Blog

Abo bantu baba baje mu Rwanda kwigira ku bisubizo u Rwanda rwishatsemo, kugira ngo na bo bajye kubishyira mu bikorwa mu mishinga iteza imbere ibihugu byabo.

Ni imishinga yo mu nzego nko gucunga imari ya leta, gutanga serivisi hifashishijwe ikoranabuhanga, n'ibindi.

Uko kwakira abo bantu byatumye ibihugu byinshi bisaba ko bimwe mu biri gufasha u Rwanda gutera imbere, rwabafasha na bo bakabigira mu buryo bumwe cyangwa ubundi.

Ibyo bihugu birimo nka Tchad, Eswatini na Guinée-Conakry, aho Abanyarwanda bari kubifasha kubaka imwe mu mishinga y'ikoranabuhanga ibifasha gutanga serivisi mu buryo bugezweho.

Nk'uko tumenyereye ko u Rwanda rwohereza ibicuruzwa hanze bikagurwa rukunguma amadovize, n'iyi gahunda ifatwa nko kohereza mu mahanga ubumenyi mu by'ubwenge na cyane ko zishyurwa rukunguka ariko impamvu nyamukuru ikaba kunoza imibanire n'ibihugu by'inshuti.

Muri Tchad u Rwanda ruhafite imishinga itatu imaze gukorwa harimo uwifashishwa mu rwego rw'imari uzwi nka 'Management Information System: IFMIS), aho hatojwe abantu 1441.

Umushinga ufasha mu bijyanye no kugenzura imisoro aho hahuguwe n'abarenga 1200 ubwo buryo bugashyirwa mu mabanki umunani n'ibigo by'itumanaho bibiri, ndetse n'ufasha gutanga inyemezabwishyu za EBM.

Kuri ubu u Rwanda ruri kuganira n'icyo gihugu ku buryo hakorwa n'undi ufasha mu gutanga amasoko hisunzwe ikoranabuhanga.

Uwo mushinga uzafasha mu itangwa ry'amasoko hifashishijwe ikoranabuhanga ni na wo u Rwanda ruri gukora muri Guinée-Conakry mu gihe muri Eswatini na ho hari kubakwa IFIMIS ifasha abo mu rwego rw'imari gutanga no kubona serivisi mu buryo bunoze.

U Rwanda rufite ibindi bihugu bitandukanye byasabye ko byakubakirwa ubwo buryo bw'ikoranabuhanga bijyanye n'uko bamaze kumenya ko ari bwo buri gufasha u Rwanda kwihuta mu iterambere, nk'uko Umuyobozi Mukuru wa RCI, Eng Uwase Patricie yabishimangiye.

Yari mu biganiro byahurije hamwe Itsinda ry'u Rwanda riri kugira uruhare muri iyo mishinga n'abakozi b'iki kigo bose, hagamije kwishimira umusaruro ukomeye bagezeho mu 2024 no kurebera hamwe imbogamizi zagaragaye kugira ngo 2025 izarusheho kumera neza.

Eng. Uwase ati 'Dufite ibihugu byinshi bitugana bishaka ko twabyubakira ubwo buryo bw'ikoranabuhanga. Bijyanye n'amateka ashaririye twanyuzemo ya Jenoside yakorewe Abatutsi, tubereka ko ibintu bishoboka. Igihugu gishobora kuba cyaranyuze mu bikomeye kikaba umuyonga ariko kikubaka ibikomeye. Iyo tuberetse aho tumaze kugera n'aho twavuye bibaha icyizere ko na bo bizashoboka.'

Eng. Uwase yavuze ko bagiye kongera umuvuduko w'ibyo bakora ari na byo bizavamo umusaruro ufatika. Ati 'Niba twarakiriye abarenga 7000 tugomba kugeza ku bihumbi 10 kandi abo ntitugomba kubigeraho mu gihe nk'icyo byadutwaye. Turifuza kongera umuvuduko tukabagana mbere y'uko batugana mbere y'uko batugana tukabikora nk'ikipe imwe.'

