu ngo zabo imibereho yahindutse kandi ntawe ushobora kurwaza imirire mibi afite inka imuha amata. Bemeza ko umusaruro w’ubuhinzi na wo wiyongereye kubera guhinga bakoresheje ifumbire y’imborera.

Ikindi ni uko inka bahawe zabakuye mu bwigunge kuko bahugira mu kuyitaho bigatuma batajya mu bisindisha cyangwa mu bindi bikorwa bidatanga umusaruro.

Nshimiyimana Valens wo mu Kagari ka Cyarwa yahawe inka kuri uyu wa Gatanu, avuga ko ayitezeho kumuhindurira imibereho akava mu cyiciro cy’abakene.

Ati “Inka mpawe nzayitaho ku buryo nanjye izankura mu bukene. Ubusanzwe mba mu cyiciro cya kabiri cy’ubudehe ariko nzakora uko nshoboye n’iyi nka nkivemo.”

Umunyamabanga Nshingwabikorwa w’Umurenge wa Tumba, Migabo Vital, yasabye abahawe inka kuzifata neza kandi bakajya bibuka no kuzishakira ubwishingizi.

Ati “Icyo dusaba abahawe inka ni ukuzitaho bazigaburira, bazivuza, bazikorera isuku banazishyira mu bwishingizi kugira ngo nibagira ikibazo bashumbushwe, bityo zikabateza imbere bakava mu cyiciro barimo bakajya mu cyisumbuyeho. Ni cyo Nyakubahwa Perezida wa Repubulika abifuriza, ubundi nabo bakamwitura boroza bagenzi babo.”

Imibare yerekana ko mu Murenge wa Tumba kuva mu 2016 gahunda ya Girinka yatangira hamaze korozwa ingo 467. Muri uyu mwaka hamaze korozwa abantu 26 mu bagera kuri 30 biteganyijwe ko bazazihabwa.

Abahawe inka muri gahunda ya Girinka Munyarwanda bavuga ko zatangiye kubahindurira ubuzima

Kuva mu 2016 mu Murenge wa Tumba hamaze korozwa ingo 467

Migabo yabibukije ko inka bahawe ari izabo kandi ubuyobozi bwifuza ko imibereho yabo ihinduka

Muri uyu mwaka hamaze korozwa abantu 26 mu bagera kuri 30 biteganyijwe ko bazazihabwa

Umunyamabanga Nshingwabikorwa w’Umurenge wa Tumba, Migabo Vital, yasabye abahawe inka kuzifata neza

[email protected]

Inka zitanga inyama

Umwe mu bacuruza inyama mu Mujyi wa Nyamata mu Bugesera, ariko utifuje ko amazina ye atangazwa, avuga ko bibagora kubona inka z’inyama mu Bugesera, kuko ngo haba isoko rimwe rigurishwamo inka ry’ahitwa muri Mbyo mu Murenge wa Mayange, ariko ngo inka bazana muri iryo soko(umuterano),ziba zishaje, izindi ari amajigija. Ngo ni gake hazamo ibimasa byiza byo kubaga.

Yagize ati,”Kubona inka zo kubaga inaha mu Bugesera ni ikibazo gikomeye,izoboneka mu muterano wo muri Mbyo, ziba zishaje, cyangwa se ari amajigija, ugasanga zifite inyama zikomeye cyane zigoranye guteka,mbese zaguteranya n’umukiriya,kandi natwe ina zimeze zityo ziraduhombya kuko nta nyama ziba zifite,iyo ikimasa kibonetse kiba gihenze cyane, bakigurisha nk’ibihumbi magana ane(400.000Frw),ukabona nta nyungu twe tubonamo”.

Uko kubura kw’inka z’inyama mu Bugesera, ngo bituma abacuruza inyama bishyira hamwe, bagashaka imodoka nini bakajya kuzishakira mu masoko yo mu tundi duce, nko mu Mutara no mu Birambo bya Nyange n’ahandi mu cyahoze ari Kibuye.

Yagize ati,”Iyo twishyize hamwe tukajya gushaka inka muri ayo masoko ya kure turi benshi biraduhendukira, ku buryo mu bijyanye na ‘transport’ inka imwe ishobora guturuka ku Kibuye cyangwa mu Mutara ikagera i Gako mu Bugesera (ku ibagiro), nyishyuriye 5000 Frw gusa,urumva ko bihendutse kuko tuba twashyize hamwe turi nka batanu”.

