Blog

Ni mu mikino 1/4 cya Carabao Cup yabaye mu ijoro ryo kuri uyu wa Gatatu taliki ya 18 Ukuboza 2024. Saa Tatu n’iminota 30 ikipe ya Arsenal yari yakiriye Crystal Palace kuri Emirates Stadium. 

Uyu mukino watangiye ugora ikipe y’abarashi yari imbere y’abafana bayo dore ko Crystal Palace ariyo yabanje igitego ku munota wa 4 gusa gitsinzwe na Jean Phillipe Mateta ku mupira yahawe na Dean Henderson.

Mu gice cya kabiri Arsenal yakoze impinduka havamo Thomas Partey na Ethan Nwaneri hajyamo William Saliba na Martin Odegaard bituma ihita inishyura igitego ku munota wa 54 gitsinzwe na Gabriel Jesus ahawe umupira na Martin Odegaard.

Bidatinze ku munota wa 73 Gabriel Jesus yatsinze icya 2 ku mupira yahawe na Bukayo Saka no kuwa 81 atsinda ikindi ku mupira yahawe na Martin Odegaard.

Ku munota wa 85 Crystal Palace yabonye igitego cya kabiri gitsinzwe na Eddie Nketia wababazaga ikipe yahozemo ku mupira yahawe na Nathaniel Clyne gusa birangira Arsenal yegukanye itsinzi y’ibitego 3-2 ikatisha itike ya 1/2 cya Carabao Cup.

Saa tatu n’iminota 45 ikipe ya Newcastle United yari yakiriye Brentford kuri St James Park. Ni umukino ikipe ya Newcastle United yatsinze biyoroheye ibitego 3 bya Sandro Tonali ku munota wa 9 n’uwa 43 na Fabian Schar ku munota wa 69 kuri 1 cya Brentford cyatsinzwe na Yoane Wissa ku munota wa 90+1.

Saa yine z’ijoro ikipe ya Southampton yari yakiriye Liverpool kuri St Mary’s Park. Nubwo Liverpool yari yakoze impinduka mu kibuga aho abakinnyi nka Virgir, Mohamed Salah na Ryan Gravenberch batari bari kuri uyu mukino bijyanye nuko umutoza yari yashatse kubaruhutsa ariko ntabwo byayibujije gutsinda mu buryo bworoshye.

Yatsinze ibitego 2 bya Darwin Nunez ku munota wa 24 na Harvey Elliot ku munota wa 32 ku mupira yahawe na Cody Gakpo kuri 1 cya Southampton cyatsinzwe na Archer ku munota wa 59.

Kuri uyu wa Kane harakinwa umukino umwe wa Carabao Cup ari nawo wa nyuma wa 1/4 aho Tottenham Hotspur irakira Manchester United Saa yine z’ijoro.

Abakinnyi ba Liverpool bakomera amashyi abakinnyi nyuma y’umukino 

Gabriel Jesus yafashije Arsenal kubona intsinzi 

Iyi 'Band' yigaragaje cyane ubwo yacurangiraga abahanzi barimo The Ben, Bruce Melodie, Massamba Intore n'abandi baririmbye mu birori bya Rwanda Day byabereye mu Mujyi wa Washington muri Gashyantare 2024.

Nyuma y'ibi bitaramo bakomeje gukorana n'abahanzi banyuranye, ndetse kuri iyi nshuro bazataramana na James na Daniella mu gitaramo kizabera muri Leta ya Arizona, ku Cyumweru tariki 22 Ukuboza 2024.

Ariko iri tsinda ariko rigomba kuba ryageze muri uriya Mujyi kuri uyu wa Kane tariki 19 Ukuboza 2024. Ibi bitaramo bibiri bagiye gukora, byateguwe na Sosiyete y'umuziki ya Afro Hub Entertainment, imaze igihe ifasha abahanzi nyarwanda gukorerayo ibitaramo.

Ernesto Ugeziwe yabwiye InyaRwanda, ko muri iki gitaramo James na Daniella bazataramana n'abahanzi barimo Bonke na Kadogo. Akomeza ati 'Ariko bazanakorana na 'Band' yacurangiye abantu bari baje muri Rwanda Day, niyo 'Band' yacurangiye The Ben na Bruce Melodie, nibo nari najyanyeyo.”      

Ernesto yavuze ko ibi bitaramo kandi bizabwirizamo Pasiteri Amani usanzwe ari n'umuhanzi w'indirimbo zo kuramya no guhimbaza Imana.

Yavuze ko nyuma yo ku Cyumweru, bazakomereza urugendo rwabo muri Leta ya Texas, ku wa Mbere tariki 23 Ukuboza 2024, aho James na Daniella bazataramana n'umuhanzi John H. Singleton ndetse na Diane 'Deborah'.

Ernesto yavuze ariko ko mu Mujyi wa Texas, James na Daniella bazacurangirwa na 'Band' isanzwe ifasha Meddy mu bitaramo n'indirimbo.

Ati 'Ni bariya bari mu ndirimbo ye nshya, nibo bakoze iriya ndirimbo ya Meddy na Adrien Misigaro, iriya bise 'Niyo ndirimbo'. Ni 'Band' isanzwe ibarizwamo Producer Yannick, wanakoze iriya ndirimbo mu buryo bw'amajwi. Nibo bazabacurangira, ndetse ni nabo bazabakira.'

Ibi bitaramo James na Daniella bagiye kuririmbamo bizwi nka 'A Night of Worship' bisanzwe biba buri mwaka, bigategurwa na Sosiyete y'umuziki ya AfroHub isanzwe ifasha abahanzi Nyarwanda gutaramira muri Amerika no mu bindi bihugu. Iyi sosiyete isanzwe inategura ibindi bikorwa birimo nk'amaserukiramuco bifasha abahanzi banyuranye

Kugeza ubu amatike yatangiye kugurwa binyuze ku rubuga rwa www.eventbrite.com . Ni ibitaramo byateguwe muri rusange hagamije gufasha Abanyarwanda n'abandi batuye muri ziriya Leta kurangiza neza umwaka wa 2024, no gutangira uwa 2025.

Rugarama James [James] aherutse kubwira InyaRwanda, ko ibi bitaramo batumiwemo muri Amerika bigamije kubafasha kongera ubusabane n'Imana, no kongera guhura n'abakunzi b'ibihangano byabo.

Ati 'Ibi bitaramo tugiye gukorera muri Amerika, tugiye kubikora hagamijwe kuramya mu buryo burambuye mu ndirimbo Imana igenda idushyira ku mutima, no kubonana n'abakunzi b'umusaraba muri rusange.'