Mu gukomeza uwo mucyo mu 2023 u Rwanda rwatangije ikigo gifasha abanyamahanga bashaka kwigira ku byo u Rwanda rwagezeho cyiswe Rwanda Cooperation Governance Center.

Kinatanga ubumenyi ku banyamahanga binyuze mu kwakira inama, gutegura porogaramu zitandukanye no mu ngendoshuri zikorwa, hibandwa ku ngingo zo guteza imbere abaturage.

Umuyobozi wa Rwanda Cooperation Initiative, RCI, Eng Patricie Uwase aganiriza abakozi b’iki kigo n’Itsinda ry’Abanyarwanda riri kugira uruhare mu mishinga iteza imbere ibihugu bya Afurika

Umuyobozi wa Rwanda Cooperation Initiative, RCI, Eng Patricie yatangaje ko kuva mu 2018 bamaze kwakira abaturutse mu bihugu 62 barenga 7900 baje kwigira ku bisubizo u Rwanda rwishatsemo

Abakozi ba RCI n’Itsinda ry’Abanyarwanda riri kubaka imishinga y’ikoranabuhanga mu bihugu bitandukanye bahuye bishimira umusaruro iki kigo kimaze kugeraho

Eng Uwase yagaragaje ko bashaka gukuba kabiri ibyo bamaze kugeraho mu myaka irindwi ishize ndetse bakabigeraho mu gihe gito

Haganiriwe ku mbogamizi zakunze kugaragara mu kubaka imishinga itandukanye mu bihugu bya Afurika n’uburyo zakurwaho mu bihe biri imbere

Amafoto: Kwizera Herve

Birimo moto zirenga 700 n'imodoka 10 byagiye bifatirwa mu makosa atandukanye mu Mujyi wa Kigali.

Umuyobozi w'Ishami rishinzwe guhuza Ibikorwa bya Polisi n'Abaturage, ACP Ruyenzi Teddy, yasobanuye ko impamvu ibyo binyabiziga bigurishwa ari uko biba bishobora kwangirika cyane ko biba bidakoreshwa.

Ati 'Impamvu ituma bigurishwa mu cyamunara ni ukugira ngo bidakomeza kwangirika. Haba moto, imodoka n'amagare bimaze umwaka biparitse ku zuba ahandi hagwa imvura birangirika kubera kudakoreshwa.Tuba tugira ngo tubanze turengere ubuzima bw'ibyo binyabiziga'.

Yashimangiye ko bagurisha ibinyabiziga hashingiwe ku gaciro kabyo, atangaza ko hari urwego ruza gukora igenagaciro hashingiwe ku gihe ikinyabiziga cyakorewe, igihe kimaze gikora n'igihe kimaze giparitse.

Ati 'Urwo rwego ruhita rwemeza agaciro mu mafaranga k'icyo kinyabiziga noneho tukazakigurisha gutyo cyangwa tukazarenzaho bitewe n'uburyo abaguzi bacyishimiye'.

ACP Ruyenzi yongeyeho ko amafaranga ava muri ibyo binyabiziga ajyanwa mu isanduku ya Leta bakazayaha ba nyir'ibinyabiziga igihe bagarutse ariko hagakurwamo n'ayishyurwa nk'ibihano.

RNP igaragaza ko ikiba kigamijwe mu gufatira ibinyabiziga ari kwirinda amakosa y'ababitwara mu gihe kubigurisha ari n'uburyo bwa nyuma bwo kubikura aho biri kugira ngo haboneke ahajya ibindi kuko ba nyirabyo baba bataraje kubitwara.

ACP Ruyenzi yasabye abafite ibinyabiziga birengeje ukwezi bifashwe na Polisi y'u Rwanda kwihutira gukemura ibibazo byatumye bifatwa harimo no kwishyura ibihano mbere y'uko bigurishwa mu cyamunara, avuga ko muri muri Gashyantare 2025 iyo gahunda izakomereza no mu ntara.

