Blog

Binyuze mu bukangurambaga bwiswe “Byikorere” bukorwa n'abakozi ba Irembo Ltd, bwo kwegereza abaturage serivisi za Leta zisabirwa ku Irembo bakazibona badakoze ingendo cyangwa ngo batakaze amafaranga ahubwo bagakoresha telefoni igendanwa cyangwa mudasobwa, ab'i Rubavu bemeje ko banyuzwe n'iyi gahunda.

Mwiseneza Anicet wo mu Murenge wa Bugeshi, ni umwe muri abo baturage basobanukiwe na serivisi za Leta zisabirwa ku Irembo, uvuga ko hari byinshi bagombaga birimo umwanya n'amafaranga ariko bagiye kujya babyikorera ndetse azabisobanurira n'abandi.

Yagize ati “Banyeretse uburyo bwo kwisabira serivisi za Mituweli no gusaba ibyangombwa twasabiraga ku Murenge cyangwa tukegera 'aba-agents' bakaduca amafaranga buri gihe, byanyoroheye cyane, ubu ndabisobanurira abandi.”

Yakomeje agira ati ” Ubundi bajyaga bitugora kuko nk'igihe wakagiye mu murima guhinga, wafataga urugendo ukica umunsi ndetse rimwe na rimwe ugataha bidakunze ukazagaruka. Ubu nabifashe neza, ngiye gutaha mbyigishe n'abandi duturanye.”

Akimanizanye Spéciose na we yagize ati “Ubu ngiye kujya niyishyurira mituweli mu gihe niyambazaga Mudugudu cyangwa nkajya ku mukozi w'Irembo bikantwara umwanya munini n'amafaranga. Abaturanyi banjye batageze hano ngiye kubigisha iyi gahunda nziza ya 'Byikorere'.”

Umuyobozi ushinzwe gukwirakwiza serivisi mu Irembo Ltd, Tonny Kamugisha, yavuze ko ubu bukangurambaga bugamije kwigisha abaturage uko bajya bisabira serivisi za Leta bifashishije ikoranabuhanga kandi ko buzakomeza gukorwa kugira ngo bugere kuri benshi.

Yagize ati “Turateganya gukomeza ubukangurambaga mu ntara n'uturere dutandukanye aho buzagera kuri buri Muturarwanda wese. Si ibyo gusa, tuzakomeza gukorana n'inzego za Leta zitandukanye no gukorana n'abayobozi b'ibanze, Intore mu ikoranabuhanga za RISA ku buryo buzagera kuri benshi.”

“Turasaba abayobozi ndetse n'inzego z'ibanze gukomeza ubukangurambaga, bibutsa abaturage kwitabira iyi gahunda bakoresha ibikoresho by'ikoranabuhanga, harimo terefone zigendanwa ndetse na mudasobwa.”

Umuyobozi w'Akarere ka Rubavu, Mulindwa Prosper, yasabye abaturage kubyaza umusaruro amahirwe bagenda begerezwa ndetse bakita ku mirimo basanzwe bakora ibateza imbere.

Yagize ati “Aya ni amahirwe akomeye cyane leta iba ibagezaho, icyo ngira ngo mbisabire ni uko namwe muyabyaza umusaruro aho mwatakazaga umwanya cyangwa amafaranga mukajya mukoramo ibindi bibateza imbere cyane ko abenshi muri mwe mukora ubuhinzi abandi mugacuruza.”

Biteganyijwe ko mu mwaka wa 2024, gahunda ya Byikorere izaba yarasobanuriwe byibuze 80% by'abaturage kandi bayikoresha, ubukangurambaga bukazakomeza kugeza ubwo abaturage 100% bazamenyera kwisabira serivisi za Leta bifashishije ikoranabuhanga.

Kujya ku rubuga rwa Irembo, ni ukunyura kuri www.irembo.gov.rw cyangwa ukifashisha telefoni igendanwa y'ubwoko ubwo ari bwo bwose ugakanda *909# ukemeza ugakurikiza amabwiriza bitewe na serivisi ushaka.

