Blog

Umuvugizi w'Umujyi wa Kigali, Ntirenganya Emma Claudine yabwiye RBA ko bashishikariza abikorera kubaka inzu zigeretse kandi zifite parikingi zazo ariko ko mu buryo burambye bateganya kubaka inzu zo guparikamo imodoka byonyine.

Yagize ati “Turateganya kubaka inzu za parikingi gusa ukaba wabona igorofa kuva hasi kugeza hejuru nta kindi kintu gikorerwamo, ari parikingi gusa.”

Yavuze ko abikorera bakwiriye kwitabira kubyaza umusaruro aya mahirwe, anashimangira ko ikibazo cy'ibiciro bya parikingi gikomeje kuzamuka, na cyo kiri kwitabwaho.

Ati “Abikorera tubashishikariza kubaka parikingi z'inzu zabo hamwe, ziranahari ariko turacyafite ikibazo ku biciro byazo aho turi kuganira n'zindi nzego ngo turebe tuti nubwo uwikorera afite parikingi ye akodesha, ariko se ni ayahe mafaranga atakagombye kurenza?”

Mu gihe ibyo byose bitarashyirwa mu bikorwa ngo ikibazo cya parikingi nke gikemuke, Umujyi wa Kigali ugaragaza ko hari ibice byegereye imihanda bigenda bishyirwaho ahantu abafite ibinyabiziga bashobora guparika.

Ibyo kandi byiyongeraho no muri Kigali Pelé Stadium i Nyamirambo kuko naho abahaturiye bemerewe kuhaparika.

Abakorera n'abagenda muri Kigali bari baherutse kugaragaza kutishimira ubuke bwa parikingi nke muri Kigali.

Irumva James yagize ati “Parikingi iratugoye cyane kuko hari imodoka nyinshi muri uyu Mujyi. Uza guparika ukabura parikingi bikagusaba kujya kuyihiga mu mpande kure, waba wihutaga bikakwicira gahunda.”

Tuyishime Hosiana ukorera mu Isoko rya Nyarugenge na we, yaragize ati 'Biragoye kubona parikingi hano kuko ihari ni ntoya kandi abantu benshi bahaza baba bazanye imizigo mu isoko. Hari igihe uzenguruka umwanya munini ushaka aho uparika rimwe ugasaga bivuyemo no kukwandikira ngo waparitse ahatemewe.”

Ibi bibazo byose, ni byo Umujyi wa Kigali uri kwitegura gukemura mu bihe biri imbere.

Perezida Kagame yabigarutseho mu kiganiro yagiranye n'Itangazamakuru kuri uyu wa 09 Mutarama 2025 cyagarukaga ku ngingo zitandukanye.

Yasubizaga Umunyamakuru wa Al Jazeera wari umubajije niba hari ibishya yakwitega ku butegetsi bushya bwa Amerika ku bibazo bya Repubulika Ihanarira Demokarasi ya Congo, RDC.

Perezida Kagame yavuze ko yubaha impinduka zabayeho muri Amerika, agaragaza ko kugira ngo zibe byari ku mpamvu nziza ndetse ko yiteguye gukorana n'iki gihugu mu bihe biri imbere.

Yavuze ko nubwo ubuyobozi bwahindutse binyuze muri demokarasi n'ibindi birimo nk'uburyo iki gihugu cyita ku ngingo zijyanye na politiki na byo bigiye guhinduka.

Ati 'Ntekereza ko bizanagenda uko no ku bijyanye n'uburyo bukoreshwa mu kwita ku ngingo zirebana na Afurika muri rusange ndetse by'umwihariko uko cyita ku bibazo byo mu Burasirazuba bwa RDC. Ni byo ntekereza ndetse ntegereje ngo ndebe uko bizagenda.'

Yavuze ko uretse muri Amerika no ku Isi muri rusange ibintu biri guhinduka ku muvuduko wo hejuru, akagaragaza ko abantu bakwiriye gukora cyane kugira ngo biyiteho muri iyi Si iri guhindagurika cyane.