Imyaka ine irashize iri tsinda riri mu muziki w'indirimbo ziramya no guhimbaza Imana. Iherekejwe n'indirimbo zomoye imitima ya benshi, binyuze mu bihangano bagiye bakubira kuri album zitandukanye zirimo na 'Ibyiringiro'.

James yigeze kubwira InyaRwanda ko imyaka ine ishize bari mu muziki irimo amasomo menshi. Ati 'Imyaka yo irimo amasomo menshi ku buryo twasaba ko twafata n’undi mwanya umuntu agafata n’ikaramu cyangwa se ingwa akajya ku kibaho akandika ibintu byinshi. Imana yatwigishijemo ibintu byinshi, yatwigishirijemo abantu…

Yungamo ati 'Imbogamizi tugira ni iz’abantu, wa mugani wa wa mugabo, abantu niyo nyamaswa igoye ku Isi. Kwiga ku bantu, kumenya ibibarimo, umuntu wa nyawe, ibyo kubihuza, kubihuza n’imbuto ukagerageza kwerera imbuto ababi n’abeza, ni ikintu kiba kigoye cyane ariko turizera n’abandi bose ari kimwe ku bakristo muri rusange n’abantu basanzwe bose.'

Uyu mugabo avuga ko nubwo bimeza uko, bakomeje gushikama mu murimo w'Imana, kandi kugira ngo byose bigende neza we n'umufasha bahora bafata igihe cyo kwihererana n'Imana, kugira ngo ibashoboze ibyo bo batakwishoboza nk'abantu.

Uyu mugabo avuga ko we n’umugore we nabo ari abantu bafite intege nke, ariko ‘bafite ibyiringiro muri Kristo’. Ati 'Turasengana buri munsi, nijoro na mu gitondo, turi mu mudoka, ahantu hatandukanye. 

Turasengana na Madamu wanjye, turakomezanya, turigishanya. Nta bundi [buryo] bwo kugira ngo mutsinde iyi Si, ni ugufatanya hanyuma mukarambiriza muri Kristo Yesu…'

James avuga ko mu rugendo rw'imyaka ine ishize kandi babonyemo abantu babashyigikira barimo n'abagiye babatumira mu bitaramo binyuranye. 

James na Daniella batangiye gukundana hagati ya 2008 na 2009. Bombi mu 2012 bagiye kwiga muri Uganda, aho Umugabo yize ibijyanye n'Ububanyi n'amahanga, ni mu gihe umugore yize ibijyanye n'Ibarura mari. 

Mu 2015 ni bwo biyemeje kubana nk'umugabo n'umugore, kuva icyo gihe bakora umuziki bari kumwe ndetse bamamaye mu ndirimbo zinyuranye. 

James na Daniella bavuga ko ibi bitaramo bigamije kubafasha gusabana n’abakunzi b’abo b’ibihangano 

James na Daniella bazataramira abakunzi babo, mu rwego rwo kubafasha kwinjira mu byishimo bya Noheli

IMC Band isanzwe ikorana na Meddy bya hafi bazacurangira James na Daniella mu gitaramo bazakora ku wa Mbere tariki 23 Ukuboza 2024 

Producer Yannick wakoze indirimbo ‘Niyo Ndirimbo’ ya Meddy na Adrien Misigaro, ari mu babarizwa muri IMC Band

Live Lyve, itsinda ry’abacuranzi ryacurangiye Bruce Melodie mu bitaramo bya Rwanda Day muri Gashyantare 2024

 

KANDA HANO UREBE AMASHUSHO Y’INDIRIMBO ‘NIYO NDIRIMBO’ YA JAMES NA DANIELLA

“>

Iyi Korali igiye gukora iki gitaramo ku nshuro ya 11. Bagikora bagamije gufasha abakunzi babo n'abandi kwinjira neza mu byishimo bya Noheli. Ni kimwe mu bitaramo biba bitegerejwe n'umubare munini, ahanini biturutse mu kuba kiba mu mpera z'umwaka.

Kuva mu mezi ane ashize, iyi Korali yatangiye imyiteguro, ndetse abaririmbyi bayo bagaragaza ko bamaze guhitamo indirimbo bazaririmba n'uburyo bagomba kuzaririmbamo, bamaze kubishyira ku murongo.

Visi Perezida wa Chorale de Kigali, Bigango Valentin yabwiye InyaRwanda ko ashingiye ku gihe bamaze bitegura iki gitaramo, ibyasabwaga byose bamaze kubishyira ku murongo.

Yavuze ko kuba imyaka 58 ishize bari mu ivugabutumwa ahanini bishingira mu kuba hari byinshi banyuzemo, babashije kurenga.

Ati “Buri gihe iyo ikigo kigitangira gihura n’ibibazo bitandukanye byo kujegera kubera gutangira. Uko rero imyaka igenda ishira n’uko umuco ugenda ufata, niko irangi rigenda rikora, niba ariko nabyita, rero iyo myaka 58 ishize uvuze ni umurage dufite ku bashinze iyi Korali, uko bayishinze n’uko bifuzaga ko ibaho.'

Ibyo byose tugenda tubikurikirana mu ntege nke nyine zagiye zibaho, noneho uko dukura tukagenda twigira ku mateka mabi aba yarabaye, tukagenda tuzamuka bucye bucye kugeza ubwo iba Korali ifite umuco.”

Bigango Valentin yavuze ko buri mwaka mu gutegura iki gitaramo bagira umwihariko, ari nayo mpamvu muri uyu mwaka ‘twarushijeho gutegura igitaramo cya banyiracyo kuko igitaramo ntabwo ari icyacu, ni icy’abadukunda, ari nabo turirimbira, n’abandi bose bari kugura amatike’.

Yavuze ko muri uyu mwaka bubakiye cyane ku ntego “y’umuzamukamo w’ibyishimo.” Ati “Igitaramo cyubatse ku buryo tuzajya duhera ku ndirimbo za Noheli zirimo n’iza ‘Classic’ tugende tuzamuka, hanyuma dushyiremo n’abana, abana bazamure, hanyuma noneho dukomereze muri uwo murongo ariko tuzamura umuriri, noneho ibintu bishyuhe.”

Valentin Bigango avuga ko bateguye iki gitaramo ku buryo buri wese uzacyitabira azagera ku kigero cy’aho yumva ko yuzuye. Avuga ko bazaririmba cyane indirimbo zamamaye mu Kinyarwanda, izizwi cyane muri Afurika no hirya no hino ku Isi. Ati “Mbese bizaba bishishimije. Ni igitaramo gitangaje.”

Kuki uyu mwana batahaye umwanya abafana wo guhitamo indirimbo?

Mu bihe bitandukanye iyi Korali yagiye itanga umwanya ku bakunzi bayo bagahitamo indirimbo bifuza ko babaririmbira mu gitaramo nk’iki. Ni nako byagenze mu 2023.

