Webrwanda Backend

Blog

  • Africa News Agency igiye kwizihiza isabukuru… – #rwanda #RwOT

    African News Agency (ANA) yashinzwe muri Gashyantare 2015 i Cape Town, Afurika y’Epfo, na Sekunjalo Investments hamwe na Independent Media, iyobowe na Iqbal Survé, nyuma y’isenyuka rya South African Press Association (SAPA).

    Intego nyamukuru yo gushinga iki kigo, kwari ukugira ngo kigaragaze, gisesengure gitange umuti w'ibibazo Afurika ifite haba mu bukungu, ubuyobozi, imibereho y'abaturage ndetse no mu iterambere rya Afurika.

    Iki kigo cyagaragaje ubushongore n'ubukaka bwacyo mu gihe gito hanyuma batangira kwagura ibikorwa byabo ari nabwo bagezaga ahantu hatandukanye nko mu Bufarsana, Dakar, Abidjan, Libreville, Douala, Rabat, Tuniziya, na Kigali

    Mu rwego rwo kwishimira ibi byagezweho, African News Agency (ANA) bagiye kwizihiriza isabukuru y'imyaka 10 i Kigali aho baza kuba batumiye abahanga mu itangazamakuru mpuzamahanga kugira ngo barebere hamwe icyakorwa kugira ngo itangazamakuru rikomeze gutera imbere.

    Bamwe mu bayobozi batumiwe muri ibi birori biba kuri uyu wa gatanu tariki ya 10 Mutarama 2024, harimo Eugène Nyagahene washinze Tele10, Patrick Bofunda Ilingo wa TV5, Oria K. Vande Weghe umuvugizi wa La Francophonie, Clare Akamanzi umuyobozi wa NBA Africa, Elie Habimana uyobora Norrsken muri Afurika y'Iburasirazuba.

    Ibiganiro bitangwa biraba bifite intego igira iti 'Gutegura ejo hazaza h’itangazamakuru rya Afurika'

    Uretse kandi kuganira ku buryo bwo gutegura ahazaza h'itangazamakuru rya Afurika, ANA irateganya gushinga ishuri rizajya ritanga amahugurwa ku guteza imbere no guhangana n'ibibazo biri mu itangazamakuru ku buryo ejo hazaza h'itangazamakuru hazaba hari mu biganza byiza.

    Ubuyobozi bwa ANA bwagize buti “Uyu mushinga ugaragaza ubushake bwacu bwo kuba indashyikirwa mu itangazamakuru rya Afurika. Ntabwo ari uguhugura abanyamakuru gusa; ahubwo ni ukubaha imbaraga zo guhangana n’ibibazo byo ku isi mu gihe bagumye gushinga imizi mu bihe bidasanzwe bya Afurika n’amahirwe.”


    Africa News Agency bagiye kwizihiza isabukuru y’imyaka 10 n’intego igira iti “Gutegura ejo hazaza h’itangazamakuru rya Afurika”

    Source : https://inyarwanda.com/inkuru/150669/africa-news-agency-igiye-kwizihiza-isabukuru-yimyaka-10-150669.html

  • Imitoma iravuza ubuhuha kwa Mutesi Jolly n’um… – #rwanda #RwOT

    Ku mugoroba w’ejo ku wa Kane tariki 9 Mutarama 2025, Miss Mutesi Jolly yasangije abakunzi be ifoto abinyujije ku rukuta rwe rwa Instagram.

    Nyuma gato, haje umuntu mu gice abafana batangiramo ibitekerezo ari we Saidi Lugumi agira ati: (Your so beautiful always and thank you so much for loving me❤️) “Uri mwiza cyane igihe cyose, kandi ndagushimira cyane kuba unkunda❤️”. 

    Nuko Miss Mutesi Jolly asubiza agira ati ”(Locked in❤️) “Bifunze mu mutima❤️!”