Irembo ifite serivisi zigera ku 100; buri munsi mu Rwanda abasaba serivisi z'Irembo bararenga ibihumbi 20. Kuva urubuga Irembo rwatangira muri 2014, serivisi zimaze gusabirwa kuri urwo rubuga zirarenga Miliyoni 20, ibigo bya Leta bikorana na Irembo bikaba birenga 20.

Abaturage bigishwa uko bakwisabira zimwe muri serivisi za leta bakoresheje telefone

Banyuzwe no kwisabira serivisi badatakaje umwanya n’amafaranga

Ibi byagarutsweho mu gihe Irembo yitabiriye Rwanda Day yabereye i Washington DC, aho yabonye umwanya wo gusobanurira Abanyarwanda bayitabiriye by'umwihariko ababa mu mahanga serivisi zayo.

Umuyobozi ushinzwe ibikorwa mu Irembo, yavuze ko imibare igaragaza ko kuva muri Mutarama 2023 kugeza muri Mutarama 2024, Abanyarwanda baba mu mahanga banyujije ubusabe bugera kuri miliyoni esheshatu kuri IremboGov.

Ati 'Kuva Mutarama 2023 kugeza Mutarama 2024, dufite umubare w'ubusabe bw'Abanyarwanda baba mu mahanga basaba serivisi za Leta banyuze ku rubuga IremboGov burenga miliyoni esheshatu.'

'Serivisi yasabwe cyane kurusha izindi, ni serivisi yo gusaba pasiporo nkoranabuhanga (E-passport).'

Yakomeje avuga ko bishimiye intambwe Abanyarwanda baba hanze bamaze gutera mu gusaba serivisi za Irembo.

Ati 'Turishimira intambwe Abanyarwanda baba mu mahanga bagezeho mu kubasha kwisabira serivisi za Leta ku rubuga IremboGov.'

Rwanda Day yabereye Washington DC yitabiriwe n'abasaga ibihumbi bitandatu, Gategabondo yavuze ko babonye umwanya mwiza wo kugaragariza Abanyarwanda baba mu mahanga uko babona serivisi za Irembo.

Ati ' Muri Rwanda Day twaganiriye n'Abanyarwanda baba mu mahanga, hareberwa hamwe umubare w'ababasha kwisabira serivisi za Leta ku rubuga rwa Irembo.'

'Twamuritse ibikorwa bya Irembo ku ruhando mpuzamahanga, dukusanya ibyifuzo n'ibitekerezo, dusubiza ibibazo bijyanye na serivisi za Irembo, twereka Abanyarwanda baba mu mahanga inzira banyuramo ngo babone akazi mu Irembo igihe bazaba bagarutse mu Rwanda.'

Ubuyobozi bwa Irembo buheruka gutangaza ko umwaka wa 2024 uzasiga serivisi za leta 234 ziboneka kuri uru rubuga. Abanyarwanda baba mu mahanga bashaka ubufasha rwa Irembo bayandikira kuri [email protected].

Abanyarwanda bakoresha Irembo bari mu mahanga barenze miliyoni esheshatu

Abanyarwanda bitabiriye Rwanda Day yabereye i Washington basobanuriwe ibikorwa bya Irembo

Aba banyeshuri bavuga ko bageze muri kaminuza basanga ikoranabuhanga rikoreshwa muri byose haba mu gusoma ibyigwa bahawe (notes), mu gutegura imikoro, kuyitanga n'ibindi.

Ibi rero kubikora udafite mudasobwa bidindiza umuvuduko wo kwiga.

Umwe mu baganiriye na IGIHE utashatse ko amazina ye agaragara muri iyi nkuru ati'' tumaze igihembwe cyose tuzitegereje, twaje tuzi ko tuzahita tuzihabwa tukoroherwa no kwiga, ariko si uko byagenze.'

Mugenzi we wiga mu mwaka wa Mbere, yavuze ko kuri ubu kugira ngo bakoresheje imashini bisaba gutira bakuru baba biga mu mwaka wa Kabiri n'uwa Gatatu kandi ko atari ko bose bagirirwa icyizere.

Ati 'Nk'ubu mu ishuri ryacu turi 41, ariko abafite mudasobwa zabo ni 3 gusa. Kugira ngo dukore imikoro duhabwa bisaba gutira bagenzi bacu ariko hari n'igihe bidakunda ko badutiza, gusa nyine bamwe mu barimu bacu baratubohoye, basigaye bareka tukabaha ibyo twakoze byandikishije intoki ku mpapuro.''

