Tag: featured

Messengers Singers

Umuyobozi wa Messengers Singers, Ishimwe Emile, aganira n’Itangazamakuru yavuze ko indirimbo Urahambaye yakiriwe neza n’abakunzi b’indirimbo zo kuramya no guhimbaza Imana, bibatera imbaraga zo kwifuza gutaramira abakunzi babo bifashije ikoranabuhanga (YouTube).

Ati “Indirimbo kugeza ubu yakiriwe neza cyane. Byatumye dutekeza ku yindi mishinga tugiye gukurikizaho, harimo igitaramo tuzakorera kuri YouTube ndetse n’Indirimbo twatangiye gukora muri studio”.

Ishimwe ati “Messengers Singers izakora igitaramo cyo kuramya no guhimbaza Imana mu mpera z’umwaka hifashishizwe ikoranabuganga rya YouTube”.

Indirimbo ‘Urahambaye’ irimo amagambo y’Isanamutima hari aho baririmba bati ‘Mana nyir’irema urahambaye, nta kiriho nakimwe kitagenwe nawe duciye mu mitima inyuzwe tukwerereza shimwa”.

Iyo ndirimbo yakozwe na Bruce & Boris mu buryo bw’amajwi mu gihe amashusho yayo yafashwe, anatunganywa na Mucyo Serge.

Messengers Singers igizwe n’abaririmbyi umunani, bafite umwihariko wo kugira amajwi anyura amatwi.

Messengers Singers yamenyekanye mu ndirimbo nyinshi zitandukanye harimo Umusumari, Iyo avuze, Nyuma ya byose na Izi impamvu, yakunzwe cyane mu Rwanda no mu mahanga.

Ibihangano by’iri tsinda bikundwa na benshi ariko bikaba umwihariko ku bayoboke b’Itorero ry’Abadivantisiti b’Umunsi wa Karindwi.

Messengers Singers yashinzwe ku wa 30 Kamena 2009, igizwe n’abaririmbyi umunani, yatangiriye ivugabutumwa rinyuze mu ndirimbo muri Collège Adventiste de Gitwe mu Karere ka Ruhango mu Majyepfo y’u Rwanda, kugeza ubu ifite album ebyiri z’amajwi na album imwe y’amashusho.

Idamange ahanishijwe gufungwa imyaka 15 nyuma yo gumwa n’ibyaha yaregwaga

Muri Werurwe 2021 Urukiko rw’ibanze rwa Gasabo rwari rwategetse ko Idamange akomeza gufungwa by’agateganyo ategereje kuburana mu mizi.

Umucamanza yavuze ko videwo Idamange yashyize kuri YouTube zashoboraga guteza imvururu muri rubanda.

Idamange aregwa ibyaha bitandatu bishingiye ahanini ku byo yatangarije kuri YouTube anenga Leta, ahamagarira imyigaragambyo no kuvuga ko Perezida w’u Rwanda yapfuye atabigaragariza ibimenyetso.

Idamange yahakanye ibyaha aregwa avuga ko ari umuturage usanzwe udafite ububasha bwo gutanga amabwiriza kuri rubanda.

Urwego rw’Igihugu rw’Ubugenzacyaha (RIB) rwatangaje ko rwataye muri yombi Idamange Iryamugwiza Yvonne muri Gashyantare 2021, akurikiranyweho ibyaha birimo guteza imvururu muri rubanda.

Ni ibyaha Idamange Iryamugwiza Yvonne yakoze, yifashishije imbuga nkoranyambaga agatangaza amagambo agaragara nk’apfobya Jenoside yakorewe Abatutsi.

Manny Pacquiao

Yagize ati “Ndagira ngo nshimire isi yose by’umwihariko abaturage ba Philippines kuba baranshyigikiye nkaba mfashe uyu mwanya nkabamenyesha ko nsezeye umukino w’Iteramakofe (boxing).”

Manny Pacquiao asezeye ku myaka 42 y’amavuko, akaba yakomeje agira ati “Birankomereye kwakira ko nsezeye kuri uyu mukino w’Iteramakofe.”

Pacquiao yari amaze imyaka 26 muri uyu mukino. Yarwanye inshuro 72 atsindamo 62, atsindwa imikino 8, ananganya 2. Mu mikino 62 yatsinze, 39 yari (KnockOut) hanyuma 23 yayitsinze ku mwanzuro w’umusifuzi.

