Tag: featured

Aba bagabo bombi bafashwe mu mwaka wa 2018 ubwo bambukaga umupaka bavuye muri Uganda mu nama yari yabahuje n’uruhande rw’undi mutwe w’iterabwoba wa RNC, ariko bakaza gufatwa n’ingabo za Repubulika Iharanira Demokarasi ya Congo bagashyikirizwa u Rwanda.

Uko ari babiri bari kuburanishwa n’Urugereko Rwihariye rw’Urukiko Rukuru Ruburanisha Ibyaha Mpuzamahanga. Mu iburanisha ryabaye ku wa 7 Ukwakira 2021, ubushinjacyaha bwasabye urukiko guhamya aba bagabo ibyaha by’iterabwoba biturutse ku bitero FDLR yagabye mu Rwanda.

Bwavuze ko aba bagabo babiri bari bafite uruhare rukomeye mu byaha uyu mutwe wakoreye ku butaka bw’u Rwanda, buheraho busaba urukiko ko rubahamya icyaha cy’ubwicanyi, iterabwoba no kurema umutwe witwaje intwaro utemewe.

Ibi ubushinjacyaha bwabihereyeho busaba urukiko kubakatira igifungo cya burundu.

Nyuma yo kumva ibisabwa n’ubushinjacyaha urukiko rwapfundikiye iburanisha. Urubanza ruzasombwa ku wa 15 Ukuboza 2021.

Lt Col Jean-Pierre Nsekanabo na La Forge Fils Bazeye basabiwe gufungwa burundu (Ifoto: The New Times)

Kimwe n’ubundi burwayi bwinshi, bumwe mu bwo mu mutwe buravurwa bugakira, ndetse hari ubwo umuntu ubufite ashobora gukomeza kubana n’abandi kandi ari muzima, rimwe na rimwe akaba afata imiti imufasha kurushaho kumererwa neza no gukomeza kubaho mu buzima busanzwe.

Icyakora bamwe mu babana n’ubu burwayi, bavuze ko nubwo bafite ubushobozi bwo gukomeza kubaho ubuzima busanzwe, iyo bagenzi babo babimenye bashobora kubahohotera, ku buryo hari abirukanywe mu kazi bitewe n’iyo mpamvu.

Nkurunziza Aimable ni umwe mu bahuye n’icyo kibazo, aho yahejwe n’umuryango we nyuma yo kuvumbura ko abana n’uburwayi bwo mu mutwe, nubwo imiti afata ituma ashobora gukomeza ubuzima busanzwe nta kibazo.

Yagize ati “Ubu singira aho kuba kuko nahejwe n’umuryango wanjye, kandi ufite ubushobozi bwo kuba wamfasha nkabona aho kuba, ariko ntabwo mfite ubwo burenganzira.”

Mugenzi we utifuje ko amazina ye atangazwa, yavuze ko yacishirije ishuri atarangije kaminuza ubwo yigaga mu mwaka wa mbere wa kaminuza.

Yagize ati “Ubwo natangiraga kugaragaza ibimenyetso by’indwara zo mu mutwe, nari mfite imyaka 16 gusa. Nari nkiri umwana ariko data yampaye akato, nkajya ndwara nkaremba kuko nta miti nafataga, ubwo nahitaga mpagarika ishuri, nazoroherwa nkarisubiramo, ibyo bikagenda bigira ingaruka mbi ku myigire yanjye.”

Nyuma ni bwo yagiye kwiga imyuga mu bijyanye n’amahoteli ariko ahantu hose yakoraga, iyo bamenyaga iby’uburwayi be bahitaga bamwirukana kandi nta hantu afite ho kujya kuba kuko yari yaravuye iwabo.

Ubu buzima bugoye bwaje gutuma ashukwa n’abagabo bamutera inda ndetse aza kubyara, gusa nyuma aza kumenya ko ashobora gutangira gufata imiti ishobora kujya imufasha mu gihe yagize ibibazo by’uburwayi.

Iyi miti yatangiye kuyifatira mu bitaro byita ku bafite uburwayi bwo mu mutwe biri i Ndera, ndetse ubu ameze neza, nubwo hari abamenya ko afata iyo miti bakamuha akato.

Yagiriye Abanyarwanda inama, avuga ko “Indwara zo mu mutwe ni indwara nk’izindi, ziravurwa zigakira kandi ibyo ni ibintu bibaho cyane. N’iyo zitakira, abarwayi bazo bashobora gukomeza kubaho bafata imiti kandi ikabagirira akamaro, ntabwo ari byiza kubaha akato no kubaca mu muryango kuko ibyo bishobora kubongera uburemere bw’uburwayi bwabo. Biba byiza kubaba hafi, ukabumva, ukabera ko muri kumwe muri byose kandi ukabaha urubuga bakisanzura, ibyo bintu byafasha umurwayi cyane.”

Umuyobozi w’Ishyirahamwe ry’Abafite Uburwayi bwo mu Mutwe mu Rwanda, Umutesi Rose, yavuze ko bari gukora ubushakashatsi bugamije kumenya neza umubare w’abafite uburwayi bwo mu mutwe, abafata imiti n’abayikeneye, hakazanarebwa ku mbogamizi bahura nazo mu buzima bwa buri munsi.

Yasobanuye ko hari ibirego bajya bakira by’abarwayi bo mu mutwe bahohotewe kubera uburwayi bwabo, avuga ko babashakira ababunganira mu mategeko kugira ngo barenganurwe.

