Tag: featured

Aba bana bavuga ko bifuza ko ababyeyi babo bajya babigisha ibijyanye n’ubuzima bw’imyororokere aho kubibahisha kugira ngo bajye babasha kumenya amakuru nyayo y’imibiri yabo.

Ibi babigaragaje ubwo abokobwa 250 bavuka mu miryango itishoboye biga mu GS Gisozi II mu Karere ka Gasabo bashyikirizwagwa impapuro bakoresha bari mu mihango (Pads) na BRD ifatanyije n’umuryango ufasha abana batishoboye n’abo mu muhanda witwa Care and Help.

Bemeza ko ababyeyi babo bagira isoni zo kubigisha ubuzima bw’imyororokere ku buryo ari zimwe mu mbogamizi bahura nazo ndetse ko iyi mwumvire ari imwe mu ituma inda ziterwa abangavu ziyongera.

Ishimwe Kelyne wiga mu wwaka wa Mbere w’amashuri yisumbuye yagize ati “ Tujya duhura n’abantu bakatubwira ko ngo nk’ufite ibishishi aba agomba kubikizwa n’uko yakoze imibonano mpuzabitsina ariko umuntu akabura uwo yabibaza kuko ababyeyi bacu ntabwo bajya batubwira ibyo bintu ku buryo usanga ari nayo mpamvu abana benshi basigaye baterwa inda.”

Nisingizwe Anitha we yavuze ko Leta yagakwiye gukora ubukangurambaga bwo gushishikariza ababyeyi kwigisha abana babo ibijyanye n’imyanya myibarukiro kugira ngo batazajya bagwa mu bishuko.

Ati “ Twumva Leta yajya isaba ababyeyi gutinyuka bakatwigisha ibijyanye n’imyororokere aho kubiduhisha kuko uragenda umuntu akakubwira ngo ibyo bishishi bizakira ari uko usambanye noneho ukaguma mu gihirahiro kuko n’uwo wagakwiye kubibaza ariwe mubyeyi wawe adashora kubikubwiraho.”

Mukangemanyi Mamille GS Gisozi II, nawe yasabye ababyeyi kuganiriza abana babo b’abakobwa ibijyanye n’imyanya y’imyibarukiro kugira ngo abajya bagwa mu bishuko.

Ati “Turabasaba kuganiriza abana kuko bajya bagwa mu bishuko bagatwara inda zitateganyijwe kubera ko batigeze babasobanurira neza uko imyanya y’imyibarukiro ikora ni ngombwa ko ababyeyi bakwiye gufata iya mbere bakaganiriza abana babo n’ubwo ku ishuri babyiga ariko buriya niyo umubyeyi ashyizeho akiwe akakaganiriza umwana umunsi k’uwundi bituma abana b’abakobwa batagwa mu busambanyi.”

Imibare iheruka y’igenzura ku mibereho y’abaturage (Demographic Health Survey) igaragaza ko mu 2020 abana batewe inda bakiri bato ari 19.701, mu gihe Urwego rw’Ubugenzacyaha, RIB, rugaragaza ko mu bantu bose bafatwa ku ngufu abarenga 2% ari abahungu.

Ni ibintu biteye inkeke ndetse uwashaka yabyita ishyano kuko uko imyaka igenda ihita ibibazo nk’ibi bigenda byiyongera.

Abana barifuza ko ababyeyi bajya babigisha ibijyanye n’ubuzima bw’imyororokere

Ubu butumwa bwatanzwe muri iki cyumweru, ubwo uyu muryango wasuraga ibikorwa byawo muri aka Karere birimo ibyumba by’amashuri wubatse, site zo gukarabiraho mu bigo by’amashuri mu rwego rwo kurwanya covid-19 ndetse no kugoboka abagizweho ingaruka n’icyo cyorezo.

Muri iyi gahunda abaturage bagera kuri 48 batishoboye bahawe inkunga yo kubafasha gushyira mu bikorwa imishinga iciriritse yabazamura vuba.

Kagimba Epimaque utuye mu Murenge wa Rwamiko, yavuze ko ubuzima butari bworoshye ariko ko iyo nkunga agiye kuyifashisha agura imbuto zo guhinga.

Ati “Twari dutunzwe no guca inshuro Covid-19 ije ubuzima burushaho kutugora, aya mafaranga mpawe azamfasha gushaka imbuto z’ibirayi, kuko igihembwe cy’ihinga giheruka nticyagenze neza.”

Umukobwa w’impfubyi urera abavandimwe be babiri uri mu bahawe ubufasha, yavuze ko azabwifashisha mu kuvugurura inzu basigiwe n’ababyeyi.

Yagize ati “Ubuzima ntibuba bworoshye iyo udafite aho kuba, aya mafaranga Croix Rouge impaye azadufasha kuvugurura inzu tubamo kuko yendaga kutugwaho”.

Ku rundi ruhande, Croix Rouge Rwanda yanasuye amashuri yubatse mu Murenge wa Mutete ahari ibyumba 15, site zo gukarabiraho mu bindi bigo by’amashuri byo mu Murenge wa Byuma mu rwego rwo gukumira icyorezo cya Covid-19.

Uyu muryango kandi wubakiye abatishoboye inzu 25 mu Murenge wa Mutete bari babayeho ubuzima bubi bitewe no kutagira amacumbi.

Mukamparirwa Vestine, yavuze ko nyuma yo kubakirwa yaretse gucumbika by ahato na hato, kuri ubu akaba atekanye.

Ati “Nta nzu nagiraga, nari mbayeho ncumbika, bakanyirukana kubera kubura ubukode ariko Croix Rouge yanyubakiye inzu ubu ndatuye ndatekanye n’abana banjye.”

Simango Maxime, uhagaririye Croix Rouge mu Ntara y’Amajyaruguru, yavuze ko izakomeza gufasha uko ubushobozi buzagenda buboneka. Yasabye ubuyobozi bwite bwa leta gukurikirana ibikorwa remezo byubatswe mu rwego rwo kubibungabunga.

Ati “Iyo twubatse ibikorwaremezo tubyegurira ubuyobozi; bufite inshingano zo kubungabunga ibyakozwe aho kugira ngo bireberwe byangirika, ababihawe na bo ubwabo bakwiye kubibungabunga”.

Umuyobozi w’Akarere ka Gicumbi ushinzwe imibereho myiza y’abaturage, Mujawamariya Elizabeth, yashimye uruhare Croix Rouge igira mu mibereho myiza y’abaturage muri aka karere.

