Blog

Yatangiye urugendo rwo guca agahigo ku wa Gatanu tariki 17 Gashyantare 2017 saa mbili za mu gitondo arusoza ku wa Gatandatu, tariki ya 18 Gashyantare 2017 saa yine n'iminota umunani za mu gitondo, aho yakiniraga muri Petit Stade i Remera.

Ni agahigo yashyizeho afite gahunda yo gukusanya amafaranga yo kurangiza kubaka Stade mpuzamahanga ya Cricket iherereye i Gahanga muri Kicukiro no kurushaho kuzamura no kumenyekanisha umukino wa Cricket mu Rwanda.

Kuva mu 2017 u Rwanda rwabonye Stade Mpuzamahanga ya Cricket i Gahanga, rutangira gutera imbere muri uyu mukino cyane ko rwagiye rwitabira Igikombe cy'Isi mu bangavu n'Igikombe cya Afurika.

Uwamahoro akinira Ikipe y'Igihugu ya Cricket kuva mu 2008, akaba yarayinjiyemo yiga mu mwaka wa kabiri w'amashuri yisumbuye.

Aganira na IGIHE yavuze ko ' Gushyiraho aka gahigo nanubu katarakurwaho, nabikoze kugira ngo ngaragaza ko n'abakobwa bashoboye, ibyo abahungu bakora nabo babishobora.'

'Byari ibintu bidasanzwe kuri njewe n'ubwo ari umuhigo nari nihaye ntabwo byari byoroshye, amasaha 26 no kuyatekereza ubwayo urananirwa, ariko bitewe n'icyo naharaniraga kugeraho narabitekerezaga muri njye ngahita ngarura imbaraga.'

Uwamahoro yavuze ko yifuza ko umukino wa Cricket ukomeza gutera imbere kandi n'umubare w'abakobwa bawukina nawo ukiyongera kandi bakayoboka n'indi mikino itandukanye.

Ati 'Siporo ni ubuzima, ishobora no kugutunga ubwo rero urumva ko mfite impamvu zo gukangurira abakobwa kuyiyoboka.'

'Bakitabira siporo ariko nanone ntibibagirwe ubuzima busanzwe, aha ndibanda ku ishuri. Hari igihe bumva ko iyo ugiye muri siporo ureke kwiga nyamara byose wabihuza. Cricket ni umukino wo mu mutwe ubwo rero urumva ko byuzuzanya.'

Uwamahoro yaciye amarenga ko n'ubwo yahagarika gukinira Ikipe y'Igihugu, hari imirimo myinshi yakerekezamo amaboko mu rwego rwa siporo by'umwihariko muri Cricket.

Ati 'Ubu ngeze muri cya gihe mvuga ngo hari abo nsize bashobora kunsimbura. Hari abana bato bari kuzamuka kandi mbona babizi, icyo nifuza ni ukubona bakomeza kuba benshi cyane.'

'Muri cricket habamo amahirwe menshi atandukanye arimo gusifura, kogeza, gutoza, kubara amanota, aho hose niho ngenda nisanga ku buryo nakomereza muri uyu mukino.'

Jenoside yakorewe Abatutsi yabaye Umwamahoro afite amezi atandatu, aho yagiriye ibyago byo kubura se umubyara.

Nubwo yasigaranye na nyina gusa, avuga ko yamureze neza bituma akura yumva ko buri kimwe cyose yiyemeje gukora ashobora kukigeraho.

Ku bufatanye n'Ishuri-Umuco ryashinzwe n'Abanyarawanda batuye mu mujyi wa Liège, Umunyamakuru Hélène Annet na Yvan Gorré wandika agategura filimi n'ibiganiro binyura kuri Televiziyo y'u Bubiligi muri kiganiro cy'abana cyitwa 'Les Niouzz', bajyanye n'abana biga mu Ishuri-Umuco mu Rwanda hakorwa iyo filime mbarankuru.

Abo bana bajyanye na Eric Twagirimana warishinze ndetse n'uwitwa Karurenzi Donatille bafatanya ibikorwa byo kwigisha muri iryo shuri.

Iyo filime yashingiwe ku byo abo bana bagiye babona, byaba amateka ababyeyi babo babayemo muri Jenoside yakorewe Abatutsi n'uko bababonye u Rwanda rwiyubatse.

Babifatanyaga n'ubuhamya bwa Karurenzi Donatille, warokokeye i Kabgayi, bituma filime igira umwihariko wo guhuza ibiganiro by'abana n'ubuhamya.

Ikindi ni uko amashusho n'injyana byakoreshejwe na byo byahaye imbaraga, iyi filime yiswe 'La Force des Racines'.

Iyi filime y'iminota 26, yatoranyijwe mu zindi 19 zahataniraga igihembo ngarukamwaka cyiswe 'Prix du Journalisme 2024 du Parlement de la Fédération Wallonie-Bruxelles.'

Yatoranyijwe kuko abakemurampaka babonye yarakoranywe ubushake n'ubwitonzi kugira ngo izabere imfashanyigisho urubyiruko mu gusobanukirwa amateka ya Jenoside yakorewe Abatutsi mu Rwanda, no kumenya aho u Rwanda rugeze rwiyubaka.

Babinyujije muri iyi filime, Hélène Annet na Yvan Gorré batanze umusanzu ukomeye mu gusobanura ibihe bikomeye Abanyarwanda banyuzemo, banakangurira abakiri bato guhangana n'ibibazo byugarije Isi birimo urugomo n'ivanguramoko.

Hélène Henet yasobanuye ko yakoze iyi filime kugira ngo agaragaze ibyaranze Jenoside yakorewe Abatutsi, yifashishije ubuhamya bwa Donatille Karurenzi wari ufite imyaka 13 y'amavuko mu 1994, akarokokeye i Kabgayi.

Ati 'Na hano dutuye mu Burayi, urwango, urugomo no kwihakana abantu byabayeho kandi bikomeje no kugaragara. Hari n'ubwo bituruka ku tuntu duto.'

Yavuze ko intego yabo yari ukwerekana ko ibyabaye mu Rwanda n'iwabo byabayo mu gihe nta cyaba gikozwe ngo bihagarare, agaragaza ko ari n'uburyo bwo gukebura abakiri bato bakaba maso, bakamenya neza amateka, bakubahana, ntibagirane ibibazo kuko bafite byinshi bahuriyeho.

Mu kiganiro na IGIHE, Donatille Karurenzi yagaragaje ko yishimiye iki gihembo bijyanye n'uruhare kizagira mu gusobanura amateka.

Abishingira k'uko kuva iyi filime yasohoka, abarimu n'abanyeshuri bo mu Bubiligi barayifashisha, ndetse rimwe na rimwe bagatumira abarokotse Jenoside yakorewe Abatutsi kugira ngo batange ubuhamya, bakarushaho gusobanukirwa.

