Tag: featured

Ibi yabigarutseho mu ruzinduko yagiriye muri iryo shuri, aho yaganiye n’abanyeshuri baho bakamubaza ibibazo bitandukanye ku mahirwe bafite yo gukomereza amasomo muri UAE nyuma y’uko yari amaze kubasobanurira ingamba icyo gihugu cyashyizeho mu gushyigikira uburezi.

Umuyobozi Mukuru w’Urwego rw’Igihugu rushinzwe Uburezi bw’Ibanze (REB), Dr Mbarushimana Nelson, abarimu bo muri iryo shuri n’Umuyobozi waryo ndetse n’Umuyobozi Mukuru wa Islamic Cultural Center, Abdellatif Aouid, bitabiriye ibyo biganiro.

Ambasaderi Alqahtani yashimiye abo banyeshuri kubera urwego rw’imitsindire bariho magingo aya, aho abaheruka gukora ikizamini cya Leta batsinze 100%.

Ati “Ndashimangira ko Leta Zunze Ubumwe z’Abarabu ziyemeje kugenzura ko amahirwe akomeye y’uburezi agera kuri bose, atari abenegihugu gusa. Kandi igihugu cyanjye kiri mu mikoranire n’u Rwanda, igamije guha abafite impano zikomeye amahirwe yo kugera ku burezi bwo ku rwego rwo hejuru, muri kaminuza zo muri Leta Zunze Ubumwe z’Abarabu ziri ku rwego mpuzamahanga.”

Kuva mu 2002 Leta Zunze Ubumwe z’Abarabu zashyigikiye uburezi mu Rwanda zibinyujije mu Muryango Al Maktoun Foundation, aho zafashaga ibigo bibiri birimo icya Hamdan Bin Rashid Al Maktoum Girls Secondary School for Sciences giherereye i Muhanga, na Hamdan Bin Rachid Kimisange Secondary School kiri muri Kigali. Abanyeshuri baho bose bitwaye neza mu bizamini bya Leta biheruka baratsinda.

Mu myaka nibura 10 ishize, UAE ibinyujije mu Muryango wa Khalifa Bin Zayed Al Nahyan Foundation yafashije Islamic Secondary School for Sciences ku gipimo cya 100%.

Mu bufatanye bwa Guverinoma y’u Rwanda n’iya UAE, hatangwa amahirwe yo kuba Abanyarwanda bajya kwiga muri Kaminuza zo muri icyo gihugu ku buntu binyuze mu mushinga wa UAE Technical Assistance Program.

Ambasaderi Alqahtani yakomeje ati “Uwo mushinga uzatuma abanyeshuri babasha kubaka ejo hazaza habo heza, banatange umusanzu mu kugera ku iterambere ryifuzwa haba ku gihugu no ku muryango mugari.”

Kuva mu 2018, abanyeshuri 20 barimo abagore n’abagabo bavuye mu Rwanda bagezweho n’ayo mahirwe yo kujya kwiga muri kaminuza zo muri UAE ku buntu, mu masomo arebana n’imyubakire, ibinyabuzima, ibinyabutabire, ibya mudasobwa, ubukanishi n’iby’amashanyarazi.

Mu 2019, Abanyarwanda 10 bemerewe kujya kwiga icyiciro cya kabiri cya kaminuza muri Surbone Abu Dhabi University ku buntu.

Amb Hazza yashimye iri shuri kuba rikomeje gufasha abanyeshuri gutsinda ndetse abanyeshuri ko abazahiga abandi bazahabwa ayo mahirwe yo kujya kwiga kaminuza muri UAE ku buntu.

Inyigo yamuritswe na British Council mu 2017, yagaragaje ko UAE iri mu bihugu bya mbere bishyigikira uburezi mpuzamahanga.

Yamuritswe kandi nyuma y’igenzura rya kabiri ryakozwe mu bihugu 38 harebwa ku rwego rw’uburezi mpuzamahanga bitanga.

Icyo gihe UAE yabaye iya kabiri mu birimo uburezi bufite ireme ndetse iba iya gatanu mu bitanga impamyabumenyi zemerwa henshi.

Icyo gihugu cyashyize mu mashuri makuru ingamba zinoze mu buryo butandukanye mu gihe gito. Kaminuza yacyo yatangijwe mu 1976 ni yo nkuru muri urwo rwego.