Ibinyabiziga birenga 800 bigiye kugurishwa mu cyamunara

Kuri uyu wa Gatandatu tariki ya 10 Mutarama 2025 Saa kumi n’imwe kuri Stade mpuzamahanga ya Huye ni bwo ikipe ya Mukura VS iraba yakiriye Rayon Sports mu mukino wo ku munsi wa 15 wa shampiyona y’icyiciro cya mbere mu Rwanda.

Ni umukino ukomeye dore ko aya makipe yombi ari amakeba bishingiye ku kuba yose akomoka mu ntara y’Amajyepfo ndetse akaba ari amwe mu makipe yashinzwe mu bihe bijya kwegerana.

Ibi nibyo byatumye Mukura VS yakaniye kuwutsinda ndetse ikaba yanashyizeho agahimbazamusyi gakubye ako ijya itanga ku yindi mikino. 

Nk’uko amakuru abivuga buri mukinnyi w’iyi kipe yemerewe amafaranga ibihumbi 200 by’Amanyarwanda ashobora kwiyongera mu gihe baramuka batsinze Rayon Sports.

Mu mikino 16 iheruka yahuje aya makipe yombi, Mukura VS yatsinzemo imikino 2, Rayon Sports itsindamo imikino 7 naho banganya imikino 7.

Rayon Sports niramuka itsinze uyu mukino izahita irangiza igice cya mbere cya shampiyona idatsinzwe, ibintu byaba bibayeho 3 gusa mu myaka 10 ishize.

Aya makipe yombi agiye guhura mu gihe Mukura VS iri ku mwanya wa 8 ku rutonde rwa shampiyona n’amanota 18 naho Rayon Sports yo ikaba iri ku mwanya wa 1 n’amanota 36.

Buri mukinnyi wa Mukura VS yemerewe ibihumbi 200 Frw mu gihe batsinda Rayon Sports 

Ni ingingo yagarutseho kuri uyu wa 10 Mutarama 2025, ubwo yagezaga ubutumwa ku bari bitabiriye ibirori ndangamuco ngarukamwaka bibera mu Ishuri Rikuru rya Gisirikare rya Nyakinama mu Karere ka Musanze.

Biba bigamije kwiga amateka n'umuco bya buri gihugu hagamijwe kumenyana no kwisanzuranaho nk'abantu baba bigira hamwe amasomo ya gisirikare. Bibaye ku nshuro ya 12.

Ni ibirori bitegurwa n'abofisiye bakuru b'abanyeshuri baturutse mu bihugu bitandukanye biga muri iri shuri. Kuri iyi nshuro hari abo ku Mugabane w'Afurika n'uwa Aziya.

Brig Gen Andrew Nyamvumba, wari uhagarariye Umugaba Mukuru w'Ingabo z'u Rwanda, Gen Mubarakh Muganga, yavuze ko 'Mu murongo w'akazi kacu, kumva no kubaha itandukaniro ry'umuco ni ingenzi cyane. Ibyo bituma dukora neza kandi bigakomeza ubumwe hagati yacu. Umuco ugira uruhare mu kugena imyitwarire yacu,'

'Ni ingenzi ko twakira neza iyi myumvire, kugira ngo hashyirweho umwuka mu rwego rwa gisirikare utuma twubaha kandi tugaha agaciro buri wese mu ngabo hatitawe ku mateka ye.'

Bimwe mu byamuritswe muri ibi birori harimo indirimbo n'imbyino, imyambarire, ibiryo n'ibinyobwa bya gakondo ndetse n'ibikorerwa mu nganda.

Umu-ofisiye mukuru mu banyeshuri bose bari gukurikirana amasomo muri uyu mwaka, Col Dr. Dany Gatsinzi, yashimiye ubuyobozi bw'Ingabo z'u Rwanda k'ubw'umuhate mu guteza imbere uburmenyi mu bya gisirikare, imyitwarire myiza no kumvikana hagati y'abanyeshuri baturuka mu bihugu bitandukanye.

