Blog

Iyi nkunga yashyikirijwe umuyobozi muri Minisiteri y'Uburezi kuri uyu wa 03 Mutarama 2025, mu busabane hagati y'Abanyarwanda baba mu mahanga bwabereye ku cyicaro cya Minisiteri y'Ububanyi n'Amahanga n'Ubutwererane, MINAFFET.

Muri Kamena 2024 ni bwo hatangijwe gahunda ya 'Dusangire Lunch', hagamijwe ko abana bose bagerwaho n'ifunguro rya Saa Sita, na cyane ko hari ababyeyi birengagizaga uruhare rwabo muri iyo gahunda.

Umuyobozi w'Umuryango w'Abanyarwanda baba muri Queensland, Renatus Mulindangabo, yavuze uko ibihe bizagenda biha ibindi ari ko umusanzu wabo uzagenda urushaho kwaguka.

Ati 'Ni igikorwa duteganya ko twazajya dukora buri mwaka uko tuje iwacu tukanafasha. Habaye ubukangurambaga, ubu ni intangiriro ariko twizera ko mu bihe bizaza n'abandi bazaba bamaze kubyumva neza, twaje turi benshi bigaragaza ko iyi gahunda ishyigikiwe bityo twizeye ko izakomeza.'

Iyi nkunga yatanzwe, yakusanyijwe binyuze mu Muryango Nyarwanda wo muri Australia, by'umwihariko muri gahunda batangije umwaka ushize muri Nzeri ya 'Coming Home' aho bifuje kuzajya baza gusabana n'Abanyarwanda buri mwaka ariko bakagira n'ibikorwa bizamura iterambere n'imibereho myiza bakora.

Umuyobozi Mukuru ushinzwe Politiki n'Igenamigambi muri Minisiteri y'Uburezi, Rose Baguma, washyikirijwe iyi nkunga, yashimiye uruhare rw'aba Banyarwanda mu guharanira ireme ry'uburezi mu Rwanda, aboneraho no guhamagarira buri wese gutanga umusanzu.

Minisitiri w'Ububanyi n'Amahanga n'Ubutwererane, Amb. Olivier Nduhungirehe, yashimye umusanzu Umuryango w'Abanyarwanda baba mu mahanga utanga mu guteza imbere ubukungu bw'u Rwanda binyuze mu bikorwa bitandukanye.

Ati “Umusanzu wanyu mu guteza imbere ubucuruzi, uburezi, umuco n'imibereho myiza y'abaturage bigaragarira buri wese mu bikorwa by'indashyikirwa. Twabonye ubwitange muri gahunda zitandukanye nka 'Dusangire Lunch' zagize uruhare rugaragara ku Banyarwanda ndetse n'igihugu muri rusange.”

Muri Nzeri umwaka ushize, Minisiteri y'Uburezi yatangaje ko imaze gukusanya miliyoni 143 Frw muri gahunda yo kugaburira abanyeshuri ya 'Dusangire Lunch'.

Aya mafaranga yariyongereye kubera ko ibigo n'abantu ku giti cyabo bakomeje gutanga umusanzu, aho nko mu Ukwakira mu 2024, MTN yatanze miliyoni 30 Frw yo kuzifashishwa n'ibigo by'amashuri mu kunganira Leta guha amafunguro abanyeshuri 10.000 mu mwaka w'amashuri wa 2024/25.

Abanyeshuri barenga miliyoni 3,9 ni bo bagaburirwa ku mashuri.

Umuyobozi w’Umuryango w’Abanyarwanda baba muri Queensland, Renatus Mulindangabo, yavuze uko ibihe bizagenda biha ibindi ari ko umusanzu wabo uzagenda urushaho kwaguka

Umuyobozi Mukuru ushinzwe Politiki n’Igenamigambi muri Minisiteri y’Uburezi, Rose Baguma, yashimiye uruhare rw'aba Banyarwanda mu guharanira ireme ry'uburezi mu Rwanda

Minisitiri Amb. Olivier Nduhungirehe yabashimiye gutanga umusanzu uharanira iterambere ry’u Rwanda

Umuryango w'Abanyarwanda baba muri Australia watanze inkunga ya miliyoni 4 Frw, azifashishwa mu kunganira Leta n'ababyeyi muri gahunda yo kugaburira abana ku mashuri izwi nka 'Dusangire Lunch'

Nibwo bwa mbere Amb. Olivier Nduhungirehe, yari aganiriye n'Abanyarwanda baba mu bihugu bitandukanye ku Isi nka Minisitiri w’Ububanyi n’Amahanga

Ubu busabane bwari bwitabiriwe n’Abanyarwanda barenga 138 batuye mu bihugu 40 hirya no hino ku isi

Mu 2023, Abanyarwanda baba mu mahanga barohereje mu gihugu miliyoni 504,7 z'amadolari ya Amerika mu gihugu

Amafoto: Kwizera Hervé

Ni ingingo yagarutseho ubwo yagezaga ijambo ku bari bitabiriye ubusabane hagati y'Abanyarwanda baba mu mahanga bwabaye ku wa 03 Mutarama 2025.

