Tag: featured

Amakuru y’ibanze ari kuvuga ko izi mpunzi ziri kwakirirwa mu Ishuri rya College du Gisenyi Inyemeramihigo ritakirimo abanyeshuri.

Inzego z’umutekano ku ruhande rw’u Rwanda nizo ziherekeje izo mpunzi ndetse imodoka ifite indangururamajwi iri kuzenguruka mu Mujyi wa Gisenyi imenyesha impunzi aho zerekeza.

Mu Rwanda hari hasanzwe impunzi 651 zahunze inkurikizi z’iruka ry’Ikirunga cya Nyiragongo bikekwa ko rishobora kongera kubaho.

Mu butumwa bwaciye kuri Radiyo na Televiziyo bya Leta ya Repubulika Iharanira Demokarasi ya Congo, RTNC, mu gitondo cyo kuri uyu wa Kane, tariki ya 27 Gicurasi, Guverineri wa Gisirikare w’Intara ya Kivu y’Amajyaruguru, Lieutenant General Constantin Ndima, yatangaje ko abaturage bo mu Mujyi wa Goma bagomba kwimukira mu gace ka Sake, mu rwego rwo kwirinda ingaruka zaterwa n’irindi ruka rya Nyiragongo rishobora kubaho mu minsi iri imbere.

Yongeyeho ko “Uturere dushobora kugerwaho n’ingaruka ziterwa n’amahindure dushobora kurimbuka kubera umuriro, utwo duce ni Majengo, Mabanga Nord, Mabanga Sud, Virunga, Mujovu, Murara, Kahembe, Miteno na Quartier Les Volcans. Utu duce bigaragara ko ariho hanyura amahindure ikirunga kiramutse kirutse.”

Yavuze ko iki cyemezo cyafashwe mu rwego rwo kurengera abaturage bashobora kugirwaho ingaruka n’iruka ry’ikirunga gisanzwe kiri hafi y’Ikiyaga cya Kivu kirimo Gaz Méthane, ibishobora kuba byateza impanuka zikomeye.

Yongeyeho “Turasaba rero ko abaturage bakomeza kuba maso kandi bakumva amakuru yatanzwe n’inzego zibishinzwe kuko ibintu bishobora guhinduka vuba. Ibintu birakurikiranwa ku gihe kandi bivugururwa ku gihe.”

“Twafashe icyemezo cyo kwimura abaturage bava mu duce twavuzwe haruguru bakerekeza mu Mujyi wa Sake. Iyimurwa rizakorwa mu mutuzo kandi nta guhutazwa hakoreshejwe uburyo bwo gutwara abantu buzatangwa n’ubuyobozi bw’Intara muri buri gace bireba.”

Ikarita yerekana ibice byasabwe kwimuka

Impunzi nyinshi ziturutse muri Congo ziri kwinjira mu Rwanda nyuma y’uko ziburiwe ku iruka ry’ikirunga cya Nyiragongo

Izi mpunzi zatangiye kwinjira mu Rwanda ahanagana Saa mbiri z’igitondo

Inzego z’umutekano ni zo zari ziyoboye izo mpunzi, bakabereka aho bajya

Inzego z’umutekano zayoboye impunzi zinjiye mu Rwanda

Impunzi zinjiye mu Rwanda zari zituye mu Mujyi wa Goma no mu nkengero zawo

Izi mpunzi zigiye kuba zicumbikiwe mu ishuri rya College de Gisenyi Inyemeramihigo

Mu mpunzi zinjiye mu Rwanda harimo n’abaje mu modoka

Ubwo izi mpunzi zageraga mu Rwanda, imihanda y’Umujyi wa Gisenyi yari yuzuyemo abantu benshi

Amakuru y’ibanze ari kuvuga ko izi mpunzi ziri kwakirirwa mu Ishuri rya College du Gisenyi Inyemeramihigo ritakirimo abanyeshuri.

Inzego z’umutekano ku ruhande rw’u Rwanda nizo ziherekeje izo mpunzi ndetse imodoka ifite indangururamajwi iri kuzenguruka mu Mujyi wa Gisenyi imenyesha impunzi aho zerekeza.

Mu Rwanda hari hasanzwe impunzi 651 zahunze inkurikizi z’iruka ry’Ikirunga cya Nyiragongo bikekwa ko rishobora kongera kubaho.

Mu butumwa bwaciye kuri Radiyo na Televiziyo bya Leta ya Repubulika Iharanira Demokarasi ya Congo, RTNC, mu gitondo cyo kuri uyu wa Kane, tariki ya 27 Gicurasi, Guverineri wa Gisirikare w’Intara ya Kivu y’Amajyaruguru, Lieutenant General Constantin Ndima, yatangaje ko abaturage bo mu Mujyi wa Goma bagomba kwimukira mu gace ka Sake, mu rwego rwo kwirinda ingaruka zaterwa n’irindi ruka rya Nyiragongo rishobora kubaho mu minsi iri imbere.

Yongeyeho ko “Uturere dushobora kugerwaho n’ingaruka ziterwa n’amahindure dushobora kurimbuka kubera umuriro, utwo duce ni Majengo, Mabanga Nord, Mabanga Sud, Virunga, Mujovu, Murara, Kahembe, Miteno na Quartier Les Volcans. Utu duce bigaragara ko ariho hanyura amahindure ikirunga kiramutse kirutse.”

Yavuze ko iki cyemezo cyafashwe mu rwego rwo kurengera abaturage bashobora kugirwaho ingaruka n’iruka ry’ikirunga gisanzwe kiri hafi y’Ikiyaga cya Kivu kirimo Gaz Méthane, ibishobora kuba byateza impanuka zikomeye.

