Tag: featured

Ubu bukangurambaga bugamije kubakangurira gukomeza gushyira mu bikorwa ingamba zashyizweho na Leta zigamije kurwanya no gukumira ikwirakwira rya Covid-19, Polisi y’u Rwanda ikabibutsa ko kuzikurikiza ari inshingano za buri muturarwanda.

Intego y’ubu bukangurambaga ni ukongera kwibutsa abakoresha umuhanda barimo abatwara imodoka, amapikipiki, abatwara ibinyamitende n’abagenda n’amaguru kwambara neza agapfukamunwa nk’uko bikwiye, gukaraba intoki n’isabune n’amazi meza, kugera mu rugo ku masaha yagenwe, kubahiriza guhana intera batwara abagenzi batarenza 50% mu modoka za rusange zitwara abagenzi ndetse n’abatwara imodoka zabo ku giti cyabo bakubahiriza amabwiriza yose ajyanye no kwirinda no kurwanya ikwirakwira rya Covid-19.

Ubu bukangurambaga bwatangiriye ahantu hatandukanye mu Mujyi wa Kigali aho Assistant Commissioner of Police (ACP) Teddy Ruyenzi umuyobozi wungirije ushinzwe imiyoborere muri iri shami rya Polisi rishinzwe umutekano wo mu muhanda yabutangirije mu Karere ka Nyarugenge mu Murenge wa Muhima ahazwi nko kuri Yamaha,yakanguriye abakoresha umuhanda kubahiriza amabwiriza yose ajyanye no kwirinda no kurwanya ikwirakwira rya Covid-19.

ACP Ruyenzi aganira n’itangazamakuru yarisobanuriye ko ikigamijwe muri ubu bukangurambaga ari ukwibutsa abakoresha umuhanda ko kubahiriza amabwiriza yo kwirinda no kurwanya Covid-19 ari inshingano zabo.

Yagize ati “Ni inshingano y’umushoferi ndetse n’undi wese utwaye ikinyabiziga kureba ko uwo atwaye yambaye agapfukamunwa, hashize iminsi tubona ko abantu bakoresha umuhanda basa naho bari baradohotse ku mabwiriza, yego bamwe turabafata tukabahana ariko ni na ngombwa ko dukora ubu bukangurambaga tubibutsa ko kubahiriza aya mabwiriza bibareba.”

ACP Ruyenzi yakanguriye abamotari ko mbere yo guha umugenzi ingofero yabugenewe bajya babanza kumubwira akambara agatambaro mu mutwe nabo bagatera umuti iyo ngofero kugira ngo bice mikorobe kandi aho bari hose bagahorana uwo muti (hand sanitizer), yabibukije ko mugihe bahagaze bategereje abagenzi bagomba guparika bahanye intera.

Yakomeje abwira abatwara ibinyabiziga ko umuntu wese urenze kuri aya mabwiriza yo kwirinda no kurwanya ikwirakwira rya Covid-19 acibwa amande angana n’amafaranga y’u Rwanda ibihumbi 25,000frw n’ikinyabiziga cye kigafungwa iminsi itanu.

Ngarambe Ildephonse umushoferi utwara abagenzi mu Mujyi wa Kigali mu modoka za rusange rusange yavuze ko mbere y’uko ahagurutsa imodoka abanza kugenzura ko abagenzi atwaye bubahirije amabwiriza arimo kwambara agapfukamunwa neza ndetse banahanye intera, ubyanze akamusohora.

Ngendahimana Emmanuel umugenzi ku maguru waruturutse Rwandex yerekeza mu Mujyi yavuze ko ingamba akoresha mu kurwanya ikwirakwira rya Covid-19 yambara agapfukamunwa neza, agakaraba kenshi n’isabune n’amazi meza yajya gufata ikinyabiziga yaba adafite umuti wabugenewe akabanza kujya gukaraba, yagiriye inama abagenzi muri rusange ko kugira ngo tubashe guhashya iki cyorezo cya Covid-19 abantu bakwiye kubigiramo uruhare bakurikiza amabwiriza yose uko yashyizweho kubera ko iki cyorezo kitacika tudafashe iya mbere mu kwirinda.

Ubukangurambaga bwabereye ahantu hatandukanye mu turere tugize Umujyi wa Kigali bukaba buzamara icyumweru, aho abapolisi bashinzwe umutekano wo mu muhanda bazakomeza gukangurira abakoresha umuhanda kurwanya ikwirakwira rya Covid-19.

Ni inkuru dukesha Polisi y’u Rwanda

Ibipurizo birimo umwuka wa gaz bihambiriyeho utundi duturika duto ni byo aba barwanyi barimo gukoresha mu guteza inkongi ku butaka bwa Israel

Muri iki cyumweru Leta ya Israel yongeye gukoresha indege kabuhariwe z’urugamba mu kugaba ibindi bitero ku birindiro by’umutwe wa Hamas mu gace ka Khan Younis mu Karere ka Gaza muri Palestine.

Israel yatangaje ko yagabye igitero gikomeye kuri Hamas nyuma y’uko ibipurizo bihazemo umwuka uturika wa gaz binahambiriyeho utuntu duto duturika birashwe mu kirere cyayo, bivuye muri Gaza.

Ikomeza ivuga ko abarwanyi bubuye aya mayeri nyuma y’aho intwaro zabo ntacyo ziri kubafasha kuko ibisasu bya misile byabo barwanyi bikomeye byagiye bisandarira mu kirere bikaburizwamo n’ikoranabuhanga ry’igisirikare cya Isreal (IDF), ntacyo birangiza.

