Tag: featured

Ku wa 19 Ukwakira 2021, nibwo izi ngabo zavuye abaturage zibasanze mu Midugudu ya Quiwia, Quilinde na Quionga mu Karere ka Palma, gaherereye mu Ntara ya Cabo Delgado.

Ni ibikorwa biri gukorwa mu gihe hakomejwe ibyo kubohoza mu buryo burambye no gusubiza mu byabo abaturage bari bamaze imyaka mu nkambi zitandukanye.

Abaganga b’ingabo z’u Rwanda, bajya kuvurira abantu aho bari batanze serivisi zirimo gusuzuma, gukora ibizamini bikorerwa muri laboratwari, gutanga imiti n’inzitiramibu ku baturage 184.

Ni abaturage bafite ibibazo by’uburwayi burimo Malaria, abafite ibibazo by’imirere mibi, indwara z’uruhu, abafite ibibazo by’ihungabana batewe n’intambara z’imitwe y’iterabwoba zabereye muri iyi ntara n’ibindi.

Aba baturage bashimiye urwego rw’ubufasha bari guhabwa n’ingabo z’u Rwanda ndetse bagaragaza ko biteguye gufatanya na zo mu kwicungira umutekano, batanga amakuru ku bishobora kuwuhungabanya.

Bagaragaje ko bafite ibibazo by’inzara n’ibyorezo nka Malaria, ibi byose bikaba bishobora kurwanywa no kuvurwa. Mu busabe bwabo harimo kuba bahabwa amavuriro n’ibigo nderabuzima.

Ubuyobozi bwa RDF, bugaragaza ko urebye umubare munini w’abantu bo muri ibi bice bakeneye ubuvuzi ari na yo mpamvu bwasabye ko hakwiye gushyirwaho gahunda yihariye yo kubwegereza abaturage.

Ibintu bishobora gukorwa n’u Rwanda cyangwa Mozambique cyangwa abakorerabushake hagamijwe kurengera ubuzima bw’aba baturage.

Guverinoma ya Mozambique ku bufatanye n’abakorerabushake [VAMOZ] bohereje ibiribwa ku baturage ba Quirinde naho Ingabo z’u Rwanda zo zikaba zikomeje kugeza imiti n’inzitiramibu ndetse no gucunga umutekano muri ako gace.

Ingabo z’u Rwanda kandi zifatanyije n’iza Mozambique bakomeje gutegura uburyo bwo kurandura burundu ibyo bibazo byose biri mu Karere ka Palma.

Maj. Robert Murenzi waganiriye n’abayobozi bo muri aka gace yasabye ko habaho gukomeza ubufatanye mu guharanira umutekano n’amahoro birambye muri Palma.

Yartires Egedio Da Conceteeato Nkamate, umukozi ushinzwe imirire no kugeza ibiribwa muri Palma ndetse akaba anahagarariye Guverinoma ya Mozambique yashimye Ingabo z’u Rwanda ziri mu Ntara ya Cabo Delgado ku bw’akazi gakomeye zikomeje gukora mu guharanira ituze n’imibereho myiza y’abaturage mu buryo butandukanye.

Abaturage bo muri Palma barasuzumwa nyuma abarwaye bagahabwa imiti

Ingabo z’u Rwanda zikomeje gutanga ubuvuzi mu Ntara ya Cabo Delgado

Ingabo z’u Rwanda zagaragaje ko muri Palma hari ibibazo byihutirwa birimo inzara n’indwara zikeneye ubuvuzi

Uyu mugabo yatawe muri yombi kuri uyu wa Kabiri tariki ya 19 Ukwakira 2021 mu Mudugudu wa Kazeneza mu Kagari ka Mukoyoyo mu Murenge wa Rwinkwavu.

Urukiko rwa Gacaca rwa Kabagari rwari rwaramukatiye igifungo cya burundu nyuma yo guhamwa n’ibyaha bya Jenoside yakorewe abatutsi, gusa ngo yakatiwe adahari kuko yari yaratorokeye mu Murenge wa Rwinkwavu aho yari ahamaze imyaka 13 ndetse yaranahinduye amazina.

Umunyamabanga Nshingwabikorwa w’Umurenge wa Rwinkwavu Murekezi Claude yabwiye IGIHE ko uyu mugabo yari amaze imyaka 13 muri uyu Murenge akaba yari yariyise Karigita Enock. Akihagera yabwiraga abaturage ko aturutse mu Ntara y’Amajyaruguru aje gushaka imibereho nk’abandi baturage bose.

Ati “Nk’uko rero icyaha cya Jenoside kidasaza mu minsi ishize hari uwaturutse mu Ruhango ageze ino aha aramubona aduha amakuru ko hari umuntu yabonye wavuye iwabo ahunga Gacaca, twahise dutangira gukurikirana dutohoza neza amakuru ku ivuko iwabo dusanga koko yaje atorotse ndetse yaje yaranakatiwe ni ko kumufata.”

Gitifu Murekezi yakomeje avuga ko nyuma yo kumufata atigeze aburana ahubwo yabyemeye avuga koko ko yaje ahunga, nyuma yo kumufata ngo bahise bamushyikiriza inzego z’umutekano.