Yongeyeho “Turasaba rero ko abaturage bakomeza kuba maso kandi bakumva amakuru yatanzwe n’inzego zibishinzwe kuko ibintu bishobora guhinduka vuba. Ibintu birakurikiranwa ku gihe kandi bivugururwa ku gihe.”

“Twafashe icyemezo cyo kwimura abaturage bava mu duce twavuzwe haruguru bakerekeza mu Mujyi wa Sake. Iyimurwa rizakorwa mu mutuzo kandi nta guhutazwa hakoreshejwe uburyo bwo gutwara abantu buzatangwa n’ubuyobozi bw’Intara muri buri gace bireba.”

Inkuru irambuye ni mu kanya…

Impunzi ziturutse mu Mujyi wa Goma ziri kwinjira mu Rwanda ari nyinshi

Ikarita yerekana ibice byasabwe kwimuka

Uretse kuba abaturage baraje mu Rwanda bakakiranwa yombi, bagahabwa aho kuba, ibibatunga, ubuvuzi n’ubundi bufasha nkenerwa, ariko by’akarusho kuri ubu Sosiyete y’u Rwanda Ishinzwe Ingufu, REG, niyo iri gufasha mu gucanira umuriro w’amashanyarazi, Umujyi wa Goma muri Repubulika Iharanira Demukarasi ya Congo.

Guverineri w’Intara y’Iburengerazuba, Habitegeko François yavuze ko u Rwanda na RDC bisanzwe bifitanye umubano mwiza kandi bifatanya muri byinshi.

Mu kiganiro yagiranye na IGIHE, yagize ati “Ibihugu byombi binyuze mu murongo watanzwe n’abakuru babyo, Perezida Kagame na mugenzi we, Félix Tshisekedi batanze umurongo w’imikoranire myiza hagati y’ibihugu byacu, natwe rero iyo ntero yabo niyo twikiriza. Rero dufatanya muri byinshi birimo ubucuruzi bwambukiranya imipaka.”

Yakomeje agira ati “Ariko by’umwihariko muri ibi bihe by’amakuba bahuye nayo y’iruka ry’ikirunga cya Nyiragongo hari abaturage baduhungiyeho turabakira, ubu dufite abarenga 600 twabahaye aho kuba bakomeje kwitabwaho.”

Guverineri Habitegeko yavuze ko nyuma y’iruka ry’ikirunga cya Nyiragongo habayeho ikibazo cy’ibura ry’umuriro mu bice byegereye Nyiragongo by’umwihariko mu Mujyi wa Goma, bityo u Rwanda rubinyujije mu kigo cyarwo gitanga ingufu cya REG, rujya gufasha abatuye mu Mujyi wa Goma.

Ati “Urumva bagize ikibazo cy’ibura ry’umuriro w’amashanyarazi, muri wa mubano n’ubufatanye bwiza dusanzwe dufitanye turabafasha REG ubu niyo iri kubacanira ariko ntabwo ari ibyo gusa ibihugu byombi bifatanya muri byinshi ariko by’umwihariko muri ibi bihe by’amage barimo.”

Umuyobozi w’Intara y’Iburengerazuba yavuze ko no muri Kivu y’Amajyepfo, baherutse kwibasirwa n’ibiza bituma umuhanda iva muri Uvira ijya Kamanyola irangirika bikomeye, u Rwanda rwemera gufasha abaturage ba Congo kuba bakoresha imihanda yarwo.

Umuyobozi wa REG mu Karere ka Rubavu, Butera Laurent yavuze ko u Rwanda ruri gucanira Umujyi wa Goma rubinyujije ku muyoboro w’amashanyarazi uri muri aka gace ufite kilovolt 30.

Ati “Koko nk’uko mwabyumvise turabacanira duciye ku muyoboro wa kilovolt 30 uri ku mupaka muto uzwi nka Petite barrière kugira ngo bacane mu bice binini bya Goma, kubera ko umuyoboro wabo wabahaga amashanyarazi wagize ikibazo kubera ikirunga cya Nyiragongo cyari cyarutse hanyuma kirawusenya, biba ngombwa ko tuba tubahaye amashanyarazi kugira ngo abafashe kuba batari mu kizima.”

Laurent yavuze ko mu gihe ibintu bizaba bisubiye mu buryo ibihugu byombi bizagirana ibiganiro hakarebwa niba Congo yakwishyura uyu muriro cyangwa niba hari ubundi buryo byakumvikanwaho.

Iruka rya Nyiragongo ryatumye ibice bimwe by’Umujyi wa Goma bibura umuriro

Macron ubwo yageraga mu Rwanda, yakiriwe na Minisitiri w’Ububanyi n’Amahanga w’u Rwanda, Dr Vincent Biruta, akomereza muri Village Urugwiro abonana Perezida Kagame ahita ajya ku Rwibutso rwa Jenoside rwa Kigali ruherereye ku Gisozi.

Akigera ku Gisozi yakiriwe na Minisitiri w’Ubutabera, Johnston Busingye; Minisitiri w’Ububanyi n’Amahanga, Dr Vincent Biruta ndetse yari aherekejwe na Minisitiri w’Ububanyi n’Amahanga w’u Bufaransa, Jean-Yves Le Drian.

Mbere yo gushyira indabo ku mva yabanje gutambagizwa Urwibutso n’Umuyobozi w’Urwibutso rwa Jenoside rwa Kigali, Gatera Honoré, yerekwa ibice birugize, anasobanurirwa amateka yagejeje u Rwanda kuri Jenoside yakorewe Abatutsi.

Perezida Macron abaye uwa kabiri wayoboye u Bufaransa usuye urwo rwibutso nyuma ya Nicolas Sarkozy warusuye muri Gashyantare 2010. Icyo gihe yasabye imbabazi kubera ‘amakosa’ n’ubuhumyi’ bw’u Bufaransa muri Jenoside yakorewe Abatutsi mu 1994. Icyo gihe u Bufaransa nk’igihugu ntibwemeraga ko hari uruhare bwagize muri Jenoside.

