Tag: featured

Iyo nzu izakorerwamo n’umushinga ALIGHT Rwanda ufasha abahuye n’ihohoterwa rishingiye ku gitsina ukorera muri iyo nkambi ya Kiziba, igizwe n’ibice cyangwa ibyumba birindwi bitandukanye, harimo aho kwakirira abahuye n’ihohoterwa rishingiye ku gitsina. Harimo kandi ahazaba hagizwe n’ibyumba bibiri by’ubujyanama buhabwa abahuye n’ihohoterwa kugira ngo bumve ko bari ahantu hatekanye kandi bumve ko bitaweho.

Ikindi cya gatatu ni icyumba kihariye cyo gufasha abantu bahuye n’ihohoterwa rishingiye ku gitsina ariko bafite n’ikibazo cy’umutekano, urugero bafite nk’impungenge zo gusubira mu rugo batinya ko umuntu babana wamuhohoteye ashobora kumwica. Icyo cyumba kizajya gifasha mu gihe cy’amasaha 72 abahuye n’iryo hohoterwa, mu gihe abafatanyabikorwa nka Leta y’u Rwanda cyangwa Ishami ry’Umuryango w’Abibumbye ryita ku Mpunzi (UNHCR) bakirimo kureba uburyo burambye bwo gufasha uwo muntu ufite impungenge z’umutekano.

Basobanuriwe ibizaba bigize iyi nzu yubakwa mu nkambi ya Kiziba

Ikindi cyumba ni icy’ububiko bw’amakuru baba bakuye ku bantu bahuye n’ihohoterwa rishingiye ku gitsina, kuko kimwe mu biranga uwo muryango wa ALIGHT Rwanda mu gufasha abahohotewe ari ukugira ibanga no kubaka icyizere mu babaha amakuru, aho rero hakaba ari ahantu hazajya habikwa amakuru yatanzwe n’abaje gusaba serivisi.

Hari ikindi cyumba cyo gutangiramo inyigisho cyangwa se kuvuga ku bintu bijyanye n’ihohoterwa rishingiye ku gitsina. Ni icyumba cy’amahugurwa aho abakora muri iyo nzu bazajya baganiriza abana b’abakobwa bashobora kuba baragize ibibazo bitandukanye by’ihohoterwa rishingiye ku gitsina ndetse bakaganira no ku bijyanye n’ubuzima bw’imyororokere, ariko bakanagaruka ku bureganzira bwa buri wese cyane cyane ubw’umugore.

Ahasigaye ngo hazaba harimo aho abakozi ba ALIGHT Rwanda bashinzwe kurwanya ihohoterwa rishingiye ku gitsina babasha kwisanzurira kugira ngo babashe kwakira ababagana.

Abajyanama b’ubuzima batanga ubufasha muri iyo nkambi ya Kiziba mu bijyanye n’ihohoterwa rishingiye ku gitsina na bo bahawe telefone zigendanwa n’amatoroshi azabafasha mu gutanga ubwo bufasha haba mu kuvugana ndetse no kugera ku wahohotewe.

Mark Bryan Schreiner uyobora UNFPA mu Rwanda yavuze ko intego ya UNFPA ku Isi yose ari ugufatanya n’abandi barimo imiryango mpuzamahanga mu guharanira uburenganzira bw’abagore n’abakobwa ku ikubitiro.

Yavuze ko babifashijwemo na Leta y’u Buyapani, bakomeje gufasha abagore n’abakobwa ku bijyanye n’ubuzima bw’imyororokere kugira ngo ubuzima bwabo bukomeze kugenda neza.

Ati “Muri 2018, mu myaka itatu ishize, UNFPA yakiriye inkunga itanzwe n’u Buyapani mu rwego rwo gukomeza gufasha abangavu mu bijyanye n’ubuzima bw’imyororokere, bikaba byarakorewe mu nkambi ya Mahama mu Karere ka Kirehe mu Burasirazuba bw’u Rwanda, yari icumbikiye impunzi z’Abarundi.”

Usibye gufasha abagore n’abangavu mu bijyanye n’ubuzima bw’imyororokere, ngo bahubatse n’inzu ishobora gufasha abakobwa n’abagore mu byerekeranye n’ihohoterwa rishingiye ku gitsina.

Yavuze ko inkunga yatanzwe aho muri Kiziba i Karongi izafasha abakobwa n’abagore mu bibazo cyane cyane iby’ihohoterwa rishingiye ku gitsina n’iby’ubuzima bw’imyororokere ushing a byo aho mu nkambi.

Mark Bryan Schreiner yashimiye Leta y’u Buyapani cyane cyane uhagarariye u Buyapani mu Rwanda kubera ibyo bikorwa by’indashyikirwa batera inkunga kugira ngo ubuzima bw’abagore n’abakobwa burusheho kuba bwiza. Yashimiye na Leta y’u Rwanda uburyo ikomeza gufasha UNFPA n’abandi basangiye inshingano zo kwita ku burenganzira bw’impunzi, by’umwihariko abagore n’abakobwa.