Ku bijyanye n’ibiciro by’inka ku masoko nabwo biratandukanye, ikimasa kigura 400.000Frw mu isoko rya Mbyo mu Bugesera, ngo ikingana nacyo bakigura 300.000Frw isoko rya Birambo cyangwa iryo ku Irambura, ikimasa kingana gutyo mu isoko ryo mu Mutara, ngo cyagura 320.000Frw, kuko ngo usanga ibiciro byo mu Mutara nabyo bizamutse kurusha ibyo ku Kibuye.Impamvu ngo ni uko abacuruza inyama benshi cyangwa abagura inka, bikundira kujya kuzishakira mu Mutara,bakurikiye ko hari umuhanda mwiza , utarimo amakorosi menshi,kandi iyo abaguzi babaye benshi,ngo bituma n’umuturage ugurisha inka azamura igiciro.

Yagize ati,”Ubu umuntu ubishoboye yakwishorera muri ‘business’ yo korora inka z’inyama kuko ntaziboneka cyane mu Bugesera kandi zigira amafaranga,sinzi igituma nta bantu bitabira kubikora,kandi aho tujya kuzishaka muri za Kibuye,usanga hari abantu babikora batyo,bakagura ibimasa bikiri bito,bakabyorora byakura bakabigurisha, bagahita bagura ibindi bito borora gutyo gutyo kandi batubwira ko bibungura”.

Uwitonze Hyacenthus , ushinzwe iby’ubuvuzi bw’amatungo mu Karere ka Bugesera,avuga ikibazo cy’ibura ry’inka z’inyama rijyana na gahunda ya Leta iriho yo guteza imbere inka zigira umukamo mwinshi,kuko ngo inka za gakondo(bita inyarwanda),zigiraga umukamo udahagije,ariko nanone ngo ni zo zagiraga inyama cyane.Izo zigira umukamo mwinshi nazo, zigira inyama, ariko ngo ntiziba nyinshi kuko muri kamere yazo zaremewe gukamwa cyane kurusha gutanga inyama.

Gusa nubwo iyo gahunda yo guteza imbere inka zifite umukamo mwishi ari yo yabanje,ariko ubu ngo Leta ifanije n’abikorera banatangije umushinga wiswe ‘Gako beef Ltd’,uwo mushinga ukaba ari uwo korora inka z’inyama.Nubwo ngo uwo ari umushinga wo ku rwego rw’igihugu, kuko ukorerwa mu Bugesera,ndetse n’ibagiro rikaba ari ho riri,ngo igihe zizaba zatangiye kubagwa,n’abacuruza inyama mu Bugesera,bazaba bashobora kuza kuzirangura bakazicuruza bitabasabye kujya kuzishakira mu masoko ya kure.

Uwitonze akomeza avuga, ko no muri iki gihe,hari abantu batangiye gukora ubworozi bw’inka z’inyama nubwo bataraba benshi,gusa ngo hari abagenda babona ukuntu ari byiza,kuko ni ubworozi bukorerwa ku butaka buto,ugereranyije n’ubworozi bw’inka z’umukamo,ikindi ngo binafata igihe gito.

Yagize ati,”Umuntu ashobora kugura ikimasa kikiri gito,akakigura ku bihumbi 150.000Frw,akakibyibushya,nyuma y’umwaka n’igice akakigurisha 400.000Frw.Natwe turafasha,tukabereka uko bikorwa,kandi tunashishikariza n’abandi kuba batangira gukora ubworozi bw’inka z’inyama,kuko ni gahunda isa n’aho ari nshya nta bantu benshi barayijyamo.Erega n’abo bacuruza inyama bashobora korora inka z’inyama bakajya,bazibaga ariko banazorora byakunda”.

Umurinzi w’Igihango Padiri Ubald RUGIRANGOGA, yahawe Ishimwe ry’Ubumwe n’Umuyobozi Mukuru wa Unity Club, Madamu Jeannette Kagame kubera gahunda yatangije y’Isanamitima n’Ubwiyunge muri Paruwasi ya Mushaka, iyo gahunda ikaba yareze imbuto mu gihugu hose

Mu mihanda aho unyura hirya no hino mu gihugu mu ngeri zinyuranye z’abaturage, abana, abasore n’inkumi, abageze mu zabukuru, ikiganiro ni Padiri Ubald Rugirangoga, bamwe bati “Muri rya sengesho rya Ubald twakize indwara zikomeye zananiye abaganga, twakize ubugome n’ubugambanyi, twakize ibikomere n’intimba twatewe n’ibibazo binyuranye”.

Ni umupadiri wamenyekanye mu bikorwa by’isanamitima birimo isengesho yagiye akorera hirya no hino mu duce tunyuranye tw’igihugu hakitabira imbaga nini y’abaturage, kandi bose bakaza batitaye ku madini n’amatorero runaka basanzwe babarizwamo.