Ibi binavugwa na bamwe mu barimu bigisha muri kaminuza, bavuga ko biba bitoroshye guha umunyeshuri amasomo bikazamusaba kujya gufotoza kandi byari kumworohera kuyatunga muri mudasobwa ye bidasabye kuba mu mpapuro.

Umuyobozi Mukuru wa UR, Prof. Kayihura Muganga Didas, ahumuriza aba banyeshuri ko mudasobwa bifuza bazazibona muri iki gihembwe cya kabiri, kuko ufite isoko ryo kuzitanga imyiteguro ayigeze kure.

Ati 'Gahunda yo guhabwa mudasobwa igiye gusubukurwa bazihabwe, bikorwa na rwiyemezamirimo ni ho hajemo gutinda ariko bazazihabwa nk'abandi, mu ntangiro z'igihembwe cya kabiri.''

Yakomeje avuga kuzitanga bidakorwa ku banyeshuri bose biyandikishije kwiga, kuko zihabwa abazisabye banagaragaza ko bazikeneye kuko baba bazanazishyura.

N'ubwo nta mibare y'abazazihabwa bose IGIHE ifite, muri uyu mwaka w'amashuri 2024/2025, abanyashuri bagiye kwiga mu mwaka wa Mbere basaga ibihumbi brindwi, bivuze ko n'abazazisaba bazaba basingira uwo mubare.

Gahunda y'uburezi ya Leta y'u Rwanda igamije kurushaho kwimakaza ikoranabuhanga mu mashuri, aho umunyeshuri yiga bidasabye ko igihe cyose umwarimu aba ari imbere ye.

Ibiro bya Kaminuza y’u Rwanda, UR, byubatse i Gikondo mu Mujyi wa Kigali

Ni igikorwa cyabereye mu rugo rwa Mudidi ruherereye i Rusororo mu Mujyi wa Kigali, ku wa Gatandatu, tariki ya 04 Mutarama 2025.

Uyu muhuro waranzwe n'ibiganiro byiza no kwibukiranya ibihe by'ingenzi bagiye bagirana no gushimira Mudidi ku musanzu we, aho ubu bagize icyo bimarira bakagera kuri byinshi babimukesha.

Bamwe mu bamusuye baturutse muri Canada, u Bwongereza ndetse na Uganda n'abandi baba mu Rwanda.

Edna Rugumayo, usigaye ari umubaruramari wa Leta muri Uganda, yibukije abari aho uburyo Mudidi yari umwarimu uzi kwigisha neza.

Ati 'Abenshi muri twe twatsindaga neza. Uburyo bwe bwo kwigisha bwatumye imibare ibasha kumvikana neza. Yadutoje kwita kuri buri kintu cyose.'

Yongeyeho ko 'Abarezi ni bo shingiro ry'abo tuvamo. Imyitwarire yacu yiyubaka muri ayo mashuri. Abarezi beza bafasha mu kubaka ejo hazaza, bityo bagomba gushimwa.'

Justine Gashumba Twahirwa usigaye ukora umwuga w'ubuhinzi, yakomoje ku masomo y'ingenzi yakuye kuri Mudidi.

Ati 'Yari umuyobozi mwiza kandi namumenyeyeho umumaro wo gukunda ibintu biri ku murongo.

Yamushimiye kandi k'ubwo gufasha abantu benshi kubona buruse zo gukomeza amasomo yabo.

Ati 'Twabonye buruse zo gukomereza amasomo muri Makerere, kaminuza yari imwe muri Uganda icyo gihe. Iyo umwarimu yizera abanyeshuri be, bituma bakora cyane.'

Evelyn Rutagwenda yashimangiye ko Mudidi atigeze yibanda gusa ku kwigisha amasomo, ahubwo ko yaba agamije ukubatoza kuvamo abayobozi no kugera kuri byinshi mu buzima.

Mudidi Emmanuel wari wanyuzwe no kwakira abanyeshuri yigishije nyuma y'imyaka 50, yavuze ko 'Ni umugisha w'Imana ko banyibuka. Igihe nabigishaga, sinari nzi ko ndi kugira uruhare rufatika mu buzima bwabo. Ariko uyu munsi, kubona aho bageze mu buzima byampaye ishema rikomeye.'