Mu matora y'Umukuru w'Igihugu muri Amerika yabaye ku wa 05 Ugushyingo 2024, Donald Trump wo mu ishyaka ry'Aba-Républicains yegukanye intsinzi.

Icyo gihe yahigitse abo bari bahanganye cyane cyane Kamala Harris w'ishyaka ry'Aba-Démocrates, nyuma yo kubona amajwi ya Electoral college 277, mu gihe Kamala Harris afite 224.

Amatora yo muri Amerika akimara kurangira Perezida Kagame yashimiye Donald Trump watsindiye kuba Perezida wa 47 wa Leta Zunze Ubumwe za Amerika yizeza uyu ugiye kuyobora Amerika bwa kabiri ubufatanye bugamije inyungu hagati y'u Rwanda na Leta Zunze Ubumwe za Amerika mu myaka iri imbere.

Icyo gihe yagize ati “Ubutumwa bwawe busobanutse bwahoze ari uko Leta Zunze Ubumwe za Amerika ikwiye kuba umufatanyabikorwa w'amahitamo, uhamagarira abandi kuyifatiraho urugero aho kubahatira kubona ibintu nkayo no kubaho nkayo. Ndashaka rero gukorana nawe mu nyungu rusange z'ibihugu byombi mu myaka iri imbere.”

Biteganyijwe ko Donald Trump azarahirira kuyobora Amerika ku wa 20 Mutarama 2025.

Inshuro zose yagiye yiyamamaza, yavuze ko gusubiza Amerika icyubahiro bizaca mu guhagarika kwivanga mu bibera ahandi, imbaraga zigashyirwa mu kubaka Amerika ikaba ikigega cy'Isi, Abanyamerika bakabona akazi n'ubuzima bwiza.

Ni ingingo urebye isa n'itandukanye n'abo mu Ishyaka Aba-Democrates bo politiki yabo ikunze kurangwa no kwivanga mu y'ibihugu by'abandi, benshi bagashinja iki gihugu kigizwe na leta 50 guteza akaduruvayo mu bihugu by'abandi.

Perezida Kagame yaragagaje ko niba ubutegetsi bwa Amerika buhindutse n’uburyo iki gihugu cyita ku bubazo bya Afurika bigomba guhinduka

Umuhanzi The Ben hagiye habaho bimwe mu bintu bidasanzwe mu rugendo rwe rwa muzika harimo gutwara ibihembo, kuganzwa n’amarangamutima akarira  bya  hato na hato ndetse n’ibindi byinshi birimo n’ubukwe bwe na Uwicyeza Pamella.

Ytangiye kumvikana mu muziki mu 2008.

Duhere hambere  mu rugendo rwa The Ben yahawe ishimwe ry’Umuhanzi  mwiza wa Afro R&B w'umwaka  mu bihembo bya Salax Awards mu 2008-2009. Mu 2009-2010, yarongeye yegukana igihembo cy’Umuhanzi  mwiza wa Afro R&B w'umwaka” ndetse n'icyo cy’Umuhanzi w'umugabo mwiza. Mu 2010-2011, yatsindiye igihembo cy’Indirimbo nziza y'umwaka”. Ben yanahawe igihembo cya Salax Award cy’Indirimbo y'Umwaka mu 2010-2011.

Mu 2010, Ben yimukiye muri Leta Zunze Ubumwe za Amerika, havuzwe ibibi byinshi mu rugendo rwe gusa hagiye habaho n’ibyiza byinshi muri Amerika aho yakoranye n'umuhanzi wa Hip-Hop ukomoka i Detroit, Mike-E Ellison.

Nyuma, yatumiwe kuririmba ku cyicaro gikuru cya Loni. Indirimbo ya Ben yitwa I’m in Love  yasohotse mu Kwakira 2012, yatumye hashyirwaho icyiciro gishya cy'ibihembo bya muzika mu birori bya Salax Music Awards 2012 mu Rwanda, bituma aba umuhanzi wa mbere wegukanye igihembo cy'Umuhanzi mwiza mu mahanga.