    Kuri uyu wa Gatanu, ni bwo inkuru zasakaye ku mbuga nkoranyambaga z’uko Miss Mutesi Jolly yaba ari mu rukundo na Said Lugumi nyuma y’amagambo asize umunyu babwiranye kuri Instagram. 

    Umuherwe Said Lugumi Hamad yaje kwisanga gute mu rukundo na Miss Jolly ku buryo amarangamutima amuganza akajya kubyandika kuri Instagram ashimira uyu Nyampinga w’u Rwanda ku bwo kumukunda, nawe ntazuyaze akamwemerera ko yamaze gufungamo bwuma?. Ibi ni bimwe mu byo abantu banyuranye bari kwibaza ku mbuga nkoranyambaga.

    Lugumi ni umwe mu bashoramari bakomeye muri Tanzania ndetse ushora imari muri Kenya cyane ko hari n’amafoto amugaragaza we na Perezida w’iki gihugu, Wiliam Luto. Abenshi mu bamuzi bavuga ko yaba afite umugore, abandi ntibabyemeza neza gusa andi makuru avuga ko yatandukanye n’uwo mugore.

    Said Lugumi azwi cyane mu buzima bwe bwite no mu mibanire ye. Yashakanye n'umukobwa wa Said Mwema, wahoze ari Umuyobozi Mukuru wa Polisi muri Tanzania, bikomeza gushyigikira igitinyiro cye mu muryango w'ubucuruzi no mu muryango mugari w'imibereho muri Tanzania.

    Kuri iki gihe, Said Lugumi afatwa nk'umwe mu bantu bakomeye mu bucuruzi muri Tanzania, azwi ku bikorwa bye by'ubucuruzi byateye imbere ndetse n'ubushobozi bwe bwo guhinduka no kwaguka mu nganda zitandukanye zo muri iki gihugu.

    Umugore wa Said Lugumi bivugwa ko ari Umunyatanzaniya, akaba umukobwa wa Said Mwema, wahoze ari Umuyobozi Mukuru wa Polisi muri Tanzania (Inspector General of Police).

    Miss Jolly Mutesi yavukiye muri Kasese, mu gihugu cya Uganda ku itariki ya 15 Ugushyingo 1996, akaba ari we bucura mu muryango w’abana batandatu. Yize amashuri abanza muri Pickhill Nursery School na Hima Primary School muri Uganda.

    Amashuri yisumbuye (icyiciro rusange) yayize muri Kagarama Secondary School, naho icyiciro cya kabiri cy'amashuri yisumbuye (Advanced Level) acyiga muri King David Academy, aho yakuye impamyabumenyi mu masomo y’ubumenyi bw'amateka, ubukungu n'ubuvanganzo.

    Ku myaka 20, Jolly Mutesi yambitswe ikamba rya Miss Rwanda mu mwaka wa 2016, aba umwamikazi w'ubwiza wa mbere uhagarariye u Rwanda mu marushanwa y'ubwiza ya Miss World yabereye muri MGM National Harbor, Oxon Hill, Maryland, muri Leta Zunze Ubumwe za Amerika.

    Jolly Mutesi ni umunyarwandakazi w'umunyamideli, watsindiye ikamba rya Miss Rwanda mu mwaka wa 2016. Ni umushoramari, umuvugizi w'uburenganzira bw'umwana w'umukobwa, ndetse akaba n'umuharanira iterambere ry'abagore.

    Reka turebere hamwe muri rusange Said Lugumi watwawe umutima na Mutesi Jolly

    Said Lugumi ni umucuruzi uzwi cyane ukomoka muri Tanzania. Ni nyiri Sosiyete yitwa Lugumi Enterprises, ikora ibikorwa byihariye mu by'ikoranabuhanga ryifashishwa mu iperereza (forensic ICT services) no mu gutanga ibisubizo by'imikorere mu bijyanye no gucapa (corporate printing solutions).

    Umutungo nyakuri wa Said Lugumi ntaho utangazwa ku buryo wawumenya, ariko nk'umuyobozi wa sosiyete ikomeye kandi y'icyitegererezo, bikekwa ko afite umutungo ukomeye.