Ati “Nk’amashami y’Umuryango w’Abibumbye (ONE UN), twishimira kandi duha agaciro ubuyobozi bw’u Rwanda bwemera kwakira impunzi, tugashima uburyo bemera ko serivisi zitandukanye ziboneka kandi zigatangwa hirya no hino mu baturage ariko zikagera no ku mpunzi. Natwe tuzakomeza kubaba hafi, tubatera inkunga aho bishoboka.”

Ambasaderi w’u Buyapani mu Rwanda, Masahiro Imai, na we yashimiye Leta y’u Rwanda kubera ingufu ishyira mu kwita ku mpunzi, avuga ko u Buyapani bufite ubushake bwo gukomeza gufasha impunzi n’abantu bakurwa mu byabo, butanga ubufasha bukenerwa mu kwita ku buzima bw’abo bantu kugira ngo bagire umutekano n’ituze.

Ambasaderi Masahiro Imai ageza ijambo ku bitabiriye igikorwa cyo gutangiza inyubako izifashishwa mu kurwanya ihohoterwa rishingiye ku gitsina mu nkambi ya Kiziba

Ni muri urwo rwego u Buyapani bwatanze inkunga y’ibihumbi 400 by’Amadolari ya Amerika mu rwego rwo gushyiraho uburyo bwo gufasha abagore n’abakobwa bahura n’ibibazo by’ihohoterwa n’ubumenyi buke ku buzima bw’imyororokere cyane cyane mu nkambi z’impunzi muri ibi bihe bya Covid-19.

Ambasaderi w’u Buyapani mu Rwanda, Masahiro Imai yasobanuye ko uyu mushinga bateye inkunga wo mu nkambi ya Kiziba i Karongi uje wunganira unuzuza undi wakozwe mu nkambi ya Mahama muri 2018 ahatanzwe ibihumbi 300 by’Amadolari ya Amerika ku bufatanye bwa Leta y’u Rwanda, UNFPA n’u Buyapani. Uwo mushinga w’i Mahama ngo wafashije mu kwita ku buzima bw’ababyeyi n’abana mu gihe cyo kubyara, ufasha n’abakobwa mu kwita, kumenya ndetse no kubona ubufasha mu bijyanye n’ubuzima bw’imyororokere. Urugero ni abagore 4,868 bo muri iyo nkambi ya Mahama bahawe uburyo bubafasha kuboneza urubyaro.

Ambasaderi Masahiro Imai ati “Ndizera ntashidikanya ko uyu mushinga na wo wo mu nkambi ya Kiziba uzafasha abagore n’abakobwa bo muri iyi nkambi kurenga imbogamizi bahuraga na zo mu gukumira ihohoterwa rishingiye ku gitsina ndetse bagafashwa no mu zindi serivisi bakenera mu kwita ku buzima bwabo.”

Ambasaderi Imai yashimiye u Rwanda na UNFPA kubera ibikorwa byabo by’indashyikirwa mu kwita ku bagore n’abakobwa bari mu buzima bugoye kugira ngo babashe kwikura muri ibyo bibazo.

Ati “U Buyapani buzakomeza gutanga ubufasha muri ibyo bikorwa, bukorana bya hafi n’abandi bafatanyabikorwa barimo Guverinoma y’u Rwanda, UNFPA n’abandi.”

UNFPA n’abafatanyabikorwa bayo nka ALIGHT Rwanda, African Humanitarian Action, na Save the Children, babitewemo inkunga na Guverinoma y’u Buyapani, barateganya gukomeza ibi bikorwa byo kwita ku buzima bw’ababyeyi mu nkambi, gufasha abagore n’abakobwa mu bijyanye n’ubuzima bw’imyororokere ndetse no kurwanya ihohoterwa rishingiye ku gitsina no kureba uburyo bwo kubafasha kubona bene izi serivisi bakenera bijyanishijwe n’ibi bihe by’icyorezo cya COVID-19. Ibi bizakorwa mu nkambi esheshatu z’impunzi mu Rwanda kuva muri Mata 2021 kugeza muri Werurwe 2022.

Muri rusange iyi nyubako yo mu nkambi y’impunzi ya Kiziba izafasha mu kubungabunga ubuzima bw’umwana n’umubyeyi, gutanga ubumenyi ku buzima bw’imyororokere, no gufasha mu kurwanya ihohoterwa rishingiye ku gitsina.

Biteganyijwe ko inzu izafasha mu kwita ku bibazo by’ihohoterwa rishingiye ku gitsina n’izindi serivisi zitandukanye yashyizweho ibuye ry’ifatizo mu nkambi y’impunzi ya Kiziba iherereye mu Karere ka Karongi tariki 30 Nzeri 2021 izubakwa mu gihe cy’amezi atatu.

Inkambi ya Kiziba icumbikiye impunzi zo muri Repubulika iharanira Demokarasi ya Congo kuva mu 1996.

Icyenda muri abo bafatiwe mu Murenge wa Ngamba, abandi 18 bafatiwe mu Murenge wa Runda.

Umuvugizi wa Polisi mu Ntara y’Amajyapfo, Superintendent of Police (SP) Theobald Kanamugire yavuze ko abafashwe byaturutse ku bufatanye n’inzego z’umutekano no kugahanahana amakuru n’abaturage.