Inkuru irambuye mu kanya….

Perezida w’u Bufaransa, Emmanuel Macron, ubwo yageraga ku Rwibutso rwa Kigali ku Gisozi

Ni rwo ruzinduko rwa mbere yagiriye mu Rwanda kuva mu 2017 yatorerwa kuyobora u Bufaransa ndetse ni n’urwa kabiri Umukuru w’Igihugu w’u Bufaransa agiriye mu Rwanda kuva mu 1994 ubwo Jenoside yakorewe Abatutsi yabaga.

Saa Tatu z’igitondo ni bwo Macron yari ageze ku Kacyiru muri Village Urugwiro, yakirwa na Perezida Kagame ndetse ahabwa icyubahiro kigenerwa Umukuru w’Igihugu haririmbwa indirimbo zubahiriza ibihugu byombi, “La Marseillaise” y’u Bufaransa na “Rwanda Nziza” y’u Rwanda.

Macron yaherekejwe n’abayobozi batandukanye barimo abo muri Minisiteri y’Ububanyi n’Amahanga, abadepite barimo Hervé Berville uvuka i Nyamirambo ariko akaba ari mu Nteko Ishinga Amategeko y’u Bufaransa ahagarariye Ishyaka rya En Marche! rya Emmanuel Macron.

Perezida Kagame ubwo yari ategereje Macron muri Village Urugwiro

Perezida Kagame na Emmanuel Macron bafitanye umubano mwiza kuva mu 2017 yatorerwa kuyobora u Bufaransa

Perezida Kagame ubwo yakiraga Macron muri Village Urugwiro mu gitondo cyo kuri uyu wa Kane

Perezida Macron yagiriye uruzinduko rwe rwa mbere mu Rwanda kuva yatorerwa kuyobora u Bufaransa mu 2017

Perezida Kagame asuhuza Sira Sylla, Umudepite wo mu Bufaransa ufite inkomoko muri Afurika uri mu bakunda kuvuganira u Rwanda cyane

Perezida Kagame asuhuza Minisitiri w’Ububanyi n’Amahanga w’u Bufaransa, Jean-Yves Le Drian

Macron yakiriwe mu cyubahiro gikwiriye Umukuru w’Igihugu, Ingabo z’u Rwanda zikora akarasisi

Yakiriwe na Minisitiri w’Ububanyi n’Amahanga, Dr. Vincent Biruta. Abandi bari kumwe ni Ambasaderi w’u Rwanda mu Bufaransa, Dr François Xavier Ngarambe; Chargé d’Affaires wa Ambasade y’u Bufaransa mu Rwanda, Jérémie Blin na Minisitiri w’Ububanyi n’Amahanga w’u Bufaransa, Jean-Yves Le Drian.

Ni uruzinduko rwari rumaze igihe kinini ruhanzwe amaso, ruciye inzira nshya mu mubano w’u Rwanda n’u Bufaransa, ibihugu byombi bitakunze gucana uwaka kubera uruhare rwabwo muri Jenoside yakorewe Abatutsi.

Macron yageze i Kigali mu gitondo cyo kuri uyu wa Kane mu ruzinduko rw’iminsi ibiri, mu itsinda ryamuherekeje harimo abayobozi batandukanye mu nzego nkuru z’u Bufaransa nka Minisitiri w’Ububanyi n’Amahanga n’abandi.

Harimo kandi abayobozi mu nzego z’ubucuruzi n’ishoramari binahuriranye n’uko u Bufaransa binyuze mu Rwego rw’Igihugu rushinzwe Iterambere, RDB, bwasinyanye amasezerano n’u Rwanda yo kurushyigikira mu kugura inkingo za Covid-19.

Harimo kandi abantu bazi amateka y’u Rwanda nka Gen Jean Varret wahoze ari Umuyobozi ukuriye Ibikorwa bya Gisirikare by’u Bufaransa mu Rwanda hagati ya 1990 na 1993.

Mu bandi bazwi ni nka Makhtar Diop ukomoka muri Sénégal usigaye ayoboye Ikigo Mpuzamahanga gishinzwe ubufatanye mu by’Imari, IFC, wahoze ari Visi Perezida wa Banki y’Isi muri Afurika hagati ya 2012 na 2018.

Uruzinduko rwa mbere rwa Macron mu Rwanda rwatangiye kuvugwa mu 2019 ubwo u Rwanda rwibukaga ku nshuro ya 25 Jenoside yakorewe Abatutsi. Icyo gihe byavuzwe ko azitabira uwo muhango gusa ntiyabonetse ahubwo yahagarariwe na Hervé Berville, umudepite wo mu Ishyaka rye En Marche!

Mu bikorwa byitezwe kuri Macron, ni umuhango wo gusura Urwibutso rwa Jenoside rwa Kigali akunamira inzirakarengane zirushyinguyemo, hanyuma akanageza ijambo ku barokotse Jenoside, aho byitezwe ko bwa mbere mu mateka aza gusaba imbabazi ku ruhare rw’u Bufaransa muri Jenoside yakorewe Abatutsi mu 1994.

Ibi bibaye nyuma y’aho mu ntangiriro z’uku kwezi hashyizwe hanze “Raporo Duclert” yakozwe ku busabe bwa Emmanuel Macron yakoze icukumbura ku ruhare rw’u Bufaransa muri Jenoside.

Raporo Duclert ni yo yagaragaje ko ubutegetsi bwa Perezida François Mitterrand wayoboraga u Bufaransa mbere no mu gihe cya Jenoside bwashyigikiye ‘buhumyi’ umugambi wo kurimbura Abatutsi ndetse n’ishyirwa mu bikorwa ryawo.