Ubu buryo bw’ibipurizo ngo buri guteza inkongi mu mirima y’ Abanyasiraheli bigatwika imyaka ndetse bugateza n’izindi nkongi nyinshi ku gice gihana imbibi na Gaza.

Ibi ni ibitero bishya bije nyuma y’aho ku itariki ya 21 Gicurasi impande zombi zemeranyije guhagarika imirwano no guhana agahenge, nyuma y’intambara yashyamiranyije impande zombi yamaze iminsi 11.

Ntiharamenyakana abandi basivile bashya baguye n’abakomerekeye muri iki gitero ariko igisirikare cya Israel kivuga ko inkongi zatewe n’aba barwanyi zose hamwe ari 20 ariko zateje ibikomere bidakomeye ku baturage bake bageragezaga guhangana no kuzimya kuko batewe batunguwe.

Yeruzalemu, umujyi umaze imyaka irenga ibihumbi bitanu ubayeho ni wo zingiro ry’amakimbirane kuko ari agace karwanirwa n’impande zombi.

Ibi bipurizo bibanza kuzuzwamo umwuka wa Gaz

Mu butumwa umutwe wa Hamas watangaje binyuze ku muvugizi wayo, wavuze ko ukangurira abaturage ba Palestinea gukomeza kwirwanaho mu cyo wise ubutwari bwo gutsimbarara ku rugamba no guharanira uburenganzira bwabo ku mujyi wa Yeluzaremu bafata nk’ubutaka butagatifu bwabo cyane cyane agace k’Iburasirazuba.

Babivuze mu gihe Israel yiteguraga kwizihiza umunsi ngarukamwaka bafatiyeho Yeluzaremu, by’umwihariko aka gace k’Iburasirazuba Abayahudi na bo bafata nk’umujyi mutagatifu w’abakurambere babo bari baranyazwe bakaza kongera kuwigarurira mu ntambara idasanzwe yo mu Burasirazuba bwo hagati mu mwaka wa 1967.

Ku wa Kane w’icyumweru gishize nibwo uyu munsi wagomba kwizihizwa n’Abayahudi ariko igipolisi kiza kuwusubika bitewe n’uko byari guteza imirwano kuko umuhanda mugari bakoresha mu mutambagiro mutagatifu wa Yeruzalemu, unyura mu bice bituwe cyane n’abarabu hakiyongeraho ko banahafite umusigiti ukomeye wa Al AQsa. Bavuga ko guhomba ako gace ari uguhomba uwo musigiti bafata nk’umutagatifu, ari na byo byabaye intandaro y’imirwano ikomeye yo mu kwezi gushize.

Uyu munsi w’Abayahudi waje kongera gusubukurwa na Guverinoma nshya ku wa Kabiri, ariko Minisitiri ushinzwe ububanyi n’amahanga Yair Lapid yanenze abo ku ruhande rwa Isreal yise intagondwa zikomeje kugaragaza amagambo y’urwango n’irondaruhu muri uyu mutambagiro agira ati : Birababaje! Muri twe harimo abafite imyitwarire mibi. Ni gute umuntu afata ibendera ry’igihugu akagenda aririmba ngo urupfu ku barabu, turabihakanye ntabwo twifuza kubiba irondaruhu.

Abayahudi mu mutambagiro baririmba urupfu ku barabu

Muri iki gikorwa cyabaye, Polisi yatangaje ko Abanyepalestina 30 bakomeretse abandi 20 barafungwa mu rwego rwo guharura amayira y’Abayahudi ubwo bari muri uyu mutambagiro.

Mu mwaka wa 2017 nibwo Leta zunze Ubumwe za Amerika zemeje ku mugaragaro ko zishyigikiye iyimurwa ry’umurwa mukuru wa Israel, ukareka kuba Tel Aviv ugahinduka Yeruzalemu ndetse ihita ifata iya mbere mu kwimurirayo Ambassade ya Amerika, n’ibindi bihugu birakurikira. Icyakora kugeza magingo aya Abanyepalestina ntibaremera ko bahebye ubu butaka, ari yo ntandaro yo gushyamirana.

Ibi biganiro byafunguwe na Minisitiri w’Ubutabera, Johnston Busingye kuri uyu wa 17 Kamena, mu Ishuri Rikuru rya Polisi.

Minisitiri Busingye yasabye ababyitabiriye gutekereza nk’urwego rufata ibyemezo ku bisubizo by’ibibazo bitera umutekano muke mu gihugu.

Yagize ati “Isi ihura n’ibibazo byinshi bitandukanye harimo amakimbirane ashingiye ku moko, intambara, ibyaha byambukiranya imipaka, ibyorezo, ibiza, gukoresha intwaro n’ibindi.”

“Byagaragaye ko kugira ngo ukemure ikibazo cy’umutekano mu buryo bunoze bisaba ko bihera mu bantu bashinzwe umutekano bafite ubuhanga n’ubumenyi ndetse bumva neza ibibazo by’umutekano mu gihugu, mu karere ndetse no ku isi.”

Umuyobozi w’Ishuri Rikuru rya Polisi y’u Rwanda, CP Christophe Bizimungu yavuze ko uyu ari umwanya wo kuganira ku ngingo zitandukanye hifashishijwe abahanga n’inararibonye mu masomo baba barahawe.

Yagize ati “Ibi biganiro biba bigamije kwagura ubumenyi burenze ku bwo baba barahawe mu ishuri.”