Ati “Ndashima uruhare Croix Rouge igira mu gufasha abaturage bacu kugira imibereho myiza. Covid-19 yatumye bamwe bahagarika imirimo yabo, nk’abaturage bari muri Guma mu Rugo mu Murenge wa Rwamiko baradufashije aho hatanzwe inkunga irenga miliyoni eshanu z’amafaranga y’u Rwanda.”

Mu Karera ka Gicumbi, Croix Rouge Rwanda yakoze ibikorwa bitandukanye harimo ubukangurambaga bwo kwirinda Covid-19 no gutanga ubufasha by’umwihariko mu mirenge yari muri Guma mu Rugo.

Uyu muryango kandi ufite umushinga wo gufasha abasigajwe inyuma n’amateka n’abandi batishoboye bafite ibibazo byihariye mu Mirenge ya Byumba, Manyagiro na Miyove, kuva mu 2013 kugeza 2020, aho watwaye arenga miliyoni 500 z’amafaranga y’u Rwanda, biciye mu kububakira inzu, kubagurira ubutaka, kuboroza inka, kurihira abana amashuri n’ibindi.

Bimwe mu byumba by’amashuri byubatswe na Croix Rouge mu Murenge wa Mutete

Hubatswe ibikorwa remezo bifasha abanyeshuri gukaraba intoki birinda Covid-19

Inzu zubatswe na Croix Rouge zigenewe abasigajwe inyuma n’amateka

Abanyeshuri bakoraga ingendo ndende buri munsi begerejwe amashuri

Bamwe mu baturage bahawe inkunga yo kubafasha gusohoka mu bibazo batewe na Covid-19

Mukamparirwa Vestine yashimye ubufasha yahawe bwo kubakirwa inzu yo kubamo

Umuyobozi w’Akarere ka Gicumbi ushinzwe imibereho myiza y’abaturage, Mujawamariya Elisabeth, yashimye ubufatanye n’imikoranire bafitanye na Croix Rouge

Uhagarariye Croix Rouge mu Ntara y’Amajyaruguru, Simango Maxime, yasabye ubuyobozi bw’inzego z’ibanze kubungabunga ibikorwaremezo bigamije guteza imbere abaturage

Ibizamini bisoza ibyiciro by’amashuri bizakorwa hagati ya tariki 14 Kamena na 30 Nyakanga 2021. Nibyo bizamini bya Leta bya mbere bigiye gukorwa mu gihe cy’umwaka n’igice ushize, kubera icyorezo cya Covid-19 cyahungabanyije uburyo bw’imyigire bwari busanzweho.

Ikizamini gisoza amashuri abanza kizakorwa n’abanyeshuri 254.678 barimo abahungu 116.613 n’abakobwa 138.065. Ugereranyije n’abanyeshuri 286.087 bakoze ikizamini nk’icyo mu 2019, bagabanyutseho 11 %.

Ibizamini bisoza icyiciro rusange cy’amashuri yisumbuye kizakorwa n’abanyeshuri 122.320 barimo abahungu 67.685 n’abakobwa 54.635. Biyongeyeho 2 % ugereranyije n’abanyeshuri 119.932 bakoze ibizamini nk’ibyo mu 2019.

Abanyeshuri bazakora ibizamini bisoza amashuri yisumbuye ni 52.145 barimo abahungu 22.894 n’abakobwa 26.892. Ni mu gihe mu 2019 ibizamini nk’ibyo byakozwe n’abanyeshuri 52.291. Abanyeshuri bazakora ibizamini mu masomo ya siyansi baragabanutse ugereranyije na 2019. Kuri ubu hazakora 14.785 bavuye ku 15.251.

NESA igaragaza ko mu mashuri y’imyuga n’ubumenyingiro, abazakora ibizamini bya Leta ari 21.053 barimo abahungu 12.994 n’abakobwa 9.916. Umubare w’abanyeshuri bazakora ibyo bizamini wariyongereye ugereranyije na 19.862 bakoze mu 2019.

Abakandida bigenga bazakora ikizamini cya Leta gisoza ayisumbuye ni 1.857, bavuye ku 1584 mu 2019.

Ibizamini ku biga imyuga n’ubumenyingiro nibyo bizatangira mbere tariki 14 Kamena kugeza tariki 3 Nyakanga. Ibizamini bya Leta mu mashuri abanza bizakorwa hagati ya tariki 12-14 Nyakanga, iby’icyiciro rusange n’ibizamini byo kwandika ku biga imyuga bizakorwa hagati ya tariki 20 na 27 Nyakanga. Abasoza amashuri yisumbuye bazakora ibizamini hagati ya tariki 20 Nyakanga kugeza tariki 27, mu gihe ibizamini ngiro bizakomeza kugeza tariki 30 Nyakanga.

Ibigo bizakorerwaho ibizamini by’amashuri abanza ni 1018, ku cyiciro rusange ni 547, abasoza ayisumbuye bazakorera ibizamini ku bigo 418 mu gihe abo mu myuga n’ubumenyingiro bazabikorera ku bigo 97.

Biteganyijwe ko ibizamini mu mashuri y’imyuga n’ubumenyingiro bizatangira mu cyumweru gitaha

Iyi nkunga yatanzwe kuri uyu wa 10 Kamena 2021, ku ishami rya RBC riherereye i Nyamirambo hafi ya CHUK.

Ibikoresho byatanzwe birimo telefone zigezweho za Mara Phone 206 zizahabwa abajyanama b’ubuzima mu koroshya uburyo bwo guhanahana amakuru hagati yabo na RBC.

Harimo kandi utwuma dupima umuriro 2.200, udupfukamunwa 133.500, umuti wica udukoko [Hand Sanitizer] uducupa 2.910 ndetse na ‘Face Shield’ zikoreshwa mu gukingira isura 2.400.

Ushinzwe imikoranire n’ibindi bigo muri Imbuto Foundation, Ingrid Karangwayire, yavuze ko iyi nkunga yatanzwe ku bufutanye n’inshuti za Imbuto ziri hirya no hino ku Isi.

Yongeyeho ati “Iyi nkunga yari ikenewe kubera ko Covid-19 ntabwo irarangira, iracyariho kandi ntabwo tugomba kuyirengagiza. Dukeneye gushyira imbaraga twese hamwe uko dushoboye tugafatanya kwirinda, tukabwira abaturage ko Covid-19 igihari, abantu bose bakabimenya niyo mpamvu twebwe nk’Imbuto twumva ko tugomba gufatanya n’abandi mu kurinda ikwirakwira ryayo.”