Nyuma yo gutangarizwa urupfu rw’uwo mupadiri, ku mbuga nkoranyambaga zinyuranye by’umwihariko hagiye hatangwa ubutumwa bunyuranye bushima ibikorwa byaranze uwo mupadiri.

Mu batanze ubutumwa harimo na bamwe mu bayobozi mu nzego nkuru z’igihugu bagaragaje intimba batewe n’urupfu rwa Padiri Rugirangoga Ubald ariko banamushimira ibikorwa byamuranze ubwo yari akiri kuri iyi si.

Madamu Jeannette Kagame, mu butumwa bugufi yagize ati “Padiri Ubald, muruhukire mu mahoro”.

Umuryango Unity Club Intwararumuri uyobowe na Madamu Jeannette Kagame na wo wagize ubutumwa utanga muri aya magambo.

“Umurinzi w’Igihango Padiri Ubald RUGIRANGOGA, yahawe Ishimwe ry’Ubumwe n’Umuyobozi Mukuru wa Unity Club, Madamu Jeannette Kagame kubera gahunda yatangije y’Isanamitima n’Ubwiyunge muri Paruwasi ya Mushaka. Iyo gahunda yeze imbuto mu gihugu hose, Imana imwakire mu ntore zayo”.

Antoine Karidinali Kambanda, na we yatanze ubutumwa ku itabaruka rya Padiri Rugirangoga Ubald, bugira buti “Padiri Ubald Rugirangoga, Imana yamuduhaye yamwisubije none imwakire, aruhukire mu mahoro. Imana yamurokoye Jenoside yakorewe Abatutsi imufitiye umugambi wo gusana imitima, gufasha abantu kwiyunga n’Imana, umuntu kwiyunga na we ubwe”.

Umunyamabanga wa Leta muri Minisiteri y’urubyiruko n’Umuco Edouard Bamporiki na we yagize ati “Iyo umugabo agobwe, haba hatabarutse Ingenzi. Abakuru bati: uwifuzwaga yahinduye intaho, Inturo ntikiri iyi. Ruhukira mu mahoro Mushumba utazimizaga. Warokotse abagome mu bitangaza Ndora. Uyu wa gatanu utubanye Mutagatifu. Waragoroye, Gororerwa. RIP Father”.

Komisiyo y’Igihugu y’Ubumwe n’Ubwiyunge na yo yanditse ubutumwa ku rupfu rwa Padiri Ubald Rugirangoga bukubiyemo gushima ibikorwa binyuranye yakoreye u Rwanda mu kunga Abanyarwanda, ubutumwa bufite umutwe ugira uti “Umurinzi w’igihango Padiri Ubald aratabarutse”.

Ubwo butumwa bukomeza bugira buti “Komisiyo y’Igihugu y’Ubumwe n’Ubwiyunge ibabajwe n’itabaruka ry’Umurinzi w’igihango ku rwego rw’Igihugu Padiri RUGIRANGOGA Ubald, yaranzwe n’indangagaciro zo gukunda u Rwanda n’Abanyarwanda, kuba inyangamugayo, gukoresha ukuri, Ubworoherane, kwicisha bugufi, kwanga no kurwanya akarengane, kwiha agaciro no kugira uruhare mu kurwanya amacakubiri na Jenoside n’ingengabitekerezo yayo”.

Fidèle Ndayisaba na we yatanze ubutumwa ku rupfu rwa Padiri Ubald Rugirangoga amushimira muri aya magambo: “Padiri Ubald yaranzwe kandi no kuba inyangamugayo, gukoresha ukuri, ubworoherane, kwicisha bugufi, kwanga no kurwanya akarengane, kwiha agaciro no kugira uruhare mu kurwanya amacakubiri na Jenoside n’ingengabitekerezo yayo”.

Arongera ati “Uruhare rw’indashyikirwa rwa Padiri Ubald mu kugarura no kubungabunga igihango cy’ubumwe bw’Abanyarwanda yitangiye n’umutima we wose guhera muri Paruwasi ya Mushaka ya Diyosezi Gatorika ya Cyangugu ntiruzibagirana mu mateka y’u Rwanda”.

Guverineri w’Intara y’Amajyaruguru Gatabazi JMV, ati “Roho yawe iruhukire mu mahoro. Tuzahora tukwibukira ku bikorwa by’urukundo, ubumuntu, Ubumwe n’Ubwiyunge bw’Abanyarwanda, wakoze amasengesho akomeye akiza ibikomere binyuranye n’uburwayi bwananiranye n’ibindi. RIP Padri Ubald”.