    Lugumi yashimiye Mutesi Jolly ku bwo kumukunda undi nawe ntiyazuyaje yemeje ko abirimo neza

    Said Lugumi uvugwa mu rukundo na Mutesi Jolly

    Aravuga rikijyana muri Tanzania

    Miss Mutesi Jolly aravugwa mu rukundo n’umuherwe wo muri Tanzania

    Ni ubwa mbere Miss Mutesi Jolly avuzwe mu rukundo n’umusore

    Source : https://inyarwanda.com/inkuru/150674/imitoma-iravuza-ubuhuha-kwa-mutesi-jolly-numuherwe-bavugwa-mu-rukundo-150674.html

  • Acuruza ibirimo intwaro! Byinshi ku muherwe u… – #rwanda #RwOT

    Ku wa Kane tariki  9 Mutarama 2025, Miss Mutesi Jolly yasangije abakunzi be ifoto abinyujije ku rukuta rwe rwa Instagram.

    Nyuma gato, haje umuntu mu gice abafana batangiramo ibitekerezo ari we Saidi Lugumi agira ati: (Your so beautiful always and thank you so much for loving me❤️) “Uri mwiza cyane igihe cyose, kandi ndagushimira cyane kuba unkunda❤️”. Mutesi Jolly yasubiza agira ati ”(Locked in❤️) “Bifunze mu mutima❤️!” 

    Abenshi mu bazi Said bavuga ko yaba afite umugore, abandi ntibabyemeza neza, gusa andi makuru avuga ko yatandukanye n’uwo mugore.

    Said Lugumi ni umucuruzi ukomeye ukomoka muri Tanzania, wavukiye i Magu, mu Ntara ya Mwanza, mu mwaka wa 1972. Yarerewe mu muryango w'abakristo b'inyangamugayo, aho ababyeyi be bombi bari abakristu b'indahemuka. Nyuma, mu gihe runaka cy'ubuzima bwe, Said yahinduye idini, aba Umuyisilamu.

    Said Lugumi akiri umwana, yize amashuri abanza gusa, nyuma aza gukora akazi ko koza inkweto mu gace ka Mwanza, gaherereye ahantu higanjemo icyaro muri Tanzania.

    Mu mwaka wa 1990, Said yimukiye mu murwa mukuru wa Tanzania, Dar es Salaam, igikorwa cyabaye ihurizo rikomeye mu buzima bwe. Muri icyo gihe, yahinduye idini, aba Umuyisilamu kubera imibereho itari myiza.

    Nyuma yaho, yabonye urukundo kuko ubuzima bwari bumaze kuzahuka ku bwo kugenda ahinduranya imibereho, maze arushinga n'umukobwa wa Said Mwema, wahoze ari Umuyobozi Mukuru wa Polisi muri Tanzania. Uyu mubano wamufashije gukomeza gushyira imbaraga mu mibanire y'umuryango ndetse banabyaranye abana.

    Said Lugumi wemeye ubufasha n'inama za Said Mwema, yahisemo gutangira ibikorwa by'ubucuruzi byihariye byakoraga ibikorwa bitandukanye birimo serivisi z'ikoranabuhanga ryifashishwa mu iperereza (Forensic ICT) ndetse n'ibikorwa byo gucapa iby'ubucuruzi.

    Icyo kigo cyubatse ku muvuduko wihariye mu nyubako ya Air Tanzania House, iri mu gace ka siporo ka Dar es Salaam. Iki kigo cyaragiye, cyakira abakiriya batari mu gihugu gusa, ahubwo n’abaturuka mu bihugu bya Afurika y'Iburasirazuba, bigaragaza ubuhangange n'uburyo kigera kure mu karere.

    Said Lugumi kandi azwiho ibikorwa by'ubugiraneza. Yatanze imari ikomeye mu mishinga y'imyifatire myiza, y'iterambere ry'ubuzima bw'abaturage ndetse n'imiryango ikora ibikorwa by'ubugiraneza muri Tanzania, bigaragaza ubwitange bwe n'ubushake bwo gutanga umusanzu we mu buzima bwa rubanda.