Macron yasuye u Rwanda nyuma y’iminsi mike Perezida Kagame avuye mu Bufaransa aho yari yitabiriye inama ebyiri zirimo imwe yiga ku bibazo by’umutekano muri Sudani n’indi yiga ku Iterambere ry’Ubukungu muri Afurika.

Ibihe by’ingenzi byaranze umubano w’u Rwanda n’u Bufaransa ku ngoma ya Macron

Yahuye bwa mbere na Perezida Kagame amaze iminsi 127 atowe

Bwa mbere Kagame ahura na Macron, bombi bari i New York muri Leta Zunze Ubumwe za Amerika, ku wa 18 Nzeri 2017. Bari bitabiriye inama y’Inteko Rusange ya Loni yabaga ku nshuro ya 72.

Hari hashize iminsi 127 Macron atorewe kuyobora u Bufaransa mu gihe Perezida Kagame we yari amaze iminsi 31 arahiriye kuyobora u Rwanda muri manda ye ya Gatatu.

Yashyizeho Komisiyo icukumbura uruhare rw’u Bufaransa muri Jenoside

Muri Mata 2019, Macron yashyizeho itsinda ry’abashakashatsi umunani n’abanyamateka, abaha inshingano zo gucukumbura uruhare rw’igihugu cye mu mateka ashaririye y’u Rwanda.

Iri tsinda ryari rifite inshingano zo gusuzuma inyandiko u Bufaransa bubitse zifitanye isano na Jenoside zo hagati y’umwaka wa 1990 na 1994, hagamijwe gusesengura uruhare n’ibikorwa by’u Bufaransa muri icyo gihe no gutanga umusanzu mu kurushaho kumva no gusobanukirwa Jenoside yakorewe Abatutsi.

Ibyavuye muri ubwo bushakashatsi byamuritswe ku wa 26 Mata 2021, byagaragaje ko iki gihugu cyagize “uruhare rukomeye kandi ntagereranywa” mu mateka ashaririye u Rwanda rwanyuzemo yagejejwe ku kwicwa kw’Abatutsi barenga miliyoni mu 1994.

Ku ngoma ye, Kabuga yatawe muri yombi

Ku wa 16 Gicurasi 2020, Ubushinjacyaha bw’u Bufaransa bwemeje ko Kabuga Félicien wari umaze imyaka irenga 20 yihishahisha, hageze ngo aryozwe uruhare ashinjwa muri Jenoside yakorewe Abatutsi mu 1994, atabwa muri yombi.

Uyu mugabo yafatiwe mu Gace ka Asnières-sur-Seine i Paris aho yabaga yarahinduye amazina.

Yafashwe na Polisi y’u Bufaransa nyuma y’igikorwa gikomeye cyo kumushakisha cyajyanye no gusaka mu byerekezo bitandukanye.

Perezida Kagame yongeye gutumirwa muri Élysée

Hashize amezi umunani n’iminsi itanu abonanye bwa mbere na Macron, Perezida Kagame yagiriye uruzinduko i Paris rw’iminsi ibiri, tariki ya 23 Gicurasi 2018, yakirwa muri Élysée na Macron. Ni uruzinduko rwasize amateka akomeye, kuko Kagame yaherukaga mu Bufaransa mu 2010 ku bwa Sarkozy.

Yagaruye Centre Culturel Francophone

Mu 2014 ubwo umubano w’u Rwanda n’u Bufaransa warimo agatotsi, Ikigo Ndangamuco cy’Abafaransa cyitwaga, Centre d’Echanges Culturels Franco-Rwandais, cyarafunzwe ndetse kiranasenywa.

Cyari giherereye iruhande rwa Rond- Point nini yo mu Mujyi wa Kigali rwagati ku ruhande rugana mu Kiyovu. Ubuyobozi bw’Umujyi wa Kigali bwavuze ko ubutaka bw’aho yari iherereye butakoreshwaga neza ndetse iyo nyubako itari ikijyanye n’imyubakire ihagenewe.

Magingo aya, kuva aho umubano w’ibihugu byombi ufatiye isura nshya, ibikorwa byacyo byongeye gusubukurwa ndetse hubakwa Centre Culturel Francophone izafungurwa kuri uyu wa Gatanu. Ni ikigo gifite igice cyisanzuye biteganyijwe ko kizajya kiberamo ibitaramo n’imyidagaduro itandukanye.

Centre Culturel Francophone iherereye mu Mujyi wa Kigali ku Kimihurura iruhande rwa Kigali Convention Centre. Yagombaga kuzura ikanatahwa mu 2020 ariko imirimo yayo yadindijwe n’icyorezo cya Covid-19 bituma irangira muri Mata uyu mwaka.

Yashyigikiye Kandidatire ya Mushikiwabo ku buyobozi bwa OIF

Emmanuel Macron ubwe muri Gicurasi 2018, yatangaje ko ashyigikiye Umukandida w’u Rwanda ku mwanya w’Umunyamabanga Mukuru wa OIF, Louise Mushikiwabo, waje no gutorerwa uwo mwanya mu mpera z’uwo mwaka agatangira imirimo mu 2019.

Macron ubwo yururukaga muri Cotam Unité, indege itwara Perezida w’u Bufaransa

Mu bandi bayobozi bakiriye Macron harimo na Ambasaderi w’u Rwanda mu Bufaransa, Ambasaderi Dr François-Xavier (ibumoso). Mu bandi bari ku Kibuga cy’Indege i Kanombe ni Chargé d’affaires muri Ambasade y’u Bufaransa mu Rwanda, Jérémie Blin na Minisitiri w’Ububanyi n’Amahanga w’u Bufaransa, Jean-Yves Le Drian

Perezida Emmanuel Macron yakiriwe na Minisitiri w’Ububanyi n’Amahanga w’u Rwanda, Dr Vincent Biruta

Guhera saa Kumi n’ebyiri z’igitondo, ku Rwibutso rwa Gisozi hari abashinzwe umutekano benshi, uhereye ku muhanda wo ku Kinamba kugera ku Rwibutso.