Kuva yashingwa, UAE imaze kugira amashuri makuru na za kaminuza 76, arimo ay’imbere mu gihugu gusa n’ari ku rwego mpuzamahanga nka Soburne Abu Dhabi University, New York University na American University of Sharjah.

Guverinoma ya UAE yagiye ifasha abanyeshuri b’Abanyarwanda bashaka gutyaza ubumenyi bwabo mu yisumbuye banyuze muri ayo mashuri ya Leta n’ayigenga, ikabishyurira muri UAE University na Sorbonne Abu Dhabi University.

Ambasaderi wa Leta Zunze Ubumwe z’Abarabu (UAE) mu Rwanda, Hazza Alqahtani, yasabye abanyeshuri ba ‘Islamic Secondary School for Sciences’ gukora cyane

Umuyobozi Mukuru w’Ikigo cy’Igihugu gishinzwe Uburezi bw’ibanze (REB), Dr Mbarushimana Nelson ni umwe mu bitabiriye ibi biganiro

Umuyobozi Mukuru wa Islamic Cultural Center Abdellatif Aouid yahawe umwanya muri ibyo biganiro

Ibi biganiro byitabiriwe n’abanyeshuri, abarezi n’abayobozi b’iri shuri

RAB irimo gushakisha icyateye urupfu rw’izo nka

Nyuma y’urupfu rw’izo nka, haketswe ko zaba zazize amasaka zonnye mu murima w’umuturanyi.

Umukozi w’Umurenge wa Mpanga ushinzwe imiyoborere, Etienne Sibongo, avuga ko atakwemeza ko zazize amasaka ahubwo harimo gushakishwa icyo zaba zarazize.

Ati “Urumva iyo byabaye kuriya abantu bavuga byinshi ariko ntitwabyemeza, ahubwo dutegereje igisubizo cya cy’Ikigo cy’igihugu cyita ku buhinzi (RAB), abakozi bayo bafashe ibizamini, ubwo turategereje ibisubizo”.

Sibongo avuga ko nyuma y’ibisubizo bya RAB aribwo hazamenyekana icyakorwa mu rwego rwo gufasha uwahuye n’icyo kibazo.

Saif al-Islam al Gaddafi

Icyo gikorwa Saif al-Islam al Gaddafi w’imyaka 49, yagikoreye ku biro bya Komisiyo y’amatora biherereye mu Mujyepfo y’umujyi wa Sebha muri icyo gihugu.

Ku rutonde rw’abazahatana na Saif Gaddafi wari umaze imyaka igera ku 10 atagaragara, unafatwa nk’ufite ingufu muri ayo matora, hari Khalifa Haftar, hari Minisitiri w’Intebe, Abdulhamid al-Dbeibah ndetse na Aguila Saleh, nk’uko byatangajwe na Reuters.

Saif ni umwe mu babashije kurokoka mu muryango we uretse ko yaje gufatwa agafungwa, ubwo habagaho imyivumbagatango muri Libya mu 2011, yanabaye intandaro y’urupfu rw’umubyeyi we, Muhammar Gaddafi, wayoboraga icyo gihugu.

Ku wa Gatanu w’iki cyumweru ni bwo ikipe y’igihugu Amavubi yerekeje muri Kenya, aho igiye gukina umukino wa nyuma mu guhatanira itike yo kwerekeza mu gikombe cy’isi kizabera muri Qatar.

Iyi kipe ikigera muri Kenya, Rafaël York yahise afata indege yerekeza muri Sweden aho asanzwe akina, aho hari amakuru yari yatangajwe avuga ko icyatumye agenda ari ukutumvikana n’abakinnyi bagenzi be.

Kuri iki Cyumweru, Ferwafa ibinyujije kuri twitter yatangaje ko amakuru yavuzwe ari ibihuha, ko uyu mukinnyi yagiye kubera urupfu rw’inshuti ye ya hafi.

Itangazo Ferwafa yanyujije ku rubuga rwa Twitter

FERWAFA iramenyesha abanyarwanda bose ko umukinnyi mpuzamahanga RAFAEL York yavuye mu mwiherero w’Amavubi Stars agasubira muri Sweden kubera ibyago byo kubura inshuti ye ya hafi cyane.