Ku mpuzandengo, Abanyarwanda 20,5% babana n’uburwayi bwo mu mutwe butandukanye, ariko iyo bigeze ku barokotse Jenoside yakorewe Abatutsi mu 1994, iyo mibare irazamuka, ikikuba gatatu cyangwa kane.

Buri tariki ya 10 Ukwakira, Isi yizihiza Umunsi Mpuzamahanga wahariwe abafite uburwayi bwo mu mutwe, aho mu Rwanda ufite insanganyamatsiko igira iti ‘Hari icyizere nyuma yo gusanganwa uburwayi bwo mu mutwe. Leta dushake ubuvuzi.’

Mu Rwanda, abagore ni bo bibasirwa n’uburwayi bwo mu mutwe kurusha abagabo, mu gihe abatuye mu mijyi ari bo bagerwaho nabwo cyane kurusha abatuye mu bindi bice by’igihugu.

Kugeza ubu mu Rwanda hari gukorwa ubukangurambaga buzamara amezi atatu, bugamije gushishikariza abantu kwita ku burwayi bwo mu mutwe.

Ubu burwayi buvurwa kuri mituweli, ndetse ku bigo nderabuzima hamaze koherezwa abaganga bafite ubumenyi mu kuvura ubu burwayi.

Abafite uburwayi bwo mu mutwe bagaragaje imbogamizi bagihura nazo mu muryango Nyarwanda

Uyu mugabo w’imyaka 59 yageze ku Kibuga Mpuzamahanga cy’Indege cya Kigali i Kanombe saa Kumi n’iminota itanu kuri uyu wa Kane, tariki ya 7 Ukwakira 2021.

Rurangwa yari yambaye amadarubindi, ishati y’ubururu bwerurutse, ikoboyi n’inkweto z’umweru zitarimo imishumi.

Yahise afatwa n’abapolisi babiri, bamwambitse amapingu mbere yo kumwinjiza mu modoka y’Urwego rw’Igihugu rw’Ubugenzacyaha, RIB.

Umuvugizi w’Ubushinjacyaha, Nkusi Faustin, yavuze ko Rurangwa wakiriwe mu Rwanda agiye gukora ibihano yahawe n’Urukiko Gacaca rwa Gisozi byo gufungwa imyaka 30.

Yagize ati “Hari umwavoka wagenwe [yatanzwe n’Urugaga rw’Abavoka mu Rwanda] kugira ngo amufashe, aramenyeshwa icyo cyemezo cy’urukiko Gacaca, ndetse abwirwe uburenganzira afite kuri icyo cyemezo. Ibyo byose arabimenyeshwa.’’

Itegeko riteganya ko umuntu wakatiwe adahari yemerewe gusubirishamo urubanza, akajuririra icyemezo cyafatiwe.

Nkusi yagize ati “Ni uburenganzira bwe kujurira, arabwirwa icyo amategeko ateganya, abwirwe n’igihe icyo cyemezo kimara. Ashobora kujurira cyangwa akabireka. Byose ni uburenganzira bwe.’’

Mu 2008 ni bwo u Rwanda rwohereje muri Amerika inyandiko zisaba ko Rurangwa atabwa muri yombi.

Muri Amerika hatanzwe inyandiko 23, muri zo iki gihugu kimaze koherereza u Rwanda abanyabyaha batandatu barimo na Rurangwa.

Ati “Inzego z’ubutabera za Amerika icyo zakoze ni ukumwohereza ngo arangize ibihano yakatiwe. Hari icyo bari gukora kandi turashimira cyane inzego z’ubutabera. Akazi bakora ni ubufatanye butuma abakora ibyaha batidegembya. Twizeye ko n’ibihugu bindi bizabikomeza.’’

Nkusi avuga ko Rurangwa yagaragaye mu bikorwa byinshi muri Jenoside, aho yagiye mu nama n’ibitero byaguyemo Abatutsi.

Yahamijwe ibyaha birimo ibya Jenoside, ubufatanyacyaha mu cyaha cya Jenoside, gukangurira abantu gukora Jenoside, kwica, icyaha cyibasiye inyokomuntu n’ibindi yakoze nk’uwari uhagarariye Interahamwe muri Gisozi.

Nyuma yo kugezwa ku Kibuga Mpuzamahanga cy’Indege cya Kigali i Kanombe, yashyikirijwe abakozi ba Ambasade ya Leta Zunze Ubumwe za Amerika mu Rwanda na zo zimugeza mu maboko y’inzego z’ubutabera. Yahise ajya gufungirwa muri Gereza ya Nyarugenge i Mageragere.

Rurangwa wabonye izuba mu 1962, mu mwaka wa 2007 yahamijwe n’Urukiko Gacaca rwo ku Gisozi mu Mujyi wa Kigali uruhare muri Jenoside yakorewe Abatutsi, akatirwa gufungwa imyaka 30.

Ubushinjacyaha bwatangaje ko Jenoside yabaye, Rurangwa aba mu Murenge wa Gisozi, Akarere ka Gasabo mu Mujyi wa Kigali. Mu 1994 yari umwarimu mu mashuri abanza ndetse yari Umuyobozi w’Interahamwe muri Gisozi.