Yatwaye imikandara 12 ku rwego rw’Isi akaba ari we wenyine mu mateka y’Isi watwaye imikandara mu mikino 8 y’abafite ibiro byinshi mu iteramakofe.

Uyu mugabo w’imyaka 42 yemejwe nk’umukandida mu matora y’umukuru w’Igihugu n’ishyaka PDP Laban ryiyomoye ku rya Rodrigo Duterte uri ku butegetsi kuri ubu.

Kuri ibyo bigwi yagezeho ku Isi nk’umwe mu bateramakofe beza, Pacquiao asanzwe ari umusenateri mu Nteko Ishinga Amategeko ya Philippines.

Polisi iravuga ko yamaze guhosha imirwano y’izo mfungwa

Hamaze kubarurwa abagera ku 116 bazwi bamaze kugwa muri iyo mirwano, ikaba yaratewe n’ubushyamirane hagati y’amabandi ahafungiye, ibintu byabaye bibi cyane mu mateka y’icyo gihugu.

Nibura batanu mu bishwe baciwe imitwe abandi bo bakaba barishwe mu buryo busanzwe.
Abahafungiye ni amabandi afitanye isano n’andi acuruza ibiyobyabwenge akomoka mu gihugu cya Mexique.

Iyo gereza ifatwa nk’imwe mu magereza ateye ubwoba kubera abantu bahafungiye baba barakoze ibikorwa by’ubugome burenze ukwemera.

Ukuriye igipolisi muri ako gace, Fausto Buenaño, yatangaje ko abanyururu bateye za grenade, bisaba ko hoherezwa abapolisi barenga 400 ngo babashe guhosha iyo mirwano.

Ibinyamakuru byo muri Equateur byatangaje ko abafungiye muri iyo gereza ari amabandi ashinjwa gucuruza ibiyobyabwenge afatanyije n’ayo muri Mexique.

Kugeza ubu ntiharamenyekanya icyateye ubu bushyamirane buteye ubwoba gutyo mu gihugu cya Equateur.

Mu kiganiro Perezida Kagame yagejeje ku bari mu nama ihuje Abanyarwanda n’Abanya-Zimbabwe bahagarariye imari n’ubucuruzi yiswe ‘Rwanda-Zimbabwe Trade and Investment Conference’ ku wa Gatatu tariki 29 Nzeri 2021, yavuze ko abavuga nabi ubufatanye hagati y’u Rwanda na Arsenal bwa ‘Visit Rwanda’, baba bibeshya kuko u Rwanda ntarwari gutanga amafaranga kuri ayo masezerano mu gihe nta nyungu ruyafitemo.

Yagize ati “ Sinibwira ko abo bantu baba bazi ibyo bavuga, kuko niba batekereza ko u Rwanda rwafashe amafaranga rugapfa kuyatanga gutyo gusa, rukayaha abantu batanayakeneye nk’uko u Rwanda ruyakeneye, ntekereza ko aho ari ho urujijo rutangirira”.

Perezida Kagame yavuze ko u Rwanda rudakorana na Arsenal gusa, , ahubwo ubu rurakorana n’indi Kipe y’umupira w’amaguru yo mu Bufaransa yitwa ‘Paris Saint-Germain (PSG)’ kandi amasezerano n’ayo makipe yombi ngo yatangiye gutanga umusaruro.

Perezida Kagame ati “Imwe mu nkingi z’iterambere, ni ubukerarugendo.Twashoye imari mu bukerarugendo n’ibikorwaremezo, duhugura abantu batanga serivisi zijyana nabyo,ariko ku bijyanye n’ubukerarugendo uba ukeneye abaza kubisura,”

“ Uba ukeneye abantu baza, bakishimira ibyo igihugu gifite gitanga muri urwo rwego, ubwiza bw’igihugu, ubunararibonye n’ibindi.”

Perezida Kagame yavuze ko atari abantu benshi bashobora kumva impamvu igihugu cyakora ishoramari nk’iryo, babihuza n’igihe cya nyuma ya 1994 ubwo igihugu cyari kongera kwiyubaka gihereye k’ubusa.