Mu 2021, Julien Bmjizzo, utunganya amashusho y'indirimbo w'Umunyarwanda, yafashe amashusho anayobora indirimbo yitwa Why ya The Ben afatanyije na Diamond Platnumz,  ni imwe mu z’ingenzi uyu muhanzi agira kandi agenderaho kugeza n’ubu.

Dore urutonde rw’indirimbo kugeza ubu The Ben amaze gukora wenyine ku giti cye:

Jambo,Urarenze, Ese Nibyo, Amahirwe yanyuma,Incuti nyancuti,Wigenda, Amaso Ku Maso,I’m in Love ,I can See, Habibi,Fine Girl, Naremeye,Ndaje,Vazi (2019),Suko  na Ni Forever

Dore urutonde zimwe mu ndirimbo umuhanzi The Ben yagiye ahuriramo na bagenzi be:

• Binkolera ft Sheebah Karungi

• No you no life ft B2C 

• Ngufite Kumutima ft Zizou  Alpacino 

• This is love ft Rema Namakula

• Why ft Diamond Platnumz 

• Lose control ft Meddy 

•Sikosa ft Kevin Kade, Element Eleeh 

Tbe Ben kandi imyaka 38 y’amavuko isanze amaze gushyira hanze Albums 3, Amahirwe ya nyuma yamuritse mu 2009, Ko Nahindutse  yamurikiye mu Bubiligi  mu 2016  aho  yaganjwe n’amarangamutima akarira ndetse na Plenty Love yamurikiye muri BK Arena mu gitaramo cy’amateka yakoze  ku ya 1 Mutarama 2025.

Bimwe mu bintu bidasanzwe byagiye biba kuri The Ben mu bihe bitandukanye:

Donah Mbabazi yagiranye ikiganiro na The Ben mu 2016, baganira ku muziki we, ubuzima bw'urukundo n'imigambi yo gusubira mu Rwanda.

The Ben yaririmbye mu gikorwa cyo Kwibuka ku nshuro ya 20 Jenoside yakorewe Abatutsi cyabereye ku cyicaro cy’Umuryango w’Abimbumbye i New York.

The Ben na Sheebah baririmbye mu gitaramo cyabereye muri Fusion Autospa.

The Ben na Bruce Melody bagiye bavugwaho kugira amakimbirane ndetse  abafana  kuri buri ruhande bajya mu ntambara y’amagambo, gusa mu gitaramo yakoreye  muri BK Arena ku ya 1 Mutarama  2025, mugenzi we yaracyitabiriye, benshi bemeza ko  kaba ari  akadomo gashyizwe kuri iyi beef. 

Mu 2022, The Ben yashyingiranwe byemewe n'amategeko na Uwicyeza Pamella naherutse no kugaragaza ko bakuriwe bari hafi kwibaruka infura yabo.

Mu  2023 The Ben yagaragaye kurubyiniro hamwe n’umuhanzi Diamond Platnumz aho baririmbye indirimbo  Why  mu  itangwa ry’ibihembo bya Trace Awards  byabereye muri  BK Arena mu mujyi wa Kigali.

The Ben yabaye umwe mu bageze ku rwego rwa nyuma batoranyijwe mu bihembo bitangwa  na Radio Mpuzamahanga y’Abafaransa (RFI Discovery Prize) mu 2016.

The Ben Mugisha azwi nk'icyamamare cya mbere cya muzika mu Rwanda, nk'uko byagiye bigaragara cyane no mu gitaramo aherutse gukorera muri bk Arena.