Ariko kandi wasanga umubare munini w’abantu bahitamo indirimbo, ziganzamo izo bagiye basaba mu bihe bitandukanye. Harimo nk’indirimbo ya UEFA Champions League itarakundaga kubura cyane mu gitaramo cy’iyi korali.

Bigango Valentin avuga ko muri uyu mwaka bahisemo gufata igihe gihagije cyo guhitamo indirimbo nshya bazaririmba, aho guha umwanya abafana ngo bahitemo indirimbo bashaka.

Ati “Ziriya twaraziririmbye zirabanyura. Icyo gihe cy’indirimbo zabanyuze rero cyararangiye. Turavuga tuti reka tubahe izindi noneho babone aho bazahera bongera gutora ubutaha. Twaravuze tuti reka twongere dukore mu gaseke, tuzane izindi bazikunde, ndabizi nazo bazazisaba n’indi myaka ikurikiraho.”

'Christmas Carols Concert' ni igitaramo cyamaze kuba umuco, kuko buri mwaka bagikora mu rwego rwo gufasha Abakristo kwizihiza Umunsi wa Mukuru wa Noheli no gusoza neza umwaka uba urangiye no kuzatangira umushya mu mahoro no mu munezero.

Buri mwaka Chorale de Kigali ishaka umwihariko igenera abakunzi bayo, ugereranyije n'imyaka yabanje. Bigakorwa mu rwego rwo gukomeza gushimisha abakunzi bayo.

Kuva mu 2013, Chorale de Kigali ikora igitaramo nk'iki. Imibare igaragaza  ko abantu barenga ibihumbi 20 bitabira iki gitaramo. Kandi gitegurwa mu rwego rwo gukundisha Abanyarwanda umuziki uhimbanywe kandi ukaririmbanwa ubuhanga.

Mu bihe bitandukanye igitaramo nk'iki cyabereye ahantu hatandukanye harimo na Kigali Conference and Exhibition Village ahazwi nka Camp Kigali, kandi ibihumbi by'abantu byagiye byitabira, bagataha banyuzwe n'ubuhanga bw'abaririmbyi bagize iyi korali.

Nko mu 2019, iki gitaramo cyabereye muri Camp Kigali, biba ngombwa ko hari abantu basubirayo kubera ko imyanya yari yateguwe yari yuzuye.

Perezida wa Chorale de Kigali, Bwana Hodari Jean Claude, yigeze kuvuga ko imyiteguro y'iki gitaramo ihambaye, kuko bongeraho n'amasengesho. 

Kanda hano ubashe kugura itike yo kwinjira mu gitaramo 'Christmas Carols Concert'

Chorale de Kigali yatangaje ko igeze kure imyiteguro y’igitaramo cyabo mu gihe habura iminsi micye bagatarmaira abakunzi babo

Chorale de Kigali ifite umwihariko wo guha umwanya abanyamahanga bakaririmbana 

Chorale de Kigali irarimbanyije mu myiteguro y’igitaramo cyayo ‘Christmas Carols Concert’

Abavuzi b’ingoma bariteguye mu gihe igitaramo cyabo kibura iminsi mbarwa bagataramira muri BK Arena

 

Iyi Korali iririmbamo abaririmbyi barenga 100 bahuza amajwi mu mashyi no mu mudiho bagataramira abakunzi babo

 

Abacuranzi bagaragaza ko biteguye gutaramira abakunzi b’ibihangano byabo muri BK Arena

  

Mu gihe cy’imyitozo, buri wese akora uko ashoboye akajyanisha n’ibyo aba agomba kuzerekana mu gitaramo    

Abaririmbyi b’iyi korali basobanura ko imyaka ishize bayibarizwamo bayifata nk’umuryango wabo wa kabiri

Igitaramo ‘Christmas Carols Concert’ cya Chorale de Kigali, kizaba ku Cyumweru tariki 22 Ukuboza 2024 muri BK Arena      

KANDA HANO UBASHE KUREBA IKIGANIRO TWAGIRANYE N'ABARIRIMBYI BA CHORALE DE KIGALI

  “>

KANDA HANO UREBE IKIGANIRO TWAGIRANYE N'UMWE MU BARIRIMBYI BA CHORALE DE KIGALI

 “>

Kanda hano urebe amafoto ubwo abaririmbyi ba Chorale de Kigali bari mu myiteguro 

VIDEO: Dox Visual- InyaRwanda.com

Iyi ni imwe mu mpamvu zatumye hatekerezwa igisubizo cyagabanya uburemere bw'iki kibazo ku bihugu biri mu nzira y'amajyambere, usanga byikoreye umutwaro uremereye mu buryo budakwiriye.

Bumwe mu buryo bwatekerejweho, nubwo bukigibwaho impaka hirya no hino ku Isi, ni ubuzwi nka 'carbon market.'

Ibi wabigereranya n'ishoramari ry'ibihugu ndetse n'ibigo by'ubucuruzi bigira uruhare runini mu kohereza imyuka yangiza ikirere. Iri shoramari rizajya rikorwa mu bihugu biri mu nzira y'amajyambere, bigirwaho ingaruka n'iyangirika ry'ikirere nubwo bigira uruhare ruto cyane mu kucyanduza.

Aha niho habarizwa u Rwanda, narwo rwisanga mu cyiciro cy'ibihugu bigirwaho ingaruka n'iyangirika ry'ikirere nyamara uruhare rwarwo mu kucyangiza ari ruto cyane bikabije ugereranyije n'ibindi bihugu ku Isi.

Muri iyi gahunda ya 'carbon market', igihugu A cyanduza ikirere cyane, gishobora kuganira n'igihugu B kitacyangiza cyane, igihugu A kikemera gukora ishoramari mu kurengera ibidukikije mu gihugu B. Iryo shoramari rigomba kuba riri mu nzego zo kurengera ibidukikije, nko gutera ibiti, gukoresha imirasire y'izuba aho kuba peteroli n'ibindi nk'ibyo.

Icyo bifasha ni uko bigabanya ikiguzi igihugu B cyashoraga mu guhangana n'ingaruka z'iyangirika ry'ikirere, wenda iryo shoramari rishobora kugabanya izo ngaruka. Ku rundi ruhande, igihugu A kirushaho guhendwa n'imyuka yangiza ikirere cyoherezayo, bityo kikarushaho gushyiraho ingamba zituma igabanuka, bityo buri wese bikazarangira abyungukiyemo.

Iyangirika ry’ikirere rigira ingaruka mbi ku baturage, kuko ibyago riteza bibakura mu byabo, bikabahombya byinshi

Gusa ibi ni ibintu bishya, ku buryo usanga amategeko n'ibindi bijyanye n'iyi gahunda bitarahuzwa neza ku rwego rw'Isi.