Yavuze ko ahagana mu 1998, igihugu cyatangiye kongera kubaka ibikorwaremezo, ariko gifite amikoro makeya, icyo gihe Guverinoma yubakamo hoteli izwi nka ‘Intercontinental’.

Perezida Kagame yavuze ko icyo gihe Guverinoma yatangiye kumva abantu batandukanye bayinenga, bavuga ko irimo isesagura amafaranga.

Yagize ati “Oh, murubaka hoteli y’inyenyeri eshanu (5). Kubera iki? Mu by’ukuri batekerezaga ko nta bwenge dufite. Twaricecekeye, turavuga tuti nta kibazo,nyuma y’imyaka itanu, nibwo muzamenya ibyo turimo.”

Yavuze ko Guverinoma ifata icyemezo cyo kubaka iyo hoteli bwari uburyo bumwe bwo guteza imbere urwego rw’ubukerarugendo.Kwari ukugira ngo abantu baza mu Rwanda bajye babona aho baruhukira kandi heza, kuko ubundi ngo hari abantu bahitamo kutaza mu gihugu mu gihe nta hantu ho kuruhukira heza bihitiyemo.

Ati “ Aha harimo kwivuguruza, abantu bakavuga ko urimo kwangiza amafaranga, wubaka ibikorwaremezo, ariko icyo gikorwaremezo cyari cyubatswe kubera impamvu. Mu gihe gito, Hoteli yakoze neza, turayigurisha, twishyura inguzanyo”.

Yavuze ko Guverinoma itari yubatse iyo hoteli ishaka gukora ‘business’ ya hoteli, ahubwo ngo yari yubatswe kugira ngo ikoreshwe icyo yagombaga gukoreshwa, nyuma yegurirwe abikorera. Icyo gihe ngo hari hakenewe hoteli nziza, kandi abikorera ntibari gusabwa kuyubaka, kuko bari bafite ibindi barimo byihutirwa kurushaho, ni yo mpamvu Guverinoma yayubatse kuko itari kubitegeka abikorera.

Yagize ati “ Iyo ntegereza kubwira abikorera kubaka hoteli y’inyenyeri eshanu,nubu baba batarayubaka, ariko kuko nayubatse, ikaba yari iri aho bayibona imbere yabo, yarabakuruye, umwe muri abo ati, ‘Uzi n’ibindi? Ndashaka iriya hoteli.”

Ubufatanye na Arsenal burimo gutanga umusaruro

Ku bijyanye n’ubukerarugendo, Perezida Kagame yavuze ko ubufatanye bwa ‘Visit Rwanda’n’ikipe ya Arsenal bwazamuye imibare y’abasura u Rwanda.

Perezida Kagame ati “ Ubufatanye dufitanye na Arsenal bwakuriye abantu benshi baza mu Rwanda, bizanira igihugu amafaranga menshi kurusha ayo twahaye Arsenal.”

Ati “Ntibasaba ko uba uri umuntu uzi ibya ‘business’ cyane kugira ngo wumve ibi. Nanjye sindi umuntu uzi ‘business’ cyane, ariko ntekereza ko kuri iki cyo, twabikoze neza kandi si abanyafurika benshi banenze ubu bufatanye”.

Yavuze ko n’abibikoze bagendeye ku byo bimwe mu bihugu byo mu Burengerazuba bw’isi, cyane cyane u Bwongereza bwanenze u Rwanda kuri ubwo bufatanye na Arsenal, kuko buha u Rwanda amafaranga y’inkunga.

Yagize ati “ Baravuga bati, uzi ko u Rwanda rurimo gupfusha ubusa amafaranga yacu, kuko batanga inkunga si byo?Ariko ni hahandi n’ubundi baribeshya. Niba umpa inkunga se ushaka ko nyikoresha nte?ariko se kuki wantegeka uko nyikoresha?”

“Niba ushobora kumpa miliyoni 50, noneho mu gukoresha izo miliyoni 50, nkungukira igihugu miliyoni 300, kuki ibyo wabimpora? Icyo gihe haba harimo ikintu kitagenda neza”.

Perezida Kagame yavuze ko icyo kibazo cyageze aho kizamo ibya politiki binyuze mu kunenga, iyo akaba ari yo mpamvu aterekereza ko hari abanenga bitewe n’urujijo bafite, ariko ngo u Rwanda rwishimiye umusaruro rukura muri ubwo bufatanye.