Ukuriye Ishami ry’Ubuvuzi muri RBC, Dr Gatare Swaibu, yavuze ko bishimiye cyane inkunga bahawe na Imbuto Foundation igamije gufasha abajyanama b’ubuzima mu rugamba rwo kurwanya Covid-19 kuko ari bo bantu batanga ubufasha bw’ibanze mu kurinda ikwirakwira ry’iki cyorezo.

Ati “Abajyanama b’ubuzima ni bo bantu ba mbere badufasha muri uru rugamba. Badufasha mu buryo butatu; ubwa mbere, bazenguruka imidugudu yose urugo ku rundi bashakisha uwaba afite ibimenyetso. Ubwa kabiri, badufasha gukora ubukangurambaga aho batuye hirya no hino mu gihugu batanga ubutumwa bujyanye no kwirinda icyorezo.”

“Uburyo bwa gatatu, badufasha mu byerekeranye no gutanga ubuvuzi, gutanga imiti ku muntu uwo ari wese uri mu mudugudu uba wagaragayeho iki cyorezo. Rero kubera ko bita ku barwayi nabo ubwabo bagomba kwitabwaho cyane cyane tubarinda kuba bakwandura.”

Dr Gatare yavuze ko Imbuto Foundation ari umufatanyabikorwa w’imena wa RBC kubera ubafasha butandukanye ibagenera mu bikorwa byinshi, aho imaze kubafasha kubaka ibigo nderabuzima bitandukanye harimo n’icya Tabagwe, cyatashywe na Perezida Paul Kagame mu 2020 ndetse ikaba iri kubafasha no kubaka inzu y’ababyeyi (Maternité) mu bitaro bya Kabgayi.

Kuva Covid-19 yagera mu Rwanda, Imbuto Foundation yakomeje kuba hafi RBC iyigenera inkunga zitandukanye z’ibikoresho byo kurwanya Covid-19 ndetse iherutse no kuyiha imashini ebyiri zifashishwa mu gupima Coronavirus.

Kugeza ubu mu Rwanda abagera ku 27.548 banduye Coronavirus, 26,341 barayikize naho 365 imaze kubahitana.

hatanzwe kandi n’utwuma dupima umuriro 2.200

telefone 206 za Mara Phone zizahabwa abajyanama b’ubuzima hirya no hino mu gihugu kugira ngo horoshywe uburyo bwo guhanahana amakuru

Hatanzwe imiti yica udukoko ‘Hand Sanitizer’ ingana na 2.910

Dr. Swaibu Gatare (iburyo) yavuze ko Imbuto Foundation ari umufatanyabikorwa w’imena wa RBC kubera ibikorwa bitandukanye ibafasha

Hatanzwe na ‘Face Shield’ 2.400 zifashishwa mu gukingira isura y’umuntu

Aya masezerano yashyizweho umukono ku wa 10 Kamena 2021 i Kigali. Umushinga ibigo byombi bigiye guhuriraho ushingiye ku bufatanye mu bya tekinike uzamara imyaka ine ukaba ugamije kongera ingano y’amazi meza agera ku baturage mu turere uko ari turindwi tugize Intara y’Iburasirazuba.

Mu bikorwa biteganyijwe harimo kubaka ubushobozi bw’inzego zose zifite aho zihuriye n’imicungire y’amazi zirimo iz’ibanze, abikorera ndetse n’abayakoresha umunsi ku munsi.

Inzego z’uturere zizafashwa kunoza igenamigambi mu gushyiraho ibikorwa remezo by’amazi, bizatuma agera ku baturage yiyongera.

Biteganyijwe ko u Buyapani buzajya bwohereza impuguke z’abakorerabushake mu byo kubaka no gucunga ibikorwa remezo by’amazi bakaza gutanga ubumenyi mu nzego zitandukanye mu Rwanda ndetse aba enjeniyeri b’Abanyarwanda bakajya kwihugurira mu Buyapani.

Jica kandi izajya itanga ibikoresho bitandukanye bikenerwa muri uru rwego nk’uko byatangajwe n’Umuyobozi wayo mu Rwanda, Maruo Shin.

Ati “Twiyemeje gufatanya n’u Rwanda mu mugambi wo kugeza amazi kuri buri munyarwanda nk’uko biri mu muhigo rugomba kuba rwesheje mu 2024.”

Umuyobozi Mukuru w’Ikigo cy’Igihugu gishinzwe Amazi, Isuku n’Isukura (WASAC), Eng. Dusenge Byiringiro Alfred, yavuze ko ikibazo cy’amazi meza gihangayikishije mu Ntara y’Iburasirazuba ikaba ari yo mpamvu leta yahisemo ko uyu mushinga ukorera muri iki gice.

Inkuru irambuye ni mukanya…

Dufashe nk’urugero rwa YouTube, kuri ubu usanga hari ibyiciro by’abayikoresha ariko ibikorwa bayikoreraho biganisha cyangwa bigize ibyaha; aha twavuga nk’icyiciro cy’abayinyuzaho amakuru agamije gupfobya no guhakana Jenoside, gukurura imvururu mu banyarwanda n’ibindi.

Hari ikindi cyiciro cy’abanyuzaho amashusho cyangwa amafoto y’urukozasoni n’ikindi cy’abanyuzaho amakuru y’ibihuha ashobora guhungabanya umudendezo n’ituze rya rubanda cyangwa akaba yabayobya mu buryo bumwe cyangwa ubundi.

Abo bose ariko icyo bahuriraho ni ugushaka indamu cyangwa amafaranga atangwa na Google ku muntu washyize amashusho kuri YouTube, aho uko amashusho yarebwe cyane [Views] ariko amafaranga uwayashyizeho abona agenda yiyongera.

Ingero ni nyinshi; mu minsi ishize Uzaramba Karasira Aimable wahoze ari umwarimu muri Kaminuza y’u Rwanda, yatawe muri yombi akurikiranyweho ibyaha byo guha ishingiro Jenoside no gupfobya Jenoside yakorewe Abatutsi. Ni ibyaha bifitanye isano n’ibiganiro yanyuzaga kuri shene ya YouTube yari yarashinze.

Mu minsi ishize kandi hari uwifashishije YouTube atangaza ko umuhanzi mu ndirimbo zo kuramya no guhimbaza Imana, Israel Mbonyi yitabye Imana.

Ni igihuha cyakwirakwijwe mu masaha y’igitondo cyo ku wa 7 Kamena, gikura benshi umutima by’umwihariko abo mu muryango we, ariko nyuma biza kugaragara ko byakozwe n’uwishakiraga kubona za ‘Views’.