Rurangwa ni umwe mu bagize uruhare mu bwicanyi bwahitanye Abatutsi benshi kuri Sainte Famille na Saint Paul muri Kigali. Yanashinze bariyeri zafatirwagaho ndetse zikicirwaho Abatutsi hirya no hino muri Kigali. Uyu mugabo yareganwaga mu rubanza rumwe na Maj. Gen. Laurent Munyakazi wakatiwe igifungo cya burundu n’uwari Perefe wa Kigali, Col. Tharcisse Renzaho.

Rurangwa yahungiye mu cyahoze ari Zaire mu Nkambi ya Kibumba, akomereza mu ya Kayindo. Yahavuye mu 1996 yerekeza muri Amerika.

Mu 2008 ni bwo Oswald Rurangwa wari warahinduye amazina yiyita Oswald Rukemuye, yavumbuwe muri Leta ya Ohio muri Amerika, aho yari umunyeshuri muri Kaminuza ya Wilberforce.

Rurangwa ni umuntu wa gatandatu woherejwe na Amerika mu Rwanda. Ni nyuma ya Enos Iragaba Kagaba [2005], Mudahinyuka Jean Mary Vianney [2011], Mukeshimana Marie Claire [2011], Dr Léopold Munyakazi [2016] ndetse na Munyenyezi Béatrice uheruka kwakirwa ku wa 16 Mata 2021.

Ubushinjacyaha bumaze kohereza mu mahanga inyandiko 1146 zisaba itabwa muri yombi ry’abagize uruhare muri Jenoside babyihishamo. Abamaze koherezwa mu gihugu ni 27.

Rurangwa Oswald wahamijwe ibyaha bya Jenoside ubwo yageraga mu Rwanda

Akigera ku Kibuga Mpuzamahanga cy’Indege cya Kigali yazamuye amaboko, asuhuza abo yasanze i Kigali

Yabanje guhabwa hand sanitizer isukura intoki mu kwirinda ikwirakwira rya COVID-19

Yahise yambikwa amapingu n’abapolisi

Yagejejwe mu Rwanda nyuma yo kwirukanwa ku butaka bwa Amerika

Ahita ajyanwa mu modoka y’Urwego rw’Igihugu rw’Ubugenzacyaha, RIB

Yahise yinjizwa mu modoka ya RIB

Avanwa i Kanombe ajyanwa muri Gereza ya Nyarugenge iri i Mageragere

Umuvugizi w’Ubushinjacyaha, Nkusi Faustin, yashimye ubutabera bwa Amerika bworohereje u Rwanda Rurangwa Oswald wahamijwe ibyaha bya Jenoside ngo asoze igihano cye

Indege yagejeje Rurangwa Oswald ku butaka bw’u Rwanda

Amafoto: Igirubuntu Darcy

Mushimiyimana Azeem

Ni ibiganiro byitabiriwe n’inzego zitandukanye

Ibyo ni ibyagarutsweho ku ya 07 Ukwakira 2021, ubwo mu Karere ka Gasabo hari hateraniye imiryango n’inzego zitandukanye, bavuga ku bukangurambaga n’ubuvugizi bugamije gushaka ibisubizo by’ibibazo abafite uburwayi bwo mu mutwe bahura nabyo.

Utarashatse kwivuga amazina ye agahabwa irya Odeth, avuga ko yafashwe n’uburwayi bwo mu mutwe ubwo yari mu mwaka wa kane w’amashuri yisumbuye, ariko akomeza kugerageza gusa aza guhagarika ishuri ubwo yari agiye gusoza umwaka wa mbere wa kaminuza.

Yaje kwihugura mu bijyanye no gukora muri Hoteli

Ahohoterwa bwa mbere bitewe n’uburwayi avuga ko yari arimo kwakira abantu bari baje mu nama, aza guhangayika kubera akazi kenshi (Stress) amena isosi/isupu ku bantu maze bamujyana kwa muganga, nyuma yo koroherwa agaruka mu kazi, baje guperereza basanga afata imiti ihabwa abafite uburwayi bwo mu mutwe maze baramuhagarika.

Nyuma yaho yaje kongera kubona akazi kuri Hotel yo mu Karere ka Gatsibo atashatse gutangaza izina, hashize igihe aza kugira ikibazo na none maze atangira kujya mu bakiriya kubavugisha, gusangira na bo kandi bitemewe maze nyuma babona ko afite ikibazo ajyanwa kwa muganga.

Ati “Icyo gihe maze koroherwa ushinzwe abakozi (Human Resource) yampamagaye mu biro ambuza kwambara umwenda w’akazi kuko akanjye kahagaze. Mubajije ambwira ko ntakwiye kuburana ahubwo ambwira ko niba hari icyo mburana ku bijyanye n’amafaranga ye, ko namubwira maze bakampa asigaye ngataha.

Yongeraho ko abagore bafite uburwayi bwo mu mutwe bafite ikindi kibazo gikomeye bahura nacyo, kigira n’ingaruka ku babakomokaho.
Ati “Twe abagore iyo turwaye imibiri yacu yifuza abagabo. Nkanjye iyo narwaye mba nshaka gukora imibonano mpuzabitsina cyane bityo nkajya kumwishakira, iyo maze koroherwa nsanga ntwite abanteye inda bakanyihakana”.

Odeth afite abana babiri, umukuru afite imyaka icyenda bose bakaba baba mu miryango we akabafasha batari kumwe.