Perezida Kagame kandi, yashimangiye ko nubwo ari umufana w’ikipe ya Arsenal mu myaka isaga 35, ibyo bikaba ari nk’akarusho, ariko ngo ubufatanye n’ikipe ya Arsenal bwabayeho kubera impamvu zo guteza imbere ubukerarugendo kimwe n’uko bimeze ku Ikipe ya ‘Paris Saint Germain(PSG)’.

Yavuze ko ubu yahise aba umufana w’iyo kipe yo mu Bufaransa irimo abakinnyi b’ibyamamare nka Lionel Messi, Neymar na Kylian Mbappé.

Kuri uyu wa Gatatu ikipe ya Rayon Sports yakinnye umukino wayo wa gatatu wa gicuti, umukino yatsinzwemo na Gorilla Fc igitego1-0, cyatsinzwe na Nizeyimana Jean Claude uzwi nka Rutsiro, umukinnyi wari winjiye mu kibuga asimbuye.

Muri uyu mukino, abakinnyi babiri bakomoka muri Maroc iyi kipe yatijwe na RAJA Cassablanca, bakinaga umukino wabo wa mbere muri iyi kipe nyuma yo kugera mu Rwanda. Ayoub Ait Lahssaine ukina mu kibuga hagati ni we wari wabanjemo, gusa yakinnye iminota mike aza kuvunika arasimbuzwa.

Ayoub Ait Lahssaine yavunitse nyuma y’iminota mike yari amaze gukina

Rharb Youssef ukina nka rutahizamu cyangwa akaba yanakina asatira nka rutahizamu ariko unyura ku mpande, yakinnyi iminota 45 y’igice cya kabiri ndetse aza no gushimwa n’abakurikiye uyu mukino.

Umutoza Masudi Juma yavuze ko hakiri impinduka zigomba gukorwa mu bakinnyi

Umutoza Masudi Juma nyuma y’uyu mukino aganira n’itangazamakuru yavuze uko yabonye aba bakinnyi, aho avuga ko yizeye ko hari icyo bazafasha Rayon Sports nibamara kumenyerana na bagenzi babo.

Yagize ati “Umupira si film abantu bose barakureba, niba abantu bose mwarebye ko bazi gukina na Masudi yabibonye, icya mbere azi gufata umupira agatanga passe, nta mwarabu utazi gukina ngira ngo babuze uko binjira mu mukino, naho umupira mu maguru barawufite kandi ngira ngo bazadufasha”

Kuri Manace Mutatu uteri guhabwa iminota ihagije yo gukina, ndetse n’umukino w’ejo akaba yarasimbuye nyuma y’iminota mike akongera agasimburwa, Masudi yavuze ko bitagakwiye guteza ikibazo kuko muri uriya mukino yashakaga kugerageza abakinnyi bose ngo bakine.

LEANDRE WILLY ESSOMBA ONANA uheruka gusinyira Rayon Sports yakinnye igice cya mbere gusa

Masudi Juma kandi yavuze ko bakiri gutekereza ku munyezamu umwe, n’ubwo bafite abanyezamu batatu barimo Bashunga Abouba, Hakizimana Adolphe ndetse na Hategekimana Bonheur, hari amakuru avugwa ko iyi kipe iri kuganira na Kwizera Olivier ngo abe yagaruka mu ikipe.

Hon. Bernard Makuza wahoze ayobora Sena y’u Rwanda, yari yaje kureba uyu mukino

Uwayezu Jean Fidele, Perezida wa Rayon Sports yari yitabiriye uyu mukino

Perezida wa Gorilla FC Hadji Youssuf Mudaheranwa akurikirana uyu mukino

Batunganyirijwe inzuri bituma aborizi badasubira kuragira muri pariki

Umuyobozi w’ikigo cy’igihugu cyita ku bidukikije REMA, Kabera Juliet, avuga ko umushinga wa LAFREC wafashije abaturiye icyanya cya Gishwati-Mukura kubona inzuri zikoze kurusha uko bajyagamo gushaka ubwatsi, bahawe amazi, bahabwa aho bororera inzuki ndetse n’aho kubucururiza hamwe no gufata neza ubutaka bwabo, hakorwa amaterasi y’indinganire ndetse no gutera amashyamba.