FERWAFA iboneyeho umwanya wo kunyomoza ibyavuzwe mu bitangazamakuru bitandukanye ndetse n’imbugankoranyambaga kuko nta kibazo na kimwe uyu mukinnyi afitanye na bagenzi be, abatoza ndetse n’ubuyobozi bwa FERWAFA.

Mugire Amahoro

Ni igikorwa cyahuriranye no kurebera hamwe ibyakozwe uyu mwaka aho bubakiye basenyewe n’imitingito inzu 150 ariko bateganya kubaka izindi 150. Hubatswe kandi ubukarabiro 62 mu bigo by’amashuri no mu masoko mu kwirinda covid-19 ndetse n’ibindi bikorwa byose hamwe byatwaye miliyari 5.3 Frw.

Uzamukunda Alice wo mu karere ka Rubavu yashimiye Croix Rouge kuko nyuma yo gusenyerwa inzu bamwubakiye bakamuha n’ibikoresho by’ibanze.

Ati “Ndashima Croix Rouge kuko yambaye hafi nyuma y’ibi biza. Banyubakiye inzu bampa n’ibikoresho byo gukoresha mu rugo amasahane, ibikombe na matela yo kuraraho kandi byatumye nongera gutangira ubuzima nsubira nkuko nari mbayeho’’.

Twizerimana Jean Bosco yungamo ko nyuma yo gusenyerwa ubuzima bwabaye nk’ubuhagaze, agashima inkunga yahawe kuko yamusubije nkuko yahoze.

Ati “Tukimara gusenyerwa n’imitingito ubuzima ntabwo bwari butworoheye kuko amazu yari yarasenyutse ariko aho Croix Rouge iziye ikadufasha ubu ubuzima baragarutse ni amahoro. Ndabashimira kuko badukuye kure’’.

Umujyanama wa Minisitiri w’Ubutabazi, Habinshuti Phillipe yashimye umuryango Croix Rouge kuko wababaye hafi mu biza byabaye uyu mwaka.

Ati “Turashima Croix Rouge y’u Rwanda kuko kuko yatubaye hafi mu ntambwe zose no mu bice bigize imicungire y’ibiza yaba ari ugukumira,yaba ari ukugabanya ubukana, kwitegura, gutabara abaturage ndetse no gusana ibyangiritse byose babigizemo uruhare kuko nubwo Minisiteri igira ibikorwa dukenera n’abafatanyabikorwa nka Croix Rouge ifite imiterere yatuma inshingano zishyirwa mu bikorwa kuburyo bworoshye’’.

Ubwo ikirunga cya Nyiragongo cyarukaga mu kwezi kwa Gicurasi iruka ryakurikiwe n’Imitingito yayogoje Rubavu isenya inzu zirenga 300 naho 1267 zirangirika.

Mu gihe cy’iruka ry’ikirunga, Croix Rouge yabaye hafi abavuye mu byabo

Bacinye akadiho bishimira inzu bubakiwe

Herekanwe ibikorwa byagezweho ndetse n’ibiteganijwe umwaka utaha

Ishuri rya Gitebe ryubakiwe ubukarabiro bugezweho

Igikorwa cyitabiriwe n’abafatanyabikorwa ba Croix Rouge bose

Ni amahugurwa yateguwe n’umuryango Kina Rwanda ugamije guteza imbere imibereho myiza n’iterambere binyuze mu kongerera abana ubushobozi hifashishijwe imikino itandukanye.

Amahugurwa yibanze ku gusobanurira abanyamakuru akamaro gukina bigira mu gufasha abana kwiga byinshi bakiri bato, ibyitwa “Learning through Play” mu rurimi rw’Icyongereza.

Binyuze mu makuru y’ingenzi ndetse n’imyitozo, aya mahugurwa yateguwe mu buryo buha abayitabiriye umwanya wo kwinjira ndetse no kumva neza ingingo zibanzweho no guha abanyamakuru urugero rw’inkuru bashobora gukora zigafasha ababakurikira kumva akamaro gukina bigira mu buzima bw’umwana ndetse bigafasha n’ababyeyi n’abandi barera abana kugira uruhare mu mikino abana bakina.

Umwe mu batoza ba Kina Rwanda, Arthur Nkusi usanzwe ari n’umunyamakuru, yavuze ko bahisemo gukorana n’abanyamakuru bafite uruhare rukomeye mu guhugura sosiyete.