The Ben  ubwo  yavugaga ijambo nyuma yo guhabwa igihembo  muri Salax Awards mu 2009

The Ben na Tom Close mu myaka ya kera bihariraga ibihemo

The Ben amurika  Album ya Kabiri 

The Ben yarushinze na Uwicyeza Pamella mu 2023 aho ubu bitegura kwibaruka

The Ben yamukiriye abanyarwanda Album ye ya Gatatu+ AMAFOFO

Yakunze gutamazwa n’amarangamurima 

“>Ubwo  yamukikaga Album ye ya 3 muri BK Arena

“>

“>

Aba basesenguzi bahamya ko umwaka wa 2024 wabaye mwiza ku bukungu bw’u Rwanda babishingiye ku kuba ibihe byarabaye byiza, ibintu bikaboneka, ibiciro bikongera bikamanuka ndetse ubuzima bukagenda neza kurusha uko byari bimeze mu 2023.

Umwe muri aba, ni inzobere mu bya politiki akaba n’umusesenguzi mu by’ubukungu, Dr Bihira Canisius wabwiye InyaRwanda ati: “Ubona ko umwaka wa 2024 wagenze neza kuko umwaka ushize hari habayeho ikibazo ibintu birabura, ibiciro birazamuka;

Ariko ubu ngubu ubona uyu mwaka ibintu byarongeye bikaboneka kuko twagize umwaka mwiza, twabonye imvura n’izuba biringaniye noneho imyaka irongera iraboneka, ibiciro birongera biramanuka bisubira hafi y’uko byahoze mbere.”

Ni mu gihe mbere y'uko umwaka urangira, Guverineri wa Banki Nkuru y’u Rwanda, John Rwangombwa, yasobanuye ko umwaka wa 2024 urangiye ubukungu bw’u Rwanda bwifashe neza. Yavuze ko bimwe mu bibazo birimo izamuka ry’ibiciro ku masoko no guta agaciro kw’ifaranga byagabanutse ku buryo bugaragara.

Ati: “Navuga ko 2024 ari umwaka mwiza ku bukungu bw’Igihugu cyacu, kuko iyo urebye n’imyaka ibiri ishize cyangwa se guhera nyuma ya Covid-19, ubukungu bwateye imbere neza.”

Asobanura impamvu umwaka wa 2024 wari ushimishije mu bukungu, Rwangombwa yagize ati: “Ni uko muri iyi myaka ishize ibiri nubwo ubukungu bwateraga imbere ariko twari dufite ikibazo cyo kuzamuka kw’ibiciro ku masoko gikarishye cyane, kikaba ari nk’inkomyi muri ibyo byiza twabonaga.”

Yatangaje ko muri uyu mwaka ikibazo cyo gutakaza agaciro kw’ifaranga ‘inflation’ kitagaragaye cyane ugereranije n’iyo myaka ishize. Ati: “Ku ivunisha muri rusange, umwaka ushize ifaranga ryari ryataye agaciro cyane, uyu mwaka byaragabanutse hafi icya kabiri cy’uko byagenze umwaka ushize”.

Guverineri yagaragaje ko ibice by’ubukungu byose birimo ubuhinzi, inganda, serivisi n’ibindi byateye imbere ugereranyije n’uko byari bimeze mu myaka ibiri ishize, aho igihugu cyahuye n’ibibazo by’ihindagurika ry’ibihe birimo n’amapfa.

Dr Bihira avuga ko yemeranya n’ibyatangajwe na Guverineri Rwangombwa ariko na none we asanga umwaka wa 2024 utaragenze neza cyane bitewe n’uko nawo wasize byinshi mu bibeshejeho Abanyarwanda bitumizwa mu mahanga.

Ati: “Turemeranya ariko ntabwo ari cyane kuko nubwo yavuze ko umwaka wabaye mwiza ariko ntabwo wabaye mwiza cyane kuko ku musaruro, uko njye nifuza kugira ngo ubukungu bwacu bugende neza, ni uko umusaruro wakwikuba nibura kabiri kuko kugeza ubungubu turacyabeshwaho n’ibintu byinshi dutumiza mu mahanga kandi twabyibonera mu musaruro hano mu Gihugu.”