Ibi kimwe n’ibindi bikorwa bitandukanye inzego zirimo Urwego rw’Igihugu rw’Ubugenzacyaha, RIB, n’Ikigo Ngenzuramikorere, RURA ndetse n’inzego zireberera Itangazamakuru muri rusange baganiriye kuri iyi ngingo mu kiganiro Waramutse Rwanda cyatambutse kuri Televiziyo y’u Rwanda ku wa 9 Kamena 2021.

Umukozi ushinzwe kugenzura imikorere y’ibitangazamakuru muri RURA, Ahoranayezu Christian, yavuze ko RURA idashinzwe kugenzura imikorere y’izi mbuga ariko ngo igomba kuzamo kuko kugira ngo umuntu abashe kugira konti kuri izo mbuga zose bisaba ko abanza gushyira imyirondoro ye kuri urwo rubuga.

Ati “Ntabwo RURA ishinzwe kugenzura buri munyarwanda ibyo yanditse cyangwa yatangaje kubera ko hari bwa bwisanure ahabwa n’itegeko Nshinga, ariko buri muntu wese agomba kumenya ko ibyo atangaza bitabangamiye bagenzi be cyangwa bitabangamiye rubanda.”

Yakomeje agira ati “RURA ntabwo izajya kureba ibyo buri munyarwanda yashyize kuri Twitter cyangwa YouTube ye ariko ubikora ari mu rwego RURA igenzura, arabibazwa akabibazwa n’amategeko ahari. Hanyuma abandi bamenye ko ari inshingano zabo kuguma mu murongo w’ibiteganywa n’amategeko.”

Ku rundi ruhande ariko hari ababihuza n’ingingo ya 38 y’Itegeko Nshinga iha umunyarwanda wese ubwisanzure bwo gutanga ibitekerezo ashatse cyangwa ingingo ya 18 y’itegeko rigenga itangazamakuru iteganya ko umunyamakuru agomba gukoresha imbuga nkoranyambaga.

Umuvugizi wa RIB, Dr Murangira Thierry, yavuze ko by’umwihariko YouTube ikomeje kugaragara ko hari ibyaha abantu bagenda bayikoreraho, ibintu avuga ko bidakwiye guhuzwa n’ubwisanzure bwo gutanga ibitekerezo cyangwa kuniga itangazamakuru.

Ati “Itegeko ryashyizeho umurongo ngenderwaho, ntabwo ushobora kuvuga ngo ndatanga ibitekerezo uko nishakiye hari ibyo wica, itegeko rivuga ko buri muntu wese ashobora gutanga ibitekerezo uko abyumva ndetse akananenga ariko ntabwo wemerewe gutanga igitekerezo ku kintu kiri buzane amacakubiri cyangwa kibangamiye ituze rusange rya rubanda.”

Yakomeje agira ati “Itegeko Nshinga riravuga ngo kirazira ko ugomba kubangamira umuco mboneza bupfura. Nko kuri Israel Mbonyi, umuntu aranditse ngo kanaka yarapfuye, utitaye ku ngaruka, ubwo icyo ni ugutanga ibitekerezo? Ni ibihuha.”

Dr Murangira avuga ko hari ingero nyinshi z’ibyaha biri gukurikiranwa kandi abantu bagiriwe inama kenshi kuri ubu amategeko ariyo ari gukurikizwa kandi akarishye.

Ati “Twarigishije, twagiriye abantu inama. Ubu amategeko agiye gukurikizwa kandi ingingo zirimo zirakarishye mu by’ukuri. Ibihano birakarishye.”

YouTube ikwiye gutandukanywa n’umwuga w’itangazamakuru

Telefone ngendanwa irimo Camera, ifata amajwi,amashusho n’amafoto ndetse nyirayo afite urukuta rwa Twitter, Facebook cyangwa YouTube ashobora kuyifashisha atangaza amakuru.

Urwego rw’Abanyamakuru bigenzura, RMC, ruvuga ko imikoreshereze mibi ya YouTube n’izindi mbuga ari icyasha gikomeye ku itangazamakuru muri rusange kubera ko abenshi bakora ibi bikorwa bitwikiriye umutaka w’itangazamakuru cyane ko n’izi shene zifungurwa kuri YouTube usanga zitwa ‘Televiziyo’.

Umunyamabanga Nshingwabikorwa wa RMC, Mugisha Emmanuel ati “Icyo cyasha kiraturuka ku myumvire cyangwa abakurikira itangazamakuru bameze, ubundi ikiranga umunyamakuru ni ikarita imuranga kuko iyo ayifite aba yaragiranye amasezerano n’umukoresha cyangwa uwamuhaye iyo karita ko agiye gukora kinyamwuga.”

Mugisha avuga ko muri rusange abakora ibyaha kuri za YouTube harimo abanyamakuru n’ababihishamo ariko bose abazakora ibyaha amategeko azabibabaza.

Ati “Bose bitwikira itangazamakuru, bamwe baririmo bashaka kurikora kinyamwuga harimo n’abaryihishemo, abo rero ntubamenya utarabona bya bindi bibarimo ko byagiye hanze. Ni ukubegera mukabakurikirana, mukabagira inama nyuma rero bakomeza amategeko akabakurikirana.”

Yakomeje agira ati “Gusa barahari, cyane cyane abantu ubona ko bambaye umwambaro w’impirimbanyi kurenza uko bambaye umwambaro w’ubunyamakuru. Ni ibintu tubona ko bisa n’ibizamuka ariko ababatiza umurindi ni ababaha izo ‘Views’. Dukwiye kwigisha abantu kumenya ibyo bahabwa n’izi mbuga nkoranyambaga, ibidakwiye bakabireka bagakurikirana ibyungura ubumenyi bwabo.”

Umuyobozi w’Ikinyamakuru Umuryango gifite shene ya YouTube ya Umuryango TV, Hakuzwumuremyi Joseph, yavuze ko hakwiye gutandukanywa umuntu wafunguye shene ya YouTube agamije gushyiraho gahunda ze n’urukoresha nk’umunyamakuru.

Ati “Mu buryo busanzwe nidukomeza gukora gutya bizagorana kuko zirimo amafaranga, zirimo uko wiyumva n’ibindi bimeze gutyo. Ntabwo numva uburyo ushobora kujya kwaka ikiganiro n’umuntu atari ikinyamakuru ufite, utari n’umunyamakuru ngo icyo kiganiro ugikore.”

“Ibyo byo mvuga ko ufite ibintu ashaka gushyira, ashyiraho ibyo guteka , cyangwa ibindi bindi ariko ntabwo bikwiye gutandukanywa n’umwuga w’itangazamakuru. Kuba nazinduka nkajya kwaka ikiganiro abantu kandi ntari umunyamakuru cyangwa ngashinga Televiziyo ikorera kuri YouTube ntari umunyamakuru, ibyo byose byagombye kugira uko bikora n’ibyo bikurikiza.”