Nkurunziza Aimable ufite imyaka 47, uvuka mu Karere ka Ruhango mu Ntara y’Amajyepfo, avuga ko avuka mu muryango ufite ubutunzi bwinshi ariko nta na hamwe agira uburenganzira cyangwa se umwitaho kuko afite uburwayi bwo mu mutwe.

Ati “Mfite ikarita y’ubumuga y’uburwayi bwa diyabete n’uburwayi bwo mu mutwe navukanye, ndetse mu muryango wacu harimo abantu benshi bafite ubwo bumuga nko kwa data wacu, masenge n’abandi. Bamwe barapfuye ariko abasigaye nta numwe unyitayeho kuko bangize igicibwa. Bitangira bavuga ko ndi ikinyendaro kandi nasaze, kuko nari naravutse ku wundi mugore”.

Umutesi Rose umuyobozi, wa NOUSPR UBUNTU

Yongeraho ko yagize ubuzima bubi cyane muri ubwo burwayi ati “mbere y’uko mbona imiti inyorohereza, natwikaga ibintu, nkarwana cyangwa nkakora ikosa kandi ritanturutseho bakamfunga, bakanzirikira ku kibambasi igihe nabananiye, rimwe na rimwe nkaniyangiriza kugeza ubwo nasigaye nta mwenda n’umwe mfite. Aho ngereye indera ubu singifungwa”.

Ashimira inzego z’umutekano (Polisi y’u Rwanda) kuko ari zo zamufashije ku mugeza kwa muganga bakamwitaho.

Yongeraho ko yifuza guhindurirwa ikiciro ku buryo yagirwa umugenerwabikorwa wa Leta kugira ngo afashwe, gusa akababazwa nuko hari umutungo w’iwabo wakabaye umufasha ariko ntawe afite umutiza imbaraga ngo ahabwe uburenganzira bwe.

Bose uko baganiriye na Kigali Today bahuriza hamwe ku gusaba Abanyarwanda muri rusange kumva ko ufite uburwayi bwo mu mutwe ari umuntu nk’undi kandi ushoboye.

Basaba kandi koroherezwa mu miti bahabwa kuko rimwe na rimwe ntibabasha kubona aho bakura ayo mafaranga, akenshi ngo birukanwa mu kazi iyo barwaye.

Bihamywa na Odeth uvuga ko azi kwizigamira “iyo norohewe nkabasha gukorera ibihumbi bitanu nizigama 2,500 andi nkayakoresha, cyane ko mfite abana ngomba kwitaho no kwiyishyurira imiti i Ndera. Mba mu kimina no muri Ejo heza bivuze ngo ndashoboye”.

Umuyobozi w’abafite uburwayi bwo mu mutwe mu Rwanda (NOUSPR UBUMUNTU), Umutesi Rose, avuga ko hatumiwe inzego zitandukanye kugira ngo herekanwe ubushakashatsi bwakozwe bujyanye n’uburwayi bwo mu mutwe, aho rimwe na rimwe buvamo kwiyahura.

Mu bushakashatsi bwakozwe mu gihe cy’ukwezi kumwe, Akarere ka Nyanza basanze gafite abarwayi 500 kandi bose bafata imiti.

Yemeza ko hari abarwayi benshi bahagaritswe mu kazi kabo harimo abahoze ari abarimu, abakora mu icungamutungo, Polisi ndetse n’abamburwa uburenganzira bwabo ku mitungo.

Umutesi avuga ko ahanini ibibazo umuntu ahura nabyo yabiburiye ibisubizo, bishobora kugira uruhare mu kugira uburwayi bwo mu mutwe, bityo agasaba buri wese kumva ko kubugira bidasobanuye ko udashoboye cyangwa se wasaze, aho bamwe babita ko barangiye cyangwa bayayutse.

NOUSPR UBUMUNTU isaba Leta gushyiraho uburyo bwarengera uwahungabanyijwe kugira ngo agirirwe urukundo, ahumurizwe kuko ari byo aba akeneye nk’Umunyarwanda wese.

Umutesi ashimira Leta uruhare igira mu gufasha abantu bafata imiti ati “Leta yagize neza kuva mu gihe cya Covid 19 ubwo twari muri guma mu rugo, ingendo zitoroshye, yashyizeho uburyo bwo korohereza ufata imiti mu bigo nderabuzima”.

Aimable Nkurunziza

Yongeraho ko hakiri icyuho kandi gikwiye kuvaho, aho ibitaro bifasha abo bantu bikiri bike mu gihugu.

Ati “Dufite ibitaro bya Ndera ndetse n’ibiri i Butare. Ikindi kandi usanga umurwayi ahabwa imiti ariko nta muganga ahura nawe ngo amukurikirane amenye urwego agezeho, niba yamuhindurira ubwoko bw’imiti, mbese ari ugufata imiti ariko nta muganga”.

Asoza akomoza ku bantu bakunze kugaragara ku mihanda rimwe na rimwe bafite abana bamwe bita abasazi, ko igihe kigeze iyo myumvire ikavaho ndetse ko bikwiye ko hashyirwa imbaraga mu kubaka ubushobozi bwo kubafasha.

Yongeraho ko barimo guhugura abantu biswe ‘Patience Experts’, bazashyirwa mu mirenge bagira uwo babona bagahita bahamagara akajyanwa kwa muganga.