Abaturage baturiye Pariki ya Gishwati-Mukura bemera ko ibikorwa byo gusana icyo icyanya byatumye umusaruro w’ibikomoka ku buhinzi n’ubworozi byiyongera kuko bakorewe inzuri nziza kandi zifite amazi, ubutaka bwabo burindwaho isuri.

Havugimana utuye mu Murenge wa Mukura, Akarere ka Rutsiro avuga ko umushinga LAFREC wabahaye inka, bivuze ko ubutaka bwabo bwagizwe ubuhumekero bwa Pariki.

Ati “Twahisemo kubukoreraho ubworozi kuko kubuhingaho twasanze bigira ingaruka kuri Pariki n’inyamaswa zazaga kutwonera.”

Abaturage bafashijwe kutongera kwinjira muri pariki

Ubuyobozi bwa REMA buvuga kandi ko umushinga wa LAFREC usize umurage urambye wo kugarura urusobe rw’ibinyabuzima no guhangana n’imihindagurikire y’ibihe mu Rwanda, hamwe no guhindura imiterere ya Gishwati-Mukura yagizwe parike nshya y’igihugu n’icyanya UNESCO ifata nk’urusobe rw’ibinyabuzima biteza imbere ubuzima bw’Abanyarwanda barenga 40.000.

Umushinga umaze imyaka itandatu wita ku bikorwa byo gusana Gishwati wongereye agaciro k’ibiti, ushyiraho ahantu hashya h’ibikorwa remezo, kandi bituma igihugu kirushaho guhangana n’imihindagurikire y’ikirere.

Kuva mu mwaka wa 2015, Guverinoma y’u Rwanda ibinyujije muri REMA yashyize mu bikorwa umushinga wo gusana no kubungabunga amashyamba (LAFREC) ku nkunga y’ikigo cy’ibidukikije ku isi (GEF) binyuze muri Banki y’isi.

Muri 2017, umushinga waguwe ku nkunga y’ikigega cy’Amajyambere cya Nordic hagamijwe kunoza imikorere no kuramba kw’ibiti bitwikwamo amakara.

Juliet Kabera avuga ko umushinga wa LAFREC warinze abaturage konona amashyamba, agira ati “Umushinga LAFREC wadufashije gusubiranya amashyamba yari yarangirijwe n’abatema ibiti, abacukura amabuye y’agaciro mu buryo butemewe, ndetse iyo uyu mushinga utaza ishyamba rya Pariki ya Gishwati-Mukura bari kuba bararimaze baritema, ariko ubu, ryarenze kuba Pariki rinashyirwa mu byanya birinzwe ku Isi na UNESCO”.

Akomeza agira ati “Turashimira abaturage bagize uruhare mu mushinga, abafatanyabikorwa bacu babishyira mu bikorwa ubwitange n’umurimo wabo, ndetse n’abafatanyabikorwa bacu batera inkunga barimo ikigo cy’ibidukikije ku isi, Ikigega cy’iterambere cya Nordic na Banki y’isi ku nkunga yabo, kuko umushinga utafashije gusana icyanya no kugarura urusobe rw’ibinyahuzima gusa, ahubwo wafashije ibihumbi by’abaturage kwiteza imbere”.

Umuyobozi wa Banki y’Isi mu Rwanda, Rolande Pryce, ashima Leta y’u Rwanda ku mbaraga ishyira mu kwita ku bidukikije.

Ati “Binyuze muri uyu mushinga, twashyigikiye ingufu z’u Rwanda mu gukoresha ubushobozi bw’amashyamba ndetse n’ibinyabuzima byo ku isi, mu rwego rwo kugabanya ubukene, kugira uruhare mu kuzamura ubukungu, no gushimangira serivisi z’ibidukikije mu karere ndetse no ku isi hose.”

Kugarura imiterere ya Gishwati-Mukura yari yarangiritse mbere, byongereye agaciro umusaruro n’ibidukikije.

Uwo mushinga watumye hasanwa Hegitari 603 za zone ya parike ya Gishwati-Mukura, hasanwe Hegitari 32 z’ubucukuzi bw’amabuye y’agaciro, Hegitari 283 z’ibiti byatewe imbere muri Pariki, hatewe Hegitari 634 z’ishyamba rusange, Hegitari 446 z’ubutaka zagizwe ubuhumekero bwa Pariki.