Ku rundi ruhande ariko, RURA na RIB batangaza ko hari abantu usanga bafite amakarita y’ibitangazamakuru bizwi ndetse banabikorera ariko ku ruhande bakagira shene za YouTube banyuzaho andi makuru ugasanga ni amakuru y’ibihuha cyangwa andi makuru badashobora kunyuza mu bitangazamakuru bakorera.

Abahanga n’abakurikiranira hafi itangazamakuru bavuga ko YouTube ari umuyoboro mwiza mu kugaragaza no gutanga ibitekerezo ariko bagasaba ko hakwiye gushyirwaho uburyo bwihariye bwo kugenzura ibikorerwa kuri uru rubuga n’izindi zitandukanye.

Umuvugizi wa RIB, Dr Murangira yavuze ko abantu bagiriwe inama kenshi kuri ubu amategeko agiye gukurikizwa

Umunyamabanga Nshingwabikorwa wa RMC, Mugisha Emmanuel, yavuze ko imikoreshereze mibi ya Shene za YouTube ari icyasha ku itangazamakuru

Umunyamakuru Hakuzwumuremyi Joseph asanga abakorera ibyaha kuri YouTube badakwiye kwitirirwa itangazamakuru

Irushanwa rizatangira tariki 8 Kamena risozwe 7 Nyakanga 2021, rikazakorerwa ku rubuga rwa Instagram.

Uwifuza kuryinjiramo asabwa kuba akoresha urubuga rwa Instagram kandi ukurikirana Kigali Arena ndetse no kuba afite ifoto ari kumwe n’umukunzi we bifuza kurushinga hagati ya Nyakanga na Nzeri.

Uko bikorwa, urabanza ugakurikirana konti ya Kigali Arena kuri Instagram, ujya mu ishakiro ukandikamo ‘kigaliarenarw’ ukayikurikirana ukanda ahanditse ‘Follow’.

Iyo ibyo birangiye, ujya muri konti yawe ugashyiraho ifoto yawe n’umukunzi wawe muzarushinga, ukandika amazina yanyu, aho mutuye, ndetse n’inkuru ivuga ku rukundo rwanyu mu magambo make.

Warangiza kwandika ayo magambo ukongeraho iyi hashtag #WedAtKigaliArena ubundi ukabimenyesha Kigali Arena wandika @kigaliarenarw.

Umuyobozi wa QA Venue Solutions igenzura Kigali Arena, Kyle Schofield yavuze ko iyi nzu ifite ubushobozi buhagije bwo kwakira ibirori bitandukanye birimo n’ubukwe cyane ko ifite ahantu henshi yakwakirira abantu bitewe n’igikorwa bajemo kandi kubera ubunini bwaho, abahakorera ibirori babikora bizeye umutekano w’ubuzima bwabo cyane muri iki gihe cya Covid-19.

Yongeyeho ati “‘Couple’ izatsinda iri rushanwa izishimira umunsi wayo w’amateka mu birori byiza bizaba hakurikizwa amabwiriza yose kwirinda. Dutegerezanyije amatsiko menshi kwakira amafoto n’inkuru zitandukanye z’abakundana ndetse ikirenzeho kwakira ‘couple’ izatsinda irushanwa.”

Inzu ya Kigali Arena ifite ubushobozi bwo kwakira abantu 10.000, yaba abitabiriye ibitaramo by’abahanzi, ibirori byo kwiyakira, imikino, amarushanwa y’ubwiza, n’ibindi. Ndetse ni imwe mu nzu nke muri Afurika zubakitse mu buryo bugezweho mpuzamahanga.

Kuva yafungurwa ku mugaragaro muri Kanama 2019, imaze kwakira ibitaramo bitandukanye birimo n’icyakozwe n’umuhanzi w’icyamamare muri Leta Zunze Ubumwe za Amerika, Ne-Yo, ndetse yakira n’imikino ikomeye irimo imikino ya nyuma y’irushanwa ry’igikombe cya Afurika cya 2021 muri Basketball’ Afrobasket 2021’ ndetse n’Imikino y’irushanwa rya Basketball Africa League (BAL 2020).

Kigali Arena ubu igenzurwa n’ikigo cya QA Venue Solutions Rwanda, cyatsingiye isoko ryo kuyibyaza umusaruro mu gihe cy’imyaka irindwi.

Kigali Arena ifite ubushobozi bwo kwakira ibirori bitandukanye birimo n’ubukwe

Kigali Arena yatanze amahirwe ku bantu bakundana bazashyingirwa hagati ya Nyakanga na Nzeri, aho abazatsinda iri rushanwa bazakorera ubukwe muri iyi nyubako y’igitangaza ku buntu

Muri icyo gihe hari hakiri ibisigisigi bya Jenoside yakorewe Abatutsi mu 1994 ndetse n’intambara y’Abacengezi yo mu 1997/1998 yakurikiye, igashegesha by’umwihariko Amajyaruguru.

Bajeni Mpumuro iyo abara iyo nkuru yerekana ko byari ibihe bigoye ariko ku bufatanye bw’abaturage na Leta bihabwa umurongo muzima.

Uyu musaza wabaye Depite mu Nteko Ishinga Amategeko hagati ya 2003 na 2008, atuye mu Mudugudu wa Byimana, Akagari ka Ruhengeri mu Murenge wa Musanze. Yahaguze ikibanza mu 1999, atangira kuhubaka mu 2000.

Bajeni yubatse hafi ya ruhurura ya Rwebeya inyuramo amazi ava mu Birunga ariko icyo gihe yari ikibazo kuko itoroherezaga urujya n’uruza rw’abantu n’ibintu.

Nk’Intumwa ya Rubanda, Bajeni yakoze ubuvugizi asaba ko hakubakwa ikiraro kuri iyo ruhurura mu korohereza imigenderanire no gukemura ibibazo by’umutekano muke.

Yagize ati “Nta kiraro cyari gihari, yari imanga ikomeye ku buryo umuntu mukuru atamanukagamo n’uwanyuragamo yabaga afashwe n’umusore.’’

Mu gihe cy’imvura ho ntibyashobokaga kunyura kuri iki kiraro kuko ruhurura inyuramo amazi menshi ava mu Birunga.

Bajeni yatanze urugero rw’abagore bane b’i Gisenyi bari bafite abana babo yasanze babuze uko bacyambuka nyuma yo kuzura kubera amazi y’imvura, akabaha umwana ubaherekeza bajya kuzenguruka mu yindi nzira.