U Rwanda n’ubundi rusanganywe ubufatanye na Centrafrique mu byo kurinda umutekano, kuko rufiteyo ingabo zafashije cyane mu bikorwa byo gucunga umutekano mu bihe by’amatora Centrafrique yari imazemo iminsi, ndetse ingabo z’u Rwanda zikaba ari zo zirinda umutekano w’Umukuru w’icyo gihugu.

Mu ruzinduko rw’akazi Minisitiri Biruta yagiriye muri Centrafrique ku wa 8 Mutarama 2021, aho yanagiranye ibiganiro byihariye na Perezida Faustin-Archange Touadéra uherutse kongera gutorerwa kuyobora Centrafrique, yavuze ko nyuma yo gufasha igihugu kugira amatora anyuze mu mucyo, kuri ubu u Rwanda rurajwe ishinga no gufasha icyo gihugu kwiyubaka mu bikorwa by’iterambere.

Yagize ati “Ubundi rero, birakwiye ko igihugu kiziyubakamo ubushobozi bwacyo, tukagifasha mu nzego zitandukanye harimo n’urwego rw’umutekano. Ingabo z’iki gihugu zikajyaho, zikigishwa, zigahabwa ibyangombwa byose, noneho n’abaje babafashije bakagenda babona uburyo bahava, kugira ngo ingabo z’iki gihugu n’inzego zindi z’umutekano bafatanyije [ubwo] zizaba ziyubaka, bazabashe kurinda igihugu cyabo.”

Minisitiri Biruta yongeyeho ko atari u Rwanda gusa rwiteguye kugira uruhare mu gufasha Centrafrique kwiyubakamo ubushobozi bwo kwicungira umutekano no guhangana n’inyeshyamba, ahubwo ko n’Umuryango w’Ubukungu bw’Ibihugu byo muri Afurika yo Hagati bishyigikiye iki gitekerezo.

Ati “Ndagira ngo nibutse ko n’Umuryango duhuriyemo, Umuryango w’Ubukungu bw’Ibihugu byo muri Afurika yo Hagati, mu nama yo ku wa 26 Ukuboza umwaka ushize, bemeje ko icya mbere ibihugu bigize uyu muryango bikwiye kugira icyo bikora kugira ngo bifashe iki gihugu guhangana na ziriya nyeshyamba.”

U Rwanda na Centrafrique bisanganywe umubano mwiza mu nzego zitandukanye.

U Rwanda ruri ku mwanya wa gatatu mu bihugu bifite ingabo nyinshi mu bikorwa by’Umuryango w’Abibumbye bigamije kubungabunga amahoro muri Repubulika ya Centrafrique (MINUSCA), aho abasirikare n’abapolisi barwo barenga 1389.

Mu matora y’Umukuru w’Igihugu yabaye ku wa 27 Ukuboza 2020, u Rwanda rwoherejeyo izindi ngabo 300 zo gufasha gucunga umutekano mu bihe by’amatora nyuma y’uko hari imitwe y’inyeshyamba yashakaga guhungabanya ayo matora.

Amatora yagenze neza ndetse Perezida Touadera yashimiye umusanzu w’ingabo z’u Rwanda mu kugira ngo amatora agende neza.

U Rwanda rwatangiye kohereza abapolisi mu bikorwa by’Umuryango w’Abibumbye bigamije kugarura amahoro n’umutekano muri Centrafrique muri Nzeri 2014. Nyuma y’umwaka umwe, hatangiye koherezwayo abapolisi bashinzwe kurinda ubusugire bw’abayobozi bakuru b’igihugu n’ab’Umuryango w’Abibumbye n’ibyabo.

Centrafrique ni igihugu gikungahaye ku mabuye y’agaciro arimo zahabu, diamant, uranium na peteroli ndetse n’ibiti by’imbaho zifite agaciro gahambaye.

Minisitiri Biruta yageze muri Centrafrique mu ruzinduko rw’akazi, avuga ko u Rwanda ruzafasha iki gihugu mu rugamba rw’iterambere

Mu bakiriye Biruta harimo n’abayobozi b’ingabo z’u Rwanda ziri gucunga umutekano muri Centrafrique

RBC ivuga ko ifite icyizere ko ibyo bitaro bizongera ubushobozi bwo kuvura iyo ndwara kuko bifite ikoranabuhanga ryo mu rwego rwo hejuru mu gutanga umwuka (Oxygen) ku barwayi barembye cyane.