Ibi biganiro bihuje abantu 100 barimo 32 bari gukurikirana amasomo mu Ishuri Rikuru rya Polisi biganjemo abapolisi bakuru n’abanyeshuri 22 baturutse mu Ishuri Rikuru ry’Amategeko ry’u Rwanda n’impuguke mu bumenyi butandukanye.

Ibiganiro byitabiriwe n’abofisiye muri Polisi y’u Rwanda n’abo mu zindi nzego

Minisitiri w’Ubutabera, Johnston Busingye afungura ibiganiro

Umuyobozi w’Ishuri Rikuru rya Polisi y’u Rwanda, CP Christophe Bizimungu

Ibi yabivuze kuri uyu wa Gatatu tariki ya 16 Kanama 2021, ku cyicaro cya Kaminuza y’u Rwanda i Gikondo ubwo hamurikwaga ku mugaragaro ubufatanye hagati ya Kaminuza y’u Rwanda na JICA.

Atangiza ku mugaragaro ubu bufatanye, Minisitiri w’Uburezi mu Rwanda, Dr. Uwamariya Valentine, yavuze ko iyi gahunda izafasha u Rwanda kwigira ku mateka y’u Buyapani bwabashije gutera imbere kandi budataye umuco wabwo.

Ati “Aya masomo yihariye azadufasha kwigira ku buryo u Buyapani bwateye imbere butirengagije n’umuco wabwo. Bamaze imyaka irenga ijana bateye imbere kandi uko gutera imbere ntibigeze batakaza umwimerere w’umuco n’indangagaciro z’abanyagihugu. Bazigisha abarimu n’abanyeshuri bacu muri Kaminuza y’u Rwanda uko bo babigenje, ibi ni mu rwego rwo kugira ngo tubigireho, bityo natwe tubashe kwihutisha iterambere ry’igihugu cyacu”.

Minisitiri Uwamariya asanga ari uburyo bwiza bwo kwigira ku byiza abandi bagezeho kandi udatakaje indangagaciro n’umuco by’igihugu nk’uko u Buyapani bwabikoze.

Umuyobozi wa JICA, Dr. KITAOKA Shinichi, mu butumwa yanyujije muri mashusho yerekanywe, yavuze ko ubu bufatanye ari imbuto zavuye mu biganiro by’u Rwanda n’u Buyapani, ibihugu bihuje amateka.

Yagize ati “Imyaka 27 irashize mu Rwanda habaye amahano navuga ko ari isomo rikomeye u Rwanda rwize, tutiyibagije ibyabaye iwacu Hiroshima na Nagasaki. Ibi bikwiye kudufasha gukomeza guteza imbere ubukungu bw’abenegihugu kandi twishyize hamwe, ubwo nasuraga bwa mbere u Rwanda mu 2011 nabonye uburyo u Rwanda rusa neza n’umujyi ufite isuku, binyereka ko hari ikintu cyakozwe.”

“Ubwo Perezida Paul Kagame yasuraga u Buyapani twarahuye nibwo twaganiriye kuri ubu bufatanye bwa JICA Chair Program, nshimiye Amb. Charles Muligande wagize uruhare mu kugirango ubu bufatanye burusheho kunononsorwa”.

Hifashishijwe ikoranabuhanga Ambasaderi w’u Rwanda mu Buyapani, Amb. Rwamucyo Ernest, yavuze ko hari byinshi u Rwanda ruzigira muri iyi gahunda y’amasomo azatangwa na JICA.

Ati “urwego rw’ubukungu rw’u Buyapani rwateye imbere, u Rwanda tuzarwigiraho byinshi harimo uburyo babigezeho. Bizadufasha guhanahana ubumenyi hagati ya za Kaminuza zo mu Buyapani na Kaminuza y’u Rwanda, bateye imbere mu bijyanye n’inganda ndetse n’ikoranabuhanga ibintu dukwiye kwigiraho no kumenya ibanga bakoresheje”.

Ambasaderi w’u Buyapani mu Rwanda, IMAI Masahiro, asanga ibihugu byose bizungukira muri ubu bufatanye kuko hari byinshi ibi bihugu byombi bihuriyeho, yongeraho ko u Rwanda ari umufatanyabikorwa mwiza w’u Buyapani.

Umuyobozi wa Kaminuza y’u Rwanda, Prof Alexandre Lyambabaje asanga ubu bufatanye ari amahirwe akomeye babonye.

Ati “aya ni amahirwe akomeye, urebye uburyo u Buyapani bwashegeshwe n’intambara ya kabiri y’Isi yose ariko bukabasha kuzahura urwego rw’ubukungu, ibi tuzabasha kubyigiraho uko babigenje kugira ngo natwe tubishyire mu bikorwa, ibyo tuziga bizarenga imbibi za Kaminuza y’u Rwanda bigere no ku bandi banyarwanda”.

Ubu bufatanye bwa Kaminuza y’u Rwanda na JICA bwatangijwe ku mugaragaro kuri uyu wa Gatatu tariki ya 16 Kanama 2021, buba bwarashyizwe ahagaragara mu mwaka 2020 ukwezi kwa Gatatu, ariko buza gukomwa mu nkokora n’icyorezo cya Covid-19, isomo rya mbere biteganyijwe ko rizigishwa tariki ya 30 Kanama 2021, rikazagaruka ku iterambere ry’ubukungu muri Aziya na Afurika, amwe mu masomo akazajya atangwa hifashishijwe ikoranabuhanga n’impuguke zo mu Buyapani.