Yagize ati “Twagejejweho amakuru ko mu Murenge wa Ngamba hari abantu bavugwaho guhohotera abaturage bakabambura ibyo bafite bitwaje imihoro. Iyo hagize umuturage wirwanaho cyangwa agatabaza bahita bamugirira nabi, bariya bafashwe 9 bari mu bacyekwaho ibyo bikotrwa.

SP Kanamugire yakomeje avuga ko kuri iyo tariki ya 3 Ukwakira mu bikorwa bya Polisi byabereye mu Murenge wa Runda hafashwe abantu 18 bajyaga batega abantu bakabambura ndetse bakaba bategaga imodoka z’itwara imitwaro bakazurira bakagenda bapakurura ibirimo.

Umuvugizi wa Polisi mu Ntara y’Amajyepfo yashimiye abaturage uburyo bakomeje kugaragaza uruhare mu gufasha inzego z’umutekano mu gufata abacyekwaho ibyaha anabakangurira gukomeza gutanga amakuru. Yaburiye abakora ibyaha n’abandi batekereza kuzabikora ko bashatse babicikaho kuko ibikorwa bya Polisi byo kubafata bitazigera bihagarara.

Abafashwe bahise bashyikirizwa Urwego rushinzwe ubugenzacyaha (RIB) kugira ngo hatangire iperereza. Aba bafashwe nyuma y’aho mu cyumweru dusoza muri aka Karere ka Kamonyi hari hafashwe abandi bantu bacyekwaho gutega abaturage bakabambura bitwaje imihoro.

Bamwe mu bakekwaho ubujura bafatiwe mu Karere ka Kamonyi

Byari biteganyijwe ko uru rugomero ruzatanga megawati 80 z’umuriro w’amashanyarazi hagati y’ibihugu bitatu, uzaba warangiye ku itariki ya 31 Ukuboza uyu mwaka ariko bitewe n’ibibazo birimo kuba waratinze gutangira, ibibazo bijyanye n’ishyirwa mu bikorwa ryawo, ibyatewe n’icyorezo cya Covid-19 n’ibindi bitandukanye, uyu mushinga ntabwo uzasorezwa igihe.

Umugenzuzi Mukuru w’Imari ya Leta, Obadiah Biraro, yavuze ko byaba ari igitangaza uyu mushinga usorejwe igihe wari wateganyirijwe.

Ati “Twasanze kongera igihe uyu mushinga uzamara ari ngombwa, kandi ntabwo akazi [gasigaye] kazaba karangiye mu mezi atatu gusa asigaye ngo umwaka urangire, karamutse karangiye, byaba bimeze nk’igitangaza.”

The New Times yatangaje ko muri raporo yakozwe kuri uyu mushinga, hagaragajwe ko muri miliyoni 340$ zagombaga gutangwa kugira ngo uyu mushinga ushyirwe mu bikorwa, miliyoni 146$ gusa, zingana na 43% by’amafaranga akenewe, ari yo amaze kuboneka.

Idindira ry’uyu mushinga rishobora kugira ingaruka ku ngengo y’imari yari yateganyijwe gukoreshwa ikaba yakwiyongera.

Umugenzuzi Mukuru w’imari ya Leta muri Tanzania, Charles Kichere, yatangaje ko nubwo uyu mushinga watinda, bidakwiye ko ingengo y’imari wari waragenewe yakongerwa kuko ari inguzanyo, bityo hakwiye gukorwa ibishoboka byose amafaranga yagenewe uyu mushinga ntiyongerwe.

Yagize ati “Bitewe n’uko amafaranga [yakoreshejwe muri uyu mushinga] ari inguzanyo, byaba byiza ko uzuzuzwa hakoreshejwe ingengo y’imari yateganyijwe, ahubwo amafaranga azasaguka akaba yakoreshwa mu yindi mishinga.”

Byitezwe ko raporo y’idindira ry’uyu mushinga izashyikirizwa inteko zishinga amategeko z’ibihugu birebwa n’iki kibazo. Uyu mushinga wubakwa ku mugezi w’Akagera, uri mu mugambi mugari wa Leta y’u Rwanda wo kugeza amashanyarazi ku Banyarwanda bose bitarenze mu 2024.

Umushinga wo kubaka urugomero rwa Rusumo ushobora kudasorezwa igihe

Tariki 25 Nyakanga 2007 ni bwo Guverinoma y’u Rwanda yasohoye igazeti irimo umwanzuro wo kuvana igihano cy’urupfu mu mategeko yayo ahana ibyaha. Bivugwa ko icyo gihano cyakuweho kimaze gukatirwa abantu bagera kuri 600.

Ku butegetsi bwa Grégoire Kayibanda n’ubwa Juvénal Habyarimana ibi bihano byaratangwaga cyane ariko bigakorerwa mu muhezo.

Bamwe mu banyonzwe ku butegetsi bwa Kayibanda hari muri 1963 ni abafatiwe mu bitero bitaga iby’inyenzi naho Habyarimana we icyo gihano yagikoresheje ahana abahoze mu butegetsi bwa Kayibanda yari amaze guhirika ku butegetsi.