Yasobanuye ko umwaka wa 2024 wasize ifaranga ry’u Rwanda rihagaze neza kurusha ibindi byose birukikije havuyemo Kenya. Nta byera ngo de! Dr Bihira avuga ko ifaranga ry’u Rwanda rigenda rita agaciro ugereranije n’idorali.

Ati: “Ariko byose ikibitera ni wa musaruro mucye dufite, tukagomba gukoresha amafaranga y’amanyamahanga y’amadovise, cyane cyane idolari kugira ngo dutumize ibintu mu bihugu byo hanze.”

Avuga ko aho ibihe bigeze bitangaje kubona Abanyarwanda bakiruha bahingisha amasuka kandi hariho imashini zijyanye n’igihe zitanga umusaruro mwinshi kandi mu gihe gito.

Ati: “Nk’ubungubu kubona abaturage benshi bagikaraga isuka, ntabwo byumvikana. Hagombaga kuba hari imashini ihinga. Imashini imwe ishobora gutanga umubyizi mu isaha imwe, itanga umubyizi w’abagabo 100 bafite ingufu.

Ikintu kigaragara ni uko ubuhinzi buha abantu akazi, bufite agaciro kugeza nko kuri 70%. Ariko iyo urebye nk’amafaranga abugenerwa iyo bakoze ingengo y’imari y’Igihugu, ntabwo barenza 6% nta n’ubwo bageza ku 10%.”

Aha niho Dr Bihira ahera asaba ko ubuhinzi n’ubworozi ari byo byajya bishirwamo ingengo y’imari nyinshi kuko abona ari byo bya mbere mu gutanga umusaro, hagakurikiraho ibindi bisata birimo ubukerarugendo n’izindi serivisi zifitiye igihugu akamaro.

Mu 2024 kandi, nibwo ho

Dr Bihira abikomozaho yagize ati: “Kongera ibintu bijyanye na pansiyo muri iki gihe ntabwo navuga ko ari igihe cyabyo kuko ni cya kibazo cy’umusaruro, hakaba hari n’ikibazo cy’umushahara kuko iyo wongereye amafaranga azava ku mushahara, ntiwongere ubushobozi bw’umukozi kuri wa mushahara, ntiwongere n’ubushobozi bw’umukoresha na we afite ikibazo kugeza ubu kubera iriya Covid-19, abakozi benshi n’abakoresha barahahombeye. Iki rero ntabwo aricyo gihe cyo kongera amafaranga batanga. Ahubwo njyewe icyo nabonaga bakongera ni ahantu bakura (RSSB).”

Ikigo cy'Igihugu cy'Ibarurishamibare cyatangaje ko umusaruro mbumbe w'ubukungu bw'u Rwanda wazamutse ku kigero cya 8.1% mu gihembwe cya gatatu cya 2024, nyuma y'uko wari wazamutse ku kigero cya 9.8% mu gihembwe cya kabiri cy'uyu mwaka, ndetse na 9.7% mu gihembwe cya mbere cy'uyu mwaka wa 2024.

Muri rusange, impuzandengo z'ibihembwe bitatu bya mbere bya 2024 igaragaza ko ubukungu bw'u Rwanda bwazamutse ku kigero cya 9.2%, ibyo Minisitiri w'Imari n'Igenamigambi, Yusuf Murangwa, yavuze ko ari 'Ikigero cyiza, gitanga icyizere ku bukungu bwacu.'

Muri Gicurasi 2024, Minisitiri w'Imari n'Igenamigambi, Dr Ndagijimana Uzziel, yagejeje ku mitwe yombi y'Inteko Ishinga Amategeko umushinga w'itegeko rigena ingengo y'imari ya Leta y'umwaka wa 2024/2025 ingana na miliyari 5,690.1 Frw, ikaba yariyongereyeho miliyari 574.5 Frw bingana na 11.2% ugereranyije na miliyari 5,115.6 Frw yari mu ngengo y'imari ivuguruye ya 2023/2024.