Umuyobozi mukuru wa RBC, Dr Sabin Nsanzimana, avuga ko ibyo bitaro byakira abarwayi barembye ba Covid-19 benshi ugereranyije n’abakirwa n’ikigo cya Kanyinya.

Agira ati “Ibi bitaro byakira abarwayi benshi kuko bakubye kabiri abakirwa n’ibitaro bya Kanyinya, bishobora kwakira abarwayi barembye ba Covid-19 ijana na mirongo ine (140) icyarimwe ndetse bikaba byanakwakira abarembye cyane (ICU). Hari kandi uburyo bwo gucisha umwuka mu nkuta z’inyubako hatabayeho gutwara ya macupa y’umwuka, kikaba ari ikintu gikomeye cyane kizorohereza akazi abaganga n’abatanga umwuka”.

Ati “Ni ibitaro byubatse ku buryo bugezweho cyane ku buryo n’uwaremba agakenera ubundi buvuzi nko kubagwa, cyangwa ari nk’umubyeyi uje kubyara ariko afite na Covid-19, ibyo byose birahari muri biriya bitaro. Ni igisubizo cy’ikibazo twari tumaranye iminsi i Kanyinya, gusa n’ibindi bitaro mu ntara biragenda byongererwa ubushobozi mu mashini zongerera umwuka abarwayi ku buryo bose batazajya baza i Kigali”.

Akomeza avuga ko muri iyi minsi abarwayi biyongereye cyane ku buryo ibitaro bya Kanyinya bitari bikibasha kubakira bose kuko byo bifite ubushobozi bwo kwakira abarwayi barembye bakeneye kongererwa umwuka bari hagati ya 70 na 80, mu gihe ubu abawukeneye ndetse n’ubundi bufasha bwihutirwa cyane bikubye inshuro zigera kuri enye.

Kuva mu mpera z’umwaka ushize kugeza ubu abandura Covid-19 bariyongereye cyane ndetse n’abo ihitana baba benshi kurusha ikindi gihe kuva icyo cyorezo cyagera mu Rwanda, ari byo byanatumye inama y’Abaminisitiri iheruka yongera imbaraga mu ngamba zo kwirinda, aho ingendo hagati y’uturere no hagati yatwo n’Umujyi wa Kigali zibujijwe.

RBC ishimira cyane Umujyi wa Kigali n’Akarere ka Nyarugenge kuba barashyize uburyo bugezweho bwo kuvura Covid-19 muri ibyo bitaro bishya bya Nyarugenge.

Kugeza ku itariki ya 8 Mutarama 2021 mu Rwanda abanduye Covid-19 ni 9,368 barimo 143 banduye kuri iyo tariki, abayikize ni 6,940 naho abakirwaye bakaba ari 2,313 ikaba imaze guhitana abantu 115 barimo babiri yahitanye uwo munsi.

The Ben avuga ko yiteguye gukora cyane muri uyu mwaka kurusha uko yakoze mu mwaka ushize

Ibi yabivuze ubwo yari mu kiganiro yagiranye na KT Radio asubiza bimwe mu bimaze iminsi bimuvugwaho ko yaba yarasubiye inyuma mu muziki ndetse ko asa n’uri kugenda abivamo.

Yagize ati “Abo bantu bandika ibyo byose ntibazi uko umwaka wa 2020 wangendekeye, wari mubi. Icya mbere napfushije mushiki wanjye. Icya kabiri imyidagaduro yari yahagaze ahantu hose kubera covid-19, njye nari kugenza nte nyuma y’ibyo byose?”

Abajijwe ku byo kuba ari gukorana n’abahanzi batandukanye bakizamuka, yavuze ko na we akizamuka yafashijwe n’abahanzi bari bafite izina none kuba ari kubikora zikaba ari inshingano kuri we.

Ati “Ahubwo n’ubu mfite indi mishinga myinshi yo gukorana n’abandi kuko nanjye nkizamuka ni abandi bahanzi bamfashije kuzamura izina ryanjye.”

The Ben amaze iminsi mike agarutse mu Rwanda avuye muri Zanzibar aho yari yaragiye gukora amashusho y’indirimbo ye aherutse gusohora ari kumwe na Rema wo muri Uganda yitwa “This is love”. Amajwi y’iyi ndirimbo yakozwe n’utunganya amajwi (producer) wo muri Uganda witwa Nessim, uyu akaba ari na we wamukoreye indi ndirimbo yitwa “No You No Life” yakoranye n’itsinda rya B2C.

Muri uyu mwaka Mugisha Benjamin (The Ben) avuga ko yiteguye gukora kurusha uko yakoze mu mwaka ushize, akaba agiye gushyira hanze indirimbo ebyiri nshya.