Asaba Abanyarwanda muri rusange ko mu gihe hari uvuye kwa muganga yorohewe, badakwiye kumuha akato kuko bimusubiza inyuma, kandi ko ikinini cyangwa urushinge bitavura byonyine ahubwo urukundo mu muryango ruvura kurusha ibyo byombi.

Abasore bane bazajya guhagararira u Rwanda muri Namibiya mu marushanwa y’imyuga n’ubumenyingiro

Nizeyimana Janvier, Niyigena Elie, Irimaso David na Ndayishimiye André batsinze amarushanwa ku rwego rw’igihugu bahita bemererwa kuzitabira azabera mu gihugu cya Namibiya ku rwego rw’umugabane wa Afurika, kuva tariki 28 Werurwe – tariki 02 Mata 2022.

Urushanwa ahabwa ibyangombwa byagenewe gukora igikoresho cyangwa kubaka igikorwa runaka, agahabwa n’igishushanyo cy’ibyo agomba gukora, ubundi agatangira kandi agahabwa isaha aza kurangirizaho.

Imyuga ine abasore b’Abanyarwanda bazajya kugaragaza muri ayo marushanwa ijyanye n’ubwubatsi, gutanga amazi, gukora umuyoboro w’amashanyarazi hamwe no gusudira.

Batsindiye n’amafaranga ibihumbi 500 buri umwe umwe

Aba basore bane batoranyijwe mu bahungu n’abakobwa batanu batanu bari batsinze irushanwa ry’ijonjora muri buri mwuga kuri uyu wa kabiri.

Umuyobozi Mukuru wa RP, Dr James Gashumba avuga ko bagiye gushyira imbaraga muri aya marushanwa, kugira ngo na nyuma ya Namibiya hazabeho kujya i Shangai mu Bushinwa aho bazaba bitabiriye ayo ku rwego rw’isi ku itariki itaramenyekana.

Dr Gashumba avuga ko ibihugu bagiye guhatana bifite urubyiruko rwateye imbere mu bijyanye n’imyuga n’ubumenyingiro kurusha u Rwanda.

Dr Gashumba yagize ati “Tugiye gutangira imyitozo nyakuri, guhagararira u Rwanda ntabwo ari ikintu upfa gutwara utyo, nta kujenjeka, muri Namibiya bazahurirayo n’ibihugu byateye imbere biturusha nka Afurika y’Epfo, Maroke na Misiri, tumenye ngo niba tugiye guhangana na bo ntabwo tuzaba turi ku rwego rumwe”.

Abageze ku rwego rw’Igihugu bose bahembwe

Avuga ko iyi gahunda izatuma habaho kubaka Abanyarwanda bashobora guhangana n’abo mu bindi bihugu, bikazatuma igihugu kitongera gukoresha abakozi bavuye hanze kubera kubura benecyo bafite ubushobozi.

Umwe mu banyeshuri batsindiye kuzitabira amarushanwa, Nizeyimana Janvier uzakora ibijyanye no gusudira, avuga ko nta yindi mbogamizi afite uretse kwitoza gukora yihuta kandi akurikiza amabwiriza yahawe.

Nizeyimana ati “Ugendera ku gishushanyo n’amabwiriza bagiye batanga ku rupapuro, wamara kubyumva neza ugatangira gukora, sinavuga ngo ‘imbogamizi mfite ni iyi’ kuko ibikenerwa byo ndabifite.”

Minisiteri y’Uburezi na RP bavuga ko u Rwanda ruzajya rwitabira aya marushanwa akorwa ku rwego rwa Afurika no ku rwego rw’isi buri myaka ibiri.

Umwuga wo gusudira ni umwe mu yo Abanyarwanda bajyanye mu marushanwa muri Namibiya

Umujyanama Mukuru wa Minisitiri w’Uburezi mu bijyanye na tekiniki, Enjeniyeri Pascal Gatabazi avuga ko aya marushanwa y’imyuga n’ubumenyingiro agiye kujya akorwa nk’uko abitegura imikino ya Olympic bahora bitoza ubudatuza, bigatuma barushaho kubikunda no kubyitabira.

Abatsinze amarushanwa ku rwego rw’ijonjora ndetse no ku rwego rw’igihugu, uretse guhabwa imidari banahawe ibihembo by’amafaranga guhera ku bihumbi 200 kugera ku bihumbi 500 buri umwe umwe.

Ibi yabitangaje nyuma y’uko Minisiteri y’Uburezi itangaje ko ingengabihe y’abarimu igiye kongerwaho isaha imwe ku munsi igamije gufasha abana basigaye inyuma mu myigire yabo kubera imbogamizi zatewe ahanini n’icyorezo cya Covid-19.

Bamwe mu barimu baganiriye na IGIHE bari bagaragaje ko kugeza ubu kongererwa amasaha atanu ku cyumweru, bizatuma ku kwezi aba amasaha asaga 16 y’inyongera, kandi ko ari umurimo ugoye cyane ko bamwe basanzwe banafite ikibazo cyo kwigisha amasaha menshi.

Umwe yagize ati “Mu by’ukuri iriya gahunda ni nziza ariko natwe uburyo dusanzwe dukoramo buragoye. Kugeza ubu usanga mwarimu afite amasaha 40 ku cyumweru, bivuze ko kuba batwongereye ho isaha twakisanga dukoze amasaha 56 nibura. Uyu ni umukoro utazatworohera n’ubwo ari ibintu bigamije kongera ubumenyi bw’umwana.”