Ati “Intego ya Kina Rwanda ni ukwagura ubukangurambaga bugaragaza akamaro gukina bigira mu buzima bw’abana, kandi mu gukorana n’itangazamakuru twizera ko abanyamakuru hari umusanzu munini batanga mu kugeza ubu bukangurambaga hose mu gihugu.”

Ushinzwe Uburezi bufite ireme muri UNICEF Rwanda, Yonah Nyundo yavuze ko hari ibintu by’ingenzi umwana aba akeneye mu mikurire ye kugira ngo bimufashe kuvumbura ubundi bumenyi.

Yavuze ko kutabikorera umwana ari ukumudindiza cyane. Ati “Mu rugendo rw’imikurire y’abana hari intambwe tutakwifuza ko basimbuka. Ni inshingano zacu nk’ababyeyi ndetse n’abarimu kwifashisha imikino kugira ngo tworohereze abana kumenya bimwe mu bintu by’ibanze nko gusoma no kubara kuko ari byo bizabafasha kwiga n’ibindi byinshi mu buzima bwabo. Kwifashisha imikino mu myigishirize bisanga abana aho bari, bikabajyana aho bagomba kugera”.

Umuyobozi w’ikigo Inspire, Educate and Empower (IEE), Rwanda, Emmanuel Murenzi yavuze ko gukina n’umwana bikozwe n’umubyeyi ari ikintu gikomeye cyane.

Ati “Iyo ababyeyi bakinnye n’abana, abana barushaho kuryoherwa kandi bakiga byinshi. Ibi kandi bifasha ababyeyi kurushaho gusabana n’abana kandi bakamenya uko buri wese ateye.”

Aya mahugurwa yibanze ku kubaka ubushobozi bw’abanyamakuru mu gutegura inkuru zafasha ubu bukangurambaga bwa Kina Rwanda. Abitabiriye amahugurwa kandi bagize igihe cyo kujya mu matsinda, bafatanya kumva ndetse no gukora imyitozo y’uko mu minsi iri imbere bazajya bategura inkuru zibanda ku kamaro ko gukina.

Umunyabanga Nshingwabikorwa wa Rwanda Media Commission (RMC), Emmanuel Mugisha yashimiye amahugurwa yahawe abanyamakuru, avuga ko bizatuma batanga umusanzu ukomeye mu kwigisha ababyeyi gukina n’abana.

Ati “Ndishimye cyane kandi ni iby’agaciro kuba abanyamakuru bahuguwe. Reka dukoreshe ububasha itangazamakuru rifite kandi dukorere hamwe nk’itsinda kugira ngo duhindure sosiyete binyuze mu buryo twigisha abana. Itangazamakuru rifite ububasha bwo gukora abantu ku mutima ndetse no guhindura ubuzima bwabo.”

Muri aya mahugurwa abanyamakuru barenga 30 baturutse mu bitangaza makuru bitandukanye birimo radiyo, televisiyo, vlog, blog, ndetse n’ibitangazamakuru bikorera ku mbuga nkoranyambaga.

Amahugurwa yafashije abanyamakuru kumva uko gukina bigira akamaro mu myigire y’abana bakiri bato kandi abaha n’umwanya wo gukina imikino irimo Jenga, Saye, biye, ikibariko n’indi.

Arthur Nkusi usanzwe ari n’umunyamakuru, yavuze ko bahisemo gukorana n’abanyamakuru bafite uruhare rukomeye mu guhugura sosiyete

Umunyabanga Nshingwabikorwa wa Rwanda Media Commission (RMC), Emmanuel Mugisha yashimiye amahugurwa yahawe abanyamakuru, avuga ko bizatuma batanga umusanzu ukomeye mu kwigisha ababyeyi gukina n’abana

Abanyamakuru beretswe uburyo umubyeyi ashobora kwifashisha imikino isanzwe imenyerewe mu gukangura ubwenge bw’umwana

Abanyamakuru bagize uruhare mu mikino itandukanye ifasha abana kunguka ubumenyi

Amahugurwa yafashije abanyamakuru kumva uko gukina bigira akamaro mu myigire y’abana bakiri bato

Binyuze mu makuru y’ingenzi ndetse n’imyitozo, aya mahugurwa yateguwe mu buryo buha abayitabiriye umwanya wo kwinjira ndetse no kumva neza ingingo zibanzweho

Abanyamakuru bahawe ingero rw’inkuru bashobora gukora zigafasha ababakurikira kumva akamaro gukina bigira mu buzima bw’umwana

Amakuru dukesha The NewTimes avuga ko guhera ku wa 1 Ukuboza 2021, RwandAir izajya ikorera ingendo ku Kibuga Mpuzamahanga cy’indege cya Heathrow giherereye Londres gatatu mu cyumweru (ku wa Kabiri, ku wa Kane no ku wa Gatandatu).