Mudidi yagiriye inama urubyiruko arubwira ko 'Ibyo mukora byose mujye mubikora neza. Abantu bashobora kugerageza kubayobya cyangwa kubanyuza iz'ubusamo, ariko wowe iyo ubirengagije ugashyira umutima ku kazi kawe, instinzi izakuzira.'

Emmanuel Mudidi yamaze imyaka 30 mu rwego rw'uburezi mu Rwanda no hanze yarwo. Yabaye umwarimu, ashinzwe gutegura ibizamini, aba Minisitiri w'Uburezi kuva mu 1999 kugeza 2001, nyuma ayobora iryahoze ari Ishuri rikuru Nderabarezi [KIE].

Emmanuel Mudidi yashimiwe n'abanyeshuri yigishije mu myaka 50 ishize

Abanyeshuri bigishijwe na Emmanuel Mudidi hagati ya 1972 na 1977 mu Ishuri ry'abakobwa rya Gayaza High School muri Uganda bahuriye mu rugo rwe kumushimira

Mudidi Emmanuel wari wanyuzwe no kwakira abanyeshuri yigishije nyuma y'imyaka 50, yavuze ko ari umugisha w'Imana kubona abo yigishije bakimwibuka

Mudidi Emmanuel yagenewe impano

Bamwe mu bamusuye baturutse muri Canada, u Bwongereza ndetse na Uganda n'abandi baba mu Rwanda

Amafoto: The NewTimes

Umwaka wa 2024, wabaye udasanzwe kuri YewëeH usanzwe ari umwe mu batunganya indirimbo mu Rwanda mu buryo bw'amajwi, cyane ko usibye gukora indirimbo ziganjemo izakunzwe cyane muri uwo mwaka, ari nabwo yinjiye mu byo kuririmba nk'umuhanzi ku giti cye.

Uyu musore wavuzwe cyane mu itangazamakuru ahanini biturutse mu kuba yari acuditse na Mbabazi Shadia wamamaye nka Shaddyboo ku mbuga nkoranyambaga. Urukundo rwabo baruhamije ubwo mu minsi ishize bari kumwe mu birori bya 'The Stage' byahuje abanyamideli n'abandi mu byiciro binyuranye by'ubuhanzi. 

Mu 2024, Producer Yeweeh yarambitse ikiganza ku ndirimbo z'abarimo Papa Cyangwe, Uncle Austin, Bushali, Fifi Raya, Khalfan Govinda, Yuhi Mic, n’abandi. 

Uyu musore aherutse kubwira InyaRwanda ko yabanje kuba umuhanzi mbere y'uko yinjira mu batunganya indirimbo (Producer). Avuga ko yasiragijwe igihe kinini na ba Producer bituma ahitamo kwiga gutunganya indirimbo kugirango ajye akorera abandi.

Ati: 'Buriya rero umuziki njyewe nawinjiyemo ndi umuhanzi birangira nyine kubera gusiragira mu ba Producer nihitiyemo kujya nikorera 'Production'. Rero 'Production' yakuze kuruta uko nari kuba umuhanzi. Bimaze imyaka itandatu, kuko ni ibintu nateguye kandi nifuzaga, rero urumva ko ari ibintu nateguye neza.'

Producer Yeweeh yavuze ko indirimbo ye ya mbere yashyize ku isoko yitwa 'Dangote' ndetse yakozwe mu buryo bw'amajwi na we ubwe.

Uyu musore yinjiye mu muziki yiyongera ku bandi ba Producer bo mu Rwanda, bakora umuziki bakanawutanganya. Avuga ko nta muntu n'umwe 'ndeberaho iyo ngiye gukora ikintu cyanjye.'