Ingo 219 zo mu Karere ka Nyabihu zahawe amazi meza, na ho abantu 3,530 bahawe amazi meza mu bigo bya Leta nk’amashuri n’ ibigo nderabuzima.

Ubuyobozi bwa Banki y’isi bwashimye ibyakozwe

Mu Karere ka Rutsiro ingo 2,849 zatewe inkunga binyuze mu bikorwa byo kuzamura imibereho hatangwa inka 791, ingurube 104, ihene 720 n’intama 3,011, ingo 30 zo mu Karere ka Ngororero zahawe amashanyarazi akomoka ku mirasire y’izuba, na ho 53% by’abungukiye mu mushinga ni abagore.

Bubatse ubushobozi bw’iteganyagihe hashyirwaho Sitasiyo 22 za ‘hydrometeo’ ndetse hashyirwaho sisitemu 13 zo gukingira inkuba ku bigo bya Leta.

Ni igikorwa uyu muryango uvuga ko kigize ibyiciro by’isanamatima kuko abagenerwabikorwa bawo barokotse Jenoside yakorewe Abatutsi mu 1994.

Kuri uyu wa Gatatu ni bwo hatangiye kwigishwa abo mu turere twa Huye, Nyanza, Nyaruguru, Nyamagabe, Kamonyi, Rusizi, Nyagatare, Gatsibo na Ngoma. Bari kwigishwa ibijyanye no guhagarara neza ku byerekeye amafaranga no gukora ibikorwa bibyara inyungu.

Umunyamabanga Nshingwabikorwa wa GAERG, Nsengiyaremye Fidèle, yavuze ko izo nyigisho zigamije kubaka isanamitima n’ubudaherenwa, akaba ari gutangwa mu mushinga witwa Community Based Sociotherapy- Aheza.

Ati “Ni umushinga ugamije kubaka isanamitima n’ubudaheranwa. Twabanje gukorana nabo urugendo rwo kwiyubaka mu by’amarangamutima no kurwanya ihungabana, ariko tugeze ku cyiciro cyo kubunganira mu bikorwa bibyara inyungu kuko bamaze gukira ibikomere.”

Yavuze ko ubumenyi bari kubongerera bugamije kubafasha kubyaza umusaruro amahirwe ari aho batuye.

Bamwe mu bari kongererwa ubumenyi babwiye IGIHE ko bamaze kunguka ibyiza birimo kwizigamira kandi hari imishinga batekereje bagiye kwiga uko bayishyira mu bikorwa.

Mukashyaka Alphonsine wo mu Karere ka Huye ati “Umushinga numvise ngiye gushaka uko nakora ni uwo guhinga imboga n’imbuto nkagemura ku isoko kandi n’umuryango wanjye ukabona ibyo kurya bihagije.”

Ntakirutimana Aloys na we yavuze ko muri GAERG yungukiyemo urukundo no kubana n’abandi neza, none kuri ubu yamenye n’ibyiza byo gukorana n’ibigo by’imari ndetse no gukora imishinga iciriritse.

Ati “Izi nyigisho bari kuduha ziri kudufasha kunguka ibitekerezo ku mishinga twakora yatuvana mu bwigunge tugakora ibikorwa biduteza imbere. Umushinga natekereje ni uw’ubworozi bw’inkoko.”

Mu turere 10 turi gutangirwamo izo nyigisho, GAERG ifitemo amatsinda 100 ahurije hamwe abagenerwabikorwa bayo.

Inyigisho bari guhabwa ziramara iminsi ibiri kuko zisozwa ku wa kane tariki ya 30 Nzeri 2021.

Umunyamabanga Nshingwabikorwa wa GAERG, Nsengiyaremye Fidèle, yavuze ko izo nyigisho zigamije kubaka isanamitima n’ubudaherenwa

Abaganerwabikorwa ba GAERG mu turere 10 bari kwigishwa gukora imishinga iciriritse

[email protected]

Ibi bije nyuma y’uko Leta y’u Bwongereza itangaje ko abantu bo mu bihugu bya Afurika, Amerika y’Epfo, Leta Zunze Ubumwe z’Abarabu, u Buhinde, Thailand, Turukiya, u Burusiya n’ibindi, bazafatwa nk’abatarakingiwe mu gihe bagiye mu Bwongereza, ku buryo bazajya babanza kwerekana ko bipimishije Covid-19, kandi bagera muri Bwongereza bagasabwa kwishyira mu kato k’iminsi 10.