Uyu mugabo yavuye mu Ruhango ahasize umugore n’abana babiri ageze mu Karere ka Kayonza ahashakira abandi bagore batanu batandukanye bose bakaba bari barananiranwe dore ko batandukanaga nta n’umwe barabyarana.

Umugabo wakatiwe n’Inkiko Gacaca mu Karere ka Ruhango yafatiwe muri Kayonza aho bikekwa ko yari yarahungiye

Impamvu z’icyuya umubyeyi abira, ni uguharanira ko yazaba uw’ingirakamaro ku muryango n’igihugu. Ntawe udashengurwa no kubona umukomokaho mu bibi.

Kuva muri Mata kugeza muri Nyakanga 1994, u Rwanda rwari mu icuraburindi, hirya no hino ari imiborogo, ubwo ubuyobozi bubi bwashyiraga mu bikorwa umugambi wo kurimbura Abatutsi.

Ubukana bwa Jenoside yakorewe Abatutsi bugaragarira mu kuba ibyiciro hafi ya byose by’Abanyarwanda byarayigizemo uruhare kugeza n’aho abana bato bamwe bazwi nk’abaziranenge bashowe muri ayo mahano.

Ubuhamya bw’abarokotse Jenoside yakorewe Abatutsi bugaruka ku buryo abana bato b’imyaka iri hagati ya 10 na 16 nabo bajyaga bajyana n’ababyeyi cyangwa bakuru babo kwica Abatutsi ndetse bamwe bakavuga uburyo babashoraga bakajya kuvumbura Abatutsi babaga bihishe mu nzu no mu bihuru.

Ibi ariko usanga bishengura bamwe mu barokotse cyane ko abo bari abana n’ubwo bagize uruhare muri Jenoside yakorewe Abatutsi, batagombaga gukurikiranwa ngo baryozwe ibyo bakoze.

Kubakurikirana byabereye ihurizo rikomeye Inkiko Gacaca

Mu 2002, ubwo Jenoside yakorewe Abatutsi yari imaze imyaka umunani ibaye, mu Rwanda hashyizweho Inkiko Gacaca nk’uburyo bwo gutanga ubutabera ku barokotse n’abakoze Jenoside.

Mu 2005, ni ukuvuga nyuma y’imyaka 11, Jenoside yakorewe Abatutsi ibaye nibwo izi nkiko zatangiye imirimo yazo zitangira gucira imanza abakekwagaho uruhare muri ayo mahano.

Ibi bisahatse kuvuga ko uwari ufite imyaka 7 muri Jenoside yakorewe Abatutsi, Inkiko Gacaca zatangiye imirimo amaze kugira 18. Ni ukuvuga ko icyo gihe itegeko ryateganyaga ko afite imyaka y’ubukure, ashobora kuryozwa ibyo yakora byose.

Imirimo y’Inkiko Gacaca yateganywaga n’itegeko rizishyiraho kandi rigena imitunganyirize y’ikurikirana ry’ibyaha bigize icyaha cya Jenoside, ibyaha byibasiye inyokomuntu, byakozwe hagati ya tariki 1 Ukwakira 1990 n’iya 31 Ukuboza 1994.

Bamwe mu bari abacamanza [abitwaga Inyangamugayo za Gacaca] b’izi nkiko bavuga ko mu birego bahuye nabyo mu kazi bakoze hari harimo n’ibyashinjwaga abari abana, ni ukuvuga abari batarageza imyaka 18, ku wa 31 Ukuboza 1994.

Uwari Inyangamugayo ya Gacaca mu Murenge wa Kigabiro, Akarere ka Rwamagana utifuje ko imyorondoro ye ijya mu itangazamakuru yagize ati “Kiriya gihe mu buhamya twumvaga, wajyaga kumva ukumva umuntu arahagurutse ati uriya musore yatemye mama, cyangwa se niwe waje kutwerekana aho twari twari twihishe.”

Yakomeje agira ati “Icyo gihe n’ubwo wamubonaga aho ukabona ari umusore w’imyaka nka 24, ariko igihe yakoraga icyo cyaha yari afite imyaka 13, urumva ko icyo gihe ntabwo yari yagejeje imyaka yo gukurikiranwa.”
Ingingo ya 74 y’Itegeko ryagengaga Inkiko Gacaca, niyo yagengaga imikirize y’urubanza rw’umwana wahamijwe icyaha cya Jenoside n’icyibasiye inyokomuntu, mu gihe yakoraga icyo cyaha akaba yari afite imyaka iri hejuru ya 14 ariko itageze kuri 18.

Itegeko ryagengaga ko igihe uwo mwana ari mu rwego rwa mbere, igihano cyoroheje cy’igifungo gihera ku myaka 10 kugeza ku myaka 20.

Ku rundi ruhande ariko, mu gihe uwo mwana yabaga ari mu rwego rwa kabiri cyangwa urwa gatatu, igihano cyoroheje cy’igifungo yahabwaga cyari kimwe cya kabiri cy’imyaka itegeko-ngenga rihanisha abantu bakuru bahuje ibyaha.