Ati “Numvise ngize umubabaro w’abaturage n’iki kiraro. Natangiye kugisaba mu buyobozi, hari mbere ya 2008. Uburyo bwagiye bushakishwa ndetse igihe kigeze haboneka igisubizo, bavuga ko bataduha ikiraro gusa ahubwo banaduha kaburimbo.’’

Depite Bajeni Mpumuro Emmanuel yashimye ubuyobozi burangajwe imbere na Perezida Kagame wumvise ubusabe bw’abaturage hakubakwa ruhurura ya Rwebeya n’umuhanda uhuza abatuye mu Kagari ka Ruhengeri

  Abakoresha inzira inyura kuri Rwebeya baranyuzwe

Ruhurura ya Rwebeya ireshya na metero 720 imanukana amazi kuva mu Kinigi ikayasuka mu Mugezi wa Mukungwa. Yubatswe mu cyiciro cya mbere cy’umushinga wo kubaka imihanda na ruhurura mu mijyi yunganira uwa Kigali.

Muri Musanze, hubatswe imihanda ya 4,577 Km yatwaye asaga miliyari enye na miliyoni 202 Frw na ruhurura ebyiri za metero 922 za miliyoni 949.9 Frw.

Bajeni yavuze ko kuri ubu ingendo zoroshye kuko abajya ku isoko, kwa muganga n’ahandi nta nkomyi bagihura nayo.

Ati “Nka nimugoroba, abajura bamburaga abagore n’abagabo bakirukira muri ruhurura bakabura. Ubu ibintu bimeze neza, ubujura bwaragabanutse kuko umuhanda ucaniwe kandi ari nyabagendwa. Iki cyabaye igisubizo ku baturage bakomeje kwishimira ubuyobozi bwa Perezida Kagame.’’

  Abegerejwe imihanda ubuzima bwabo bwarahindutse

Inyungu z’iyubakwa ry’imihanda na ruhurura zinashimangirwa n’abakoresha inzira y’aho yubatswe.

Ntakirutimana Jean d’Amour ukorera i Musanze yavuze ko akiri umumotari iyo imvura yagwaga, yawunyuragamo ahura n’icyondo cyinshi.

Ati “Hari igihe wabaga wiyambariye inkweto uri nk’umusirimu, imvura yagusangamo ugahindana. Ubu haba mu gihe cy’imvura no mu zuba turagenda.’’

Ntakirutimana Jean d’Amour atuye mu Byangabo ariko akorera mu Mujyi wa Musanze

Mukampirwa Antoinette ukorera ubucuruzi mu Mudugudu wa Giramahoro mu Murenge wa Muhoza ni umwe mu bungukiye muri ibi bikorwa remezo.

Ati “Maze hano amezi icyenda ariko nkihaza umuhanda ntiwari umeze neza, waranguraga ibintu bikuzura ivumbi kuko ducuruza inyanya n’imboga. Rimwe wabanzaga kubyoza, bigatwara umwanya. Ubu ni yo uzanye ibicuruzwa, ubwikorezi bwabyo buroroha.’’

Mukampirwa Antoinette ukorera ubucuruzi mu Mudugudu wa Giramahoro mu Murenge wa Muhoza muri Musanze yavuze ko ubucuruzi bwabo bugenda neza nyuma yo kubakirwa umuhanda mushya

  Imihanda mishya ihanzwe amaso mu kureshya abakerarugendo

Umuyobozi w’Akarere ka Musanze, Nuwumuremyi Jeannine, yasobanuye ko imihanda ari ubuzima kuko ituma habaho ubuhahirane, isuku n’iterambere.

Ati “Mu Karere kacu haba imvura nyinshi, iyo amazi abaye menshi, akajya mu baturage nta nzira afite iyo ayishakiye biba bibi. Kubona ibiraro bikomeye bituma twambuka n’imihahiranire iba myiza, bidufitiye akamaro gakomeye mu bijyanye n’ibidukikije.’’

Yavuze ko imihanda ari inzira nyabagendwa ituma haboneka umutekano, ubucuruzi bukiyongera bigatuma n’abagenda umujyi batikandagira.

Ati “Abaza gusura umujyi wacu bashobora gutembera mu mutuzo no mu mudendezo. Ibirunga ni byo bituma haza abakerarugendo benshi, iyo hari imihanda baratembera, bakaharara bwacya bakahirirwa.’’

Nubwo bikiri mu mishinga ariko haratekerezwa uko ba mukerarugendo bavuye mu Birunga gusura ingagi bajya bagira amahitamo menshi y’aho gutemberera.

Ati “Intego y’Akarere ka Musanze ni uko umukerarugendo aza yari afite umunsi umwe, akahamara itatu kubera ko yabonye ahandi hantu ashobora kujya gutemberera. Iyo hari ibikorwa remezo by’imihanda, aravuga ati ‘reka nyure hano njye kureba’. No kubona imiturire, iterambere ry’abaturage na bwo ni ubukerarugendo. Hari coffee shop nshya zavutse ku buryo uvuye mu Birunga avuga ati reka nyure ku Rusagara, ku Ibereshi,…’’

Yavuze ko ishoramari ryavutse rijyanye n’ubucuruzi ndetse n’agaciro k’ubutaka karazamutse kuko usanga nk’uwari ufite inzu ya miliyoni 10, uba arazamura iya miliyoni 100 Frw.

Mu cyiciro cya kabiri cy’iyubakwa ry’imihanda i Musanze hakozwe ireshya na 6.428 Km, ikaba igeze ku gipimo cya 94.2%.

  Mu 2018 ubwo hakorwaga imirimo ya nyuma yo kubaka ruhurura ya Rwebeya

Amazi ava mu Kinigi yaciriwe inzira azajya anyuramo

Hubatswe ikiraro gihuza abaturage bo mu Kagari ka Ruhengeri mu Murenge wa Muhoza

Ruhurura ya Rwebeya yakemuye ikibazo cy’abahitanwaga, bakanasenyerwa n’amazi ava mu Birunga

Rwebeya ireshya na metero 720 imanukana amazi kuva mu Kinigi ikayasuka mu Mugezi wa Mukungwa

Abaturiye n’abakoresha umuhanda w’ahubatswe ruhurura ya Rwebeya barasubijwe

Mu kubaka ruhurura ya Rwebeya hari icyobo cyatabwe hakoreshejwe imifuka 900 ya sima

Iyubakwa rya ruhurura ya Rwebeya rifatwa nk’igisubizo ku baturage n’intambwe yerekana ko abaturage bazirikanwa n’ubuyobozi