Ati 'Uretse n'igihembo twishimiye cyane urugendo duherutsemo [mu Rwanda] kuko ni rwo ntandaro y'iyi filimi mbarankuru. Byaduhaye imbaraga zo gukomeza gukundisha abana igihugu, kubasobanurira amateka yacyo, amateka ababyeyi babo baciyemo.'

Yavuze ko icyo gihembo kinasubiza agaciro abishwe muri Jenoside yakorewe Abatutsi, n'abayirokotse, kikanibutsa abatuye Isi ko bakwiye kubaka imbere heza hashingiye ku mahoro no gufashanya.

Ishuri-Umuco ryatangijwe mu mpera z'umwaka wa 2019 n'Abanyarwanda baba mu mahanga muri DRB-Rugari Liège.

Bishyize hamwe mu rwego rwo kwishakamo ibisubizo no gufasha abana bakomoka ku Banyarwanda kurushaho kunga ubumwe no gusigasira umuco nyarwanda.

Eric Twagirimana uyobora Ishuri-Umuco de Liège yashimiye cyane Inteko y'Umuco, Misiteri y'Ububanyi n'Amahanga n'Ubutwererane, MINUBUMWE na Polisi y'u Rwanda uko babafashije cyane mu rugendoshuri rwavuyemo iyi filime, n'abandi bose bakoze ngo iki gikorwa kigere aho kigeze kandi neza. Ati 'Ndashimira cyane kandi Ababyeyi dufatanya kwigisha abana bacu umuco n'ibijyana nawo byose muri Liège, mukomeze mukigire icyanyu.'

Inteko Ishinga Amategeko ya Bruxelles (Parlement de la Fédération Wallonie-Bruxelles) yahembye abakoze filime mbarankuru igaruka kuri Jenoside yakorewe Abatutsi

Umunyamakuru Hélène Henet na Yvan Gorré baganira n'Umunyamakuru wa IGIHE

Ubwo Umunyamakuru Hélène Henet na Yvan Gorré bahabwaga bashyikirizwaga igihembo

Abagize Ishuri – Umuco de Liège bigishwa amasomo atandukanye arimo ajyanye n’Umuco Nyarwanda

Twagirimana Eric uyobora Ishuri-Umuco de Liège yashimiyeinzego z’ubuyobozi bw’u Rwanda babafashije cyane mu rugendo shuri bakoreye mu Rwanda rwavuyemo iyi filime

Perezida w'Inteko Ishinga Amategeko ya Bruxelles (Parlement de la Fédération Wallonie-Bruxelles) Benoit Dispa, akikijwe n'abanditse iyi filime n'abagize Inteko n’abari mu kanama nkemurampaka

Donatille Karurenzi mu kiganiro na IGIHE. Hari nyuma yo kwakira iki gihembo cya filime mbarankuru igaruka kuri Jenoside yakorewe Abatutsi yagizemo uruhare

Abana bo mu Ishuri-Umuco basuye Ingoro y’Amateka y’Urugamba rwo Guhagarika Jenoside yakorewe Abatutsi

AMASHUSHO: Ikiganiro cyihariye na Donatille Karurenzi wari uhagarariye Ishuri-Umuco rya Liège, nyuma y'uko Filimi Documentaire yiswe 'La force des raciness', ivuga ku mateka ya Jenoside yakorewe Abatutsi yahawe igihembo cy’Itangazamakuru cya 2024 n'Inteko Ishinga Amategeko y'u… pic.twitter.com/xpag5VosCr

— IGIHE (@IGIHE) January 9, 2025

[email protected]

Kuri uyu wa Gatanu muri Camp Kigali, habereye igitaramo 'Icyumba cya Rap' kitabashije kubera ku gihe kubera ko aho cyari kubera (Canal Olympia) hangijwe n'imvura idasanzwe bityo kikimurirwa muri Camp Kigali.

Abakunzi b'umuziki w'injyana ya Hip Hop baturutse hirya no hino mu mujyi wa Kigali, bahuriye muri Camp Kigali ku bwinshi kugira ngo babyine ndetse baririmbye Hip Hop itavangiye indi miziki.

Kubera wari umusi wahariwe Hip Hop, abahanzi bakizamuka muri Hip Hop bahawe umwanya hanyuma bagaragaza icyo bashoboye ndetse ko bashobora gukorera mu ngata bakuru babo.

Aba bahanzi bakiri bato nibo batwaye umwanya munini cyane biza gutuma abahanzi bari bategerejwe cyane muri iki gitaramo badahabwa umwanya ngo baririmbire abafana babo nk'uko bari baje babyiteguye.

Nyuma y'uko bamwe mu bagize Tuff Gang baje ku rubyiniro hatarimo Bull Dogg hanyuma bakisegura ku bafana babo bakavuga ko kubera ikibazo cy'amasaha badashoboye gukomeza gutarama, abafana ba Hip Hop batangiye kumvikana mu majwi yabo bavuga ko abahanzi bakiri bato ari bo bazambije ibintu bigatuma Sky2 wari ufite izina muri abo bahanzi ashyirwa mu majwi kurusha abandi.

Sky 2 wari umenyerewe mu biganiro kuri YouTube, yabanje kwisanga benshi mu bantu yaririmbiraga atariko bose bazi indirimbo ze.

Amaze kuririmba indirimbo ya mbere yahise ababaza ngo 'Ko mutishimye mwaje mu kirori cyangwa mwaje mu kiriyo?'

Umunyamakuru Taikun Ndahiro wari wamwakiriye ku rubyiniro, yaje kumukura ku rubyiniro nyuma y'iminota 10 gusa ariko Sky 2 amubera ibamba akomeza kuririmba ariho nyuma y'iminota ibiri Sky 2 yahise abanza kuzana Taikun avuga ko 'Uyu ni uwurugambo gusa.'

Aba bombi bahise babashyiriramo 'Beat' hanyuma bombi bararushanwa kuririmba ari nako abafana barimo babafana. Sky 2 yamaze iminota irenga 18 ku rubyiniro  aho yanazanye umugore we n'abana ku rubyiniro.

Abandi bahanzi barimo Fally P wamaze iminota igera kuri 15, abana bo ku Nyundo baririmbye indirimbo za Jay Polly ndetse n'abandi baraperi bakiri bato bahurije ku rubyiniro babashyiriramo Beat hanyuma berekana ubushongore n'ubukaka bwabo.

Nyuma yo gutangarizwa ko igitaramo gihagaze kubera amasaha, abafana bahise bijundika mu buryo bukomeye abahanzi baririmbye batari ku rutonde rw'abaririmba ndetse n'uwabahaye uwo mwanya wo kujya kuririmba.