Abayobozi ku mpande zombi nyuma yo kumurika ku mugaragaro ubufatanye hagati ya Kaminuza y’u Rwanda na JICA

Dr Charles Muligande yashimwe kuba yaragize uruhare mu kunononsora iyi gahunda y’amasomo azatangwa na JICA

Ambasaderi Rwamucyo asanga kuba inganda n’ikoranabuhanga byarateye imbere mu Buyapani aribyo kwigiraho

Ambasaderi w u Buyapani mu Rwanda IMAI Masahiro asanga u Rwanda ari umufatanyabikorwa mwiza

Dr Valentine Uwamariya asanga u Rwanda ruzigira ku ibanga u Buyapani bwakoresheje bugatera imbere budataye umuco wabwo

JICA na Kaminuza y’u Rwanda batangije ku mugaragaro ubufatanye bwo kwigisha amasomo ajyanye n’ubukungu politike n’uburyo u Buyapani bwateye imbere

MARUO Shin ahagarariye JICA mu rwanda nawe yari muri uyu muhango

Prof Alexandre Lyambabaje umuyobozi wa Kaminuza y’u Rwanda asanga aya masomo agomba kurenga imbibi za Kaminuza akagera no mu bandi banyarwanda

Igikorwa cyo gushakisha iyi mibiri cyatangiye ku wa Mbere tariki ya 14 kikaba cyarangiye kuri uyu wa Kane tariki ya 17 Kamena 2021, biturutse ku makuru yatanzwe n’abaturage bo muri uyu murenge.

Iyi mibiri y’abarokotse Jenoside yakorewe Abatutsi mu 1994 ibonetse nyuma y’aho abatuye muri ako gace bagiye bagaragaza ko hiciwe abantu ariko ntibihabwe agaciro.

Iki gikorwa cyarangiye hatari habasha kumenyekana umubare nyawo w’imibiri y’abazize jenoside bajugunywe muri iki cyobo bitewe n’uko iyagaragaye yari yarangiritse mu buryo bukomeye.

Abarokotse Jenoside babwiye IGIHE ko bishimiye ko babonye imibiri y’ababo gusa baboneraho gusaba abafite amakuru y’ahiciwe abatutsi kuyatanga kugira ngo bashyingurwe mu cyubahiro.

Umupfasoni Anitha yavuze ko mu 1994 hafi y’umurenge wa Rwezamenyo no kuri Sitasiyo ya Polisi hiciwe abatutsi benshi bitewe n’uko hari bariyeri nyinshi.

Ati “ Hano Rwezamenyo hari bariyeri nyinshi, ntabwo warengaga iminota ibiri utarenze bariyeri. Hano ku Murenge wa Rwezamenyo na hano kuri burigade hari bariyeri, no kuri uyu muhanda zigiye zikurikiranye ndetse n’aha kuri Union Bar, ubwo rero nta gushidikanya iyo twumvise ko hari imibiri dushira agahinda.”

Rwego Yusuf, umuyobozi wa Ibuka mu Murenge wa Rwezamenyo we yabwiye IGIHE ko hagaragaye amasasu muri iki cyobo n’imibiri myinshi n’ubwo yirinze gutangaza umubare w’iyabonetse bitewe n’uko iyagaragaye yari yangiritse cyane.

Yashimangiye ko iyi gahunda izakomereza mu bindi bice by’uyu murenge aho bahawe amakuru y’ahiciwe abatutsi muri Jenoside.

Muri iki cyobo habonetse imibiri myinshi yajugunywemo abazize jenoside yakorewe Abatutsi

Ubukangurambaga bwatangijwe na Polisi y’Igihugu buzamara icyumweru, aho bari kugenzura niba koko abatwaye ibinyabiziga bari kwibuka kubahiriza amabwiriza yo kwirinda Covid-19 arimo ko imidoka zitwara abantu mu buryo bwa rusange zitagomba kurenza 50%, kwambara neza agapfukamunwa ndetse no guhana intera.

Umuyobozi ushinzwe imiyoborere mu ishami rya Polisi rishinzwe umutekano wo mu muhanda, ACP Teddy Ruyenzi yavuze ko impamvu zo gutegura ubu bukangurambaga ari ukurushaho gushishikariza abakoresha umuhanda guhagurukira icyorezo cya Covid-19 kuko cyongeye gukaza umurego.

Ati “Twayitangiye uyu munsi kandi izakomeza. Twashyizemo imbaraga kugira ngo abakoresha umuhanda bongere kwibuka ko ari inshingano zabo gukomeza kubahiriza ibyemezo n’ingamba zafashwe mu kwirinda icyorezo cya Covid-19.”

“Tumaze igihe ku mihanda, aho duhagaze tubona ko abantu batabyubahiriza ugasanga abagenzi ntabwo bambaye neza udupfukamunwa, abandi batatwambaye niyo mpamvu twavuze ngo reka dutangize izi nyigisho zijyanirane n’ibihano basanzwe babona noneho turebe ko abantu bose babyubahiriza.”

ACP Ruyenzi yavuze ko abakoresha umuhanda by’umwihariko abatwara ibinyabiziga bakwiye kumva ko ari inshingano zabo kwambara neza agapfukamunwa ndetse no kwibutsa abo batwaye kukambara neza, kuko iyo basanze utwawe atakambaye bibazwa umuyobozi w’ikinyabiziga.

