Blog

Ni ibyagatsweho tariki 1 Ukuboza 2024, mu kiganiro nyunguranabitekerezo cyateguwe n'Umuryango utari uwa Leta uharanira uburenganzira bw'abana, YOMADO, ku nkunga ya Plan International Rwanda.

Umuyobozi w'Ihuriro ry'abafatanyabikorwa b'Akarere mu iterambere mu Karere ka Bugesera, Gasana John, yavuze ko hari ikibazo cy'ababyeyi bagifite imyumvire yo guhishira abahohoteye abana babo kubera ko baziranye.

Yagize ati 'Hari imbogamizi ikomeye cyane ku babyeyi bumva ko batarega uwahohoteye umwana wabo kuko baziranye banga kwiteranya. Ntabwo ugomba guhishira umuntu wakwangiririje umwana kuko uhishira umurozi akakumaraho urubyaro, ikindi uwo mwana uba wahohotewe ntabwo ari uwawe gusa ahubwo ni uw'igihugu, iyo bamwangirije nacyo kiba cyangirika.'

Yakomeje avuga ko umuntu wese uhishira uwahohoteye umwana aba ari umufatanyacyaha na we aba agomba guhanwa.

Niwemahoro Providence uhagarariye ihuriro ry'abana mu Karere ka Bugesera, yavuze ko icyivuzo cyabo ku babyeyi ari uko bazajya babigishe uko bakwirinda ihohoterwa bakabaganiriza ku buzima bw'imyororokere.

Ati 'Ababyeyi twabasaba ko batuganiriza uko twakwirinda ihohoterwa, ikindi ni ugutanga amakuru ku gihe, umubyeyi agatinyuka akareka guhishira umuntu wahohoteye umwana kuko aba ari kuba umufatanyacyaha.'

Umunyamabanga Nshingwabikorwa w'Umuryango YOMADO, Nshimiyimana Emmanuel, yavuze ko hari ibikorwa bitandukanye bakora mu kureba ko politiki zishyirwaho zifasha abana hari icyakongerwamo.

Yagize ati 'Hari ibikorwa dukora byo kureba ibyuho biri muri politiki zashyizweho zo kurengera abana, ese kubagurira abana ku ishuri bihagaze gute, umwana abona uburenganzira bwo kubona indyo yuzuye ibyo byose birinda umwana kugwa mu bishuko byamuviramo guhohoterwa, turabikora tugashishikariza abashyiraho izo politiki kugira ibyo bakongeramo.'

Yakomeje avuga ko uruhare rw'abana rudahagije mu bikorwa byo guhangana n'ihohoterwa bahura naryo.

Ati 'Turifuza ko uruhare rw'abana rwiyongera mu guharanira uburenganzira bwabo, yego inama nkuru y'ihuriro y'abana irahari ariko ikwiriye kongererwa imbaraga ndetse n'amikoro.'

Ababyeyi bari bitabiriye iki kiganiro, basabwe gutinyuka kuganiriza abana babo ibijyanye n'ubuzima bw'imyororokere, bakivanamo imyumvire ivuga ko kubibaganiriza ari ugushira isoni, nyamara kubibabwira byagabanya inda ziterwa abanangavu ari nabyo biganisha ku ihohoterwa rikorerwa abana.

Rukabu Benson ni umwe mu batanze ikiganiro cyagarukaga ku gushishikariza ababyeyi kudahishira ihohotera iryo ari ryo ryose rikorerwa abana.

Umuyobozi w'Ihuriro ry'abafatanyabikorwa b'Akarere mu iterambere mu Karere ka Bugesera, Gasana John, yavuze ko hari ikibazo cy'ababyeyi bagifite imyumvire yo guhishira abahohoteye abana babo kubera ko baziranye.

Inzego zitandukanye zigira uruhare mu kurwanya ihohoterwa zari zitabiriye

Umunyamabanga Nshingwabikorwa w'Umuryango YOMADO, Nshimiyimana Emmanuel, yavuze ko hari ibikorwa bitandukanye bakora mu kureba ko politiki zishyirwaho zifasha abana hari icyakongerwamo

Iri shami ryatashywe ku mugaragaro ku wa 29 Ugushyingo 2024, mu gikorwa cyabereye ku cyicaro gishya. Ni igikorwa kitabiriwe n'ubuyobozi bw'iyi banki ndetse n'abakiliya bayo.