Sky 2 washyizwe mu majwi yo gutuma iki gitaramo kitagenda neza, yaherukaga kumvikana mu mashusho avuga ko kuba abantu baririmba ngo Yampano Yampano, bitari bikwiye ahubwo bari bakwiye kuvuga ku kuntu Papa Cyangwe yishe indirimbo ya Yampano.

Mu kiganiro Sky 2 aheruka gukorera kuri Dynamic, yagize ati “Yampano yakoze iki? Yasinye amasezerano? Kuba yagiye mu gitaramo nibyo tugiye kuririmba? Ko mutari kuvuga ku buryo Papa Cyangwe yishe indirimbo ye?” 

Mu kiganiro cyakozwe umuntu yikandagira kugira ngo atarya ingumi y'abafana kubera uburakari bari bafite, umwe mu bafana baganiriye na InyaRwanda Tv yagize ati 'Niba ufite ubwenge, ni gute wafata Sky 2, Fally P, Diez Dola ukabaha umwanya hanyuma ukawuburira Tuff Gang?'

Undi waturutse i Bugesera, yavuze ko amaze gutwika itike ye ubugira kabiri (Inshuro ya mbere yayitwitse aza Canal Olympia indi ayitwika aza Camp Kigali) aho hose yashakaga kubona Tuff Gang ku nshuro ye ya mbere ariko igitaramo bagihagarika iri tsinda ritari ryaririmba.

Abandi bafana bavuze ko igihe kigeze Hip Hop igahabwa agaciro, abayitegurira ibitaramo bakamenya ko abakunzi ba Hip Hop bazi ubwenge kandi bakamenya ko umufana akwiye guhabwa ibingana n'ibyo bishyuye.

Agahinda k'abafana ba Hip Hop karumvikana?

Ni ubugira kabiri iki gitaramo cyakwitwa ko gisubitswe. Benshi mu bafana bari baje muri iki gitaramo, bari biteze cyane Tuff Gang kuruta abandi bahanzi by’umwihariko abakiri bato.

Ubwa mbere, bagakwiye kuba barabarebye mbere y'uko umwaka wa 2024 urangira ariko bizambywa n'imvura yaguye yangiza Canal Olympia abafana basobanurirwa impamvu ko zitabaturutseho. Aha abafana batangiye kugira ingingimira kuko bishyuye bashaka ibyishimo imvura yagwa cyangwa itagwa.

Inshuro ya kabiri, abahanzi bari bitezwe cyane ntabwo bababonye kandi hari abandi bahanzi baririmbye batari ku rutonde rw'abitezwe bigatuma bafata umwanya munini byatumye abari bitezwe bataboneka.

Umukinnyi wa Filime akaba n'umunyarwenya, Clapton Kibonge nawe yagiye ku rubuga rwa Instagram ashyiraho amashusho y'indirimbo ya Tuff Gang hanyuma yandikaho ngo 'Cyakora nanjye ntashye ntabonye Tuff Gang mwangarurira.'

Igisubizo kiraba ikihe?

Abafana batahanye agahinda, birinze kugereka amakosa ku itsinda rya Tuff Gang ahubwo bunga mu rya Fireman y’uko Tuff Gang ikwiye gutegura igitaramo cyabo bonyine hanyuma bakanyura imitima y'abafana batahanye intimba.

Ibi babihurijeho na Fireman ubwo yajyaga gutangaza ko igitaramo gihagaze aho yavuze ati: 'Turi abagaragu banyu nka Tuff Gang. Tugize ikibazo gikomeye cyane cy'amasaha. Natwe ntabwo ari twe ni ikibazo cy'igihe. Ariko turabasezeranya tubikuye ku mutima ko tugomba kubajurira twebwe nk'aba-Tuff Gang kuko nta kundi byagenda ni ukubisokoza nk'uko byogoshe.'

Benshi mu bafana batashye bifuza y'uko Tuff Gang yazakora igitaramo cyo kujurira nk'uko Fireman yabyitangarije.

Fireman yahagarariye abagize Tuff Gang bose hanyuma avuga ko kubera amasaha igitaramo gisubitswe

Abafana ba Hip Hop bari bacyetse ko Tuff Gang igiye kuririmba kuko yari yageze ku rubyiniro

Mu gihe cye cya mbere, Sky 2 yari yashimishije abafana bamwe batari baziko ari umuhanzi

Abakunzi ba Tuff Gang batahanye agahinda kambukiranyije umwaka

Reba ikiganiro twagiranye n’abafana ba Tuff Gang batahanye agahinda

“>

Reba Sky 2 ku rubyiniro

“>

Uko umukino wagenze umunota ku munota;

Umukino urangiye Rayon Sports itsinzwe na Mukura VS 2-1,uba umukino wa mbere muri shampiyona itsinzwe 

90+6′ Rayon Sports irase uburyo bwa nyuma kuri kufura yaritewe na Rukundo Abdul-Rahman maze Fall Ngagne ashyiraho umutwe ariko umupira unyura hejuru y’izamu 

90+4′ Bamwe m,u bafana ba Rayon Sports batangiye gusohoka muri sitade nyuma yuko ikipe iri gushaka uko yakwishyura ariko bikaba bitari gukunda

90+1′ Mukura VS ikoze impinduka mu nkibuga havamo Niyonizeye Fred hajyamo Cyubahiro Costantin

Umukino wongeweho iminota 7

89′ Rayon Sports ikomeje gukina ishaka uko yakwishyura,Nsabimana Aimable ahaye umupira Kanamugire Roger ari mu rubuga rw;amahina gusa arekuye ishoti rinyura hepfo y’izamu kure

87′ Mukura VS ikoze impinduka mu kibuga havamo Jordan Dimbumba hajyamo Ntarindwa Aimable

81′ Nisingizwe Christian wa Mukura VS yongeye kuryama hasi asohorwa mu kibuga ku ngombi y’abarwayi gusa ahita yongera asubira mu kibuga

77′ Rayon Sports ikoze impinduka mu kibuga havamo Ishimwe Ganijuru Elie na Adama Bagayogo hajyamo Rukundo Abdoulrahman na Nsabimana Aimable

73′ Nisingizwe Christian wa Mukura VS nawe aryamye hasi ari kwitabwaho n’abaganga

72′ Muhire Kevbin byari byitezwe ko atari bukoreshwe muri uyu mukino bijyanye n’ikibazo cy’imvune yagize ku mukino uheruka wa Police FC ntabwo biri kumukundira mu kibuga,yari agerageje guhindura umupira muremure ashaka Kanamugire Roger ariko ntiwamugeraho

69′ Nicolas Sebwato aryamye hasi aho ari kwitwbwaho n’abaganga nyuma yuko agonganye na Fall Ngagne

60′ Mukura Vs ikomeje kubona uburyo imbere y’izamu,uwitwa Sunzu Bonheur anyuze ku ruhande rwa Serumogo yiruka ageze imbere y’izamu arekura ishoti ariko Khadime Ndiaye aratabara arishyira muri koroneri