Ubu bukangurambaga bukorwa abapolisi bahagarika imodoka yaba itwara abagenzi mu buryo bwa rusange cyangwa iz’abantu ku giti cyabo, moto, bakabaza abashoferi niba bafite umuti wo gukaraba intoki ndetse niba bibuka n’amabwiriza mashya abemerera gutwara abantu muri ibi bihe.

Abashoferi bibutswa ko aribo bayobozi b’abo batwaye bityo ko bakwiye kubakebura mu gihe babona batangiye kurenga nkana ku mabwiriza yo kwirinda iki cyorezo.

Abakoresha umuhanda nabo bagaragaje ko ubu bukangurambaga ari igikorwa cyiza cyagakwiye gushyirwamo imbaraga.

Mutungirehe Jean de Dieu yagize ati “Ibi ni byiza, biratwereka ko noneho tutari twenyine muri uru rugamba. Dukeneye kubanza guhwiturwa binyuze muri iki gikorwa, urabona ko batari guhita bahana ahubwo bari muri gahunda yo kutwigisha. Ni ibintu twari tusanzwe dukora ariko iyo bongeye kutwibutsa gutya bituma natwe turushaho kubyubahiriza.”

Umwe mu bakora umurimo wo gutwara abantu kuri moto, Gatete Didace yavuze ko abona n’abari baradohotse bari kwisubiraho nyuma yo kubona polisi yahagurukiye kwigisha.

Ubu bukangurambaga bugamije gukangurira abakoresha umuhanda kubahiriza amabwiriza yo kwirinda Covid-19, buje nyuma y’uko icyorezo cya Covid-19 mu Rwanda cyongeye gukaza umurengo by’umwihariko.

Abatwaye ibinyabiziga bari kwibutswa ko ari inshingano zabo kubwira abo batwaye kubahiriza amabwiriza yo kwirinda Covid-19

Muri ubu bukangurambaga bari kwibutsa n’abagenzi kubahiriza amabwiriza yo kwirinda Covid-19

N’abari mu modoka zabo bari kwigishwa

ACP Teddy Ruyenzi yavuze ko abakoresha umuhanda basa n’abari baradohotse ku mabwiriza yo kwirinda Covid-19

Urukiko rwanzuye ko bakazitaba kuwa 7 Nyakanga 2021 saa mbili za mu gitondo.

Visi Meya Manirafasha Jean de la Paix ushinzwe imibereho myiza y’abaturage mu Karere ka Burera areganwa na bagenzi be bane aribo Habimana Fidèle, Dusengemungu Emmanuel, Mbatezimana Anastase na Kwizera Emmanuel bafite inshingano zitandukanye mu Karere ka Burera.

Mu isomwa ry’urubanza ryabaye kuri uyu wa kane tariki 17 Kamena 2021 nyuma yo gusubikwa inshuro zigera kuri ebyiri, urukiko rwasuzumye impamvu zashingiweho n’ubushinjacyaha rubasabira igifungo cy’imyaka irindwi n’ihazabu y’amafaranga y’u Rwanda miliyoni eshanu kuri buri muntu n’uko abaregwa bireguye, maze rwanzura ko hagomba guhamagazwa abayobozi bavugwa ko babahaga amabwiriza.

Abaregwa bashinjwa gutanga amasoko ya leta mu buryo bunyuranyije n’amategeko no gukoresha umutungo wa Leta icyo utateganyijwe, gufata icyemezo gifitanye isano n’itonesha, icyenewabo n’ubucuti bwihariye na Visi Meya Manirafasha.

Abaregwa bose ubwo baburanaga bahakanye ibyaha bakurikiranyweho ku gutanga isoko rya leta binyuranyije n’amategeko bitanyuze mu ipiganwa. Bavuze ko ibyo bakoze babisabwe n’Akarere ka Burera kubera ko ayo masoko yihutirwaga.

Mu iburanisha ryabaye kuwa 12 Mata 2021, Visi Meya Manirafasha Jean dela Paix yagaragaje ko nta masoko yatanze ngo kuko byemezwaga n’akanama kayashinzwe, we akabisinya nk’Umunyamabanga Nshingwabikorwa kandi ko nta bubasha yari afite bwo kubyanga.

Ashinjwa kandi guha Karemire Thierry isoko ryo kubaka isoko rito rya miliyoni 24 n’igice bitanyuze mu ipiganwa, mu gihe ritagombaga kurenza miliyoni 10 Frw.

Icyo gihe, ubushinjacyaha bwagaragaje ko iryo soko ryatanzwe mu buryo bwihutirwaga kandi Manirafasha yari yarabimenye mbere abihisha bagenzi be bari mu kanama k’amasoko ahubwo ahitamo kuritanga ntawe ubizi.

Manirafasha yavuze ko ibikorwa byo kubaka isoko byihutishijwe kuko hari abaturage bajyaga guhahira muri Uganda bagahohoterwa, haza gufatwa umwanzuro ko begerezwa ibikorwa remezo byihuse.

Ubushinjacyaha bwagaragaje ko ibyo Manirafasha avuga bikwiriye guherekezwa n’inyandiko kuko mu buhamya bwatanzwe n’abari mu kanama k’amasoko bagaragaje ko uregwa yimanye amakuru yose y’iri soko akaritanga ntawe amenyesheje.