Mu mafaranga ateganyijwe mu ngengo y'imari ya 2024/2025, agera kuri miliyari 3,414.4 Frw azava mu misoro n'amahoro, miliyari 2,970.4 Frw akomoka ku misoro na miliyari 444 Frw ava mu bindi bitari imisoro.

Impano z'amahanga ziteganyijwe kugera kuri miliyari 725.3 Frw mu gihe inguzanyo z'amahanga zizagera kuri miliyari 1,318.1 Frw, naho inguzanyo z'imbere mu gihugu hamwe n'umutungo faranga bizagera kuri miliyari 232.3 Frw.

  

Mu kiganiro yagiranye na RBA, Minisitiri Sebahizi yavuze ko inzego nk'inganda, ubuhinzi n'ubucukuzi bw'amabuye y'agaciro zibumbatiye ubukungu bw'igihugu, ashimangira ko bari muri gahunda yo gushyira imbaraga mu bucukuzi bw'amabuye y'agaciro kugira ngo ubukungu bw'igihugu bukomeze kwiyongera.

Ati 'Mu bucukuzi bw'amabuye y'agaciro haracyarimo byinshi dushobora gukuramo cyane ko abashoramari bashya bagenda baza ndetse n'ibyo bakora bakagenda babyongerera agaciro. Ni yo mpamvu dushaka gushyira imbaraga no mu nganda kugira ngo umusaruro wiyongere, ubukungu bwacu buhore bwiyongera.'

Umuyobozi Mukuru w'uruganda rutunganya zahabu n'ifeza rwa Gasabo Gold Refinery Ltd, Kayobotsi Bosco yavuze ko mu mwaka wa 2023/24 umusaruro wiyongereye.

Ati 'Twagiye dukura, umusaruro wariyongereye mu myaka ibiri ishize, ikigero twazamutseho ni nacyo kinini ugereranyije n'imyaka itanu ishize.'

Ikigo cy'igihugu cy'ibarurishamibare, NISR, giherutse kugaragaza ko umusaruro rusange w'inganda mu Rwanda wazamutseho 14,7% mu Ugushyingo 2024 ugereranyije no mu Ugushyingo 2023.

NISR igaragaza ko umusaruro w'ubucukuzi bw'amabuye y'agaciro na kariyeri wazamutseho 45,2%, uw'amashanyarazi wiyongeraho 9,6%, uw'amazi n'isukura wiyongeraho 12,8%.

Umukozi mu Kigo cy'Igihugu Gishinzwe Mine, Peteroli na Gaz (Rwanda Mining Board- RMB), Mukiza Oreste yavuze ko gahunda zitandukanye uru rwego rwashyizeho ari zo zatumye umusaruro wiyongera.

Yavuze ko bijyana no gufasha abari muri urwo rwego kubona ibikorwaremezo cyane cyane nk'amashanyarazi ku bantu bafite ibirombe biri ahantu haherereye mu bice bitagerwamo n'amashanyarazi.

Ati 'Aya mashanyarazi abafasha mu gutuma za mashini ziremereye bakoresha n'ibindi bikoresho by'ikoranabuhanga rigezweho kenshi binakenera amashanyarazi, byoroha kubikoresha, byose bigatuma ubucukuzi bugenda butera imbere ndetse n'umusaruro ukiyongera.'

Ubushakatsi bwakozwe mu 2017, bwagaragaje ko mu Rwanda hari uduce 52 turimo amabuye y'agaciro. Ikindi ni uko u Rwanda rugaragaza ko amabuye y'agaciro ari munsi y'ubutaka bwarwo afite agaciro ka miliyari miliyari 154$.

RMB igaragaza ko ko amabuye y'agaciro yoherejwe mu mahanga mu 2023 yinjirije u Rwanda asaga miliyari 1.1$, avuye kuri miliyoni 772 z'Amadorali ya Amerika, bigaragaza izamuka rya 43.0%.

Minisitiri Sebahizi yijeje kurushaho kubyaza umusaruro ubucukuzi bw'amabuye y'agaciro