56′ Mukura Vs ibonye uburyo imbere y’izamu ku mupira Jordan Dimbumba yarabonye ari mu rubyga rw’amahina arekura ishoti ariko Khadime Ndiaye aratabara

55′ Mukura VS ikoze impinduka mu kibuga havamo Nsabimana Emamanuel na Hakizamana Zubel hajyamo Sunzu Bonheur na Muvandimwe Jean Marie Vianne

53′ Nyuma yuko Rayon Sports ibonye igitego abafana bayo bateruye sitade 

50′ Rayon sports ibonye penariti ku ikosa ryari rikorewe Aziza Bassane maze iterwa na Fall Ngagne ayishyira mu nshundura igitego cya mbere cya Rayon Sports kiba kirabonetse

48′ Umutoza w’abazamu wa Rayon Sports,Mazimpaka Andre ahawe ikarita y’umutuku nyuma yuko atutse umusifuzi wo hagati bitewe nuko atari yishimiye imisifurire aho yanze gutanga penariti ku ikosa ryari rikorewe Azi zBassane

47′ Nyuma yuko Rayon sports ikoze impinduka mu kibuga igarutse isatira,Adama Bagoyogo atanze umupira imbere y’izamu washoboraga guteza ibibazo ariko habura awukozaho ukuguru ngo ujye mu izamu

45′ Igice cya kabiri gitangiye Rayon sports ikora impinduka mu kibuga havamo Kanamugire Roger,Ndayishimiye Richard na Ishimwe Fiston hajyamo Muhire Kevin,Niyonzima Olivier Seif na Aziz Bassane

Igice cya mbere kirangiye Mukura VS iyoboye n’ibitego 2-0

45+2′ Abakinnyi ba Rayon Sports bakomeje kugorwa n’ikibuga aho bari gufata umupira ukanyerera,Serumogo Ally yarahawe umupira gusa birangira kuwufunga byanze urarenga

Umusifuzi wa kane yerekanye iminota 3 y’iyongera mbere yuko igice cya mbere kirangira

43′ Mukura VS ibonye igitego cya kabiri ku mupira Niyonizeye Fred yarahinduye mu rubuga rw’amahina maze Ganijuru Ishimwe  Elie awukuramo urongera uramugarukira asobyamo uragenda uruhukira mu nshundura

39′ Jordan Dimbumba afunguye amazamu ku ruhande rwa Mukura VS 

34′ rayon Sports irase igitego cyabazwe,Adama Bagoyogo abonye umupira ari mu rubuga rw’amahina agiye kurekura ishoti umucikaho gato birangira Nicolas Sebwato atabaye

32′ Iraguha Hadji yongeye kugerageza uburyo imbere y’izamu arekura ishoti riremereye ariko rinyura hejuru kure

30′ Mukura Vs ibonye kufura iturutse ku ikosa Omar Gning yarakoreye Agymemi Mensah maze iterwa na Abdul jalilu ariko akoresha imbaraganyinshi umupira uragenda unyura hejuru y’izamu kure cyane

25′ Iraguha Hadji ahawe umupira na Fall Ngagne awufunga neza awigeza imbere acenga arejura ishoti riremereye riragenda rinyura hejurui y’izamu gato cyane

22′ Hakizimana Zubel wa Mukura VS aryamye hasi aho ari kwitabwaho n’abaganga

18′ Mukura Vs ikomeke gutanga ibimenyetso,uwitwa Hakizimana Zubel azamukanye umupira ku ruhande rw’ibumoso arekura ishoti ryihuta riragenda rinyura impande y’izamu gato cyane

19′ Ganijuru Shimwe Elie ibyo akoze ntabwo bishimishije abafana ba Rayon Sports aho abonye umupira mwiza ku mayeri ya Ishimwe Fiston gusa aho kugira ngo bakinane ahita awuhindura imbere y’izamu habura uwufata

14′ Mukura Vs muri iyi minota itangiye gusatira cyane nayo,ibonye kufura nziza itewe na Niyonizeye Fred maze Agyemim Mensah ashyizeho umutwe ntiyagera ku mupira neza uragenda urengera ku rundi ruhande

8′ Mukura Vs nayo yaribonye uburyo imbere y’iizamu ku mupira Jordan Dimbumba yarabonye agiye kuwucomekeka Agyemim Mensah asanga atinjiye wifatirwa na ba myugariro ba Rayon Sports

6′ Rayon Sports ikomeje kurusha Mukura VS mu buryo bwose,Adama Bagayogo yari yongeye guhindura umupira neza imbere y’izamu ashaka abarimo Fall Ngagne gusa nti byamukundira neza

4′ Rayon Sports yari yongeye kubona uburyo imbere y’izamu kuri koroneri yaritewe na Adama Bagayogo maze Fall Ngagne ashyiraho umutwe ariko umupira unyura impande y’izamu gato cyane

2′ Umukino utangiye utinzeho iminota 8 nyumayuko abakora ku ingobyi y’abarwayi bari babuze

1’Umukino utangijwe n’ikipe ya Rayon Sports aho ihise ibona n’uburyo bwa mbere imbere y’izamu ku mupira Iraguha Hadji yarazamuye mu rubuga rw’amahina usanga  Fall Ngagne agiye kuwushyira mu izamu ariko Sebwato aratabara

7:05′ Abakinnyi babanje ku mpande zombi bari mu kibuga ariko umukino watinze gutangira barimo barakina hagati yabo

16:51′ Uyu mukino witabiriwe na Uwayezu Jean Fideli wari perezida wa Rayon Sports mu myaka ine ishize aho yavuye kuri uyu mwanya yeguye kubera uburwayi. Ni umukino wa mbere wa Rayon Sports agaragaye yagiye kureba nyuma yuko yeguye kuri izi nshingano

Abakinnyi 11 ba Rayon Sports babanje mu kibuga; Khadim Ndiaye,Serumogo Ali,Ganijuru Ishimwe Elue ,Yousou Diagne,Omar Gning,Kanamugire Roger,Richald Ndayishimiye, Iraguha Hadji,Fall Ngagne,Ishimwe Fiston na Adama Bagayogo.

Abakinnyi 11 ba Mukura VS babanje mu kibuga; Nikolas Sebwato, Niyonzima Eric , Rushema Chris, Hakizimana Zubel, Uwumukiza Obed, Nisingizwe Christian, Uwukiza Obed, Nsabimana Emmanuel, Dimbumba Jordan, Abdul Jalilu na Boateng Mensah.