    Ubu buryo bwo gukorera mu mucyo no gufasha sosiyete byamuhesheje kubahwa no guhabwa icyubahiro nk'umuntu ukwiye kuba urugero rwiza muri Tanzania.

    Hari andi makuru avuga ko uyu mugabo Said Lugumi yaba yaratangije ikigo gicuruza intwaro cyemewe n’amategeko afatanije n’abandi bise TACTICAL DEFENSE (T) LIMITED gikorana bya hafi na Guverinoma nyinshi muri Afurika ndetse n’ibindi bigo byigenga, bivugwa ko kandi afatanya na Leta ya Israel bya hafi bigaragwaza n’intwaro z’icyo gihugu acuruza.

    Said Lugumi uvugwa mu rukundo na Mss Mutesi Jolly

    Miss Mutesi Jolly aravugwa mu rukundo na Said Lugumi

    Source : https://inyarwanda.com/inkuru/150678/acuruza-ibirimo-intwaro-byinshi-ku-muherwe-uvugwa-mu-rukundo-na-mutesi-jolly-150678.html

  • Miss Jolly yashyizeho umucyo ku byari byatumye hakekwa ko yaba ari mu rukundo n'umunyemari #rwanda #RwOT

    Miss Jolly yatanze umucyo ku byari byatumye abantu bakeka ko ari mu rukundo n'umunyemari Mutesi Jolly yavuze ko konti ye ya Instagram yibwe, nyuma yuko bigaragaye ko hari uwayikoresheje mu kwandikirana amagambo y'urukundo n'umuherwe wo muri Tanzaniya.

    Ibi byatumye habaho impaka mu baturage no ku mbuga nkoranyambaga, aho benshi bibajije niba koko Miss Jolly yaba ari mu rukundo n'uwo munyemari.

    Mu kiganiro n'itangazamakuru, Jolly yasobanuye ko atigeze ajya mu rukundo n'umunyemari uwo ari we wese, ahubwo yamenye ko konti ye yakoreshejwe mu buryo butari bwo.

    Yagize ati: 'Ndagira ngo mbwire abantu ko konti yanjye yibwe kandi sinigeze nkorana n'uwo muntu. Ntabwo ari njye wakoresheje amagambo arimo urukundo kuri Instagram.'

    Iyi nkuru yatumye abasangiza ku mbuga nkoranyambaga batangira gukwirakwiza amakuru atandukanye, ariko Jolly yavuze ko ari ikinyoma, ndetse yiseguye ku buryo ibintu byagiye bihungabanya ubuzima bwe. Miss Jolly kandi yavuze ko hakomeje gukorwa iperereza kuri icyo gikorwa cyo kwiba konti ye, kugira ngo hagaragare abakoze ubwo buriganya.

    Miss Jolly yatanze umucyo ku byari byatumye hakekwa ko ari mu rukundo n'umunyemari.

     

    Source : https://kasukumedia.com/miss-jolly-yashyizeho-umucyo-ku-byari-byatumye-hakekwa-ko-yaba-ari-mu-rukundo-numunyemari/

  • Uwicyeza Pamella n'umugabo we The Ben bongeye kugaragaza amashusho berekana ko inda ikuriwe #rwanda #RwOT

    Uwicyeza Pamella, umugore w'umuhanzi The Ben, yongeye kugaragaza amashusho ye arikumwe n'umugabo we. Muri ayo mashusho, Uwicyeza Pamella yagaragaje inda ye nkuru, igaragaza ko afite iminsi mike ngo abyare.

    Amashusho ye yari amaze igihe gito ashyizwe hanze mu minsi ishize, ndetse azamura impaka zishingiye ku mibereho yabo nk'umuryango.