Aha niho Urukiko rwanzuye ko mbere yo guca urubanza burundu rugomba gutumiza Ubuyobozi bw’Akarere ka Burera buhagarariwe na Meya ndetse n’Umunyamabanga Nshingwabikorwa wako uba akuriye itangwa ry’amasoko kugira ngo bagire ibyo basobanuzwa ku watanze ubwo burenga burenganzira.

Visi Meya Manirafasha Jean de la Paix yabaye Umunyamabanga Nshingwabikorwa mu Mirenge ya Butaro, Bungwe yo mu Karere ka Burera mbere y’uko aba Umuyobozi w’Akarere wungirije ushinzwe imibereho myiza y’abaturage.

Ingingo ya 10 mu Itegeko ryerekeye kurwanya ruswa, ivuga ko umuntu wese ukoresha mu nyungu ze cyangwa iz’undi, umutungo, amafaranga cyangwa inyandiko z’agaciro, yahawe cyangwa yashyikirijwe kubera imirimo akora cyangwa ukoresha mu nyungu ze abakozi ashinzwe ku bw’umurimo aba akoze icyaha.

Iyo abihamijwe n’urukiko, ahanishwa igifungo kitari munsi y’imyaka irindwi ariko kitarenze imyaka icumi n’ihazabu y’amafaranga y’u Rwanda yikubye inshuro kuva kuri eshatu kugeza kuri eshanu z’agaciro k’umutungo yanyereje

Urukiko rwategetse ko Meya na Gitifu wa Burera bahamagazwa

Mu bikorwa bizaba birimo higanjemo ibyo kuzamura imibereho myiza y’abafite ubumuga hashyirwaho gahunda zibafasha kwihangira umurimo, guteza imbere ikoranabuhanga ridaheza, kongera umubare w’abantu bafite ubumuga mu nzego z’imirimo, guteza imbere ibikorwa by’imyidagaduro n’umuco n’ibindi.

Umunyamabanga Nshingwabikorwa w’Inama y’Igihugu y’Abantu bafite Ubumuga, Ndayisaba Emmanuel, yavuze ko iyi politiki bayitezeho kugira uruhare mu kuziba icyuho cyagaragaraga mu ngeri zitandukanye z’ubuzima bikabangamira imibereho myiza n’iterambere y’abafite ubumuga.

Ati “Icya mbere ni uko igaragaza umurongo w’ibikenewe gukorwa n’inzego zizabigiramo uruhare ndetse n’ibizakorwa birateganyijwe. Si kimwe no kujya mu rwego runaka gusaba ngo nihakorwe iki cyangwa kiriya.”

Ndayisaba yakomeje avuga ko iyi politiki izafasha kuziba icyuho mu burezi aho abana benshi bafite ubumuga batiga mu gihe ari bwo musingi w’iterambere ry’umuntu ku giti cye ndetse no ku gihugu muri rusange.

Mu myaka 10 ishize igipimo cy’abana batishoboye bata ishuri cyakomeje kuzamuka kigera kuri 28.3% ku biga mu mwaka wa gatanu w’amashuri abanza na 10.2% ku biga mu wa mbere uhereye mu 2005 nk’uko byagaragajwe muri raporo ya ‘Rwanda Education Sector Strategic Plan: ESSP.’

Mu 2013-2018, byemejwe ko abana bafite ubumuga bangana na 27% batakandagiye mu ishuri ugereranyije n’abatabufite bari 14%, mu gihe abaritaye bari 9% ku bafite ubumuga na 6% ku batabufite.

Mu 2017, Minisiteri y’Uburezi yagaragaje ko mu bana 185,666 bakiriwe mu cyiciro cy’ikiburamwaka, abafite ubumuga bari 1%, mu bindi byiciro naho bakaba bari bacye cyane.

Ibi bifitanye isano no kuba hari amashuri agifite inyubako zitorohereza abafite ubumuga kuzigeramo, ibikoresho bakeneye batabasha kubona ndetse no kuba abazi ururimi rw’amarenga bashobora gufasha abatumva batavuga bakiri bake nk’uko Ndayisaba yakomeje abisobanura.

Ahandi hakiri ibibazo by’ingorabahizi ni mu rwego rw’ubuzima aho nka mituweli itishingira ubuvuzi bw’abafite ubumuga nk’insimburangingo usanga zikosha.

Mu gutwara abantu mu buryo rusange naho hari kuba bitorohera abafite ubumuga kugera aho bategera imodoka no kuzigendamo bitewe n’imitere y’ubumuga bwabo, kutamenya ahari ibimenyetso byo mu muhanda, imiferege y’amazi idapfundikiye ku nkengero z’imihanda abatabona bashobora kugwamo n’ibindi.

Ndayisaba yakomeje agira ati “Nk’umuntu utabona ntiyari akwiye guhagarara ngo ategereze ko itara ry’icyatsi ryako ngo abone uko atambuka muri feux rouges, kuko ataba ahareba, yagombye kugira ahantu akanda akabimenya kimwe na ya mirongo ishushanyije mu muhanda aho abanyamaguru bambukiranya, uko iteye ntibimworohereza. Ibyo byose birateganyijwe, twizeye ko mu myaka ine hari byinshi bizaba byakemutse.”

Politiki nshya y’abantu bafite ubumuga iri mu nshingano za Minisiteri zitandukanye ahateganyijwe ibikorwa mu nzego z’imibereho myiza, uburezi, ibikorwa remezo, kurengera abana, guteza imbere umurimo, ubuhinzi, ubuzima, itumanaho, siporo n’umuco bizatwara 41,458,014,440 Frw.