Ubu busabane bwari bwitabiriwe n'Abanyarwanda barenga 130 baba mu bihugu birenga 40 byo ku migabane yose y'Isi. Bwabereye ku cyicaro cya Minisiteri y'Ububanyi n'Amahanga n'Ubutwererane, MINAFFET.

Minisitiri Amb. Olivier Nduhungirehe yashimye umusanzu Umuryango w'Abanyarwanda baba mu mahanga utanga iwabo, ariko anabasigira umukoro muri ibi bihe byo gutangira umwaka mushya.

Yagize ati 'Icyo tubasaba ni ugukomeza kugendana u Rwanda aho bari, kuko ni bo ba ambasaderi ba mbere b'igihugu. Hari henshi hatari ambasade z'u Rwanda cyangwa abambasaderi cyangwa abadipolomate batagera ariko bo bari, kandi ari bo shusho ya mbere y'u Rwanda abo banyamahanga bahura na yo,'

'Turabasaba gukomeza kuvuganira u Rwanda, kururengera, gukomeza gukangurira abanyamahanga gusura u Rwanda, kurushoramo imari, kuko u Rwanda ni urwa bose yaba intara eshanu n'intara ya gatandatu ya diaspora.'

Minisitiri Amb. Olivier Nduhungirehe yashimiye Abanyarwanda baba mu mahanga bagize uruhare mu kuzamuka k'ubukungu bw'igihugu, aho bohereje miliyoni 504,7 z'amadorali ya Amerika mu Rwanda mu 2023, ku miryango n'incuti zabo ndetse no mu bikorwa by'ishoramari.

Ni amafaranga menshi ugereranyije n'ayavuye mu Rwanda yoherezwa hanze muri uwo mwaka kuko yari miliyoni 47,2 z'amadorali ya Amerika gusa.

Ati 'Ntabwo bihagararira aho gusa kuko umusanzu wabo ugaragarira mu bindi bikorwa birimo gusangiza ubumenyi, mu kwigisha urubyiruko umuco Nyarwanda n'ururimi kuko usanga akenshi bigoye ku bana bavukiye cyangwa bakuriye mu mahanga kumenya Ikinyarwanda. Bakora akazi gakomeye.'

Ku rundi ruhande ariko, n'ubwo aba Banyarwanda basabwe guharanira isura nziza y'u Rwanda imahanga, nabo biyemeje gukomeza guharanira iterambere ry'ubukungu mu gihugu cyabo.

Umushoramari w'Umunyarwanda utuye muri Leta Zunze Ubumwe za Amerika, Irene Basil Masevelio, yavuze ko mu myaka ine ishize atangiye gushora imari mu Rwanda amaze kugera kuri byinshi, kandi yiteguye gukomeza umurongo yihaye.

Ati 'Natangiye gushora imari mu Rwanda kuva mu 2020 kandi maze kugira ryinshi, ariko ibyo byose dukora harimo imfashanyo ya Leta.'

Munyejabo Steven, nawe ni Umunyarwanda, watangije ikigo cyita ku bageze mu zabukuru mu Rwanda, yise Iwacu 'Dignity Home Care'. Kugeza ubu iki kigo kimaze kunyuramo abantu 78 kikaba kibamo abandi 14 by'igihe kirekire.

Yabwiye IGIHE ko 'Mu bijyanye n'ubumenyi cyangwa ubushobozi, hari icyo diaspora ikora kuko ubona ko bamaze gutanga umusanzu ufatika. Bakomerezeho kandi urabona ko bafite gukorera hamwe kuko urabona ko aho baba hose ku Isi bafite ubushake, twavuze ko tugomba gutanga umusanzu.'

Muri gahunda ya NST2 byitezweho ko aba Banyarwanda baba mu mahanga nabo bazagira uruhare rukomeye mu kugeza igihugu ku iterambere cyifuza.