    Amwe mu mafoto yafashwe, yagaragaje uburyo bombi bishimira ubuzima bwabo no kwishimira umunezero w'ubwo buzima, cyane ko ari abantu bamaze kuba ikirangirire mu buzima bw'umuziki, ndetse bakaba bazwiho gukunda kwerekana ubuzima bwabo bwa buri munsi ku mbuga nkoranyambaga.

    Uwicyeza Pamella akomeje kugaragaza ko ari umubyeyi witegura kubyara, ibintu byakomeje gushimisha abakunzi babo n'abantu benshi, ariko nanone bituma hari abibaza ku buryo abakobwa bamwe bafata ibikorwa byabo bakabishyira ku karubanda kandi bidakwiye, ibi nibimwe mu byibazwa ku myitwarire y'abahanzi cyangwa imiryango yabo mu buryo budahwitse.

    Uyu mubano w'abashakanye ni umwe mu byifashishwa n'abahanzi bagaragaza imishaharire yabo ndetse n'umuryango babarizwamo.

    Ariko, nk'uko byagiye bigaragara mu bindi bihe, ibikorwa nk'ibi bishobora kugirira ingaruka ku buryo abahanzi bagaragara mu maso ya rubanda.

    Ibi byatumye impaka zikomeza gukomeza kwibanda ku buryo ubutumwa bw'ibyo bikorwa bujya kumvwa mu rwego rw'umuryango, n'uburyo bihindura uburyo bw'imyitwarire ya rubanda.

    Uyu mwanya, wigaragaza nk'ahantu h'ibiganiro n'ibitekerezo, ushobora no gutuma habaho ubwiyunge n'ubwumvikane hagati y'abakunzi ba The Ben n'umuryango we.

    Uwicyeza Pamella, umugore w'umuhanzi The Ben, yongeye kugaragaza amashusho we n'umugabo we bagaragaza inda nkuru.

     

     

    Source : https://kasukumedia.com/uwicyeza-pamella-numugabo-we-the-ben-bongeye-kugaragaza-amashusho-berekana-inda-nkuru/

  • Muhanga: Abaturiye icyanya cy'inganda bagiye kwimurwa – #rwanda #RwOT

    Ibi byatangajwe ku itariki 9 Mutarama 2025 ubwo abadepite bagize Komisiyo y'Ubutaka, Ubuhinzi, Ubworozi n'Ibidukikije mu Nteko Ishinga Amategeko bumvaga inzego zinyuranye baganira ku itegeko ry'ubutaka.

    Abo badepite bagaragarije MINICOM ikibazo cy'abaturage bagituye mu cyanya cy'inganda cya Muhanga, bavuga ko batahimuwe byabagiraho ingaruka zinyuranye zirimo gusenyuka kw'inzu zabo, uburwayi n'izindi.

    Umunyamabanga Uhoraho muri MINICOM, Kajangwe Marie Antoine yavuze ko kugeza ubu muri iki cyanya cya Muhanga hari ingo 157 zari zituye ku buso wa hegitari 19.4 zimaze kwimura.

    Yakomeje avuga ko abaturage bakihatuye na bo bazimurwa mu gihe kiri imbere, dore ko hari gushakwa amikoro ngo bimurwe ku buryo bitazarenza mu mwaka utaha w'ingengo y'imari.

    Yagize ati “Turifuza ko icyo kibazo cyakemuka vuba kandi twabishyize mu ngengo y'imari ya 2025/2026. Twizera ko iyo ngengo y'imari tuzayibona kandi hari na gahunda yo kwihutisha gutunganya ibyanya by'inganda byose mu gihugu. Turi kuganira na MINECOFIN kandi icya Muhanga ni cyo cyiza imbere kuko tuzi ko hari ikibazo cy'abaturage tugomba kwimura.”

    Kuva mu 2022 kugeza mu 2024, abamaze kwimurwa mu cyanya cy'inganda cya Muhanga bamaze kwishyurwa amafaranga y'u Rwanda arenga miliyari ebyiri na miliyoni 700.