Iyi ngingo kandi yagenaga ko ku mwana utarageza imyaka 14 [ni ukuvuga ko ubwo yakoraga ibyaha bya Jenoside mu 1994] mu gihe yakoraga ibyo byaha ashinjwa, ntabwo yakurikiranwaga n’Inkiko Gacaca ahubwo yajyanwaga mu igororamuco akigishwa nyuma agasubizwa mu muryango.

Mu kiganiro na IGIHE, Umuyobozi wa Komisiyo y’Igihugu ishinzwe kuvugurura amategeko, Domitilla Mukantaganzwa, [niwe wari umuyobozi w’Inkiko Gacaca], yavuze ko mu birego bakiraga hari harimo n’iby’abana batarageza imyaka yo gukurikiranwa n’inkiko.

Ati “Aba babamo ibyiciro bibiri kandi byombi twarabigize. Hari ababaga batarageza igihe cy’uburyozwacyaha, abo bana ntabwo bakurikiranwa n’ubutabera, ariko urabizi ko abana b’imyaka 12, 13 […] muri Jenoside bagiye bagira uruhare mu byaha.”

Yakomejeagira ati “Kuko hari abana bagiye batuma kuvumbura mu bihuru aho abatutsi bihishe hirya no hino, abo twarabagize.”

Abahamijwe ibyaha bya Jenoside ari abana byagenze bite?
N’ubwo kugeza ubu bigoye kubona raporo igaragaza imibare y’abana bagize uruhare muri Jenoside, ubwo byari bimaze kugaragara ko hari izo mbogamizi z’abana bagize uruhare muri Jenoside yakorewe Abatutsi kandi, leta yahise ishaka igisubizo.

Hashyizweho ikigo gishinzwe kwigisha no gusubiza mu buzima busanzwe abana bagize uruhare muri Jenoside ariko batarageza imyaka yo gukurikiranwa. Ni ikigo kiri mu Bugesera.

Mukantaganzwa ati “Abo bana rero [icyo gihe bari bamaze kuba abasore abandi ari abagabo] bagiye bajyanwa muri icyo kigo, bakigishwa noneho bagasubizwa mu miryango yabo. Byakozwe n’umuryango witwaga Soferwa, ukajya wigisha abo bana nyuma bagasubizwa mu miryango.”

Yavuze ko hari ikindi gice cy’abana barengeje imyaka 14 ariko batarageza ku myaka 18, nabo bahanwaga nk’abana [nk’uko byateganywaga n’itegeko], aho abarenga 1800 bafunguwe bajyanwa mu kigo cyari giherereye i Rwamagana.

Ni ukuvuga ko aba bana bavanywe muri za gereza bajyanywa muri icyo kigo bategereza igihe cyo kuburanishwa aho bamwe bahabwa ibihano by’igifungo ariko abenshi baje kurangiza ibihano cyane ko itegeko ryateganyagako ibihano bagombaga guhabwa byari kimwe cya kabiri cy’ibihabwa abakuru.

Mukantaganzwa ati “Impamvu ni uko byagaragaraga ko igihano bari bamaze bafunzwe cyarutaga imyaka bagombaga gukatirwa n’inkiko Gacaca, kuko iyo ufashe nk’uwafunzwe mu 1994, nyuma y’imyaka 11 yari nko kuba yakatirwa imyaka 10, urumva ko yari yararangije igihano.”

Ubwo hizihizwaga Isabukuru y’imyaka 25 y’Umuryango Unit Club Intwararumuri, hatanzwe igitekerezo cy’uko aba bantu bakorwaho ubushakashatsi gusa kugeza ubu hari imbogamizi z’uko abenshi muri bo bafunguwe kuko ibihano bagiye bahabwa bitarenze imyaka 25.

Perezida wa Komisiyo y’Igihugu ishinzwe kuvugurura amategeko, Mukantaganzwa Domitilla wayoboraga Inkiko Gacaca, yavuze ko hari ibirego byinshi by’abana byaburanishijwe n’izi nkiko

Izi ni isabune abo bagore bakora, bakifuza ko bafashwa kubona imashini ituma bakora nyinshi

Jeanne d’Arc Uwimbabazi, ari we uhagarariye abo bagore mu matsinda yo kubitsa no kugurizanya bagiye bibumbiramo, akaba ari na we wazanye iki gitekerezo cyo gukora amasabune anakabyigisha bagenzi be, avuga ko imvano y’iki gitekerezo yari ukugira ngo abone icyo akora cyamuteza imbere.

Ati “Naricaye ndareba nti ese ni iki nakora gishobora kumpa amafaranga kandi kigafasha na bagenzi banjye kwiteza imbere?”

Icyo gihe ngo yagerageje kwegeranya amafaranga bafite mu matsinda yibaza ko hari icyo bayakoresha, ariko abona ari makeya, ni ko gutekereza ko kuba mu matsinda bidahagije, maze atekereza ku gukora amasabune yifashishije avoka, cyane ko yari asanzwe azi kuyakora yifashishije amavuta.