Abapolisi bashinzwe umutekano wo mu muhanda bayoboraga ibinyabiziga aho bigomba kunyura ndetse mu mihanda yindi yo muri “Quartier” zo ku Gisozi guhera saa Kumi n’imwe nabwo hagaragaraga abapolisi bacunze umutekano.

Saa Tatu z’igitondo ku Rwibutso rwa Kigali, hari abantu benshi biganjemo abakuriye imiryango y’abarokotse Jenoside, abahagarariye ibihugu byabo mu Rwanda n’abandi bayobozi.

Byitezwe ko Perezida Macron aza gushyira indabo ku mva zishyinguyemo imibiri irenga ibihumbi 250 y’Abatutsi bazize Jenoside mu 1994 bashyinguye mu Rwibutso rwa Gisozi.

Nyuma y’aho ahagana saa Tanu z’amanywa, ni bwo aza kugeza ijambo ku bahateraniye no ku Isi yose muri rusange. Byitezwe ko rishobora kuba rikubiyemo ubutumwa bwo gusaba imbabazi ku ruhare rw’u Bufaransa muri Jenoside yakorewe Abatutsi.

Ni nyuma y’uko muri Werurwe uyu mwaka, Komisiyo Duclert yashyizweho na Macron ubwe kugira ngo icukumbure ku ruhare rw’u Bufaransa muri Jenoside, yanzuye ko icyo gihugu cyagize “uruhare rukomeye kandi ntagereranywa” mu mateka ashaririye u Rwanda rwanyuzemo yagejeje ku kwicwa kw’Abatutsi barenga miliyoni mu 1994.

Uruzinduko rwa Perezida Macron mu Rwanda rwanditse amateka atazasibangana hagati y’u Rwanda n’u Bufaransa

Ahagana saa Tatu, abantu batandukanye binjiraga ku Rwibutso rwa Kigali ari benshi

Abanyamakuru benshi mpuzamahanga bitabiriye uyu muhango

Ambasaderi wa Leta Zunze Ubumwe za Amerika mu Rwanda, Peter Vrooman ari kumwe na Minisitiri w’Urubyiruko n’Umuco, Rosemary Mbabazi

Ambasaderi wa EU mu Rwanda, Nicola Bellomo aganira n’Umunyamabanga wa Leta muri Minisiteri y’Ubutabera, Solina Nyirahabimana

Senateri Prof Dusingizemungu Jean Pierre (hagati) ari kumwe na Bishop Rucyahana John (iburyo) na Senateri André Twahirwa

Umuyobozi wa AVEGA-Agahozo, Mukabayire Valérie, mu bari ku Rwibutso rwa Jenoside rwa Kigali ku Gisozi

Amafoto: Niyonzima Moïse

Saa Moya za mu gitondo zo kuri uyu wa Kane tariki ya 27 Gicurasi 2021, nibwo iyi modoka yafashwe n’inkongi ubwo umushoferi wari uyitwaye yari amaze kuyiparika mu marembo y’iri soko.

Iyi nkongi yatunguye benshi bitewe n’uburyo iyi modoka yafashwe ubwo yari ihagaze nta muntu n’umwe wari uyirimo.

Iyi modoka ikimara gufatwa n’inkongi abasekirite bakorera mu isoko rya Nyarugenge bahise batangira kuyizimya bifashishije za kizimyamoto zo muri iri soko ariko babanza kuyimena ibirahuri kugira ngo babashe no kuzimya umuriro wari wamaze kuyigeramo imbere.

Umuturage witwa Twagiramahirwe Jean Claude, yabwiye IGIHE ko yatunguwe n’uburyo iyo modoka yafashwe n’inkongi nta muntu n’umwe uyirimo.

Ati “ Mbese bagenzi banjye babonye itangiye gushya bahita bampamagara noneho duhuruza abandi bantu dutangira gushaka za kizimyamoto nazo zibanza kubura ariko aho zibonekeye twahise dukora ubutabazi bwashobokaga turayizimya.”

Iradukunda Elie we yagize ati “ Tubonye itangira icumba umwotsi imodoka itangira gushya tugerageza gushakisha nyirayo turamubura nibwo twiyambaje inzego z’isoko n’iza polisi zikorera aha hafi ziraza zitangira kuyizimya bibanza kunanirana ariko tubigezeho itararangirika cyane.”

Iyi modoka yafashwe n’inkongi y’umuriro abantu baratabara batangira kuyizimya

Hifashishijwe kizimyamoto nyinshi kugira ngo iyi nkongi izimwe

Ibice by’imbare muri iyi modoka byangiritse

Umuriro waturutse muri moteri

Iki kibazo cyongeye gukomozwaho ubwo Ikigo giharanira Uburenganzira no guteza imbere Ubuzima, Health Development Initiative (HDI), cyaganiraga na bamwe mu bangavu batewe inda imburagihe mu Karere ka Nyamagabe kugira ngo bagirwe inama y’uko bakwiye kwifata ndetse bafashwe no mu rwego rw’amategeko.

By’umwihariko mu Karere ka Nyamagabe, imibare yerekana ko abangavu batewe inda mu mwaka umwe kuva muri Nyakanga 2020 kugeza kuri ubu muri Kamena 2021 barenga 450.

Mporanyi Théobald, Umujyanama muri HDI akaba yarigeze no kuba Depite mu Nteko Ishinga Amategeko y’u Rwanda mu gihe cy’imyaka 10, yavuze ko n’ubwo nta bushakashatsi bwimbitse burakorwa ku bangavu batewe inda imburagihe, imibare ya raporo zitangwa yerekana ko buri mwaka byibura havuka abana 500 muri buri karere bakomoka ku bangavu batewe inda imburagihe.