Minisitiri w'Ibikorwaremezo, Dr. Gasore Jimmy, yavuze ko u Rwanda ruri kwiga uburyo bwo kubyaza umusaruro uru rwego rukiri rushya.

Mu kiganiro na CNBC Africa, yagize ati “U Rwanda rutangiye kubyaza umusaruro 'carbon market', nemera ko amahirwe ari muri uru rwego ari menshi cyane ugereranyije n'ibyo tumaze kugeraho.”

Yongeyho ati “Gusa nibura dufite umurongo ngenderwaho ugena uburyo bwo kugera kuri 'carbon market', binyuze mu Kigo gishinzwe kurengera Ibidukikije (REMA) ndetse na Minisitiri y'Imari n'Igenamigambi itangiye kunoza uburyo bwo kugenzura imishinga y'ishoramari mu bijyanye no kurengera ibidukikije.”

Uyu muyobozi yavuze ko magingo aya u Rwanda ruri gushyira imbaraga mu bijyanye no kunononsora amategeko ajyanye n'uru rwego rushya, ati “Turi mu rugendo rwo kunoza ibijyanye n'amategeko n'ubugenzuzi (bigenga green financing na carbon market) mu kubyaza umusaruro iri soko, mu gihe nka bimwe mu bigo byigenga byo byatangiye kubyaza umusaruro iri soko.”

Imyuzure n’ibindi biza bishingira ku iyangirika ry’ikirere ni imbogamizi ikomeye ku iterambere ry’u Rwanda n’ibindi bihugu bya Afurika

Afurika irageramiwe

Magingo aya, Afurika ihomba ari hagati ya miliyari 7$ na miliyari 15$ buri mwaka, bitewe n'ingaruka z'iyangirika ry'ikirere zirimo imyuzure, ubushyuhe bukabije n'ibindi. Mu 2030, aya mafaranga azaba amaze kurenga miliyari 50$.

Mu gihe nta gikozwe gifatika, ingaruka z'ihindagurika ry'ikirere zajya zigabanya 3% by'umusaruro mbumbe w'ubukungu bwa Afurika buri mwaka kuva mu 2050, ahanini bitewe n'uko izi ngaruka zizagabanya hagati ya 20% na 40% by'umusaruro w'ubuhinzi uboneka kuri uyu Mugabane ku mwaka.

Ibi niyo mpamvu Afurika ikwiriye gushyira hamwe mu guhangana n'izi ngaruka, nk'uko Minisitiri w'Ibikorwaremezo, Dr. Jimmy Gasore, yabigarutseho.

Yavuze ko nubwo u Rwanda ruri gukora ibishoboka byose kugira ngo rwitegure kubyaza umusaruro uru rwego rwa 'carbon market', gusa byaba byiza n'ibindi bihugu bya Afurika, nabyo bigirwaho ingaruka zikomeye n'ihindagurika ry'ikirere, bihagurukiye rimwe mu gushaka ibisubizo kuri iki kibazo.

Ati “Ku bijyanye na Afurika, ntekereza ko mu rwego rwo kubyaza umusaruro ubucuruzi bushingiye ku kurengera ibidukikije (carbon trading), hakenewe ko Afurika ishyiraho [umurongo umwe] wo kugenzura ishoramari ry'isoko ry'ibidukikije. Ibi byafasha mu kongera ingano y'iryo soko, bityo rigakurura abashoramari benshi. Gusa nanone isoko rya Afurika rikwiriye guhuzwa n'andi masoko hirya no hino ku Isi.”

Dr. Gasore yakomeje asobanura ko ubu bufatanye bwatuma muri rusange Afurika yumvikana kurushaho, bityo n'ikibazo cy'ingaruka z'imihindagurikire y'ikirere ihura nazo zikagabanuka.

Ati “Hari amahirwe yo gukorana nk'Abanyafurika yo gushyiraho umurongo ngenderwaho umwe, tugashyiraho ibyo twifuza bihuriweho ndetse n'uburyo bwo kugenzura buhuriweho, byose bijyanye n'imiterere y'ikibazo cy'iyangirika ry'ikirere muri Afurika. Igihe twaramuka dukoreye hamwe, twagira ijwi rinini kurushaho, tukaba isoko rinini ndetse twanagira inyungu mu bijyanye n'ingano y'agaciro gahabwa isoko ryacu rishingiye ku kurengera ibidukikije.”

Uyu muyobozi kandi avuga ko “Hakenewe kandi ko habaho guhuza imirongo igenga iri soko, ndetse no gushyiraho uburyo bukwiriye bwo kugenzura no gupima iyi mishinga.”

2025 izaba umwaka wo kugabanya imyuka yangiza ikirere y'u Rwanda

Mu 2030, u Rwanda rurifuza kuzaba rwagabanyije nibura 38% by'imyuka yangiza ikirere rwoherezayo, aho mu 2025, iyo ntego izaba isigaje imyaka itanu gusa.

Ni muri urwo rwego Minisiteri y'Ibikorwaremezo ishyize imbaraga nyinshi mu kugabanya iyangirika ry'imyuka yangiza ikirere.

Dr. Gasore yavuze ko hari ibikorwa n'imishinga izatuma u Rwanda rugera kuri iyo ntego.

Ati “U Rwanda ruri mu nzira nziza yo kugera ku kigero cya 100% mu gukoresha ingufu zisubira (zibyazwa amashanyarazi). Muri Kamena, 2023, twahagaritse 'generators' zikoresha peteroli (mu gutanga umuriro w'amashanyarazi) kandi yari intambwe nini kuri twe bitari gusa mu kugabanya imyuka yangiza ikirere, ahubwo byanafashije mu kugabanya igiciro gikoreshwa mu kubona umuriro w'amashanyarazi.”

Yongeyeho kandi ko “Gutangiza urugomero rwa Rusumo ruzajya ruha u Rwanda megawatts 27, ari nako bigenda ku bindi bihugu. Hiyongeraho na gaz methane, ntabwo ari ingufu zisubira 100%, ariko ni nziza kurusha ubundi buryo nka nyiramugengeri. Ibi nabyo bidufasha kugera ku ntego yo gukoresha ingufu zisubira 100%. Ikindi ni uko turi kubaka urugomero rwa Nyabarongo II ruzaba rutanga megawatt 43.”

Uyu muyobozi yavuze ko kurengera ibidukikije biri gukorwa binyuze nzego zose zirimo imyubakire, inganda ndetse n'urwego rw'ubwikorezi, aho u Rwanda rwahagurukiye kuzivugurura mu buryo bwagutse.