Undi wigisha mu kigo giherereye mu Karere ka Muhanga yabwiye IGIHE ko bigoye cyane ariko ko batabura kubikora kubera guharanira inyungu rusange.

Ati “Ibyo byo biragoye, kuko batwongereye amasaha, bivuze ko igihe twatahiraga kiyongereyeho nawe urumva ko bivunanye, icyakora ku bwo gukunda igihugu no guharanira inyungu z’abanyeshuri turera tuzabikora.”

Mu kiganiro cyihariye na IGIHE, Mukangango Stéphanie, Umunyamabanga Mukuru wa SNER, yavuze ko kuba ku ngengabihe y’abarimu hiyongereyeho amasaha atanu bitagoranye ahubwo bisaba ubwitange nk’uko akazi ku bwarimu ari umuhamagaro.

Yagize ati “Ni isaha imwe mu gitondo yo gukurikirana abana bacikanwe n’amasomo, kandi igihe cyose mwarimu ahora yiteguye kuko ni inkingi ya mwamba. Umwuga w’uburezi ubundi ni umuhamagaro, igihe cyose iyo umuntu afite umuhamagaro nta kimutungura. Icy’ingenzi ahubwo bakoreshe imbaraga no kwitanga kugira ngo ayo masaha atange umusaruro.”

“Iriya saha ifite umumaro cyane kandi ni umwanya wo kuganira no gusobanurira abana, kureba ibibazo bafite kugira ngo mwarimu abashe gufata neza isura y’abana muri we.”

Yakomeje agaragaza ko nta mwarimu ukwiye guterwa impungenge n’ayo masaha cyane ko umusaruro ugamijwe ari ukuzamura ireme ry’uburezi kandi ko biri mu nshingano zabo.

Uretse amasaha aziyongera ariko hariho na gahunda yo gusubizaho umwanya wo kwicara nk’abarimu bakaganira ku iterambere ry’akazi bakora ndetse bakanahwiturana.

Uyu munsi ugamije guhuriza hamwe abarezi ku kigo runaka uzwi nka “Journée Pédagogique” wongeye gutekerezwaho aho amasaha ya nyuma ya saa Sita buri wa gatatu mu bigo byose bazajya bafata umwanya bagateranira hamwe.

Mukangango yagize ati “‘Journée Pédagogique’ abarimu bazajya bicara baganire kandi bahuze ibitekerezo. Uyu ni umwanya wo kwicara bakareba ibitagenda neza, kurebera hamwe ibikenewe no guhwiturana hagati y’abarimu mu rwego rwo kunoza umurimo. Uyu ni umwanya mwiza wongeye guhabwa abarimu ahubwo turasaba Minisiteri y’Uburezi kuzawuha agaciro gakomeye kugira ngo bitaza ari igihe cyo kuvuga ngo twabonye umwanya wo kuruhuka.”

Ku wa 5 Ukwakira 2021, ubwo Minisitiri w’Uburezi yatangazaga iby’iyi ngengabihe iteganyijwe gukorerwaho muri uyu mwaka w’amashuri wa 2021/2022 yasabye abarimu kuzarushaho kugira umuhate kuko uzaba ari umwaka utoroshye.

Ati “Uyu mwaka mugiye gutangira uratandukana n’iyindi mu buryo bw’imyigishirize, kuko hari gahunda yo gufasha abana bakiri inyuma. Bityo dusaba ko buri mwarimu mu bushobozi bwe no mu bwitange bwe agomba gukora ibishoboka ku buryo abana bari inyuma y’abandi bazamurwa bakagera ku kigero kimwe n’abandi banyeshuri. Turifuza ko umwana w’Umunyarwanda agira ubumenyi ku rwego rushimije, birasaba ubwitange ndetse n’imbaraga zidasanzwe ariko turabizi neza ko mubishoboye.”

Abarimu basabwe kwihugura mu Cyongereza

Minisitiri w’Uburezi, Dr Uwamariya Valentine, yasabye abarimu bakora mu bigo bya Leta n’ibyigenga kwita cyane ku ndimi zikoreshwa mu ishuri by’umwihariko Icyongereza ari nacyo gikunze gukoreshwa mu burezi bw’u Rwanda.

Ati “Turifuza ko mukomeza kwihugura ururimi rw’icyongereza. Hejuru y’amahugurwa ategurwa namwe turabasaba ko mufata umwanya mukiyigisha kuko mwabishobora, cyane ko muzi inzira binyuramo. Nta yandi mahitamo, bisaba kurumenya ndetse hazashyirwaho na gahunda yo kugena igihe urwo rurimi buri mwarimu azaba arukoresha nkuko bikwiye mu masomo ye.”

Ku ruhande rwa Sendika y’Abarimu n’abakora mu burezi mu nzego za Leta, Mukangango, yavuze ko bagiye kwibanda cyane ku guhugura abarimu mu masomo yose ariko hagashyirwa imbaraga mu bijyanye n’ikorabuhanga ndetse n’Icyongereza ngo mwarimu yoroherezwe n’akazi akora.

Kugeza ubu mu Rwanda habarurwa abarimu bigisha mu mashuri ya Leta n’afashwa nayo basaga ibihumbi 90 mu gihe Sendika y’Abarimu n’abakora mu burezi mu nzego za Leta mu Rwanda, inabafasha mu kububakira ubushobozi igizwe n’abanyamuryango barenga ibihumbi 60.