16:40′ Abakinnyi bo ku mpande zombi basubuye mu rwambariro nyuma yo kwishyushya

16:21’Imvura yatumye Abafana batinda kwinjira muri Stade

Uyu ni umukino uri burebwe n’abafana benshi bijyanye nuko amatike yaguzwe aho kugeza mu gitondo hari hasigaye amatike atagera kuri 900 bityo bikaba byari byitezweko nibura izi saha zigera sitade yakubise yuzuye ariko uraranganyije amaso ubona ko nta na kimwe cya 1/2 cy’abantu bayijyamo barageramo. Ibi byatewe nuko mu karere ka Huye haguye imvura nyinshi guhera saa munani z’Amanywa ndetse kugeza ubu ikaba ikigwa 

16:20′ Abakinnyi b’amakie yombi bari  kwishyusha

Uyu mukino ugiye gukinwa ikipe ya Mukura VS iri kumwanya wa 8 ku rutonde rwa shampiyona n’amanota 18 naho Rayon Sports yo ikaba iri kumwanya wa 1 n’amanota 36.

Uyu aba ari umukino ukomeye bijyanye nuko aya makipe yombi afite byinshi ibyo ahuriyeho birimo kuba ari amakipe akuze mu Rwanda aho Mukura VS yashinzwe mu 1963 naho Rayon Sports yo ikaba yarashinzwe mu 1968.

Usibye ibi kandi aya makipe yombi ahuriye ku kuba yarashingiwe mu ntara y’Amajyepfo aho Mukura VS yashingiwe mu karere ka Huye naho Rayon Sports yo ikaba yarashingiwe mu karere ka Nyanza. Ni mu gihe kandi ahuriye ku kuba ariyo yasohokeye bwa mbere u Rwanda mu mikino Nyafurika yo mu 1982. 

Rayon Sports icyo gihe yari yatwaye igikombe cya shampiyona naho Mukura VS yatwaye igikombe cy’igihugu. 

Mukura VS igiye gukina uyu mukino yawukaniye cyane dore ko yazamuye agahimbazamusyi aho buri mukinnyi wayo yamwemereye amafaranga agera ku bihumbi 200 Frw ashobora no kwiyongera mu gihe yaramuka itsinze Rayon Sports.

Rayon Sports nayo yakaniye irashaka gutsinda uyu mukino dore ko iramutse ibikoze irahita irangiza igice cya mbere cya shampiyona idatsinzwe ,ibintu byaba bibayeho 3 gusa mu myaka 10 ishize..

Imibare yerekana ko mu mikino 16 iheruka yahuje aya makipe yombi,Mukura VS yatsinzemo imikino 2, Rayon Sports itsindamo imikino 7 naho banganya imikino 7.

Ubwo abakinnyi ba Mukura VS bageraga kuri Stade

Ubwo abakinnyi ba Rayon Sports bageraga kuri sitade 

“>
“>

Iyi banki yabayeho kuva mu mwaka wa 1975 yasobanuye muri rusange, abanyamigabane bayo 576.245 ari bo bagombaga kuvugururirwa amakuru. Kugeza ubu, abamaze kuyavugururirwa ni 239.531.

Yashishikarije abanyamigabane bose gukoresha uburyo bwagenwe kugira ngo barangize iki gikorwa, ibasezeranya ko mu rwego rwo kucyihutisha, guhera tariki ya 28 Gashyantare 2025 mu mashami yose hazashyirwaho ikoranabuhanga ribafasha.

Yasobanuye ko muri iki gihe, ku mashami yose hashyizweho amatsinda yihariye asubiza ibibazo by'abanyamigabane n'abashaka kumenya ibijyanye no kwiyandisha.

BPR Bank Rwanda yasobanuye ko nyuma y'amezi ane ya mbere ya 2025, hazatangira igikorwa cyo gusuzuma agaciro k'imigabane, hagamijwe gufasha abanyamigabane gusobanukirwa, kuborohereza kuyigurisha cyangwa kuyihererekanya.

Iyi banki yatangiye kuvugurura amakuru y'abanyamigabane yayo nyuma yo kwihuza na KCB Bank yo muri Kenya mu 2022. KCB Group yabaye umunyamigabane mukuru cyane ko kuri ubu ifite imigabane ingana na 87,56% mu gihe abanyamuryango basanzwe bafitemo 12,44%.

Kuva muri uwo mwaka, aba banyamigabane basabye guhabwa amakuru ku migabane yabo, ababyifuza bagasubizwa amafaranga bashoyemo, aherekejwe n'inyungu.

Tariki ya 21 Kanama 2024, Guverineri wungirije wa BNR, Hakuziyaremye Soraya, yabwiye abanyamakuru ko iyi banki hamwe na Minisiteri y'Imari n'Igenamigambi biri gukurikirana iki kibazo.

Hakuziyaremye yagize ati 'Ni ikibazo cyazamuwe n'abanyamuryango bafite imigabane mike. Ni ikintu BNR iri gukurikirana kandi na Minisiteri y'Imari n'Igenamigambi iri kubikoraho kugira ngo uburenganzira bwabo bwubahirizwe.'

Yakomeje ati 'Twizeye ko tuzabona ishusho nyayo y'aba banyamigabane bose mu mezi make n'ikizakurikiraho ku bashaka kugurisha imigabane yabo kugira ngo bizakorwe hagendewe ku gaciro kayo, kandi abashaka gukomeza kuba abanyamigabane bagahagararirwa mu buyobozi, uburenganzira bwabo bukubahirizwa.'

Muri Nyakanga 2024, BPR Bank Rwanda yasobanuye ko yari imaze kuvugurura amakuru y'abanyamuryango 238.868. Bisobanuye ko kuva icyo gihe kugeza ubu, hamaze kwiyongeraho abanyamuryango 663.

BPR Bank yasobanuye ko amakuru y’abanyamigabane 239.531 amaze kuvugururwa

Mu ibaruwa yandikiye Umugaba Mukuru w'Ingabo za Israel, Herzl Halevi, Amir Baram yatangaje ko yumva igihe kigeze ngo ave kuri uyu mwanya yari amazemo imyaka ibiri n'igice.

Yashingiraga k'uko ubukana bw'intambara ihuje Israel na Hamas buri kugabanyuka ariko ko n'ubushobozi bwe bw'umubiri bwagabanyutse.

Ati 'Nshingiye k'uko ibintu bimeze ubu n'ubushobozi bwo gukomeza gushyira mu bikorwa inshingano zanjye nk'Umugaba Mukuru w'Ingabo Wungirije budahagije, ntabwo ngifite ubushake bwo gukomeza muri uyu mwanya mu myaka nk'itatu, ine iri imbere.'

Icyakora Baram yongeyeho ko yiteguye gutanga umusanzu we ku yindi myanya mu gisirikare igihe cyose bizaba ari ngombwa.

Bivugwa ko Baram yifuza umwanya wo kuba Umugaba Mukuru w'Ingabo aho kuba uwungirije ndetse yaciye amarenga ko ashaka gusimbura Herzl Halevi, bivugwa ko bamaze iminsi barebana ay'ingwe.