    Abatuye mu cyanya cy’inganda cya Muhanga bagiye kwimurwa

    Source : http://igihe.com/amakuru/u-rwanda/article/muhanga-abaturiye-icyanya-cy-inganda-bagiye-kwimurwa

  • Abashakashatsi bagaragaza ko abantu benshi banywa inzoga nyinshi mu gihe cy'iminsi mikuru isoza umwaka #rwanda #RwOT

    Ubushakashatsi bwakozwe n'inzego zitandukanye ziga ku mibereho n'imyitwarire y'abantu, bugaragaza ko abantu benshi bakunze kunywa inzoga nyinshi mu gihe cy'iminsi mikuru isoza umwaka. Ibi biterwa ahanini n'impamvu zitandukanye zirimo ibirori byo kwizihiza uko umwaka wagenze, guhura n'inshuti n'imiryango baribamaze igihe kinini badaherukana, ndetse no gukoresha umwanya wo kuruhuka no kwidagadura nyuma y'akazi kenshi k'umwaka wose.

    Abashakashatsi bavuga ko iyi myitwarire ishobora kugira ingaruka zitandukanye ku buzima bw'abantu. Mu gihe bamwe bashobora kunywa mu rugero, abandi bakagwa mu mutego wo kurenza urugero barimo banywa inzoga bikaba byatera ibibazo nk'umubiri kunanirwa cyane cyanggwa se kugira ibibazo by'imyitwarire nki za makimbirane mu miryango cyangwa impanuka zo mu muhanda ziterwa no gutwara ibinyabiziga basinze.

    Abahanga mu by'ubuzima bibutsa ko abantu bagomba kunywa mu rugero, cyane cyane mu gihe cy'iminsi mikuru. Bagaragaza ko inzoga nyinshi zishobora kugira ingaruka ku bwonko, umutima, n'impyiko, ndetse no kongera ibyago byo kwandura indwara zidakira.

    Banasaba abantu kubahiriza amabwiriza yo kwirinda gukoresha ibiyobyabwenge by'umurengera no gufata ibyemezo byiza mu gihe bibagoye kwirinda kunywa inzoga.

    Ku rundi ruhande, ubushakashatsi bugaragaza ko bamwe mu bantu bakoresha inzoga mu minsi mikuru isoza umwaka nk'umwanya wo kwitekerezaho no gukosora amakosa bakoze, bakirinda ibikorwa bishobora kugira ingaruka mbi ku buzima bwabo cyangwa ku bandi.

    Benshi muri bo bahitamo kwishimira iminsi mikuru isoza umwaka binyuze mu bundi buryo nk'imikino, gusura inshuti n'imiryango, cyangwa gukora ibikorwa by'urukundo nko gufasha abatishoboye.

    Mu gihe gusoza umwaka ari umwanya mwiza wo kwidagadura no gusabana, abashakashatsi basaba abantu gufata iya mbere mu gukumira ingaruka mbi zituruka ku buryo bakoresha iki gihe cy'imbonekarimwe.

    Kwimakaza umuco wo kunywa mu rugero no kwirinda gutwara ibinyabiziga basinze ni kimwe mu bisubizo byafasha kugabanya izo ngaruka. Banafasha abantu kumenya ko iminsi mikuru ari igihe cyiza cyo kwishima no gusabana, ariko hagakorwa ibintu byose mu buryo bunoze kandi butagira uwo bubyara ibibazo.

    Source : https://kasukumedia.com/abashakashatsi-bagaragaza-ko-abantu-benshi-banywa-inzoga-nyinshi-mu-gihe-cyiminsi-mikuru-isoza-umwaka/

  • TikTok ku mukingo wo guhagarikwa muri Leta Zunze Ubumwe z'Amerika #rwanda #RwOT

    Urubuga rwa TikTok rugiye guhagarikwa mu gihugu cya Leta Zunze Ubumwe za Amerika, nubwo rwajuririye umwanzuro wo guhagarikwa muri Amerika mu rukiko rw'ikirenga. Iki cyemezo cyafashwe nyuma y'uko guverinoma y'Amerika ishinje uru rubuga, rukorana n'ikigo ByteDance cyo mu Bushinwa, gutanga amakuru y'abakoresha urubuga kuri Leta y'u Bushinwa, bishobora guteza ikibazo ku mutekano w'igihugu.