Yavuze ko bibatera umurava wo gukora cyane kandi bikaba umusingi wo gukomeza umubano n'ubufatanye hagati y'ibihugu.

Yagize ati 'Umuco ntugomba gufatwa nk'imyidagaduro gusa, ahubwo ni uburyo bukomeye buduhuza, cyane cyane nk'abo mu nzego z'umutekano. Gusangizanya umuco bidufasha kumva neza bagenzi bacu, bigakomeza ubucuti bwacu, kandi bigashyiraho umusingi w'umubano urambye mu nyungu z'ibihugu byacu,'

'Ugutandukana k'umuco ntigukwiye kuba inzitizi ahubwo bikwiye kuba ibiduha imbaraga. Bidufasha guharanira kumva itandukaniro ryacu, kwigiranaho, no gushyiraho uburyo buduhuza.'

Abanyeshuri bari gukurikirana amasomo ya gisirikare muri uyu mwaka ni 108 baturutse mu bihugu 20 byo muri Afurika na Aziya ihagarariwe n'umu ofisiye mukuru wo muri Jordanie. Muri rusange abanyamahanga barimo ni 26 abandi ni Abanyarwanda.

Muri aba Banyarwanda harimo babiri bo muri Polisi y'u Rwanda, RNP, na babiri bo mu Rwego rw'Igihugu rushinzwe Igorora, RCS.

Muri rusange aba bofisiye bari guhabwa amasomo, bari mu cyiciro [intake] cya 13 kizarangira muri Kamena 2025. Bamara umwaka umwe bakurikirana aya masomo.

Ubushobozi bwiri shuri bwarongerewe kuko mbere ryari rifite ubushobozi bwo kwakira abanyeshuri 48 gusa, ariko ubu ryakira abagera ku 108.

Umuyobozi w'Ishuri Rikuru rya Gisirikare rya Nyakinama, Brig. Gen. Andrew Nyamvumba, yavuze ko mu kazi k'inzego z'umutekano, kumva no gusobanukirwa itandukaniro mu mico y'ibihugu, byoroshya imikoranire mpuzamahanga

Umu-ofisiye mukuru mu banyeshuri bose bari gukurikirana amasomo muri uyu mwaka, Col Dr. Dany Gatsinzi, yashimiye ubuyobozi bw'Ingabo z'u Rwanda k'ubw'umuhate mu guteza ubumenyi mu bya gisirikareburezi

Col. Stella Uwineza, ubarizwa mu mutwe w'Ingabo z'u Rwanda zirwanira mu kirere, ni we watanze ijambo ry'ikaze muri ibi birori

Abanyeshuri bari gukurikirana amasomo ya gisirikare muri uyu mwaka ni 108 baturutse mu bihugu 20 byo muri Afurika na Aziya ihagarariwe n'umu ofisiye mukuru wo muri Jordanie

Hakinwe n’imwe mu mikino. Aha ni bamwe mu Banyarwanda babuguza

Mu Ishuri Rikuru rya Gisirikare i Nyakinama, habarizwa abofisiye bakuru bo muri Gunea

Buri gihugu gihagarariwe mu Ishuri Rikuru rya Gisirikare cyari gifite aho kimurikira ibikorwa byacyo

Mu byamuritswe harimo n’imitako gakondo

Umushumba wa Diyosezi Gatolika ya Ruhengeri, Musenyeri Vincent Harolimana, yari yabukereye

Zimwe mu ndyo gakondo zategurirwaga ahaberaga ibi birori ako kanya

Umuyobozi w’intara y’Amajyaruguru Mugabowagahunde Maurice, yari ytabiriye ibi birori

Itorero Inganzo Ngari ryasusurukije abari aho

Ubwo bamwe mu bari bitabiriye ibi birori basuraga ahari hari ibikorwa by’ibihugu bitandukanye bihagarariwe mu Ishuri Rikuru rya Gisirikare i Nyakinama