Iki gihano cyongeye guhabwa abantu mu Rwanda nyuma ya Jenoside yakorewe Abatutsi. Tariki ya 28 Mata 1998 abantu 22 mu bice bitandukanye by’igihugu bahanishijwe igihano cy’urupfu ndetse barasirwa ku karubanda.

Mur2006 impaka zakomeje kwatsa umuriro ko igihano cy’urupfu cyakurwaho. Icyo gihe mu magereza atandukanye hari harimo abantu 1000 bategereje guhabwa icyo gihano kuko bari barahamijwe icyaha cya Jenoside yakorewe Abatutsi bashyirwa muri baruharwa.

Muri Nyakanga 2007 Guverinoma y’u Rwanda yatangaje ko yakuyeho igihano cy’urupfu bityo igihano gikomeye mu mategeko y’u Rwanda gisigara ari ugufungwa burundu.

Hari abatekereza ko byaba byiza kigaruwe

Hari bamwe batekereza ko igihano cy’urupfu gisubijweho bishobora gucubya ubwicanyi n’ubugome ndengakamere buri kugaragara hirya no hino mu gihugu.

Mu gitabo cy’amategeko ahana y’u Rwanda kwica ni icyaha nyamara hari ababirengaho bakica bagenzi babo.

Inkuru z’abantu bishe abandi kandi mu buryo bw’ubugome ndengakamere zikunze kuvugwa muri ibi bihe. Uku kwicana bigaragara mu bashakanye, abana n’ababyeyi, abavandimwe ndetse n’abaturanyi.

Uretse abica bagenzi babo hari n’abagaragaza ko iki gihano gikwiye ku bantu basambanya abana cyane ko iki cyaha cyaje muri 10 bya mbere byugarije igihugu.

Ibi bituma hari abatekereza ko kuba igihano cy’urupfu cyarakuweho mu Rwanda ari imwe mu ntandaro y’ubugome ndengakamere bukigaragara mu gihugu.

Uretse ibi hari n’abadatinya kugaragaza ko ubwiyongere bw’ibyaha buturuka ku bihano byoroheje biri mu mategeko ahana y’u Rwanda.

Bamwe mu baganiriye na IGIHE bavuze ko umuntu ukora icyaha cyuje ubugome ndengakamere aba akwiye kwicwa kuko ashobora kugera no muri gereza akanduza n’abari hafi yo kujya mu buzima busanzwe.

Nsanzumuhire Vedaste yagize ati “Mu by’ukuri uriya muntu ukoze icyaha cyuje ubugome nta bumuntu na we aba afite. Njyewe mbona akwiye gupfa. Uzi ko ubona afite umutima nk’uw’inyamaswa. Ntabwo navuga ko aba akwiye kubaho rwose.”

Michel Twagirayesu yavuze ko hakwiye kujya harebwa ubugome umuntu yakoranye icyaha mbere yo gufatirwa ibihano mu nkiko.

Ati “Numva bari bakwiye kureba ubugome yagikoranye, basanga ari ndengakamere kuko haba hari n’ibimenyetso bifatika, agahanwa byaba ngombwa akicwa.”

“Hari uwo mperuka kumva ngo yasambanyije umwana w’imyaka itanu, ubuse koko uwo akwiye kubaho? Mbona ari byo bigihembera umuco wo gukora ibyaha nk’ibyo kuko abantu ntibakibitinya.”

Byaba ari ukuvutsa umuntu uburenganzira

Mbere ya 2007, imiryango mpuzamahanga iharanira uburenganzira bwa muntu yahoraga isaba u Rwanda gukuraho igihano cy’urupfu ngo kuko biba ari ukuvutsa ubuzima umuntu kandi n’ubundi ntacyo bihindura ku wagihawe.

Umuyobozi w’Umuryango utari uwa Leta, wita ku Burenganzira bwa Muntu n’Iterambere (GLIDH), Dr Tom Mulisa, yabwiye IGIHE ko n’ubundi igihano cy’urupfu ntacyo gihindura ku muntu wagihawe uretse kumuvutsa uburenganzira gusa.

Ati “Buriya ibihano byose biberaho impamvu eshatu, guhana umuntu bigatuma atinya kongera gukora icyaha, kugorora umuntu no kumuhindura ariko igihano cy’urupfu nta ngingo n’imwe muri zo wakibaramo.”

Yavuze ko ahari igihano cy’urupfu, abica baba benshi kandi ko kwica bitagabanya gukora ibyaha kuko bidaha umunyabyaha umwanya wo kwitekerezaho no gushyira ubwenge ku gihe ngo abone ko yakosheje koko.

Umushakashatsi Tom Ndahiro ni umwe mu babona iyi ngingo kimwe na Mulisa.

Yavuze ko gutekereza ko igihano cy’urupfu ari cyo cyakemura ikibazo cy’ibyaha ndengakamere biri kugaragara byaba ari ukwibeshya.