    Abayobozi ba TikTok bakomeje guhakana ibi birego, bavuga ko amakuru y'abakoresha urubuga rwabo abarizwa muri Amerika ndetse no mu bindi bihugu birimo Irlande, kandi ko afite uburinzi bukomeye.

    Ubuyobozi bwa ByteDance bwakomeje gusobanura ko nta makuru agera ku Bushinwa kandi ko buzakomeza kubahiriza amategeko n'amabwiriza y'Ibihugu bitandukanye aho bakorera.

    Uyu mwuka hagati ya TikTok na Leta Zunze Ubumwe za Amerika wakomeje gufata indi ntera, kuko ibi birego bimaze igihe bivugwa.

    Byongeye kandi, hari ibihugu bimwe na bimwe nabyo bimaze gufata ibyemezo bisa n'ibi, harimo nko kubuza bamwe mu bakozi ba Leta gukoresha TikTok mu kazi, mu rwego rwo kwirinda ikibazo cy'umutekano w'amakuru y'ibanga.

    TikTok, kimwe n'ibindi bigo bikora mu ikoranabuhanga, byagiye bihura n'ibibazo by'uko amakuru y'abakoresha uburyo bwabo ashobora kwinjira mu maboko y'abantu batabyemerewe, cyane cyane ko ubu Isi iri kwihuta mu iterambere ry'ikoranabuhanga.

    Umwanzuro w'urukiko rw'ikirenga rwa Amerika uzakomeza gukurikiranwa, ndetse ishobora kuba intangiriro y'impinduka zikomeye ku mikorere y'ibigo by'ikoranabuhanga bikomeye ku Isi.

    Ku rundi ruhande, hari abavuga ko ibi bishobora kuba bishingiye ku nyungu za politiki z'ibihugu, aho intambara yo guhangana hagati ya Amerika n'u Bushinwa mu by'ikoranabuhanga irimo gukomeza kwiyongera.

    Icyakora, abakoresha TikTok bo hirya no hino ku Isi bakomeje kugaragaza impungenge zabo, cyane cyane ko uru rubuga ari rumwe mu rukunzwe cyane mu rubyiruko kubera uburyo rufasha mu gusangira ibitekerezo, kwidagadura, no kwamamaza ibikorwa.

    Source : https://kasukumedia.com/tiktok-ku-mukingo-wo-guhagarikwa-muri-leta-zunze-ubumwe-zamerika/

  • Hakim Sahabo yatijwe ikipe ya K. Beerschot V.A. avuye muri Standard de Liège zose zo mu Bubiligi #rwanda #RwOT

    Ku mugorona wo kuri uyu wa kane nibwo Umukinnyi w'Ikipe y'Igihugu y'u Rwanda ukina mu kibuga hagati, Hakim Sahabo, yavuye muri Standard de Liège, atizwa muri K. Beerschot V.A. zombi zikina mu Cyiciro cya Mbere mu Bubiligi.

    Ibi bibaye nyuma yo kutamubonera umwanya uhagije wo gukina muri Standard de Liège, iyi kipe yifuje kumutiza kugira ngo abashe kubona umwanya uhagije wo gukina.

    Mu butumwa yatanze akigera mu ikipe nshya yagize ati 'Nishimiye gusinyira Beerschot. Mu maso yanjye mbona ari ikipe ikomeye kandi ifite abafana bayishyigikira hano mu Bubiligi. Ndizera ko ubwo nzaba mbonye iminota yo gukina, nzayibyaza umusaruro nkatera imbere.'

    'Hamwe n'abatoza, abakinnyi bagenzi banjye, abafana, nzakora ibishoboka byose kugira ngo mfashe Beerschot kuguma mu Cyiciro cya Mbere.'