Umuyobozi Mukuru wa RwandAir, Yvonne Makolo yavuze ko bafashe uyu mwanzuro kubera ko mu bihe by’iminsi mikuru isoza umwaka umubare w’abagenzi wiyongera.

Ati “Twongereye umubare w’ingendo kubera iminsi mikuru isoza umwaka igiye kuza, aho duhura n’ubwiyongere bw’abagenzi.”

RwandAir ifashe uyu mwanzuro nyuma y’igihe gito itangije n’izindi ngendo nshya zirimo ebyiri zijya muri Repubulika Iharanira Demokarasi ya Congo, zirimo urwa Goma na Lubumbashi.

RwandAir igiye kongera umubare w’ingendo ikorera mu Bwongereza zive ku rumwe mu cyumweru zigere kuri eshatu

Babisabwe n’Umunyamabanga Mukuru w’Umuryango wa Bibiliya mu Rwanda, Pasiteri Ruzibiza Viateur, ubwo bari mu mwiherero w’iminsi itatu kugira ngo barebere hamwe uko bahuza imbaraga mu gukumira isambanywa ry’abana no kurwanya ihohoterwa ribera mu ngo.

Hagarutswe ku kibazo cy’abana bitwa amazina y’amagenurano n’ababyeyi babo, bamara gukura akabatera ipfunwe bakajya kuyahinduza.

Pasiteri Ruzibiza yavuze ko umuntu agomba guhabwa agaciro kuva akivuka, bityo avuga ko kwita umwana izina risobanuye ibintu bibi ari ishyano.

Ati “Icya mbere ni uburenganzira bw’umuntu kugira izina, hanyuma rero biba ari ishyano biba ari ikibazo gikomeye kumuha izina ribi, kuko ubundi izina rigira uruhare mu kurema umuntu uwo ari we. Ni ukuvuga ngo uko umuntu yitwa bifite uruhare runini mu kugena imitekerereze ye.”

Yakomeje avuga ko iyo umubyeyi yise umwana izina ribi aba amuhaye umurage wo kuzaba mubi cyangwa wo guhora ahanganye n’ubutumwa iryo zina rimuha.

Ati “Turamagana rero guha umuntu ako kazi ahubwo tukavuga ngo umuntu akivuka muhe izina ryiza, hanyuma ajye yumva yishimiye kuba no gukora icyo iryo zina rimubwira. Ubutumwa buri mu izina bukwiye kuba bwiza kuko bugena imitekerereze n’imigirire y’umuntu.”

Pasiteri Ruzibiza yavuze ko abanyamadini n’amatorero bafite imbaragaza zakoreshwa mu kurwanya ihohoterwa kuko ari abantu bahora batanga ubutumwa kandi abo bigisha babumvira.

Ati “Aba bantu rero bakwiye kugira amakuru ahagije ku bintu bibera mu miryango kugira ngo bajye batanga ubutumwa busubiza ikibazo gihari kuko iyobokamana ridasubiza ikibazo kiri muri rubanda nta gaciro riba rifite.”

Mporanyi Théobald wigeze kuba Depite mu Nteko Ishinga Amategeko y’u Rwanda mu gihe cy’imyaka 10, yari yatumiwe gutanga ikiganiro muri uwo mwiherero. Yavuze ko hari amazina atera ba nyirayo ipfunwe, ari yo mpamvu Abanyarwanda bahawe uburenganzira ko abashaka kuyahinduza babikora binyuze mu nzira zemewe.

Ati “Hari amazina mabi y’ipfunwe agaragaza rimwe na rimwe imico ya Kinyarwanda mibi ibiba inzangano, ugasanga izo nzangano ni zo ziturukamo amashyari no kugirirana nabi no kutababarirana. Umuntu akaba yaraguhemukiye ukamusubiriza mu izina wise umwana wawe.”