Ati “Izindi nzego nk'urwego rw'ubwikorezi, kuva mu 2021, u Rwanda rwagabanyije imisoro ku modoka zikoresha amashanyarazi na lisansi (hybrid) n'imodoka zikoresha amashanyarazi gusa. Ibi byari bigamije kugabanya imyuka yangiza ikirere ishingiye ku binyabiziga] (green mobility).”

Yongeyeho ko izi ngamba ziri gutanga umusaruro, ati “Turi kubona bitanga umusaruro, kandi turi kubyongeramo imbaraga. Nk'ubu kuva muri Mutarama 2025, ntabwo tuzongera kwemera moto nshya zikoresha lisansi mu gutwara abantu mu Mujyi wa Kigali. Ibi bigamije kugabanya imyuka yoherezwa mu kirere ndetse no kurengera ibidukikije mu rwego rw'ubwikorezi.”

“Turi kubona n'inyongera ya bisi zitwara abantu mu buryo bwa rusange zikoresha amashanyarazi, turi kuzikurikiranira hafi kugira ngo tuzongere imbaraga muri urwo rwego.”

Yashimangiye ko mu 2025, u Rwanda ruzakomeza gahunda yo gukwirakwiza amashanyarazi, cyane ko mu 2029, Abanyarwanda bose bazaba bagerwaho n'umuriro w'amashanyarazi.

Ati “Mu 2025, tuzita cyane ku gukwirakwiza amashanyarazi, tuvugurura imiyoboro y'umuriro w'amashanyarazi. Dufite imishinga itandukanye mu turere dutandukanye, tugabanya ibihombo, ndetse tukarushaho kubaka imiyoboro yacu y'amashanyarazi.”

Yongeyeho ati “Ibi nabyo bigira uruhare mu kugabanya imyuka yangiza ikirere kuko iyo ufite umuriro w'amashanyarazi udacikagurika, abantu ntabwo bakoresha cyane za 'generators' zikoresha peteroli.”

Ku rundi ruhande, u Rwanda ruzateza imbere ibijyanye no guteka hifashishijwe gaz, Dr. Gasore ati “Tugiye no kwagura mu buryo bufatika ibijyanye no guteka mu buryo butangiza ibidukikije, twifashishije gas. Ntiwavuga ko itangiza ibidukikije 100%, ariko irusha cyane gukoresha ibiti byatemwe mu ishyamba.”

Uretse ibikorwaremezo, imitungo y’abantu yangizwa bikomeye n’iyangirika ry’ikirere riterwa n’ihindagurika ry’ikirere

Imyuzure n’ibindi biza bishingira ku iyangirika ry’ikirere ni imbogamizi ikomeye ku iterambere ry’u Rwanda n’ibindi bihugu bya Afurika

Ni ibirori byabanjirije ibizabera mu Mujyi wa Nampa ho muri Leta ya Idaho ho muri Leta Zunze Ubumwe za Amerika, ku wa 19 Ukuboza 2024.

Muri Kanama 2024, ni bwo uyu mukobwa yari yambitswe impeta n'umukunzi we bemeranya kuzabana akaramata.

Muri Kamena Irasubiza yagaragaje uyu musore bakundana ku nshuro ya mbere abihishurira inshuti ze n'abamukurikira kuri Instagram.

Irasubiza agiye gukora ubukwe mu guhe ku wa 14 Ukuboza 2024, yari yabonye 'Master's' yakuye muri Kaminuza ya Boise State University.

Alliance Irasubiza ni umwe mu bakobwa bahataniraga ikamba rya Nyampinga w'u Rwanda mu 2020, aho yegukanye ikamba rya Miss Popularity muri Miss Rwanda, rihabwa umukobwa ukunzwe cyane kurusha abandi.

Miss Irasubiza Alliance yasabwe aranakobwa mu birori byabereye muri Amerika

Imiryango y’abageni bombi yari yateranye

Irasubiza Alliance n’umugabo we bamaze igihe gito bagaragaje iby’urukundo rwabo

Irasubiza Alliance yasezeye inshuti babanye mu bukumi

Akanyamuneza kari kose kuri Irasubiza Alliance n’inshuti zari zimugaragiye

Yari akurikiranyweho uruhare mu bitero byagabwe ku Batutsi ku musozi wa Nyamure, Nyabubare, ISAR Songa no kuri bariyeri zari zarashyizwe i Nyanza.

Kuva mu rubanza rwa mbere, Hategekimana yashinjwe uruhare mu rupfu rw'uwari Burugumesitiri wa Komini Ntyazo, Narcisse Nyagasaza, amushinja kugerageza guhungishiriza Abatutsi mu Burundi, banyuze mu ruzi rw'Akanyaru, ibi Hategekimana akaba yarabihakanaga yivuye inyuma.

I Paris, IGIHE yaganiriye n'abanyamategeko baburaniye Abarokotse Jenoside yakorewe Abatutsi bagaragaza uko bakiriye igihano cyahawe Hategekimana.

Me André-Martin Karongozi, yavuze ko urubanza rurangiye kandi rurangiye nk'uko babyifuzaga.

Ati 'Twifuzaga ko urukiko rufata icyemezo nk'icy'urukiko rwa mbere rwafashe cyo kumukatira igifungo cya burundu. Uyu mugabo bakatiye igifungo cya burundu nta kindi kirenze icyo bijyanye n'uburemere bw'icyaha yakoze. Ni cyo gihano gikomeye ino. Icy'urupfu ntabwo kikibaho.'

Me Richard Gisagara na we wunganira Abanyarwanda bo mu Bufaransa bibumbiye muri CRF muri uru rubanza, yagaragaje ko umuntu wese ukurikirana ndetse uzi uburemere bw'imanza za Jenoside yakorewe Abatutsi, nta kuntu yaba atishimiye ibyemezo by'urukiko bijyanye n'uburemere bw'ibyaha Biguma yakoze.

Yagarutse ku buryo amezi ya nyuma ya 2024 yaranzwe no gutanga ubutabera ku barokotse Jenoside, aho kuva mu Ukwakira 2024, urubanza rwa Biguma rubaye urwa gatatu.

Yagarutse ku rubanza rwa Dr. Rwamucyo Eugene wahamijwe ibyaha bya Jenoside yakorewe Abatutsi agakatirwa imyaka 27, n'urwa Charles Onana wari ukurikiranyweho ibyaha byo guhakana no gupfobya Jenoside yakorewe Abatutsi, ndetse waje no kubihamywa n'urukiko, bikaba ubwa mbere inkiko zo mu Bufaransa zihamije bene icyo cyaha uwagikoze.