Ikigo gishinzwe kurwanya indwara z’ibyorezo muri Afurika, African CDC, cyari cyatangaje ko iki cyemezo cy’u Bwongereza kidafite ishingiro, cyerekana ko kimwe cya kabiri cy’inkingo zimaze gutangwa muri Afurika zatanzwe muri gahunda ya Covax, kandi u Bwongereza bukaba bwarayigizemo uruhare rufatika kuko rumaze gutanga inkingo miliyoni 80 mu gihe rumaze gutanga miliyoni 700$.

Ambasade y’u Bwongereza mu Rwanda yahishuye ko hari gukorwa inyigo ishobora gutuma ibihugu bindi byari bisanzwe byafatwaga nk’ibitarakingiwe, bishobora gukomorerwa.

Bagize bati “Turi gukora inyigo ku bufatanye na Leta Zunze Ubumwe za Amerika n’Ubumwe bw’u Burayi, turi kureba uburyo twajya twemera ibyemezo by’ikingira byatanzwe n’ibindi bihugu, birimo u Rwanda. Ibi ni ikintu kiri gukorwa ku rwego mpuzamahanga kandi bizatwara igihe kinini, gusa twizeye kuzabona urutonde rw’ibihugu byemerewe mu mezi ari imbere.”

Iyi Ambasade kandi yahishuye ko u Bwongereza bwemera inkingo nyinshi ziri gutangwa mu bihugu bya Afurika, zirimo Pfizer, Moderna, AstraZeneca na Johnson & Johnson.

Afurika iracyafite ikibazo cy’ubucye bw’inkingo kuko imaze gukingira abaturage bari munsi ya 4%, mu gihe mu bindi bihugu birimo u Bwongereza, abarenga 78% bamaze guhabwa inkingo zombi.

Abaturage bo mu bihugu birimo u Rwanda bakingiwe bashobora kwemererwa kujya mu Bwongereza nta nkomyi

Nko mu myaka itanu ishize, amadosiye y’ibyaha byagejejwe mu bushinjacyaha yikubye inshuro zirenga eshatu, biva ku byaha bisaga ibihumbi 25 mu 2015, bigera ku byaha bisaga ibihumbi 67 mu 2021.

Raporo y’ibikorwa by’Urwego rw’Ubushinjacyaha mu mwaka wa 2020/2021 igaragaza ko hakiriwe amadosiye 67,512 arimo ibyaha birenga 300. Igitangaje, ibyaha 10 gusa byihariyemo 60,594, ni ukuvuga 90%.

Ibyaha bibiri birimo gukubita cyangwa gukomeretsa ku bushake n’Ubujura, byihariye 53% by’amadosiye yose yinjiye, ni ukuvuga ko abantu 36,121 batanze ibirego umwaka ushize bakubiswe, bakomerekejwe cyangwa bibwe.

Mu mirenge 20 yaciye agahigo mu kugaragaramo ibyaha byinshi mu Rwanda mu 2020-2021, umujyi wa Kigali ufitemo imirenge 13, Intara y’Amajyepfo ifitemo imirenge itatu, u Burasirazuba bufitemo imirenge ibiri, u Burengerazuba n’Amajyaruguru buri ntara ifitemo umurenge umwe.

Muri rusange, umurenge uza ku isonga mu kugaragaramo ibyaha byinshi mu Rwanda ni Nyarugenge yabonetsemo amadosiye 924, Kimironko 901, Remera 883, Kinyinya 781, Kimisagara 681, Kanombe 668, Nyarugunga 662, Gisozi 652, Gisenyi 647 na Nyamabuye yagaragayemo 632.

Uturere twa Gasabo, Nyarugenge, Kicukiro, Nyagatare na Rubavu nitwo twagaragayemo amadosiye menshi mu gihe Rutsiro, Ngororero na Nyamasheke ari two twagaragayemo amadosiye make.

Abanyarwanda bakunda imirwano?