Ibibazo byatezwaga n’amazi anyura muri iyi ruhurura byabaye amateka nyuma yo kuyubaka bigezweho

Iyi ruhurura izakomeza kubakwa kuko mu cyiciro cya gatatu cy’uyu mushinga hazubakwa ikindi kilometero kimwe

Mbere muri iyi ruhurura hari abibaga abagenzi bagahita bayirohamo, bakaburirwa irengero. Ubu ni bumwe mu buryo bwifashishijwe mu kubungabunga ibidukikije

Umuyobozi w’Akarere ka Musanze, Nuwumuremyi Jeannine, yasobanuye ko umujyi uri kwiyubaka kugira ngo ukomeze kugana ku rwego rw’iyunganira Kigali. Yavuze ko imihanda ituma haboneka umutekano, ubucuruzi bukiyongera bigatuma n’abatembera umujyi batikandagira

Indi mihanda yubatswe mu myaka ishize yatangiye kubyara umusaruro

Imibare yo mu 2018 yerekana ko mbere y’umushinga watewe inkunga na Banki y’Isi muri Musanze hari imihanda ya kaburimbo ireshya n’ibilometero 72Imibare yo mu 2018 yerekana ko mbere y’umushinga watewe inkunga na Banki y’Isi muri Musanze hari imihanda ya kaburimbo ireshya n’ibilometero 72

Mu cyiciro cya mbere cy’uyu mushinga i Musanze hubatswe imihanda y’ibilometero 4 na metero 577, yatwaye asaga miliyari enye na miliyoni 202 Frw

Abatuye mu Mujyi wa Musanze bubakiwe imihanda yoroheje uburyo bw’ingendo bakora mu bice bitandukanye

Imihanda myinshi ni nyabagendwa, yatangiye kubyazwa umusaruro

Iyo biba umuhanda w’igitaka, gutwara ibi bitoki byari kuba ingorabahizi

Ingendo ziganjemo iz’amaguru zarushijeho kuborohera

Hari aho usanga amagare akoreshwa mu ngendo zitandukanye

Haracyari kubakwa imihanda mishya mu cyiciro cya kabiri

Hari imihanda ikiri kubakwa mu cyiciro cya kabiri cy’uyu mushinga watewe inkunga na Banki y’Isi na Guverinoma y’u Rwanda

N’abanyeshuri bashyizwe igorora kuko ubu bajya kwiga banyuze mu mihanda ikenkemuye

I Musanze mu cyiciro cya gatatu hazubakwa ibice bitandukanye ahazubakwa imihanda irimo uhuza ujya muri Rubavu n’ugana Nyakinama. Hazibandwa cyane ku hari guturwa cyane n’ahakenewe ibikorwa remezo hamaze guturwa

Imihanda mishya ifatwa nk’iturufu izajya ituma abakerarugendo babona ahantu henshi ho gusura nyuma yo kuva mu Birunga ahabarizwa ingagi zikundwa na benshi

Mu duce tumwe na tumwe tw’i Musanze haracyubakwa imihanda mishya mu gukomeza kubaka uyu mujyi nk’umwe mu yunganira Kigali

Mu kubaka imihanda hanibandwa cyane ku nzira z’amazi kugira ngo itazahita yangirika

Muri aka gace ni mu Kizungu, ahazubakwa imihanda mishya mu cyiciro cya gatatu cy’umushinga wo gukwirakwiza imihanda mu mijyi yunganira uwa Kigali

Amafoto: Niyonzima Moïse

Mu gitondo cyo kuri uyu wa Gatatu tariki ya 9 Kamena, Polisi y’u Rwanda yagiranye ibiganiro n’abakorera mu bice bitandukanye mu Karere ka Nyarugenge mu Mujyi wa Kigali.

Yari iyobowe n’Umuyobozi w’Ishami rya Polisi rishinzwe ibikorwa n’ituze rusange, CP George Rumanzi. Yari kumwe n’Umuyobozi wa Polisi mu Mujyi wa Kigali, ACP Felly Bahizi Rutagerura n’Umuyobozi w’ishami rishinzwe kurwanya ubucuruzi bwa magendu n’ibindi byaha, ACP Toussaint Muzezayo.

CP Rumanzi yagaragarije aba bacuruzi ko muri iki gihe mu Mujyi wa Kigali hakomeje kugaragara abantu biba ibikoresho mu ngo z’abaturage cyangwa rimwe na rimwe bakabyiba mu maduka.

Ni ibikoresho byiganjemo za televiziyo (Flat Screen), mudasobwa ngendanwa (Laptops), telefoni na za frigo.

CP Rumanzi yavuze ko mu iperereza rigenda rikorwa kuri ubwo bujura byagaragaye ko abiba ibyo bintu babizanira bariya bacuruzi bakabibagurira ku mafaranga make. Yabibukije ko ibi ari ubufatanyacyaha mu bujura, abasaba kujya babyitondera.

Ati “Hari abantu dufata bibye ibintu mu baturage byiganjemo biriya by’ikoranabuhanga bakabibazanira mukabigura. Ni ubufatanyacyaha, mujye mubabaza aho byaturutse, mumenye uwo muntu ubizanye umwirondoro we muwandike, mumenye aho akorera, aho yaturutse kugira ngo nubifatanwa uzamugaragaze akurikiranwe.”

CP Rumanzi yatanze umuburo ko Polisi y’u Rwanda itazihanganira ko abaturarwanda bakomeza gutaka bavuga ko barimo kwibwa imitungo yabo ndetse bamwe bakahakomerekera abandi bakahaburira ubuzima kubera abo bajura. Yasabye abo bacuruzi gufatanya na Polisi bakarwanya ubwo bujura.

Ati “Mutekereze ko uwo bibye aba yasigaye ababaye cyangwa yanapfuye. Polisi y’u Rwanda ntizihanganira abajura n’ababafasha, ntituzakomeza kwihanganira amarira y’abaturarwanda barira bibwe, ucuruza acuruze mu mahoro ariko n’abiba mutange amakuru bafatwe.”

Umuyobozi wa Polisi mu Mujyi wa Kigali, ACP Felly Bahizi Rutagerura, yagaragarije abari bitabiriye inama ko abajura barimo kwibasira abanyamahanga baba mu Rwanda bagamije kwangiza isura y’u Rwanda. Yavuze ko abagura biriya bijurano aribo babi kuko bababera isoko bagakomeza kwiba.

Ati “Bariya bajura bariba abantu bose ariko cyane cyane abanyamahanga kuko bo baba barabwiwe ko mu Rwanda hari umutekano usesuye ugasanga nta bwirizi na buto bakoreye imitungo yabo. Mwebwe rero turabasaba kugira ubunyangamugayo no gukunda Igihugu mukajya mugaragaza bariya babazanira ibintu ngo mubigure. Ababigura nibo babi kuko nibo soko ryabo, abajura badafite ababigura babireka.”