Me Gisagara ati 'Ni ikintu gishimishije. Ni intambwe ikomeye turi gutera hano mu Bufaransa, mu buryo bwo kurwanya umuco wo kudahana abakurikiranweho ibyaha bya Jenoside yakorewe Abatutsi n'abayihakana n'abayipfobya.”

Me Gisagara yagaragaje ko ari intambwe ishimishije ariko yerekana ko batagomba kwirara, ahubwo bagomba gukomeza no gushyiramo umuhati kugira ngo abakoze Jenoside yakorewe Abatutsi bidegembya bashyikirizwe ubutabera.

Alain Gauthier washinze umuryango CPCR n'umugore we Daphrose, uyu muryango uharanira ko abagize uruhare muri Jenoside yakorewe Abatutsi mu 1994 bihishe mu Bufaransa bagezwa mu butabera, na we ari mu banyuzwe n'igihano cyahawe Biguma.

Ati 'Ntabwo icyemezo cyadutunguye. Ni cyo twari twiteze. Twakurikiranye uru rubanza kuva mu mizi kugera rupfundikiwe. Twitabiriye buri buranisha ndetse twandika raporo y'uko rwagenze kuri buri buranisha. Sinumva impamvu [Biguma] atagombaga guhanishwa igifungo cya burundu.'

Ku rubanza rwa Rwamucyo, Alain Gauthier yavuze ko kuri Rwamucyo, baburanaga n'uwamunzwe n'ingengabitekerezo ya Jenoside, ariko agashimishwa n'uko byarangiye ahamijwe ibyo yari akurikiranyweho.

Ku rubanza rwa Dr. Munyemana Sosthène wagize uruhare rukomeye muri Jenoside yakorewe Abatutsi mu Murenge wa Tumba (Huye) no mu yahoze ari Perefegitura ya Butare muri rusange, Alain Gauthier yavuze ko rwari urubanza na rwo yishimiye uko rwarangiye.

Ati 'Birumvikana. Ibyo byaha yabikoreye i Butare, i Tumba. Mabukwe ni ho yari atuye. Yari atuye i Cyarwa hafi yo kwa Munyemana. Nubwo atari twe twatanze ikirego ariko rwamaze igihe kirekire kuva mu 1995. Ni bwa butabera butinze bwo mu Bufaransa kuko byatwaye imyaka hafi 20 kugira ngo batangire kuburanisha abo bantu bwa mbere. Icyakora muri izi mpera za 2024 twabonye ubutabera. Navuga ko dutsinze. Dutsinze imanza umunani zose zabereye muri uru rukiko kuva mu 2014.'

Alain Gauthier yashimiye abarokotse Jenoside yakorewe Abatutsi babizeye, ndetse anabizeza ko bazakomeza guhangana kugira ngo ubutabera bunoze butangwe.

Me François Epoma ukomoka muri Repubulika Iharanira Demokarasi ya Congo ni umwe mu banyamategeko bunganiye abaregera indishyi muri uru rubanza.

Uyu munyamategako na we yavuze ko ibyumweru bitandatu bishize Biguma aburanishwa, byari ibihe bikomeye, kuko habaye impaka zitandunye ku byaha bya Jenoside yakorewe Abatutsi yakoze.

Ati 'Icyakora nubwo byari ibihe bikomeye tubisoje neza. Ubutabera buratanzwe Biguma ahanishijwe igifungo cya burundu. Ni igifungo twari twiteze.'

Me François Epoma yagaragaje ko guhana abo bakoze ibyaha bya Jenoside yakorewe Abatutsi, byerekana na none ko uhirahira agira uruhare mu byaha nk'ibyo nta kabuza amategeko azamuhana.

Me Sylvain Tapi, umunyamategeko ukorera inkiko z'i Bruxelles na Abidjan muri Côte d'Ivoire, ari naho akomoka, yavuze ko Biguma yabeshye muri uru rubanza, ariko bikarangira atsinzwe.

Yagize ati “Uyu Philippe Hategekimana, nta kindi yakoze muri uru rubanza uretse kubeshya kugeza ubwo ahamwe n'icyaha biciye mu bimenyetso n'ubuhamya bw'abaje kumushinja, nishimiye ko Abarokotse Jenoside yakorewe Abatutsi tuburanira babonye ubutabera.”

Alain Gauthier washinze umuryango CPCR yishimiye imikirize y’uru rubanza

Me André-Martin Karongozi yavuze ko urubanza rurangiye kandi rurangiye nk'uko babyifuzaga

Me Richard Gisagara wunganira Abanyarwanda bo mu Bufaransa bibumbiye muri CRF muri uru rubanza, yagaragaje ko umuntu wese ukurikirana izi manda akwiriye kwishimira ubutabera bwatanzwe

Me François Epoma ukomoka muri Congo Brazzaville yagaragaje ko guhana abakoze ibyaha bya Jenoside yakorewe Abatutsi, byerekana ko ubutabera butazarambirwa kubakurikirana

Me Richard Gisagara na Me André-Martin Karongozi mu kiganiro n'umunyamakuru wa IGIHE i Paris nyuma y’urubanza

Alain Gauthier washinze umuryango CPCR aganira n’umunyamakuru wa IGIHE

[email protected]

Umukuru w'Igihugu yahuye n'abo bahanga mu bya siyansi n'ikoranabuhanga ku mugoroba wo ku wa 18 Ukuboza 2024, baganira ku ngingo zitandukanye zigamije guteza imbere ubumenyi n'ikoranabuhanga bikenewe mu gukora ibikoresho bikoreshwa mu mirimo itandukanye.

Iryo tsinda ryari riyobowe n'Umuyobozi Mukuru w'Inama y'Ubutegetsi ya AMRS, Prof. Wole Soboyejo.

Aba bahanga bari mu Rwanda aho bitabiriye Inama Mpuzamahanga ya AMRS ya 12, ihuje abahanga mu nzego zitandukanye barenga 500.

Abo bahanga barimo abashakashatsi, abo mu nganda zitandukanye, abarimu muri za kaminuza zitandukanye, bose bagamije kurebera hamwe uko ibikoresho bitandukanye byatezwa imbere bikajyana n'umuvuduko mu ikoranabuhanga Isi iri kugenderaho uyu munsi.

Itangazo ryashyizwe kuri X n'Ibiro by'Umukuru w'Igihugu rigira riti 'bari no kurebera hamwe uko bateza imbere ibijyanye n'ubumenyi, kubaka ubufatanya hagati y'ibigo bitandukanye ndetse banarebera hamwe igikenewe ngo ubushakashatsi, by'umwihariko ubuteza imbere Afurika, butezwe imbere.'