Yakomeje avuga ko igihe u Rwanda rugezemo atari icy’uko ababyeyi bakorera abana imitwaro yabo babita amazina agaragaza amashyari n’inzangano.

Ati “Ibyo rero Leta y’Ubumwe binyuze mu Nteko Ishinga Amategeko yatanze umurongo ko ushaka guhindura izina abikora.”

Bamwe mu banyamadini n’amatorero bavuze ko umusanzu basabwe bagiye kuwutanga kuko bizafasha kubaka umuryango nyarwanda mwiza.

Pasiteri Habineza Ignace mu Itorero ry’Abadivantisiti b’Umunsi wa Karindwi yavuze ko bagiye gukora ubukangurambaga.

Ati “Icyo tugiye gukora ni ugukomeza kwigisha imiryango cyane cyane abitegura gushinga ingo no kujya batekereza ku gaciro k’izina bita umwana wabo.”

Uwo mwiherero watangiye tariki ya 10 usozwa ku ya 12 Ugushyingo 2021 witabiriwe n’abayobozi b’amadini n’amatorero mu Karere ka Nyanza bagera kuri 40 hamwe n’abahagarariye izindi nzego zirimo iz’umutekano n’abandi bashinzwe kwita ku bibazo byihariye.

Pasiteri Ruzibiza yavuze ko abanyamadini n’amatorero bafite imbaragaza zakoreshwa mu kurwanya ihohoterwa kuko ari abantu bahora batanga ubutumwa kandi abo bigisha babumvira

Umunyamabanga Mukuru w’Umuryango wa Bibiliya mu Rwanda, Pasiteri Ruzibiza Viateur, yavuze ko umuntu agomba guhabwa agaciro kuva akivuka, bityo kwita umwana izina risobanuye ibintu bibi ari ishyano

Mporanyi Théobald yavuze ko igihe u Rwanda rugezemo atari icy’uko ababyeyi bakorera abana imitwaro yabo babita amazina agaragaza amashyari n’inzangano

Abayobora amadini n’amatorero mu Karere ka Nyanza basabwe kwigisha abayoboke bayo n’abaturage muri rusange kureka umuco mubi wo kwita abana amazina abatera ipfunwe

[email protected]

Pasiteri Nyiraneza Albertine washinze umuryango Humuriza Tamari, avuga ko abana bavuka ku bakobwa baterwa inda batarageza ku myaka y’ubukure bahura n’ibibazo byinshi bibatera ibikomere no kwiyanga.

Ati “Mperutse kuganira n’abana bavutse ku bangavu, barambwira ngo ‘Erega twe mujye mutwita abasigajwe inyuma n’amateka’ nti se kubera iki? Umwe muri bo arambwira ngo sinzi data, iyo mbajije mama ngo ambwire data arankubita, iyo mvugishije nyogokuru na we arankubita, iyo nsabye igikoresho cy’ishuri, barambwira ngo nzajye kubyaka data kandi simuzi.”

“Iyo nkina n’abandi bana nagira uwo ntera umupira aravuga ngo cya kinyendaro kiranyishe, hari n’igihe nagiye kubaza mama ngo ikinyendaro ni iki arankubita”.

Pasiteri Nyiraneza umaze imyaka umunani afasha abangavu batewe inda, avuga ko nyuma yo kuganira n’aba bana bakamubwira ko biyumva nk’abasigajwe inyuma n’amateka yahise atangira kubafasha by’umwihariko.

Ati “Iyo ubitekerejeho neza usanga aba bana bafite ikibazo mu buryo bw’imitekerereze. Uriya mwana buriya nyina akimara kumenya ko atwite yatangiye kujya arara arira, atangira gutukwa, yatangiye guhahanwa mu muryango, ibyo byose niko bigira ingaruka ku mwana uri mu nda”.

Karira Emma, ufite umwana w’umuhungu yabyariye iwabo, avuga ko aba bana bavuka ku bangavu bagira ipfunwe baterwa no kutarerwa n’ababyeyi bombi.

Ati “Umwana wanjye amaze kugira imyaka umunani, ikinyereka ko afite ipfunwe ni uko ajya ambaza ngo abandi bana duturanye ko ba papa wabo bataha buri gihe, kuki twebwe adataha?”