Yabibukije ko itegeko nº68/2018 ryo ku wa 30/08/2018 riteganya ibyaha n’ibihano muri rusange Ingingo ya 84 ivuga ko Umufatanyacyaha ahanwa nk’uwakoze icyaha.

Imwe mu nama ACP Rutagerrura yagiriye abitabiriye inama ni uko bakwibumbira mu makoperative kuko bizabafasha guca akajagari bakagira amategeko abahuza kandi bakarushaho kumenyana bityo bakajya babasha gufata abajura babinjiramo.

Abitabiriye ibiganiro bishimiye inama bagiriwe na Polisi y’u Rwanda bavuga ko iyi nama yari ikenewe. Bavuze ko ibyo Polisi ivuga ari ukuri kuko bamwe muri bo bajya bagura ibyibano bazaniwe n’abajura.

Uwitwa Tandimwebwa Danallo akorera mu Mujyi wa Kigali mu Karere ka Nyarugenge aho bita ku iposita, akora ibikoresho by’ikoranabuhanga byapfuye.

Yagize ati “Icya mbere tugiye kurushaho gukorana na Polisi y’u Rwanda cyane cyane mu guhana amakuru kugira ngo umuntu uje kugurisha ikintu kitari icye afatwe akurikiranwe.”

Havugimana Narcisse akorera ahitwa Kazi ni Kazi mu Karere ka Nyarugenge acuruza ibikoresho byakoze, yashimye kuba Polisi yabanje guhuza abacuruza ibikoresho byakoze. Yavuze ko igitekerezo cyo kwibumbira mu makoperative ari ingenzi mu kurwanya abajura bagenda bagurisha ibikoresho byakoze by’ibyibano.

Ari Havugimana na Tandimweba baremera ko hari bamwe muri bagenzi babo bajyaga bagura ibikoresho byibwe ndetse nyuma bakaza kubifatanwa umujura yagiye. Bavuga ko hari bimwe mu bikoresho byoroshye gutahura ko uje kubigurisha atari ibye nka Telefoni na za mudasobwa kubera amakuru aba arimo. Bavuga ko nk’umuntu uzajya uzana Televiziyo, Radio, Frigo n’ibindi bitagaragaza amakuru bazajya babanza kubaza uwabizanye inyemezabwishyu yabiguriyeho utayifite bamwake imyirondoro ye yose kugze ku mudugudu atuyemo.

Polisi y’u Rwanda ivuga ko kuva muri Werurwe 2021 kugeza muri Gicurasi mu Mujyi wa Kigali hamaze kwibwa ibikoresho by’ikoranabuhanga 774. Byiganjemo amatelefoni, mudasobwa na Televiziyo za rutura. Akarere ka Gasabo kaza ku isonga kuko muri ayo mezi atatu hamaze kwibwa ibintu 387, hakurikiraho Akarere ka Nyarugenge kibwe ibintu 214 naho Akarere ka Kicukiro kibwe ibintu 173.

Polisi y’u Rwanda yagiranye inama n’abantu bakora ubucuruzi bw’ibikoresho byakozwe biba byiganjemo ibyibano

Rusesabagina Paul, akurikiranywe n’Urukiko Rukuru, Urugereko Rwihariye Ruburanisha Ibyaha Mpuzamahanga n’Ibyambuka Imbibi, ku byaha bifitanye isano n’ibitero byagabwe n’abarwanyi b’umutwe yashinze wa MRCD-FLN, byaguyemo Abanyarwanda mu bihe bitandukanye.

Umuryango wa Rusesabagina wifashishije imbuga nkoranyambaga n’ibinyamakuru birimo The New York Times, bamaze iminsi batangaza ko Rusesabagina yamenyesheje umuryango we ko agiye guhagarikirwa ibiribwa, amazi n’imiti yahabwaga.

Ikinyamakuru KSAT 12 News cyo muri Amerika cyatangaje ko cyavuganye n’ubuyobozi bwa Minisiteri y’Ububanyi n’Amahanga y’iki gihugu, bugatangaza ko Rusesabagina akomeje guhabwa ibyo kurya, amazi n’ubuvuzi.

Mu butumwa iki kinyamakuru cyahawe bwavugaga ko amakuru yatanzwe na Ambasade ya Amerika mu Rwanda, avuga ko habayeho ibiganiro n’ubuyobozi bw’u Rwanda, Abahagarariye u Bubiligi mu Rwanda ndetse n’Abunganira Rusesabagina mu mategeko.

Bukomeza bugira buti “Bose bavuze ko Rusesabagina akomeje guhabwa ibyo kurya, amazi ndetse n’ubuvuzi.”

“Minisiteri y’Ububanyi n’Amahanga izakomeza gukurikiranira hafi iki kibazo no gukorera ubuvugizi ku buzima bwa Rusesabagina mu nzego zo hejuru za Guverinoma y’u Rwanda.”

Urwego rw’Igihugu rushinzwe Imfungwa n’Abagororwa, RCS, ruherutse gutangaza ko Rusesabagina atigeze yimwa ibiribwa cyangwa imiti.

Mu butumwa RCS yanyujije kuri Twitter ku wa 5 Kamena 2021, yagize iti “Urwego rushinzwe amagereza mu Rwanda rufata imfungwa n’abagororwa bose kimwe kandi rwita ku bakenewe kwitabwaho byihariye. Ku kibazo cya Rusesabagina Paul, ubwo yoherezwaga muri Gereza ya Nyarugenge yahawe icyumba cyihariye n’amafunguro yihariye.”

“Mu minsi ishize yashyizwe mu cyumba rusange kirimo n’izindi mfungwa nyuma yo kwinubira icyo yise ‘gufungirwa mu kato’, ibintu bitaba mu magereza yo mu Rwanda. Kuri ubu ahabwa ifunguro rimwe nk’iry’izindi mfungwa kandi abonana na muganga igihe cyose abikeneye nkuko byari bimeze na mbere.”

Ni ibintu byashimangiwe n’Umuvugizi wa RCS, SSP Gakwaya Pelly Uwera, mu kiganiro yagiranye na RBA kuri uyu wa Kabiri, aho yavuze ko muri rusange abari muri gereza zo mu Rwanda bafatwa kimwe kandi na Rusesabagina ahabwa uburenganzira bwose yemererwa n’itegeko.

Amerika yatangaje ko Rusesabagina afashwe neza muri gereza