Mu biri kwigwaho harimo guteza imbere ikorwa ry'ibikoresho byo mu buvuzi, ibyo mu buhinzi, ingufu, ibyifashishwa mu bwubatsi bw'inzu zisanzwe n'ibikorwaremezo.

Iyi nama kandi iri kurebera hamwe uko hatezwa imbere ibikoresho bikoreshwa mu kubungabunga ibidukikije, ibyifashishwa mu kugeza amazi n'amashanyarazi ku baturage, ibyifashishwa mu bucukuzi bw'amabuye y'agaciro no kuyatunganya, ibikoresho by'ikoranabuhanga rigezweho, ibyo mu nganda n'ibindi.

AMRS ni umuryango Nyafurika wita ku bijyanye no guteza imbere ibikoresho bikoreshwa muri izo nzego zose hirya no hino ku Mugabane wa Afurika, ugahuriramo n'abashakashatsi batandukanye baba bahuriye ku mugambi umwe wo gusangira ubumenyi mu guteza imbere ikorwa ry'ibyo bikoresho.

AMRS yashinzwe mu 2000 mu nama yahuje abo bahanga bo muri Afurika n'abo muri Leta Zunze Ubumwe za Amerika, ibera i Pretoria muri Afurika y'Epfo.

Iyo nama yari yatewe inkunga n'Umuryango wo muri Amerika uteza imbere ibijyanye na siyansi, United States National Science Foundation (NSF), ku bufatanye n'undi nk'uwo wo muri Afurika y'Epfo (South African National Research Foundation: NRF).

Wari wahuje abarenga 70 bo mu bihugu 15 bya Afurika na Amerika. Bidatinze mu 2002 African MRS yamurikiwe ku mugaragaro i Dakar muri Senegal ari na ho inama ya mbere yabereye, kuva ubwo iyo nama imaze kubera mu bihugu nk'u Rwanda, Maroc, Tanzania, Nigeria, Zimbabwe, Ethiopia, Ghana na Botswana.

Perezida Kagame yaganiriye n’abo muri AMRS na ARIST

Perezida Kagame yari kumwe n’Umunyamabanga wa Leta muri Minisiteri y'Uburezi, Irere Claudette (ubanza iburyo) n’Umuyobozi Mukuru w'Inama y'Ubutegetsi ya AMRS, Prof. Wole Soboyejo (ubanza ibumoso)

Perezida Kagame yakiriye abo muri AMRS na ARIST baganira ku guteza imbere ubumenyi n’ikoranabuhanga byifashishwa mu ikorwa ry’ibikoresho bitandukanye

Abahuye na Perezida Kagame bari mu nama ya 12 ya AMRS

Abakuze bagera kuri 3 mu bantu 10 muri Leta Zunze Ubumwe za Amerika bari ku rwego rwo hasi cyane mu bumenyi bwo gusoma no kwandika, nk’uko ubushakashatsi bushya bw'Ikigo cy’Igihugu gishinzwe Ibarurishamibare mu Burezi (National Center for Education Statistics, NCES) bubigaragaza. 

Ubushakashatsi bwakozwe mu 2023 bwerekanye ko 28% by'abakuze bari ku rwego rwo hasi cyane mu bumenyi bwo gusoma no kwandika, ugereranyije na 19% babonetse mu bushakashatsi bwabanje bwo mu 2017. Peggy Carr, Umuyobozi wa NCES, yavuze ko uyu mubare wazamutse mu buryo “bukomeye” mu kiganiro n'abanyamakuru cyabaye ku wa Mbere. 

Yagize ati: “N'izamuka rikomeye ugereranyije n'ibisanzwe bigaragara mu bushakashatsi mpuzamahanga, cyane cyane ku bijyanye n'ubumenyi bwo gusoma no kwandika, kuko ari ibintu bikunze kuguma ku rwego rumwe,”. 

Ugereranyije n'ibindi bihugu byakorewemo ubushakashatsi, Leta Zunze Ubumwe za Amerika ntizahindutse cyane muri rusange, kuko ibihugu byinshi nabyo byagize igabanuka mu bumenyi hagati ya 2017 na 2023.

Ubushakashatsi bwiswe 'Survey of Adult Skills' bukorerwa mu bihugu birenga 20, ahanini bigize Umuryango w’Ubukungu bw’Isi (Organization for Economic Cooperation and Development). Bukora isesengura ku bumenyi bwo gusoma no kwandika, imibare, no gukemura ibibazo mu baturage bakuze. 

Ku kibazo cy'icyaba gitera iri gabanuka ry'ubumenyi bwo gusoma no kwandika mu bakuze muri Amerika, Carr yagize ati: “Biragoye kuvuga impamvu nyakuri.” Gusa ubushakashatsi buracyakomeje ngo hamenyekane impamvu ibitera nk’uko tubicyesha NBC News.

Umwanditsi: TUYIHIMITIMA Irene

Alarm Ministries iri mu matsinda yashinzwe bwa mbere mu Rwanda, dore ko yashinzwe mu 1999. Yakoze kandi ishyira ahagaragara indirimbo nyinshi ziri ku mitima ya benshi nka 'Turakomeye', 'Songa Mbele', 'Hashimwe', 'Jehovah ushyizwe hejuru' n'izindi nyinshi.

Mu Rwanda hari amatsinda atandukanye akunzwe mu muziki usingiza Imana aho twavugamo Gisubizo Ministries, Kingdom of God Ministries, True Promises Ministry, USEI Ministries, n’andi, gusa iyo uvuze Alarm Ministries, benshi babyumva kabiri dore ko yaboneye izuba amatsinda atari macye ya hano mu Rwanda ukongeraho kuba yarakoze indirimbo zinyuranye zahembuye benshi. 

Ikindi ni uko abaririmbyi ba Alarm Ministries batanze umusanzu ukomeye mu yandi matsinda yaba mu kubagira inama no mu kubabera urugero rwiza mu miririmbire.

Kugeza ubu, iri tsinda rigizwe n'abanyamuryango basaga 100 barimo abaririmbyi n'abandi bakora imirimo inyuranye mu murongo w'ivugabutumwa.

Mu 2019, iri tsinda ryakoze igitaramo bise '20 Years Anniversary Celebration Live Concert' bizihiza imyaka 20 yari ishize babonye izuba. Cyabereye mu ihema rya Kigali Cultural and Exhibition Village [KCEV] hahoze hitwa Camp Kigali.

Ku wa 2 Ukwakira 2022 nabwo Alarm Ministries bakoreye igitaramo bise ‘Alarm Sound Season 1’ muri Camp Kigali, mu rwego rwo guhimbaza Imana bataramana n’abakunzi babo nyuma y’imyaka ibiri yari ishize y’icyorezo cya Covid-19 batabasha gutaramana nabo kubera ingamba zagiye zikazwa hagamijwe kwirinda.