Abashyirwa mu majwi ko bashobora gusimbura Baram harimo Gen Maj Tamil Yadai na Gen Maj Uri Gordin usanzwe uyobora Ingabo zo mu Majyaruguru.

Asezeye mu gihe Israel ikomeje ibitero muri Gaza, aho nko mu gitero imaze amasaha arenga 48 igabye kimaze kugwamo Abanye-Palestine 32.

Nyuma y'uko Israel igabye ibitero simusiga kuri Gaza nk'uburyo bwo kurandura umutwe wa Hamas wari wayigabyeho ibitero ku wa 07 Ukwakira 2023, ibyo bitero bimaze guhitana ubuzima bw'Abanye-Palestine ibihumbi 46 ndetse abarenga ibihumbi 109 ni bo babarurwa ko bakomeretse.

Umugaba Mukuru w'Ingabo Wungirije mu Gisirikare cya Israel, IDF, Amir Baram yagaragaje ko Gashyantare 2025 itazamusiga muri uwo mwanya

NISR igaragaza ko abaguye mu bigo nderabuzima bari 776, ibingana n'igabanyuka rya 4% kuko mu 2022 bari 808.

Abaguye mu bitaro by'uturere n'iby'intara mu 2023 ni 7.987 aho imibare igaragaza ko na bo bagabanyutse ku rugero rwa 14% kuko mu 2022 bari 9.090.

Imibare ya NISR igaragaza ko Abaturarwanda baguye mu bitaro bikuru (referral hospitals) banganaga na 4.301, imibare yagabanyutseho 15% kuko mu mwaka wabanje bari 4,943.

Ibintu 10 byateye izo mpfu birimo indwara zifata abana baba bamaze igihe gito bavutse, aho zahitanye abangana na 7.233 bavuye ku 3.363 mu 2022 bingana na 55% by'impfu.

Indwara zifata inzira y'ubuhumekero zishe Abaturarwanda 725 umubare wiyongereye kuko mu 2022 hari hagaragajwe ko zishe abantu 328.

Mu 2023 indwara z'umutima zishe abantu 591, Malaria 47 bavuye kuri 67 mu 2022, mu gihe ibijyanye n'abavukanye ibibazo by'ibice bidakora neza byishe abagera kuri 24.

Indwara zifata ibihaha mu 2023 zishe abantu 144 mu gihe mu mwaka wari wabanje imibare igaragaza ko bari 585.

Abaturarwanda 115 bishwe n'ibikomere no kuvunika amagufa, mu gihe indwara z'abagore zishe abangana na 1.594, imibare ikagaragaza ko biyongereye kuko mu 2022 bari 590.

Imibare igaragaza ko mu 2023 Abaturarwanda bagiye mu bigo nderabuzima n'ibitaro bya leta n'ibyingenga inshuro 15.676.825 bagiye gushaka serivisi z'ubuvuzi ariko batararamo.

Ibigo Nderabuzima byakiriye abantu inshuro 11.029.028, ibitaro by'uturere yakira abaje kwivuza inshuro 966.723, abajyanama b'ubuzima bo bita ku bantu inshuro inshuro 1.325.216. Abasuye ibitaro bikuru (referral hospitals) 492.325, mu gihe ibitaro byigenga byasuwe inshuro 1.863533.

Amakuru atangwa na NISR agaragaza ko indwara ziganje cyane mu bigo nderabuzima mu 2023 zari izifata imyanya y'ubuhumekero zitandukanye , zikurikirwa na malaria yafashe abantu 131.815.

Indwara z'indiririzi mu mara (intestinal parasites) zagaragaye mu bantu 888.859, ibijyanye no gukomereka no kuvunika nk'amagufa byabaye ku bantu 1.200.199, izifata urwungano ngogozi zagaragaye ku 423.407, iz'amenyo zagaragaye ku bantu 630.269 iz'uruhu zabonetse ku bantu 516.814.

Mu bigo nderabuzima kandi hagaragaye indwara zijyanye n'amaso ku bantu 652.086, indwara z'urwungano rw'inkari zagaragaye ku bantu 679.692, indwara z'ibihaha zabonetse ku banatu 16.669, abarwaye diarrhée bari 194.904, iz'amatwi ari 119.935 mu gihe izindi ndwara zafashe abarenga miliyoni 3,1.

Ni mu gihe iziganje mu bitaro mu 2023 zari izijyanye n'amenyo n'ishinya zafashe abantu 218.132, iz'amaso zafashe abantu 186.820, ibyo gukomereka no kuvunika amagufa byabaye ku bantu 88.147, izifata imyanya y'ubuhumekero zagaragaye ku 39.214.

Mu ndwara ziganje mu bitaro kandi harimo iz'urwungano ngogozi zagaragaye ku bantu 57.583, iz'abagore zagaragaye ku bantu 45.849, iz'urwungano rw'inkari zagaragaye ku bantu 25.449 n'iz'umutima zagaragaye ku bantu 30.212.

Abafite indwara z'uruhu bagiye mu bitaro bari 17.932, abahuye n'ibibazo mu gihe batwite bakajya gushakira ubuvuzi mu bitaro bari 9.968, mu gihe aba malaria bari 1.765.

Ab'umuvuduko w'amaraso bari 15.104, abafite ibibazo by'ubwonko bari 8.237 naho izindi ndwara zitasobanuwe ariko zagaragaye ku bagiye kwivuriza mu bitaro zabonetse ku bantu 212.343.

Imibare ya NISR igaragaza ko mu 2023 hakozwe ibikorwa byo kubaga bingana 111.347. Harimo ibikorwa 14.585 byo kubaga indwara zitandukanye (general surgeries), mu gihe hakozwe ibikorwa 75.158 bijyanye no kubaga abagore bafite ibibazo bitandukanye bifite aho bihuriye n'ubuzima bw'imyororokere, barimo n'abantu 886 bakuwemo nyababyeyi, ababazwe amagufa mu 2023 bari 21.604

Abakorewe ibizamini hifashishijwe imashini zo kwa muganga (radiology exams) bari 684.021.

Imibare ya NISR kandi igaragaza ko mu 2023 mu bigo by'ubuvuzi bya leta habarurwaga abakozi bo kwa muganga barenga ibihumbi 21, hakabarurwa ibitanda birenga ibihumbi 21, kuva ku kigo nderabuzima kugeza ku bitaro bikuru.

Raporo ya NISR igaragaza ko mu Rwanda habarurwa ibigo by'ubuvuzi birenga 2200.

Abarenga ibihumbi 13 baguye mu bu bigo by’ubuvuzi mu Rwanda

Iyi mikino ya shampiyona yakinwe mugoroba wo ku munsi wejo kuwa Gatanu, tariki ya 10 Mutarama 2025 aho yakiniwe mu minmjye ine ya Sudani ariyo; AlGaderef, Kosti, Dongola na Atbara.