Bigaragara ko buri mwaka ibyaha byiyongera cyane mu Rwanda, kandi akenshi umujyi wa Kigali ukaza ku isonga.

Umunyamategeko akaba n’umwarimu muri Kaminuza, Bayingana Janvier yabwiye IGIHE ko kuba ibyaha byiyongera atari ikintu kibi, ahubwo bigaragaza ko abaturage batangiye gusobanukirwa uburenganzira bwabo.

Ati “Kuba ibyaha byazamutse ntabwo mbifata nk’ikibazo ahubwo mbifata nk’igisubizo, bigaragara ko inzego z’ibishinzwe zabashije kubimenya akaba ari yo mpamvu bigaragara muri raporo, kurusha ko hari aho wagenda ugasanga izo raporo ntizihari kandi abantu barakubiswe baranakomeretse.”

Kuba ibyaha byinshi byiganje mu mijyi na byo Bayingana ntabifata nk’ikibazo. Yavuze ko ubusanzwe umujyi ariwo akenshi uba utuwemo n’abantu benshi kandi begeranye, ku buryo hashobora kuba kutumvikana kwinshi gutuma haba ibyaha.

Ku Isi yose kandi, imijyi ikunze guturwa n’abantu bajijutse cyane kurusha mu byaro, ibyo bivuze ko mu gihe bahohotewe cyangwa bahemukiye, baba basobanukiwe cyane inzira z’amategeko banyuramo bakarenganurwa.

Ati “Urebye mu kujijuka, kuregera ubutabera no kubona abajyanama mu mategeko byiganje mu mujyi kurusha mu cyaro. Ibyo bishobora gutuma imibare y’umujyi izamuka kuruta iyo mu cyaro. Ikindi leta iba ifite uburyo bwinshi bwo gutahura ibyaha mu mijyi kurusha wenda mu cyaro.”

Raporo y’ubushinjacyaha igaragaza ko kwiyongera ibyaha byo gukubita cyangwa gukomeretsa ku bushake n’Ubujura, byikubye hafi kabiri ugereranyije n’umwaka wa 2019-2020.

Bayingana yabwiye IGIHE ko ibyo “byaha ahanini bishingiye ku kutabasha kwigenzura no kubaha abandi, hanyuma abantu ntibakemuze ibibazo uburyo bw’ibiganiro cyangwa inzego zibishinzwe, bigasa nk’aho umwe ashaka kwiha ubutabera. Usanga akenshi umuco w’abantu, yaba ari Afurika muri rusange udashingiye ku bworoherane, yaba ari mu muryango no mu mibanire y’abantu.”

Kuba byaramenyekanye ari byinshi, Bayingana yavuze ko nabyo atari ibintu bibi kuko ababikoze bazahanwa, ntibabisubire cyangwa abandi bashoboraga kubikora bakabona isomo bakabyirinda.

Ati “Ntabwo bisobanuye ko ari ugukunda kurwana, ahubwo kuba byagaragaye biri mu nzira zo gucika. Ukurikiye raporo z’ubutaha, ushobora gusanga bizaba byagabanyutse hashingiwe ku bahanwe. Abakubitwa n’abakomeretswa bigaragara ko batakibyihanganira, ahubwo babimenyesha inzego z’ibishinzwe.”

Hagendwe ku Ntara, Intara y’Iburasirazuba niyo yaje imbere mu kugira ibyaha byinshi kuko bingana na 16,739, umujyi wa Kigali 16,564, Amajyepfo 14,834, Iburengerazuba 10,546 naho Amajyaruguru habonetse ibyaha 8,829.

Ibyaha icumi byaje ku isonga harimo gukubita no gukomeretsa ku bushake kuko hakiriwe amadosiye 19616, ubujura (16505), gusambanya abana (5292), gukoresha ibiyobyabwenge (4428) no gukoresha ibikangisho (3666).

Hari kandi ibyaha byo guhoza ku nkeke uwo bashyingiranye byigaragaje inshuro 3,016, ubuhemu (2471), kubabaza umubiri bidaturutse ku bushake (1989), kwihesha ikintu cy’undi hakoreshejwe uburiganya (1957) no kwangiza cyangwa konona ibiti, imyaka n’ibikoresho by’ubuhinzi n’ubworozi (1654).