Mu mwaka ushize, umuramyi Josh Ishimwe wamamaye mu ndirimbo nka 'Yezu wanjye' n'izindi zihimbaza Imana yagiye asubiramo,  yiyambaje iri tsinda mu gitaramo cye cy mbere yise 'Ibisingizo bya Nyiribiremwa,' cyabereye muri Kigali Conference and Exhibition Village ahazwi nka Camp Kigali ku wa 20 Kanama 2023.

Alarm Ministries batumbagirijwe izina binanyuze mu ndirimbo zitandukanye zirimo nka Songa Mbele, Hariho impamvu, Hejuru y’Amajuru, Nzakomeza Nkwizere, Hashimwe, Goligota, Hahiriwe Umuntu n’izindi zitandukanye.

Muri Kanama uyu mwaka, iri tsinda ryizihije isabukuru y'imyaka 25 rimaze ritangiye umurimo w'ivugabutumwa mu buryo bw'indirimbo, ryishimira ibyagezweho muri icyo gihe.

Ubwo bizihizaga iyi sabukuru, Umunyamabanga wa Alarm Ministries, Gakunzi David yatangaje ko bashima Imana yabanye na bo kuko bitari byoroshye bitewe n'imbogamizi zitandukanye bahuye na zo muri urwo rugendo.

Ati 'Umusaruro ni mwinshi cyane twaragutse mu buryo bwose, abanyamuryango bariyongereye cyane kuko twatangiye turi icyenda none ubu turi 168 ndetse Imana yaduhaye ubushobozi budufasha kugera ku ntego zacu twari dufite zirimo n'ibikorwa tubasha kugenda dutegura.'

Gakunzi yagaragaje ko imbogamizi nyinshi bahuraga nazo zishingiye ku babacaga intege bagitangira ariko ko babashije guhangana na zo ndetse kuri ubu bakaba bahagaze neza mu muziki wo kuramya no guhimbaza Imana mu Rwanda.

Yagaragaje ko nyuma y'imyaka 25 bagiha ikaze abifuza gufatanya na bo umurimo w'Ivugabutumwa cyane ko bakira buri wese uturutse mu idini iryo ari ryo ryose kuko ari itsinda ritegamiye ku idini runaka.

Yahishuye ko bashyize imbere ibikorwa bitandukanye bigamije kwagura Ivugabutumwa rya bo birimo no gutangiza Umuryango wa Alarm Ministries muri Amerika.

Ku wa 31 Werurwe 2024, Alarm Ministries batanze ibyishimo bisendereye gitaramo cyo kwizihiza Pasika cyiswe 'Ewangelia Easter Celebration Concert', cyateguwe n'Umuryango wa Bibiliya mu Rwanda (BSR), hagamijwe gusoza ubukangurambaga bwiswe 'Shyigikira Bibiliya' bwatangijwe mu 2023.

Iki gitaramo cyatumiwemo abahanzi batandukanye bakunzwe mu ndirimbo zo kuramya no guhimbaza Imana n'amakorali yo mu madini n'amatorero atandukanye; barimo Israel Mbonyi, Zoravo ukomoka muri Tanzania, James na Daniella, Jehovah Jireh,  Shalom Choir ikorera umurimo w'ivugabutumwa mu Itorero rya ADEPR Nyarugenge n'abandi.  

Iri tsinda, rigiye gutarama mu gitaramo cyiswe 'Joyous Celebration Live in Kigali' itsinda 'Joyous Celebration' rikomeye mu muziki wo kuramya no guhimbaza Imana muri Afurika y'Epfo ryatumiwe i Kigali mu gitaramo bagiye gukorera muri BK Arena ku wa 29 Ukuboza 2024.

Joyous Celebration ni itsinda ry'abanyamuziki ryakoranye na Sony Music mbere y'uko mu 2021 batangira gukorana na Universal Music hamwe na Motown Gospel.

Iri tsinda rikunzwe bikomeye mu muziki wa Gospel muri Afrika, rimaze gukorera muri studio album umunani zisanga izindi icyenda bakoze mu buryo bwa Live, ndetse uyu munsi rigizwe n'abaririmbyi barenga 45.

Mu ndirimbo zabo zikunzwe cyane, harimo iyitwa ‘Bekani Ithemba,’ ‘Alikho Lelifana,’ ‘Awesome is your name,’ ”I Am the winner,’ ‘Who Am I,’ ‘Wenzile,’ ‘Wakhazimula,’ ‘Tambira Jehova,’ ‘Iyo Calvari’ n’izindi nyinshi zagiye zirebwa na za miliyoni kuri YouTube.

Joyous Celebration itegerejwe mu Rwanda mu gitaramo cyiswe “Joyous Celebration Live in Kigali”. Iki gitaramo cyateguwe na Sion Communication na Zaburi Nshya Events, kizaba tariki 29 Ukuboza 2024, muri BK Arena. Alarm Ministries iri mu bazaririmba muri iki gitaramo.

Igitaramo Joyous Celebration bazakorera mu Rwanda kiri mu bitaramo bikomeye 6 bagiye gukora mu mpera za 2024. Ni ibitaramo bise “Joyous Celebration 28 Summer Tour” bizaherekeza umwaka uyu mwaka.

Tariki 07 Ukuboza aba baririmbyi bo muri Afrika y’Epfo bazataramira muri Kimberly; tariki 15 Ukuboza bataramire muri Johanesburg muri Rhema Bible Church; tariki 16 Ukuboza bataramire muri Mafikeng muri Mbatho Convention Center;

Tariki 20 Ukuboza aba baririmbyi bazataramira muri Malawi mu Mujyi wa Lilongwe muri Bingu International Conventional Centre; tariki 29 Ukuboza bataramire mu Rwanda mu Mujyi wa Kigali muri BK Arena, naho tariki 31 Ukuboza bataramire muri Mayine (Durban) muri ICC.

Alarm Ministries bagiye kongera gutaramira muri BK Arena ku nshuro ya kabiri muri uyu mwaka

Bagiye gutaramana na Joyous Celebration mu gihe bizihiza imyaka 25 bamaze mu ivugabutumwa

Baherukaga muri BK Arena bafasha abakristo kwizihiza Pasika

Alarm Ministries bategerejwe mu gitaramo kizafasha Abanyarwanda by’umwihariko abemera Imana gusoza neza umwaka wa 2024

Gentil Misigaro w’izina rikomeye mu muziki wo kuramya no guhimbaza Imana na we agiye kugaruka mu Rwanda ku bwa ‘Joyous Celebration Live in Kigali’

Iki gitaramo cyitezweho gushyira Gospel Nyarwanda ku rwego rutangaje