Indyo gakondo zo mu bihugu bitandukanye zari zatunganyijwe

Inyange ni kimwe mu bigo byari byaje kumurika ibikorwa byabyo

Abo muri Sudani y’Epfo nabo bagaragaje uko iwabo babyina

Ababyinnyi babyinaga imbyino gakondo zo mu Bugande

Bamwe mu bari bitabiriye ibi birori bafashe umwanya wo kwifotoza ay’urwibutso

Intore zo mu Inganzo Ngari bataramiye abari aho

Hafashwe ifoto y’urwibutso y’abayobozi mu nzego zitandukanye bari batumiwe n’abofisiye bakurikiranira amasomo muri iri shuri

Amafoto: Kwizera Remy Moses

Mu mpeshyi ya 2023 ni bwo uyu mukinnyi yavuye mu ikipe ya Paris Saint-Germain yari amazemo imyaka 6, yerekeza mu ikipe ya Al Hilal yo muri Arabia Saudite. Neymar yari irindi zina rikomeye mu mupira w’amaguru rigiye muri iki gihugu nyuma y’abarimo Cristiano Ronaldo, Benzema, Mahrez, Mané, Seko Fofana…

Kimwe n’abandi nawe yasinye amasezerano amwemerera kubona ibifurumba by’amafaranga aho ahembwa amafaranga arenga miliyari 101 z’Amanyarwanda dore ko aza no muri 3 bahembwa amafaranga menshi ku Isi nyuma ya Cristiano Ronaldo wa mbere na Lionel Messi wa Kabiri.

Nubwo Neymar ahembwa na Al Hilal amafaranga menshi ariko asa nkaho yayihombeye bijyanye n’uko kuva yayigeramo ahorana ibibazo by’imvune.

Mu mwaka ushize wa 2024 yayikiniye iminota 42 gusa aho yakoze ku mipira 42 muri iyi mikino ibiri yakinnye. Bijyanye n’amafaranga yahembwe muri iyj mwaka wose nibura buri mipira ibiri yakoragaho yari afite agaciro k’amafaranga arenga miliyari 1.2 y’amafaranga y’u Rwanda.

Kugeza n’ubu Neymar Jr aracyafite ikibazo cy’imvune gusa ntabwo bizwi igihe azasubirira mu kibuga.

Neymar yakoreye arenga miliyari 1.2 Frw kuri buri mupira yakozeho muri 2024

Kuri uyu wa Gatanu, byagaragaye ko Mutesi Jolly yaba ari mu rukundo ruryoshye nyuma y’uko yahuye n’ibizazane mu rukundo akaza no kwisanga avuga ko hari abagabo b’inyana z’imbwa kubera kwihunza inshingano no kudakora ibikwiye nk’abagbo.

Iri jambo ryababaje benshi mu bagabo ndetse biteza ikibazo gikomeye aho Mutesi Jolly yaje kubaza benshi mu bamushinjaga kubatuka ngo “Niba mutari zo murababazwa n’iki?”

Nyuma yo kuvuga byinshi bikarangira, benshi mu bantu bari bategerezanyije amatsiko menshi kubona Mutesi Jolly mu rukundo nawe akaba yakora ubukwe nk’uko benshi muri ba Nyampinga bakomeje gushinga ingo.

Kuri uyu wa Gatanu, benshi mu bakurikirana imyidagaduro yo mu Rwanda bakiranye ubwuzu inkuru y’uko Mutesi Jolly ari mu rukundo n’umuherwe wo muri Tanzania.

Ntibyateye kabiri, Miss Mutesi Jolly yahise atera utwatsi urukundo rwe na Lugumi Saidi ucuruza intwaro avuga ko Instagram yiwe yibwe bityo uwayibye akaba ariwe wanditse ko ari mu rukundo.