Amasezerano mpuzamahanga agamije kurengera abantu bafite ubumuga agena ko bari mu byiciro birimo ubumuga bw’ingingo, ubumuga bwo mu mutwe n’ubwo kutumva no kutavuga. Gusa hari n’icyiciro cy’abafite ubumuga bukomatanyije.

Ibarura rusange ry’abaturage ryakozwe mu 2012 ryerekanye ko mu Rwanda abantu bafite ubumuga bari 446,453.

Umunyamabanga Nshingwabikorwa w’Inama y’Igihugu y’Abantu bafite Ubumuga, Ndayisaba Emmanuel, yavuze ko politiki nshya bayitezeho kuziba icyuho mu nzego zitandukanye z’ubuzima bwabo

RIB yabwiye abayobozi mu z’ibanze ko badakwiye guhishira abasambanya abana n’imiryango igaragaramo amakimbirane

RIB itangaza ibi ishingiye ku kuba ibirego yakira by’abana basambanywa bidasiba kwiyongera, kandi ikibabaje ngo akaba ari uko hari ababyeyi b’abana baba basambanyijwe bafatanya n’inzego z’ibanze z’aho ibyo byaha biba byabereye bagahishira amakuru kugeza n’ubwo bamwe mu bakora ibyo byaha batamenyekana, abandi bagatoroka batagejejwe mu butabera.

Mu gikorwa cyo kwegereza abaturage hafi serivisi za RIB cyabereye mu Murenge wa Muko mu Karere ka Musanze ku wa Gatatu tariki 16 Kamena 2021, inzego z’ibanze zikorera muri uwo Murenge zanaganirijwe ku ruhare rwazo mu gukumira no kurwanya ibyaha byo gusambanya umwana no kwirinda ihohoterwa rishingiye ku gitsina.

Ntirenganya Claude, Umuyobozi ushinzwe ishami ryo kurwanya ibyaha muri RIB, yabwiye abaturage ko nta gihe amategeko atabayeho agamije kurengera umwana no guhana icyaha cyo gusambanya umwana, ariko ikibabaje kikaba ari uko abayarengaho badasiba gukomeza gushyira mu bikorwa iyo migambi mibisha.

Yagize ati “Ikibazo cyo gusambanya abana gikomeje kugaragara kandi imibare ikagenda yiyongera. Nyamara nta gihe amategeko agihana atabayeho. Tuzi neza ko abana b’ubu ari bo dutezeho ubukungu bw’igihugu cyacu bw’ahazaza. None se abo bana bigaragara ko twatangiye kubicira mu iterura, ubwo igihugu cyacu turakiganisha hehe?”

Ati “Rimwe na rimwe binapfira mu buyobozi bw’inzego zo hasi. Aho atuye ni umujyanama, ni umuyobozi w’Isibo, umufashamyumvire cyangwa umukuru w’Umudugudu, akamenya ko umwana runaka yasambanyijwe ntagire icyo abikoraho. Nk’aho uwo mugizi wa nabi wangije uwo mwana yakamushyikirije inzego bireba kugira ngo zimuhanire ibyo yakoze, ugasanga uwo muyobozi arigira ntiteranya, akihutira kubikemurira aho, yunga imiryango yombi; nyamara ntiyibuke ko arimo kubunga hejuru y’ubuzima bw’umwana bwashyizwe mu kaga kazamukurira ingaruka mu mibereho ye hafi ya yose”.

Arongera ati “Ni agahomamunwa kubona hari abatabona ko gusambanya umwana ari ugukurura ibibazo bizagera ubwo umuryango nyarwanda wisanga utagishoboye gukumira ingaruka zabyo mu gihe byaba bikomeje gutya. Ni yo mpamvu turi hano ngo tubasobanurire ibigize icyaha cyo gusambanya umwana n’ibihano biteganywa n’amategeko, tubakangurira kutakijenjekera ngo muhishire uwagikoze cyangwa ngo mumwunge n’uwagikorewe mu kwirinda ko ubutabera bwakabaye butangwa buburizwamo”.

Abaturage begerejwe serivisi za RIB bagira ibyo babaza banatanga ibirego kugira ngo bikemuke

Abaturage na bo basanga hari ingaruka ziri mu kuba abana bagisambanywa. Uwumukecuru witwa Ntibarikure, wo mu Murenge wa Muko, ashengurwa no kuba umwana arera w’umukobwa unafite ubumuga yaratewe inda, uwabikoze akaba ari kwidegembya.

Yagize ati “Uwo mwana afite ubumuga bwo mu mutwe n’ubwo kutavuga, yafashwe ku ngufu n’umusore ahita atoroka. Bidateye kabiri yagarutse iwabo, ubu aridegembya. Nkibimenya nagiye gutakira mudugudu ngo amfashe kuba uwo musore yafatwa agakurikiranwa, ariko yatereye agati mu ryinyo. N’ubu mudugudu anyuraho yigiriye iwabo w’uwo musore kuko ari n’inshuti, njye ntiyananyegera ngo yumve ikibazo cyanjye, wenda ngo anamfashe kukigeza ku nzego zimukuriye. Ubu se urumva atarantereranye?”

Abaturage bashimangira ko abayobozi bakeneye ari abatagira amarangamutima ku kibazo cy’abana basambanywa.