    Nkuko ikipe ye nshya yabitangaje, uyu mukinnyi ashobora kugaragara mu mukino iza guhuriramo na Anderlecht, mu ijoro ryo kuri uyu wa 9 Mutarama 2024.

    Kugeza ubu aracyafite amasezerano ya Standard de Liège agomba kuzarangira mu 2026, akaba yatijwe muri iyi kipe ku masezerano atayemerera kumugura burundu.

    Beerschot iri mu makipe ari guhangana no kutamanuka mu Cyiciro cya kabiri, kuko iri ku mwanya wa nyuma n'amanota 12 mu mikino 20 imaze gukina.

    Mu mpeshyi yo mu 2023, ni bwo uyu mukinnyi w'Amavubi wakiniraga Lille y'Abatarengeje imyaka 19, yerekanwe nk'umukinnyi mushya wa Standard de Liège.

    The post Hakim Sahabo yatijwe ikipe ya K. Beerschot V.A. avuye muri Standard de Liège zose zo mu Bubiligi appeared first on RUSHYASHYA.

    Source : https://rushyashya.net/hakim-sahabo-yatijwe-ikipe-ya-k-beerschot-v-a-avuye-muri-standard-de-liege-zose-zo-mu-bubiligi/?utm_source=rss&utm_medium=rss&utm_campaign=hakim-sahabo-yatijwe-ikipe-ya-k-beerschot-v-a-avuye-muri-standard-de-liege-zose-zo-mu-bubiligi

  • Rubavu: Imbuto y'ibirayi iri kubona umugabo igasiba undi – #rwanda #RwOT

    Icyakora aba bahinzi bagaragaza ko mu mwaka ushize bejeje, bakaryoherwa n'icyashara babonye mu minsi mikuru, bakisanga bagurishije n'ibyagombaga kuba imbuto ku buryo kubona ibyo barahinga muri iyi minsi bikomeje kuba ingorababahizi.

    Umwe mu baganiriye na RBA ati 'Imbuto hano ni ingume. Turi kiyigura iduhenze. Ikilo kimwe kiri kugura 1000 Frw. Ikosa turarifite natwe kuko twakuye ibirayi twumva ko twabigemurira isoko ntitwasiga imbuto'.

    Mugenzi we yakomeje avuga ko 'Imbuto ituburwa yabaye nke abatubuzi bahita bazamura igiciro. Kuko abahinzi bakeneye imbuto ari benshi kandi badafite ahandi ho kuyikura bari kuyigura ibahenze bya mbuze uko ngira'.

    Imbuto y'ibirayi aba bahinzi bari basanzwe bayigura ku giciro kiri hagati ya 500 Frw na 700 Frw ku kilo, ariko ubu ikilo kiri kuboneka ku giciro kiri hagati ya 1000 Frw na 1400 Frw.

    Ubuyobozi bw'Ikigo cy'Igihugu gishinzwe guteza imbere ubuhinzi n'ubworozi (RAB), mu Karere ka Rubavu, bwemeza ko guhenda kw'imbuto y'ibirayi byatewe n'abahinzi bagurishije umusaruro wose bakiyibagirwa ariko bukemeza ko hari ingamba ziri gushyirwaho ngo ibyabaye bitazasubira.

    RAB igaragaza ko igiye gukorana n'abajyanama n'abafashamyumvire mu buhinzi kugira ngo bajye bakurikirana abahinzi hirindwa ko imbuto yakongera guhenda cyangwa kubura mu gihe cy'ihinga.

    Mu gihembwe cy'ihinga cya 2025 A abahinzi b'ibirayi mu Karere ka Rubavu babihinze kuri hegitari 6000, aho hitezwe umusaruro wa toni ibihumbi 120.

    Imbuto y’ibirayi mu Karere ka Rubavu iri gukosha

    Source : http://igihe.com/amakuru/u-rwanda/article/rubavu-imbuto-y-ibirayi-iri-kubona-umugabo-igasiba-undi