Minisitiri w'Ububanyi n'Amahanga n'Ubutwererane, Amb. Olivier Nduhungirehe, yasabye Abanyarwanda baba mu mahanga gusigasira isura nziza y'igihugu cyabo

Umushoramari w'Umunyarwanda utuye muri Leta Zunze Ubumwe za Amerika, Irene Basil Masevelio, yijeje gukomeza gushora imari mu Rwanda

Umuyobozi Mukuru wa Rwanda Stock Exchange, Pierre Celestin Rwabukumba, yakanguriye Abanyarwanda baba mu mahanga kuyoboka isoko ry’imari n’imigabane ry’u Rwanda anabagaragariza amahirwe arimo

Bashimiwe uruhare rwabo mu iterambere ry’u Rwanda

Ibigo bitandukanye byari bihagarariwe kugira ngo bisobanure serivisi zabyo kuri aba Banyarwanda baba mu mahanga

Ubu busabane bwabereye ku cyicaro cya Minisiteri y'Ububanyi n'Amahanga n'Ubutwererane, MINAFFET

Ubu busabane bwari bwitabiriwe n'Abanyarwanda barenga 130 baba mu bihugu birenga 40 byo ku migabane yose yo ku Isi

Bamwe mu bahawe umwanya bashimiye uburyo Minisiteri y’Ububanyi n’Amahanga iborohereza mu bikorwa byabo mu gihugu

Nibwo bwa mbere Amb. Olivier Nduhungirehe, yari aganiriye n'Abanyarwanda baba mu bihugu bitandukanye ku Isi nka Minisitiri w’Ububanyi n’Amahanga

Mu 2023, Abanyarwanda baba mu mahanga barohereje mu gihugu miliyoni 504,7 z'amadolari ya Amerika mu gihugu

Amafoto: Kwizera Hervé

Uko ibinyabiziga byiyongera mu mihanda, bijyana n'iterambere bikanajyana kandi no kwakira ikoranabuhanga rishya muri polisi cyane ishami rishinzwe umutekano wo mu muhanda. Kuri ubu hari hamenyerewe camera zifashishwa mu kugenzura umuvuduko benshi bise 'sofiya'.

Umuvugizi wa Polisi y'u Rwanda, ACP Boniface Rutikanga, yabwiye RBA ko drone zizongerwa mu buryo bwari busanzwe bwo kugenzura umutekano wo mu muhanda.

Ati 'Umwaka wa 2025 turashaka gukoresha ikoranabuhanga cyane kurusha ikindi kugira ngo abantu bumva ko duhana, turengera cyangwa ngo duhisha camera…ushaka gutesha agaciro ikosa yakoze ashaka kumvikanisha ko tuba tutababonye,'

'Ntabwo rero tekinoliji igomba kugaragara igihe cyose. Tuzabibabwira ko tuzakoresha camera zo mu muhanda zikurikirana amakosa, ariko turatekereza no gukoresha za drone, ko aho bishoboka igomba kujya icunga umutekano wo mu muhanda kugira ngo dukurikirane ibikorwa ibyo ari byo byose bifitanye isano n'umuvuduko n'andi makosa.'

Abatwara ibinyabiziga bo bavuze ko ubu buryo buzakoresha umucyo mu guhana amakosa akorerwa mu mihanda.

Umwe yagize ati 'Iryo terembere ni ryiza mu gihugu, kuko njyewe nemera ko nta muntu rizahohotera. Njyewe mpagaze ku kintu kidahohotera umushoferi cyangwa umunyarwanda muri rusange.'

Mu gihe u Rwanda rwaba rutangije gukoresha izi drone mu gucunga umutekano wo mu muhanda, rwaba rubaye igihugu cya gatatu muri Afurika nyuma ya Ghana na Afurika y'Epfo bo basanzwe bazikoresha.

Uretse gufata amashusho y'indirimbo cyangwa filimi, mu Rwanda drone zimenyerewe cyane mu rwego rw'ubuzima aho Ikigo cya Zipline cyatangijwe ku gitekerezo cyo kugeza ibikoresho by'ubuvuzi ahantu hagoranye byoroshye mu gutabara abarwayi, bazahazwaga no kutegerezwaho imiti amaraso n'ibindi bikoresho byo kwa muganga ku gihe.

Zipline Rwanda ifite imihanda irenga 500 indege zayo zinyuramo zijyanye ubutumwa, ibyumvikana ko n'ahantu zigwa hangana n'uwo mubare.

Kuva mu 2016, ubu iki kigo kimaze kugeza serivisi zacyo mu bitaro 654 birimo amavuriro mato arenga 100, gishyira amaraso, imiti n'inkingo n'ibindi bikoresho byo mu buvuzi. Ubu 35% by'ubutumwa gitanga buba ari inkingo n'intanga biterwa amatungo.