Agira ati “Nifashishije avoka z’ubuheri kuko n’ubundi iyo uyisatuye usanga ari nk’amavuta imbere. Mpereye ku bumenyi bwo gukora amasabune nari nsanganywe narayifashe, nkozemo isabune mbona biremeye.”

Yungamo ati “Gusa kugeza ubungubu ntabwo twabasha gukora menshi bitewe n’uko nta bikoresho dufite. Nabanje kuyakora ku giti cyanjye, ariko ubungubu mbonye imashini twayakora nk’amatsinda.”

Mu myaka ibiri ishize ngo yari yamenye ko imashini bakwifashisha ihagaze muri miliyoni eshanu, ariko ubungubu ntazi uko igura kuko n’ibindi bintu bisigaye bihenda.

Ati “Ntibyoroshye kubona amafaranga menshi yo kwifashisha mu kugura imashini, kuko mu matsinda yo kubitsa no kugurizanya twibumbiyemo tutabonamo arenze ibihumbi 500.”

Ubwo tariki 15 Ukwakira 2021, Guverineri w’Intara y’amajyepfo, Alice Kayitesi, yizihirizaga umunsi w’umugore wo mu cyaro mu Mudugudu wa Karumbi, uherereye mu Kagari ka Uwindekezi mu Murenge wa Kibilizi mu Karere ka Nyamagabe, Uwimbabazi yamugaragarije imbogamizi y’igishoro cyo kwigurira imashini bahuye na yo.

Icyo gihe yavuze ko aba bagore bakwiye gufashwa kugira ngo babashe gutera intambwe bifuza mu iterambere.

Yagize ati “Twavuganye n’ubuyobozi bw’akarere, kugira ngo begere ririya tsinda ryabo, tubahuze na BDF. Hari inguzanyo ntoya zibaho, n’inkunga, zishobora kubafasha. Ikibazo cyabo tugiye kugikurikirana by’umwihariko, kugira ngo bakomeze batere imbere nk’uko bari muri uwo murongo mwiza.”

Uwimbabazi avuga ko azi no gukora makaroni yifashishije ifu y’ingano, kandi ko uwabimwigishije yajyaga amutiza imashini agakora igihe yabonye isoko. Gusa kuri ubu iyo mashini yarapfuye kandi ngo bamubwiye ko igura miliyoni ebyiri.

Avuga ko abonye n’imashini ikora makaroni bakongerera agaciro umusaruro w’ingano babona iwabo.

Nk’uko ikipe ya APR FC yabitangaje ku rubuga rwayo rwa Internet, ku mugoroba wo ku wa Kabiri tariki 19 Ukwakira 2021, nibwo ikipe y’Ingabo z’Igihugu yafashe indege yerekeza mu gihugu cya Tunisia aho yabanje kunyura i Doha muri Qatar, nyuma igafata urugendo rujya muri Tunisia.

Ikipe ya APR FC yahagurukanye abantu 48 barimo abakinnyi 25, staff technique 10, komite ya APR FC 5, n’abanyamakuru 3, abafana 4 ndetse n’uhagarariye FERWAFA 1.

Urutonde rw’abantu 48 berekeje muri Tunisia:

TECHNICAL STAFF:

01. ERRADI MOHAMMED ADIL
02. NEFFATI JAMELEDDINE
03. HAJ TAIEB HASSAN
04. MUGABO ALEXIS
05. Maj. RUTAYISIRE GUILLAUME
06. Capt. TWAGIRAYEZU JACQUES
07. Lt. Dr. URWIBUTSO JEAN DE DIEU
08. HABUMUGISHA ERNEST
09. NSHIMIYIMANA STEVEN
10. UWIHANGANYE HARDI

ABAKINNYI:

01. ISHIMWE PIERRE
02. AHISHAKIYE HERITHIER
03. MUTABARUKA ALEXANDRE
04. NSABIMANA AIMABLE
05. NSHIMIYIMANA YUNUSU
06. KARERA HASSAN
07. BUREGEYA PRINCE
08. OMBOLENGA FITINA
09. NDAYISHIMIYE DIEUDONNE
10. NGABONZIZA GYLAIN
11. NIYOMUGABO CLAUDE
12. MUGISHA BONHEUR
13. RWABUHIHI AIME PLACIDE
14. NSANZIMFURA KEDDY
15. RUBONEKA BOSCO
16. MANISHIMWE DJABEL
17. ITANGISHAKA BLAISE
18. NIZEYIMANA DJUMA
19. KWITONDA ALLAIN
20. MUGISHA GILBERT
21. ISHIMWE ANNICET
22. TUYISENGE JACQUES
23. BIZIMANA YANNICK
24. MUGUNGA YVES
25. NSHUTI INNOCENT

KOMITE:

01. MASABO MICHEL
02. KALISA GEORGINE
03. MUPENZI ETO
04. KABANDA TONY

ABANYAMAKURU:

01. KALISA BRUNO
02. NKURUNZIZA EMMANUEL
03. UWIMANA CLARISSE

ABAFANA:

01. RTD COL RUZIBIZA EUGENE
02. UMUGWANEZA JEAN CLAUDE
03. DUSENGIMANA PAUL
04. RURANGWA JULES

Uhagarariye FERWAFA:

01. RURANGIRWA AARON

Ku wa Gatandatu tariki 16 Ukwakira 2021 nibwo APR FC yakinnye umukino ubanza wa CAF Champions League n’ikipe ya Etoile Du Sahel, umukino wabereye i Kigali, urangira amakipe yombi anganyije igitego 1-1.