Ati “Byaba ari ukwibeshya. None se ko abantu bakoze Jenoside yakorewe Abatutsi igihano cy’urupfu nticyari kiriho? Ntibyabujije abantu ko uretse no kubica baranabaryaga, ntibyababujije kwica abana babo, ntibyababujije kujugunya abandi mu misarani.”

Yavuze ko abashakashatsi batandukanye bakwiye guhaguruka bagakora ubushakashatsi hakamenyekana intandaro y’ibyaha biri kuba nubwo yemeza ko nta gikuba kiracika.

Ati “Mu gihugu cyabayemo Jenoside ntabwo ibyaha nk’ibyo bijya bishira. Kuba umuryango mugari ufite ibyawubayemo bishobora gutuma n’ibyo byaha bibaho. Ni ikintu kiba kitoroshye kuvuga ngo umuntu arakora icyaha kubera impamvu runaka ahubwo icyaha gikorwa kuko hari umuntu wabikoze. Uyu munsi abantu birabakura umutima kubera ko bamaze iminsi batabona ibyaha nk’ibyo bikorwa ariko ubundi byarakorwaga.”

Kumwica uba umukijije

Ku ruhande rw’Abadepite bavuga ko igihano cy’urupfu kibaye kinariho cyaba ari cyo cyoroshye kurusha uko umuntu yahanishwa gufungwa burundu akabaho yumva ko atazongera gusubira mu muryango nyarwanda.

Umuyobozi wungirije wa Komisiyo y’Uburenganzira bwa muntu no kurwanya Jenoside mu Nteko Ishinga Amategeko, Umutwe w’Abadepite, Karemera Francis, yavuze ko igihano cy’urupfu cyaba ari nko korohereza umuntu bigatuma atitekerezaho.

Ati “Igihano cy’urupfu nticyakuraho icyaha cy’indengakamere. Hari n’uwo uhanisha igihano cy’urupfu ukaba umugiriye neza. Njyewe natekereza igihano cyo gufungwa burundu nta mbabazi zizabaho akagumayo, ntazagaruke mu muryango nyarwanda. Aho niho uzi ubwenge yicuza akavuga ngo nakoze icyaha ndahanwa ariko kumwica uba umukijije.”

Yavuze ko iyo umuntu afunzwe nibura bimuha umwanya wo kongera kwitekerezaho bikanamuha isomo rikomeye.

Ati “Arabitekereza cyane, aba azi ngo arafunze ntazongera gusubira mu muryango nyarwanda, agatekereza ko azaguma aho ngaho kugeza igihe ubuzima ku Isi burangiriye. Mu buryo bw’imitekerereze biramufasha kandi icyo ni cyo gihano na ho kumwica ntacyo uba ukoze.”

Yasabye ko mu guharanira kurwanya ibi byaha ndengakamere ari ibya buri wese aho kubirekera mu biganza by’ubutabera bwonyine.

Yavuze ko inzego zitandukanye zikwiye kurushaho kwigisha no gukora ubukangurambaga muri rubanda kugira ngo buri wese yumve uburemere bw’icyaha icyo ari cyo cyose agiye gukora.

Urwego rw’Ubushinjacyaha ruerutse kugaragaza ko amadosiye y’ibyaha byagejejwe mu bushinjacyaha yikubye inshuro zirenga eshatu, biva ku byaha bisaga ibihumbi 25 mu 2015, bigera ku byaha bisaga ibihumbi 67 mu 2021.

Igaragaza kandi ko mu 2020/2021 hakiriwe amadosiye 67,512 arimo ibyaha birenga 300.

Hari abagaragaza ko u Rwanda rukwiye gusubizaho igihano cy’urupfu kugira ngo rukumire ibyaha ndengakamere mu gihe abandi bavuga ko atariwo muti w’ikibazo

Umuvugizi wa Polisi mu Ntara y’Amajyapfo, SP Theobald Kanamugire, yavuze ko abafashwe byaturutse ku bufatanye n’inzego z’umutekano no guhanahana amakuru n’abaturage.

Yagize ati “Twagejejweho amakuru ko mu Murenge wa Ngamba hari abantu bavugwaho guhohotera abaturage bakabambura ibyo bafite bitwaje imihoro. Iyo hagize umuturage wirwanaho cyangwa agatabaza bahita bamugirira nabi, bariya bafashwe 9 bari mu bacyekwaho ibyo bikotrwa.

SP Kanamugire yakomeje avuga ko kuri iyo tariki ya 3 Ukwakira 2021 mu bikorwa bya Polisi byabereye mu Murenge wa Runda, hafashwe abantu 18 bajyaga batega abantu bakabambura ndetse bakaba bategaga imodoka zitwara imizigo bakazurira bakagenda bapakurura ibirimo.

Yagize ati “Muri bariya bantu 18 harimo uwitwa Jean Bosco Musabyimana yafatiwe mu gihuru yihishe afite icyuma ategereje ko imodoka iza akayurira agakuramo ibirimo. Uwitwa Musabyimana Joseph we yafatanywe udupfunyika 7 tw’urumogi.”