Ibi bivuze ko mu gihugu hose haba havuka abana ibihumbi 15 babyawe n’abangavu batewe inda.

Ati “Tugendeye kuri raporo zitangwa na Minisiteri y’Ubuzima, yaba ari Minisiteri ifite mu nshingano zayo umuryango, natwe izo dukora nko kuri aba duhura nabo, (…) urebye mu Rwanda guhera mu myaka ya 2015 kugeza ubu, nta karere kajya munsi y’abangavu 500 babyaye bahohotewe bari munsi y’imyaka 18 ugereranyije icyo twakwita impuzandengo.”

Iyo mibare y’abana bavuka ku bangavu batewe inda imburagihe buri mwaka mu Rwanda, ayigereranya n’abaturage batuye umurenge wose mu cyaro.

Ati “Duhereye mu Kigo cy’Ibarurishamibare, urebye umurenge uba uri hagati y’abaturage ibihumbi 12 kugeza ku bihumbi 20 cyangwa 30, ariko cyane cyane iyo mu cyaro iba iri hagati y’abaturage ibihumbi 15 kugeza kuri 20. Ubwo urebye buri mwaka ugereranyije wabona ko abana bahohoterwa bari munsi y’imyaka 18 babyara umurenge buri mwaka.”

Mporanyi yavuze ko abo ari abamenyekana baratewe inda bari munsi y’imyaka 18 y’amavuko gusa kuko hari n’abasambanywa ntibatwite bikarangira bitamenyekanye.

Ati “Abantu bataza kubyitiranya n’uburumbuke mu Rwanda, kuko urebye uburumbuke mu Rwanda uko babyara buri mwaka ugashyiraho abo bahohoterwa n’abari mu ngo ndetse n’abandi babyara bafite imyaka y’ubukure bo birarenze, bashobora kuba babyara akarere buri mwaka.”

Imibare yagaragajwe na Minisiteri y’Ubuzima mu Rwanda, yerekana ko mu mwaka wa 2016, abangavu basambanyijwe bagaterwa inda z’imburagihe mu gihugu hose bari 17.849, mu 2017 bari 17.337 naho mu 2018, bariyongereye bagera ku 19.832, mu gihe imibare y’abasambanyijwe bagaterwa inda hagati y’ukwezi kwa Mutarama na Kanama 2019 bari 15.656.

Mu bana bavutse umwaka ushize wa 2020, Raporo igaragaza ko harimo 13.185 bavutse ku bafite hagati y’imyaka 15 na 19. Ni imibare ikiri hejuru ugereranyije n’imbaraga u Rwanda rushyira mu kugabanya umubare w’abana babyara bakiri bato, kuko akenshi abari muri iyo myaka baba bakiri mu mashuri yisumbuye.

Kuba abangavu baterwa inda imburagihe bagereranywa n’abaturage batuye umurenge umwe ni ibintu byumvikana kuko nk’Umurenge wa Kibumbwe mu Karere ka Nyamagabe utuwe n’abaturage basaga ibihumbi 15 naho uwa Rwabicuma muri Nyanza utuwe n’abasaga ibihumbi 17.

Mporanyi yavuze ko Leta y’u Rwanda yashyize ingufu mu gukumira isambanywa ry’abangavu ndetse no mu rwego rw’ubutabera hashyirwaho ibihano bikakaye ku babasambanya, ariko kugeza ubu bikaba bigaragara ko abaterwa inda imburagihe bakomeje kwiyongera.

Yavuze ko asanga hakenewe ubushakashatsi bwimbitse busesengura icyo kibazo n’uburyo gikwiye gukemurwa giherewe mu mizi.

Ati “Ibyo rero ni byo navugaga ko hakorwa ubushakashatsi bwimbitse butari za raporo twavuga zirimo amarangamutima, bwakabaye bukorwa hakamenyekana impamvu yabyo.”

Yavuze ko iyo asesenguye asanga impamvu gusambanya abangavu bidacika ariko uko hari abanga gutanga amakuru ku bahohotewe, abahohoterwa n’abo bana mu rugo, ababyeyi bahisha amakuru banga kwishyira hanze ndetse no kuba hari abumva ko uwahotewe ari uwatewe inda gusa.

Umwe mu bangavu watewe inda afite imyaka 14 y’amavuko wo mu Murenge wa Gasaka, yavuze ko akimara gufatwa ku ngufu n’umugabo wamusanze aho yari yagiye gutashya inkwi mu ishyamba, yatinye kubibwira ababyeyi be, abivuga hashize igihe yaramaze kumenya ko atwite.

Ati “Natinye kubivuga kuko uwo mugabo yari yambwiye ko mbivuze yanyica. Naracecetse ariko nyuma maze kumenya ko yanteye inda mbibwira mama anjyana kwa muganga barampima basanga ntwite, tujya no kuri RIB kumurega.”

Kuri ubu uwo mwangavu atwite inda y’amezi icyenda ariko umugabo yareze muri RIB ntarakurikiranywa ku cyaha ashinjwa cyo kumusambanya akamutera inda.

Abangavu batunzwe agatoki ko batumvira ababyeyi

Bamwe mu baturage bo mu Karere ka Nyamagabe bavuga ko kuba abangavu bari gusambanywa cyane bagaterwa inda, biterwa n’irari ry’abagabo ndetse no kuba hari abana batacyumvira ababyeyi.

Bavuga kandi ko bitewe n’ikoranabuhanga ryateye, abangavu basigaye bahura n’ibishuko byinshi ku mbuga nkoranyambaga bahuriraho n’abahungu ndetse n’abagabo.

Basanga hakwiye igitsure cy’ababyeyi kugira ngo abana bajye batinya kujya mu ngeso mbi nk’uko hambere byahoze.