Mu bihugu izi drone zatangiye gukoreshwa byagaragaye ko zitanga umusaruro

Ibi Minisitiri Nsengimana yabitangaje kuri uyu wa 3 Mutarama 2025 ubwo yari muri Kigali Pelé Stadium areba uburyo igikorwa cyo gutwara abana basubira ku mashuri mu gihembwe cya kabiri kimeze.

Yavuze ko kuri uyu munsi wa mbere w'izo ngendo ubwitabire bwabaye bukeya, bituma imodoka zagombaga kubatwara zirirwa zibategereje kandi ko ibyo biteza igihombo ku bigo bitwara abagenzi.

Mu masaha ya saa munani muri Kigali Pelé Stadium hari hari banyeshuri bake ku buryo imodoka y'abajya mu karere runaka yuzuraga hashize umwanya munini.

Ni mu gihe ababyeyi na bo bari bagikomeje kubazana ariko ku muvuduko muto kuko ari byo byatumaga abahageze bamara umwanya munini bategereje abandi kandi imodoka ziparitse zibategereje.

Minisitiri Nsengimana yagize ati 'Iyo abana bataje imodoka ziba zaje kubatwara zirahomba kuko ziba zahagaritse akandi kazi. Iyo ba nyirazo tubatumiye ngo bagaruke gutwara abanyeshuri ntabwo baza cyangwa bakaza batabyishimiye kuko icyo gihombo ni bo baba bahura na cyo. Ubu ni bwo bwa nyuma icyo gihombo kigiye kuri ba nyiri imodoka kuko guhera ubu gukomeza icyo gihombo kizajya kijya ku babyeyi batohereje abana babo ku gihe kugira ngo ibintu bigende neza'.

Icyo gihe yavugaga ni ukubahiriza umunsi wo kugenda no kuba abanyeshuri bageze ahateganyijwe bitarenze saa cyenda z'amanywa kuko ari bwo babasha kugera ku ishuri butarira cyane.

Yongeyeho ko Minisiteri y'Uburezi iba yakoze uko ishoboye kose ngo abayeshuri bagere ku ishuri ku gihe kandi ko ababyeyi bayubahirije byajya bifasha ingendo kugenda neza n'amasomo agatangira nta nkomyi.

Bamwe mu babayeyibaru baherejeje abana babo bagiye ku ishuri baganiriye na IGIHE, bavuze ko bumva neza icyo bivuze kohereza ku ishuri abana kare.

Muhawenimana Médiatrice wari uherekeje umwana we agiye kwiga i Muhanga yagize ati 'Iyo igihe kigeze umwana aba agomba kujya ku ishuri kuko buriya ni ubumenyi baba bagiye gushaka twe tudashobora kubaha. Ababyeyi bumva ko bari kubanza kubitaho ni ubujiji kuko no ku ishuri barabagaburira kandi ibyo biryo banagaruka bakabisanga'.

Nizeyimana Gracien na we wari uherekeje umwana we ku ishuri yavuze ko kuzana umwana kare bituma atangira amasomo nta gihunga cy'ayamucitse afite kandi ko n'abatarabona amafaranga y'ishuri bashobora kuvugana n'ibigo bakazayohereza aho gukerereza abana.

Kuri uyu munsi wa mbere w'ingendo zisubira ku mashuri hari hagenewe kugenda abanyeshuri biga mu turere twa Muhanga, Nyaruguru, Ngororero, Musanze, Ngoma na Kirehe.

Ni mu gihe ingedo z'abanyeshuri zizakomeza uko zapanzwe kugeza ku itariki 6 Mutarama 2025 kuko amasomo azatangira bukeye bwaho ku itariki 7.

Minisitiri w'Uburezi, Nsengimana Joseph yavuze ko ababyeyi batohereza abana ku ishuri uko byagenwe bashobora kujya birengera igihombo bateza imodoka ziba zaje kubatwara

Ubwo abanyeshuri basubira ku ishuri bari bategereje imodoka muri Kigali Pele Stadium

Abanyeshuri basubira ku ishuri bari bake cyane

Imodoka zuzuraga hashize umwanya munini

Abarimu Minisitiri w’Uburenzi, Nsnegimana Joseph, n’Umuyobozi Mukuru wa NESA, Dr. Bahati Bernard, baje gukurikirana iki gikorwa

Umugabane wa Afurika ufite ahantu henshi nyaburanga ndetse n'ahandi habumbatiye amateka akomeye, ku buryo usanga hakurura ba mukerarugendo ndetse n'abashoramari baturuka ku yindi migabane.