Umukino wo kwishyura uteganyijwe kuba kuri uyu wa Gatandatu tariki 23 Ukwakira 2021 mu gihugu cya Tunisia.

Ikipe ya APR FC igeze muri Qatar 🇶🇦 kuri Hamad International Airport i Doha, aho iza guhaguruka i saa 9h20 (saa 8:20 za Kigali) yerekeza i Tunis muri Tunisia 🇹🇳 N’ubundi ikaza gukomezanya urugendo n’indege ya Qatar.

— APR FC OFFICIAL (@aprfcofficial3) October 20, 2021

Insengero z’amadini n’amaterero byemewe mu Rwanda kandi zahawe uburenganzira bwo gukora kuko zujuje ibisabwa zizakomeza gukora.

Insengero zemerewe gukora zakira abantu batarenze 50% y’ubushobozi bwazo.

Abana bose bemerewe kujya gusenga baherekejwe n’ababyeyi cyangwa undi muntu mukuru.

Amadirishya n’inzugi by’ahasengerwa bigomba kuba bifunguye kugira ngo hinjiremo umwuka uhagije.

Hagati y’iteraniro n’irindi hakwiye kujyamo umwanya uhagije (isaha) kugira ngo habanze gukorwa isuku mbere y’uko irindi teraniro rikorwa.

Imihango yose y’idini iremewe hubahirizwa amabwiriza yo kwirinda Covid-19 kandi amasengesho akorwa iminsi yose igenwa n’idini cyangwa itorero, ariko ku mubatizo wo mu mazi menshi, ubatiza n’abamufasha kimwe n’ubatizwa bagomba kuba bipimishije Covid-19 mu gihe kitarenze amasaha 72 mbere y’umubatizo.

Gahunda y’ibikorwa by’insengero igomba kubahiriza amasaha yemewe y’ingendo nk’uko yashyizweho n’Inama y’Abaminisitiri.

Uburenganzira bwo gufungura insengero buzakomeza gutangwa n’ubuyobozi bw’akarere nyuma y’uko igenzura rikorwa n’itsinda rihuriweho n’inzego z’ibanze, iz’umutekano n’iz’abahagarariye amadini n’amatorero (RIC), ryemeje ko insengero zasabye ubwo burenganzira zujuje ibisabwa.

Aya mabwiriza asimbuye amabwiriza yo ku wa 02 Mata 2021. Aya mabwiriza ashobora kuvugururwa igihe cyose bibaye ngombwa, mu rwego rwo gukomeza kubahiriza amabwiriza yo kwirinda Koronavirusi.

Inzengo z’ibanze, iz’umutekano n’inzego z’abahagarariye amadini n’amatorero (RIC) zishinzwe gukurikirana iyubahirizwa ry’aya mabwiriza.

Andi mabwiriza insengero zemewe gukora zari zisanzwe zikurikiza agomba gukomeza kubahirizwa.

Abaturage bagomba gukomeza kubahiriza amabwiriza n’ingamba byo kwirinda Covid-19 nta kudohoka.

DJ Ira

Abakurikira ni abagore n’abakobwa bigaruriye imitima y’abatari bake kubera ubuhanga bwabo bwo kuvanga imiki mu bitaramo, mu tubari, muri za hoteri n’ahandi, ikaba ari inkuru dukesha ikinyamakuru ‘The New Times’ cyandika mu rurimi rw’Icyongereza.

DJ Ira

Iradukunda Grace Divine, uzwi ku izina rya Dj Ira, afite imyaka 25 y’amavuko, akaba yaratangiye gukora akazi ka DJ mu 2016, yari afite imyaka 21, avanga imiziki mu irushanwa rya Miss Rwanda, abantu bari aho batangazwa n’ubuhanga afite muri uwo mwuga, hakiyongeraho inseko ye nziza ndetse n’uko abyina.

Uhereye ubwo, DJ Ira, ni we ukunze gukora ako kazi ko kuvanga imiziki mu bitaramo bijyanye n’amarushanwa y’ubwiza hirya no hino mu gihugu, kandi yari muri ba ‘DJs’ bashimishije abafana bari baje mu irushanwa rya ‘Afrobasket championship’ ryabereye mu Rwanda muri uyu mwaka, mu irushanwa rya basketball y’u Rwanda, n’ibindi bikorwa bitandukanye yagiye agaragaramo.

DJ Brianne

DJ Brianne

Dj Brianne, ubundi amazina ye ni Esther Brianne Gateka, yamenyekanye mu 2020, mu gihe cy’icyorezo cya Covid-19.