Ndabarinze François yagize ati “Urugero naguha, urabona ko abana bava ku ishuri saa Kumi, ariko ujya kubona ukabona ageze mu rugo saa Moya. Wamubaza aho yatinze akagutuka, wamucishaho akanyafu akajya kukurega ngo wamuhohoteye. Nta mubyeyi ugifata akanyafu ngo ahane umwana kuko ahita ajya kurega ngo yahohotewe.”

Benimana Martine na we asanga hakwiye gushyirwa ingufu ku bana kuko batacyumvira ababyeyi, bikaba intandaro yo gushukwa.

Ati “Abana bigize abantu batumva pe! Umwana w’umukobwa aritora akagenda akagaruka nijoro nka saa Tanu, wamubaza aho avuye akagutuka ngo ‘ntuzongere kumbyara’ wamuhana n’akanyafu akirukira mu buyobozi ngo ’uramuhohoteye.’

Umuyobozi w’Akarere ka Nyamagabe, Uwamahoro Bonaventure, yavuze ko bakomeje gushyira ingufu mu gusaba ababyeyi n’abarimu gutanga umusanzu wabo mu gukumira inda ziterwa abangavu, babaha inyigisho banabereka ibibi byo gusambanywa kuko bibicira ejo hazaza.

Yavuze kandi ko bashyira ingufu mu kuganiriza abangavu batewe inda imburagihe kugira ngo batongera gusambanywa ndetse bafashe no mu kwigisha abandi.

Ati “Kuganiriza ababyaye bifite akamaro kuko bituma tumenya amakuru, tumenye niba tukireba nk’ikibazo twebwe abayobozi n’umuryango muri rusange, abakirimo nyirizina bo bagitekereza bate?”

Ibikorwa HDI irimo byo kuganiriza abangavu batewe inda imburagihe, ibikora mu mushinga witwa ‘Baho Neza’ iterwamo inkunga na Imbuto Foundation.

Ikibazo cy’abangavu baterwa inda imburagihe gikomeje gufata indi ntera mu Rwanda kuko imibare yerekana ko biyongera aho kugabanuka

Mu Karere ka Nyamagabe imibare yerekana ko abangavu batarageza ku myaka 18 y’amavuko batewe inda muri uyu mwaka barenga 450

Abangavu batunzwe agatoki ko batacyumvira inama bagirwa n’ababyeyi bigatuma bagwa mu bishuko

Abangavu batewe inda imburagihe bavugwaho kwanga kuvuga abazibateye ngo babiryozwe

Mporanyi yavuze ko imibare ya raporo zitangwa yerekana ko buri mwaka mu Rwanda havuka abana bakomoka ku bangavu batewe inda imburagihe bangana n’abaturage batuye umurenge wose

umuyobozi w’Akarere ka Nyamagabe, Uwamahoro Bonaventure,​ yavuze ko ikibazo cy’abangavu baterwa inda gihangayikishije

[email protected]

Ni uruzinduko rwari rumaze igihe kinini ruhanzwe amaso, ruciye inzira nshya mu mubano w’u Rwanda n’u Bufaransa, ibihugu byombi bitakunze gucana uwaka kubera uruhare rwabwo muri Jenoside yakorewe Abatutsi.

Macron yageze i Kigali mu gitondo cyo kuri uyu wa Kane mu ruzinduko rw’iminsi ibiri, mu itsinda ryamuherekeje harimo abayobozi batandukanye mu nzego nkuru z’u Bufaransa nka Minisitiri w’Ububanyi n’Amahanga n’abandi.

Harimo kandi abayobozi mu nzego z’ubucuruzi n’ishoramari binahuriranye n’uko u Bufaransa binyuze mu Rwego rw’Igihugu rushinzwe Iterambere, RDB, bwasinyanye amasezerano n’u Rwanda yo kurushyigikira mu kugura inkingo za Covid-19.

Harimo kandi abantu bafitanye isano n’u Rwanda nka Gen Jean Varret wahoze ari Umuyobozi ukuriye Ibikorwa bya Gisirikare by’u Bufaransa mu Rwanda hagati ya 1990 na 1993.

Mu bandi bazwi ni nka Makhtar Diop ukomoka muri Sénégal usigaye ayoboye Ikigo Mpuzamahanga gishinzwe ubufatanye mu by’Imari, IFC, wahoze ari Visi Perezida wa Banki y’Isi muri Afurika hagati ya 2012 na 2018.

Uruzinduko rwa mbere rwa Macron mu Rwanda rwatangiye kuvugwa mu 2019 ubwo u Rwanda rwibukaga ku nshuro ya 25 Jenoside yakorewe Abatutsi. Icyo gihe byavuzwe ko azitabira uwo muhango gusa ntiyabonetse ahubwo yahagarariwe na Hervé Berville, umudepite wo mu Ishyaka rye En Marche!

Mu bikorwa byitezwe kuri Macron, ni umuhango wo gusura Urwibutso rwa Jenoside rwa Kigali akunamira inzirakarengane zirushyinguyemo, hanyuma akanageza ijambo ku barokotse Jenoside, aho byitezwe ko bwa mbere mu mateka aza gusaba imbabazi ku ruhare rw’u Bufaransa muri Jenoside yakorewe Abatutsi mu 1994.

Ibi bibaye nyuma y’aho mu ntangiriro z’uku kwezi hashyizwe hanze “Raporo Duclert” yakozwe ku busabe bwa Emmanuel Macron yakoze icukumbura ku ruhare rw’u Bufaransa muri Jenoside.

Raporo Duclert ni yo yagaragaje ko ubutegetsi bwa Perezida François Mitterrand wayoboraga u Bufaransa mbere no mu gihe cya Jenoside bwashyigikiye ‘buhumyi’ umugambi wo kurimbura Abatutsi ndetse n’ishyirwa mu bikorwa ryawo.