No muri uyu mwaka wa 2025 umaze iminsi gusa utangiye, uyu mugabane ukomeje guca agahigo mu gukurura abanyamahanga bitewe n'ubwiza bwawo ndetse n'amateka wihariye. Kuva ku misozi myiza, inzu ndangamurage n'ibindi, byakomeje guteza imbere urwego rw'ubukererarugendo muri Afurika nyuma y'Icyorezo cya COVID-19.

Ibihugu birimo u Rwanda, Afurika y’Epfo, Ibirwa bya Maurice, Botswana, Misiri, Kenya, Tanzania, Morocco, Tunisia na Namibia nibyo byaje ku rutonde rw’ibihugu bifite ahantu hihariye hakwiye gusurwa mu 2025. 

Buri hantu hashyizwe kuri uru rutonde, hihariye amateka yaho. Nk’Urwibutso rwa Jenoside rwa Kigali, ruruhukiyemo imibiri isaga ibihumbi 250 y’inzirakarengane zishwe muri Jenoside yakorewe Abatutsi muri Mata 1994.

Muri nzeri 2023, uru rwibutso ndetse n'izindi zirimo urwa  Murambi ruherereye mu Karere ka Nyamagabe rushyinguyemo imibiri isaga ibihumbi 50, urwa Bisesero ruherereye mu Karere ka Karongi rushyinguyemo imibiri isaga ibihumbi 50 n’urwibutso rwa Nyamata rushyinguyemo imibiri isaga ibihumbi 45, zashyizwe mu  murage w’Isi wa UNESCO.

Ibi, abasesengura amateka ya Jenoside bemeza ko bishimangira uburemere n’agaciro amahanga aha Abatutsi basaga Miliyoni bishwe mu gihe cya Jenoside bazira ubwoko bwabo.

Mu mwaka ushize wa 2024, abanyamahanga benshi baje mu Rwanda ntibashoboraga gusubira iwabo badasuye Urwibutso rwa Jenoside rwa Kigali, ndetse bakanatanga ubutumwa bushishikariza amahanga kuhasura kuko habumbatiye amateka akwiye kuba isomo ku batuye Isi bose.

Pariki y'Igihugu y'Ibirunga na yo yashyizwe ku rutonde rw'ahakwiye gusurwa cyane muri Afurika, ni imwe mu zamamaye ku rwego mpuzamahanga, akamaro ifitiye abayituriye ntikagarukiye ku gutanga amahumbezi gusa, ahubwo amafaranga yinjiza yagize uruhare mu guhindura imibereho y'abahatuye binyuze mu bikorwaremezo bubakiwe.

Pariki y'Igihugu y'Ibirunga yamamaye kubera ingagi zo mu misozi miremire icumbikiye zikurura abatari bake bafitiye amatsiko ibi binyabuzima biboneka hake ku Isi.

Ikiyaga cya Kivu cyaje mu hantu hakwiye kurushaho gukurura ba mukerarugendo muri uyu mwaka, gifite ubuso bwa km² 2700. Gikora ku turere two mu Rwanda turimo Rubavu, Rutsiro, Karongi, Nyamasheke na Rusizi.

Ubukerarugendo bwinjirije u Rwanda miliyoni 620$ mu mwaka wa 2023, mu gihe byari biteganyijwe ko mu mwaka wa 2024 bushobora kuzamuka bukagera kuri miliyoni 660$ nk'uko bigaragara muri Raporo ya Banki y'Isi igaragaza uko ubukungu bw'igihugu buhagaze n'ibizafasha kugera ku iterambere ridaheza kandi rirambye.

Ishami ry’Umuryango w’Abibumbye ryita ku bukerarugendo ku isi rivuga ko Afurika yongeye kuzahuka mu bijyanye n'ubukerarugendo mu 2023, aho abayisura biyongereye cyane ugereranije n'uko imibare yari ihagaze mbere y'icyorezo cya COVID-19 cyanyeganyeje ubukungu bw'Isi.

Nk'uko bitangazwa n'ikigo cyitwa Stastista, biteganyijwe ko isoko ry'ingendo n'ubukerarugendo muri Afurika rizinjiza agera kuri miliyari 25.16 z'amadolari y'Amerika mu 2025, bivuze ko hazabaho izamuka rya 7.45% ugereranije n'umwaka ushize.

Aha niho hantu 10 heza ukwiye gusura mu 2025 hashingiwe ku bushakashatsi bw'ikigo cya Travel and Tour World (TTW):