Umunyamabanga Mukuru wa Sendika y’Abarimu n’abandi bakozi mu burezi bakora mu nzego za Leta mu Rwanda (SNER), Mukangango Stéphanie, yasabye abarimu kwitanga no guharanira gufasha abana basigaye inyuma mu masomo

Ambasade y’u Bwongereza mu Rwanda ibinyujije ku rubuga rwa Twitter, ni yo yatangaje ayo makuru, ku wa Kane tariki 7 Ukwakira 2021.

Ubwo butumwa bugira buti “U Rwanda ubu rwakuwe ku ‘rutonde rw’umutuku’ rw’abagenderera u Bwongereza. Iyi ni unkuru nziza ku bihugu byombi mu bijyanye n’ubukerarugendo n’ubucuruzi. Kuva saa kumi (4:am) zo ku ya 11 Ukwakira 2021, abantu baturuka mu Rwanda bemerewe kujya mu bwongereza kandi ntibasabwe kujya mu kato k’iminsi 10 muri hoteli”.

N’ubwo bimeze uko ariko, abagenzi baturuka mu Rwanda bageze mu Bwongereza bazajya babanza kwiha akato k’iminsi 10 mu ngo aho bazashyikira, kandi bakanerekana ko bipimishije Covid-19 ndetse ibipimo bikerekana ko nta bwandu bafite.

Babitangaje kuri uyu wa 7 Ukwakira 2021 mu gihe habura amasaha make ngo hasozwe Icyumweru cyahariwe kwita ku Bakiliya cyatangiye ku wa 4 Ukwakira 2021.

Umuyobozi Mukuru wa Cogebanque, Habarugira Ngamije Guillaume, yavuze ko muri iki cyumweru hibanzwe ku kwegera no kurushaho gufata neza abakiliya b’iyo banki nk’uburyo buboneye bwo gukurura abandi bashya.

Ati “Mbere yo gushaka abandi bakiliya baza batugana, icyo twashyize imbere ni ukwita kuri abo ngabo basanzwe bahari kuko ni bo batuvuganira. Burya kujya kuzana undi mukiliya n’uhari wenda atishimye cyangwa hari icyo yari akeneye ntakibone ntibyaba ari byo.”

“Abo ngabo ni na bo bakwigisha kuko baba bahamaze igihe, bakihangana bakanakubwira ibyo bifuza. Iyo tubafashe neza ni bo batuzanira abandi.”

IGIHE yasanze Habarugira ari kugenda asura amashami atandukanye ya Cogebanque. Aho yageraga yavugishaga abakozi ariko agaha umwanya munini abakiliya abaganiriza ndetse akanyuzamo akabahereza ku binyobwa byabateguriwe bagasangira.

Ni ibintu abakiliya batangaje ko bishimiye cyane nyuma yo kunyurwa na serivisi zinoze bahabwa.

Uwambayinema Marie Claire umaze imyaka itandatu akorana na Cogebanque yemeje ko kuva yagiramo konti kugeza magingo aya nta kibazo arahura nacyo muri serivisi akenera.

Yakomeje ati “Kuba twasuwe n’umuyobozi birashimishije cyane. Burya nk’umuyobozi w’ikigo gutekereza ngo reka njye kureba uko serivisi zitangwa mu ishami iri n’iri, nabyo bigaragaza agaciro abakiliya b’iyo banki duhabwa. Ubundi tumenyereye ko umuyobozi aba ari ku cyicaro gikuru ariko nk’iyo aje hano ku ishami natwe tubona ko nk’abakiliya twatekerejweho ku buryo habaye hari n’ikitagenda neza twakigaragaza kigakosorwa.”

Igitego Fils watangiye gukorana na Cogebanque mu 2017 yashimangiye ibyo mugenzi we yavuze ku mitangire ya serivisi zinoze muri iyo banki.

Yongeye aho ati “Biratangaje kubona Umuyobozi Mukuru yaje kuganira n’abakiliya bagasabana. Bimeze nko kubona umuntu w’ikirangirire yegereye abafana be kugira ngo basabane.”

Habarugira yibukije abagana Cogebanque ko banki ari umukozi wabo bityo ko yiteguye gushakira ibisubizo ibibazo bafite byose cyane ko ari cyo ibereyeho.

Cogebanque ifite imiyoboro myinshi ikoresha mu kugeza serivisi zinoze ku bayigana harimo amashami 28 n’aba-agents 650 ifite hirya no hino mu gihugu. Hari kandi ATMs zigera kuri 36, Internet Banking na Mobile Banking (*505# na Coge mBank) byemerera abakiliya kubitsa no kumenya uko konti zabo zihagaze batagombye kujya ku mashami. Inafite ikarita ya Smartcash ifasha kwishyura no kubikuza mu Rwanda n’amakarita ya Mastercard (Debit, Credit na Prepaid) afasha abayakoresha kwishyura no kubikuza ku Isi hose.