Umuvugizi wa Polisi mu Ntara y’Amajyepfo yashimiye abaturage uburyo bakomeje kugaragaza uruhare mu gufasha inzego z’umutekano mu gufata abacyekwaho ibyaha anabakangurira gukomeza gutanga amakuru. Yaburiye abakora ibyaha n’abandi batekereza kuzabikora ko bashatse babicikaho kuko ibikorwa bya Polisi byo kubafata bitazigera bihagarara.

Abafashwe bahise bashyikirizwa Urwego rushinzwe ubugenzacyaha (RIB), kugira ngo hatangire iperereza.

Abo bafashwe nyuma y’aho mu cyumweru dusoza muri ako Karere ka Kamonyi hari hafashwe abandi bantu bacyekwaho gutega abaturage bakabambura bitwaje imihoro.

Itegeko no 68/2018 ryo kuwa 30/08/2018 ingingo ya 166 ivuga ko Umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2) ,ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano. Ingingo ya 167 y’iri tegeko ivuga ko ibihano ku cyaha cyo kwiba byikuba kabiri (2) iyo uwibye yakoresheje guca icyuho, kurira cyangwa yakoresheje igikoresho icyo aricyo cyose gifungura aho utemerewe kwinjira, kwiba byakozwe mu nzu ituwemo cyangwa isanzwe ibamo abantu cyangwa mu nyubako ziyikikije, kwiba byakozwe nijoro, kwiba byakozwe n’abantu barenze umwe.

Ingingo ya 121 ivuga ko umuntu wese, abishaka, ukomeretsa undi, umukubita cyangwa umusagarira ku buryo bwa kiboko bubabaje aba akoze icyaha. Iyo abihamijwe n’urukiko, ahanishwa igifungo kitari munsi y’imyaka itatu (3) ariko kitarenze imyaka itanu (5) n’ihazabu y’amafaranga y’u Rwanda atari munsi y’ibihumbi magana atanu (500.000 FRW) ariko atarenze miliyoni imwe (1.000.000 FRW). Iyo icyaha cyakorewe umwana, umubyeyi, uwo bashyingiranywe cyangwa umuntu udashoboye kwitabara kubera imiterere ye ku mubiri cyangwa mu bwenge, ahanishwa igifungo kirenze imyaka itanu (5) ariko kitarenze imyaka umunani (8) n’ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenga miliyoni ebyiri (2.000.000 FRW).

Iteka rya minisitiri nº 001/moh/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira ikiyobyabwenge cy’urumogi na Heroyine mu biyobyabwenge bihambaye.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko Umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.

Benshi mu bakunda kugura imbuto bavuga ko imineke iryoha cyane, tukaba tugiye kureba umumaro wo kurya nibura umuneke umwe ku munsi, nk’uko bigaragara ku rubuga www.everydayhealth.com rwandika ku buzima.

Imineke ifasha kugabanya agahinda gakabije (depression)

Agahinda gakabije gaterwa na ‘serotonim’ iba yabaye nyinshi mu bwonko, mu mineke habamo ‘tryptophan’ ibasha kugabanya cyangwa gukuraho ibimenyetso by’agahinda gakabije.

Igabanya ibyago byo kurwara asthma

Ubushakashatsi bwakorewe mu Bwongereza bwagaragaje ko abana barya nibura umuneke umwe ku munsi bibagabanyiriza 34% byo kuba barwara asthma.

Imineke ni ingenzi mu buzima bwa buri munsi kuko yiganjemo intungamubiri zifasha umubiri kumererwa neza. Ni byiza gushyira imineke muri buri funguro ryacu kugira ngo turusheho kugira ubuzima buzira umuze.

Kurya imineke bituma amagufa amererwa neza

Intungamubiri ziboneka mu mineke zubaka amagufa ndetse zikayakomeza ku buryo atavunagurika uko yiboneye kose.

Irinda umubiri kurwaragurika

Mu mineke habamo ‘antioxydants’ nyinshi zikarema utunyangingo twinshi turwanya ikintu cyose cyatera indwara mu mubiri, nk’indwara y’umutima, diyabete na kanseri.

Ifasha ubwonko gukora neza

Imineke ikungahaye kuri potasium na magnesium, iyo myunyu ngugu ifasha ubwonko kugira icyerekezo kizima no gukora neza.

Kurya imineke bifasha mu kugabanya ibiro

Ku bantu bashaka kugabanya ibiro, imineke ni amahitamo meza cyane kuko ifasha mu gushongesha ibinure, bityo hehe no guhura n’umubyibuho ukabije.

Uyu mwarimu wigisha mu Ishuri Nderabarezi rya Rubengera mu Karere ka Karongi, mu mfashanyigisho asangiza bagenzi be yibanda ku masomo agenewe abana b’incuke n’ajyanye n’ubugeni n’ubukorikori.

Yagize ati “Ntegura isomo, nkaryigisha nifata amashusho nanerekana ibikoresho byakwifashishwa mu kuryigisha, nkanagaragaza imikoro y’ingenzi yafasha umurezi kumvikanisha isomo ari kwigisha.”