Mu gihe cy’umwaka, DJ Brianne yashimishije Abanyarwanda kuri Radio zitandukanye nka Royal FM, Magic FM no kuri Flash TV, ndetse no mu bindi bitaramo nka ‘silent disco’cyangwa se utubyiniro dukora mu buryo bwa bucece. Yashinze ‘Brianne foundation’ ifasha abana bo mu muhanda, bagasubira ku ishuri kugira ngo babone ubuzima bwiza. DJ Brianne ni umubyeyi w’umwana umwe, akaba anakora ‘business’, ubu muri uyu mwaka, akaba yarasinye amasezerano n’uruganda rukora ibinyobwa kugira ngo ajye arwamamaza.

Makeda Mahadeo

DJ Makeda

DJ Makeda ari mu ba DJs b’igitsina gore bamenyekanye mbere mu Rwanda. Makeda afite Nyina ukomoka muri Jamaica na ho ise akaba ari Umunyarwanda, yari Umurasita w’umu DJ uzwi cyane, nyakwigendera Aloys Karamuheto, bakundaga kwita Bongoman. Uwo ni we ise wa Makeda, akaba ari na we ngo watumye akunda uwo mwuga wo kuvanga imiziki.

Makeda w’imyaka 33 y’amavuko, afite ubuhanga bwihariye mu kuvanga imiziki, ku buryo byatumye amenyekana ku rwego rw’igihugu.

DJ Sonia

DJ Sonia

DJ Sonia Kayitesi, yabaye ubikora nk’umwuga mu 2019 kandi ntiyigeze asubira inyuma. N’ubwo yagezweho n’ingaruka za Covid-19, DJ Sonia w’imyaka 23 y’amavuko, yakomeje kubaka izina, agira n’amahirwe yo kumenyekana kurushaho mu gihe yabaga arimo gucurangira Abanyarwanda kuri Radio na Televiziyo zitandukanye mu gihugu. Mu 2020, yatumiwe kuri Televiziyo yo muri Kenya yitwa ‘Citizen’.

DJ Rugamba

DJ Rugamba

DJ Anitha Rugamba, uzwi nka Dj Rugamba, ni muto cyane mu ba deejays b’igitsina gore, akaba yarinjiye muri uwo mwuga mu 2020. Dj Rugamba ufite imyaka 22 y’amavuko, yakoze ako kazi ku maradiyo atandukanye, acurangira abantu mu tubyiniro dutandukanye, nka ‘silent disco’, ‘pool parties’ n’ibindi. Mu mwaka umwe amaze atangiye umwuga wo kuvanga imiziki, amaze gukundwa n’abantu benshi, bashimishwa n’uburyo akora akazi ke neza.

Anita Pendo

DJ Pendo

Anita Pendo ni umwe ba DJ b’abagore bazwi cyane mu gihugu kugeza ubu. Pendo kandi ari mu bagore bakeya bakora akazi ka dejeey, ariko akora n’ibindi bintu bitandukanye. Pendo ni deejay, MC, Umubyinnyi, umukinnyi wa filimi, umunyarwenya, umunyamakuru wa radio na Televiziyo. Pendo ni umubyeyi w’abana babiri, akaba yarize ibijyanye n’itumanaho muri Kaminuza ya Mount Kenya.

Iyo nama yari igamije kwimenyekanisha no kugaragaza imirongo migari ikubiye muri gahunda y’ibikorwa bya Ibuka – Senegal nyuma yo gushingwa tariki ya 05 Nzeri muri uyu mwaka wa 2021.

Umuyobozi wa Ibuka-Senegal Bwana Yves MUNANA RWOGERA, mu izina rya Komite ayoboye, yagaragaje ko mu byo bashyize imbere ari ukurwanya ingengabiterezo ya Jenoside, guhangana n’abahakana n’abapfobya Jenoside yakorewe Abatutsi bari hirya no hino ku isi.

Ibuka-Sénégal izagira uruhare mu kwigisha urubyiruko rwo muri Senegal kimwe no mu bindi bihugu byo muri Afurika y’Iburengerazuba amateka ya Jenoside yakorewe Abatutsi mu 1994 nk’uko biri mu nshingano za Ibuka zirimo kubungabunga amateka ya Jenoside yakorewe Abatutsi mu 1994, binyuze mu bikorwa birimo kwigisha urubyiruko n’abandi bantu ayo mateka, kandi izanagira uruhare mu gutegura ibikorwa byo kwibuka Jenoside yakorewe Abatutsi mu Rwanda mu 1994.

Abagize Komite nyobozi ya Ibuka-Senegal bagaragaje ko kubera ikoranabuhanga, isi yabaye umudugudu bityo bakaba bashishikariza buri wese harimo n’inshuti z’u Rwanda, gutahiriza umugozi umwe mu kwamagana abakwirakwiza ingengabitekerezo ya Jenoside ikomeje gukwirakwizwa cyane n’abahekuye u Rwanda kimwe n’ababafasha muri uwo mugambi wo gusubiza inyuma intambwe Abanyarwanda bagezeho mu bumwe n’ubwiyunge. Ikindi ni uko bazategura ibiganiro bigamije kurushaho gusobanura amateka y’u Rwanda harimo amateka ya Jenoside yakorewe Abatutsi mu Rwanda.