Nubwo iyi mikino yagarutse ariko yasanze hari amakipe yagiye gukina mu zindi shampiyona aho Al Hilal na Al Merrikh zagiye muri Maurtania.

Ibi bibaye kandi nyuma yuko ikipe y’igihugu ya Sudani iheruka kubona itike y’imikino y’igikombe cy’Afurika cya 2025 kizabera muri Morocco.

Icyo gihe umutoza w’iyi kipe y’igihugu,James Kwesi yari yavuze ko umupira w'amaguru uri mu bizakemura ibibazo umutekano ukaba wagaruka muri iki gihugu.

Muri Sudani intambara yatangiye mu 2023 ikaba imaze gutwara ubuzima bw'abantu barenga ibihumbi 24, abagera kuri miliyoni 11 bavuye mu byabo mu gihe abagera kuri miliyoni eshatu bakaba barahunze.

Umupira w’amaguru waherukaga kuhakinirwa muri iki gihugu tariki ya 15 Mata 2023.

Umupira w'amagaru wongeye gukinirwa muri Sudani nyuma y’iminsi 635

Ikigamijwe ni ugutanga umusanzu mu iterambere ry'umuziki no gufasha abadukurikira kuruhuka no kunogerwa n'impera z'icyumweru. Kuri iyi nshuro abahanzi batandukanye bakoze mu nganzo batanga ibihangano bishya.

Kuri ubu, abahanzi nyarwanda baba abakora umuziki usanzwe ndetse n'abakora uwo kuramya no guhimbaza Imana bose bakoze mu nganzo.

Mu bahanzi bakoze mu nganzo, harimo na Social Mula watangiye gushyira hanze indirimbo zigize album ye ya kabiri yise 'Confidence''.

Uyu muhanzi yashyize hanze indirimbo yise 'Amola' yahuriyemo n'uwitwa Lil Chance uri mu bahanzi bari kuzamuka. Uyu muhanzi yavuze ko iyi ndirimbo mu rwego rwo gukomeza gusogongeza abakunzi be album ye nshya.

Iyi ndirimbo iri muri Afro Zouk, yakozwe mu buryo bw'amajwi na Bertzbeats, mu gihe amajwi yakozwe na YC.

Social Mula yabwiye Itangazamakuru ko umuntu yumvise iyi ndirimbo atahita yumva neza album ye ariko uko azagenda ashyira hanze indirimbo abantu bazagenda banyurwa kandi bakumva neza indirimbo ze nshya.

Ati: 'Iyi ndirimbo ntabwo yahita yerekana neza ishusho ya album, ariko abantu uko bazagenda bumva ibihangano byanjye biyigize bazagenda bayisobanukirwa.'

Yavuze ko kuri ubu ari gutegura guhita ashyira hanze indi ndirimbo mu minsi ya vuba, gusa ntiyavuga igihe neza ahubwo agaragaza ko bizaterwa n'uko abantu bazakira iyi yashyize hanze. Iyi album nshya ya Social Mula iriho indirimbo 12.

Uretse urukundo hariho n'indirimbo imwe yo kuramya Imana, yashyizeho mu rwego rwo kuyishimira mu byo yagiye anyuramo ariko ikamuba hafi.

Social Mula aheruka kuvuga ko yayitabajeho abatunganya indirimbo batandukanye mu Rwanda barimo Knox Beat, YewëeH, Pakkage, Iyzo Pro na Bertzbeats mushya ari nawe wakoze 'Amola' yashyize hanze.

Iyi album kandi yakozweho na Producer BassBoy ugezweho muri Uganda wakozeho imishinga y'indirimbo enye. Izi zirimo iyo yakoranye na Dokta Brain,Feffe Bussi ndetse n'undi muhanzikazi witwa Wase; ndetse n'iye yahakoreye.

Social Mula avuga ko impamvu yise iyi album 'Confidence' ari uko kwigirira icyizere ari cyo kintu cya mbere gifasha umuntu, ariko na none akaba afite indirimbo yitwa gutya.

Ati: 'Impamvu nayise ‘Confidence’ buri muntu wese akwiriye kwigirira icyizere, kugira ngo wumve ko ibintu uri gukora uri kubihamya, ubishoboye kandi n'abantu bigomba kubanogera. Ikindi kuri 'Album' hariho n'indirimbo nise 'Confidence'. 

Ni indirimbo y'urukundo, ariko kuba album narayise iri zina hari impamvu nahereyeho, ariko kwigirira icyizere mu kazi kanjye nicyo kintu kingize.'

Yavuze ko yari afite amazina menshi yagombaga kwita iyi album ariko 'Confidence' rikamuzamo kenshi, ndetse yanagisha inama abantu bayikoranye bakamubwira ari izina ryiza.

Tariki 23 Ugushyingo 2019 yamuritse album ye ya mbere yise 'Ma Vie', bivuze ko iyi album agiye gushyira hanze muri uyu mwaka izaba ari iya kabiri mu rugendo rwe rwa muzika.

Dore indirimbo 10 nshya InyaRwanda yaguteguriye zakwinjiza neza mu mpera z'icyumweru cya kabiri cy'umwaka wa 2025:

1.     Amola — Social Mula ft Lil Chance

“>

2.     Shenge — Juno Kizigenza

“>

3.     Biramvuna — Alto

“>

4.     Ndatangaye — Bosco Nshuti

“>

5.     Warasenze ubura iki? — Emmy Vox

“>

6.     Juju — Mulix

“>

7.     Koloba — Kenny Edwin

“>

8.     Single — Utah Nice

“>

9.     Mon Bebe – Lisaa

“>

10. Sabi (Tranquility) — Ken Umu

“>
 

Igitaramo Icyumba cya Rap cyabereye muri Camp Kigali tariki ya 10 Mutarama na tariki 11 Mutarama 2025, cyagombaga gutangira saa Kumi n'Ebyiri z'umugoroba, ariko ahagana saa moya n’indi minota ni bwo Taikun Ndahiro yageze ku rubyiniro, ashimira cyane Perezida Kagame.

Kuva saa 19:45, abaraperi bakizamuka bafunguye igitaramo bahabwa iminota 30 yo kugaragaza impano zabo, mu gihe abari kuri gahunda yo kuririmba mu cyumba cya rap bagera kuri 13 bamwe muri bo batangiye kugera ahagombaga kubera igitaramo ahagana saa yine z’ijoro.

Byageze kuwa Gatandatu hamaze kuririmba Diplomate, Zeo Trap, Logan Joe, B-Threy na Bushali gusa mu baraperi 13 bari bari ku rutonde rwo gususurutsa abafana ba Rap.