Mu gutegura imfashanyigisho, Habimana yifashisha ibikoresho birimo imifuka n’impapuro. Avuga ko iki gitekerezo yakigize nyuma yo kubona ko mu Rwanda hari abarimu bigisha mu mashuri y’incuke batarize kwigisha.

Habimana umaze imyaka itandatu afatanya n’Urwego rw’Igihugu rushinzwe Uburezi bw’Ibanze, REB, kwandika ibitabo no gutegura integanyanyisho, amaze guhabwa ibikombe bibiri bitewe n’uruhare agira mu gufasha bagenzi gutanga uburezi bufite ireme.

Agira ati “Turacyafite umubare muke w’abarimu basobanukiwe neza ibijyanye n’uburezi bw’incuke ndetse n’amasomo y’ubugeni n’ubukorikori. Intego yanjye ni ugufasha bagenzi banjye gutanga uburezi bufite ireme.”

Mwarimu Habimana asanzwe yifashishwa na REB mu guhugura abarimu mu bijyanye no gukora imfashanyigisho ndetse yanafashije iki kigo mu itegurwa ry’integanyanyigisho ishingiye ku bushobozi.

Agira ati “Mwarimu igihe ategura isomo akwiye kwibanda ku buzima bwa buri munsi umwana abayemo kandi iryo somo rikaba riha umunyeshuri umwanya uhagije wo gukora, ntabe ari mwarimu ukora gusa. Abanyeshuri bakunda kwiga bakora, bishimisha, kuko ibishimisha umwana bimufasha kumva isomo vuba.”

Mu 2017, uyu mwarimu yahawe igikombe nk’umwe mu bari bahagarariye TTC Rubengera mu marushanwa yo guhanga udushya. Icyo gihe yari yakoze imfashanyigisho ikomatanyije yise ‘Ityazo’. Iyi mfashanyigisho yari igishushanyo gikubiyemo ubuzima bwose bw’igihugu ku buryo mwarimu ayereka abanyeshuri akababaza icyo babonye kuri icyo gishushanyo akabona aho ahera abasobanurira.

Mu 2020, nabwo Habimana yahawe igikombe ku rwego rw’Intara y’Iburengerazuba, mu marushanwa yiswe ‘Innovation mu Burezi’. Icyo gihe yari yakoze imfashanyigisho yereka abarimu uko bakwiye kwigisha isomo ry’imibumbe igaragiye izuba.

Amashusho yigisha abarimu uburyo bwiza bwo gutegura imfashanyigisho uyu mwarimu ayashyira kuri Channel ya YouTube yitwa ‘Zoom eye TV’. Avuga ko intego ye ari ugufasha bagenzi be gutanga ubumenyi bufite ireme.

Habimana Innocent wagize uruhare mu itegurwa ry’iteganyanyisho ishingiye ku bushobozi, CBC, ikoreshwa mu burezi bw’u Rwanda, ari gusangiza bagenzi be uburyo bwiza bwo gutegura imfashanyisho wifashishije imikino y’abana

Ibi CP Kabera yabigarutseho kuri iki Cyumweru mu kiganiro yagiranye na Televiziyo y’u Rwanda; cyagarutse ku myitwarire iri kuranga abafite utubari n’abakiliya babo mu bijyanye no kwirinda COVID-19, nyuma y’igihe gito dukomorewe.

Inama y’Abaminisitiri yo ku wa 21 Nzeri 2021 ni yo yakomoreye utubari nyuma y’amezi asaga 18 yari ashize dufunze mu rwego rwo kwirinda COVID-19.

CP Kabera yavuze ko nyuma y’aho utubari dufunguriwe hari twinshi tumaze kugaragara twarenze ku mabwiriza yo kwirinda COVID-19, harimo n’utwafunguye utubyiniro kandi bitemewe.

Ati “Hari abantu 64 bafashwe mu Murenge wa Kacyiru, mu Karere ka Gasabo banywa ariko banabyina bivuze ko akabari nubwo kemerewe gufungura hari abiyongereyeho akabyiniro.”

Yakomeje avuga ko ibyemezo by’Inama y’Abaminisitiri byasohotse bikomorera utubari nta tubyiniro turimo.

Ati “Ku rupapuro rw’umuhondo hariho akabari nta kabyiniro cyangwa se utubyiniro twari ho. Ntabwo ntekereza ko abandikaga kuri ruriya rupapuro bibagiwe kwandika utubyiniro oya.”

“Urundi rugero ni urw’abantu 60 bafashwe na none hano muri Kacyiru bari mu kabyiniro babyina n’abandi bantu 30 na none bafatiwe muri Kicukiro. Iyo urebye iyi mibare turi kuvuga ikigaragara cya mbere ni uko hari abantu kugeza ubu bagifatwa kubera ko bagorwa no kubahiriza amabwiriza yo kwirinda COVID-19 bagahora bari munsi yayo.”

CP John Bosco Kabera yavuze ko kurenga ku mabwiriza yo kwirinda COVID-19 bihombya uwabikoze.