Umuyobozi w'Ishami rya Banki ya Ecobank riri Kicukiro, Ntambara Gerard, yavuze ko hafashwe umwanzuro wo kwimura iri shami kubera impamvu zitandukanye zirimo n'ubusabe bw'abakiliya.

Ati 'Impamvu nyamukuru zatumye dufata icyemezo cyo kwimuka icya mbere ni ukugaragara kw'ishami kuko aho ryahoze si ku muhanda nk'aha, ubu twagiye aho buri wese yatubona byoroshye ku buryo byorohereza n'abakiliya.'

'Ikindi hano twari tuhafite abakiliya benshi urumva rero twanaberegereye kugira ngo na za serivisi nziza dusanzwe tubaha zirusheho kubanogera.'

Umwe mu bakiliya ba Ecobank, Mutwaranyi Olivier, yavuze ko kwimura iri shami rigashyirwa ahantu hisanzuye kandi hegereye ibikorwa by'abakilya b'iyi banki ari ingenzi.

Ati 'Twishimiye iri shami bivuze ko baba batekereza ku kuntu barushaho kuduha serivisi nziza. Bakemuye ibibazo byinshi birimo iby'umutekano burya iyo umuntu azanye amafaranga menshi icyo aba akeneye ni ubwisanzure n'umutekano. Aha ni hafi y'amasoko n'izindi serivisi, bizorohera benshi.'

Undi mukiliya w'iyi banki, Basabose Michael, yavuze ko 'Icya mbere ni igisobanuro cy'iterambere ry'iri shami, ikindi ni ukuba ritwegereye kurushaho bikaba bitumye tugira ahantu heza hasukuye cyane kandi hisanzuye kuruta ahari hasanzwe. Turi mu bagiye batanga ibitekerezo dusaba ko iri shami ryakimurirwa ahantu hisanzure none bigezweho.'

Kugeza ubu iyi banki ifite amashami umunani hirya no hino, aho atandatu muri yo ari mu Mujyi wa Kigali andi akaba i Huye na Rusizi.

Umuyobozi Ushinzwe Ubucuruzi muri Ecobank, Maboneza Emmanuel, yashimangiye ko muri Ecobank abakiliya ari ishingiro rya byose mu mikorere yayo, bityo ko kuzana ishami kicukiro Centre bizarushaho gukomeza kubafasha kubona serivisi nziza kandi byihuse zigamije guteza imbere ubucuruzi bwabo n'igihugu muri rusange.

Yakomeje avuga ko hari gahunda yo kugeza mu ntara zose z'igihugu amashami y'iyi banki imaze kubaka izina ku ruhando rwa Afurika.

Ati 'Nk'uko duhora tubisabwa n'abakiliya bacu turateganya gufungura amashami hirya no hino mu gihugu cyane nko mu ntara tutaragera nka Musanze, Rubavu, n'ahandi. Mu myaka iri imbere turateganya kugera no mu yindi mijyi y'ubucuruzi iri gutera imbere.'

Ecobank ni banki yubatse izina rikomeye muri Afurika, ubu ikaba ikorera mu bihugu 33 birimo u Rwanda, Uganda, u Burundi, Kenya, Tanzania, Guinea-Bissau, Sierra Leone, Liberia na Côte d'Ivoire, Burkina Faso, Ghana, Togo, Bénin, Niger, Nigeria, Cameroun, Chad, Guinée Équatoriale na Sao Tomé-et-Principe.

Ecobank kandi inakorera muri Gabon, Congo Brazzaville, Centrafrique, Sudani y'Epfo, RDC, Sénégal, Zambia, Malawi, Zimbabwe, Cape Vert, Guinea, Mali, Gambia na Mozambique.