Ni ubutumwa bwanyujijwe ku rubuga rwa Instagram aho Lugumi yanditse ngo “Warakoze kunkunda.” Hanyuma Mutesi Jolly asubiza agaragaza ko ibintu bimeze neza.

Nyuma yagiye ku rubuga rwa X avuga ko ibiri kuri Instagram atari ukuri kuko bamwibye urubuga rwe rwa Instagram.

Nyamara nubwo yabivuze atyo, mu byumweru bitanu bishize, uyu mugabo yatanze igitekerezo ku mashusho ya Miss Mutesi Jolly agaragaza agatima hanyuma Jolly nawe amusubirisha akandi gatima.

Uyu mugabo niwe wenyine Mutesi Jolly yahisemo mu bandi bose bari bamwandikiye ahatangirwa ibitekerezo harimo umugore wa Tom Close nubundi basanzwe bari inshuti z’akadasohoka.

Kenshi bizwi ko iyo umuntu yibwe urubuga ahita abitangaza cyangwa se uwamwibye urubuga rwe agashyiraho ibintu byinshi, byashoboka ko uwarwibye yaba ari umwana mwiza kuko atigeze agira ikindi yangiza cyangwa se ngo anyuzeho amakuru ye bwite.

Uwavuga ko uyu wibye urubuga rwa Mutesi Jolly ari umwana mwiza ntiyaba yibeshye! Uyu mujura yongeye asubira inyuma agenda asaba buri muntu wavuze ko Mutesi Jolly ari mu rukundo ko yasiba ubwo butumwa kuko atari ukuri.

Si ibyo gusa bigaragaza ko urukundo ruri gucengera mu nzira zigoye kuko uyu mugabo ufite ibikorwa byinshi ku buryo byagorana ko yajya abona umwanya wo kwirirwa ku mbuga nkoranyambaga, akurikirana abantu babiri gusa abona nk’ingenzi. Abo bantu ni Mutesi Jolly ndetse n’urubuga rucuruza intwaro aho yashoye imari ye.

Said Lugumi ni umucuruzi uzwi cyane ukomoka muri Tanzania. Ni nyiri Sosiyete yitwa Lugumi Enterprises, ikora ibikorwa byihariye mu by'ikoranabuhanga ryifashishwa mu iperereza (forensic ICT services) ndetse no mu gutanga ibisubizo by'imikorere mu bijyanye no gucapa (corporate printing solutions).

Umutungo nyakuri wa Said Lugumi ntaho utangazwa ku buryo wawumenya, ariko nk'umuyobozi wa sosiyete ikomeye kandi y'icyitegererezo, bikekwa ko afite umutungo ukomeye.

Mutesi Jolly yateye utwatsi urukundo rwe na Saidi

Hari haciyeho igihe Mutesi Jolly avuze ko hariho abagabo b’inyana z’Imbwa kubera imico n’imyitwarire bamwe bagira kandi idahwitse

Lugumi Saidi uvugwa mu rukundo na Mutesi Jolly

Ubutumwa bwa Lugumi Saidi n’uko Mutesi Jolly yamusubije

Ubutuwa bw’urukundo bwa Mutesi Jolly na Lugumi Saidi bumaze ibyumweru bitanu

Ni ubwa mbere Kevin Kade akoranye indirimbo n'uyu muhanzi uri mu banyabigwi bakomeye mu gihugu cya Tanzania, uhora uhanganye na Diamond. 

InyaRwanda yahawe amakuru avuga ko muri Kanama 2024, Kevin Kade yemeranyije na Ali Kiba ikorwa ry'iyi ndirimbo kugeza ubwo amusanze muri Tanzania kugira ngo bakorane.

Kuri ubu rero, Kevin Kade yashyize hanze amashusho ari kumwe n’uyu muhanzi arenzaho amagambo agira ati: “Nahuye n’umwami Kiba, mwitegure turi mu 2025.”