Ati “Turimo turabibona mu tubari aho twemerewe gufungura twujuje ibyangombwa abantu bakiyongereraho utubyiniro. Inyungu zo gukora ibitemewe numva nta muntu zifitiye akamaro, ingaruka yazo ni igihombo, urugero nk’aho hantu bafatiye ahantu babyina bari bafunguye akabari hagafungwa amezi atatu bagacibwa amande y’ibihumbi 250 Frw niba nibuka neza.”

“Nyuma y’icyumweru kimwe cyangwa bitatu utubyiniro nidufungurwa hakajyaho amabwiriza atugenga. Uwo muntu akabari ke kazaba kagifunze n’akabyiniro ke kazaba kagifunze, inyungu irihe rero? Abantu bakwiye kumva ko nta rujijo ruri muri ibi. Ikintu kitanditse hano ntabwo ari uko urwego rwakibagiwe hari n’abavuga ngo ngira ngo gufungura akabari ntufungure utubyiniro baribeshye, ntabwo utubyiniro bigoye kubyandika.”

Nyuma y’uko utubari dukomerewe, Minisiteri y’Ubucuruzi n’Inganda (MINICOM) n’Urwego rw’Igihugu rushinzwe Iterambere (RDB) byashyizeho amabwiriza agenga uko dukora hubahirizwa ingamba zo kwirinda COVID-19.

Amwe muri aya mabwiriza avuga ko amasaha yo gufungura no gufunga utubari akurikiza gahunda rusange ya Leta igena amasaha ibikorwa by’ubucuruzi byemerewe gukorwamo; utubari tugomba gushyira aho binjirira uburyo bwo gukaraba intoki n’amazi meza n’isabune cyangwa umuti wabugenewe (hand sanitizer).

Avuga kandi ko mu kabari aho bicara hagomba gushyirwa ikimenyetso kiharanga kandi hakubahirizwa intera ya metero imwe n’igice (1,5 m) hagati y’intebe n’indi; utubari tugomba gushyiraho uburyo bwo kwishyurana hakoreshejwe ikoranabuhanga kandi abatugana bagashishikarizwa kubukoresha; buri kabari kandi kagomba kugira umukozi cyangwa abakozi bashinzwe kugenzura ishyirwa mu bikorwa ry’amabwiriza yo kwirinda COVID-19. Uwo mukozi (abakozi) agomba kuba afite umwambaro umuranga w’ibara ry’umuhondo; Inzugi n’amadirishya by’utubari bigomba kuba bifunguye kugira ngo umwuka ushobore kwinjiramo ku buryo buhagije kandi aho bishoboka abakiriya bagaherwa serivisi hanze (open space) kandi bagakomeza kubahiriza amabwiriza yo kwirinda COVID-19.

Inzego z’ubuyobozi zategetse ko ahakorerwa ubucuruzi bw’utubari hagomba kubahiriza amabwiriza y’isuku ashyirwaho n’inzego zibishinzwe; buri muntu wese winjira mu kabari agomba kuba yambaye agapfukamunwa; abakora mu kabari bagomba kuba bambaye agapfukamunwa neza kandi igihe cyose.

Abakozi bose bakorera utubari mu Mujyi wa Kigali bagomba kuba barahawe urukingo rwa COVID-19 kandi ba nyir’utubari bagomba gupimisha abakozi bose COVID-19 buri nyuma y’iminsi 14.

CP John Bosco Kabera yakebuye abumva ko Leta yibeshye ku gufungura utubari igasiga utubyiniro

Ku wa Gatandatu tariki ya 2 Ukwakira 2021 nibwo inzego z’ubuzima zafashe ibipimo mu tubari two hirya no hino muri Kigali. Ku ikubitiro haherewe ku tubari 13 nibura muri buri kamwe hagenda hapimwa abantu 50

Ni muri gahunda yatangijwe yo kumenya uko ubwandu buhagaze ahahurira abantu benshi, kuko igikorwa nk’iki na none cyari giherutse gukorwa muri siporo rusange izwi nka ‘Car Free Day’.

Umuyobozi w’Ishami rishinzwe kurwanya indwara z’ibyorezo muri RBC, Dr Rwagasore Edson yavuze ko iyo gahunda ari uburyo bwiza bwo gutahura ubwandu bushya no kumenya uko icyorezo gihagaze mu baturage ndetse yemeza ko ibikorwa byo gupima abantu mu buryo nk’ubwo butunguranye bizakomeza gukorwa mu bihe binyuranye ariko hibandwa cyane ku hahurira abantu benshi.

Icyemezo cyo gupima mu buryo bwa rusange abakiliya n’abakozi b’utubari kije nyuma y’iminsi mike twemerewe kongera gukora, nyuma y’uko Inama y’Abaminisitiri yateranye ku wa 21 Nzeri 2021, yanzuye ko dufungurwa nyuma y’amezi 18 twari tumaze dufunzwe nk’imwe mu ngamba zamaze igihe ikirekire zidahinduka mu kwirinda ikwirakwira ry’icyorezo cya COVID-19.

RBC yatangaje ko ibipimo yafashe ku wa Gatandatu bigaragaza ko nta mukiliya cyangwa umukozi wa kabari wasanzwemo COVID-19