Ambasaderi Jean Pierre KARABARANGA yashimye iyo gahunda ya Ibuka- Sénégal, agaragaza kandi ko Ambasade izabafasha muri gahunda bafite, no mu mahugurwa y’abanyamuryango ba Ibuka by’umwihariko urubyiruko, kandi banabasaba kuzakomeza kurushishikariza kwitabira gahunda zinyuranye bategurirwa zirimo n’Itorero, bigiramo byinshi harimo n’amateka y’u Rwanda n’indangagaciro zikwiye kuranga Umunyarwanda no kubakangurira bose gufatanya urugamba rwo kurwanya abagambiriye gucamo ibice Abanyarwanda bakoresheje imbuga nkoranyambaga. Ambasade kandi izabafasha gushaka abatanga ibiganiro kuko mu Gihugu cya Sénégal hari inshuti z’u Rwanda zirimo n’abanditse kuri Jenoside yakorewe Abatutsi.

Abazunguzayi bavuga ko bahawe aho bakorera nta wasubira mu muhanda

Mu rwego rwo guca ubucuruzi bw’akajagari mbere ya Covid-19, guhera mu mwaka wa 2015, Umujyi wa Kigali wakoze ibikorwa bitandukanye birimo kubakira ababukora amasoko agera kuri 12 yubatswe mu bice bitandukanye bigize uyu Mujyi, aho bahawe ubumenyi butandukanye ku bijyanye n’imishinga, bagashyirwamo ndetse bakanakurirwaho imisoro, ku buryo hari umusaruro byari bayatanze.

Mu gihe cy’icyorezo cya Covid-19, kimwe n’abandi, abakora ubu bucuruzi bagizweho ingaruka nacyo, aho ubuyobozi bwagerageje kubaha ibiribwa, gusa ngo imibereho yabo yagizweho ingaruka, ku buryo hari ingamba zafashwe zirimo no kubaha amafaranga kugira ngo bakomeze ubucuruzi bwabo badasubiye mu muhanda.

Gukora ubucuruzi bw’akajagari ngo biteza ibibazo byashyirwa mu byiciro bitatu by’ingezi bitandukanye, birimo kuba ibicuruzwa biba bifite umwanda kandi n’ubuziranenge bwabyo bukaba buba butizewe hamwe n’umutekano w’abakora ubu bucuruzi yaba ku buzima bwabo cyangwa uw’aho, kuko akenshi iyo hagize icyo baba, bigira ingaruka ku miryango yabo.

Kuri ubu ngo ubuyobozi burimo gutegura ingamba zo gufasha abakiri mu mihanda kuvamo, ariko bahereye ku mpamvu ibatera kuwujyamo nk’uko Jean Rubangutsangabo, umuyobozi Mukuru ushinzwe iterambere ry’ubukungu mu Mujyi wa Kigali abisobanura.

Ati “Ubu turimo turategura zimwe mu ngamba zo kubafasha kuva mu mihanda, duhereye mu by’ukuri ku nkomoko y’igituma bajya mu mihanda, hari benshi bajyamo kubera impamvu zitandukanye, zitari n’ubukene kuko no mu miryango ibibazo biba birimo. Turimo turahuza imbaraga mu byiciro bitandukanye, kuko bariya icyo bashoboye gukora hari n’igihe usanga atari no gucuruza, iyo umuhaye amahirwe rero ukamwumva, ukamusobanurira, ukamwigisha, afata indi myanzuro”.

Akomeza agira ati “Mu by’ukuri agakora ibyo ashoboye kuko hari abazi guhinga, hari abafite ubumenyi mu bukorikori, izo ngamba zose rero nizo turimo turahuriza hamwe n’abafatanyabikorwa, aho mu gihe gito cyane tuba twagize izindi ngamba zo kubafasha, kandi na none tunibukiranya gahunda ihari ya Leta yo gufasha bano bantu bafite ubushobozi buciriritse, ariko bafite ubushobozi bwo gukora imishinga, nka (VUP Financial Services), n’amafaranga afasha ufite umushinga kuwukora, ariko tukamuha n’ubushobozi bujyanye no mu mikorere (Skills)”.

Bamwe mu bazunguzayi baganiriye na Kigali Today, bavuga ko baramutse bahawe ahantu bakorera, nta cyababuza kuva mu muhanda kuko batishimiye gukora ubucuruzi bw’akajagari, ariko ngo nta yandi mahitamo baba bafite.

Uwitwa Mujawamariya ati “Ubu jye bampaye ahantu nicara, ukavuga uti icara ahangaha, wajya usora igihumbi, wajya usora bibiri, ariko ayashobotse ukayasora, ariko ukava mu muhanda, jye nabikora n’uyu munsi narara mvuyemo, ariko ntaho baduhaye. Nta soko baduhaye twe twicaye gutya twirukanka mu muhanda, kandi nawe ari nkawe, tuba dukeneye kugira ngo abana barye, abana bige, ntabwo wakwicara ngo bishoboke”.