1.     Dangote –  YewëeH

“>

2.     Ntabya Gang — Papa Cyangwe ft Bushali

“>

3.     Ndasaze — Papa Cyangwe ft Kevin Kade

“>

4.     Siba — Papa Cyangwe

“>

5.     Intsinzi — Uncle Austin

“>

6.     Ndotsa — Deejay Pius ft Platini P & Uncle Austin

“>

7.     Isaha — Bushali

“>

8.     Baraba — Fejos Davis

“>

9.     Marry Me — Edouce Softman

“>

10. Wahala — Vex Prince

“>

11. Winsetsa — Papa Cyangwe

“>

12. Love — Kaayi

“>

13. Chanella — Alik Bulan

“>

14. Bendi — Alik Bulan ft Vex Prince

“>

15. Stuck — Fifi Raya

“>

16. You — Yuhi Mic

“>

17. Igikumwe — Khalfan ft Massamba, Fireman, Unle Austin, Tom Close, Marina, The Nature

“>

Producer YeweeH yashyize hanze umusaruro w’indirimbo yakoze mu 2024

Ni umwaka yavuzwe mu rukundo na Shaddyboo

Ibi, ni ibyo abaraperi barimo B Threy, Diplomat na Danny Nanone batangarije Radio Rwanda, bavuga ko nubwo abakunzi b'injyana ya Hip Hop bababajwe n'isubikwa ry'Igitaramo 'Icyumba cya Rap' cyagombaga kuba tariki 27 Ukuboza 2024, abari kuririmba nabo byabababaje ari nayo mpamvu bizeza kuzashumbusha abakunzi babo.

Ni igitaramo cyatumiwemo abaraperi 13 bakomeye kandi bagezweho muri iki gihe, cyasubitswe ku munota wa nyuma bitewe n'imvura nyinshi yaguye ikangiza bimwe mu byari byateguwe, mu gihe bamwe mu bantu bari batangiye kugera kuri Canal Olympia, aho cyari kubera.

Igitaramo 'Icyumba cya Rap' Iki gitaramo cyari kubera kuri Canal Olympia, ku mugoroba wo ku wa Gatanu tariki 27 Ukuboza 2024, ndetse ibihumbi by'abantu bari bamaze kwigwizaho amatike, bategereje ko bataramirwa n'aba bahanzi. 

Iyi mvura yaguye ari nyinshi, ku buryo hari ibyuma byanyagiwe, intebe ziranyagirwa, bituma abateguye iki gitaramo bafata umwanzuro w'uko gisubikwa.

Umwe mu bagombaga kukiririmbamo, B Threy yavuze ko inkuru y’isubikwa ry’igitaramo yayumvise ari kwitegura kugenda.

Ati:”Nari maze kwambara urukweto. Ntibyanshimishije. Urumva imyambaro tuba twateguye ariko nyuma yo kuvugana n’abagiteguye narabyumvise.”  

Dany Nanone we yamenye ko igitaramo cyahagaritswe yageze aho cyagombaga kubera, amaze gusuzuma ibyuma.

Ati:”Sinatekerezaga ko biri buhagarare. Byabaye ngombwa ko byarebwaho. Kuko nabirebeshaga amaso sinabyakiriye nabi kandi n’abakunzi bacu barabyumvise.”

Diplomate yagaragaje ko icyemezo cyo guhagarika igitaramo cyababaje abahanzi n’abakunzi babo.

Ati: “Uko abafana bababaye natwe twarababaye. Byaduhaye umwanya wo gutegura kurushaho kuko wongera kugira utwo utunganya. Byampaye umwanya wo kunoza kurushaho.”

Ubwo iki gitaramo cyasubikwaga, Ishimwe Eugene uri mu bari kugitegura yabwiye InyaRwanda ko banzuye gusubika iki gitaramo kubera 'Imvura nyinshi yangije ibikorwa byinshi twari twateguye, twemeje ko rero iki gitaramo kizabera muri Camp Kigali, tariki 10 Mutarama 2025.”

Bamwe mu bazitabira iki gitaramo barimo Riderman, Bull Dogg, P Fla, Fireman, Green P, Jay C, Bushali, B-Threy, Zeotrap, Danny Nanone, Logan Joe na Ish Kevin.

Kwinjira muri iki gitaramo ni amafaranga ibihumbi 5 Frw mu myanya isanzwe, ibihumbi 10 Frw muri VIP n'ibihumbi 20 Frw muri VVIP ku bazagurira amatike ku muryango.