Abakiliya batangaje ko banyuzwe no gusabana n’Umuyobozi Mukuru wa Cogebanque, Habarugira Guillaume

Abakiliya n’abakozi ba Cogebanque bafashe ifoto n’Umuyobozi Mukuru wayo, Habarugira Ngamije Guillaume, ari gusura amashami atandukanye

Aha Umuyobozi Mukuru wa Cogebanque, Habarugira Ngamije Guillaume, yarimo aganiriza abakozi arimo no kubafasha akazi

Aha Umuyobozi Mukuru wa Cogebanque, Habarugira Ngamije Guillaume, yahaga umukiliya serivisi

Ifoto y’urwibutso abakozi ba Cogebanque bifotozanyije n’abakiliya

Muri iki cyumweru cyahariwe abakiliya amashami ya Cogebanque yose aratatse

N’abandi bakozi ba Cogebanque bari kurushaho kwegera abakiliya mu cyumweru cyabahariwe bagenzura neza ko banyuzwe na serivisi bahabwa

Umuyobozi Mukuru wa Cogebanque, Habarugira Ngamije Guillaume (iburyo) areba uko abakiliya bakirwa kuri rimwe mu mashami

Umuyobozi Mukuru wa Cogebanque, Habarugira Ngamije Guillaume, aganira n’abakozi bari bafite akanyamuneza

Umuyobozi Mukuru wa Cogebanque aha abakiliya bonbon mu gihe bari ku murongo bategereje kugerwaho

Umuyobozi Mukuru wa Cogebanque, Habarugira Ngamije Guillaume, ashyikiriza abakilya amazi

Amafoto: Himbaza Pacifique

Ibiro by’Umukuru w’Igihugu, Village Urugwiro, byatangaje ko Perezida Kagame yabakiriye kuri uyu wa 7 Ukwakira 2021.

Ambasaderi Lulit Zewdie Gebremariam yari amaze hafi imyaka ine ahagarariye inyungu za Ethiopia mu Rwanda kuko yahawe izi nshingano muri Mutarama 2018 nyuma y’amezi umunani gusa iki gihugu gifunguye ambasade yacyo mu Rwanda.

Ambasaderi Ernest Jumbe Mangu na we yatangiye inshingano zo guhagararira Repubulika Yunze Ubumwe ya Tanzania mu Rwanda mu 2018 akaba aherutse gusimbuzwa Major General Richard Mutayoba Makanzo wahoze ari Umugaba Mukuru w’Ingabo zirwanira mu Mazi muri Tanzania.

Aba bambasaderi bombi bagize uruhare mu gushimangira umubano w’u Rwanda n’ibihugu bari bahagarariye cyane cyane mu bijyanye n’ubuhahirane, ubukungu na politiki.

Lulit Zewdie nka Ambasaderi wa mbere wa Ethiopia mu Rwanda yagize uruhare mu mubano mwiza w’ibihugu byombi ndetse muri Werurwe 2020 ambasade ayoboye yateguye igikorwa cyo kumurikira Abanyarwanda amahirwe ahari y’ubucuruzi, ishoramari n’ubukerarugendo muri Ethiopia.

Muri Nzeri 2021, Amb Lulit Zewdie yakiriwe na Perezida w’Inteko Ishinga Amategeko, Umutwe wa Sena, Dr. Iyamuremye Augustin, mu rwego rwo gusubukura ibiganiro bigamije isinywa ry’amasezerano y’ubufatanye hagati y’inteko zombi, nyuma yuko iki gikorwa gikomwe mu nkokora n’umutekano muke umaze igihe mu Ntara ya Tigray muri icyo gihugu.

Ambasaderi Ernest Jumbe Mangu nk’uhagarariye igihugu cy’igituranyi n’u Rwanda yafashije ibihugu byombi gutsura umubano, aho u Rwanda na Tanzania bifitanye amateka n’umubano wihariye haba mu buhahirane, politiki, ibikorwaremezo, ubukungu n’umutekano.

Ibihugu byombi kandi binafitanye umushinga ukomeye wo kubaka umuhanda wa gari ya moshi uzaturuka Isaka muri Tanzania ukagera i Kigali mu Rwanda, witezweho kuzoroshya urujya n’uruza rw’ibicuruzwa hagati y’u Rwanda n’icyo gihugu.

Imibare yo mu 2019, igaragaza ko u Rwanda rwoherezaga muri Tanzania ibicuruzwa bifite agaciro ka miliyoni 5,1$, naho muri Ethiopia rukoherezayo ibifite agaciro ka 9,7$.

Perezida Kagame aramukanya na Ambasaderi Lulit Zewdie Gebremariam wari Ambasaderi wa Ethiopia mu Rwanda

Perezida Kagame yagiranye ibiganiro na Ambasaderi Lulit Zewdie Gebremariam wari umaze hafi imyaka ine ahagarariye Ethiopia mu Rwanda

Abayobozi bombi bagiranye ibiganiro byihariye

Lulit Zewdie nka Ambasaderi wa mbere wa Ethiopia mu Rwanda yagize uruhare mu mubano mwiza w’ibihugu byombi

Perezida Kagame na Ambasaderi Lulit Zewdie Gebremariam wari Ambasaderi wa Ethiopia mu Rwanda bafashe ifoto y’urwibutso

Perezida Kagame na Ambasaderi Ernest Jumbe Mangu bahuje urugwiro ubwo yamusezeragaho

Ibiganiro byanitabiriwe n’abayobozi batandukanye

Perezida Kagame na Ambasaderi Ernest Jumbe Mangu wari uhagarariye Tanzania mu Rwanda bagiranye ibiganiro

Perezida Kagame na Ambasaderi Ernest Jumbe Mangu wari uhagarariye Tanzania mu Rwanda bafata ifoto y’urwibutso

Amafoto: Village Urugwiro