Urebye ku rubyiniro, byari mu murongo mwiza, abahanzi baririmba mu buryo bwa Live, abandi mu buryo bwa Playback ndetse urugwiro rwari rwose no kubafana babo.

Ababanje ku rubyiniro harimo Fally P, Sky 2 na Logan Joe. Nk’uko bakurikiranye niko baririmbye mu buryo bwa Playback gusa byagaragaraga ko bari kunyura abitabiriye nta nkomyi bidakuyeho ko bakuru babo baririmbye mu buryo bwa Live.

K8 Kavuyo yaririmbye 'Playback' kubera ko ubwo aheruka kugerageza uburyo bwa Live bwamurabye ivu mu gitaramo cya The Ben cyabaye 1 Mutarama 2025. Kuririmba Playback byamufashije kutongera kwibagirwa zimwe mu ndirimbo ze nk’uko byari byamugendekeye.

“Am Back' ni indirimbo yahuriyemo na Bruce Melodie.

Jay C ubwo yinjiraga ku rubyiniro yakirijwe urusaku rutagira akagero. Na we yaririmbye mu buryo bwa live binyura abari bakumbuye ijwi rye cyane ko yari amaze igihe ataririmba cyangwa se ngo agaragare mu gitaramo icyo ari cyo cyose. Yageze ku rubyiniro ibintu bihindura isura.

Yaririmbye 'Isugi' yahuriyemo na Bulldogg, Camp Kigali ihinduka ikiragano cye abakunzi be barayimuririmbira ndetse ni yo yasorejeho, ahita ava ku rubyiniro kuko atamazeho igihe kirekire.

Ish Kevin uri mu baraperi bo mu kiragano gishya, yanyuze abitabiriye bamuha akazi gake cyane ko inyinshi baziririmbiye. Uyu musore yinjiriye mu ndirimbo yise 'Amakosi' iri mu ze zakunzwe cyane.

Riderman yinjiriye mu ndirimbo yise 'Ikinyarwanda' imaze yakoranye na Bruce Melodie. Riderman yagiye ku rubyiniro ari kumwe na Karigombe – buri gihe mu bitaramo byose yitabira aramwitabaza. Yaririmbye mu buryo bwa 'Live” binyura benshi. Yakurikijeho 'Holo', ahita ava ku rubyiniro.

Nyuma y'aho igitaramo Icyumba cya rap cyagombaga kuba taliki 27 Ukuboza umwaka ushize wa 2024 cyasubitswe kubera umuyaga mwinshi watewe n’imvura yaguye abafana bagataha bivovota, byasubiriye no kuri uyu wa 10 Mutarama 2025, Tuff Gang itaha itaririmbye.

Icyakora Tuff Gangs yaje gusuhuza abafana iragenda ariko umwe muri bo P Fla aza “gufunga pinya” afata micro ahita amanurwa ku rubyiniro shishi itabona.

Fireman yaje ku rubyiniro saa Saba n'iminota 12 n’amasegonda ahabwa micro saa saba n’iminota 13, abwira abitabiriye ko kubera ikibazo cy'amasaha batari buririmbe kandi abivuga akata agenda asohoka

Twinjirane Inyuma y’amarido mu cyumba cya Rap

Tuff Gang muri rusange yari yiteguye ariko yamenyeshejwe ko itari buririmbe kubera amasaha kuko abagize iri tsinda batinze kugera ahagombaga kubera igitaramo cyane ko Bulldogg we atigeze anahakandagira, babigize imikino basaba nibura indirimbo n’iyo yaba imwe ariko biba iby’ubusa kubera ko polisi yari yamaze gusaba ko amasaha aba baraperi bahawe yubahirizwa.

Ati 'Mutwihanganire, kubera ikibazo cy'amasaha ntabwo turi buririmbe.” Aya ni amagambo Fireman yavuze nyuma yuko iri tsinda ritabashije gutahana umubyizi. Yavuze ko bazakora igitaramo cyabo bwite nka Tuff Gangs bakamara ipfa abakunzi babo.

Intambara yatangiye ubwo abafana bari mu gitaramo Icyumba cya Rap bamenaguraga amacupa mu kugaragaza agahinda kabo batewe no kuba batari kubona abaraperi bihebeye, Polisi igasaba ko igitaramo kiba mu mahoro ariko abafana ntibabyumve.

Abakunzi ba Rap bari bafite n’umubabaro bambukanye umwaka ubwo iki gitaramo cyasubikwaga bamwe muri bo bakavuga ko igihombo batejwe n’ibi bitaramo kitazakira ko ahubwo bishakira igitaramo cya Tuff Gang yonyine.

The Ben witabiriye iki gitaramo ntiyanyuzwe n’ibyabaye na cyane ko byavugwaga ko yari yiteguye kujya ku rubyiniro agashyigikira Tuff Gang nk’uko na we bamushyigikiye mu gitaramo cy’amateka aherutse gukorera muri BK Arena.

Dusubiye inyuma gato ku isaha ya saa yine, inzoga zaje gushira habura izindi n’izije banga ko zinjira kubera ko nta bikombe byabugenewe bazananye nazo, bituma hitabazwa iz’amarikeri, umuriro muri benshi uba mwinshi morale irazamuka.

Ubwo byatangazwaga ko igitaramo gihagaze, abafana bahise batangira gusohoka gake gake ariko bababajwe nuko Tuff Gang itaririmbye kandi n'umunsi wa mbere baraje kubareba bagahita bababwira ko igitaramo gihagaritswe bahageze.

Bamwe mu bafana bagifite akabaraga ko kurwana bari banasomye kuri manyinya, batangiye gufata uwo babonye wese mu mashati bamwitiranya n’abateguye igitaramo mu gihe abashyushyarugamba bo bihishe kare kuko no gukubitwa byari kuzamo.

Kuba igitaramo cyatangiye neza ndetse abaraperi bageze kuri stage bagatanga ibyishimo bisendereye, ariko kikarangira nabi aho abaraperi bari bitezwe cyane batabashije kujya kuri stage bigashavuza cyane abakunzi ba rap, ni nk’ubukwe bwagenze neza ariko hakabura abasaza bo gusaba.

Bushali yanyuze abitabiriye igitaramo “Icyumba cya Rap”

Dany Nanone yahinduye imyenda ubugira kabiri kurubyiniro rumwe

Ni igitaramo cyitabiriwe n’ingeri zitandukanye

Ubwo Anitha Pendo yari ku rubyiniro nk’umushyushyarugamba

B Threy ku rubyiniro mu gitaramo “Icyumba cya Rap”

The Ben, Kevin Kade na Muyoboke bitabiriye igitaramo “Icyumba cya Rap”

Diplomate ku rubyiniro

Ubwo Zeo Trap yari ku rubyiniro

DJ Ira yacuranze mu gitaramo “Icyumba cya Rap”

AMAFOTO: Ngabo Serge  – InyaRwanda