Inafite ibiro biyihagarariye Addis Ababa muri Ethiopia, Johannesburg muri Afurika y'Epfo, Beijing mu Bushinwa, i Londres mu Bwongereza, na Dubai muri Leta Zunze Ubumwe z'Abarabu, ikanakorera mu mujyi wa Paris mu Bufuransa.

Ishami rya Ecobank ryari risanzwe Sonatubes ryimukiye Kicukiro Centre

Ubwo ishami rishya ryatahwaga

Iri shami rishya ryagutse kurusha irya mbere

Ishami rishya rya Ecobank riherereye Kicukiro Centre

Umwe mu bakiliya ba Ecobank, Mutwaranyi Olivier, yishimiye kwegerezwa ishami

Basabose Michael yishimiye ko ishami rishya ryisanzuye kurusha irya mbere

Umuyobozi Ushinzwe Ubucuruzi muri Ecobank, Maboneza Emmanuel, yavuze ko umukiliya ari ishingiro rya byose mu mikorere yayo

Umuyobozi w'Ishami rya Banki ya Ecobank riri Kicukiro, Ntambara Gerard yavuze ko bimutse kubera ubusabe bw’abakiliya

Ni impinduka zatangajwe kuri uyu wa Mbere tariki 2 Ukuboza 2024. Bivuze ko mu gihe bibaye ngombwa indege zishaka kugwa i Kanombe zishobora gukoresha ibyerekezo bitandukanye byo mu kirere cy'Umujyi wa Kigali.

Ubusanzwe indege zose zishaka kugwa ku Kibuga Mpuzamahanga cy'Indege cya Kigali zakoreshaga icyerekezo gituruka mu kirere cy'i Masaka nta yandi mahitamo. Ibi byari inzitizi cyane cyane nk'igihe hari ikirere kibi.

Umuyobozi ushinzwe itumanaho mu Rwego rw'Igihugu rushinzwe ibibuga by'indege za gisivili, RAC, Athan Tashobya yabwiye IGIHE ko izi mpinduka zigamije korohereza indege zigwa i Kigali.

Ati 'Kenshi iyo ari indege z'abagenzi zaturukaga i Masaka, ni gake cyane ubona indege z'abagenzi ziturutse Jali cyangwa Rebero, ugasanga kugwa ziturutse i Masaka bigoranye cyane cyane igihe hari igihu. Kwemerera indege zikagwa ziturutse Jali cyangwa Rebero bigamije kuzorohereza.'

Ikibuga Mpuzamahanga cy'Indege cya Kigali ni cyo cya mbere kinini mu Rwanda. Muri Nyakanga 2022 ni bwo imirimo yo kukivugurura mu buryo bugezweho yarangiye, isiga gihawe ubushobozi bwo kwakira indege zisaga 50 zihagaze neza.

Iki kibuga gifite imihanda ifasha indege kuguruka ingana n'intera y'ibirometero 3,5, kikimara kuvugururwa byateganywaga ko umubare w'abagenzi bagikoresha ushobora kuva kuri miliyoni 1,2 babonetse mu 2019/2020 bakagera kuri miliyoni ebyiri mu 2022/2023.

Indege z'abagenzi zigwa i Kanombe zemerewe gukoresha ikirere cya Kigali

Iyi mpanuka yabaye ku mugoroba wo kuri uyu wa 1 Ukuboza 2024 mu mudugudu wa Miyove, Akagari ka Miyove mu murenge wa Miyove ho mu Karere ka Gicumbi.

Ababonye iyi mpanuka bavuga ko ishobora kuba yatewe n'imiyoborere mibi no kutaringaniza umuvuduko w'ikinyabiziga.

Umuvugizi wa Police mu Ntara y'Amajyaruguru, SP Mwiseneza Jean Bosco, yagize ati Ati 'Hatangiye iperereza ku cyeteye impanuka ,umushoferi n'ikinyabiziga bafungiye kuri Polisi Sitasiyo ya Byumba”:

Uyu muhanda Gicumbi —Base umaze iminsi uberamo impanuka. Abaturage bavuga ko hakongerwa ubushishozi bwimbitse mu gukurikirana ingendo zihakorerwa hagasigasirwa ubuzima bw'abaturage.