Aya makuru agiye hanze nyuma y’iminsi micye uyu muhanzi ateguje indirimbo nshya mu gihe kitarambiranye, ari nako yishimira umusaruro w’indirimbo ebyiri zamuhiriye cyane zirimo ‘Sikosa’ yakoranye na Element EleeeH ndetse na The Ben imaze kurebwa n’abarenga miliyoni 8 kuri YouTube, ndetse na ‘Jugumila’ yahuriyemo na Phil Peter na Chriss Eazy imaze kurebwa n’abarenga miliyoni 10.

Ali Saleh Kiba [Ali Kiba] wavutse ku wa 29 Ugushyingo 1986, ari mu bahanzi bakomeye muri Tanzania, akaba n'umwanditsi w'indirimbo. Ndetse azwi na benshi kubera ihangana rye na Diamond kuva yatangira umuziki kugeza n'uyu munsi.   

Afatwa nk'umwe mu bahanzi bakomeye mu Karere k'Afurika y'Iburasirazuba. Niwe washinze inzu ifasha abahanzi mu bya muzika ya Kings Music Label, ndetse aherutse gushinga ibitangazamakuru yahurije muri sosiyete yise 'Crown Media Group'.

Umwibuke mu ndirimbo zirimo nka Mwana, Aje, Chekecha Cheketua, Cinderella, Nakshi Mrembo, Usiniseme, Dushelele, Single Boy yakoranye na Jaydee, Mapenzi Yana Run Dunia, Mahaba, Mama yakoranye na Yvone Chaka Chaka na Macmuga.

Ariko kandi amaze gukorana indirimbo n'abarimo Patoranking, Sauti Sol, Marioo, Nyashinski, Khaligraph Jones, Sarkodie n'abandi.

Kevin Kade na Ali Kiba bakoranye indirimbo izasohoka vuba

Kade aherutse kuvuga ko yishimiye byimazeyo gukorana n’uyu muhanzi

Kevin Kade ubwo yashimiraga Ali Kiba wamuteye iteka

Yateguje ibidasanzwe mu 2025

Kanda hano urebe ‘Sikosa’ ya Kevin Kade, The Ben na Element EleeeH

Urukiko rwo mu Buhinde muri Leta ya Rajasthan rwahaye umugore uburenganzira bwo gutandukana n'umugabo we kuko urugo rwe rutagira ubwiherero. Uyu mugore yavugaga iyo ashatse kujya kwikiranura n'umubiri, yikinga mu bihuru, nabwo bigasaba ko yitwikira ijoro ngo hato abaturanyi batamuha inkwenene.

Umugore yashinjaga umugabo we ko mu myaka itanu bari bamaranye, yananiwe kubaka ubwiherero imbere mu rugo. Hari n'undi mugabo wabenzwe ku munota wa nyuma ubukwe ntibwataha nyuma y'uko umugeni we yari amaze gutahura ko nta bwiherero buri mu rugo rushya agiye gutahamo.

Muri rusange, mu Buhinde habarurwa abagera kuri miliyoni 600 bafite ikibazo cy'ubwiherero.

Mu Rwanda, ibyavuye mu ibarura rusange rya 2022 bigaragaza ko ingo zifite imisarane yujuje ibisabwa kandi idasangirwa ari 72%, mu gihe abantu bakiranura n'umubiri ku gasozi cyangwa mu ishyamba ari 1% mu gihugu hose.

Ingo nyinshi zifite ubwiherero budasangirwa ni iziyoborwa n'abagabo zigera kuri 74%, mu gihe iziyoborwa n'abagore zifite ubwiherero budasangiwe ari 68%.

Bigaragara ko abatuye mu mijyi bafite ubwiherero budasangirwa ari 56%, umubare muto ugereranyije n'ingo 78.5% zifite ubwiherero budasangirwa mu bice by'icyaro.

Umukozi wa Minisante Ushinzwe Ishami ry'Ubuzima bushingiye ku bidukikije, Mukamunana Alphonsine, yabwiye IGIHE ko umubare w'Abanyarwanda bafite ubwiherero bwujuje ibyangombwa umaze kuzamuka bitewe n'ubukangurambaga bukorwa hirya no hino mu baturage n'inzego z'ibanze, abadashoboye kubwiyubakira, bakabwubakirwa.