Bosco Kanyangoga uhagarariye Action Aid mu karere ka Karongi, avuga ko nabo babibonye ko abana bavuka ku bangavu batewe inda baba bafite ibikomere, agasaba imiryango irwanya ihohoterwa rishingiye ku gitsina kujya yibuka kubafasha.

Ati “Uko dufasha abo bana baba bavutse ku bangavu, iyo dutanga amahugurwa dutumira ababyeyi babo bangavu, tukababwira ko abo bangavu ntabushobozi bafite bwo kwita kuri abo bana, bityo ko ababyeyi bakwiye kwita ku buzukuru babo. Icyo dusaba indi miryango irwanya ihohoterwa rishingiye ku gitsina ni uko yajya yibuka kwita ku bana bavuka ku bangavu kuko twasanze baba bafite ihungabana”.

Umukozi ushinzwe kugira inama Inama Njyanama y’Akarere ka Karongi, Karasanyi Nicholas asaba imiryango ihuriye ku kurwanya ihohoterwa rishingiye ku gitsina, kujya ikorana mu rwego rwo gushakira hamwe igisubizo ku bibazo by’ihohoterwa rishingiye ku gitsina.

Yagize ati “Imiryango irwanya ihohoterwa icyo tuyisaba ni uko yajya ikorana, kuko hari ubwo usanga bahurira ku mugenerwabikorwa umwe, ariko bagiye bakorana umwe yajya amenya uwo mugenzi we yafashije, uwo akamureka agafasha undi bityo ibikorwa byabo bikagera ku bagenerwa bikorwa benshi bikadufasha kurwanya ihohoterwa”.

Muri karere abangavu batewe inda mu mwaka ushize ni 417.

Karasanyi Nicholas asaba imiryango ifite aho ihuriye no kurwanya ihohoterwa kurangwa n’imikoranire

Karira Emma wabyariye iwabo avuga ko abana bavuka ku bangavu baterwa ipfunwe no gukura batabana na ba se

Pasiteri Nyiraneza yakozwe ku mutima n’imibereho y’abana bavuka ku bangavu yiyemeza kujya abaha ibikoresho by’ishuri

Hagaragajwe ko abana bavuka ku bangavu bakwiye kwitabwaho by’umwihariko

Imigano iraribwa, yubaka inzu, ikorwamo ibikoresho byo mu nzu n’ibindi

Umuyobozi w’Umushinga Green Gicumbi, Kagenza Jean Marie Vianney, uvuga ko izo ngemwe z’imigano zingana n’ibihumbi 100 nizimara guterwa hazakorwa n’izindi pepinyeri, ku buryo nta gace uwo mushinga ukoreramo kazasigara katabungabunzwe.

Ati “Umusaruro w’ishyamba ry’imigano ushobora gukuba inshuro hafi enye cyangwa eshanu uw’ishyamba ry’ibindi biti bisanzwe. Dukeneye abantu batwigiraho tukabasanga cyangwa bakatugana, turagira ngo abikorera bagire uruhare mu kurwanya isuri ariko banashaka ibicanwa n’ibindi bikoresho bikenerwa (biva mu migano)”.

Kagenza avuga ko n’ubwo Umushinga wa “Green Gicumbi” utazarenga imbago z’imirenge icyenda yo mu Karere ka Gicumbi, isomo bazakuramo ngo rizatanga icyerekezo cy’uburyo utundi duce tw’Igihugu dushobora kubungabungwa.

Abakozi b’Umushinga Green Gicumbi bavuga ko mu myaka nk’itanu iri imbere n’ubwo umugezi w’Umuvumba wazaba atari urubogobogo cyane, ibishanga by’utugezi twose twisukamo ngo byazaba bitagitemberamo imyuzure cyangwa isuri.

Green Gicumbi yateye imigano ishobora no kuribwa

Na none ku nkombe z’imigezi nka Nyabarongo, Nyabugogo n’Akanyaru, cyangwa ku nkengero za Pariki y’Ibirunga n’ahandi, hatewe imigano muri gahunda yo gukumira isuri gutembera mu mazi no gufasha abaturage kubona ibikenerwa hafi batangije ibidukikije.

Umushinga ‘Green Gicumbi’ wo uvuga ko wateye imigano iribwa yo mu bwoko bwitwa Bambusa Textilis hamwe na Bambusa Polymorpha, kugira ngo ufashe abaturage kongera amahirwe y’ibyo imigano ishobora gukoreshwa.