Macron yasuye u Rwanda nyuma y’iminsi mike Perezida Kagame avuye mu Bufaransa aho yari yitabiriye inama ebyiri zirimo imwe yiga ku bibazo by’umutekano muri Sudani n’indi yiga ku Iterambere ry’Ubukungu muri Afurika.

Ibihe by’ingenzi byaranze umubano w’u Rwanda n’u Bufaransa ku ngoma ya Macron

Yahuye bwa mbere na Perezida Kagame amaze iminsi 127 atowe

Bwa mbere Kagame ahura na Macron, bombi bari i New York muri Leta Zunze Ubumwe za Amerika, ku wa 18 Nzeri 2017. Bari bitabiriye inama y’Inteko Rusange ya Loni yabaga ku nshuro ya 72.

Hari hashize iminsi 127 Macron atorewe kuyobora u Bufaransa mu gihe Perezida Kagame we yari amaze iminsi 31 arahiriye kuyobora u Rwanda muri manda ye ya Gatatu.

Yashyizeho Komisiyo icukumbura uruhare rw’u Bufaransa muri Jenoside

Muri Mata 2019, Macron yashyizeho itsinda ry’abashakashatsi umunani n’abanyamateka, abaha inshingano zo gucukumbura uruhare rw’igihugu cye mu mateka ashaririye y’u Rwanda.

Iri tsinda ryari rifite inshingano zo gusuzuma inyandiko u Bufaransa bubitse zifitanye isano na Jenoside zo hagati y’umwaka wa 1990 na 1994, hagamijwe gusesengura uruhare n’ibikorwa by’u Bufaransa muri icyo gihe no gutanga umusanzu mu kurushaho kumva no gusobanukirwa Jenoside yakorewe Abatutsi.

Ibyavuye muri ubwo bushakashatsi byamuritswe ku wa 26 Mata 2021, byagaragaje ko iki gihugu cyagize “uruhare rukomeye kandi ntagereranywa” mu mateka ashaririye u Rwanda rwanyuzemo yagejejwe ku kwicwa kw’Abatutsi barenga miliyoni mu 1994.

Ku ngoma ye, Kabuga yatawe muri yombi

Ku wa 16 Gicurasi 2020, Ubushinjacyaha bw’u Bufaransa bwemeje ko Kabuga Félicien wari umaze imyaka irenga 20 yihishahisha, hageze ngo aryozwe uruhare ashinjwa muri Jenoside yakorewe Abatutsi mu 1994, atabwa muri yombi.

Uyu mugabo yafatiwe mu Gace ka Asnières-sur-Seine i Paris aho yabaga yarahinduye amazina.

Yafashwe na Polisi y’u Bufaransa nyuma y’igikorwa gikomeye cyo kumushakisha cyajyanye no gusaka mu byerekezo bitandukanye.

Perezida Kagame yongeye gutumirwa muri Élysée

Hashize amezi umunani n’iminsi itanu abonanye bwa mbere na Macron, Perezida Kagame yagiriye uruzinduko i Paris rw’iminsi ibiri, tariki ya 23 Gicurasi 2018, yakirwa muri Élysée na Macron. Ni uruzinduko rwasize amateka akomeye, kuko Kagame yaherukaga mu Bufaransa mu 2010 ku bwa Sarkozy.

Yagaruye Centre Culturel Francophone

Mu 2014 ubwo umubano w’u Rwanda n’u Bufaransa warimo agatotsi, Ikigo Ndangamuco cy’Abafaransa cyitwaga, Centre d’Echanges Culturels Franco-Rwandais, cyarafunzwe ndetse kiranasenywa.

Cyari giherereye iruhande rwa Rond- Point nini yo mu Mujyi wa Kigali rwagati ku ruhande rugana mu Kiyovu. Ubuyobozi bw’Umujyi wa Kigali bwavuze ko ubutaka bw’aho yari iherereye butakoreshwaga neza ndetse iyo nyubako itari ikijyanye n’imyubakire ihagenewe.

Magingo aya, kuva aho umubano w’ibihugu byombi ufatiye isura nshya, ibikorwa byacyo byongeye gusubukurwa ndetse hubakwa Centre Culturel Francophone izafungurwa kuri uyu wa Gatanu. Ni ikigo gifite igice cyisanzuye biteganyijwe ko kizajya kiberamo ibitaramo n’imyidagaduro itandukanye.

Centre Culturel Francophone iherereye mu Mujyi wa Kigali ku Kimihurura iruhande rwa Kigali Convention Centre. Yagombaga kuzura ikanatahwa mu 2020 ariko imirimo yayo yadindijwe n’icyorezo cya Covid-19 bituma irangira muri Mata uyu mwaka.

Yashyigikiye Kandidatire ya Mushikiwabo ku buyobozi bwa OIF

Emmanuel Macron ubwe muri Gicurasi 2018, yatangaje ko ashyigikiye Umukandida w’u Rwanda ku mwanya w’Umunyamabanga Mukuru wa OIF, Louise Mushikiwabo, waje no gutorerwa uwo mwanya mu mpera z’uwo mwaka agatangira imirimo mu 2019.

Macron ubwo yururukaga muri Cotam Unité, indege itwara Perezida w’u Bufaransa

Mu bandi bayobozi bakiriye Macron harimo na Ambasaderi w’u Rwanda mu Bufaransa, Ambasaderi Dr François-Xavier (ibumoso). Mu bandi bari ku Kibuga cy’Indege i Kanombe ni Chargé d’affaires muri Ambasade y’u Bufaransa mu Rwanda, Jérémie Blin na Minisitiri w’Ububanyi n’Amahanga w’u Bufaransa, Jean-Yves Le Drian

Perezida Emmanuel Macron yakiriwe na Minisitiri w’Ububanyi n’Amahanga w’u Rwanda, Dr Vincent Biruta