Yavuze ko ibigenderwaho kugira ngo umuntu yizere ko afite ubwiherero budashobora gushyira mu byago ubuzima bwe nko kurwara indwara ziterwa n'umwanda birimo uburebure bwa metero nibura eshanu z'ubujyakuzimu, kuba butinze kandi bworoshye gukorerwa isuku, bwubakiye ku mpande, busakaye ndetse bukanakinze.

Mukamunana yasobanuye ko umuntu udafite ubwiherero atari we gusa bigiraho ingaruka ahubwo n'abaturanyi be zibageraho.

Yagize ati 'Utabufite ahura n'ingaruka nyinshi, ndetse si na we gusa, kuko n'abaturanyi be aba abashyira mu kaga. Umuntu udafite ubwiherero, bivuze ko yituma ku gasozi, ya myanda ishobora kumanukira mu masoko y'amazi, ukazasanga abaturage b'aho bose bahuye n'ikibazo cy'indwara zituruka mu mwanda.'

Imibare iheruka gushyirwa ahagaragara na OMS igaragaza ko abarenga miliyoni ebyiri ku Isi, badafite ibikoresho by'ibanze by'isuku n'isukura. Ni mu gihe miliyari 1,8 usanga bakoresha amazi yandujwe n'imyanda iva mu misarane kandi 80% by'amazi ava mu misarane yongera gusubira mu rusobe rw'ibinyabuzima atasukuwe.

Mukamunana asobanura ko gukaraba amazi meza n'isabune igihe umuntu avuye mu bwiherero ndetse na mbere yo gufata ifunguro, bigabanya ibyago byo kurwara indwara ziterwa n'umwanda ku kigero cya 47%, bityo ko Abanyarwanda bakwiriye kubizirikana.

OMS itangaza ko 10% by'abatuye isi batunzwe n'ibiribwa biba byuhiwe hakoreshejwe amazi y'umwanda, aho abantu barenga ibihumbi 280 bapfa bishwe n'impiswi ziwuturukaho.

Abenshi mu mijyi bakoresha ubwiherero busangirwa n’ingo zirenze rumwe

Ku wa Kane tariki ya 9 Mutarama 2025, Miss Mutesi Jolly yasangije abakunzi be ifoto abinyujije ku rukuta rwe rwa Instagram.

Nyuma gato, haje umuntu mu gice abafana batangiramo ibitekerezo ari we Saidi Lugumi agira ati: (Your so beautiful always and thank you so much for loving me❤️) “Uri mwiza cyane igihe cyose, kandi ndagushimira cyane kuba unkunda❤️” 

Nuko Mutesi Jolly asubiza agira ati ”(Locked in❤️) “Bifunze mu mutima❤️!” 

Mutesi Jolly ufite ikamba rya Miss Rwanda 2016, yahakanye ko haba hari umubano uwo ari wo wose hagati ye n’uyu muherwe aho abicishije kuri X kuri uyu wa Gatanu.

Mu butumwa yatanze ugenekereje mu kinyarwanda yagize ati: ”Ndabamenyesha ko konti yanjye ya Instagram yibwe. Ndabasaba kwirinda kwemera cyangwa guha agaciro ubutumwa cyangwa ibitekerezo bivugwa ku mbuga zitandukanye biturutse kuri iyo konti. Mubifate nk’ibidafite agaciro”.

Ibi byose bibaye mu gihe cy’amasaha 23 agizwe n’umugoroba wa tariki 9 Mutarama 2025 n’igicamunsi cya tariki 10 Mutarama 2025.

Ubutumwa bwa Miss Jolly kuri X anyomoza amakuru y’uko ari mu rukundo na Said

Said Lugumi wanditse kuri Instagram akaba anashimira Miss Jolly kuba yaramukunze