Abari kugura amatike mbere y'umunsi w'igitaramo bo baraba bayagura ibihumbi 3 Frw mu myanya isanzwe, mu myanya ya VIP bayigure ibihumbi 7Frw naho VVIP yo bayigure ibihumbi 15Frw.

Abaraperi barimo Diplomat, Danny Nanone na B Threy bahishuye ko na bo batunguwe n’isubikwa ry’igitaramo gikomeye bari batumiwemo, batangaza ko bitegura gushumbusha abakunzi babo 

Minisitiri w’Ubuzima, Dr Sabin Nsanzimana yagaragaje ko Uturere twagaragayemo ubwiyongere bw’iyi ndwara harimo Gasabo, Kicukiro, Bugesera, Gisagara na Nyamagabe.

Yibukije abaturage ko bakwiye gutema ibihuru no gukuraho ahantu hororokera imibu no kwivuza neza hakiri kare.

Muri ubu butumwa, yavuze ko mu mwaka ushize u Rwanda rwahuye n'indwara ndetse n'ibyorezo byinshi ariko rukaza kubitsinda, yibutsa Abanyarwanda ko no muri uyu mwaka indwara zitigeze zifata ikiruhuko.

Ati:'Muri uyu mwaka rero, indwara ntwabwo zafashe ikiruhuko. Zirahari, na zo twiteguye kuzirinda, guhangana na zo, ndetse n'izaza zikomeye tukaba twafatanya na zo tukazitsinda.”

Akomoza ku bwiyongere bwa Malaria bwagaragaye mu turere tumwe na tumwe tw’Igihugu, Minisitiri Dr Nsanzimana yavuze ko byagaragaye ko imibu itera Malaria isigaye iruma abantu hakiri kare mbere y’uko bajya mu mazu bitewe n’uko yamaze kumenyera uburyo abantu bakoresha bayirwanya.

Yatangaje ko ahantu hororokera imibu hagenda hiyongera, harimo hafi y’urugo, aho bubaka, aho baretse amazi, mu bimene by’amacupa, mu bimene by’ibicuma, ndetse n’ahandi hantu hose amazi ashobora kumara akanya atagenda, agaragaza ko uko iterambere riza ari nako ahareka amazi hagenda hiyongera.

Ati: “Ntiwemere ko hafi y’urugo rwawe hari ikintu cyitwa amazi kihareka, ndetse kabone n’iyo kaba ari agafuniko k’icupa.Wari uzi ko muri kariya gafuniko k’icupa iri tunywesha ibinyobwa bitandukanye gashobora kujyamo imibu 2000 igihe karimo amazi.”

Minisitiri Dr Nsanzimana yibukije ko Malaria ivurwa igakira, ariko kudakoresha imiti yayo neza bishobora gutuma habaho ubudahangarwa ku miti. Yasabye abantu bose kutivura Malaria, ahubwo ugaragaje ibimenyetso yihutira kwa muganga kugira ngo yitabweho hakiri kare.

Ikigo cy’Igihugu gishinzwe Ubuzima, RBC kivuga ko Leta y’u Rwanda ifite gahunda yo kurandura Malaria mbere y’umwaka wa 2030, kandi ngo ni ibintu bishoboka kuko mu myaka 7 ishize, Malaria yagabanutse ku kigero kiri hafi ya 90%.

Mu myaka hafi 100 ishize, ni bwo mu Misiri hatangijwe ibikorwa byo kurandura Malaria, indwara iterwa no kurumwa n’umubu w’ingore wa 'Anophèle'.

Imibare ya OMS yerekana ko Malaria yica abantu nibura 600,000 ku Isi buri mwaka, biganjemo abo muri Afurika. Kugeza ubu ku Isi hari ibihugu 44 byemejwe ko bitakirangwamo Malaria.

OMS yashyizeho intego y'uko kuva mu 2016 kugeza mu 2030,  mu bihugu byose byo ku Isi mu mwaka wa 2030 nibo bazaba bamaze guhangana na Malaria ku gipimo cya 90%, kugabanya umubare w'abicwa na yo ku gipimo cya 90% ndetse no kuba nibura ibihugu 35 bizama byaramaze kurandura iyo ndwara burundu.

Minisiteri y’Ubuzima yasabye Abanyarwanda kutirara ku kwirinda Malaria yongeye kwiyongera mu Rwanda