Kanyaruhengeri Edison yagize ati “Umuyobozi uhishira umuntu usambanya umwana, na we ntaho ataniye n’umunyacyaha. Akwiye gukurikiranwa, byaba na ngombwa akamburwa inshingano, agasimbuzwa ufite umutima wo kugaragaza ikibi kiri aho ayobora kigakosorwa. Akaba ari wa muyobozi uzi ko akemura ikibazo uko kiri ashize amanga. Natwe nk’abaturage bituma tumufatiraho urugero, bikanadutera akanyabugabo ko gutunga agatoki abo tuziho kwishora muri ibyo byaha”.

Umuyobozi wa RIB mu Karere ka Musanze Murenzi Joseph, yagaragaje ko Umurenge wa Muko, uri mu Mirenge igaragaramo ubwiyongere bw’ibyaha byo gusambanya abana, n’amakimbirane mu miryango, akomeje kuba intandaro y’ibyaha byo gukubita no gukomeretsa, gucana inyuma, ubusinzi n’ibindi.

N’ubwo RIB iteruye ngo itangaze imibare nyayo y’ibirego yakiriye mu gihugu hose by’abana basambanyijwe, ariko igaragaza ko uko ibyo birego byanganaga mu mwaka wa 2018-2019, byarushijeho kwiyongera, mu mwaka wakurikiyeho wa 2019-2020 bikagera ku bisaga ibihumbi bine.

Abahagarariye inzego z’ibanze, banasobanuriwe serivisi Isange One Stop Centre iha abahohotewe, aho bagaragarijwe ko gutangira amakuru hakiri kare mu gihe hari uwahohotewe, bituma ahabwa ubutabera n’ubuvuzi byihuse.

Muri gahunda yateguwe n’Urwego rw’Igihugu rw’Ubugenzacyaha yo kwegereza abaturage serivisi urwo rwego rutanga hifashishijwe ibiro ngendanwa (Mobile station), abaturage bayigejejeho ibibazo n’ibirego batari babonye uko batanga bitewe n’uko batuye kure y’aho ibiro byayo biri.

Bwabimusabiye kuri uyu wa 17 Kamena 2021, ubwo Urukiko rukuru urugero ruburanisha ibyaha mpuzamahanga n’ibyambukiranya imipaka, rwumvaga ubushinjacyaha ku bihano busabira abaregwa mu rubanza ruregwamo Paul Rusesabagina na bagenzi be.

Bizimana Cassien aregwa ibyaha bitandatu birimo kuba mu mutwe w’iterabwoba, ubwinjiracyaha bw’ubwicanyi, kugambana no gushishikariza abandi gukora iterabwoba.

Mu kwiregura kwe kwababye ku wa 06 Gicurasi 2021, Bizimana Cassien yemeye ibikorwa bigize ibyaha byose aregwa ariko akavuga ko yabikoze yubahiriza amabwiriza y’abayobozi be ba MRCD-FLN.

Ikindi ni uko yasabaga ko hakubahirizwa amasezerano ya Lusaka na Nairobi akajyanwa mu kigo cya Mutobo na we agasubizwa mu buzima busanzwe nk’uko bikorerwa abandi bari abarwanyi mu mitwe yitwaje intwaro.

Ubushinjacyaha buvuga ko ubwiregure bwe butahabwa agaciro kuko amabwiriza yubahirizaga yayahabwaga n’umuyobozi utemewe.

Na ho kuba hakubahirizwa amasezerano u Rwanda rwasinyinye agamije gusubiza mu buzima busanzwe abari abarwanyi mu mitwe yitwara gisirikare, Ubushinjacyaha buvuga ko ibyo bitamubuza gukurikiranwa kuko igihe yabimenyeye atashyize intwaro hasi ngo atahuke.

Ikindi ni uko ngo gutanga imbabazi kuri abo barwanyi biri mu nyungu z’igihugu ariko atari itegeko ko buri wese ababarirwa kandi afite ibyaha akurikiranyweho.

Ubushinjacyaha bwasabye urukiko kwemeza ko Bizimana Cassien ahamwa n’ibyaha byose akurikiranyweho.
Bwasabye urukiko gushingira ku bisobanuro byatanzwe n’ubushinjacyaha maze rukemeza ko Bizimana Cassien yemera ibikorwa bigize ibyaha gusa, ariko atemera uburyozwa cyaha bwabyo bityo ko ukwemera kwe kutuzuye, kandi ibikorwa akurikiranyweho bikaba bigize icyaha cy’ubugome bityo akaba atagabanyirizwa ibihano.

Hashingiwe ku ngingo ya 61, igika cya 3, agace ka mbere n’aka kabiri z’itegeko no 68/2018 ryo kuwa 30/08/2018, riteganya ibyaha n’ibihano muri rusange, iteganya ko impurirane mpuzamugambi ibaho, iyo igikorwa kimwe ubwacyo gikubiyemo ibyaha byinshi, cyangwa iyo ibikorwa bitandukanye, bigize ubwabyo ibyaha bitandukanye, n’uko bihujwe bigamije umugambi w’icyaha kimwe cyangwa igikorwa kimwe, Ubushinjacyaha busanga ibyaha Bizimana Cassien akurikiranyweho bigize impurirane mbonezamugambi kubera ko ari ibyaha bitandukanye, bihujwe n’uko bigamije umugambi w’icyaha kimwe.

Bityo hashingiwe ku ngingo ya 62, igika cya kabiri cy’iryo tegeko, ubushinjacyaha bukaba bumusabiye igihano ntarengwa cyo hejuru giteganyijwe ku cyaha kirusha ibindi gukomera aricyo igihano cy’igifungo cy’imyaka 25.