Rubangutsangabo asaba abantu kujya bagurira ibicuruzwa ahantu hazwi, aho kugurira mu muhanda

Umuyobozi Nshingwabikorwa w’Akarere ka Nyarugenge, Emmy Ngabonziza, avuga ko abakoraga ubu bucuruzi bagera ku 3,000 bakuwe mu mihanda.

Ati “Dufashe nk’amasoko ari hano Nyabugogo, abagera ku 3,000 bakuwe mu mihanda bacururizagamo hirya no hino, bashyirwa hamwe muri ariya masoko bakoreramo, kugeza uyu munsi byagiye bitanga umusaruro, kuko nibura abagera kuri 50% by’abari bashyizwe muri ariya masoko, babashije kugera ku ntera ishimishije, bava muri ariya masoko bimukira ahandi barakomeza barakora. Abandi basigayemo na bo urabona ko bari ku rugero rwiza, ku buryo mu gihe gito na bo bazaba bavamo bajya gukorera ahandi”.

Abatuye n’abagenda mu Mujyi wa Kigali barashishikarizwa kujya bagurira ibicuruzwa bifuza ahantu hazwi kuko kubigurira mu muhanda na byo bitiza umurindi abakora ubucuruzi bw’akajagari.

Hashize iminsi igiciro cy’inyama kizamutse, bamwe mu baguzi n’abacuruzi bazo bakavuga ko babona biterwa no kuba ku isoko hakunda kubagwa inka nyinshi bigatuma zibura.

Igiciro cy’inyama kimaze iminsi gica ibintu ku isoko kuko mbere gato ya Covid-19 ikilo cyaguraga ibihumbi 2 Frw, ubu kikaba kigera mu bihumbi 4 Frw.

Nyuma yo kuzamuka kw’igiciro cy’inyama, abakunda akaboga bagaragaje ko ari ikibazo gikwiye gushakirwa umuti.

Bamwe mu baguzi n’abacuruzi baganiriye na RBA bavuze ko ibura ry’inyama riteye inkenke, bityo hakwiye gushyirwaho uburyo hakororwa andi matungo azitanga ntiharambirizwe ku nka gusa.

Munyaneza Emmanuel yavuze ko inyama zisigaye zihenze cyane kandi n’inka atari nyinshi.

Yagize ati “Mbere inyama zaguraga bibiri ariko ubu ziragura 3 500 Frw, ubu zarazamutse cyane. Nk’aho ngenda ntabwo wabona ikimasa cyo kubaga ahubwo bajya kuzishakisha mu masoko ariko mu baturage nta nka zirimo zo kubaga.”

Abacuruzi bo basanga ikibazo cy’ihenda ry’inyama gikwiye gukemurwa n’uko hashyirwa imbaraga mu korora andi matungo yunganira inka.

Murekatete Jeannette yagize ati “Inka zibagwa ntabwo zihagije zabaye nke, ubu bashyize ingufu zo korora inka cyangwa hagize igihinduka byazafata nk’imyaka itanu ariko impamvu amatungo magufi nk’inkoko ishobora kwerera amezi abiri.”

Ku ruhande rw’Ikigo cy’Igihugu gishinzwe Iterambere ry’Ubuhinzi n’Ubworozi (RAB) kivuga ko hashyizweho uburyo buzatanga umusaruro mu bihe bizaza, urugero ni Gako meat, umushinga Leta ifatanyije n’abashoramari ugamije kugabanya inyama zitumizwa hanze no kongera iziri ku isoko no gusagurira amasoko mpuzamahanga.

Umuyobozi Mukuru wungirije ushinzwe Ibijyanye n’Ubworozi muri RAB, Dr Uwituze Solange, yavuze ko umushinga wa Gako meat ugeze kure ushyirwa mu bikorwa ku buryo utanga icyizere cyo kuzakemura ikibazo cy’ibura ry’inyama.

Yagize ati “Icyabanje kubaho ni ugukurura amazi tuyakura muri Cyohoha, ubu ikigezweho ni ukuhira ubwatsi bwa hariya kubera ko ni igice cyuma cyane. Uyu munsi umushinga ukaba urimo kwaguka.”

“Ubu tugeze ku kigero cyo kubaka ibagiro rya kicyambere rinabika inyama ku buryo mpuzamahanga kugira ngo zibashe kugurishwa hanze y’igihugu. Mu mushinga tubona ko hakenewe inka ibihumbi 84 zica muri iryo bagiro ku mwaka.”

Raporo ya Minisiteri y’Ubuhinzi n’Ubworozi (MINAGRI) ya 2019-2020 na 2020-2021 igaragaza ko umusaruro w’inyama ugenda wiyongera, aho wavuye kuri toni 168 687 ugera ku 174.904.

Iyi raporo kandi igaragaza ko umusaruro w’inka uhera kuri 34%, uw’inkoko 22% naho uw’ingurube ugera ku kigero cya 14%. Kuba umusaruro w’inka ari mwinshi kurusha andi matungo, habayeho kuzamura n’ayandi matungo ibura ry’inyama ryagabanuka.

Abacuruzi b’inyama basanga kwiyongera kw’igiciro cyazo bizagabanywa no korora andi matungo azunganira