Imigano ivamo amafunguro atandukanye

Uwitwa Mico Oscar Nzeyimana ufite ikigo cyitwa Mon Bamboo mu Karere ka Rubavu, avuga ko ashobora gutegura imigano ikavamo divayi yo kunywa cyangwa ibyo kurya nka Salades, ifiriti, makaroni cyangwa inyama zo kurisha andi mafunguro.

Nzeyimana ntabwo ashobora guteka imigano gusa kuko muri iki gihe ahugiye mu kuyikoramo intebe n’ameza, kandi ngo ntabasha guhaza isoko ry’abakeneye ibikoresho bikozwe mu migano.

Uwo mugabo avuga ko hari ubwo akora intebe mu migano imwe akayigurisha amafaranga ibihumbi 100, kandi bukajya kwira arangije kuyikora.

Igare ry’imigano, no mu Rwanda barayakora

Avuga ko intebe ihenze iba yamutwaye ibikoresho bitarenza amafaranga ibihumbi 20, icyakora akayimaraho umwanya munini utangana nk’uwo gukora intebe isanzwe.

Mico Nzeyimana yagize ati “Nk’ubu hari komande dufite y’umuntu ushaka intebe 200 zo kwicaraho mu bukwe zifite agaciro ka miliyoni eshatu n’ibihumbi 500 bitarenze tariki 04 Ukwezi gutaha, namubwiye ko hari abandi bamutanze, abakozi ni bake, abakiriya bashaka ibintu dukora bakabibura”.

Nzeyimana yashinze ishuri ry’abantu 30 yigisha gukora ibintu bitandukanye mu migano, akaba azabahugura mu gihe cy’amezi atandatu mbere y’uko na bo batekereza gushinga inganda zabo.

Yungamo ko imigano ishobora kubera umuntu ibyo kurya n’ibikoresho hafi ya byose akenera mu buzima bwe.

Yize gukoresha imigano mu gihugu cy’u Bushinwa aho bayikuramo amafunguro, bakayubakisha inzu, bakayicaraho nk’intebe, bakayiryamaho ari ibitanda, bakayigendaho nk’igare cyangwa imodoka, bakanayikoramo ibikoresho bitandukanye byo mu rugo.

Imigano nk’ibicanwa bitangiza ikirere kandi bironderezwa

Imigano yavamo briquettes zisimbura icanwa ry’ibiti n’amakara

Abashoramari b’uruganda rwitwa OAK Investment Ltd rukorera i Mageragere mu Karere ka Nyarugenge ibicanwa byitwa ‘briquettes’ mu ibarizo, bavuga ko imigano ibasha kuvamo ibyo bicanwa bidateza imyotsi kandi bironderezwa.
Uwitwa Nyirambarushimana Illuminée utegurira amafunguro abakozi b’uruganda OAK Investment, yabwiye Itangazamakuru ko akoresha ‘briquette’ igurwa amafaranga y’u Rwanda 125 agateka ibishyimbo, byashya agashyiraho umuceri ndetse n’amazi y’icyayi cyangwa yo koga, nyamara aramutse acana amakara akaba yakoresha amafaranga atari munsi ya 600Frw.

Umuyobozi ushinzwe ibikorwa by’uruganda OAK Investment, Germain Hirwa avuga ko barimo kwitegura gufatanya n’inzego zibishinzwe gukangurira abaturage guhinga imigano, kugira ngo haboneke iyavamo ‘briquettes’ zisimbura icanwa ry’amashyamba.

Imigano ivamo imodoka

Hirwa yagize ati “Twagerageje imigano turayitunganya ibasha kuvamo ‘briquettes’, ariko no mu Bushinwa barabikora, ikigiye gukurikiraho ni uko tuzavugana n’inzego zibishinzwe zidufashe ubukangurambaga, imigano yaba imari ishyushye, umuntu yajya ayihinga abizi neza ko uruganda OAK Investment ruzajya ruyigura”.

Hirwa avuga ko hari amashyamba bazasaba Leta gucunga, yaba ay’ibiti bisanzwe cyangwa ay’imigano, kugira ngo bahore bayongera ariko bashohora no kuyabyaza umusaruro.

Ibindi bikoresho bikorerwa mu migano yo mu Rwanda